མདུན་ངོས།
About Us
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
No Result
ཆ་ཚང་གཟིགས།

ཟས་བཅད་ངོ་རྒོལ་གྱི་ཉིན་ ༢༧ པ།

བོད་ཀྱི་དུས་བབ།
༢༠༡༢/༠༣/༡༩
Share on FacebookShare on TwitterShare on EmailShare on Whatsapp

ཨ་རིའི་ནེའུ་ཡོག་རྒྱལ་ཚོགས་མདུན་ཐང་དུ་ཟས་བཅད་ངོ་རྒོལ་གནང་སྟེ་ཉིན་ཉེར་བདུན་ཕྱིན་ཡོད་ཀྱང་། ད་བར་རྒྱལ་ཚོགས་ཀྱིས་ཁ་གསལ་བརྡ་ལན་གང་ཡང་སྤྲད་མི་འདུག

ཟླ་སྔོན་མའི་ཕྱི་ཚེས་ ༢༢ ཉིན་ནས་ཨ་རིའི་ནེའུ་ཡོག་མཉམ་འབྲེལ་རྒྱལ་ཚོགས་ལས་ཁུངས་ཀྱི་མདུན་ཐང་དུ། བོད་ཀྱི་གཞོན་ནུ་ལྷན་ཚོགས་ཀྱི་སྣེ་ཁྲིད་འོག བླ་མ་ཤིང་བཟའ་རིན་པོ་ཆེ་མཆོག་དང་། སྐུ་ཞབས་ཡེ་ཤེས་བསྟན་འཛིན་ལགས། རྡོ་རྗེ་རྒྱལ་པོ་བཅས་གྱིས་དུས་ཡུན་ངེས་མེད་ཀྱི་ཟས་བཅད་ངོ་རྒོལ་གནང་བཞིན་པ་ལྟར། ཟླ་འདིའི་ཕྱི་ཚེས་ ༡༩ ཉིན་བར་ཟས་བཅད་ངོ་རྒོལ་གནང་སྟེ་ཉིན་ ༢༧ འགྲོ་བཞིན་ཡོད་འདུག

དེ་རིང་ཕྱི་ཚེས་ ༡༩ ཉིན་གསར་འགོད་པས་ཁ་པར་བརྒྱུུད་གཞོན་ནུའི་ཚོགས་གཙོ་ཚེ་དབང་རིག་འཛིན་ལགས་སུ། ཟས་བཅད་ངོ་རྒོལ་གནང་མཁན་ཚོའི་གཟུགས་པོའི་གནས་སྟངས་སྐོར་བཀའ་འདྲི་ཞུས་པ་ལྟར་ན། ད་ཆར་བླ་མ་ཤིང་བཟའ་རིན་པོ་ཆེ་མཆོག་གི་གཟུགས་པོ་སྤྱི་རྒྱ་ ༡༣ མར་ཆགས་ཡོད་པ་དང་། ཡེ་ཤེས་བསྟན་འཛིན་ལགས་སྤྱི་རྒྱ་ ༡༢ མར་ཆགས་འདུག་ལ། རྡོ་རྗེ་རྒྱལ་པོ་ལགས་སྤྱི་རྒྱ་ ༡༠ མར་ཆགས་ཡོད་འདུག ད་ལྟ་ཁོང་རྣམ་པའི་གཟུགས་པོའི་གནས་སྟངས་ཉིན་རེ་བཞིན་ཇེ་ཞན་དུ་འགྲོ་བཞིན་ཡོད་པ་དང་། ཉིན་འགའི་གོང་ནས་ཡར་ལངས་ཏེ་འགྲོ་ཐུབ་ཀྱི་མེད་པ་དང་། དབུགས་བསཊ་པ་དང་མགོ་ཡུ་འཁོར་བ། མིད་པ་འགག་སྟེ་སྐད་ཆ་བཤད་མ་ཐུབ་པའི་གནས་སྟངས་འོག་ལྷུང་ཡོད་འདུག

