ཁ་སང་ལོ་གསར་ཚེས་ ༡ ཉིན། ཨོ་སི་ཌོ་ལི་ཡའི་ནེའུ་ཁཱ་སཱ་བོད་རིགས་ཚོགས་པའི་གོ་སྒྲིག་འོག སིག་ནེའི་བཅའ་སྡོད་རྒྱའི་གཞུང་ཚབ་ཁང་སྒོ་ཁར་ཟས་བཅད་ངོ་རྒོལ་བྱས་འདུག
འདི་གར་གནས་ཚུལ་བཏང་འབྱོར་བྱུང་བ་ལྟར་ན། ཁ་སང་ལོ་གསར་ཚེས་ ༡ ཉིན། ཨོ་སི་ཌོ་ལི་ཡའི་ནེའུ་ཁཱ་སཱ་བོད་རིགས་ཚོགས་པའི་གོ་སྒྲིག་འོག སིག་ནེའི་བོད་རིགས་མཐུན་ཚོགས་དང་། སིག་ནེའི་གཞོན་ནུ་ཚོགས་པ། སིག་ནེའི་རྒྱལ་ཡོངས་སློབ་ཕྲུག་ཚོགས་མི་བཅས་མི་གྲངས་ ༢༠ ཙམ་གྱིས། བོད་ཀྱི་བདེན་དོན་ཆེད་རང་ལུས་མེར་བསྲེགས་གཏོང་མཁན་རྒྱལ་གཅེས་དཔའ་བོ་དཔའ་མོ་རྣམས་དང་། རྒྱ་གཞུང་གི་དྲག་གནོན་དམར་གསོད་འོག་དཀའ་སྡུག་མྱོངས་བཞིན་པའི་བོད་མི་ཚོར་གདུང་སེམས་མཉམ་སྐྱེད་མཚོན་ཆེད། ཆུ་ཚོད་ ༡༢ རིང་སིག་ནེའི་བཅའ་སྡོད་རྒྱ་ནག་གཞུང་ཚབ་ཁང་གི་སྒོ་ཁར་འདུ་འཛོམས་ཀྱིས། ༸གོང་ས་མཆོག་གི་སྐུ་པར་དང་རང་ལས་མེར་བསྲེགས་གཏོང་མཁན་རྒྱལ་གཅེས་དཔའ་བོ་དཔའ་མོ་རྣམས་ཀྱི་སྐུ་པར་སྒྲིག་བཤོམས་དང་། བོད་ཀྱི་རྒྱལ་དར་དང་འབོད་ཚིག་འཕྲེད་བྱང་ཕྱར་བ། ཁ་ལ་ཁ་རས་ནག་པོ་སོགས་དཀྲིས་ཏེ་ཟས་བཅད་ངོ་རྒོལ་བྱས་ཡོད་འདུག
གསར་འགོད་པ། ཚེ་རིང་རྒྱལ།
བྲི་བ་བོའི་ཞེ་འདོད་ཇི་བཞིན་བརྡ་འཕྲོོད་ན་ལུང་དུ་སྟོན་པར་གྲུབ་པ་མ་ཡིན་ནམ། དེ་ལས་དག་ཆའི་དགོས་འདུན་གང་ཡོད་དམ། བརྡ་མ་ནོར་བར་འཕྲོད་མི་ཆོག་ན་་་་ ལྷག་པར་དུ་འཕྲིན་ཐུང་སོགས་ལ་་་་
དེས་ན་ཨོ་སི་ཁྲི་ལི་ཡ་. ཡང་ན. ཨོ་སྀ་ཁྲྀ་ལེ་ཡ། ནིའུ་ཁ་སོ། སིས་རྡྀ་ནིས། གང་ལེགས་སམ། སྒྲ་བསྒྱུར་ལ་གཙོ་བོ་་་གདངས་ཇི་བཞིན་ཐོན་ཐུབ་པ་ལེགས་ཤས་མ་ཡིན་ནམ།
