ཁ་སང་ཕྱི་དྲོ་དྷ་སྟེང་དྷ་ས་ས་གནས་གཞོན་ནུ་དང་བུད་མེད་གཉིས་ཀྱི་གོ་སྒྲིག་འོག བོད་ཁྱིམ་རྩེད་ཐང་དུ་མེར་མེ་འདུ་འཛོམས་ཀྱི་ལས་འགུལ་ཞིག་སྤེལ་སོང་།
ཁ་སང་ཕྱི་དྲོ་ཆུ་ཚོད་ ༦ དང་ཕྱེད་ཀའི་སྟེང་། དྷ་ས་ས་གནས་གཞོན་ནུ་དང་བུད་མེད་གཉིས་ཀྱི་གོ་སྒྲིག་འོག དྷ་སྟེང་བོད་ཁྱིམ་རྩེད་ཐང་དུ་རྐང་སྤོལ་རྩེད་འགྲན་པ་དང་ལྟད་མོ་བ་ཡོངས་རྫོགས་མཉམ་འཛོམས་ཐོག ཕྱི་ཚེས་ ༢༧ ཉིན་བོད་ཀྱི་རྒྱལ་ས་ལྷ་སར་རང་མེར་བསྲེགས་ཀྱིས་རྒྱ་གཞུང་གི་དབང་སྒྱུར་དྲག་གནོན་སྲིད་ཇུས་ལ་ངོ་རྒོལ་སྐད་འབོད་བྱེད་མཁན། རྡོ་རྗེ་ཚེ་བརྟན་དང་དར་རྒྱས་ལགས་རྣམ་གཉིས་གཙོས་རྒྱལ་གཅེས་དཔའ་བོ་དཔའ་མོ་རྣམས་ལ་གདུང་སེམས་མཉམ་སྐྱེད་མཚོན་ཆེད། ངག་བཅད་མྱ་ངན་དང་མ་ཎི་འུར་འདོན། བདེན་ཚིག་སྨོན་ལམ་དབྱངས་ལ་གྱེར་ཏེ་མར་མེ་འདུ་འཛོམས་ཀྱི་ལས་འགུལ་ཞིག་སྤེལ་སོང་།
ལས་འགུལ་གོ་སྒྲིག་པས་གཏམ་བཤད་སྐབས། བོད་ནང་གི་རྒྱལ་གཅེས་དཔའ་བོ་དཔའ་མོ་རྣམས་ཀྱིས་བོད་ཀྱི་བདེན་པའི་འཐབ་རྩོད་ཆེད་གཅེས་པའི་ལས་སྲོག་ལོངས་སྤྱོད་མཐའ་དག་ཕངས་མེད་འབུལ་བཞིན་པའི་རླབས་ཆེན་གྱི་ལས་འགུལ་དེ་དག རྒྱ་གཞུང་གི་དྲག་གནོན་འོག་ནག་བསུབ་ཏུ་མ་བྱིན་པར་འཛམ་གླིང་རྒྱལ་སྤྱིའི་སྒང་སྐྱེལ་ཐུབ་པ་གནང་དགོས་རྒྱུ་ནི་ང་ཚོ་བཙན་བྱོལ་བོད་མི་རྣམས་ཀྱི་འོས་འགན་ཆགས་ཡོད་སྟབས། བཙན་བྱོལ་མི་མང་ཚང་མས་སོ་སོའི་འོས་འགན་ཕྲག་ཏུ་བླངས་ཏེ། རྣམ་དཔྱོད་ཡོད་མཁན་གྱིས་རྣམ་དཔྱོད་དང་། རྒྱུ་འབྱོར་ཡོད་མཁན་གྱིས་རྒྱུ་འབྱོར། ལུས་སྲོག་འབུལ་མཁན་གྱིས་ལུས་སྲོག་ཕུད་དེ། བོད་ནང་གི་རླབས་ཆེའི་འཐབ་རྩོད་ལ་གདུང་སེམས་མཉམ་སྐྱེད་དང་དཔུང་བ་མཉམ་འདེགས་བྱ་དགོས་སྐོར་བརྗོད་སོང་།
གཞོན་ནུ་ཚོགས་པར་སྡང་ཟུག་འཛིན་མཁན་དང་དེར་རྒྱབ་སྐྱོར་གནང་མཁན་དག་ལ་ཞུ་རྒྱུ། སྤྱིར་གཞོན་ནུ་ཚོགས་པར་ནོར་འཁྲུལ་མེད་ཅེས་བརྗོད་བཞིན་མེད་ཀྱང་བོད་དོན་གང་མཚམས་ཀྱིས་རྒྱལ་སྤྱིའི་ཅན་དུ་གྱུར་པ་འདི་གཙོ་བོ་མི་ཞིག་དང་ཚོགས་པ་གཅིག་གི་སྐུ་ལས་ལ་བརྟེན་ནས་བྱུང་བ་གསལ་པོ་རེད། རྒྱ་དམར་སྲིད་གཞུང་གིས་རྟག་ཏུ་ཁ་བྲལ་བའི་འགོ་ཁྲིད་ཏ་ལ་དང་དྲག་གཅོད་ཀྱི་སྒྲིག་འཛུགས་གཞོན་ནུ་ཞེས་ཉིན་ལན་གསུམ་མཚན་ལན་གསུམ་དུ་བཟློ་བཞིན་པ་འདི་རྣག་ཐོག་ཙག་འཁེལ་བཞིན་ཡོད་པའི་རྟགས་མཚན་གསལ་པོ་རེད། གཞོན་ནུས་ལས་འགུལ་ཇི་ཙམ་སྤེལ་བ་བགྲངས་ཀྱིས་མི་ལང་བས་དེ་ཙམ་ཡིན། གཞོན་ནུས་རྒྱལ་ས་ལྡི་ལི་ལྟ་བུར་སྐད་འབོད་ཞིག་གོ་སྒྲིག་གནང་ན་འགྲོ་སོང་ཇི་ཡོད་མཁྱེན་ན་གཞོན་ནུས་དཔལ་འབྱོར་འདུ་འགོད་གནང་བ་འདིའང་ཁ་ཡོད་ལག་ཡོད་ཡིན་པའི་ཡིད་ཆེས་ཤིག་ངང་གིས་འཆར་ངེས་རེད། རང་ཉིད་སྤྱི་ཚོགས་ཤིག་ཏུ་དངོས་སུ་ཞུགས་ནས་འགན་ཁྱེར་བའི་ཉིན་མོ་ནས་འགྲོ་གྲོན་སོགས་ལ་དཀའ་ངལ་ཇི་ཡོད་ཤེས་ཀྱི་རེད། གཞོན་ནུས་ཞལ་འདེབས་བསྡུ་བཞིན་འདུག་ཟེར་ནས་ཟུག་བཞིན་པའི་མི་ཚོས་གཞོན་ནུར་ཞལ་འདེབས་ཧིན་སྒོར་བཅུ་གྲངས་ཤིག་རྒྱག་མྱོང་མིན་ཅི་ཆ། ཆབ་སྲིད་གཅིག་པོར་མ་ཡིན་པར་སྤྱི་ཚོགས་ཞབས་ཞུར་མཚོན་ན་གཞོན་ནུ་དང་འདྲ་བའི་ཚོགས་པ་གང་ཞིག་གིས་ཞུས་འདུག ཁ་ནས་ཐོན་ཚད་གཏམ་ཡིན་ཙམ་མི་དགོངས་པར་གང་ཐུབ་ཀྱིས་བརྟགས་ཤིང་དཔྱད་དེ་བཤད་ན་དོན་ཡོད་ངེས་རེད།
རེབ་ཐོགས་མདའ་ལ་ཐུགས་རྗེ་ཆེ། སྐུ་ཉིད་ཀྱིས་ལུས་སྲོག་ལོངས་སྤྱོད་རྐང་རྩེད་སྤོ་ལོ་འབུད་བཞིན་པའི་བསམ་མེད་འདི་དག་གི་རང་མཚང་ཕྱི་རུ་བཏོན་པར་རྒྱབ་སྐྱོར་བརྒྱ་ཆ་བརྒྱ་ཡོད།
ཁ་སང་བོད་ཀྱི་རྒྱ་ལྷ་སར་མདོ་སྨད་བྲང་ནས་ཡིན་པས་རྡོ་རྗེ་ཚེ་བརྟེན་དང་རྔ་བ་ནས་ཡིན་པས་དར་རྒྱས་གཉིས་ཀྱིས་ལུས་སྲོག་ལོངས་སྤྱོད་དང་བཅས་པ་བོད་བསྟན་སྲིད་ཀྱི་ཆེད་དུ་བརྔོས་དུས། རྡ་སའི་རི་མགོ་ན་ཡུལ་གྱུར་བའི་བཙན་བྱོལ་བ་དག་གིས་ལུས་སྲོག་ལོངས་སྤྱོད་དང་བཅས་པ་རྐང་རྩེད་སྤོ་ལ་གཏུམ་བཞིན་འདུག། ངོ་མ་བཤད་ན་འཇིག་རྟེན་ན་རྒྱུ་འབྲས་མི་འདུག། མེ་རྒྱོག་གི་སོ་ཁ་ན་དྲག་དུ་འཕྱར་བས་མེ་ལྕེ་ཁྲོད་ཀྱི་རྒྱལ་གཅེས་པ་འདི་དག་གི་ན་ཟུག་དང་སྤོབས་པ་དག་ནི་ཁྱེད་ཅག་གི་ཧ་ཧ་ཧོ་ཧོ་དགོད་སྒྲའི་ཁྲོད་ཀྱི་སྐར་མ་གཅིག་གི་མྱ་ངན་རྫུན་མའི་ཁུག་པ་མིན།
