དེ་རིང་གཉིས་པའི་བརྒྱད་ཉིན་གྱི་ཕྱི་དྲོར་བོད་ཨ་མདོ་རྔ་པ་རྫོང་ཐོག་ཏུ་བོད་མི་ཞིག་གིས་རང་ལུས་མེར་བསྲེགས་བཏང་ཡོད་འདུག
དེ་རིང་ཕྱི་དྲོའི་བོད་ནང་གི་ཆུ་ཚོད་ ༦།༣༠ ཙམ་ལ་བོད་མདོ་སྨད་རྔ་པ་རྫོང་མཁར་གྱི་སློབ་ཆུང་གཉིས་པ་ཡོད་སའི་གཞུང་ལམ་སྟེང་ནས་བོད་མི་ཞིག་གིས་རང་ལུས་མེར་བསྲེགས་བཏང་སྟེ་རྒྱ་ནག་གཞུང་ལ་ངོ་རྒོལ་སྐད་འབོད་བྱས་འདུག་ཀྱང་། གནས་ཚུལ་མཁོ་སྤྲོད་པའི་བཤད་པ་ལྟར་ན་གྲྭ་པ་ཞིག་ཡིན་ཚུལ་ཙམ་ལས་མིང་དང་ཕ་ཡུལ་སོགས་ཞིབ་ཕྲའི་གནས་ཚུལ་ཤེས་རྟོགས་ཐུབ་མེད་པ་མ་ཟད། དོན་རྐྱེན་བྱུང་མ་ཐག་དམག་མི་དང་ཉེན་རྟོག་པས་བཙན་ཁྲིད་བྱས་འདུག་པས་ཁོང་གི་ད་ལྟའི་ཤི་གསོན་གྱི་གནས་སྟངས་ཀྱང་ཤེས་རྟོགས་ཐུབ་མི་འདུག
གཞན། ངོ་རྒོལ་དེ་བྱུང་སའི་ཉེ་འགྲམ་ནས་གྲྭ་པ་གཉིས་ཀྱང་འཛིན་བཟུང་བྱས་ཡོད་ནའང་སུ་ཡིན་ཤེས་རྟོགས་ཐུབ་མི་འདུག
གནས་ཚུལ་གཏོང་མཁན། གྲྭ་བློ་བཟང་ཡེ་ཤེས་དང་ཀ་ཉག་ཚེ་རིང་།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
གངས་ཅན་པའི་དཔའ་རྒོད་ཚོ་ཁྱེད་ཚོ་འདི་ལྟར་གཅིག་གཅིག་གཉིས་གཉིས་བྱས་ནས་འགྲོ་སོང་ན་འུ་ཚོ་ལ་བདེན་པའི་རྒྱབ་སྐྱོར་གནང་མཁན་ག་ཚོད་ཡོད། རྒྱ་ལོ་གསར་པ་འདིའི་ནང་དུ་སྤུན་ཟླ་ག་ཚོད་ཞིག་དམར་གསོད་བཏང་སོང་ད་དུང་འདི་ལྟར་འུ་ཚོ་སྡོད་རྒྱུ་ཡིན་ནམ། འཛམ་གླིང་གི་མི་མང་རྣམས་ང་ཚོ་ལ་བདེན་པའི་གནས་ལུགས་དང་ལོ་རྒྱུས་ཡོད་པས་ང་ཚོ་ལ་རྒྱབ་སྐྱོར་གནང་རོགས་དྲང་བདེན་ལ་རྒྱབ་སྐྱོར་གནང་རོགས་ང་ཚོ་གདོང་དམར་བོད་པ་ཚང་དམར་གཞུང་གི་དྲག་གནོན་ལས་མྱུར་ཏུ་སྐྱོབ་རོགས་ཞུ།
ཤ་ཚ་ངོ་མ་ཡིན་་་་ཁོང་རྣམ་པ་ལ་དམར་པོས་བཙན་གནན་སྤྲོད་པའི་ཁར་འདི་ནས་དཔའ་བོ་རེད་་་་དཔའ་མོ་རེད་་་་རྒྱལ་བཅེས་པ་རེད་་་ཅེས་མིང་སྙན་སྙན་གང་མང་མང་བཏགས་ཏེ་དོན་དུ་རེ་རེ་བཞིན་རིན་ཆེན་སྲོག་དང་བྲལ་བཅུག་གི་འདུག་་ད་ནི་བོད་མི་རེ་རེ་ཡིན་ནའང་ཚེ་སྲོག་ཤོར་མི་དགོས་པའི་ཐབས་ཤེས་ཤིག་སྤྱི་སྒེར་གཉིས་ནས་འབད་པར་གལ་ཆེ་རེད་འདུག་དྲན།
