ལྷོ་ཀོ་རི་ཡའི་གྲོང་ཁྱེར་སཱ་ཡཱོ་ནང་འཚོགས་བཞིན་པའི་འཛམ་གླིང་ནང་པའི་ཚོཊ་ཆེན་ཐོག རྒྱ་གཞུང་གིས་༸གོང་ས་མཆོག་གི་སྐུ་ཚབ་ཚོཊ་ཆེན་སྟེང་ཞུཊ་པར་ངོ་རྒོལ་བྱས་ཏེ། རྒྱ་ནག་སྐུ་ཚབ་རྣམས་ཚོཊ་ཁོངས་ནས་ཕྱིར་བུད་འདུག
དེ་རིང་ཕྱི་ཚེས་ ༡༣ ཉིན་ (New Straites Times) གསར་ཁང་གིས་ལྷོ་ཀོ་རི་ཡའི་རྒྱལ་ས་སཱོ་ཡཱོལ་ནས་གནས་ཚུལ་སྤེལ་བ་ལྟར་ན། ཟླ་འདིའི་ཕྱི་ཚེས་ ༡༡ ནས་ ༡༦ ཉིན་བར་ལྷོ་ཀོ་རི་ཡའི་ལྷོ་ཕྱོགས་གྲོང་ཁྱེར་ཡཱ་སཱོ་ (Yeosu) ནང་འཚོགས་བཞིན་པའི་འཛམ་གླིང་ནང་པའི་ཚོགས་ཆེན་ཐེངས་ ༢༦ པའི་སྟེང་། རྒྱལ་ཁབ་ཁག་ ༣༣ ནས་ཆོས་ལུཊ་སྐུ་ཚབ་ ༤༠༠ ལྷག་ཚོགས་བཅར་གནང་ཡོད་པའི་ཁྲོད། རྒྱ་ནག་སྐམ་ས་ཆེན་མོ་ནས་ནང་པའི་གྲྭ་པ་ ༡༧ དང་རྒྱ་ནག་གཞུང་འབྲེལ་སྐུ་ཚབ་ཁག་ཅིག་མཉམ་ཞུགས་བྱས་ཡོད་འདུག
དེ་བཞིན་རྒྱ་གར་ནས་བཀའ་ཟུར་ཟམ་གདོིང་རིན་པོ་ཆེ་མཆོག་༸གོང་ས་མཆོག་གི་དམིགས་བསལ་སྐུ་ཚབ་ཀྱི་མཚན་ཐོག་ནས་ཆེད་ཕེབས་གནང་ཡོད་པ་མ་ཟད། དབུས་བོད་མིའི་སྒྲིག་འཛུཊ་ཆོས་རིག་བཀའ་བློན་པདྨ་ཆོས་འབྱོར་མཆོག་དང་བོད་མིའི་སྐུ་ཚབ་གཞན་ཞིག་ཀྱང་མཉམ་ཞུགས་གནང་ཡོད་ཀྱང་། ཚོགས་ཆེན་ཐོག་རྒྱ་ནག་སྐུ་ཚབ་ཚོས་རྒྱལ་སྤྱིའི་ནང་པའི་ལྷན་ཚོགས་ཀྱི་དྲུང་ཆེ་མཆོག་ལ། བོད་མིའི་སྐུ་ཚབ་ཚོགས་འདུར་ཞུགས་མི་ཆོག་པའི་ངོ་རྒོལ་བྱས་ཏེ་གྲུབ་འབྲས་མ་ཐོན་སྟབས། ཚོགས་འདུ་ཉིན་གཉིས་པར་རྒྱ་ནག་སྐུ་ཚབ་རྣམས་ཚོགས་ཁོངས་ནས་རང་བཞིན་གྱིས་ཕྱིད་བུད་ཡོད་འདུག
གནས་ཚུལ་དེའི་ཐད་ཕྱི་དྲིལ་དྲུང་ཆེ་བཀྲ་ཤིས་ལགས་སུ་བཀའ་འདྲི་ཞུས་སྐབས། རྒྱ་ནག་སྐུ་ཚབ་ཚོས་ཐེངས་འདིའི་ཚོགས་ཆེན་སྟེང་༸གོང་ས་མཆོག་གི་སྐུ་ཚབ་མཉམ་ཞུཊ་གནང་བར་ངོ་རྒོལ་བྱས་ཡོད་ཀྱང་། ལྷོ་ཀོ་རི་ཡའི་གཞུང་ངོས་ནས་དྲང་བདེན་དང་རྒྱལ་ཁབ་དེའི་ཆེ་མཐོང་ལ་བསམ་བློ་བཏང་སྟེ། ༸གོང་ས་མཆོག་གི་སྐུ་ཚབ་དང་ཆོས་རིག་བཀའ་བློན་རྣམ་གཉིས་ཚོགས་ཆེན་སྟེང་མཉམ་ཞུགས་གནང་བཅུག་པར་བརྟེན། རྒྱ་ནག་སྐུ་ཚབ་རྣམས་ཁོང་ཁྲོ་ལངས་ཏེ་ཚོགས་ཁོངས་ནས་ཕྱིར་བུད་དེ་ཕྱིར་རྒྱ་ནག་ཏུ་ལོག་འདུག་ལ། བོད་མིའི་སྐུ་ཚབ་ཚོས་ཚོགས་ཆེན་གྱི་བགྲོ་གླེང་གི་ཆ་ཤས་ལེན་བཞིན་ཡོད་འདུག
དྲུང་ཆེ་བཀྲ་ཤིས་ལགས་ཀྱིས་གསུངས་དོན། ཐོག་མའི་ཆར་རྒྱ་ནག་སྐམ་ས་ནས་སྐུ་ཚབ་ ༡༠༠ ཡོང་རྩིས་བྱས་འདུག་ཀྱང་། མཐའ་མར་མི་བཅུ་གྲངས་ཤིག་ཚོགས་ཞུགས་བྱས་པ་རེད། མི་བཅུ་གྲངས་དེ་དག་ཀྱང་མཐར་ཚོགས་ཁོངས་ནས་ཕྱིར་བུད་པ་རེད། དེ་ཚོ་བོད་མི་ཚོའི་རྒྱལ་ཁ་ཞིག་རེད་བསམ་གྱི་ཡོད་ཅེས་གསུངས་བྱུང་།
གསར་འགོད་པ། དཔལ་ལྡན།
ལྷོ་ཀོ་རི་ཡའི་རྒྱལ་ས་སོ་འུལ་ནང་ནང་པའི་ལྷན་ཚོགས་ཀྱི་སྟེང་དུ་གཞུང་འབྲེལ་མ་ཡིན་པ་༧སྐྱབས་རྗེ་ཁམས་སྤྲུལ་དགུ་པ་བཤད་སྒྲུབ་ཉི་མ་མཆོག་ཀྱང་ལྷན་ཞུགས་གནང་ཡོད། ཁུང་ལྡན་གནས་ཚུལ་འབྱོར་བ་ལྟར་ན། སྤྱིར་ཆོས་ཚོགས་འདི་ཉིད་ཀྱི་སྦྱིན་བདག་གཙོ་བོ་རྒྱ་ནག་ནང་པའི་ཚོང་པ་ཁག་གཅིག་གི་འགྲོ་སོང་བཏང་བ་ཡིན་ཙང་ཉིན་དང་པོའི་ཉིན་དབུ་འབྱེད་ཀྱི་སྐབས་སུ། བོད་ཡུལ་གྱར་བ་ཏཱ་ལའི་བླ་མའི་སྐུ་ཚབ་ཡོད་ན་ཁོ་ཚོས་སྦྱིན་བདག་མི་བྱེད་པ་མ་ཚད་ཚོགས་ཞུགས་ཀྱང་བྱེད་ཀྱི་མིན་ཞེས་ཉིན་དང་པོའི་དབུ་འབྱེད་ཉིན་སྐུ་ཚབ་རྣམ་པ་ཚོགས་བཅར་མ་ཐུབ་ནས་ལྷག་འདུག