འདི་ན་གསལ་བཤད་ཅིག་ཡོད།

ཡུལ་ཡར་རླུང་ན་བོད་ཀྱི་རིག་གནས་ཀྱི་འབྱུང་ཁུངས་ཡིན་སྙམ་མ་གཏོག་རྒྱ་རྗེ་ཡོང་ས་རེད་བསམ་བསམ་སེམས་པའི་ཡུལ་ལ་ཡང་མེད། རྫིག་གཏམ་བཤད་རྒྱུ་བཞོགས་ཨ།
འོ་ན་ངས་གཤམ་འོག་ན་བཤད་པའི་སྐད་ཆ་དེ་ཚོ་སུ་ལ་བརྗོད་རྒྱུའི་ཆེད་དུ་རེད། མིག་བགྲད་ནས་ལྟོས་ཨ། ངའི་གཤམ་འོག་གི་སྐད་ཆ་དེ་ཚོ་རང་འཚོ་ཤོར་། རང་བཟོ་ཉམས་པའི་རྣམ་འགྱུར་ཡ་མ་བརླ་ཅན་གྱི་མགོ་གཉིས་མའི་ཆབ་སྲིད་ཚོང་པ་མགོ་ནང་ཁུལ་མ་གཏོག་བརྡུང་མི་ཤེས་མཁན་ཚོར་ཡིན། དེ་ཚོས་ནམ་རྒྱུན་༧སྐུ་མདུན་ལ་དད་པ་ཡོད་མདོག་གིས་ལམ་དབུ་མ་དང་ལྟ་གྲུབ་མི་མཐུན་པ་ཞིག་བཤད་ཀྱིན་འདུག་ན་༧སྐུ་མདུན་ལ་མཚན་དམོད་ཞུས་རབས་དང་དད་པ་དང་བཀའ་དྲིན་རྗེས་དྲན་མེད་རབས་བཤད་ནས་སྨྲ་བརྗོད་རང་དབང་ལ་ཚོད་འཛིན་བྱེད་པའི་ལམ་ལུགས་ཀྱི་སྨྱུག་རྩེ་ནང་ཁུལ་གཅིག་པུར་གཏད་ནས་བླ་སློབ་བར་དབྱེན་སྦྱོར་ལས་ཁོ་ན་མ་གཏོག་སྨྱུག་རྩེ་ཕྱི་ལ་གཏད་མི་ཤེས་མཁན་གྱི་འདུ་ཤེས་ཡ་མ་བརླ་ཅན་ཚོར་ཡིན། དེའི་ནང་གི་གཅིག་ཁྱོད་ཡིན། བྱས་ཙང་ཡག་པོ་བྱས་ནས་ལྟོས་ཨ། ཡག་པོ་བྱས་ནས་ཉོན་ཨ། ཁྱོད་ཚོ་དེ་འདྲའི་༧སྐུ་མདུན་ལ་བཅངས་པའི་དད་པ་ཡང་དག་ཞིག་ཡོད་ན་བླ་མེད་ཀྱི་དབུ་འཁྲིད་དང་མི་དམངས་བར་དང་བླ་སློབ་ཀྱི་དམ་ཚིག་ལ་དབྱེན་སྦྱོར་མ་བྱེད་ཅིག། མ་ཟད་ངས་གཤམ་འོག་ན་བཤད་པའི་སྐད་ཆའི་ནང་མངོན་སུམ་འཛེམ་མེད་ཀྱིས་༧སྐུ་མདུན་ལ་མཚན་དམོད་དང་ངོ་རྒོལ་བྱེད་མཁན་དེ་ཚོར་སྨྱུག་རྩེ་བསྐོར་ཙམ་ཡང་མི་བྱེད་པའི་རྒྱུ་མཚན་ཅི་རེད་ཞེས་དྲིས་ཡོད། ལན་གསལ་པོ་ཞིག་རྒྱོབ་ཤོག་ཨ།

