དེ་རིང་ཞིན་ཧྭ་གསར་ཁང་གིས་པའོ་ཞིས་ལའེ་ཡི་རྒྱ་གཞུང་དབུས་ཆབ་སྲིད་ལྷན་ཁང་གི་འཐུས་མིའི་གོ་གནས་ཕྱིར་བསྡུ་བྱས་ཏེ། ཁྲིམས་ལྟར་ཞིབ་བཤེར་བྱ་རྒྱུ་ཡིན་པ་བསྒྲགས་འདུག
དེ་རིང་ཕྱི་ཚེས་ ༡༠ ཉིན་རྒྱ་ནག་གཞུང་འབྲེལ་ཞིན་ཧྭ་གསར་ཁང་གི་དྲ་བའི་གཙོ་ངོས་མགོ་བརྗོད་དུ། ༼རྒྱ་ནག་དབུས་གཞུང་གིས་པའོ་ཞིས་ལའེ་ཡི་ཏང་གི་རྩ་འཛུགས་དང་འགལ་བའི་ནག་ཉེས་ལ་ཞིབ་བཤེར་བྱ་རྒྱུ་ཡིན༽ཞེས་པའི་གནས་ཚུལ་སྤེལ་ཏེ། པའོ་ཞིས་ལའེ་ཡིས་ཏང་གི་རྩ་འཛུགས་དང་འགལ་བའི་ནག་ཉེས་ཚབས་ཆེན་བསགས་པར་བརྟེན། ༼རྒྱ་གཞུང་དམར་ཤོག་པའི་སྒྲིག་ཡིག༽ དང་ ༼རྒྱ་གཞུང་དམར་ཤོག་པའི་རྩ་འཛུགས་ཞིབ་བཤེར་སྡེ་ཁག་གི་གྱོད་དོན་ཞིབ་བཤེར་བྱ་བའི་ཁྲིམས་སྲོལ༽ གཉིས་ཀྱི་གཏན་འབེབས་ལྟར། པའོ་ཡི་རྒྱ་གཞུང་དབུས་ཆབ་སྲིད་ལྷན་ཁང་གི་འཐུས་མི་དང་རྒྱ་ནག་དབུས་གཞུང་གི་འཐུས་མི་བཅས་ཀྱི་གོ་གནས་ཕྱིར་བསྡུ་བྱས་པར་མ་ཟད། རྒྱ་གཞུང་དབུས་རྩ་འཛུགས་ཞིབ་བཤེར་ལྷན་ཁང་གིས་པའོ་ལ་ཞིབ་བཤེར་བྱ་རྒྱུ་ཡིན་པ་བསྒྲགས་འདུག
དེ་དང་དུས་མཚུངས་སུ་རྒྱ་གཞུང་ཞིན་ཧྭ་གསར་ཁང་གིས་༼སྤྱི་བདེ་ཚན་པས་ནའེ་ཨར་ཝུ་ཏིག་གི་ཤི་རྐྱེན་ཐད་ཁྲིམས་ལྟར་བསྐྱར་ཞིབ་བྱ་རྒྱུ་ཡིན༽ ཞེས་པའི་གནས་ཚུལ་ཞིག་ཀྱང་སྤེལ་ཏེ། ཕྱི་ཟླ་ ༢ ཚེས་ ༦ ཉིན་ཝང་ལིས་ཅོན་ཨ་རིའི་གཞུང་ཚབ་ཁང་དུ་འཛུལ་བའི་དོན་རྐྱེན་བྱུང་རྗེས། ཝང་ལིས་ཅོན་གྱིས་ཕྱིར་སྒྲོག་བྱས་པ་ལྟར། ༢༠༡༡ ཕྱི་ཟླ་ ༡༡ ཚེས་ ༡༥ ཉིན་དབྱིན་ཇིའི་མི་སེར་ནའེ་ཨར་ཝུ་ཏིག་རྒྱ་ནག་ཁྲུང་ཆིན་ཏུ་འདས་གྲོངས་ཕྱིན་པའི་གྱོད་དོན་དེའི་ཐད། ཉེན་རྟོག་སྡེ་ཁག་གིས་དོ་སྣང་ཆེན་པོ་གནང་སྟེ་བསྐྱར་ཞིབ་ཚོགས་ཆུང་ཞིག་ཆེད་འཛུགས་ཀྱིས་དོན་དངོས་གནས་ཚུལ་གཞིར་བཟུང་ཁྲིམས་ལྟར་ཞིབ་བཤེར་ཐག་གཅོད་བྱ་རྒྱུ་ཡིན་སྐོར་བསྒྲགས་འདུག
