ཟླ་འདིའི་ཕྱི་ཚེས་༡༩ཉིན་ནས་བོད་ཁྱིམ་སློབ་གྲྭ་ཁག་གི་དུས་ཡུན་ཟླ་གཉིས་ཀྱི་དགུན་ཁའི་གུང་གསེང་ལ་འཁེལ་ཡོད་པ་ལྟར། ད་ལོའི་བོད་ཁྱིམ་སློབ་གྲྭ་ཁག་གི་གུང་གསེང་སྐབས་དང་བསྟུན་ངྷ་ས་ནས་རྒྱལ་ས་ལྡི་ལིར་བསྐྱོད་པའི་རླངས་འཁོར་གྱི་འཛིན་བྱང་རིན་གོང་ཡང་མཐོ་རུ་ཕྱིན་ཏེ། ད་ཆར་འཛིན་བྱང་རེར་ཧིན་སྒོར་༦༠༠ ནས་ ༨༠༠ལ་སྤར་ཡོད་འདུག
དེའི་ཐད་ངྷ་ས་ས་གནས་མགོ་འཛིན་བསོད་ནམས་རྡོེ་རྗེ་ལགས་ཀྱིས་བརྗོད་དོན་ལྟར་ན། ལོ་ལྟར་བོད་ཁྱིམ་སློབ་གྲྭ་ཁག་གི་དགུན་ཁའི་གུང་གསེང་སྐབས། ངྷ་སའི་ས་གནས་འགྲིམ་འགྲུལ་ལས་ཁུངས་ཁག་གིས་རླངས་འཁོར་གླ་ཆ་སྤར་གྱི་ཡོད་པ་དང་། དེ་ནི་གཙོ་བོ་གུང་གསེང་སྐབས་སློབ་ཕྲུག་ཚོ་རྒྱ་བལ་འབྲུག་གསུམ་གྱི་ས་ཆ་གང་སར་ལོག་བཞིན་པར་ཆེད་དུ་དམིགས་པ་ཞིག་ཡིན་འདུག
གསར་འགོད་པས་ས་གནས་མགོ་འཛིན་ལགས་སུ་སློབ་མ་ཚོར་སྒོར་མོའི་དཀའ་ངལ་ཡོད་སྟབས། བདེ་དོན་ལས་ཁུངས་ཀྱིས་དཀའ་ངལ་སེལ་ཐབས་ཀྱི་ཐབས་ཤེས་གནང་གི་ཡོད་མེད་དྲིས་པར་ཁོང་གིས། “ སྤྱིར་ཡིན་ན་རྒྱལ་ཁབ་དང་ས་གནས་གང་འདྲ་ཞིག་ཡིན་རུང་། མངའ་སྡེ་ཞིག་ནས་མངའ་སྡེ་གཞན་ཞིག་ལ་འགྲོ་དགོས་ན། འཛིན་བྱང་ཕྱེད་བཅག་གིས་ཆག་ཡང་གཏོང་གི་ཡོད་པ་རེད། ཡིན་ནའང་། ལོ་ལྟར་བོད་ཁྱིམ་སློབ་གྲྭའི་གུང་གསེང་སྐབས། ངྷ་ས་རླངས་འཁོར་ཁ་ལོ་པ་ཚོས་སློབ་ཕྲུག་ཚོར་རླངས་འཁོར་གླ་ཆ་གཅོག་རྒྱུའི་ཚབ་ལ་སྒོར་མོ་ཚོད་མེད་སྤར་གྱི་ཡོད་པ་རེད། ཉེ་ཆར་ང་རང་ཀ་ཅཱ་རཱ་གྲོང་རྡལ་སྤྱི་ཁྱབ་འགྲིམ་འགྲུལ་ལས་ཁུངས་སུ་ཕྱིན་ཏེ། འབྲེལ་ཡོད་མགོ་ཁྲིད་ལ་སློབ་ཕྲུག་ཚོར་གླ་ཆ་སྤར་ན་འོས་འཚམ་མིན་པ་དང་། རླངས་འཁོར་གླ་ཆ་དེ་སྔོན་མ་ལྟར་རང་འཇགས་སུ་འཇོག་དགོས་པའི་འབོད་སྐུལ་བཅས་ཞུས་པ་ཡིན། ཁོང་ཚོས་ཀྱང་གནད་དོན་དེའི་ཐོག་གྲོས་བསྡུར་བྱ་རྒྱུ་ཡིན་ ” ཞེས་བརྗོད་བྱུང་།
བོད་ཕྲུག་ཁྱིམ་སྡེའི་དགུན་ཁའི་གུང་གསེང་དེ་ཟླ་འདིའི་ཚེས་ ༡༩ ཉིན་འཁེལ་ཡོད་འདུག་ལ། ད་ཆར་བོད་ཕྲུག་ཁྱིམ་སྡེའི་སློབ་གྲྭ་ཁག་ལ་ཁྱོན་སློབ་མ་ཆིག་ཁྲི་ ༡༠༠༠༠ ལྷག་ཡོད་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
