མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

རྒྱ་ནག་གིས་དྲག་རྒོལ་དྲག་ལངས་ལ་སྒུག་ཡོད།

བོད་ཀྱི་དུས་བབ།
༢༠༡༢/༡༢/༠༦
Share on FacebookShare on TwitterShare on EmailShare on Whatsapp

འཇམ་བྷེ།

གཞིས་སྡོད་རིགས་མཐུན་གྱི་སྤུན་ཟླ་ཚོས་རྒྱ་ནག་དམར་པོའི་གཞུང་གི་གདུབ་རྩུབ་དང་དྲག་སྤྱོད་ལ་བཟོད་བསྲན་མ་ཚུགས་པ་དང་།  རང་རིགས་ཀྱི་རང་དབང་དང་བདེན་དོན་གྱི་ཆེད་དུ་རང་གི་གཅེས་བའི་ཚེ་སྲོག་མེར་བསྒྲོན་ཏེ་རྒྱ་ནག་གཞུང་གི་དྲག་རྩུབ་སྲིད་ཇུས་ལ་ངོ་རྒོལ་བསྟུན་མར་བྱུང་དང་འབྱུང་བཞིན་པ་རེད། དེ་ཡང་གཞིས་སྡོད་བོད་མི་དགུ་བཅུ་བརྒལ་བའི་ཞིག་གི་ཚེ་སྲོག་བདེན་པའི་མེ་ལྕེར་འཐིམས་སོང་བ་རེད།  འཐིམས་སོང་བའི་ཚེ་སྲོག་གི་གྲངས་དགུ་བཅུ་ནི་ཡིག་ཐོག་གི་གྲངས་དགུ་བཅུ་ཙམ་མ་རེད་ཚེ་སྲོག་གི་གྲངས་དགུ་བཅུ་རེད། 

མི་རིགས་ཤིག་གི་བདེ་སྡུག་མཁུར་བའི་བདེན་པའི་ཚེ་སྲོག་གི་མེ་ལྕེའི་འབར་ཤུགས་ཇེ་ཆེ་ནས་ཇེ་ཆེ་དང་ཇེ་མང་ནས་ཇེ་མང་རེད།  དེར་བརྟན།  མི་རིགས་འདིའི་བདེ་སྡུག་ཁུར་ཉམས་ལེན་དང་།  ཆགས་འཇིག་ལ་སེམས་ཁུར་བྱེད་ཀྱིན་པའི་གཞོན་སྐྱེས་སྐོར་ཞིག་གིས་ཀྱང་འུ་ཐུག་ཐབས་ཟད་དང་། ཞེ་སྡང་གི་ན་ཟུག་གནོན་མ་ཐུབ་པར་དྲག་པོའི་དམར་གཞུང་ལ་དྲག་རྒོལ་དང་དྲག་ལས་ཀྱི་སྦྱོར་བ་རྩོམ་དགོས་རབས་དང་།  བོད་རིགས་ཡོད་དོ་ཅོག་སྡེབ་ལངས་བྱེད་དགོས་པ་སོགས་ཚོར་ཤུགས་ཆེན་པོའི་སྒོ་ནས་རང་གཞུང་ལ་བསམ་འཆར་དང་རེ་སྒུག་བྱེད་ཀྱིན་ཡོད། 