ཕྱི་ལོགས་ན་ད་འགན་ཞིག་འཁུར་གི་ཡོད་པས་བཟོ་འདྲ་བོ་ཞིག་མ་གཏོགས་ཁ་ཡོད་ལག་ཡོད་གིས་ཕན་ཞིག་ཐོག་པའི་ལས་ཀ་སྣ་གཅིག་ཀྱང་ལས་གིན་མི་འདུག། བོད་ནང་གིས་བོད་མི་ཚོས་རང་ལུས་མེ་སྒྲོན་དུས་གཞོན་ནུ་དང་བུད་མེད་དག་གིས་རྩེ་མོ་འདྲ་རྩེ་ནས་བསྡད་ཡོད་པ་རེད།
སྤྱིར་ཡིན་ན་དོན་དག་བྱུང་རྗེས་རྒྱལ་སྤྱི་འམ་ནུབ་ཕྱོགས་སྟོབས་ཆེན་རྒྱལ་ཁབ་དག་ལ་སྙན་ཞུ་འབུལ་བ་འམ་རྒྱབ་སྐྱོར་འཚཽལ་བ་ད་དུང་གསར་འགོད་གསལ་བསྒྲགས་བསྡུ་བ། མ་ཟད་རྡི་ལི་རུ་ཡོད་པའི་གཞུང་ཚབ་ཁང་དག་དུ་ཛ་དྲག་གིས་ངང་ནས་བསྐྱོད་དེ་འབྲེལ་བ་བྱེད་དགོས་བ་བཤད་མི་དགོས་ཞིག་ཡིན་མོད།
གཞོན་ནུ་དང་བུད་མེད་སོགས་ཀྱིས་བོད་ཕྲུག་ཁྱིམ་སྡེ་གིས་རྒྱབ་ལོགས་ན་ཁ་ལག་དང་ཆར་གདུག་བཙོང་བཞིན་བོད་ནས་དོན་དག་བྱུང་ན་མ་གཏོགས་ག་དུས་ཡིན་ཡང་དཔའ་འབྱོར་འཚོལ་བ་འམ་ཞལ་འདེབས་བསྡུ་བ་སོགས་ལས་ཀ་ཆོ་མེད་པ་རྐྱང་རྐྱང་བསྒྲུབས་ནས་བསྡད་པ་ལས་གང་ཡང་འཇོན་གི་མ་རེད། ག་རེ་འདང་གི་མེད་པ་སུ་ཤེས། བོད་ཕྲུག་ཁྱིམ་སྡེ་ནས་མར་མེ་བཟུང་དེ་གདུང་སེམས་མཉམ་བསྐྱེད་བྱས་ནས་དེའི་མཐའ་འཁོར་གི་རི་དང་ནགས་ཚལ་ད་དུང་སྤྲེའུ་དང་དུད་འགྲོ་དེ་དག་ལ་གསལ་བསྒྲགས་བྱེད་ཀྱིན་ཡོད་ནི་མ་གཏོགས་རི་ཁུག་དེ་ནས་སུ་ཞིག་གིས་དོ་སྣང་བྱེད་དགོས་བ་སུས་ཤེས། དངོས་གནས་ཆོ་མེད་པ་དག་དག་བྱས་ནས་བསྡད་འདུག།
ཡང་གཞོན་དཔོན་ཚེ་་དབང་རིག་འཛིན་གྱིས་འཁྱོག་བཤད་བྱས་མེད་ན་བཟངགི།
ཡག་པོ་རེད་་་་་་གཞན་ནུ་དང་བུད་མེད་གཉིས་ཀྱི་ཚོགས་པ་འདི་ཧ་ཅང་འཆམ་པོ་འདུག་་་་་གཅིག་གིས་གཅིག་ལ་གོ་སྐབས་སྤྲད་རེས་བྱེད་ཀྱི་ཡོད་ས་རེད་པ་ཧཧཧ