སྐུ་ངོ་ཚེ་རིང་ཟླ་བ་ལགས།
དབྱིན་ཡིག་གི་ཐ་སྙད་ལ་གཙིགས་འཛིན་གྱིས་བོད་ཡིག་གི་ཐ་སྙད་བཙན་བྱོལ་བོད་གཞུང་ཞེས་པས་བཙན་བྱོལ་གཞུང་ལ་དཀའ་ཁག་ག་འདྲ་བཟོ་སྲིད་ཀྱི་རེད། ཡིན་ཅིག་འགྱུར་བ་གཏོང་དགོས་པའི་རྒྱུ་མཚན་མ་མཐོང་། མ་གཞི་ནས་བཙན་བྱོལ་བོད་གཞུང་ཞེས་པའི་ཐ་སྙད་སྐམ་པོ་བ་དེ་བེད་སྤྱོད་བཏང་ནས་ལོ་ངོ་ཇི་ཙམ་སོང་བ་རེད། ༧སྐུ་མདུན་ཆབ་སྲིད་གྲེས་ཡོལ་ལ་ཕེབས། བོད་གཞུང་དགའ་ལྡན་ཕོ་བྲང་སྲིད་དབང་ཡང་རྒྱལ་ཁའི་ངང་མཇུག་སྒྲིལ། བཙན་བྱོལ་བོད་གཞུང་ཞེས་པའི་ཐ་སྙད་སྐམ་པོ་དེ་ཡང་བཙན་གྱིས་སྒྲིག་འཛུགས་ལ་བཅོས་བསྒྱུར་བཏང་། ད་བྱས་ན་དུས་རབས་གསར་པའི་སྲིད་སྐྱོང་དུ་གྲགས་པའི་སེངྒེ་ཚང་ལ་སྒྲིག་འཛུགས་ཀྱི་ཚོགས་པ་གཅིག་རེད་པ། བྱས་ཙང་ཆ་རྐྱེན་ཅི་ཡང་མེད་པར་མེས་རྒྱལ་ཁྱིམ་ཚང་ཆེན་མོའི་དཔང་དུ་ལོག་རྒྱུའི་སྟ་གོན་མིན་ནམ། ཡག་པོ་རེད་གདན་དྲངས་རོགས་བྱས་ན་དེ་ལས་ལྷག་ཅིག་ཅི་དགོས།
འོན་ཀྱང་ང་གཉིད་སྐྱིད་དུ་མི་འཇུག་པ་ནི་ངེད་ད་ལྟའི་མི་རབས་གསར་པ་དང་འབྱུང་འགྱུར་གྱི་མི་རབས་རྣམས་ལ་ལྟ་བཟོ་གཏད་བཟོ་དང་ཆགས་ས་བརྟེན་ས་མེད་པ་དེ་རེད།
དེ་ནི་ང་རང་ལྟ་གྲུབ་མི་གཅིག་པས་ཡིན་རྒྱུ་རེད། མ་གཞི་ནས་དུས་ཀྱི་འགྱུར་བ་དང་ལྷན་དུ་དུས་རབས་ཀྱི་འགན་འཁྲི་དང་མི་རིགས་ཀྱི་འགན་འཁྲི་ཡོད་ཚད་མི་རབས་གསར་པའི་ཕྲག་སྟེང་དུ་གཡོལ་དུ་མེད་པ་རང་བཞིན་གྱིས་འབབ་ཡོང་བ་དེ་ཆོས་ཉིད་ཡིན་ཙང་། མི་རབས་གོང་མ་ཚོས་མི་རབས་གསར་པར་བསམ་བློ་གསར་པ་དང་ལྟ་བ་གསར་པ་ཞེས་པའི་ལྷན་པ་ནག་པོ་ཞིག་བརྒྱབ་ནས་ཁང་ར་མ་བྱེད་རོགས། ང་ཚོས་མི་རབས་གོང་མ་ཚོར་གུས་བརྩི་ཞུ་གི་ཡོད་མ་གཏོག་ཀླད་པ་ལྗང་ཁུ་དང་རྒྱ་དངུལ་ཏཱ་ཡང་དང་བོད་ཚོང་བྱེད་མཁན་རེད་ཟེར་ན་འགྲིགས་ཀྱི་མ་རེད་པ།
གང་ལྟར་མྱང་དང་མྱོང་རྒྱུ་ནི་མི་གསར་པ་དང་འབྱུང་འགྱུར་གྱི་མི་རབས་རྗེས་མ་རྣམས་རེད། དཔེར་ན་བོད་ནང་གཅིག་གཟིགས་དང་། རང་ལུས་བོད་དང་བོད་མི་རིགས་ཀྱི་ཆེད་ལེགས་སྐྱེས་སུ་ཕུལ་མཁན་མང་ཆེ་བ་གཞོན་སྐྱེས་དར་དམར་འོག་ཚར་ལོངས་བྱུང་བ་རྐྱང་རྐྱང་རེད། དེས་ག་རེ་མཚོན་པ་རེད་ལབ་ན་མི་རབས་གསར་པས་འགན་འཁྲི་དང་ལེན་ཞུ་གི་ཡོད་པའི་འབྲས་རྟགས་ཡང་དག་རེད་ལ། བཙན་བྱོལ་ན་མཚོན་ན་གཞོན་ནུ་དང་བོད་རང་བཙན་སློབ་ཕྲུག་ཚོགས་པ་ཚོས་གང་ནུས་ཀྱིས་བོད་དང་བོད་མི་རིགས་ཀྱི་འགན་འཁྲི་དང་ལེན་ཞུ་བཞིན་པར། ལྟ་གྲུབ་མི་མཐུན་པ་རྒྱུ་མཚན་དུ་བྱས་ནས་༧སྐུ་མདུན་གྱི་དགྲ་ཟླར་འཛིན་པའི་འདུ་ཤེས་ཡ་མ་བརླ་འདི་ཅི་འདྲའི་ཡིད་སྐྱོ་བ་མ་རེད་པས། དཔེར་ན་ང་ལྟ་བུ་ལ་མཚོན་ན་བོད་རང་བཙན་སློབ་ཕྲུག་ཁོངས་སུ་ཡོད་པ་རེད་ལ་བོད་རང་བཙན་ནི་ངའི་ལྷན་སྐྱེས་ཀྱི་ཐོབ་ཐང་ཡིན་ལ་སུས་ཀྱང་འགོག་མི་ཐུབ་ལ་སུས་ཀྱང་རྡོག་རོལ་གཏོང་མི་ཐུབ།
བྱས་ཙང་ང་ཚོའི་མངོན་འདོད་ནི་རང་བཙན་གཙང་མ་ཡིན་ཙང་བོད་གཞུང་ཞེས་པའི་ཐ་སྙད་སྐམ་པོ་དེ་ཡང་མ་མཁོ་རང་མཁོ་རེད།
འོ་ན་མི་ལོ་དྲུག་བཅུ་ལྷག་ཙམ་ནང་ཐ་སྙད་སྐམ་པོ་དེ་ཅིའི་ཕྱིར་འགྱུར་བ་མ་བཏང་པ་རེད། ཅིའི་ཕྱིར་ད་བར་དཀའ་ཁག་མ་ཕྲད་པ་རེད། ངོས་ལེན་མེད་པ་ནི་རྒས་པོ་ནེའེ་རུའི་སྐབས་ནས་མ་རེད་པས།
དེའི་བསྐོར་ཉིད་ཀྱིས་ལྟ་བ་ནམ་མཁའ་གཅིག་པུར་མ་ལྡིང་བར་མི་ཕམ་ཚངས་ཐིག་གི་གསུང་ལ་ཡང་ཏོག་ཙམ་གཟིགས་དང་རྒྱུ་མཚན་མེད་པ་རེད་མི་འདུག།
དེ་ནས་ལྷ་བཟང་བསྐོར་ཆ་རྒྱུས་དེ་ཙམ་མེད། འོན་ཀྱང་འཇམ་ནོར་ལགས་བསྐོར་རྒྱུས་མངའ་ཏོག་ཙམ་ཡོད། ངས་ཁོང་གི་རྩོམ་ཡིག་དང་དྲ་རྒྱ་ལ་མིག་ཉུལ་གང་འཚམ་རྒྱག་གི་ཡོད་ལ། སྐབས་རེ་ཁོང་གི་གྲོ་གླེང་ལ་ཅུང་ཟད་ཉན་གྱི་ཡོད། འོན་ཀྱང་བསམ་ཡུལ་ལས་འདས་པ་ཞིག་ལ་༧སྐུ་མདུན་ལ་མཚན་དམོད་དང་བཀུར་འདེབས་ཞུས་པ་ཞིག་ངས་མཐོང་ཐོས་མ་བྱུང་། འོན་ཀྱང་མ་མཐོང་ཉིད་ན་མེད་པ་མིན་བྱས་པ་རེད། དྲ་རྒྱ་གང་དུ་འདུག་འགྲེལ་བརྗོད་ཞིག་གནང་རོགས། ངས་ལྟ་གི་ཡིན། སྐབས་རེ་ཁོང་གིས་ཆབ་སྲིད་སྐོར་བཤད་དུས་༧སྐུ་འདུན་གྱིས་དེ་འདྲ་མ་གསུང་ན་བསམ་སོང་ཟེར་བ་དེ་འདྲ་ལ་ཟེར་ན་ནི་མཚན་དམོད་དང་བཀུར་འདེབས་ཀྱི་དོན་ངོ་མ་མ་རྟོགས་པའི་རྟགས་མཚན་གསལ་པོ་རེད། ཆོས་སྲིད་གཉིས་འགལ་བ་ལྟག་སྤྲོད་ཡིན་ཙང་ཆོས་ཕྱོགས་ནས་དད་པ་དང་ཡིད་ཆེས་དག་སྣང་བཤད་དགོས་པ་རེད་ལ། ཆབ་སྲིད་རྐྱང་པ་བཤད་དུས་ལྟ་གྲུབ་མི་གཅིག་པས་དེ་འདྲ་ཡོང་ཆོག་ལ་ཡོང་སྲིད་པ་ཞིག་ཀྱང་རེད། མ་ཟད་ཁོང་གི་ནུབ་ཕྱོགས་བརྒྱུད་ལམ་ཁག་ནང་དང་རྩོམ་དེབ་ཁག་ནང་ནུབ་ཕྱོགས་རྩོམ་པ་པོ་ཁག་གཅིག་གིས་བོད་དོན་འཁྱོག་བརྗོད་བྱེད་བཞིན་པ་དེ་ཚོར་དགག་ལན་རྒྱག་མཁན་ཧ་ལམ་འཇམ་ནོར་ལགས་གཅིག་པོ་རེད། མ་ཟད་ཁོང་གིས་རྒྱགས་རང་འཁུར་གྱིས་བོད་རང་བཙན་གཙང་མ་ཡིན་པའི་ཁུངས་སྐྱེལ་ས་ཁྲ་རྙིང་པ་དང་ཡིག་ཆ་རྙིང་པ་ལ་སོགས་མང་པོ་ཞིག་འཛམ་གླིང་ནང་སྐད་གྲགས་ཡོད་པའི་དཔེ་མཛོད་ཁག་དང་ཡིག་མཛོད་ཁག་མང་པོར་ཕྱིན་ནས་འཚོལ་སྒྲུབ་གནང་འདུག་པས་དེ་ཚོ་གཟིགས་ཡོད་རྒྱུ་མ་རེད་པ།
གཅིག་བྱས་ན་སྐུ་ཉིད་ཀྱིས་ཀྱང་དེ་འདྲ་གནང་ཡོད་མདོག་ཁ་པོ་རེད། སྨྱུག་ཁ་ནང་ལ་གཅིག་པུར་མ་གཏད་པར་ཕྱི་ལ་ཡང་གཏོག་ཙམ་གཏད་ན་ཡག་པོ་ཡོད་པ་རེད།
བྱས་ཙང་སྨྱུག་ཁ་ནང་ལ་མ་གཏོག་གཏད་མི་ཤེས་མཁན་དེ་ཚོ་རྒྱུ་དག་མེད་ཐག་གཅོད་རེད།
འོ་ན་༧སྐུ་མདུན་ནུབ་ཕྱོགས་སུ་ཕེབས་དུས་གསུང་ཆོས་གནང་ས་མང་པོ་ཞིག་གི་གསུང་ཆོས་རྭ་བའི་ཁ་གཏད་དུ་ལངས་མཁན་མི་རིགས་འདྲ་མིན་དང་བོད་པ་ཡང་མི་ཉུང་བ་ཞིག་འདུག། སྐད་འདྲ་མིན་སྣ་ཚོགས་ཀྱི་སྒོ་ནས་(ཏཱ་ལའི་བླ་མ་སྐྱག་རྫུན་མ་ཤོད། ང་ཚོར་ཆོས་དད་རང་མོས་དགོས་ཡོད་)ཞེས་སྡུག་སྐད་སྣ་ཚོགས་རྒྱག་བཞིན་པ་དེ་ཚོ་མཐོང་དུས་ང་ནི་རང་བཞིན་གྱིས་སེམས་ནང་མེ་འདྲ་ཞིག་འབར་ཡོང་གི་འདུག་ཀྱང་ནུབ་ཕྱོགས་ན་དམངས་གཙོ་དང་སྨྲ་བརྗོད་རང་དབང་ཆ་ཚང་ཡོད་ཙང་བྱ་ཐབས་ཟད་ནས་དམོད་ངན་བོར་རྒྱུ་མ་གཏོགས་ཅང་ལྷག་མི་འདུག། གལ་ཏེ་སྐུ་ཉིད་ཡོད་ན་ཐབས་ཤེས་ཞིག་ཡོད་རྒྱུ་རེད་པ།
དེ་ཚོ་ནི་མངོན་སུམ་འཛེམས་མེད་ཀྱིས་༧སྐུ་མདུན་ལ་ངོ་རྒོལ་བྱེད་ཀྱི་འདུག། དེ་ཚོར་ཡང་སྨྱུག་ཁ་གཏད་མཁན་ནི་ཧ་ཅང་གི་དཀོན་པོ་རེད། ཅི་ཡིན་ནམ། ཡང་གཅིག་མིན་ན་ལྷ་འདྲེ་གདོན་བགེགས་ཚོགས་པས་འཆི་ལམ་དུ་བསྐྱལ་མི་ཡོང་ངམ་སྙམ་མམ། ཡང་ན་ལྷ་འདྲེ་གདོན་བགེགས་དེས་གནོད་པ་བཏང་མི་ཡོང་ངམ་སྙམ་མམ་ཅི་ཆ་མི་རྟོགས། རང་བཙན་སྐོར་བཤད་ན་ལམ་སེང་༧སྐུ་མདུན་ཁ་ལ་འཁྱེར་ནས་རྒྱ་མི་གུང་ཁྲན་ནང་བཞིན་རྒོལ་རྡུང་གཏོང་རྐྱང་རེད། ཅི་ཞིག་གིས་ལན་པ་རེད། ད་བྱས་ན་ཕོ་རྒོད་པ་ལས་གཉིད་སྐྱིད་པ་དགའ་བྱས་པ་རེད། ག་རེ་བྱེད་ན་བགྱིས་ང་ནི་ཇུས་ཏོག་མེད་དོ།

བོད་པར་ཡོད་པ་དེ་མང་དྲག་སྤུས་ཚད་མེད་པ་དེ་རེད། དེས་རྐྱེན་པས་སྤྱི་ཚོགས་སུ་ལྡོག་ཕྱོགས་ཀྱི་ཤུགས་རྐྱེན་ངན་པ་བསྐྲུན་དང་སྐྲུན་བཞིན་ཡོད། དེ་ཡང་ལོ་རབས་དགུ་བཅུ་པའི་མཇུག་ཙམ་ནས་བཙན་བྱོལ་ནང་ཕན་ཡོན་དང་སྤུས་ཚད་ཡོད་མིན་ཅི་རིགས་ཀྱི་དཔེ་དེབ་མི་ཉུང་བ་ཞིག་མཐོན་འགོ་ཚུགས། དེ་དང་ཕྱོགས་མཚུངས་སུ་མཚན་ཉིད་མི་ཚང་བའི་རྩོམ་པ་པོར་འཆེས་པ་མང་པོ་ཞིག་སྤྱི་ཚོགས་ཀྱི་བསྲུབ་ཁ་ཡོད་ཚད་ནས་མཐོན། ཁོ་ཚོས་དེབ་སྙིགས་མི་ཉུང་བ་ཞིག་སྤྱི་ཚོགས་སུ་འགྲེམས་སྤེལ་བྱས། ལྗིད་ཁོག་མེད་པའི་དཔེ་དེབ་དེ་དག་གིས་བོད་ཡིག་ཀློག་འདོད་ཡོད་མཁན་རྣམས་ལའང་བག་ཆགས་ངན་པ་ཞིག་བཞག དེའི་དབང་གིས་དེང་སང་དཔེ་རྫོབ་དེ་རིགས་ལྟ་ཅི་ཐ་ན་ཚད་ལྡན་གྱི་རྩོམ་པ་པོས་བྲིས་པའི་དེབ་ཀྱང་རང་རེའི་སྤྱི་ཚོགས་སུ་མི་རྒྱུགས་པའི་ཚད་ལ་བསླེབས། དེ་ནི་དེབ་སྙིགས་མང་པོ་ཞིག་གིས་བསྐྲུན་པའི་ཤུགས་རྐྱེན་ངན་པ་ཞིག་ཡིན། སྟོང་ལོ་གསར་པ་ཤར་རྗེས་རིམ་བཞིན་རང་རེའི་སྤྱི་ཚོགས་སུ་ཤེས་ཚད་དང་ཉམས་མྱོངས། ཆབ་སྲིད་ཀྱི་གོ་རྟོགས་མེད་པའི་ཆབ་སྲིད་པར་འཆེས་པ་མི་ཉུང་བ་ཞིག་སྤྱི་ཚོགས་ཀྱི་བསྲུབ་ཁ་ནས་མཐོན། མི་དེ་རིགས་ཀྱི་སྔོན་མཐོན་དང་དྲང་པོ་ཡིན་ལུགས་ཀྱིས་ཐོག་མར་རང་གཞུང་གིས་གང་ཡང་མི་འཇོན་པའི་སྐྱོན་བརྗོད་བྱ་འགོ་ཚུགས། དེ་ནས་བོད་ཀྱི་རྩ་དོན་ལ་ཞེན་པ་དཀར་ཁུལ་གྱིས་༧གོང་ས་མཆོག་ལའང་སྐྱོན་བརྗོད་བྱེད་འགོ་ཚུགས། བོད་དོན་དང་འབྲེལ་བའི་སྐོར་ལ་ཆབ་སྲིད་ཀྱི་གླེང་སྙོག་མི་ཉུང་བ་ཞིག་བཟོས། དེ་བས་ཐབས་སྐྱོ་བ་ཞིག་ལ་བླུན་པོ་ཆུ་སྣ་གར་འཁྲིད་མི་འགས་མི་དེ་རིགས་ལ་བསྟོད་བསྔགས་བཏང་། རྗེས་སུ་བསྙེགས། མཐར་མི་དེ་རིགས་ཀྱི་ཕུ་ཐག་ཤེས་རྗེས་རིམ་བཞིན་མི་མང་དང་བཅས་པ་ཆབ་སྲིད་པ་ཞེན་པ་ལོག མགོ་ན། ཐ་ན་ལྷག་བསམ་རྣམ་པར་དག་པའི་རང་རིགས་ཆབ་སྲིད་པ་ཚད་ལྡན་གྱི་བགྲོད་ལམ་བཀག་དང་འགོག་མུས་ཡིན། དེ་ནི་ཆབ་སྲིད་མི་ཤེས་ཀྱང་ཆབ་སྲིད་པ་ཡིན་ཁུལ་བྱེད་མཁན་གྱི་བོང་བུ་དེ་རིགས་ཀྱིས་བཟོས་པའི་བག་ཆགས་ངན་པ་གཉིས་པ་དེ་རེད།

གསེར་འབྲུག་སྡེར་ལྔ་ལགས། སྐུ་མཁྱེན་འདི་ལྟར་མི་གསུང་བར་ཞུ། ངས་ནི་བོད་གཞུང་བསྡུ་གསོག་བརྒྱབ་སོང་ཞེས་དངོས་ཤུགས་ཅི་རིགས་ནས་ལབ་གླེང་བྱས་མེད། ངས་གླེང་བ་ནི་བོད་གཞུང་བྱ་བའི་ཐ་སྙད་བསྡུ་གསོག་བརྒྱབ་པར་གཉིད་མི་ཁུག་པའི་ཚོད་དུ་ཡོད་པའི་མི་དེ་དག་ལ་བཤད་པ་ཡིན། དེ་ཙམ་གྱི་ཧམ་པ་མ་གསུངས། གཞན་ཡང་སྒྲིག་འཛུགས་ཤིག་ལ་ཁྲིམས་དང་སྒྲིག་གཞི་ཡོད་ཆོག་ལ། ཕུན་སུམ་ཚོགས་ན་ཁྲིམས་ཀྱི་སྒྲིག་གཞིའི་ནང་གང་རྒྱས་གང་འོས་བྱས་ཆོག གཞན་ཡང་རང་དབང་དང་དམངས་གཙོར་ས་མཚམས་ཡོད་བྱ་བའང་། རྒྱུ་མཚན་ཅི་ཡང་མེད་པར་མི་སྣ་བྱེ་བྲག་པའི་འཚོ་བ་དང་། བྱེད་བབ། འབྲི་རྩོམ་སོགས་ལ་རང་སྣང་གང་དྲན་གྱིས་ལོག་འགྲེལ་དང་། དམོད་ཚིག་སྒྲོག་པ་དེ་དག་ལ་ཟེར་བ་ཡིན། གཅིག་བྱས་ན་ཉིད་ཀྱང་དེའི་གྲས་ནས་གཅིག་མི་སྲིད་པའི་ངེས་པ་མེད། དེ་ལས་གཞན་ངས་བཙན་བྱོལ་དུ་ཡོད་པ་རྣམས་ལོང་ལྐུགས་སུ་གྲུབ་འདུག་མ་གླེང་། རྩོམ་ཅི་ཡང་རུང་བའི་ཚིག་དོན་ཙམ་ལའང་གོ་བ་མ་ལོན་ན། རང་ཉིད་རང་གིས་ལོང་ལྐུགས་སུ་གྲུབ་པ་མ་ཡིན་ནམ།