༄༅། །བསྟན་དང་དེ་འཛིན་ཆབ་སྲིད་རང་རེའི་སླད། །གཅེས་པའི་ལུས་སྲོག་ལོངས་སྤྱོད་ཡོངས་བཏང་སྟེ། །དཀའ་བ་བརྒྱ་ཕྲག་སྒྲུབ་པའི་སྐྱེས་བུ་རྣམས། །གྲུ་འཛིན་མགོན་དེས་ཐུགས་རྗེས་སྐྱོང་བར་མཛོད། །
སྨུག་པོ་གདོང་གི་བརྒྱུད་པ་འདི་ལ་ནི། །
ལོ་ངོ་བཅུ་གསུམ་ཡན་གྱི་ན་ཆུང་དང་། །
ལོ་རྒན་བརྒྱད་ཅུ་མན་གྱི་ཕ་ཁུ་ཚོ། །
དགྲ་ངན་རྒྱ་དམར་སྟེང་དུ་སྟག་ངར་ངར། །
ཏག་ཏག་རེད། བོད་གངས་ཅན་པའི་མ་འོངས་པའི་ཆེད་དུ་ཚེ་སྲོག་གི་འགྲོ་སོང་གཏོང་དགོས་རེད། མི་གཅིག་དང་གཉིས། བཅུ་དང་ཉི་ཤུ། བརྒྱ་དང་སྟོང་། ཁྲི་དང་འབུམ་བྱས་ནས་ཚེ་སྲོག་གཏོང་ཐུབ་ན་བོད་གངས་ཅན་གྱི་སྣོད་བཅུད་གཉིས་འཛམ་གླིང་ཅི་སྲིད་དུ་གནས་པ་དེ་སྲིད་དུ་གནས་ཐུབ་ཀི་རེད། བོད་ནང་ནས་རང་ལུས་མེར་བསྲེགས་བཏང་པ་དེ་བཙན་བྱོལ་བོད་གཞུང་གི་ཆེད་དུ་མ་རེད་ལ། བཙན་བྱོལ་དུ་ཡོད་པའི་བོད་མི་འབུམ་གཅིག་པོ་དེའི་ཆེད་དུ་མ་རེད། བོད་གངས་ཅན་པའི་མ་འོངས་པའི་ཆེད་དུ་རེད། དེས་ཕྱིར་བཙན་བྱོལ་གཞུང་ལ་ཁ་རྡུང་གཏོང་དོན་མི་འདུག ཁ་རྡུང་གཏོང་མཁན་ཚོས་ཁ་རྡུང་གཏོང་ན་རང་ཉིད་ལ་ཐོངས། ང་དགའ་བཞིན་ཡོད། བོད་རྒྱལ་ཁབ་སླར་གསོ་བྱེད་ཐུབ་དུ་དགའ་བཞིན་ཡོད། ད་དུང་བོད་ཀྱི་འཐབ་རྩོད་ཆེད་དུ་མི་ཅི་ཙམ་ཤི་ན་ང་དེ་ཙམ་དགའ།
གདོང་དམར་བོད་ཀྱི་སེང་གེ་དཀར་མོ་རྒྱུད་དེ་ད་དུང་མང་པོ་འདུག་པ་ངོ་མ་དགའ་སྤོབས་སྐྱེ་འོས་པ་ཞིག་རེད། ཁྱེད་ཅག་གིས་ང་ཚོའི་ལམ་སྣ་དྲངས་བྱུང། རེ་བ་དང་སྤོབས་པ་གསོས་བྱུང། ཕྱག་ན་པད་མོ་དང་ལས་འབྲས་བདེན་མཐུས་ཁྱེད་ཅག་གི་ལམ་སྣ་འདྲེན་ངེས། བདེན་པ་ཉིད་ངེས་པར་རྒྱལ་བར་ང་ཚོས་ཅིས་ཀྱང་བརྩོན་ལེན་བྱེད། བདེན་མཐུའི་འབྲས་བུ་མྱུར་དུ་སྨིན་པར་སྨོན།་སྨོན།་སྨོན།
ད་སྟག་ཐིགས་ལེ་ཅན་ཚོ་ཁྲ་ཤར་རེ་ནག་ལ་མཆོང་སོང་། ད་ངོ་མ་ཁ་ཐོག་ལག་ཡོད་ལ་གནས་པ་ཚོ་རྫོགས་སོང་ན་འཁྲན་མཁན་མང་ན་ཡང་ཅི་བྱེད།
བོད་ནང་གི་རྒྱལ་གཅེས་དཔའ་བོ་ཚོ་ལ་སྙིང་དབུས་ནས་གུས་འདུད་ཞུ།
བཀའ་སྤྱི་གཉིས་གིས་རྒྱ་ནག་གི་གཤིན་ཆོག་སྲོལ་རྒྱུན་ལྟར་རས་ནག་ཞིག་ཁ་གཡོག་ནས་བཙན་བྱོལ་ནང་ལ་ཞལ་འདེབས་བསྡུ་བའི་གོ་སྐབས་ཞིག་ཀྱང་རྙེད་པ་རེད། ད་བླ་མ་དཀོན་མཆོག་དང་ལས་འབྲས་ཞིག་ཡོད་ན་གཟིགས་དགོས་ཚོད་རེད། བླ་མ་དཀོན་གི་མཁྱེན།