ཉེ་ལམ་ནས་རྡོ་རྗེ་རྒྱལ་པོ་ལགས་ཀྱི་གཟུགས་པོ་ཇེ་ཞན་དུ་སོང་སྟེ། གྲོད་ཁོག་ནང་ན་ཟུག་ཆེན་པོ་རྒྱག་མགོ་བཙུགས་ཏེ་དཀའ་ངལ་མི་ཉུང་བ་ཞིག་འཕྲད་བཞིན་ཡོད་འདུག་ལ། གནས་སྟངས་དེའི་ཐོག་ས་གནས་སྨན་པས་ཁོང་ལ་ལས་འགུལ་མཚམས་འཇོག་དགོས་པའི་འབོད་སྐུལ་རིམ་པར་ཞུས་འདུག་ཀྱང་། རྡོ་རྗེ་རྒྱལ་པོ་ལགས་ཀྱིས་ཁོང་ལས་འགུལ་ནང་མཉམ་ཞུགས་བྱེད་དོན་སྨན་བཅོས་ཀྱི་ཆེད་མིན་པར། རྒྱལ་ཚོགས་ཀྱིས་བརྡ་ལན་མ་འབྱོར་བར་ཟས་བཅད་ལས་འགུལ་དེ་མཚམས་འཇོག་གནང་རྒྱུ་མིན་ལུགས་བརྗོད་འདུག

གསར་འགོད་པས་ཚོགས་གཙོ་ཚེ་དབང་རིག་འཛིན་ལགས་སུ་ད་སྔ་མཉམ་འབྲེལ་རྒྱལ་ཚོགས་ཀྱི་འབྲེལ་ཡོད་ཚན་པའི་ངོས་ནས་བརྡ་ལན་འབྱོར་ཡོད་མེད་སྐོར་དྲིས་སྐབས། “ ད་བར་མཉམ་འབྲེལ་རྒྱལ་ཚོགས་ཀྱི་ངོས་ནས་ཐེངས་གསུམ་བརྡ་ལན་སྤྲད་ཡོད་པ་རེད། ང་ཚོས་དེ་དག་བཟང་སྤྱོད་ཀྱི་རྣམ་འགྱུར་ཞིག་ལ་ངོས་འཛིན་བྱེད་ཀྱི་ཡོད། ཡིན་ནའང་། ཟས་བཅད་ངོ་རྒོལ་བའི་དགོས་འདུན་བཏོན་ཚན་ལྔ་བཏོན་ཡོད་པ་དེར་ཁ་གསལ་གྱི་བརྡ་ལན་ཞིག་འབྱོར་ཡོད་པ་མ་རེད། ཟས་བཅད་ངོ་རྒོལ་བ་ཚོའི་གཟུགས་པོའི་གནས་སྟངས་ཉིན་རེ་བཞིན་ཛ་དྲག་ཏུ་འགྱུར་བཞིན་ཡོད་ནའང་། རྒྱལ་ཚོགས་ཀྱི་བརྡ་ལན་གསལ་པོ་ཞིག་མ་འབྱོར་བར་ལས་འགུལ་གྱི་ཆོད་སེམས་འགྱུར་བ་གང་ཡང་མི་འདུག་ ” ཅེས་བརྗོད་སོང་།

མཐའ་མར་ཁོང་ལ་ཐེངས་འདིའི་ཟས་བཅད་ལས་འགུལ་འདི་ལ་བརྒྱུད་ལམ་ཁག་གིས་དོ་སྣང་ཅི་ཙམ་ཡོང་གི་ཡོད་མེད་དྲིས་པར།  “ ཕྱི་ཚེས་ ༡༤ ཉིན་རྒྱལ་ཚོགས་སྤྱི་ཁྱབ་དྲུང་ཆེ་མཆོག་གི་མགྲིན་ཚབ་པ་མཱར་ཊིན་ནེ་སིར་ཀི (Martin Nesirky) མཆོག་གིས། གསར་འགོད་ལྷན་ཚོགས་ཤིག་གི་སྟེང་ནེའུ་ཡོག་རྒྱལ་ཚོགས་ལས་ཁུངས་མདུན་དུ་ཟས་བཅད་ངོ་རྒོལ་གནང་བཞིན་པའི་བོད་མི་གསུམ་གྱི་གཟུགས་པོའི་གནས་སྟངས་ལ་སེམས་འཚབ་ཡོད་སྐོར་དང་། ཕྱི་ཚེས་ ༡༢ ཉིན་སྤྱི་ཁྱབ་དྲུང་ཆེ་གཞོན་པ་སྐུ་ཞབས་ཨེ་ཝན་སེ་མོ་མོ་ཝེ་ཆི་ (Ivan Simon vic) མཆོག་གིས་ཟས་བཅད་ངོ་རྒོལ་བ་གསུམ་ལ་ཐུགས་གསོའི་འཚམས་འདྲི་གནང་ཡོད་པ་དང་། བོད་ཀྱི་གཞོན་ནུ་ཚོགས་པའི་སྐུ་ཚབ་དང་ཐུག་འཕྲད་བྱས་ཡོད་པ། བོད་ནང་གི་གནས་སྟངས་ཐོག་རྒྱ་ནག་གཞུང་ཚབ་ལ་ཐུག་འཕྲད་བྱས་ཡོད་སྐོར་གསུངས་བ་དེས། བྷེ་བྷེ་སི་དང་ཨེ་པཱེ་སོགས་གསར་འགྱུར་བརྒྱུད་ལམ་ཁག་ཏུའང་སྔར་ལས་དོ་སྣང་བྱེད་མཁན་མང་པོ་བྱུང་སོང་།  ” ཞེས་བརྗོད་བྱུང་།