གཞིས་སྡོད་བོད་མི་ཚོའི་ཛ་དྲག་གི་གནས་བབ་འདིའི་སྐོར་ལ་དོ་སྣང་དང་མནོ་བསམ་ཆེད་གཏོང་གིས་མི་རིགས་འདིའི་བདེ་སྡུག་དང་ཆགས་འཇིག་ལ་ཁུར་ཉམས་ལེན་བྱེད་མཁན་ཞིག་ཡིན་ཕྱིན། ཤ་གསེང་རུས་གསེང་ནས་གཟེར་བའི་ན་ཟུག་གིས་འདུག་མི་བཟོད་པ་ཁོ་ཐག་རེད། འོན་ཀྱང་།  དེ་ལྟར་བསམ་འཆར་དང་ལྟ་ཚུལ་འདོན་མཁན་དེ་དག་ངྷ་སར་གནས་བའི་ཁ་སྟོང་མགོ་སྟོང་ཚོའི་ཁ་སྟོང་ནང་གི་ཚིག་སྟོང་ཡིན་པ་དང་། ཡང་གུང་ཁྲན་ཏང་གི་རྒྱུ་རྔན་ལ་འདོན་རྔམ་ཆེ་བའི་རྒྱུག་ཁྱི་འགས་བོད་མིའི་ཞི་བའི་ཐབས་རྩོད་ཀྱི་སྟོབས་ཤུགས་ཉམས་རྒུད་དང་ཁ་གཞན་དུ་བསྒྱུར་བའི་གཡོ་ཐབས་དང་ཆོ་འཕྲུལ་ཡིན་ཚེ། བོད་མི་སྤྱི་སྒེར་ཡོངས་ཀྱིས་བློ་རིག་གཟུར་གནས་ཀྱི་མཉམ་འཇོག་བྱེད་དགོས་པ་གལ་ཆེན་རེད།

དེ་ལྟ་བུའི་ལྟ་ཚུལ་དང་བསམ་འཆར་དེ་རྣམས་གཞིས་སྡོད་བོད་མི་བྱིངས་དང་མི་བུ་རེ་ཟུང་གིས་མངོན་འདོན་ཡིན་ཚེ་ཉན་འཇོག་བྱེད་དགོས་པ་ལས་སྣང་མེད་དུ་གཏོང་མི་རུང་བར་ངེས་པར་དུ་དེ་ལ་གསལ་བཤད་དང་ལམ་སྟོན་ཞིག་གནང་གལ་ཆེ།  གལ་སྲིད་གཞོན་སྐྱེས་སྐོར་ཞིག་གིས་ཞེ་སྡང་གི་མེ་ལྕེ་དང་ལར་ཞེན་གྱི་ཚོར་ཤུགས་མནོན་མ་ཐུབ་པར་དྲག་ལས་དང་དྲག་རྒོལ་གྱི་ཐབས་རྩོད་ལམ་དུ་ཞུགས་ཏེ་ཆགས་སྒོ་ཆེན་པོ་ཞིག་བསླངས་ཚེ། གོ་སྐབས་ངང་སྒུག་བྱེད་བཞིན་པའི་དྲག་པོའི་དམར་གཞུང་གི་འདོད་ཐོག་ཏུ་རྟ་རྒྱུག་པ་རེད། དེ་ཡང་༧ གོང་ས་མཆོག་དང་རང་གཞུང་ལ་རྒྱ་ནག་དམར་གཞུང་གིས་མ་ཉེས་ཁ་གཡོག་དང་རྫུན་པ་བདེན་ སྒྲིག་གིས་འཇིགས་སྐུལ་རིང་ལུགས་པ་དང་དྲག་སྤྱོད་པའི་ཞྭ་ནག་བཙན་ཤེད་ཀྱིས་བསྐོན་ཅི་ཐབས་བྱེད་པ་སོགས་ལེགས་འགྲུབ་བྱུང་སོང་བ་རེད། 

དྲག་པོར་དྲག་རྒོལ་བྱེད་དགོས་ཟེར་བ་སོགས་ནི་བསམ་བློ་ནན་ནན་ཏིག་ཏིག་མ་བཏང་བར་ཧོལ་རྒྱུག་དང་ཚོར་ཤེས་མ་སྙོམས་པའི་སྐད་ཆ་ཞིག་རེད།  བཞི་བཅུ་ཞེ་གྲངས་ནས་ད་ལྟའི་བར་གྱི་གནས་བབ་དང་ཆགས་སྒོ་ལ་བསམ་གཞིགས་དང་ཕྱིར་རྟོག་ཞིབ་ཏུ་གནོངས་དང་། ང་ཚོ་བོད་མི་རིགས་ཀྱི་རྒན་དར་གཞོན་གསུམ་ལ་དམར་པོའི་གཞུང་གི་དྲག་དམག་གི་བཙན་འཛུལ་ལ་དྲག་རྒོལ་དང་དྲག་ལངས་བྱེད་པའི་སྙིང་རུས་མེད་སོང་བ་གཏན་ནས་མ་རེད་ལ།  དེ་ལྟར་བྱེད་པ་ཡང་སྔར་ནས་ད་བར་མང་མེད་ན་ཉུང་ཡོད་བ་མ་རེད། དེ་ལྟར་བྱེད་པའི་ཁྲོད་ནས་བོད་མི་ཁྲི་ཁྲི་འབུམ་འབུམ་གྱི་ཚེ་སྲོག་ཤོར་བ་སོང་བ་ལས།  ངེད་ཚང་ལ་རྒྱལ་ཁ་ཅི་ཞིག་ཐོབ་ཡོད། རྒྱ་དམག་ག་ཚོད་ཞིག་གསོད་ཐུབ་ཡོད། 

