དེ་རིང་ཞོགས་པར་རྔ་པ་ཀིརྟི་དགོན་པའི་རྒྱ་གཞུང་ཉེན་རྟོག་ལས་ཁུངས་སྒོ་ཁར། བོད་རིགས་བུད་མེད་ཅིག་གིས་རྒྱ་གཞུང་ལ་ངོ་རྒོལ་གྱིས་རང་ལུས་མེར་བསྲེགས་ཏེ་སྐུ་གྲོངས་འདུག
ད་ལྟ་རིང་གནས་ཚུལ་འབྱོར་གསལ་ལ། དེ་རིང་ཞོགས་པའི་བོད་ནང་གི་ཆུ་ཚོད་ ༦།༣༠ ཙམ་ལ་རྔ་པ་ཀིརྟི་དགོན་པའི་སྒོ་ཆེན་འགྲམ་དུ་གཏན་སྡོད་བྱས་ནས་ཡོད་པའི་ཀིརྟི་དགོན་པར་དམིགས་བསལ་ལྟ་སྲུང་བྱེད་མཁན་གྱི་ཉེན་རྟོག་ལས་ཁུངས་སྒོ་མདུན་དུ། རྔ་པ་རྫོང་གཅའ་ཞང་རྭ་རུ་བའི་ལམ་དཀར་ཚང་གི་མནའ་མ་རིན་ཆེན་ཞུ་པ། ཕ་མིང་ལ་ར་སྣ། མ་མིང་ལ་ལྷ་ཁོ། རང་ལོ་ ༣༢ ཡིན་པ། ཁོང་མོས་རྒྱལ་བ་རིན་པོ་ཆེ་བོད་ལ་ཕེབས་དགོས། བོད་ལ་རང་དབང་དགོས་ཞེས་ཞུ་འབོད་གནང་བཞིན་རང་ལུས་མེར་བསྲེགས་བཏང་སྟེ། ས་གནས་དེ་ཀ་རང་དུ་སྐུ་གྲོངས་ཡོད་འདུག
རིན་ཆེན་ལགས་ནི་ནགས་ཚང་མའི་ར་སྣ་ཚང་གི་ཕ་ར་སྣ་དང་མ་ལྷ་ཁོ་གཉིས་སུ་སྐྱེས་ཤིང་། རྗེས་སུ་རྭ་རུ་བའི་ལམ་དཀར་ཚང་གི་བུ་བྷུ་ངྷ་ཟེར་བའི་མནའ་མར་སོང་ཡོད་ཅིང་། མི་ཚང་དེར་གཟའ་མི་ཁྱོན་བརྒྱད་ཡོད་པ་དང་། ཁོང་ལ་ཕ་མ་གཅིག་པའི་མིང་སྲིང་བརྒྱད་ཡོད་པའི་ནང་ནས་ཁོང་ཆེ་ཤོས་གཉིས་པ་དེ་ཡིན་འདུག སྐབས་ཐོག་དེར་ཁོང་གི་སྐུ་ཕུང་དགོན་པའི་ནང་ཡར་འཁྱེར་ཐུབ་པ་བྱུང་ཡོད་མོད་དེའི་རྗེས་སུ་སྐུ་ཕུང་རྒྱ་གཞུང་གིས་བཙན་འཕྲོག་བྱས་ཡོད་མེད་ཀྱི་གནས་ཚུལ་ཤེས་རྟོགས་མ་བྱུང་།
ཁོང་གི་གཟའ་ཟླ་ལོ་གཅིག་གི་སྔོན་ལ་གྲོངས་ཡོད་སྟབས། ད་ཆར་ཤུལ་དུ་ཕ་མ་གཉིས་ཀ་མེད་པའི་ཕྲུ་གུ་ ༤ ལྷག་ཡོད་པའི་ནང་ནས་ཆེ་ཤོས་ལོ་ ༡༣ དང་། ཆུང་ཤོས་དེ་ཟླ་ངོ་ཁ་ཤས་ལས་སོན་མེད་པའི་བྱིས་པ་བྲང་འབྱར་ཞིག་ཡིན་འདུག དོན་རྐྱེན་དེ་བྱུང་མ་ཐག་རྔ་པའི་རྫོང་མཁར་དུ་དམག་མི་དང་ཉེན་རྟོག་པ། དམིགས་བསལ་ཉེན་རྟོག་པ་བཅས་སྔར་བས་མང་དུ་བཏང་སྟེ་དམ་དྲག་ཤུགས་ཆེན་བྱེད་བཞིན་ཡོད་འདུག