གསར་འགོད་པ། དཔལ་ལྡན།

མཆན། 11

  1. སྐར་མདའ། says:
    ལོ་ 11 སྔོན།

    རྒྱ་ནག་གི་མཉམ་འབྲེལ་རྒྱལ་ཚོགས་དང་། རྒྱ་དགའ་སྦན་ཁི་མོན་བཅས་ལ་ཚ་ཚ་འུར་འུར་གྱི་སུན་སྣང་ཞིག་མཚམས་མེད་དུ་བཟོ་དགོས་པ་ཞིག་རེད། བཀའ་ཁྲི་ཁ་བདེ་དེས་ཀྱང་སྤམ་བཤད་བྱེད་བཞིན་སྙན་ཞུ་གཅིག་གཉིས་རེ་བསྐུར་ནས་འདུག་རྒྱུའི་དུས་ཚོད་ཙམ་གཏན་ནས་མ་རེད། རྒྱལ་ཚོགས་ཀྱིས་གཙོས་པའི་ཚོགས་སྡེ་ཁག་ལ་གདོང་དང་གདོང་གཏུག་གིས་བོད་ཀྱི་ཛ་དྲག་གི་གནས་ཚུལ་དེ་ཚོ་ཡང་ནས་ཡང་དུ་ཞུ་སྐུལ་ནན་པོ་བྱ་དགོས་པར་མཐོང་།

    Reply
  2. གནས་ཚང་། says:
    ལོ་ 11 སྔོན།

    ཤིང་བཟའ་རིན་པོ་ཆེ་ལགས་སེ་ར་དགོན་པའི་ཚོགས་ཆེན་ཁྲི་བ་ཡིན་སྐད། དེའི་ཁར་རྗེ་ཙོང་ཁ་བ་ཆེན་མོའི་ཡུམ་གྱི་ཡང་སྲིད་རེད། ཨ་མདོའི་ནང་གི་བླ་མ་ཆེ་ཤོས་གྲས་ཀྱི་གཅིག་རེད། སྐུ་སྲོག་ལ་ཉེན་ཁ་བྱུང་ཚེ་ཉུང་མཐར་མཚོ་སྔོན་ནང་ཟང་ཟིང་ཞིག་ཆགས་སྲིད་པས། དེའི་མཇུག་འབྲས་རྒྱལ་ཚོགས་ཀྱིས་འགན་འཁུར་ཐུབ་མིན་འདྲི་རན་འདུག སྐད་འདི་གཞོན་ནུའི་ཚོགས་གཙོར་བཤད་རོགས།

    Reply
  3. ཀརྨ་རྡོ་རྗེ། says:
    ལོ་ 11 སྔོན།

    རྒྱ་གཞུང་གིས་དགག་ཕྱོགས་ཀྱིས་བོད་མིའི་སྲོག་བཅད། བོད་པས་སྒྲུབ་ཕྱོགས་ནས་བོད་མི་འཆི་རུ་བཅུག་ན་ནོར་བ་མ་རེད་པེ། གཞོན་ལྷན་ཚོ།