དེ་ཡང་རྒྱ་ནག་དམར་པོའི་གཞུང་གི་དམག་དཔུང་དང་གོ་མཚོན་གྱི་སྟོབས་ཤུགས།  བོད་མིའི་དྲག་རྒོལ་གྱི་སྟོབས་ཤུགས་ལས་ལྡབ་འགྱུར་ཀྱིས་ཆེ་དྲགས་པ་དང་།  ང་ཚོའི་མི་གྲངས་ལས་རྒྱ་དམར་གྱི་དམག་གྲངས་མང་དྲགས་པས་མ་རེད་དམ།  དེར་བརྟེན། ཅི་ཙམ་གྱིས་སྙིང་སྟོབས་ཆེར་སྐྱེད་ཀྱིས་དྲག་རྒོལ་དང་དྲག་ལངས་བྱས་ ན་ཡང་སྔར་བཞིན་བསྐྱར་ཏུ་བོད་མི་ཁྲི་སྟོང་འགའི་ཚེ་སྲོག་ལ་བརྡབ་གསིག་དང་བོད་མིའི་མི་གྲངས་ཉུང་བྲི་བྱེད་པ་ལས་གཞན་ཅི་ཞིག་ཡོད།  སྒོང་ང་རྡོ་ལ་བརྡབ་ན་སྒོང་ང་ཆག་རྒྱུ་ལས་རྡོ་ལ་ཅི་ཡང་གནོད་མི་ཐུབ་པའི་གནས་ལུགས་ལ་ཡང་བསམ་བློ་ཞིག་བཏང་ན་རེད། 

ཡང་གཅིག་བཤད་ན། རང་ཉིད་བདེ་ས་འཇམ་ས་ཞིག་ཏུ་བསྐོངས་ནས་ཁ་སྤོབས་ཆེན་པོས་མི་རིགས་ཀྱི་བདེ་ སྡུག་གི་ཆེད་དུ་དྲག་རྒོལ་དང་དྲག་ལངས་ཀྱི་ཐབས་རྩོད་བྱེད་དགོས་ཞེས་འུར་སྒྲོག་བྱས་ཏེ།  ཡང་བསྐྱར་བོད་མི་རིགས་ཀྱི་ཚེ་སྲོག་ཁྲི་ཁྲི་འབུམ་འབུམ་རྒྱ་ནག་དམར་གཞུང་གི་དྲག་པོའི་དམག་གི་མདུང་རྩེར་གཤམས་ནས་སྔ་ལམ་དུ་བརྫང་ན་ཁྱོད་ཚོའི་ཞེ་ནས་བཟོད་ཐབས་ཡོད་དམ། ད་དུང་མི་རིགས་ཀྱི་ཆེད་དུ་ཡིན་པའི་སྐྱོན་མེད་ཟེར་ན།  དངོས་གནས་ཁྱོད་ཚོ་ནི་རྒྱ་དམར་ལས་ཀྱང་སྙིང་རྗེ་མེད་པ་ཞིག་རེད་འདུག  ང་ཚོ་མི་རིགས་འདིའི་བདེན་པའི་ཐབས་རྩོད་ཀྱི་ཆེད་དུ་རིགས་མཐུན་གྱི་སྤུན་ཟླ་ཚོའི་ཚེ་སྲོག་ཤོར་བ་མང་མེད་ན་ཉུང་གཏན་ནས་མེད།