པའོ་ཞིས་ལའེ་ཡི་ཆུང་མ་ཀུའུ་ཁའེ་ལའེ་དང་ནའེ་ཨར་ཝུ་ཏིག་གཉིས་སྔོན་ཆད་འབྲེལ་བ་ཟབ་མོ་ཡོད་པ་དང་། རྗེས་སུ་དཔལ་འབྱོར་ཁེ་ཕན་གནད་དོན་གྱི་རྐྱེན་པས་འགལ་བ་བྱུང་ཡོད་འདུག ཞིན་ཧྭ་དྲ་བའི་སྟེང་གནས་ཚུལ་སྤེལ་བའི་ནང་། བསྐྱར་ཞིབ་བརྒྱུད་རིམ་ཁྲོད་དབྱིན་ཇིའི་མི་སེར་ནའེ་ཨར་ཝུ་ཏིག་ནི། པའོ་ཞིས་ལའེ་ཡི་ཆུང་མ་ཀུའུ་ཁའེ་ལའེ་དང་ཁོ་ཚང་གི་ཁྱིམ་ལས་གཉེར་མཁན་ཀྲང་ཞའོ་ཅོན་གཉིས་ཀྱིས་ངན་འབྲེལ་ལྐོག་གསོད་བྱས་པའི་བདེན་དཔང་ལག་སོན་བྱུང་ཡོད་པར་མ་ཟད། ལག་དམར་གཉིས་ཁྲིམས་ཞིབ་སྡེ་ཁག་ལ་རྩིས་སྤྲོད་བྱས་ཡོད་སྐོར་བཀོད་འདུག
གཞན་ཡང་། རྒྱ་གཞུང་ཞིན་ཧྭ་གསར་ཁང་གིས་འབྲེལ་ཡོད་སྡེ་ཁག་གི་འགན་ལེན་མི་སྣའི་སྐད་ཆ་ལུང་འདྲེན་བྱས་པ་ལྟར་ན། “རྒྱ་ནག་ནི་སྤྱི་ཚོགས་རིང་ལུགས་ཀྱི་ཁྲིམས་སྐྱོང་རྒྱལ་ཁབ་ཅིག་ཡིན་པས། ཁྲིམས་ལུགས་ཀྱི་ཆེ་མཐོང་དང་དབང་ཚད་རྡོག་རོལ་གཏོང་མི་ཆོག གལ་སྲིད་མི་སུ་འདྲ་ཞིག་དང་འབྲེལ་པ་ཆགས་ཀྱང་ཁྲིམས་དང་འགལ་ཡོད་ཚེ། ཚང་མ་ཁྲིམས་ལྟར་ཐག་གཅོད་བྱ་རྒྱུ་ལས་སྐྱང་ལང་དུ་གཏན་ནས་གཏོང་གི་མིན” ཞེས་བརྗོད་ཡོད་འདུག
རྒྱ་ནག་དབྱེ་ཞིབ་པ་དག་གིས་གསར་ལམ་ཁག་ཏུ་དཔྱད་གཏམ་སྤེལ་དོན་ལྟར་ན། དེ་ནི་པའོ་ཞིས་ལའེ་ཁྲིམས་ལ་སྦྱར་བ་ཙམ་ཁོ་ན་མ་ཡིན་པར། རྒྱ་གཞུང་དབུས་ཆབ་སྲིད་རྒྱུན་ལས་མི་དགུའི་གྲོས་ཀྱི་ཀྲུག་ཡུང་ཁཱང་གཙོས། ཅཱང་ཙེ་མེན་གྱི་ཤོག་ཁག་གི་རྩ་བ་སློག་རྒྱུ་ཡིན་པའི་སྔོན་བརྡ་ཞིག་དང་། རྒྱ་གཞུང་དམར་ཤོག་དཔོན་རིགས་ནང་ཁུལ་གྱི་འཐབ་རྩོད་དེ་ཁྱོ་ཤི་ང་གསོན་གྱི་ཛ་དྲག་གི་གནས་སྟངས་ལ་སླེབས་ཟིན་པ་ཞིག་ཡིན་པར་ངོས་འཛིན་གནང་གི་ཡོད་འདུག