རིན་གོང་སྤར་བ་དེ་ཧ་ཅང་ཡག་པོ་འདུག ང་ཚོའི་རིགས་འདི་ཡོད་མདོག་བྱེད་པ་ལ་དགའ་མཁན་ཞིག་ཡིན་སྟབས་ཡག་པོ་རེད། དེ་མིན་རིན་གོང་ཁེ་བོའི་རིགས་ཀྱི་རླངས་འཁོར་མིག་ནང་ལ་འཇོག་ན་རིན་གོང་ཁེ་བོ་ཡང་མ་མང་ན་མི་ཉུང་བ་རེད། ཨག་སྐད་འདོན་དགོས་པ་མེད་དོ།
རྒྱ་གར་ཡུལ་ལུང་འདི་ཡི་ནང་རིན་གོང་ཆེ་ཆུང་འདྲ་མིན་དང་། བཟང་ངན་སྣ་ཚོགས་ཤིག་ཡོད་པས་རིན་གོང་ཆུང་ས་དང་བཟང་ས་ནས་གདམས་གནང་ན་འགྲིགས་པ་ལས། སྣུམ་འཁོར་གྱི་གླ་སོགས་འཕར་ཡོད་སྐོར་བརྗོད་ནས་བསྡད་ན་དོན་མེད་ཡུལ་མིའི་སེམས་འཁྲུག་རོགས་དང་རང་གཞན་ཚང་མ་མ་སྐྱིད་པ་ཡོང་རྒྱུ་ཉག་ཅིག་ཡིན་པ་ལས་གཞན་གྲུབ་འབྲས་གང་ཡང་མི་ཐོན། བྱ་སྔ་མ་ཤི་བའི་རོ་ལ་ལྟོས། ཟེར་བའི་དཔེ་ལ་བསམ་བློ་ཞིག་མཐོངས་དང་།
འབྲེལ་ཡོད་མི་སྣས་འགན་འཁུར་བཞིན་པ་ཡག་པོ་རེད། མ་གཞི་ནས་ཚོང་ལས་པ་དང་སྲིད་དོན་པའི་རིགས་གནག་སེ་ཡོད་པ་རེད།
་་་་་ཆིག་ཁྲི་ ༡༠༠༠༠ ལྷག་ཡོད་འདུག་་་་
ཆིག་ཁྲི་ལྷག་ཡོད་འདུག ་ཅེས་པས་འཐུས།
མ་གཞི་ནས་བཅུ་ལྷག་དང་བརྒྱ་ལྷག་ཅེས་འབྲི་བ་ལས། ༡༠ལྷག་དང་༡༠༠ལྷག་སོགས་འབྲི་མི་འོས། རྒྱུ་མཚན་ཅི།
དེ་འདྲ་ཡིན་ན་བོད་པ་ཚོ་སྤྱིར་བཏང་གི་རླངས་འཁོར་ལ་བསྡད་ན་འགྲིག་གི་རེད། ཡིན་ཅིག་མིན་ཅིག་གོང་ཆེ་བའི་རླངས་འཁོར་ལ་བསྡད་དགོས་པ་ཡོད་མ་རེད།
རྒྱ་གར་གཞུང་གི་རླངས་འཁོར་ལ་བསྡད་ན་རིན་གོང་ཆུང་བ་ཚང་མས་ཤེས་གི་རེད།
ངྷ་སའི་རླངས་འཁོར་ཁ་ལོ་པ་ཚོས་རླངས་འཁོར་གྱི་གླ་ཆ་ཧིན་སྒོར་1000བྱེད་ན་ང་ཚོ་བཙན་བྱོལ་ཡོད་པའི་ཕྲུག་གུ་སོ་སོའི་དོ་བདག་རྣམས་ཀྱིས་བསམ་ཤེས་བྱེད་དགོས་པ་ཚིག་མ་རེད་དམ་
མི་རིགས་གང་ཡིན་ཀྱང་ད་ལྟའི་གནས་སྐབས་འདིར་ཤེས་ཡོན་རྩ་ཆེན་འཛིན་བཞིན་པ་ནི་མངོན་སུམ་དུ་གྱུར་ཡོད་པ་དང་། རང་རེའི་བོད་པས་ཀྱང་ཤེས་ཡོན་རྩ་ཆེན་འཛིན་བཞིན་ཡོད་ཀྱང་། མི་རིགས་ལ་ཤ་ཞེན་མེད་མཁན་དང་། ཡུལ་ཁྲིམས་ལ་བརྩི་འཇོག་མེད་མཁན་རེ་ཟུང་གིས་འདོད་རྔམ་ཁོ་ནས་ལས་ཀ་འདི་འདྲ་བྱེད་ཚེ། གཞུང་དང་མི་དམངས་གཉིས་ཀས་དོ་སྣང་བྱེད་དགོས།
གུང་གསེང་དུས་ཡུན་ཙམ་ལ་སྒོར་༢༠༠སྤར་བ་ཡིན་ནམ། ལོ་ལེར་སྒོར་༢༠༠སྤར་རྒྱུའི་འཆར་གཞི་ཡང་ཡོད་པ་ཡིན་ནམ།