ཉེ་ཆར་ཨ་རིའི་གྲོས་ཚོགས་ཀྱིས་རྒྱ་ནག་གི་བརྡ་འཕྲིན་བཟོ་ཚོང་ཧྭ་ཝེ་དང་ཀྲུང་ཞིན་གཉིས་ཀྱིས་གསང་འཕྲིན་འཚོལ་སྡུད་ཀྱི་ལས་ཀ་གཉེར་བཞིན་པའི་ངོས་འཛིན་བྱས་འདུག
ཕྱི་ཚེས་ ༧ ཉིན་ཧྥ་རན་སིའི་གསར་སྤེལ་ཁང་གིས་གནས་ཚུལ་སྤེལ་བ་ལྟར་ན། ཨ་རིའི་རྒྱལ་ཚོགས་ཀྱིས་རྒྱ་ནག་གི་བརྡ་འཕྲིན་བཟོ་ཚོང་ཆེ་ཤོས་ཧྭ་ཝེ་དང་ཀྲུང་ཞིན་བཟོ་ཚོང་གཉིས་ཀྱིས་ཨ་རི་རྒྱལ་ཁབ་ཀྱི་བདེ་འཇགས་ལ་ཉེན་ཁ་བཟོ་བཞིན་པའི་ངོས་འཛིན་བྱས་ཡོད་པ་དང་། གནས་ཚུལ་དེ་ནི་ཨ་རིའི་གྲོས་ཚོགས་འོག་མའི་གསང་འཕྲིན་སྡེ་ཚན་གྱིས་ལོ་གཅིག་རིང་ཞིབ་བཤེར་བརྒྱུད་ཤེས་རྟོག་བྱུང་ཡོད་པ་དང་། གསང་འཕྲིན་སྡེ་ཚན་དེའི་སྙན་ཐོའི་ནང་། རྒྱ་ནག་གི་བཟོ་ཚོང་ཁང་དེ་གཉིས་ཀྱིས་རྒྱ་ནག་སྲིད་གཞུང་དང་འབྲེལ་བ་མེད་པའི་བཟོ་ཚོང་རང་གར་བ་ཞིག་ཡིན་པ་བདེན་དཔང་གསལ་བོ་བྱས་མེད་པ་བརྗོད་ཡོད་འདུག
དེ་སྔོན་རྒྱ་གཞུང་གིས་ཧྭ་ཝེ་དང་ཀྲུང་ཞིན་གཉིས་སྤྱད་དེ་ཨ་རིའི་བཟོ་ཚོང་དང་དམག་དོན་གྱི་གསང་འཕྲིན་འཚོལ་སྡུད་བྱེད་ཀྱིན་པའི་དོགས་པ་བྱུང་བ་ནས་བཟུང་། ཨ་རིའི་གྲོས་ཚོགས་ཀྱིས་ཞིབ་བཤེར་ལས་དོན་དེ་མགོ་བརྩམས་ཡོད་པ་དང་། ཟླ་སྔོན་མའི་ནང་ཨ་རིའི་གྲོས་ཚོགས་ཀྱི་ཉན་ཞིབ་ཚོགས་འདུའི་ཐོག རྒྱ་ནག་གི་བཟོ་ཚོང་ཁང་དེ་གཉིས་ཀྱི་འགན་འཛིན་མི་སྣས་ཁོ་ཚོའི་ངོས་ནས་ཚོང་ལས་ཁོ་ན་གཉེར་བཞིན་པ་ལས་ཆབ་སྲིད་ཀྱི་ལས་ཀ་བྱེད་ཀྱིན་མེད་པའི་སྐོར་བརྗོད་ཡོད་པ་རེད། ཡིན་ནའང་། ཨ་རིའི་གྲོས་ཚོགས་ཀྱི་ཞིབ་བཤེར་ཚོགས་པའི་རྒྱ་ནག་གི་བཟོ་ཚོང་ཁང་དེ་གཉིས་ཀྱིས། རྒྱ་ནག་གཞུང་དང་འབྲེལ་བ་ཡོད་མེད་ཐད་ཀྱི་ཨ་རིའི་གྲོས་ཚོགས་འཐུས་མིའི་དྲི་བར་ལན་འདེབས་གསལ་བོ་བྱས་མེད་པ་དེར་སྐྱོན་བརྗོད་བྱས་ཡོད་འདུག
ག་རེ་བྱེད་ན་བྱེད་དུ་ཅིག འཇུ་ཏོག་མེད་ས་འཇུ་ཏོག་བྱེད་དགོས་དོན་མེད།
་་་་་ རྒྱ་ནག་གི་བཟོ་ཚོང་ཁང་དེ་གཉིས་ཀྱི་འགན་འཛིན་མི་སྣས་ཁོ་ཚོའི་ངོས་ནས་ཚོང་ལས་ཁོ་ན་གཉེར་བཞིན་པ་ལས་ཆབ་སྲིད་ཀྱི་ལས་ཀ་བྱེད་ཀྱིན་མེད་པའི་སྐོར་བརྗོད་ཡོད་པ་རེད། ཡིན་ནའང་། ་་་་་ཟེར།