འདས་པའི་ལོ་དུ་མའི་རིང་ཨ་རིའི་གཞུང་གིས་ལྷ་ས་གྲོང་ཁྱེར་དུ་ཨ་རིའི་གཞུང་ཚབ་ཁང་ཞིག་གསར་འཛུགས་བྱེད་རྒྱུའི་འཆར་གཞི་བཏོན་པ་དང་། ཐབས་ཤེས་འདྲ་མིན་བྱས་ཀྱང་གྲུབ་འབྲས་མ་སོན་སྟབས། ཉེ་ཆར་ལྷ་སར་བོད་རྒྱ་དབྱིན་གསུམ་གྱི་སྐད་ཡིག་ཐོག་ཡོད་པའི་ ༼ལྷ་སའི་ཨ་རིའི་དྲ་འབྲེལ་གཞུང་ཚབ་ཁང་༽ ཞེས་པའི་དྲ་རྒྱ་གསར་པ་ཞིག་དབུ་འབྱེད་བྱས་ཡོད་འདུག
དྲ་རྒྱ་དེ་བོད་ཡིག་དང་རྒྱ་ཡིག དབྱིན་བཅས་སྐད་ཡིག་གསུམ་གྱི་ཐོག ངོ་སྤྲོད་སྡེ་ཚན་དང་བྱ་འགུལ། ཨ་རི་རྒྱུས་ལོན་བྱེད་པ་བཅས་སྡེ་ཚན་གསུམ་དང་། ལོ་ངོ་ ༣༠ རིང་གི་རྒྱ་ནག་དང་ཨ་རིའི་འབྲེལ་ལམ། ཨ་རིའི་མི་སེར་ཞབས་ཞུ། ཕྱི་བསྐྱོད་ལག་འཁྱེར་ཞུ་ཕྱོགས། ཨ་རིའི་ནང་ལས་ཀའི་ས་མིག་འཚོལ་ཕྱོགས་བཅས་བཀོད་འདུག་ལ། ངོ་སྤྲོད་ཀྱི་ལེན་ཚན་ནང་། ཨ་རིའི་ལམ་ཡིག་ཞབས་ཞུ་དང་ཁྲིན་ཏུའུ་ཨ་རིའི་གཞུང་ཚབ་ཁང་ཨ་རིའི་མི་སེར་ཞབས་ཞུ་ལྟེ་གནས། གསལ་བསྒྲགས། དོན་རྐྱེན་ཚབས་ཆེན་སྐོར་བཅས་ནང་གསེས་ཁག་དང་། ཨ་རི་རྒྱུས་ལོན་བྱེད་པ་ཞེས་པའི་ནང་། ཨ་རིའི་དཔེ་མཛོད་ལྟེ་གནས། གཞན། ཨ་རིའི་གཞུང་ཚབ་ཀྱི་འབྲེལ་ཡོད་དཔོན་རིགས་ལྷ་ས་གཙོས་བོད་ཀྱི་ས་ཁུལ་ཁག་གི་ནང་གཟིགས་སྐོར་དུ་ཕེབས་པའི་སྐོར་དང་གཞུང་ཚབ་ཁང་གིས་བོད་ནང་སྤེལ་བའི་བྱ་འགུལ་སྐོར་གྱི་གསར་འགྱུར་སོགས་བཀོད་འདུག
དྲ་རྒྱའི་ཁ་བྱང་། www.tibetan.lhasa.usvpp.gov ཡིན་འདུག
གསར་འགོད་པ། དོན་གོ
གཏམ་བཟང་རེད. བོད་ནང་གི་བོད་མི་གཙོས་མི་རིགས་ཁག་ལ་དེ་ངོ་སྤྲོད་གང་ཐུབ་བྱས་ན་བཟང. གནས་ཚུལ་རྒྱུས་ལོན་དང་གོ་རྟོག་སེལ་ཕྱིར