བསྟན་འཛིན་ཚེ་མཚོ་དང་གསེར་འབྲུང་སྡེ་ལྔ་གཉིས་ལ། ཁོ་བོ་གྲ་ཕྱི་བུའམ་ཚེ་རིང་ཟླ་བར་ཁྱེད་གཉིས་ཀྱིས་ཅི་ཞིག་བསམ་པ་ལྟར་ཡིན་དུ་ཆུགས། འོན་ཏེ་ཐོག་མར་རང་ཉིད་ཀྱིས་ཅི་ཞིག་འཆད་ཀྱིན་ཡོད་པ་དང་གང་ལ་གཟས་ཀྱིན་ཡོད་པར་མནོ་བསམ་ཐོངས། བོད་གཞུང་དགའ་ལྡན་ཕོ་བྲང་ནི་ཕྱིར་བསྡུ་བྱས་ཟིན་ལ། སྤྱི་འཐུས་ནས་ཀྱང་བོད་མིའི་སྒྲིག་འཛུགས་སུ་ཁྲིམས་ཐོག་ནས་བཅོས་ཚར་བས་ཅི་བྱ། མང་གཙོའི་ཀ་བ་གསུམ་ལྡན་གྱི་སྐྱབས་བཅོལ་བའི་སྒྲིག་འཛུགས་འདིར་ངོ་རྒོལ་ཡོད་ན། ཁ་གཉིས་པ་གང་དུ་ཕྱོགས་རང་གིས་སོམས། ངས་ནི་བོད་མིའི་སྒྲིག་འཛུགས་སུ་བསྒྱུར་རྗེས་བོད་ནང་རང་ལུས་མེར་བསྲེགས་གནང་སོང་ཞེས་ཚིག་ཟུར་ཙམ་ཡང་སྨྲས་མེད། ཨ་ཙི་བོད་གཞུང་དགའ་ལྡན་ཕོ་བྲང་གི་ཕྱིར་བསྡུ་གནང་ཟིན་པས་དེ་ཙམ་གྱིས་སྙིང་ནད་དང་སྡུག་མ་ཐེག་པ་ཡོད་ན། ཁྱོད་ཀྱང་དེའི་སླད་དུ་རང་ལུས་མེར་བསྲེག་པའམ། ཟས་བཅད་ངོ་རྒོལ་སོགས་ཅི་རིགས་བྱས་པས་ཆོག དམངས་གཙོའི་ལུང་པར་སྲོག་ལ་འཚེ་བ་དང་བཙོན་དུ་ཚུད་པ་སོགས་འོང་མི་སྲིད། དེ་མིན་ང་ལ་འཁོན་པས་ཅི་བྱ། ལྷག་པར་རྩོམ་པ་པོའི་རྨི་ལམ་ནའང་འཁོར་མ་མྱོང་བའི་རང་འདོད་ཞེ་བཞག་གམ་དྭོགས་པ་ཁོང་སློང་གིས་གང་གི་གདོང་པར་ནག་རྩི་བསྐུ་འདོད་བྱས་པས་ཅི་ཕན། ཐོག་མར་ཞིབ་པར་ཀློགས། དེ་ནས་མནོ་བསམ་ཐོངས། དེ་ནས་སྨྱུ་ཁ་སྒྱུརད་ཅིག་་་་་ངོ་མ་སྙིང་གཏམ་ཡིན་་་