    Reply
  4. འབྲུག་དཀར ། says:
    ལོ་ 11 སྔོན།

    རྒྱལ་ཚོགས་ཀྱིས་འདི་ལྟར་སྒུག་བསྡད་ན་ཁོང་ཚོའི་སྲོག་ལ་ཉེན་ཁ་འབྱུང་ངེས། ནམ་ཞིག་སྲོག་དང་བྲལ་ཚེ་བོད་ས་ཡོངས་རྫོགས་ཚ་ཚ་འུར་འུར་ཞིག་ཆགས་ངེས་ཡིན་ལ་དེ་དུས་རྒྱལ་ཚོགས་ར་བ་འདི་ང་ཚོ་ལ་དགོས་དོན་མེད། དྲང་བདེན་གྱི་མེ་འོད་ཀྱིས་གནམ་ས་གཡོས་ཀྱང་ཐུགས་ཁུར་དང་རྒྱབ་སྐྱོར་ཅི་ཡང་མེད་པའི་ཅེ་སྤྱང་གི་ཁྱུ་ཚོགས་ཤིག་གིས་ཅི་བྱེད། ང་ཚོ་ལ་ཡོད་པ་ནི་དྲང་བདེན་ཡིན་ཀྱང་། ཁོང་ཚོ་དགོས་བ་ནི་དེ་དག་མ་རེད།

    Reply
  5. གཟུར་གནས། says:
    ལོ་ 11 སྔོན།

    ཁོང་རྣམ་པ་གསུམ་གྱིས་མི་མང་རང་གི་རྣམ་པའི་ཐོག་ནས་དགོས་འདུན་དོན་ཚན་དེ་དག་བཏོན་ཡོད་ན། དེ་ལ་ད་གཟོད་རྒྱལ་ཚོགས་ཀྱིས་ཏན་ཏན་ལན་ཞིག་གནང་གི་རེད། ཡིན་ནའང་། གཞོན་ལྷན་གྱིས་གོ་སྒྲིག་གནང་སྟབས། རྒྱལ་སྤྱི་ཕར་ཞོག་ཨ་རིའི་གཞུང་ཡིན་ནའང་། དེ་ལ་ཆབ་སྲིད་ཀྱི་རོགས་པ་གནང་ཐུབ་ཀི་མ་རེད། པེད་ཤག་ཅུང་ཙམ་སྤྲོད་སྲིད་པ་རེད། ཆབ་སྲིད་ཟེར་བ་འདི་ཨུ་ཚུགས་རང་རྒྱག་རྒྱུ་ཡོད་པ་མ་རེད་ཅེས་སྲིད་འཛིན་བྷུའུ་ཤིས་སྔོན་མ་གསུངས་མྱོང་འདུག
    གཉིས་ནས། ཁ་སང་ལོ་སར་སྐབས་དབུ་མའི་ལམ་གྱི་ལས་འགུལ་རྒྱལ་ཚོགས་ཀྱིས་དེ་མ་ཐག་ལས་ཁུངས་སུ་གདན་འདྲེན་ཞུས། འབྱོར་ཐམ་བཀོད། རྗེས་སུ་ཁོང་ཚོའི་རེ་འདུན་ལ་ལན་ཡང་གནང་འདུག་ཅེས་ཐོས་སོང་། དེ་བས་ད་ཐེངས་རྒྱལ་ཚོགས་བཏང་སྙོམས་སུ་བཞུགས་རྒྱུ་འདི་ཟས་བཅད་ངོ་རྒོལ་གྱིས་མ་ཕན་པ་མ་རེད། དོན་ཚན་རྣམས་ལ་ལན་རྒྱག་སྟབས་མ་བདེ་བས་མ་རེད། ཡིན་རྒྱུ་གཅིག་ནི་རྒྱལ་སྤྱིའི་ཆབ་སྲིད་ཀྱི་འཕེལ་རིམ་ཁྲོད་དུ་བོད་རང་བཙན་ལ་རྦད་དེ་རྒྱབ་སྐྱོར་མེད་པ་དང་ཁོར་ཡུག་གང་ཡང་མེད་པ་བཟོ་རྒྱུ་ནི་རྒྱ་ནག་གི་ངོ་སྲུང་ཆེ་ཤོས་ཆགས་ཀྱི་ཡོད་སྟབས། རྒྱལ་ཚོགས་ཀྱིས་འདི་ལྟར་དུས་ཚོད་ཕུད་རྒྱག་བྱེད་ཀྱི་རེད།