ཨོཾ་པདྨའི་དཔའ་མཛངས་དང་ཨ་རི་བའི་ཐབས་འཕྲུལ་དག་གིས་བཙན་པོའི་གཉའ་གནོན་དང་གཉོམ་པོའི་མགོན་སྐྱབས་ཅུང་རེ་གནང་ཐུབ་པར་རེ་བ་ཞིག་མི་རྒྱག་ཐབས་མེད་རེད་ལ། ལྷག་པར་དེ་དག་ལ་མཉམ་འབྲེལ་བྱེད་རྒྱུ་ཧ་ཅང་གལ་ཆེའོ།
ཨ་རི་ལ་མཚོན་ན། ལས་གཞི་འདི་ལ་ཆབ་སྲིད་ཀྱི་དགོས་མཁོ་ངེས་ཅན་ལོས་ཡོད་མོད། གང་ལྟར་ཀྱང་། འུ་ཚོར་མཚོན་ནའང་དགའ་དགོས་པའི་དོན་བཟང་ཞིག་རེད། འདིས་རྒྱ་ནག་ལ་གནས་ལུགས་མང་པོ་ཞིག་འགྲེལ་གི་རེད། བོད་ནང་གི་གནས་སྟངས་ཐད་འཇུག་སྒོ་གསར་བ་ཞིག་དབུ་འབྱེད་གནང་སོང་བ་རེད།
སྣང་བ་ཧ་ཅང་སྤྲོ་སོང་།
རྒྱ་ནག་གི་ཨ་རི་མངའ་སྡེ་ཁེ་ལི་ཧྥོར་ནི་ཡའི་ནང་དུ་གཞུང་ཚབ་ཞིག་འཛུགས་འདོད་ཡོད་སྐོར་བཤད་སྐབས། ཨ་རིས་དེའི་ལན་དུ་གལ་སྲིད་བོད་ཀྱི་རྒྱལ་ས་ལྷ་སའི་ནང་ཨ་རིའི་གཞུང་ཚན་ཞིག་འཛུགས་མ་ཆུག་ན་ངོས་ལེན་བྱེད་ཀྱིན་མེད་ཞེས་ལན་བཏབ་ཡོད། འདི་ནི་ང་ཚོ་བོད་མི་ལ་མཚོན་ན་གལ་ཆེ་བའི་བརྡ་ལན་ཞིག་འབྱིན་པ་ངོས་འཛིན་དགོས་པ་ཡིན།
སྟོབས་ཆེན་ཨ་རིའི་གཞུང་དང་མི་དམངས་གཉིས་ལ་སྙིང་ནས་ཐུགས་རྗེ་ཆེ་ཞུ།
རྒྱ་གཞུང་འདིས་བོད་ཀྱི་རྒྱལ་ས་ལྷ་སའི་ནང་དུ་ཨ་རིའི་གཞུང་ཚབ་བཙུགས་བཅུག་མེད་པའི་རྒྱུ་མཚན་ཡང་ཕྱི་གསལ་ནང་གསལ་མེད་པའི་དྲག་སྤྱོད་ཀྱི་གནས་ཚུལ་ཁག་སྦས་སྐུམས་བྱེད་བཞིན་པ་རེད།
ཡིན་ནའང་དྲ་ལམ་དེ་བརྒྱུད་དེ་གནས་ཚུལ་གང་མང་རྒྱུས་ལེན་དང་། བོད་མིར་ཕན་ཐོགས་ཡོང་ངེས་རེད།
དྲ་ལམ་འདི་གསར་དུ་སྒོ་འབྱེད་གནང་བར་བཀྲིས་བདེ་ལེགས་ཞུ་རྒྱུ་ཡིན།
ཨ་རི་རྒྱལ་པོ་རག་རིལ་ཁྱོད་ཀྱིས། ང་ལ་རེ་བ་གསར་པ་ཅིག་བྱིན་བྱུང་ཐུགས་རྗེ་ཆེ་ལགས། །ཁྱོད་སྐུ་ཚེ་ཡུན་བརྟན་ཤོག །