ཟླ་འདིའི་ཕྱི་ཚེས་ ༡ ཉིན་གྱི་སྔ་དྲོར་ཉེ་ལམ་གསར་དུ་བསྐོས་བཞག་གནང་པའི་དབུས་བོད་མིའི་སྒྲིག་འཛུགས་ཀྱི་ནང་སྲིད་དྲུང་ཆེ་བསོད་ནམས་སྟོབས་རྒྱལ་ལགས་དང་། དྲིལ་བསྒྲགས་དྲུང་ཆེ་བཀྲ་ཤིས་ལགས། ཁྲིམས་ཞིབ་དྲུང་ཆེ་བཀྲ་ཤིས་རྒྱ་མཚོ་ལགས་བཅས་ཀྱིས། ལྷན་ཁང་ཁག་གི་མཛད་གཙོ་རྣམ་པའི་དྲུང་དུ། ༸རྒྱལ་བའི་སྐུ་པར་མཐོང་གྲོལ་རིན་པོ་ཆེར་མཇལ་དར་བསྒྲོན་འབུལ་དང་མཆོག་གསུམ་དཔང་འཛུགས་ཀྱིས་ལས་འཁུར་དམ་བཅའ་ཕུལ་འདུག
ཉིན་དེའི་སྔ་དྲོའི་ཆུ་ཚོད་ ༡༠ དང་ཕྱེད་ཀའི་ཐོག་ནང་སྲིད་ལས་ཁུངས་སུ་དྲུང་ཆེ་བསྐོ་བཞག་གི་མཛད་སྒོ་སྟབས་བདེ་ཞིག་ཚོགས་ཡོད་ཅིང་། མཛད་སྒོའི་སྟེང་ནང་སྲིད་དྲུང་ཆེ་ཟུར་པ་དངོས་གྲུབ་རྡོ་རྗེ་ལགས་ཀྱིས་དྲུང་ཆེ་གསར་པ་བསོད་ནམས་སྟོབས་རྒྱལ་ལགས་ཀྱི་ལོ་རྒྱུས་མདོར་བསྡུས་ཤིག་ངོ་སྤྲོད་གནང་རྗེས། དྲུང་ཆེ་གསར་པ་སྐུ་ཞབས་བསོད་རྣམས་སྟོབས་རྒྱལ་ལགས་ཀྱིས། ནང་སྲིད་བཀའ་བློན་རྒྱ་རི་སྒྲོལ་མ་མཆོག་གི་མདུན་དུ་༸རྒྱལ་བའི་མཐོང་གྲོལ་རིན་པོ་ཆེར་མཇལ་དར་བསྒྲོན་འབུལ་དང་། མཆོག་གསུམ་དཔང་ལ་བཙུགས་ཏེ་ལས་འཁུར་དམ་འབུལ་ཞུས་འདུག མཇུག་ཏུ་ནང་སྲིད་ལས་ཁུངས་ཀྱི་སྲི་ཞུ་བ་ཡོངས་ཀྱིས། དྲུང་ཆེ་གསར་པར་འཚམས་འདྲིའི་མཇལ་དར་དང་གསོལ་ཇ་འདེགས་འབུལ་སོགས་ཞུས་ཡོད།
ཉིན་དེར་ཕྱི་དྲིལ་ལས་ཁུངས་ཀྱི་ཚོགས་ཁང་དུའང་དྲུང་ཆེ་གནས་སྤོར་གྱི་མཛད་སྒོ་ཞིག་ཚོགས་ཏེ། དྲིལ་བསྒྲགས་དྲུང་ཆེ་ཟུར་པ་ཐུབ་བསྟན་བསམ་འཕེལ་ལགས་ཀྱིས། གསར་དུ་བསྐོས་པའི་དྲིལ་བསྒྲགས་དྲུང་ཆེ་བཀྲ་ཤིས་ལགས་ཀྱི་ལོ་རྒྱུས་སྒྲོག་སྦྱང་གནང་རྗེས། དྲུང་ཆེ་གསར་པ་བཀྲ་ཤིས་ལགས་ཀྱིས་༸རྒྱལ་བའི་སྐུ་པར་མཐོང་གྲོལ་རིན་པོ་ཆེར་མཇལ་དར་བསྒྲོན་འབུལ་དང་ལས་འཁུར་དམ་བཅའ་བཞག་འདུག་ལ། དེའི་རྗེས་ཕྱི་དྲིལ་ལས་བྱེད་ཡོངས་ཀྱིས་ཁོང་ལ་འཚམས་འདྲིའི་མཇལ་དར་བསྒྲོན་ཡོད་འདུག
དེ་བཞིན་ཉིན་དེར། བཙན་བྱོལ་བོད་མིའི་ཆེས་མཐོའི་ཁྲིམས་ཞིབ་ཁང་གི་ཐོག་ཁང་དུའང་། ཁྲིམས་དྲུང་བསྐོ་བཞག་གི་མཛད་སྒོ་ཞིག་ཚོགས་ཏེ། གསར་དུ་བསྐོས་པའི་ཁྲིམས་ཞིབ་དྲུང་ཆེ་བཀྲ་ཤིས་རྒྱ་མཚོ་ལགས་ཀྱིས་ཁྲིམས་ཞིབ་པ་ཆེ་བ་ངག་དབང་འཕེལ་རྒྱལ་མཆོག་གི་མདུན་དུ། ༸རྒྱལ་བའི་མཐོང་གྲོལ་རིན་པོ་ཆེར་མཇལ་དར་བསྒྲོན་འབུལ་ཞུས་ཏེ། མ་འོངས་པར་ཁྲིམས་དང་སྒྲིག་གཞི་ཚུལ་བཞིན་ལག་བསྟར་བྱ་རྒྱུ་ཡིན་པའི་ཁས་ལེན་དམ་བཅའ་བཞག་ཡོད་ལ། དེའི་རྗེས་དེར་ཡོད་ཁྲིམས་ཞིབ་ཁང་གི་ལས་བྱེད་ཚོས་ཁོང་ལ་འཚམས་འདྲིའི་མཇལ་དར་བསྒྲོན་ཡོད་འདུག