གསར་འགོད་པ་ལགས་དག་ཆ་དང་བརྗོད་པ་སོགས་ལ་ཅུང་གཟབ་རོགས་
རྒྱ་ནག་གི་གཞུང་ཚབ་ཁང་གི་མདུན་དུ་ངོ་རྒོལ་བྱེད་རྒྱུ་འདི་ལ་གོ་འདུག
དེ་མིན་རྡ་ས་གཙུག་ལག་ཁང་གི་མདུན་ནས་རྒྱ་དར་མེ་བསྲེག་གཏོང་ཁུལ་བཟོས་པ་འདི་ནི་བོད་རྒྱལ་གཅེས་དཔའ་བོ་དཔའ་མོ་ཚོ་སེམས་པ་སྐྱོ་བྱེད་དང་། བོད་མི་མང་གི་ཞབས་འདྲེན་ཞིག་རེད། སྙིང་མ་རྗེ:(
རྒྱ་ནག་གཞུང་མཚམས་ཁང་གི་སྒོ་ཁ་དེ་འདྲའི་ལས་འགུལ་སྤེལ་བར་བཟང་ལ་ད་དུང་བོད་མི་ཡོངས་ཀྱི་རྒྱ་ནག་གཞུང་མཚམས་ཁང་དང་མཉམ་འབྲེལ་རྒྱལ་ཚོགས་ཀྱི་སྒོ་ཁ་ཙམ་མ་ཟད་འགྲོ་ལམ་ཡོངས་སུ་བཀགས་ནས་སྡོད་དགོས།ལྷག་པར་དུ་མཉམ་འབྲེལ་རྒྱལ་ཚོགས་ཀྱི་ལག་ལས་ཡག་པོ་ཞིག་མ་ལྟར་བ་དུ་སྒོ་ཁ་རུ་མུ་འཐུད་ནས་གྱོད་ཉལ་དང་ངོ་རྒོལ་བྱེད་དགོས་པ་དེ་ནི་ང་ཚོ་བཙན་བྱོལ་བའི་བྱེད་ཐུབ་པའི་ལས་འགུལ་ཞིག་ཡིན།
མི་གཅིག་གིས་བྲིས་པའི་གསར་གནས་ཧ་ཅང་ཐུང་ཐུང་འདི་འདྲ་བའི་ནང་དུའང་ཐ་སྙད་གཅིག་གྱུར་ཡོང་མི་ཐུབ་ན། བོད་གངས་ཅན་ལྗོངས་ལ་ནི་ཅི་ཁག མཁས་པ་ཡིན་དང་མིན་རྩི་རྩི་གྲངས་མེད་པས་ཡི་གེ་འབྲི་བཞིན་པས་ན། ཐ་སྙད་གཅིག་གྱུར་ཇི་ལྟར་ཡོང་ཐུབ། ༼ཨོ་སི་ཌོ་ལི་ཡའི་ནེའུ་ཁཱ་སཱ་༽ དང་༼ཨོ་ཊ་ལི་ཡའི་ནེའུ་ཁཱ་སཱ་༽ ལྟ་བུ་རེད།
ད་དུང་༼སིག་ནེའི་༽ ཟེར་བ་འདི་sydney ཟེར་བ་ཡིན་རྒྱུ་རེད་པ། གོང་དུ་༼ཨོ་ཊ་ལི་ཡ་༽ ཟེར་བ་དང་འོག་ནས་༼སིག་ནེའི་༽ཟེར་བར་བསམས་ན་རྒྱ་ཡིག་གམ་རྒྱ་སྐད་ལས་བསྒྱུར་བ་ཡིན་ནམ་ཡང་སྙམ། ཡང་དུས་བབ་ཚང་ལ་ཐ་སྙད་གཅིག་སྤྱོད་ཀྱི་གཏན་འབེབས་སྒྲིག་གཞི་ཞིག་ཀྱང་ཡོད་རབས་གོ་ཐོས་བྱུང་ན། གཅིག་ཐང་ན་འདི་ཚོ་ཡང་གཏན་ཕབ་དེའི་ཁོངས་གཏོགས་ཡིན་སྲིད། གང་ལྟར་བོད་ཡིག་འབྲི་སྤྱོད་གནང་མཁན་ཚང་མས་ཐ་སྙད་ཚང་མ་གཅིག་གྱུར་ཡོང་རེ་ཆེ། ཁ་ཉིན་གཉིས་གསུམ་གྱི་སྔོན་ཏག་ཏག་ལ་དྷ་སའི་མཁས་དབང་འགས་འདིའི་ཐད་དུ་བགྲོ་གླེང་གནང་མ་ཐག་མ་ཡིན་ནམ། མཁས་པའི་གསུང་མ་བརྩིས་ན་ལོ་བརྒྱ་འགོར་ཡང་ལོག་ལམ་དུ་འཕྱན་པ་བཅོས་ཐབས་མེད་པ་རེད།
ཨོ་སི་ཐྲོ་ལི་ཡར་ཡོད་པའི་བོད་མི་བརྒྱ་ཆའི་གོ་དགུ་ཆབ་སྲིད་བཙོན་པ་ཡིན་ལ། དེ་ཡང་བོད་ནས་ཡུལ་གྲུ་གཅིག་ནས་གཅིག་ཏུ་སྐྱབས་བཅོལ་དམིགས་བསལ་བྱས་པ་རྐྱང་ཡིན་མོད། ཟས་བཅད་ངོ་རྒོལ་སྐབས་མི་ཉི་ཤུ་ལས་མ་འཛོམས་པ་དེ་ཡི་རེ་སྐྱོ།
ང་སྔོན་མ་ནས་མི་དེ་ཚོས་ཆབ་སྲིད་ལ་ཞིག་སེམས་གཏིང་བྱས་ཡོད་མེད་ལ་དོག་པ་ཡོད་ཡ།
འདྲ་པར་ལས་ངོ་ཤེས་གཅིག་འདུག་པ་ནི་ཡེ་ཤེས་བཟང་པོ་རེད། ངོ་མ་མི་སེམས་ཤུགས་ཅན་དང་ལྷག་བསམ་རྣམ་དག་མི་དྲང་མོ་ཞིག་ཡིན། ས་གནས་དེར་འཛོམས་པའི་ཁྱོད་སེམས་གཏིང་ནས་བཀའ་དྲིན་ཆེ་ཟེར་འདོད། ཨོ་སི་ཐྲོ་ལི་ཡའི་མི་གྲངས་བརྒྱ་ཆའི་༤༠ ཙམ་ཧྭ་རིན་སྟེ་རྒྱ་རིགས་ཡིན་སྐད་ལ་ཁྱོད་ཚོ་ངོ་མས་གཟི་བརྗིད་ཆེན་པོ་རེད། གཞན་ཚོ་རྒྱ་རིགས་དེ་ཚོར་སྐྲག་ནས་སམ། ཡང་ན་རྒྱ་རིགས་དེ་ཚོའི་ཚོང་ཁང་དང་ཟ་ཁང་གི་གཡོག་པོ་ཡང་ཡིན་སྲིད་ན། ཁོ་ཚོར་ཁག་ཡོད་ཀྱི་མ་རེད། སོ་སོའི་ལས་ཀ་དེ་མི་རིགས་འཐབ་རྩོད་ལས་གལ་ཆུང་བ་མ་ཡིན་ནམ། བོད་ཀྱི་ཆབ་སྲིད་བཙོན་པ་ཚོ་སྐྱིད་ས་བདེ་ས་ཞིག་ཏུ་སླེབས་རྗེས་མི་རིགས་འཐབ་རྩོད་ཡང་བརྗེད་འགྲོ་བ་འདི་ངོ་མ་ཡ་ཆ། ད་ཁྱོད་ཚོས་ལོ་སར་སྐྱིད་པོ་ཐོངས་ལོ། །
ཚེ་ཐག་རིང་རྒྱུ་ཆོ་ཐུགས་རྗེ་ཆེ། ཡག་པོ་འདུག་མུ་མཐུད་ནས་འདི་ལྟར་ལས་འགུལ་རབ་དང་རིམ་པ་སྤེལ་རོགས།