    Reply
  6. ཤིང་ལོ། says:
    ལོ་ 11 སྔོན།

    རང་སྲོག་ལུས་ལ་མི་འཐོག་ལ་རྒྱར་འཐོག།
    སེམས་པ་ཟས་ལ་མི་འཐོག་བོད་ལ་འཐོག།
    རེ་བ་མིང་ལ་མི་འཐོག་དོན་ལ་འཐོག།
    ཆོད་སེམས་གཏམ་ལ་མི་འཐོག་ལ་སྙིང་ལ་འཐོག།

    Reply
  7. བློ་བཟང་ཕུན་ཚོགས། says:
    ལོ་ 11 སྔོན།

    རྒྱལ་གཅེས་དཔའ་བོ་གསུམ་ལ་སྙིང་དབུས་ནས་གུས་འདུད་ཞུ། ཁྱེད་རྣམས་ཀྱི་འདས་སིམ་པའི་རླབས་ཆེན་གྱི་བྱ་བ་ལ་ནམ་ཡང་དྲན་བཞིན་ཡོད་ལ། ཁྱེད་རྣམས་ཀྱི་དགོས་འདུན་མྱུར་དུ་འགྲུབ་པའི་སྨོན་འདུན་ཞུ་བཞིན་ཡོད། ཡིན་ན་ཡང་ཁྱེད་རྣམས་ཀྱི་དགོས་འདུན་མྱུར་ཏུ་འགྲུབ་པའི་རེ་བ་རྟ་རྔ་བཞིན་ཧ་ཅང་ཕྲ། རྒྱུ་མཚན་ནི་རྒྱལ་ཚོགས་ཀྱི་སྒོ་འགྲམ་ན་གནས་ལུགས་དང་རྒྱུ་མཚན་ནི་ཧ་ཅང་ནུས་མེད་ཅིག་རེད།

    Reply
  8. རང་རྟོན། says:
    ལོ་ 11 སྔོན།

    དོན་ངོ་མའི་རྒྱལ་ཚོགས་ནི་དཔལ་འབྱོར་གྱི་རྒྱུག་ཁྱི་ཞིག་ལས་མ་འདས་པས་འུ་ཚང་ལྟ་བུ་མིག་ན་ཡོད་ནི་མ་རེད།

    Reply
  9. སྐར་ཁྲི་བཙན། says:
    ལོ་ 11 སྔོན།

    རྒྱལ་གཅེས་དཔའ་བོ་གསུམ་པོར་སྙིང་ཐག་པས་ནས་ཐུགས་རྗེ་ཆེ་ཞུ་བཞིན་ཡོད་ལ། ཁྱེད་རྣམ་པའི་མ་འོངས་པའི་རླབས་ཆེན་བྱ་བཞག་གི་ཆེད་དུ་སྐབའ་འདིའི་ལས་འགུལ་མཚམས་འཇོག་བྱ་བའི་རེ་བ་དང་འབོད་སྐུལ་གྲངས་མེད་ཞུ་བཞིན་ཡོད།

    Reply
  10. འཇིགས་མེད says:
    ལོ་ 11 སྔོན།

    དཔའ་བོ་གསུམ་གྱི་རྒྱབ་ཀྱི་བོད་ཀྱི་རྒྱལ་དར་དེ་
    རླུང་རྟའི་དར་ཆོག་གི་རྒྱབ་ནས་མཐོང་གི་མི་འདུག་
    རྒྱལ་དར་དེ་མདུན་དུ་མཐོང་བ་བྱས་ན་ཡག་པོ་འདུག་
    རྒྱལ་དར་རྒྱབ་ལ་སྤས་དགོས་མ་རེད་ལགས་
    གཞོན་ནུ་ཚོགས་གཙོ་དང་ཚོགས་མི་ཚོ

    Reply
  11. གླག་སྨྱོན། says:
    ལོ་ 11 སྔོན།

    དོན་ངོ་མ་ཁོ་ཚོས་དགོས་འདུན་སྟོན་པ་ནང་བཞིག་བརྡ་ལན་ཞིག་སྤྲོད་སྲིད་དམ། གལ་ཏེ་མ་སྤྲད་ན་ཁོ་ཚོ་འཆི་འཇུག་རྒྱུ་རེད་དམ། ང་འདའི་ཕྱོགས་སུ་བློ་འཚབ་ཧ་ཅང་ཆེ་གི

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist