གཟའ་ལྷག་པའི་ཉིན་ཡུན་ནན་རིན་ཧི་གྲོང་རྡལ་དུ་ཉེན་རྟོག་པ་དང་མང་ཚོགས་བར་འཁྲུག་འཛིངས་ཤོར་ཏེ། ཉེན་རྟོག་ལས་ཁུངས་ཀྱི་མགོ་གཙོ་གཞོན་པ་ཝང་ཧྲ་ཡུང་དམར་གསོད་བཏང་ཡོད་འདུག
ཟླ་འདིའི་ཕྱི་ཚེས་ ༡༨ ཉིན་ཡུན་ནན་ལིས་ཅང་གྲོང་ཁྱེར་ཡུང་ཧྲིན་རྫོང་རིན་ཧི་གྲོང་རྡལ་དུ། ཞིང་པ་མང་ཚོགས་སྟོང་ཕྲག་ལྷག་གིས་རིན་ལི་སྲང་ལམ་དུ་ཡོད་པའི་ས་གནས་གྲོང་རྡལ་སྲིད་གཞུང་ཐོག་ཁང་གི་མཐའ་སྐོར་ཏེ། ཉེ་སྔོན་སོལ་གཏེར་སྔོག་འདོན་གྱི་རྐྱེན་པས་ས་གནས་མང་ཚོགས་ཀྱི་སྡོད་ཁང་ལ་གཏོར་སྐྱོན་ཐེབས་པའི་ཐད། ས་གནས་སྲིད་གཞུང་གིས་དྲང་བདེན་ཐག་གཅོད་མ་བྱས་པར་རྡོ་སོལ་བཟོ་གྲྭའི་རྒྱབ་རྩར་ལངས་ཏེ་མང་ཚོགས་ལ་བཤུ་གཞོག་གཉའ་གནོན་བྱས་པར་ངོ་རྒོལ་སྐད་འབོད་བྱས་ཡོད་འདུག
སྐབས་དེར་སྤྱི་བདེ་ཉེན་རྟོག་རུ་ཁག་གི་མགོ་གཙོ་གཞོན་པ་ཝང་ཧྲ་ཡུང་གིས་དྲག་ཆས་ཉེན་རྟོག་རུ་དཔུང་གི་སྣེ་ཁྲིད་དེ་མང་ཚོགས་ལ་དྲག་གནོན་བྱས་པར་བརྟེན། ཉེན་རྟོག་པ་དང་མང་ཚོགས་བར་འཁྲུག་འཛིངས་ཤོར་ཡོད་པར་མ་ཟད། འཁྲུག་ཟིང་ཁྲོད་ཉེན་རྟོག་ལས་ཁུངས་ཀྱི་མགོ་གཙོ་གཞོན་པ་ཝང་ཧྲ་ཡུང་ལ་གྲི་བཙུགས་ཏེ་དམར་གསོད་བཏང་ཡོད་པ་དང་། གཞན་པའི་ཉེན་རྟོག་པ་ ༡༥ ལ་རྨས་སྐྱོན་ཕོག་སྟེ་སྨན་ཁང་དུ་བསྐྱལ་ཡོད་འདུག
ཛ་དྲག་གནས་ཚུལ་དེ་བྱུང་རྗེས། ལིན་ཅཱང་དམིགས་བསལ་དྲག་ཆས་རུ་དཔུང་ཆེད་གཏོང་བྱས་ཏེ། འཁྲུག་ཟིང་ཁྲོད་ནས་ཉེན་རྟོག་པ་རྣམས་ཚུར་སྐྱབས་ཡོད་པ་དང་། མང་ཚོགས་ཀྱི་འདུ་འཛོམས་ཁ་འཐོར་དུ་བཏང་སྟེ་ཞི་འཇགས་བཟོས་ཡོད་ཀྱང་། ས་གནས་ཞིང་པ་མང་ཚོགས་མང་པོར་གཅར་རྡུང་རྨས་སྐྱོན་བཟོས་ཡོད་པར་མ་ཟད། ཞིང་པ་ ༡༠ ལྷག་འཇུ་བཟུང་བཙན་འཁྲིད་བྱས་ཡོད་འདུག
གཞན་ཡང་། ཉེན་རྟོག་ལས་ཁུངས་ཀྱི་མགོ་གཙོ་གཞོན་པ་ཝང་ཧྲ་ཡུང་གྲོངས་རྗེས། ས་གནས་རྒྱ་གཞུང་གིས་ཁོ་ལ་མྱ་ངན་རྗེས་དྲན་གྱི་དུར་མཆོད་ཅིག་ཀྱང་བྱས་འདུག
རིན་ཧི་གྲོང་རྡལ་ལ་མི་གྲངས་ ༢༥༠༠༠ དང་ས་ཁྱོན་སྤྱི་ལེ་གྲུ་བཞི་མ་ ༤༥༥ ཡོད་ལ། རྒྱ་གཞུང་གིས་གྲངས་ཉུང་མི་རིགས་དབྱེ་བགར་གྱི་མིང་འབོད་སྟངས་ལྟར་བྱས་ན། ས་ཁུལ་དེར་ཡའུ་རིགས་དང་། ཏའེ་རིགས། ལིའུ་རིགས་གསུམ་གྱི་མི་འབོར་གྲངས་ ༡༣༠༠༠ ལྷག་ཡོད་འདུག
