བོད་ནས་འབྲེལ་ཡོད་མི་སྣ་ཞིག་གིས་གསར་ལམ་དུ་གནས་ཚུལ་མཁོ་སྤྲོད་བྱས་པ་ལྟར་ན། འདས་པའི་ལོ་ངོ་དུ་མའི་རིང་རྒྱ་གཞུང་གིས་ཁམས་གོང་ཇོ་རྫོང་སྨད་མདོ་ཤང་གི་བོད་མི་ཚོར་ས་གནས་གཞན་དུ་གནས་སྤོར་བྱ་དགོས་པའི་བཙན་བཀའ་རིམ་པ་བཏང་ཡང་། ས་གནས་མི་མང་གིས་མོས་མཐུན་མེད་པའི་དབང་གིས་ད་ལྟའི་བར་གནས་ཐུབ་ཡོད་ཀྱང་། ཟླ་འདིའི་ཕྱི་ཚེས་ ༡༦ ཉིན་རྒྱ་གཞུང་གི་ལས་བྱེད་ཁག་ཅིག་གོང་ཇོ་རྫོང་སྨད་མདོ་ཤང་དུ་ཡོང་སྟེ། ས་གནས་མི་མང་ལ་གང་དུ་གནས་སྤོར་བྱ་མིན་དང་། གནས་སྤོར་བྱེད་དགོས་པའི་རྒྱུ་མཚན་སོགས་གསལ་བཤད་ཅི་ཡང་མེད་པར། ཕྱི་ཚེས་ ༢༡ ཉིན་བར་གྲོང་སྡེ་ཁག་གི་ཁྱིམ་ཚང་ ༤༠༠ ཙམ་ལ་བཙན་དབང་གིས་ཐོ་འགོད་བྱས་བཅུག་ཡོད་འདུག
རྒྱ་ནག་གཞུང་གིས་བཙན་དབང་འོག་ས་གནས་མི་མང་གིས་གནས་སྤོར་ཐོ་འགོད་མི་བྱེད་ཐབས་མེད་བྱུང་ཡོད་སྟབས། མི་མང་གིས་ཁོང་ཚོ་གང་དུ་གནས་སྤོ་བྱ་དགོས་རུང་ས་གནས་སུ་རེ་ཁེ་དགོན་ཆེན་དང་བྲག་དམར་དགོན་པ། དགོན་གསར་དགོན་བཅས་དགོན་སྡེ་ཁག་སྔར་ལས་ལྷག་པ་ཞིག་བཞེངས་དགོས་པའི་བསམ་ཚུལ་བཏོན་ཡོད་འདུག་ལ། ད་ལྟའི་ཆར་ས་གནས་མི་མང་དང་ལས་བྱེད་ཁག་ཅིག་གིས་གནས་སྤོར་གྱི་སྲིད་ཇུས་དེ་ནི། རྒྱ་གཞུང་གིས་འབྲི་ཆུ་འགོག་ཆེད་ཡིན་ཚུལ་དང་། ཡང་ཁག་ཅིག་གིས་ས་གནས་སུ་གཏེར་ཁ་སྔོག་ཆེན་ཡིན་ཚུལ་གྱི་ཚོད་དཔག་བྱེད་པ་ཙམ་ལས། ས་གནས་གང་དུ་གནས་སྤོར་བྱ་མིན་དང་། རྒྱུ་མཚན་ཅི་ཞིག་གིས་དབང་གིས་གནས་སྤོར་བྱ་དགོས་བྱུང་མིན་གྱི་བརྡ་ལན་ཅི་ཡང་མ་རག་པར་མང་ཚོགས་དཀའ་ངལ་ཁྲོད་ལྷག་ཡོད་འདུག
རྒྱ་དམར་ཚང་གིས་་་་་བོད་མི་རིགས་འདིའི་གཏེར་ཁ་དང་འཚོ་གནས་བལྟས་བལྟས་རིག་རིག་ལ་ཚར་གི་འཇོག་རྒྱུ་རེད། ཤུ་དབུགས་རིང་རྔམ་འཐེན་བྱས་ཀྱང་་་་ངལ་བའི་རྒྱུ།