གནས་ཚུལ་གཏོང་མཁན། གྲྭ་བློ་བཟང་ཡེ་ཤེས་དང་ཀ་ཉག་ཚེ་རིང་།
སྙིང་ཁོང་རུས་པའི་གསང་ནས་གུས་འདུད་ཞུ། ཁྱེད་ཅག་ནི་བོད་ཀྱི་སྲིད་པ་མ་འཇིགས་པའི་བར་བོད་ཀྱི་དཔའ་བོའི་ལོ་རྒྱུས་ཀྱི་རྡོ་རིང་ཞེ་གཅིག་སྟེ་ནམ་ཞིག་གི་ཚེ་ཕོ་བྲང་པོ་ཏཱ་ལའི་མདུན་ཐང་དུ་ཁྱེད་ཅག་གི་ལོ་རྒྱུས་གསོན་པོ་བསྐལ་བར་དུ་གནས་ངེས།
རྒྱལ་གཅེས་དཔའ་མོ་རྔ་བ་གཅའ་ར་རུ་བའི་ལམ་དཀར་ཚང་གི་མནའ་མ་རིན་ཆེན་ལགས་ཀྱི་བློས་བཏང་དང་ཆོད་སེམས་ལ་གུས་འདུད་ཞུ་རྒྱུ་དང་། ཤུལ་ལུས་ཁོང་གི་ཕ་མ་གཉིས་དང་ནང་མི་སྤུན་མཆེད་ཚོར་ཐུགས་གསོ་དང་གདུང་སེམས་སྐྱེ་ཞུ། ཨོཾ་མ་ཎྀ་པདྨེ་ཧཱུཾ།
རང་གི་གཅེས་ཕྲུག་དམར་མོ་ཡང་དོར་ནས་བོད་རང་དབང་དང་༧སྤྱི་ནོར་༧གོང་ས་མཆོག་ལ་དམིགས་པའི་མཛད་རྗེས་ལ་སྙིང་ཐག་པ་ནས་གུས་འདུད་ཞུ། གཅེས་པའི་གངས་ཅན་པ་རྣམས་ཁྱེད་ཚོ་རེ་རེ་འདི་ལྟར་བཞུད་ནས་མ་འོངས་པར་སྙིང་མེད་ང་ཚོ་ལ་བདེ་སྐྱིད་ག་འདྲ་ཞིག་ཐོབ་ཀྱང་ང་ནི་ངོ་གནོངས་པ་འདྲ་ཚོར་ཡོང་གི་འདུག
སྐྱབས་སུ་འཆིའོ་འཕགས་མཆོག་སྤྱན་རས་གཟིགས། །ཐུགས་རྗེས་གཟིགས་ཤིག་གངས་ཅན་འགྲོ་བའི་མགོན། །དཔའ་མོ་འདི་ཡི་ཐུགས་ཀྱི་རེ་དོན་ཀུན། མྱུར་དུ་འགྲུབ་པར་མཛོད་ཅིག་ཡིད་བཞིན་ནོར། །
དངོས་གནས་འདི་ཚོ་གོ་ཡོང་དུས་བཙན་བྱོལ་ནང་གི་སྨྱུག་ཐོག་པར་རློམ་པའི་ཀླུ་བྱམས་ཅན་དང་། རང་བཙན་གྱི་ཁ་སྟོང་བསྒྲགས་པའི་འཇམ་ནོར་སོགས་ལ་བརྡ་ལན་ཞིག་འཕྲོད་པར་ཤོག ལོ་རྒྱུས་པར་ཁས་འཆེ་བའི་བཀྲ་ཚེ་ཅན་ནས་ཀྱང་གོ་དགོས་པར་ཡོད་དོ། །
ཁོང་གིས་བོད་མི་རིགས་ཀྱི་དོན་དུ་རང་སྲོག་བློས་བཏང་རྗེས་ང་ཚོས་རྗེས་སུ་ཡི་རང་ཙམ་ལས་ཞུ་མི་ཐུབ་པ་དང་། ཡང་ན། ཁ་ཡོད་ལག་ཡོད་ཀྱི་རོགས་རམ་ཙམ་ཡང་ཞུ་མི་ཤེས་པ་འདི་སྐྱོ་བོ་རེད། ད་ནི་ཁོང་གི་ཤུལ་ལུས་ནང་མི་ལ་གདུང་སེམས་མཉམ་སྐྱེད་བྱ་འདོད་མཁན་ཚོས་ཁོང་གི་ཤུལ་ལུས་བྱིས་པ་དེ་ཚོར་སློབ་སྦྱོང་གི་མཐུན་འགྱུར་དང་། ཨ་མ་དྲིན་མོ་ཆེ་མི་རིགས་འདིའི་དོན་དུ་བཞུད་ཤུལ་དུ་མི་རིགས་ཀྱི་ཨ་ཁུ་ཨ་ནེ་དང་སྤུན་ཟླ་དག་གི་བརྩེ་བ་དང་བྱམས་བརྩེ་རག་ཐབས་ཤིག་ལ་ང་ཚོས་བསམ་བློ་གཏོང་ཐུབ་ན་འོ་ཙི་རེད། དེ་མ་གཏོགས་མི་རིགས་ཀྱི་དོན་དང་མི་རིགས་ཀྱི་འཐབ་རྩོད་ཆེད་འགན་འཁུར་གི་ཡིན་ལབ་ན་འོས་འཚམ་ཞིག་ཏུ་མཐོང་ཁག་པོ་འདུག
བོད་བསྟན་པ་ཆབ་སྲིད་ཀྱི་དོན་ལ་རང་ལུས་མཆོད་མེ་རུ་བསྒྲོན་པའི་དཔའ་མོ་ལགས་སུ་གུས་འདུད་མྱ་ངན་ཞུ། ཨ་མའི་འོ་མ་ལ་རེ་སྒུག་བྱེད་བཞིན་པའི་བྱིས་པ་དེར་བསམ་ན་མིག་ཆུ་རང་དབང་མེད་པར་བཞུར་སོང་།
ངོ་མ་གནས་ཚུལ་དེ་དག་གོ་ཡོང་དུས་སེམས་སྐྱོ་ནས་ངུ་དགོས་པ་ཡིན་དང་དཔའ་བོ་དེ་དག་ལ་སྔགས་ནས་དགའ་དགོས་པ་ཡིན་མི་ཤེས་དུ།བསྐྱར་དུ་རང་དབང་ལུང་པ་ཞིག་ལ་མི་ལུས་བཟང་པོ་ཞིག་གི་སྐྱེ་བ་ལེན་པའི་སྨོན་ལམ་ཞུ།
གླིང་གི་སེང་ལྕམ་འབྲུག་མོ་དང་།།
དཔའ་མོ་ཨ་སྟག་ལྷ་མོ་སོགས།།
བུ་ཕྲུག་སྐྱེ་འཕེལ་ཙམ་མིན་པར།།
བྱས་རྗེས་མི་རིགས་སྙིང་ལ་བཀོད།།
ང་ཚོས་ཁོང་གི་སྙིང་སྟོབས་དང་བློས་གཏོང་ལ་ཡིད་རང་ཞུ་དགོས་པ་མ་ཟད་དེ་བས་ཁོང་གི་ཤུལ་ལུས་ཕྲུག་གུ་རྣམས་ལ་ལྟ་སྐྱོང་བྱེད་དགོས་པ་ནི་ཧ་ཅང་གི་གལ་ཆེན་ཞིག་ཡིན།
མྱ་ངན་གུས་དུད་དང་། རྟེན་བཟང་མྱུར་ཐོབ་ཤོག །
དཔའ་མོ་རིན་ཆེན་ལགས་ལ་གུས་འདུད་ཞུ། ཕྱི་ལོ་ ༡༩༥༩ ༣ ༡༢ དང་། དེ་རིང་གི་གནས་ཚུལ་འདི་ནི་ང་ཚོའི་མི་རིགས་ཀྱི་རྒྱལ་རབས་ལོ་རྒྱུས་ནངཁྱིམ་པ་བུད་མེད་ཀྱི་བློས་བཏང་དམིགས་བསལ་ཞིག་ཡིན་པས་ཁྱེད་ཀྱི་ལོ་རྒྱུས་རྡོ་རིང་དུ་བརྐོ་ངེས་ཡིན།
བདེ་བདེན་ཞིང་དུ་སྐྱེ་བར་སྨོན། འདི་ཕྱིའི་༸སྐྱབས་མགོན་གྱིས་ཁྱེད་ཀྱི་བློས་བཏང་ལ་ཐུགས་སྨོན་ལམ་འདྲེན་གནང་བཞིན་རེད།
བློ་བདེར་ཕེབས་ཤིག ཐུགས་རྗེ་ཆེ།
