ད་ལྟའི་ཆར་རྒྱ་ནག་སྤྱི་ཚོགས་ནང་ཆབ་སྲིད་དང་དཔལ་འབྱོར་གྱི་འགལ་བ་སྣ་ཚོགས་ཤིག་ཛ་དྲག་ཏུ་འགྲོ་བཞིན་པ་མ་ཟད། དམར་ཤོག་ནང་ཁུལ་དུ་ཁྱོད་ཤི་ང་གསོན་གྱི་དབང་ཆའི་འཐབ་རྩོད་ཡོང་བཞིན་པར་བརྟེན། འགལ་རྐྱེན་དེ་དག་ལ་བརྟེན་ནས་མ་འོངས་པའི་ལོ་བཅུའི་ནང་རྒྱ་ནག་ནང་འགྱུར་བ་ག་འདྲ་ཞིག་བསླེབ་ཐུབ་མིན་དེ་སྤྱི་ཚོགས་ཉམས་ཞིབ་པ་དག་གི་མདུན་དུ་ལྷག་པའི་དྲི་བ་ཞིག་ཆགས་ཡོད། གནད་དོན་དེའི་ཐད་དགུ་བཅུ་གསུམ་ལས་འགུལ་ཚོགས་པའི་ཚོགས་གཞོན་ཨ་ཚོགས་ཀླུ་མཁར་བྱམས་ལགས་སུ་བཅར་འདྲི་ཞུས་ཡོད།
ལན། རྒྱ་ནག་དམར་ཤོག་གིས་དབང་ཆ་བཟུང་སྟེ་ལོ་ ༦༠ ཕྱིན་པའི་རིང་འགྱུར་བ་སྣ་ཚོགས་ཕྱིན་པ་དང་། ཛ་དྲག་གི་དོན་རྐྱེན་མང་པོ་བྱུང་བ་རེད། རིག་གནས་ཤིག་གི་ངོས་ནས་བཤད་ན། སྔོན་ཆད་ཀྱི་རྙིང་བཞི་རྩ་གཏོར་ནས་དེང་གི་རུའུ་ལུགས་བསྐྱར་གསོ་བྱས་ཏེ། རྒྱའི་སྲོལ་རྒྱུན་རིག་གནས་ཀྱི་ཞི་བའི་སྟོབས་ཤུགས་སྤེལ་དགོས་ཟེར་བ་ལྟ་བུ་ངོས་འཛིན་རང་བཞིན་མགོ་རྟིང་ལོག་པ་དང་། ཆབ་སྲིད་ཀྱི་འབོད་ཚིག་ཐོག་དེ་སྔའི་གྲལ་རིམ་འཐབ་རྩོད་ནས་ད་ལྟའི་འཆམ་མཐུན་སྤྱི་ཚོགས་བར་བཤད་སྟངས་མགོ་རྟིང་ལོག་པ། དཔལ་འབྱོར་སྒང་ནས་འཆར་གཞིའི་དཔལ་འབྱོར་ནས་སྤྱི་ཚོགས་རིང་ལུགས་ཀྱི་ཚོང་རའི་དཔལ་འབྱོར་ཟེར་བ་དང་། ཐོན་སྐྱེད་རྒྱུ་ཆ་སྒེར་ལ་འགན་ལེན་བྱེད་བཅུག་པ་སོགས་བྱེད་སྟངས་མགོ་རྟིང་ལོག་བསྡད་པ་གསལ་པོ་རེད། མདོར་ན། ཡོད་ཚད་མགོ་རྟིང་ལོག་སྟེ་དམར་ཤོག་པའི་དབང་ཆ་མ་གཏོགས་ལྷག་ཡོད་པ་མ་རེད། ད་ཆ་དྲག་པོའི་གསར་བརྗེ་བྱུང་ནས་སྲིད་དབང་མགོ་རྟིང་སློག་རྒྱུའི་དཀའ་གནད་དེར་ཐུག་བསྡད་འདུག གཞན་ཚང་མ་རང་གིས་རང་ལ་བསྙོན་འབྱིན་རང་བཞིན་གྱིས་མགོ་རྟིང་ལོག་པར་བརྟེན། འདུམས་བདེ་པོ་ཆགས་ཟིན་པ་རེད།
དྲི་བ། མ་འོངས་པར་རྒྱ་ནག་དེ་ལམ་ཁ་ག་འདྲ་ཞིག་ལ་འགྱུར་ལྡོག་འགྲོ་སྲིད་པར་དགོངས་ཀྱི་ཡོད། དཔེར་ན་དྲག་པོའི་གསར་བརྗེ་སློང་སྲིད་དམ།