པའོ་ཞིས་ལའེ་དང་ཁོའི་ཆུང་མ་ཀུའུ་ཁའེ་ལའེ་གཉིས་ནི་རྒྱ་གཞུང་མཐོ་རིམ་དབང་འཛིན་དཔོན་རིགས་ཀྱི་རྒྱུད་པ་ཡིན་པར་མ་ཟད། ཁོ་གཉིས་ཀྱི་ཕ་རྒན་པའོ་ཡུས་པའོ་དང་ཀུའུ་ཡུན་ཧྲིན་གཉིས་ལ་དེ་སྔོན་རྒྱ་ནག་དམག་ཁུལ་ནང་ཤུགས་རྐྱེན་ཆེན་པོ་ཡོད་པའི་མི་སྣ་གཉིས་ཆགས་ཡོད་པ་རེད། ཉེ་ཆར་རྒྱ་ནག་དམག་ཁུལ་དུའང་ཆབ་སྲིད་ལངས་ཕྱོགས་དང་བཀོད་འདོམས་དབང་ཚད་ཀྱི་ཐད་གླེང་ཕྱོགས་སྣ་ཚོགས་ཡོང་གི་ཡོད་འདུག
པའོ་ཞི་་ལིས་མེ་རོ་འབར་བཞིན་འདུག། རྒྱ་མི་དམར་པོས་ངོ་མདོང་ཟགས་བཞིན་འདུག། རྒྱ་མི་རིགས་སྒྲིག་ན་ཆིག་སྒྲིལ་རེད། རྒྱ་མི་རིགས་འཐོར་ན་ཆུ་འཐིམས་རེད། དོན་འདི་འདྲ་གོང་འཕེལ་ཡོང་བ་ཤོག།།།།
ཁ་བྱང་ལ་བལྟས་ནས་ཏང་གི་པའོ་རྩ་འཛུགས་ལ་ཅི་ཞིག་གི་འགན་ཡོད་པ་ཡིན་ནམ་བསམས་སོང་། ཡིན་རྒྱུ་ནི་ཡིག་ནོར་གྱིས་ལམ་ལོག་ཏུ་ཁྲིད་པ་རེད་འདུག
ཏང་གི་རྩ་འཛུགས་ལ་སུ་འགལ་ཡོད་མེད་ནི་དབང་འཛིན་པའི་གཡོན་མིག་ལས་ལྟ་རྒྱུ་མ་གཏོགས་གཞི་འཛིན་རྩ་འཛུགས་ཀྱི་ཁྲིམས་ལུགས་གང་ཡོད་དམ། ད་རུལ་སུངས་དང་རྣམ་སྨིན་གྱི་རྩ་འཛུགས་འགད་ལ་ཉེ་བས། ཚང་མས་ནག་ཚང་ལ་ལྟོས་ཤིག
ཏང་གི་མགོ་སྟེང་རིམ་བཞིན་ལོག་ཡོང་གི་འདུག་་ད་ཡིན་ན་བཟང་གི་ནང་ཕན་ཚུལ་ལ་ཁྱོད་ཤི་ང་གསོན་དགོས་ངེས་རེད་་་་ད་དང་མུ་མཐུད་ནས་ཉན་ནས་ཡོད།
པའོ་འདྲེ། ཁྱོད་ལ་དེ་དགོས་ངེས་རེད། ཁྱོད་ཀྱིས་སྔོན་མ་ཚོགས་འདུ་ཞིག་གི་སྐབས་བོད་ལ་ད་དུང་དྲག་གནོན་བྱེད་དགོས་པའི་བསམ་ཚུལ་བཏོན་འདུག་ཟེར།
གསར་འགྱུར་ཚ་བོ་ཚ་རྐྱང་རེད། ཁ་བྱང་དེའང་མིག་ལ་ཟུག་འགྲོ་ན་དེ་བས་ཀྱང་ཡག་ས་རེད། གསར་འགྱུར་འདི་འདྲ་འབྲི་འཚོལ་རྒྱུ་གལ་ཆེན་རེད།