ཟླ་འདིའི་ཕྱི་ཚེས་ ༡ ནས་ ༡༠ བར་ཨ་རིའི་བྷིར་ཀི་ལིན་གློག་བརྙན་དུས་སྟོན་དེ་ཨ་རིའི་ནེའུ་ཡོག་གྲོང་ཁྱེར་དུ་ཚོགས་ཡོད་པ་ལྟར། དུས་སྟོན་ཐོག་འཛམ་གླིང་རྒྱལ་ཁབ་ ༣༠ ཙམ་གྱི་གློག་བརྙན་མི་འདྲ་བ་ ༡༠༠ ལྷག་འགྲན་ཞུགས་བྱས་པའི་ཁྲོད། བོད་ཀྱི་གློག་བརྙན་འཁྲབ་འཁྲིད་པ་པདྨ་ཚེ་བརྟན་ལགས་ཀྱི་ ༼ ཁྱི་རྒན༽ ཞེས་པའི་གློག་བརྙན་ལ་འོས་ཤོག་མང་ཤོས་ཐོབ་སྟེ། དུས་སྟོན་སྟེང་ཕུལ་བྱུང་གློག་བརྙན་གྱི་གཟེངས་རྟགས་དང་ཨ་སྒོར་ ༥༧༠༠༠ གི་བྱ་དགའ་ཐོབ་འདུག
པདྨ་ཚེ་བརྟན་ལགས་ཀྱིས་འཁྲབ་འཁྲིད་བྱས་པའི་ ༼ཁྱི་རྒན༽ ཞེས་པའི་གློག་བརྙན་གྱི་ནང་དོན་གཙོ་བོ་ནི། བོད་དབུས་ཁུལ་དུ་བོད་པའི་ཁྱིམ་ཚང་ཅིག་གིས་ཕྱི་རྒྱལ་ནས་རིན་གོང་ཆེན་པོ་སྤྲད་དེ། བ་ཕྱུགས་ཤིག་ཉོས་རྗེས་གསོ་སྐྱོང་བྱེད་མ་ཤེས་པར་ཤི་བའི་སྐོར་གྱི་སྒྲུང་གཏམ་བརྒྱུད་དེ། བོད་ཀྱི་མི་རབས་རྒན་གཞོན་བར་གྱི་བསམ་བློའི་བར་ཁྱད་དང་། བོད་ནང་གི་སྤྱི་ཚོགས་ཀྱི་འགྱུར་འགྲོས་གསལ་སྟོན་བྱས་ཡོད་འདུག་ལ། གློག་བརྙན་འདིའི་འཁྲབ་སྟོན་པ་དབྱངས་འབུམ་རྒྱལ་དང་སྒྲོལ་མ་སྐྱབས། བློ་ཆེ། རྟ་མགྲིན་མཚོ་བཅས་དང་། པར་ལེན་པ་གསོན་མཐར་རྒྱལ། གློག་བརྙན་སྒྲིག་སྦྱོར་བ་སངས་རྒྱས་འབུམ་བཅས་ཡིན་འདུག
གློག་བརྙན་འཁྲབ་འཁྲིད་པ་པདྨ་ཚེ་བརྟན་ལགས་ཀྱིས་འཁྲབ་འཁྲིད་བྱས་པའི་གློག་བརྙན་༼ཁྱི་རྒན༽ ལ། སྔར་ལོ་ ཧོང་ཀོང་རྒྱལ་སྤྱིའི་གློག་བརྙན་དུས་སྟོན་ཐེངས་ ༣༥ སྟེང་ཨེ་ཤ་ཡའི་གསེར་གྱི་གཟེངས་རྟཊ་ཐོབ་ཡོད་པ་མ་ཟད། ཁོང་གི་གློག་བརྙན་༼འཚོལ༽ དང་༼ ལྷིང་འཇགས་ཀྱི་མ་ཎི་རྡོ་འབུམ༽ གཉིས་ལ་སྔ་ཕྱི་ཧྲང་ཧེ་རྒྱལ་སྤྱིའི་གློག་བརྙན་དུས་སྟོན་དང་། ཧོང་ཀོང་རྒྱལ་སྤྱིའི་གློག་བརྙན་དུས་སྟོན་ཐེངས་ ༣༠ པ་བཅས་སུ་རྒྱལ་སྤྱིའི་གློག་བརྙན་དཔྱད་བརྗོད་མཁན་མཉམ་འབྲེལ་གྱི་གཟེངས་རྟགས་དང་། གནམ་བདག་ཆོས་ལུགས་རིག་གནས་དམིགས་བསལ་ཆེ་བསྟོད་གཟེངས་རྟཊ་བཅས་ཐོབ་ཡོད་འདུག