༄། དྲུང་ཆེ་ནི་ནང་གི་ལས་དོན་སྟངས་འཛིན་གྱིས་འཛིན་སྐྱོང་གི་གལ་ཆེ་ཤོས་དེ་ཡིན་པས། མི་སོ་སོའི་ལས་དོན་བྱེད་ཕྱོགས་དང་། ཆབ་སྲིད་ཀྱི་བྱང་ཚད་། ལས་ཀའི་མྱོང་བ། ལས་དོན་རྣམ་པ་མི་འདྲ་བ་དེ་དག་མི་སྣ་སོ་སོར་འཚམ་མིན་གལ་འགངས་ཆེ་ཤོས་ཞིག་ཡིན།
དྲུང་ཆེ་གསར་པ་གསུམ་ལ་འཚམས་འདྲི་དང་ལས་དོན་ལམ་ལྷོང་ཡོང་བའི་སྨོན་འདུན་ཞུའོ།།
ནོར་་་་མིང་ཅན་དེ་ངོ་མ་ནོར་རེད། མཆན་བུ་དེ་ནོར་ལྕི་ཙམ་ལས་རིན་ཐང་གང་ཡང་མི་འདུག ད་དུང་གངས་ཅན་སྐྱིད་གཤོངས་ལ་རྒྱུས་ཡོད་མདོག་མདོག་བྱས་འདུག་ཀྱང་་་དོན་དངོས་གུང་ཁྲན་གཞུང་གི་དོན་སྤྱི་དག་སེམས་ལ་བཟུང་ནས་བྲིས་འདུག
ནོར་་་་ནོར་་་་ནོར་་་་་
བཙན་བྱོལ་བའི་སྤྱི་སྲོལ་ལྟར་ཁོང་གསུམ་ལ་འཚམས་འདྲི་ཡོད། ཡིན་ནའང་། སྤྱིར་བཙན་བྱོལ་ནང་མི་སྣ་རེ་འགའ་ཡར་ལ་བཞག་སྟེ་སྟོན་མོ་དང་། ཕར་ལ་བཏང་སྟེ་སྟོན་མོ། སྟོན་མོ་རྐྱང་རྐྱང་གི་ནང་དུ་མགོ་འཁོར་ནས་བསྡད་འདུག་ལ། སྟོན་མོ་རེ་རེའི་མདུན་རྒྱབ་དུའང་རྔ་ཚིགས་རེ་དང་སྐབས་འཚོལ་ཁེ་ཕན་རེ་ཚོང་འཁྱེར་བྱས་ཏེ་བསྡད་ཡོད།
བཙན་བྱོལ་སྤྱི་ཚོགས་དང་ལྷག་པར་དུ་གངས་སྐྱིད་ལྟེབས་ཁུག་འདི་ནི་ལྷག་བསམ་དང་ཆིག་སྒྲིལ། གདུང་སེམས་མཉམ་སྐྱེད་ཀྱི་ཚོར་བ་ནི་རི་བོང་གི་རྭ་དང་ནམ་མཁའི་པདྨོ་བཞིན་ཤིན་དཀོན་ནོ།
ཁོང་རྣམ་པར་བཀྲིས་བདེ་ལེགས་ཀྱི་རྟེན་འབྲེལ་ཞུ། འདི་ལྟར་ཉིན་གཅིག་ཏུ་སྡེབ་བསྐོས་གནང་པ་འདི་ཡང་བཀའ་ཁྲི་གསར་པས་གནང་ཕྱོགས་གསར་པ་ཞིག་རེད་སྙམ། གཅིག་བྱས་ན་འདི་རྒྱབ་་ནས་ལམ་སྟོན་ཞིག་དང་གསར་གཏོད་ཀྱི་ལམ་སྒོ་དམིགས་བསལ་ཞིག་ཀྱང་མངོན་སྲིད།
སྲིད་བྱུས་གསར་པ་མང་དག་ཅིག་བསྒྲག་རྒྱུ་ཡོད་མདོག་གསུངས་ཀྱང་། གོ་རྒྱུ་རིག་རྒྱུ་ཚོར་དེ་ཙམ་མི་འདུག་པས་མགྱོགས་མྱུར་ཕེབས་ནས་ཤོག་དང་། དུས་ཚོད་ཛ་དྲག་རེད།
འོ༌༌༌༌༌བོད་གཞུང་དྲ་རྒྱ་ལེགས་པོ་བཅོས་འདུག བོད་ཡིག་གི་དྲ་ལམ་ཡང་ཕྲན་བུབཟང་དུ་སོང་བར་དམིགས་བསལ་བཀྲིས་བདེ་ལེགས་ཞུ།