ཉིན་འདི་གར་རྒྱ་གཞུང་གི་ཉེན་རྟོག་པས་རྒྱལ་རོང་མཚོ་བདུན་ཀིརྟི་དགོན་པའི་གྲྭ་བ་ཚོ་མཚན་མོ་འཛིན་བཟུང་གིས་གསར་ཁྲིད་ཆ་མེད་ཆཊ་ཀྱི་ཡོད་འདུག
དེ་རིང་གནས་ཚུལ་འབྱོར་གསལ་ལ། རྔ་པ་རང་སྐྱོང་ཁུལ་འབར་ཁམས་རྫོང་རྒྱལ་རོང་ཚོ་བདུན་ཞང་ད་ཐོག་སྡེ་བའི་གཞིམ་གོན་ཚང་གི་རང་ལོ་ ༡༩ ཡས་མས་ཡིན་པའི་གྲྭ་བློ་བཟང་སེང་གེ་དང་། ཚོ་བདུན་ཞང་གཙུག་ཚེ་སྡེ་བའི་མོས་སྐོས་གྱོ་ཚང་གི་རང་ལོ་ ༡༨ ཡས་མས་ཡིན་པའི་གྲྭ་ཡར་འཕེལ། ཚོ་བདུན་ཞང་མཁར་དགུ་སྡེ་བའི་རང་ལོ་ ༡༨ ཡས་མས་ཡིན་པའི་གྲྭ་རྣམ་སྲས་བཅས་འདི་ཟླའི་ཚེས་ ༡༢ ཉིན་གྱི་མཚན་མོ་དགོན་པའི་གྲྭ་ཤག་སོ་སོ་ནས་འཛིན་བཟུང་བྱས་ཏེ། ད་བར་གང་དུ་ཁྲིད་ཡོད་མེད་ཤེས་རྟོགས་ཐུབ་མེད།
ཁོང་གསུམ་ནི་རྒྱལ་རོང་ཚོ་བདུན་ཀིརྟི་དགོན་པའི་གྲྭ་པ་ཡིན་ཞིང་། བློ་བཟང་སེང་གེ་དང་རྣམ་སྲས་གཉིས་འཛིན་གྲྭ་ཁ་ཏོག་གོང་མ་དང་། ཡར་འཕེལ་འཛིན་གྲྭ་རྟགས་རིགས་ཡིན་འདུག
དེ་བཞིན་རྔ་པ་རང་སྐྱོང་ཁུལ་གྱི་བཙན་ལྷ་རྫོང་ནས་ཡིན་པའི་ཚོ་བདུན་ཀིརྟི་དགོན་པའི་རང་ལོ་ ༢༠ ཙམ་ཡིན་པའི་གྲྭ་ཐུབ་དབང་བསྟན་འཛིན་དང་། ཚོ་བདུན་ཞང་ད་ཐོག་སྡེ་བའི་སྤོད་ས་ཁེར་ཚང་གི་རང་ལོ་ ༢༢ ཡིན་པའི་་གྲྭ་ཨ་སྲུང་གཉིས་ཟླ་འདིའི་ཕྱི་ཚེས་ ༡༦ ཉིན་གྱི་མཚན་མོའི་ཆུ་ཚོད་ ༤ ཙམ་ལ་གྲྭ་ཤག་སོ་སོ་ནས་འཛིན་བཟུང་བྱས་ཡོད་འདུག
དེ་སྔོན་ཚོ་བདུན་ཀིརྟི་དགོན་པའི་རྒྱལ་གཅེས་དཔའ་བོ་གྲྭ་བསྟན་པ་དར་རྒྱས་དང་འཆི་མེད་དཔལ་ལྡན། བློ་བཟང་བློ་འཛིན་བཅས་ཀྱིས་རང་ལུས་མེར་བསྲེགས་བཏང་བའི་སྐོར་ལ་ཟླ་འདིའི་ཚེས་ ༡༣ ཙམ་ནས་མཚན་མོ་རྟག་པར་ཚོ་བདུན་ཀིརྟི་དགོན་པའི་གྲྭ་ཤག་རེ་རེ་བཞིན་ཉེན་རྟོག་པ་མང་པོས་མེ་མདའ་སོགས་ལག་ཆ་འདྲ་མིན་བཟུང་ནས་ཉུལ་ཞིབ་བྱས་ཏེ་དགེ་འདུན་པ་རྣམས་ལ་གཅར་རྡུང་དང་འདྲི་རྩད་སྣ་ཚོགས་བྱེད་བཞིན་ཡོད་འདུག
གནས་ཚུལ་མཁོ་སྤྲོད་པས་བརྗོད་ན། གོང་གསལ་དགེ་འདུན་པ་དེ་དག་དེ་སྔོན་རང་ལུས་མེར་བསྲེགས་བཏང་བའི་ལས་འགུལ་དང་འབྲེལ་བ་ཡོད་པའི་དོགས་གཞིའི་འོག་འཛིན་བཟུང་བྱས་པ་ཡིན་ཚུལ་རྗོད་ཀྱི་ཡོད་འདུག
གནས་ཚུལ་གཏོང་མཁན། གྲྭ་བློ་བཟང་ཡེ་ཤེས་དང་ཀ་ཉག་ཚེ་རིང་།
བྱ་བརྒྱའི་མིག་གི་ཚེར་མ།།
འུ་ཐུགས་ཐན་སྐད་ཅན་པོ།།
མུན་པའི་སྨག་རུམ་ཀློང་ན།།
འདྲེ་དང་རྐུན་མ་བཞིན་དུ།།