གསར་འགོད་པ། ཚེ་རིང་རྒྱལ།
དོན་འདི་ནི་ལས་དང་རྒྱུ་འབྲས་རེད།།
དེ་དུས་ལ་བབས་པའི་སྔ་ལྟས་ཡིན།།
དོན་འདི་ལ་གང་བྱེད་བལྟ་རྒྱུ་དེ།།
བུ་ང་ཡི་སྙིང་གི་བལྟ་མོ་ཡིན།།
ད་མི་རིགས་འདྲ་མཉམ་ཡོད་མེད་དེ།།
གནད་འདི་ནས་འོད་ཟེར་གསལ་གསལ་བྱེད།།
ད་གངས་ཅན་བསྟན་སྲིད་དར་བ་ཤོག།།
ད་ནག་ཕྱོཊ་དམར་དར་ཉམ་པར་ཤོག།།
སེམས་པ་ནག་པོ་མི་ལ་བྱས་ན། །བྱ་བ་རྩུབ་པོ་རང་ལ་འཁོར། །ཞེས་པ་ལྟར་མི་འདུག་གམ།
ཏག་ཏག་རེད། མང་ཚོགས་ལ་ཅི་དགར་གཉའ་གནོན་བཤུ་གཞོག་གཏོང་མཁན་གྱི་དཔོན་ངན་དེ་ཚོ་དམར་བསད་བཏང་ན་འགྲིག་འདུག བོད་ཀྱི་ས་ཁུལ་མང་པོ་ན་འདི་འདྲའི་དཔོན་ངན་རིགས་ཡོད་པ་དེ་ཚོའི་རེ་ཟུང་ལ་ཡང་དམར་གསོད་དང་འཇིགས་སྐུལ་འདི་འདྲ་བྱ་ཐུབ་ན་འོས་བབ་ཆེ།
ཨོ་་་ལོ་རྒྱུས་ཀྱི་བྱུང་རིམ་ལྟར་ན། ཡའུ་དང་ཏའེ། ལིའུ་ཟེར་པའི་མི་རིགས་འདི་ཚོའི་འབྱུང་ཁུངས་ཀྱང་བོད་ཡིན་པར་ཤོད་རྒྱུན་འདུག
ཉེན་རྟོག་པའི་མགོ་བ་དེ་ལ་སྔོ། ཨོྃ་མ་ཎི་པདྨེ་ཧཱུྃཿ ཨོྃ་མ་ཎི་པདྨེ་ཧཱུྃཿ་ཨོྃ་མ་ཎི་པདྨེ་ཧཱུྃཿ་ ཨོྃ་མ་ཎི་པདྨེ་ཧཱུྃཿ ཨོྃ་མ་ཎི་པདྨེ་ཧཱུྃཿ་ཨོྃ་མ་ཎི་པདྨེ་ཧཱུྃཿ་ ཨོྃ་མ་ཎི་པདྨེ་ཧཱུྃཿ ཨོྃ་མ་ཎི་པདྨེ་ཧཱུྃཿ་ཨོྃ་མ་ཎི་པདྨེ་ཧཱུྃཿ་ ཨོྃ་མ་ཎི་པདྨེ་ཧཱུྃཿ ཨོྃ་མ་ཎི་པདྨེ་ཧཱུྃཿ་ཨོྃ་མ་ཎི་པདྨེ་ཧཱུྃཿ་ ཨོྃ་མ་ཎི་པདྨེ་ཧཱུྃཿ ཨོྃ་མ་ཎི་པདྨེ་ཧཱུྃཿ་ཨོྃ་མ་ཎི་པདྨེ་ཧཱུྃཿ་ ཨོྃ་མ་ཎི་པདྨེ་ཧཱུྃཿ ཨོྃ་མ་ཎི་པདྨེ་ཧཱུྃཿ་ཨོྃ་མ་ཎི་པདྨེ་ཧཱུྃཿ་ ཨོྃ་མ་ཎི་པདྨེ་ཧཱུྃཿ
ཨ་ལ་ལ་་་་་་་གནས་ཚུལ་འདིའི་རིགས་ནི་ང་ཚོར་མཚན་ན་བཀྲིས་པའི་དོན་བྱ་ཞིག་དང་། རྒྱ་དམར་དྲག་གཞུང་ལ་མཚོན་ན་སྲིད་གཞུང་མགོ་རྟིང་བསློག་པའི་སྔ་ལྟས་ཤིག་རེད།
ད་ཡིན་ན་ང་ཚོའི་ཡིད་ཚིམས་པའི་ལྟད་མོ་ཞིག་མཐོང་པ་ལ་ཡུན་རིང་སྒུག་དགོས་རྒྱུ་མ་རེད།
རྒྱ་གཞུང་གིས་དྲག་གནོན་བྱས་པ་མང་དྲགས་པས་རྣམ་སྨིན་འཁོར་བ་རེད།ལས་ངན་པ་བྱས་པ་ལ་འབྲས་བུ་བཟང་བོ་ཞིག་ག་ནའོ།།