མི་ཆུང་མི་ཆུང་། ཨ་ཙི་ང་ཤེས་པ་རང་བཞིན་རྣལ་དུ་མ་ཕབས་པ་རེད། ཡང་ན་སྐུ་ཉིད་ཤེས་པ་རང་བཞིན་རྣལ་དུ་མ་ཕབས་པ་རེད། མཆན་གོང་མའི་ནང་བོད་གཞུང་ཞེས་པའི་ཐ་སྙད་དེ་སྔོན་མ་ནས་དབྱིན་ཡིག་ཐོག་མེད་པའི་རྒྱུ་མཚན་བཀོད་ནས་རང་བཞིན་གྱིས་བསྒྲུབ་མེད་པར་ད་ཆ་ཕྱིར་བསྡུ་བྱས་རབས་བཀོད་པ་དེས་གོ་ལ་འདིའི་སྟེང་དུ་རྒྱུགས་ཆེ་བའི་དབྱིན་ཡིག་ལ་རྩ་འཛིན་བྱས་པ་དེས། གོ་ལ་འདིའི་སྟེང་དུ་མེད་པ་རང་བཞིན་གྱིས་བསྒྲུབ་པ་མ་རེད་པས།
མ་ཟད་ས་སྐྱ་པའི་སྐབས་ནས་བཟུང་སྤྱི་ལོ་༥༡ བར་བོད་ཆོལ་ཁ་གཅིག་ཏུ་སྒྲིལ་བའི་བོད་གཞུང་ངམ་། ཡང་ན་བོད་རྒྱལ་ཁབ་ཀྱི་ལོ་རྒྱུས་ཁུངས་མ་ཞིག་འཁྱེར་ཤོག། དེ་མིན་ན་རང་ཉིད་ཀྱི་སྟོབས་ཤུགས་ལ་ལྟོས། ཞེས་པས་ཆ་རྐྱེན་ཞིག་བཏོན་ནས་བོད་རང་གི་ལོ་རྒྱུས་དེབ་ཐེར་དངོས་ལ་ཆ་འཇོག་མེད་པར་དབྱིན་ཡིག་ཐོག་བོད་ཀྱི་རྒྱལ་རབས་ཁུངས་ལྡན་ཞིག་མེད་པ་གཞིར་བཅོལ་ཏེས་རྒྱལ་སྤྱིའི་ངོས་ལེན་མེད་པའི་རྣམ་འགྱུར་དེ་ངམ་ངམ་ཤུགས་ཤུགས་བསྟན་འདུག་ན་ཀུན་སློང་གང་འདྲ་ཞིག་འཁྱེར་ནས་དྲིས་པ་རང་གིས་ཞིབས་པར་སོམས་ཤིག་ཀྱེེེ།
རྗེས་ཀྱི་མཆན་ཐུང་དེར་ངས་མོས་མཐུན་ཡོད་ཀྱང་། མཆན་སྔ་ཕྱི་གཉིས་ནང་འགལ་ལྟག་སྤྲོད་དུ་གྱུར་པ་དེས་ང་ཡང་སྐྱར་དོགས་པའི་ཀློང་དུ་བསྐྱལ་སོང་།

༧རྒྱལ་བ་རིན་པོ་ཆེ། གུས་པའི་ཆོས་སྲིད་ཀྱི་དབུ་ཁྲིད། མངོན་སུམ་ཚད་མའི་གྲུབ་པའི་འཕགས་མཆོག ལོས་རྒྱུས་ཀྱི་འགག་རྩ་ནས་བཞེངས་པའི་དཔའ་བོ།
རྒྱ་དཀར་ནག་གི་ཆབ་སྲིད་ཀྱི་གཡོ་སྒྱུ་དང་གནོན་ཤུགས་ལས་བྱུང་བའི་དཀའ་ངལ་མང་པོ་ཞིག་མ་གསང་རང་གསང་བྱུང་ཡང་། ལོ་ངོ་དྲུག་ཅུར་གཉོར་བའི་ཁྲེལ་འདས་བྱིས་པ་འགའ་ཡིས་ཁྱེད་ལ་རྒོལ་བར་བརྩམས་བྱུང་། དུས་རྒྱུན་ཁྱེད་ཀྱིས་གནས་ལུགས་བརྗོད་ན་བསྲེག་བཅད་བརྡར་གསུམ་གྱི་དཔྱད་པ་དགོས་པའི་མན་ངག་ལན་ཚར་གྲངས་མེད་ཅིག་བསྐྱར་ཡང་། བབ་ཅོལ་དང་ཕྱོགས་ཞེན་ལ་གོམས་པའི་བྱིས་པ་ལང་ཤོར་དག་ནི་ས་ཕུག་ཁ་བྱང་ལྟ་རུ་འཛུལ་བས་བདེན་པའི་ཉི་ཟེར་གྱིས་ནམ་ཡང་མ་ཕན། ད་དུང་ཁྱེད་ཀྱི་རིན་ཐང་ངོ་མ་མི་རྟོགས་པའི་བུ་ཕྲུག་མང་པོ་ཡང་ཁྲེལ་འདས་དག་གི་འཆལ་སྒྲར་འུར་འདྲོགས་ལངས་ན། ཐུགས་ཕམ་གྱི་ཚོར་སྣང་རེ་ལོས་འཁྲུངས།
ཡིན་ནའང། ངེས་དོན་གྱི་༧སྐྱབས་མགོན་ལགས། ལོ་ངོ་དྲུག་ཅུའི་བྱམས་སྐྱོང་ཐོབ་པའི་བུ་ཕྲུག་གྲངས་མེད་ཅིག་ནི་དྲང་བདེན་སྐྱོར་བའི་རྟོགས་པ་སད་ཡོད་པས། ཁྱེད་ནི་སྐུ་གོང་མ་ལྟར་གྱི་དཔའ་བོ་དཔུང་མེད་ཁེར་རྒྱུག་ཅིག་གཏན་ནས་མིན། བདེན་པ་མཐོང་བའི་བུ་ཕྲུག་དག་གིས་ནམ་ཡང་གནས་ལུགས་ཀྱི་མདུན་ནས་མགོ་མི་སྒུར། ༧སྐྱབས་མགོན་ལགས། ཐུགས་ཕམ་མ་གནང་རོགས། ང་ཚོ་ནམ་ཡང་ཁྱེད་ཀྱི་བདེན་པའི་ལམ་སྟོན་གྱི་ཕྱི་བཞིན་འབྲང་གིན་ཡོད།