དེ་རིང་འདི་ནས། བཀའ་སྤྱི་གཉིས་ཀྱི་ལམ་ནོར་འོག བསང་གསུར་མང་བོ་ཞིག་བཏང་ཞིང་། སྐད་འགག་རེག་བར་མང་བོ་ཞིག་བཏོན་ནོ་མ་འགྲིགས་ནི་ཡིན་རྒྱུ་རེད། ཆབ་སྲིད་མེད། ཆོས་ཀྱི་སྙིང་བོ་གཡུག་ན་ད་འདི་འདྲ་རེད། བོད་དོན་རྒྱལ་སྤྱི་ཅན་དུ་གྱུར་སོང་ན། དྲིལ་བསྒྲགས་བྱས། རྒྱབ་བརྟེན་བཙལ། གང་ན་ཆེས་གལ་ཆེ་བའི་མི་སྣ་དང་འབྲེལ་འདྲིས་བྱེད་པ་སོགས། ས་རྒྱུགས་ལུང་རྒྱུགས་བྱེད་དགོས་ཀྱི་རེད། དེ་མ་གཏོགས། ཡང་སྲེག་སོང་། ཡང་བསད་སོང་། ང་ཚོས་གྲངས་ཀ་ཞིག་རྒྱག་པ་མ་གཏོགས་མི་འཇོན་ནི་རེད་དམ། བཀའ་སྤྱི་གཉིས་ཀ སྒྲིགས་འཛུག་དག་ཡཱ།
ང་ཚོས་མཆོད་འབུལ་སྨོན་ལམ་ལས་ཅི་ཞིག་ནུས། ངོ་མ་སྙིང་མེད་རེད་སྡར་མ་རེད། ཁྲེལ་མེད་རེད། ནམ་ཞིག་ང་ཚོ་ཡང་མི་ཞིག་གི་དངོས་ནས་ཡར་ལངས་ཐུབ་ན་ཅི་མ་རུང་།
ཨ་ཁ་ཁ། ཡང་ང་ཚོའི་ཆེད་དུ་དཔའ་བོ་ཞིག་གིས་རང་ལུས་མེར་བསྲེགས་བཏང་ཚར་འདུག་ཟེར། བོད་ནང་བཙན་གནོན་འོག་ནས་བོད་དོན་དུ་རང་སྲོག་འདོར་མཁན་དང་ཞི་རྒོལ་གནང་མཁན་གཅིག་རྗེས་གཉིས་མཐུད་རེད། ད་ང་ཚོ་རང་དབང་བའི་གཞུང་དམངས་གཉིས་ངོས་ནས་ནམ་རྒྱུན་གྱི་ཁ་གཡང་མཆོད་སྨོན་དེ་ཚོ་ལས་དོན་ཕན་གྱི་ལས་ཀ་ག་རེ་བྱེད་རྩིས་ཡོད་ན།
སྐུ་དྲག་ཚོའི་ཟླ་ཕོགས་ཉུང་དྲག་ཨེ་ཡིན་ན། མིན་ད་དུང་གོ་ཐོབ་དམའ་སོང་བ་མིན་ནམ། ཡང་མིན་ན་འཚོལ་རྒྱུའི་གོ་སྐབས་ཏེ་ད་དུང་མ་བསླེབས་པ་ཡིནན། དེ་དག་མིན་ན་བཙན་བྱོལ་གཞུང་ལ་ལས་འགུལ་གྱི་མ་དངུལ་དང་ལས་རིམ་གྱི་གོ་སྒྲིག་ལས་ཕོང་སོང་བ་ཡིན་ན། གལ་སྲིད་བཙན་བྱོལ་དབང་འཛིན་པ་ཚོའི་ནང་མི་གཉེན་ཉེ་ཞིག་གིས་བོད་དོན་དུ་རང་སྲོག་དོར་བ་ཡིན་ན། དབང་འཛིན་པ་ཚོར་ཚོར་ཅི་འདྲ་ཞིག་བསླེབས་རྒྱུ་རེད། ལས་འགུལ་ཇི་ལྟར་སྤེལ་ན། འོན་ཀྱང་འདི་དག་ང་རང་གིས་ང་རང་ལ་དྲིས་པ་དང་གཅིག་མཚུངས་རེད།
མིའི་རིགས་ཀྱི་དཔའ་བོ་ཚོས་གནས་ལུགས་ལ་ཕྱག་གཡུགས་བྱེད་ཀྱིན་གཅིག་རྗེས་གཉིས་མཐུད་དུ་འདི་ལྟར་ཕེབས་སོང་ན། ད་ངོ་མ་ང་ཚོས་ཅི་ཞིག་བྱེད།