དཔའ་རྒོད་ཚོར་ཁྱེད་ཚོ་ཅི་འདྲི་སྙིང་སྟོབས་ཞིག ཅི་འདྲི་དཔའ་ངར་ཞིག
བདག་གི་ཁྱེད་ཚོའི་སྙིང་སྟོབས་ལ་གུས་འདུད་ཞུ་བཞིན་ཡོད་་་་པུས་མོའི་ལྷ་ང་ས་ལ་བཙུག་ནས་ལག་གཉིས་ཐལ་མོ་སྙིང་ཀར་སྦྱར་ནས་མིག་རིང་ཐུང་ཞིག་དང་མཉམ་དུ་ཁྱེད་ཚོའི་མྱ་ངན་ཞུ་བཞིན་ཡོད།
རེད་ཡ་བྱིས་པ་དམར་འབྱོར་ཅན་གྱི་བུད་མེད་ནས་བཟུང་བྱིས་པ་ལོ་དགུ་ཅན་གྱི་བར་དུ་མི་རིགས་ལ་བཅང་བའི་ལ་རྒྱ་དང་སྙིང་སྟོབས་ད་དུང་བཙན་འོག་གི་མནར་གཅོད་འདི་དག་ང་ཚོ་ཚང་མའི་་ཤེས་དགོས་པ་ཞིག་རེད།སྙིང་ཉེ་བའི་སྤུན་ཟླ་ཚོས་རེ་བ་མངོན་འགྱུར་བྱ་ཐུབ་པའི་ཡིད་ཆེས་ཡོད།ཤུལ་དུ་ལྷག་མཁན་ཚོས་དུས་ཚོད་དང་སྐད་ཆ་དམ་འཛིན་བྱེད་རོགས་ཟེར་བ་དེ་ཡིན།
རྨ་ཆུ་རུ་མེར་བསྲེག་ཞི་རྒོལ།
ཁ་སང་ཕྱི་ཚེས་གསུམ་ཉིན་གྱི་ཆུ་ཚོད་གསུམ་པ་ཡས་མས་སུ། ཨ་མདོ་རྨ་ཆུ་རྫོང་དུ་རྒྱ་གཞུང་ལ་ངོ་རྒོལ་ཆེད་དུ། རྫོང་བོད་རིགས་སློབ་འབྲེང་གི་སློབ་མ་བུ་མོ་ཞིག་གིས་རང་ལུས་མེར་བསྲེག་གནང་འདུག འོན་ཀྱང་ད་དུང་མིང་དང་ལོ་སོགས་གསལ་བོ་མ་ཤེས། འདི་ནི་རང་ལུས་མེར་བསྲེག་གིས་རྒྱ་གཞུང་ལ་ཞི་བའི་ངོ་རྒོལ་གནང་མཁན་ཉེར་བཞི་བ་ཡིན་འདུག གནས་ཚུལ་རིམ་གྱིས་གསལ་བོ་བཟོས་ཡོང་།
རྒྱལ་གཅེས་མ་རིན་ཆེན་མཆོག་ལ་སྙིང་ནས་གུས་འདུད་དང་། སྐྱེད་མ་མཆོག་གི་སྙིང་སྟོབས་དང་ཆོད་སེམས་ལ་ཡིད་རང་ཚད་མེད་ཡོད། མཆོག་ཉིད་བདེ་ནས་བདེ་བར་འགྲོ་སྨོན་དང་། ཤུལ་ལུས་ཀྱི་ཡ་ང་བའི་དྭ་ཕྲུག་དག་ལ་གདུང་སེམས་མཉམ་སྐྱེད་ཡོད།
ཁོ་མོ་གཙོས་དཔའ་བོ་དཔའ་མོ་ཡོངས་ལ་རྗེས་དྲན་དང་མྱ་ངན་གུས་འདུད་ཞུ།
བྱིས་པ་དམར་འབྱོར་ཅན་གྱི་བུད་མེད་ནས་བཟུང་རང་སྲོག་བློས་གཏོང་བྱེད་ཀྱིན་པ་འདིས་བོད་མི་རིགས་ཀྱི་སྙིང་སྟོབས་དང་མ་འོངས་པའི་རེ་བ་ཚོར་གི
བོད་བསྟན་སྲིད་ཆེད་གྲོངས་ཟིན་པ་དག་ལ་དལ་རྟེན་བཟང་བོ་ཞིག་ཐོབ་པར་སྨོན།