ལན། རྒྱ་ནག་གཞུང་ལ་འཕྲད་ཀྱིན་པའི་དཀའ་ངལ་ཆེ་ཤོས་ནི། ཆབ་སྲིད་རུལ་སུངས་ཀྱིས་དཔལ་འབྱོར་རུལ་སུངས་ལ་སྐུལ་འདེད་བྱས་ཏེ་སྐྱ་འཐབ་ཡོང་དུས། གཞུང་རང་ངོས་ནས་དེ་འགོག་རྒྱུའི་ནུས་པ་རྩ་བ་ཉིད་ནས་མེད་པས། སྲིད་དོན་རིག་པའི་ཉམས་མྱོང་ངོས་ནས་བཤད་ན། དེར་ཁ་གཏད་གཅོག་ཐབས་ནི་གཞུང་གི་སྟངས་འཛིན་ལས་བ་བརྒལ་བའི་མང་ཚོགས་རང་བཞིན་གྱི་ངོ་རྒོལ་གྱིས་གཞུང་མགོ་རྟིང་སློག་རྒྱུ་དེ་རེད། མགོ་རྟིང་ལོག་སྟངས་ཀྱི་ཆ་ནས་ཧྥ་རན་སིར་དྲག་པོའི་གསར་བརྗེ་དང་། ཨ་རབ་ནང་མི་མང་གིས་གཞུང་མགོ་རྟིང་སློག་བཞིན་པའི་ལམ་ཁ་དེར་རྒྱ་ནག་འགྲོ་གི་རེད་བསམ་གྱི་འདུག ང་ཚོས་ཤེས་ཐུབ་ཀྱི་མེད་པ་དེ་ནི་དུས་ཚོད་རེད། མི་མང་གི་སེམས་ཀྱི་ན་ཟུག་དེ་རྣམ་འགྱུར་ག་འདྲ་ཞིག་གི་ཐོག་ནས་ཕྱིར་སྟོན་མིན། ན་ཟུག་ས་ཁར་བུད་པའི་སྒང་ལ་ཅི་ཞིག་བྱེད་མིན་སོགས་རེད།
ལན། ཚོགས་ཆེན་བཅོ་བརྒྱད་པའི་སྔ་རྗེས་སུ་རྒྱ་གཞུང་གིས་མི་སེམས་འཁྲུལ་རྒྱུའི་ཆེད་དུ། ཆབ་སྲིད་ལམ་ལུགས་ལ་བསྒྱུར་བཅོས་གཏོང་རྒྱུའི་སྐོར་ཁ་གཡང་སྒྲོག་གིན་འདུག་མོད། བསྒྱུར་བཅོས་དེ་འཛིན་སྐྱོང་གི་སྙོམས་སྒྲིག་ཙམ་མ་གཏོགས། རྩ་དོན་རང་བཞིན་གྱི་འགྱུར་བ་གང་ཡང་མ་རེད། མ་གཞི་རྒྱ་ནག་ལ་འགྱུར་བ་མ་བཏང་བར་འདི་མུར་ཕྱིན་ན། རྒྱུན་ལྡན་མིན་པ་ཚང་མས་མ་ཤེས་པ་གཏན་ནས་མ་རེད། འོན་ཀྱང་། ཨ་རི་གཙོས། ནུབ་ཕྱོགས་ཀྱི་ཆབ་སྲིད་ལག་འབྲེལ་གྱི་ཚོང་པ་ཚོར་མཚོན་ན། རྒྱ་ནག་མགོ་རྟིང་ལོག་པའི་འགྱུར་བ་ཕྱིན་ན་རེད། ཞི་བའི་རིམ་འགྱུར་བྱུང་ན་རེད། འགྱུར་བའི་མཇུག་འབྲས་ཁོ་རང་ཚོའི་ད་ཡོད་ཁེ་ཕན་དང་། མ་རྩ་བཙུགས་ཡོད་པ་དེར་དོ་ཕོགས་འབྱུང་མིན་གྱི་གནས་སྟངས་ཐད་གསལ་ཁ་མེད་སྟབས། ཁོ་ཚོས་རྒྱ་ནག་གི་ཆབ་སྲིད་བཅོས་བསྒྱུར་ཐོག་ཁ་ཡོད་ལག་ཡོད་ཀྱི་སྐུལ་འདེད་གཏོང་རྒྱུའི་ཚབ་ཏུ། དམངས་གཙོ་དང་། འགྲོ་བ་མིའི་ཐོབ་ཐང་བཤད་ཞོར་དོན་གྱིས་རྒྱ་དམར་གཞུང་གི་སྲིད་དབང་སྒེར་གཅོད་ལ་རམ་འདེགས་བྱེད་ཀྱིན་པ་རེད། ཕྱི་ནང་གི་གནས་ཚུལ་དེ་ཚོར་བརྟེན། ཚོགས་ཆེན་བཅོ་བརྒྱད་པའི་ཐོག་འགྱུར་བ་འདི་འདྲ་ཞིག་ཡོང་གི་རེད་ཟེར་ནས་འཛམ་བུ་གླིང་ལ་ལྟ་ཕྱོགས་གསར་པ་ཞིག་ཡོད་པ་མ་རེད། ང་ཚོ་བོད་པ་གཙོས་མི་རིགས་གནད་དོན་ཐོག་ནས་བལྟས་པ་ཡིན་ནའང་། ཚོགས་ཆེན་འདི་དང་བསྟུན་ནས་འགྱུར་བ་ཐེབས་ཡོང་གི་རེད་བསམ་པའི་ལྟ་ཚུལ་ཡོང་སའི་གཞི་ལྷག་ཡོད་པ་མ་རེད། མདོར་ན་རྒྱ་ནག་གི་འགྱུར་བ་དེ་དམངས་ཀྱི་ངོ་རྒོལ་ནས་འོང་རྒྱུ་ཤིག་ལས། གཞུང་འབྲེལ་གྱི་ཚོགས་འདུ་ལ་རེ་བ་རྒྱག་ས་ཡོད་པ་མ་རེད།
ལན། ཕྱོཊ་འགར་བསམ་བློ་གཏོང་ཆོག་གི དཔེར་ན། ཚོཊ་ཆེན་སྐབས་གསར་འགོད་པ་མང་པོས་པེ་ཅིན་ལ་བལྟས་ཡོད་སྟབས། སྐབས་དེར་གཞུང་ལ་ངོ་རྒོལ་བྱེད་མཁན་གྱི་རྒྱ་མི་གཙོས། ཚང་མ་མཉམ་འབྲེལ་ཐོག་བློས་གཏོང་གིས་ཕར་རྒོལ་བྱ་རྒྱུ་ནི་ཕྱོཊ་གཅིག་རེད། འོན་ཀྱང་། ད་ལྟའི་ཆར་རྒྱ་འོག་གི་གྲངས་ཉུང་མི་རིགས་ཁག་ལ་མཚོན་ན། མདུན་བསྐྱོད་དང་རྒྱབ་བཤོལ་ཉིས་ཆ་དཀའ་ངལ་ཆཊ་ཡོད་ལ། རྒྱ་གཞུང་གིས་ལོ་རྒྱུས་རང་བཞིན་གྱི་ཚོཊ་ཆེན་ལ་གཏོར་སྐྱོན་གཏོང་གི་འདུག་ཅེས་པ་སོཊ་ལ་ཁ་གཡར་ཏེ། མི་རིཊ་ས་ཁུལ་ལ་དམག་དྲངས་ནས་ཐད་གར་དྲག་གནོན་བྱེད་སྲིད་པས་གཟབ་གཟབ་བྱེད་དགོས་པ་རེད། ཡང་དེ་མ་ཡིན་པ་ཞིག་ལ་བསམ་བློ་བཏང་ན། ཚོཊ་ཆེན་ལ་ཞུཊ་མཁན་བོད་པར་མཚོན་ན༼ཏང་ཡོན་༽མི་གྲངས་ ༣༠ ཙམ་ཡོད་ཚོད་འདུག དེའི་ནང་སློབ་སྦྱོང་མེད་མཁན་རེ་འགའ་སྟག་ལྦཊ་གཟིག་ལྦཊ་གྱོན་ནས་པར་རྒྱག་སར་ཁྲིད་འགྲོ་གི་ཡོད་པ་ཚོ་ཕུད། ཁ་ཤས་ལ་དབང་ཆ་གང་ལ་གང་འཚམ་ཡོད་མཁན་དེ་འདྲ་ཡོད་པ་རེད། བྱུང་ན་ཚོཊ་ཆེན་ལ་ཞུཊ་མཁན་གྱི་བོད་རིཊ་ཚང་མ་སྡེབས་གཅིག་ལ་ཕྱིར་བཤོལ་རྒྱག་ཐུབ་ན་སྐད་གྲགས་བཞག་པ་རེད་དེ། ད་ལྟའི་ཆར་གནས་ཚུལ་འདི་འདྲ་ཁག་པོ་རེད། དེ་ལྟར་མ་བྱུང་ཕྱིན། ཚོཊ་ཆེན་ལ་ཞུཊ་མཁན་གྱི་འཐུས་མི་ཚོར། རང་གི་ས་གནས་ས་ཐོག་གི་གནས་ཚུལ་ཡར་ཞུ་གནང་རོགས་ཟེར་ནས། མི་མང་གིས་སོ་སོའི་ས་གནས་ཀྱི་ཚོཊ་ཞུཊ་པ་ཚོར་འབོད་སྐུལ་ཞུས་ནས་སུན་པོ་བཟོ་དགོས་པ་རེད། ཁོང་ཚོའི་ཡར་ཞུ་ལ་གོང་རིམ་ནས་ཁ་ཡ་བྱེད་མིན་ནི་གནས་ཚུལ་ཐ་དད་རེད།
ཨ་ཚོགས་ཚང་གི་གཏམ་ལ་རྒྱབ་སྐྱོར་ཡོད། རྒྱ་ནག་འདི་འགྱུར་བ་འགྲོ་བ་ལ་ཡང་མི་དང་རང་བྱུང་གཉིས་ཀྱི་ཤུགས་རྐྱེན་བཙན་པོ་ཞིག་ལས་འགྲོ་ས་མེད་པའི་མཐའ་སྡོམ་བཞག་ཡོད་ལ། མིའི་ཕྱོགས་ཀྱི་ནུས་ཤུགས་ནི་མང་ཚོགས་ཀྱི་ངོ་ལོག་རེད། རང་བྱུང་ཅེས་པ་ནི། རང་བྱུང་གི་གོད་ཆག་ཆེན་པོ་ཞིག་ལ་རྐྱེན་བྱས་ནས་ད་ལྟའི་གཞུང་འདི་རྩ་འཐོར་ལ་འགྲོ་རྒྱུ་དེ་རེད། དེའི་ནང་དུ་ས་ཡོམ། ནད་ཡམས། ཆུ་ལོག ཐན་པ་དང་མུ་གེ་ལ་སོགས་ཚུད་འདུག རྒྱ་ནག་གི་ལོ་རྒྱུས་ཐོག་རང་བྱུང་གི་གོད་ཆག་དབང་གིས་སྲིད་གཞུང་རྩ་འཐོར་ལ་ཕྱིན་པ་ནི་མང་པོ་ཡིན་རབས་འདུག
མགོ་རྟིང་ལོག་སྟངས་ཀྱི་ཆ་ནས་ཧྥ་རན་སིར་དྲག་པོའི་གསར་བརྗེ་དང་། ཨ་རབ་ནང་མི་མང་གིས་གཞུང་མགོ་རྟིང་སློག་བཞིན་པའི་ལམ་ཁ་དེར་རྒྱ་ནག་འགྲོ་གི་རེད་བསམ་གྱི་འདུག ་་་ཟེར་སྟངས་ལ་བལྟས་ན་ཀླུ་བྱམས་ཀྱིས་ཕ་རན་སིའི་སྐོར་ཡག་པོ་མི་མཁྱེན་འདི་ཚིག་ཐག་བཅད་ནས་ཤོད་ཐུབ་པ་འདུག་སྙམ།
རྒྱ་གུང་ཁྲན་དང་ཡུན་རིང་གཤིབ་མྱོང་དང་རྒྱ་མི་རིགས་ལ་ཆ་རྒྱུས་ཡ་རྒྱུས་ཡོད་པའི་མི་བུ་འདི། བཙན་བྱོལ་ནང་གི་རྒྱ་གུང་ཁྲན་དང་དུས་ཡུན་ཆུ་ཚོད་གཅིག་ཙམ་གཤིབ་མྱོང་མེད་པ་མ་ཟད། མི་རིགས་ཆེན་པོའི་རིང་ལུགས་ཀྱིས་ལྟ་གྲུབ་རང་བཞིན་ལྡན་པའི་རྒྱ་མི་རིགས་ལ་ཆ་རྒྱུས་ཡ་རྒྱུས་སྤུ་ཙམ་ཡང་མེད་པའི་རྣམ་འགྱུར་ཡ་མ་བརླ་ཅན་དང་འདུ་ཤེས་ཡ་མ་བརླ་ཅན་གྱི་སྲིད་དོན་ཚོང་པ་ཚོ་དང་ནམ་ཡང་འདྲ་ས་མེད་ཀི་ཡ།