དར་ལྕོག་འཛུགས་མི་ཆོག་ས་ཞིག་ན་སྲིད་གཞུང་འཛུགས་རྒྱུ་ཟེར་ཀི། དང་པོ་ཁྱེད་ཅག་གིས་དར་ལྕོག་ཅིག་ཚུགས་དང་། དེ་ནས་འུ་ཚོས་སྲིད་གཞུང་འཛུགས་ཆོག

གོང་དུ་དྲྭ་གྲོགས་གནས་ཚང་ལགས་ནས་གསུངས་པར་རྒྱབ་སྐྱོར་དང་། བོད་ནང་རང་ལུས་མེ་བསྲེགས་གནང་མཁན་གྱི་རྒྱལ་གཅེས་དཔའ་བོ་དང་དཔའ་མོ་རྣམས་ཀྱི་མངོན་འདོད་དེར་ང་ཚོའི་རྒྱབ་བསྐྱོར་བྱེད་དགོས་པ་དོན་དམ་ཡིན། འོན་ཀྱང་ཁོང་རྣམས་པར་རྒྱབ་བསྐྱོར་གནང་མ་ཐུབ་རུང་། ཁོང་རྣམ་པའི་མཛད་རྗེས་ནག་སུབ་དུ་མ་གཏོང་རོགས་ཐུགས་རྗེའི་གཟིགས་ཞེས་རེ་བ་ཞུ་བཞིན་ཡོད།

སེམས་པ་རྣལ་ལ་ཕབ། རིག་པ་གཅིག་ཏུ་སྒྲིམས། ཟ་ཧོར་བརྒྱུད་དུ་གཏོགས་པའི་རྒྱལ་དབང་ལྔ་པར་ལྷ་བཟང་ཁང་གིས་སྲིད་དབང་ཕུལ་བ་ནས་བཟུང་། བོད་གཞུང་ངམ་བོད་གཞུང་དགའ་ལྡན་ཕོ་བྲང་བྱ་བ་གཅིག་ལས་གཉིས་མེད། ད་ལྟའི་ཆར་བོད་གཞུང་དང་དགའ་ལྡན་ཕོ་བྲང་གཉིས་སུ་ཆགས་ཡོད་ཀྱང་།

བཙན་བྱོལ་ནང་དགའ་ལྡན་ཕོ་བྲང་ནི་བླ་བྲང་ལྟ་བུ་དང་། ང་ཚོས་རྒྱལ་ཁབ་གཅིག་གི་ངོ་བོར་གོ་བའི་བོད་གཞུང་ཟེར་བའི་ཐ་སྙད་འདི། སྔོན་མ་ནས་དབྱིན་ཡིག་ཏུ་མེད་པ་མ་ཟད། ད་ལྟ་བོད་ཡིག་ནས་ཀྱང་ཡོངས་སུ་ཕྱིར་འཐེན་མཛད་ཡོད།

གལ་ཏེ་ན་ཟུག་དེ་དོན་དངོས་ཡིན་ན། ས་སྐྱ་པའི་སྐབས་ནས་བཟུང་སྤྱི་ལོ་༡༩༥༡ བར་བོད་ཆོལ་ཁ་གསུམ་གཅིག་ཏུ་སྒྲིལ་བའི་བོད་གཞུང་ངམ། ཡང་ན་བོད་རྒྱལ་ཁབ་ཀྱི་ལོ་རྒྱུས་ཁུངས་མ་ཞིག་ཁྱེར་ཤོག དེ་མིན་ན་རང་ཉིད་ཀྱི་སྟོབས་ཤུགས་ལ་ལྟོས།

དེའི་བར་བོད་འདི་ཉིད་ལོ་ངོ་ཇི་ཙམ་ཐུབ་མིན་ཞིབ་པར་དཔྱོད།

༧གོང་ས་མཆོག་གིས་བོད་གཞུང་ཕྱིར་བསྡུས་པ་ཡིན་ཚུལ་གྱི་སྒྲོགས་གཏམ་སྤེལ་དོན་ཅི། བོད་རྒྱལ་ཁབ་ཤོར་ནས་ད་ལྟ་བར་སྲིད་གཞུང་སུ་གཅིག་གིས་ཀྱང་ཁྲིམས་ཐོག་ནས་བོད་གཞུང་ཟེར་བ་ཞིག་ངོས་ལེན་བྱས་མྱོང་མེད། ༧་གོང་ས་མཆོག་གི་ཕྱག་ལ་ཕྱིར་བསྡུ་རྒྱུའི་གཞུང་ཞིག་གློ་བུར་གང་ནས་རྙེད་པ་རེད། ད་ལྟའི་སྲིད་སྐྱོང་བློ་བཟང་སེང་གེ་མཆོག་གིས་དབུ་ཁྲིད་པའི་བཙན་བྱོལ་སྒྲིག་འཛུགས་འདི་བོད་རྒྱལ་ཁབ་ཤོར་བ་ནས་བཟུང་རྒྱལ་སྤྱིའི་ཁྲིམས་ཐོག་ཏུ་སྔར་ནས་བཙན་བྱོལ་སྒྲིག་འཛུགས་ཡིན་ལ་ད་དུང་བཙན་བྱོལ་སྒྲིག་འཛུགས་རེད། ༧གོང་ས་མཆོག་གིས་ཕྱིར་བསྡུ་བྱེད་རྒྱུ་དེ་དགའ་ལྡན་ཕོ་བྲང་གིས་བོད་ཀྱི་ཆབ་སྲིད་སྐྱོང་སྲོལ་དེ་ཕྱིར་བསྡུ་བྱས་པ་རེད། ཧ་མ་གོ་ཁུལ་བྱས་ནས་སྒྲོགས་གཏམ་མ་སྤེལ་རོགས།

འོ་ད་རྒྱུ་མཚན་ཡོད་མེད་ལ་མ་ལྟོས་པར་༧གོང་ས་མཆོག་གི་ལུང་། འདྲེན་ཁུལ་བྱེད་དེ་འུ་ཚོའི་ཆབ་སྲིད་པ་དག་གི་ལམ་ལུགས་ཀྱི་རྗེས་སུ་འབྲང་སྟེ། རྒྱུ་མཚན་མེད་པའི་ཉོག་བཏམ་རིང་མོ་ཞིག་འབྲི་དགོས་པའི་དམིགས་ཡུལ་ཅི་ཞིག་ཡོད་མེད་སུས་ཀྱང་མི་ཤེས། ༧གོང་ས་མཆོག་གིས་བཀའ་སློབ་རིམ་པའི་ནང་། དགའ་ལྡན་ཕོ་བྲང་གིས་གཞུང་འཛིན་རྒྱུ་དེ་མཚམས་འཇོག་དགོས་པའི་ནན་བརྗོད་གནང་འདུག་པ་ལས། བོད་གཞུང་བསྡུ་གསོག་རྒྱག་དགོས་ཞེས་གསུང་གང་ནའང་མ་མཐོང་། དེའང་མ་ཟད་ལོ་དྲུག་བཅུ་རྗེས་ནས་བློ་བཟང་སེང་གེ་སྲིད་སྐྱོང་གསར་པ་ཆགས་ཡོད་ཞེས་ནན་ཀྱི་གསུང་ཡོད། གཞུང་མེད་ན་སྲིད་སྐྱོང་ཡིན་དགོས་ཚུལ་ཞིག་ཨེ་ཡོད། བརྡ་སའི་ཆབ་སྲིད་པ་དག་གི་༧གོང་ས་མཆོག་གི་བཀའ་སློབ་མཐོ་ཞིང་ཐོས་བཞིན་དུ། བློ་སེང་ལ་སྲིད་སྐྱོང་ཞེས་མ་བརྗོད་པར་དེ། བཙན་བྱོལ་སྤྱི་ཚོགས་འདི་ཆུང་དྲགས་པས་ཡིན་ནམ། དེ་ལ་དཔོག་པའི་ཆབ་སྲིད་པ་མང་དྲགས་པས་རེད་དམ། ཡང་ན་སྐབས་འཚོལ་རིང་ལུགས་པ་མང་དྲགས་པས་ཨེ་ཡིན། དེ་མིན་ན་ཆབ་སྲིད་ཀྱི་གནས་བབ་ལ་འགྱུར་བ་ཅུང་ཟད་ཕྱིན་པའམ། རྒྱུན་ལྡན་མ་ཡིན་པའི་གནས་ཚུལ་ཅུང་ཟད་ཅིག་བྱུང་ཚེ། བུན་པ་གནམ་འཆར་གྱིས་སྐྱེ་བོ་ཀུན་གྱི་འདྲེན་བྱེད་རབ་རིབ་ཏུ་བསྒྱུར་དོན་ཅི་ཡིན་ནམ།
མི་དམངས་ཚོགས་ཆེན་སྐབས་སུ། འཐུས་མི་རྣམས་པས་མ་གྲུས་བསམ་པ་གཅིག་མཐུན་དེ། བོད་གཞུང་སྒྱུར་འདོད་མེད་པ་དེ་རེད། དེའང་མིག་ལྡན་ཀུན་གྱིས་མཐོང་དུས། ཁྱེད་ཀྱིས་མ་མཐོང་། རྣ་དབང་ཀུན་གྱིས་ཐོས་དུས་ཁྱེད་ཀྱིས་མ་ཐོས་པ་དེ། ཕྱོགས་རེས་སྒྲིབ་པ་རེད་དམ། བློ་དམན་དྲགས་སོང་རེད། ཡང་ན་ཅི་རེད།

ཚེ་རིང་ཟླ་བ་ཚེ་ཟི་རིང་།
ཧ་མ་གོ་གོང་ནས་ཧོན་རགྱུག་ཁྱེད་ཀྱིས་བྱེད་འདུག
མིང་མེད་པའི་མི་་ཞིག་གིས་ལས་ག་ཞིག་བྱེད་ཐུབ དཔེར་ན་ལག་ཁྱེད་མེད་པའི་མི་ཞིག་གིས་ས་འཚམས་དང་གནམ་འཚམས། ཡང་ན་རྒྱ་མཚོའི་མཐའ་འཚམས་བརྒལ་ཐུབ་བམ། །དེ་བཞིན་དུ་གཞུང་གི་མིང་ཙམ་ཡང་མེད་པའི་གཞུང་ཞིག་གིས་མ་འོང་པར་དོན་འགྲུབ་ཐབས་ཞིག་ག་ལ་ཡོད། ༧གོང་ས་མཆོག་གིས་བཏགས་ཡོད་གསུངས་ཡང་། བློ་ལྡན་ཞིག་གིས་དྲང་དོན་དུ་འབྲེལ་བ་ལས་ངེས་དོན་དུ་ཇི་ལྟར་འགྲེལ། ཡང་ན་གཞན་གྱིས་༧གོང་ས་མཆོག་གིས་ཡང་ཐང་མ་གཅིག་ལ་ནོར་མི་ཆོག་པ་མེད་སྙམ་གྱི་རེད། ཁྱེད་ལྟ་བུས་དེ་ཙམ་ཡང་བློ་ལ་ཐི་ལྟར་ཤོང་།