དེ་ནས་༧སྐྱབས་རྗེ་ཁམས་སྤྲུལ་རིན་པོ་ཆེའི་དད་ལྡན་སློབ་མ་བཞི་བརྒྱ་ལ་ཉེ་བས་འདི་ནང་པའི་ཆོས་ཚོགས་སུ། རྒྱ་ནག་གི་སྲིད་བཅུག་ན་ཤིན་ཏུ་མི་འོས་པའི་སྐད་འབོད་ཤུགས་ཆེར་བྱས་པར་བརྟེན། རྒྱ་མི་ཚོགས་ཞུགས་པ་རྣམས་ཁོང་ཁྲོ་ལང་ནས་ཕྱིར་འཐེན་བྱས་ནས་ལོག་འགྲོ་འདུག ཁ་སང་ཕྱི་ཚེས་༡༣་ ཉིན་ཐ་ལན་ཌའི་བླ་ཆེན་ཞིག་གི་དབུ་འཛིན་པར་ཚོགས་ཞུགས་བ་ཡོངས་ཀྱིས་བྱང་ཆུབ་སེམས་ཀྱིས་སྡོམ་པ་ལེན་ནས་ད་ལྟ་ཆོས་ཚོགས་བཞིན་པ་རེད་འདུག
ལྷོ་ཀོ་རི་ཡ་ཐུགས་རྗེ་ཆེ། ས་ཆེན་པོའི་ཡང་སྟེང་ནས་དྲང་བདེན་རྣམ་པར་རྒྱལ་གྱུར་ཅིག
རྒྱལ་ལོ་རྒྱལ་ལོ། བོད་དང་ནང་པ་རྒྱལ་ལོ།
རྒྱལ་ལོ་རྒྱལ་ལོ། དྲང་བདེན་རྒྱལ་ཁབ་རྒྱལ་ལོ།
རྒྱལ་ལོ་རྒྱལ་ལོ། འཛམ་གླིང་ཞི་བདེ་རྒྱལ་ལོ།
རྒྱལ་ལོ་རྒྱལ་ལོ། དྲང་བདེན་གཟི་བརྗིད་རྒྱལ་ལོ།
ཀི་ཧི་ཧི། རྒྱལ་ལོ།
གཏམ་བཟང་ཞིག་གོ་མཐོས་བྱུང་བས། བཀྲིས་བདེེགས་གྲངས་མེད་ཞུ།
རྒྱ་ནག་གི་སྐུ་ཚབ་ཀྱི་གྲས་སུ། བོད་པའི་བླ་རྫུན་ཆ་རེ་ཁྲིད་ཨེ་ཡོད།
བསྟན་རྒྱུ་ལས་ཞེས་ཟེར་དགོས་པ་ལ་ལས་ཆད་འདུག་དགོངས་དག
འདི་ནི་བཀྲ་ཤིས་གཏམ་བཟང་ཞིག་དང་རྒྱལ་ཁའི་དར་ཆེན་སྒྲེངས་པའི་གཟི་བརྗིད་ཅིག་རེད། རྒྱ་ནག་གི་ལས་སྟངས་དེས་བློ་རྒྱ་ཆུང་ལ་ཅོལ་ཆུང་གི་བྱ་སྤྱོད་བསྟན་སྟབས་འཛམ་གླིང་གི་སྐྱེ་བོ་ཚང་མ་ཁོང་དགོད་ཤོར་དགོས་པའི་མ་ཚད། རྒྱ་ནག་ཟེར་ན་ལག་ལ་མེ་མདའ་བཟུང་ནས་རྫིག་ཉམས་བསྟན་རྒྱུ་མིའི་མཚན་ཉིད་དང་ཀུན་སྤྱོད་མེད་པའི་ཇག་པ་ཞིག་ཡིན་པའི་ར་སྤྲོད་གསལ་པོ་བྱས་འདུག