སྒྱུ་རྩལ་བ་ཁོང་འཁྲུངས་ཡུལ་ག་བ་རེད་་་་འགྲེལ་བཤད་ཅིག་གྱོན་རོགས་གནོང་ཞུ་བ་ཡིན་།
ཧ་ཅང་ཡག་པོ་འདུག་ཡིན་ནའང་གསར་འགོད་པ་ཞེན་ཆ་ཞིག་ཡོད་པ་ནི་མི་སུ་འདྲ་ཞིག་ཡིན་ན་འདྲ་བཟང་ངན་གང་ཡིན་ཀྱང་མིང་དངོས་སུ་འགོད་དགོས་གལ་ཆེན་ཞིག་དུ་མཐོང། སོང་ཕྱིན་ཆད་འདིའི་རིགས་ལ་ཐུགས་མཉམ་འཇོག་དགོས།
ཁྱི་རྒན་གྱི་བརྗོད་བྱ་ནི་བོད་ཀྱི་མི་རབས་གསར་རྙིང་གཉིས་གདོང་གཏུགས་དང་དུས་རབས་གསར་རྙིང་གཉིས་བར་གྱི་གཙུབ་བརྡར་མཚོན་པ་ཞིག་རེད། བ་ཕྱུགས་ཀྱི་གློག་བརྙན་དེ་ནི་ཁྱི་རྒན་མ་ཡིན་པར་ཨ་རིའི་བ་ལང་བརྗོད་བྱར་བཟུང་བའི་གློག་བརྙན་གཞན་ཞིག་རེད། གསར་འགོད་པས་ཐུགས་མཉམ་བཞག་མི་འདུག
གློག་སྙན་དེའི་མགོ་འཇུག་བར་གསུམ་དུ་རམ་འདེགས་བྱེད་མི་ཡོངས་ལ་འཚམས་འདྲི་དང་འབྲེལ་་་་བཀྲིས་བདེ་ལེགས་གྲངས་མེད་ཞུ།
བོད་པ་ཚང་གི་དགོས་མཁོ་ཞིག་རེད། ངོ་སོ་བསྟོད། ཁྱད་ལས་པ་ཟེར་དུས་འདི་འདྲ་ཞིག་དགོས་ཚོད་རེད། བོད་རང་གི་རིག་གཞུང་ལ་གོ་རྟོགས་ཧ་ཅང་ཞན་པའི་ལས་ཀྱི་སྣེ་མོ་བ་ཚོ། བོད་ནང་གི་བོད་མི་ཚོའི་བསམ་བློའི་ནུས་ཤུགས་དང་གོ་རྟོགས་བཅས་ལ་བསམ་གཞིག་རེ་གནོངས་དང་།
དེ་རིང་དུས་ཁོམ་ཏོག་ཙམ་འདུག་པས། དུས་བབ་གསར་གནས་ལ་བསྒུགས་བསྒུགས་རྗེས། བཀྲ་ཤིས་བའི་གནས་ཚུལ་ཞིག་འབྱོར་བར་བཀྲིས་བདེ་ལེགས་སོ།།
འདི་ནི་ང་ཚོའི་མི་རབས་གསར་པའི་གྲུབ་འབྲས་དམིགས་བསལ་བ་ཞིག་དང་། ད་དུང་ང་ཚོས་ངེས་པར་དུ་ཤུགས་ནོན་ཆེ་ཙམ་བརྒྱབ་དགོས་པའི་སྒྱུ་རྩལ་གྱི་སློབ་ཚན་གལ་ཆེ་ཞིང་དམིགས་བསལ་བ་ཞིག་ཀྱང་ཡིན་ནོ།།
པད་མ་ཚེ་བརྟན་ལགས་གཙོས་ཚང་མར་འགྲིགས་འདུག ཁ་བྲོ། ད་དུང་མུ་མཐུད་འབད་འབུངས་ཆེ་ཙམ་གནང་རོགས་ཞེས་ཟེར་བར་འདོད་དོ།།