ལུགས་རྙིང་ལོ་སར་ཚེས་གཅིག་ཉིན་ཐའེ་ཝན་རྒྱལ་ས་ཐེ་པཱེ་རུ་བོད་མི་ཁག་ཅིག་རྐང་འཁོར་རྒྱང་སྐྱོད་ཀྱི་ལས་འགུལ་སྤེལ་ཡོད་འདུག
ཟླ་འདིའི་ཕྱི་ཚེས་ ༢༣ ཉིན་ཏེ་ལུགས་རྙིང་གི་ལོ་སར་ཚེས་གཅིག་གི་ཉིན་མོ་དང་སྟབས་བསྟུན་ཏེ། ཐའེ་ཝན་གྱི་རྒྱལ་ས་ཐེ་པཱེ་རུ་ཐའེ་ཝན་བོད་རིགས་ཚོགས་པའི་ཚོགས་གཙོ་དགྲ་བཅོམ་པ་ལགས་དང་། ཐའེ་ཝན་ས་གནས་བོད་ཀྱི་གཞོན་ནུ་ཚོགས་པའི་ཚོགས་གཙོ་བགྲེས་གཞོན་རྣམ་གཉིས་ཀྱིས་སྣེ་ཁྲིད་པའི་བོད་མི་ཁག་ཅིག་གིས། ཉེ་ཆར་བོད་ནང་རང་ལུས་མེར་བསྲེགས་བཏང་བའི་བོད་མི་ཚོར་གདུང་སེམས་མཉམ་སྐྱེད་མཚོན་ཆེད། རྐང་འཁོར་རྒྱང་སྐྱོད་ཀྱི་ལམ་ནས་བོད་དོན་ལས་འགུལ་ཞིག་སྤེལ་མགོ་བཙུགས་ཡོད་འདུག
ལོ་སར་ཚེས་གཅིག་གི་སྔ་དྲོའི་ཆུ་ཚོད་ ༡༠ པའི་སྟེང་ཐོག་མར་རྐང་འཁོར་སྐོར་སྐྱོད་པ་རྣམས་ཐའེ་ཝན་རང་དབང་ཐང་ཆེན་དུ་འདུ་འཛོམས་བྱས་ཏེ། ཐུན་མོང་ཐོག་སྐད་ཤུགས་ཆེན་པོས་བོད་རྒྱལ་ཁབ་ཀྱི་རྒྱལ་གླུ་བླངས་རྗེས། ཉིན་དེའི་ཆར་ཞོད་ལ་མ་འཛེམས་པར་ལས་འགུལ་བ་ཚོ་རེ་རེ་བཞིན་རུ་སྒྲིག་གིས། ཕྱི་དྲོའི་ཆུ་ཚོད་ ༥ བར་ཐའེ་པཱེ་གྲོང་ཁྱེར་ཡོངས་ལ་སྐོར་སྐྱོད་བྱས་ཏེ། བོད་དོན་སྐོར་གྱི་ཡིག་ཆ་གང་མང་ཞིག་འགྲེམས་སྤེལ་གནང་ཡོད་འདུག
ཐེངས་འདིའི་ཡིག་ཆའི་དགོས་འདུན་ཁག་ནི། “ བོད་ནང་གི་གནས་སྟངས་ཛ་དྲག་ཏུ་འགྱུར་བཞིན་པའི་སྟབས་ཀྱིས་བོད་མི་ཚོ་་ལོ་སར་གྱི་དགའ་སྟོན་ལ་རོལ་ཐབས་མེད་པ་དང་། ༢༠༠༩ལོ་ནས་ད་བར་བོད་མི་༡༧ ཙམ་གྱིས་བསྟུད་མར་བོད་བསྟན་སྲིད་ཆེད་རང་ལུས་མེར་བསྲེགས་བཏང་ཡོད་པ་མ་ཟད། ད་ལོའི་ལོ་མགོར་ཡང་བོད་མི་སྐྱ་སེར་༤ ཡིས་རང་ལུས་མེར་བསྲེགས་བཏང་སྟེ་འདས་གྲོངས་སུ་ཕྱིན་ཡོད་སྟབས། ང་ཚོས་དཔའ་བོ་དེ་དག་གི་སྙིང་སྟོབས་ལ་རྗེས་དྲན་དང་། ཁོང་རྣམས་ཀྱི་མངོན་འདོད་དེ་འཛམ་གླིང་མི་དམངས་ལ་ངོ་སྤྲོད་ཞུ་རྒྱུ་ཡིན་ ” ཞེས་འཁོད་འདུག
ལུགད་རྙིང་ལོ་གསར་་་ཞེས་པ་གཏན་ནས་མི་ལེགས་ཤིང་མི་འགྲིག་པས། གང་གི་ལུགས་རྙིང་ལོ་གསར་ཡིན་པ་གསལ་ཁ་དོད་པས་འབྲི་དགོས་སོ།།
བཙན་བྱོལ་བོད་མི་ལངས་ཤོག
ལོངས་ཤོག མི་ལོ་བཅུ་ཕྲག་བར་དུ། ང་ཚོ་ཡི།
ཤ་ཟད་རུས་ལ་མ་ཐུག་བར། དགྲ་བོས་བཙན་གནོན་བཏང་བྱུང་། ཆིག་སྟོང་དགུ་བརྒྱ་ལྔ་བཅུ་ང་དགུའི་ལོར། རྒྱལ་གཅེས་མི་མང་། འུ་ཐུག་བཟོད་བྲལ་ཐབས་མེད་ཀྱིས། བདེན་པས་ཡར་ལ་ལངས་ཡོད། ལོངས་ཤོག་ལོངས་ཤོག བོད་མི་རྣམས། འཛམ་གླིང་མི་དམངས། ང་ཚོའི་རྒྱབ་ཏུ་ལོངས་ཤོག བདེན་པའི་དཔང་པོ་མཛོད་ཅིག བོད་ལྗོངས་བདག་གིས་སྐྱོང་བ། སྐྱབས་མགོན་ཆེན་པོ། ༧ གོང་ས་ཡིད་བཞིན་ནོར་བུ། གཞིས་བྱེད་བོད་མིའི་གཙོ་འཛིན། དགྲ་བོ་བཤན་པ་ལག་དམར། བཙན་རྒྱལ་རྒྱ་དམར། བོད་ནས་མཐར་བསྐྲོད་གཏོང་གི་ཡིན། རྒྱལ་གཅེས་མི་མང་ལོངས་ཤོག། བཙན་བྱོལ་བོད་མི་ལོངས་ཤོག།
དཔའ་བོའི་རང་སྲོག་ལོ་ནས་ལོ་རུ་འབར།།
བོད་དོན་དྲིལ་བསྒྲགས་ལོ་ནས་ལོ་རུ་བྱས།།
སྡུག་གི་འབོད་སྒྲས་འཛམ་གླིང་མི་སད་དམ།།
མྱ་ངན་མཆི་མས་རྒྱ་ནག་མི་ཚིམས་སམ།།
འཕྲུལ་འཁོར་སྦག་སྦག་བཏང་ནས་ཕྱི་ལོ་གསར་གྱི་བོད་དོན་ལས་འགུལ་ལ་དགའ་བསུ་ཞུ།
bicycle = རྐང་འཁོར།
motor-bicycle = སྦག་སྦག
ཞེས་བཀོད་ན་མི་ལེགས་སམ། གསར་འགོད་པ་དཔལ་ལྡན་ལགས།