རྒྱ་ནག་དམར་པོའི་གཞུང་གིས་དྲག་པོའི་དམག་དཔུང་ས་ཡ་མང་པོ་བསྡུ་རུབ་ཀྱིས་སྐུང་སྒྲིག་དང་། དྲག་སྤྱོད་ཀྱི་གོ་མཚོན་འདྲ་མིན་བཟོས་བཟོས་ནས་དེ་དག་ང་ཚོ་ལྟ་བུའི་མི་རིགས་ཉམས་ཆུང་ཞིག་གི་ཐོག་ཚོད་ལྟ་དང་སྦྱོང་བརྡར་གྱི་གོ་སྐབས་ལ་སྒུག་ཡོད་པ་ཤེས་གསལ་རེད།  དེ་ལྟར་ཤེས་བཞིན་དུ་མདུང་ཁར་མཆོངས་དགོས་དོན་གང་ཡིན་ནམ། དེར་བརྟེན།  ང་ཚོའི་ཞི་བའི་ཐབས་རྩོད་ཀྱི་ལངས་ཕྱོགས་དང་ཆོད་སེམས་ལ་འགྱུར་བ་གཏན་ནས་འགྲོ་མི་རུང་། གཞིས་ལུས་བོད་མི་ཚོས་ཀྱང་དངོས་ཡོད་དང་གནས་ལུགས་དེ་དག་ཤེས་རྟོགས་ཀྱིས་ཆེས་མཐོའི་ཞི་རྒོལ་གྱི་ལམ་འདིར་(གསོན་བསྲེགས)མི་ཞུགས་ཐབས་མེད་བྱུང་བ་རེད། 

ཡང་གཅིག་བཤད་ན།  དྲག་རྒོལ་དང་དྲག་ལས་ཀྱི་སྦྱོར་བ་རྩོམ་དགོས་ཟེར་མཁན་ཚོས་རང་ཉིད་ཕག་ཏུ་བསྐུངས་ནས་དྲག་རྒོལ་དང་དྲག་ལས་ཀྱི་སྦྱོར་བ་རྩོམ་དགོས་ཞེས་འུར་སྒྲོག་བྱས་ཏེ། གཞན་འཆི་ལམ་དུ་བརྫངས་རྒྱུ་དེ་ཡིན་རྒྱུ་མ་རེད། དེ་མིན་པར་དོན་དངོས་ཡིན་ན།  དྲག་ལས་ཀྱི་ཐབས་ལམ་དང་གྲྭ་སྒྲིག་ཇི་ལྟར་ཡོད།  དྲག་ལས་ཀྱི་སྦྱོར་བརྡར་དང་གོ་རྟོགས་ཅི་ཙམ་ཡོད། དྲག་ལས་ཀྱི་འགད་རྫས་དང་གོ་མཚོན་གང་དུ་ཡོད།  དྲག་ལས་ཀྱི་སྦྱོར་བ་རྩོམ་པ་ལ་འདི་དག་ངེས་པར་ཏུ་ཚང་དགོས་པར་འདོད།  དེ་དག་གང་ཡང་མེད་ན་དྲག་ལས་རྩོམ་དགོས་ཟེར་བ་ནི་སྦོམ་བཤད་ཁོ་ན་རེད།

༢༠༡༢།༡༢།༥ ཉིན་ལ།

འབྲེལ་ཡོད་གསར་འགྱུར།

༸གོང་ས་མཆོག གསར་འགྱུར།

བོད་ལྗོངས་མདོ་སྨད་ཆོལ་ཁས་༧གོང་ས་རྒྱལ་བ་རིན་པོ་ཆེ་མཆོག་ལ་བརྟན་བཞུགས་བསྟར་འབུལ་ཞུས།

ཆུ་ཚོད་ ༡༤ སྔོན་ལ།
 འབུམ་རམས་པ་ལྷ་མོ་འཚོའི་དཔེ་དེབ་དབུ་འབྱེད་གནང་། བོད་ཀྱི་དུས་བབ་གསར་ཁང་གི་པར། ༢༠༢༥།༦།༢༧
Mobile App

འབུམ་རམས་པ་ལྷ་མོ་འཚོའི་དཔེ་དེབ་དབུ་འབྱེད་གནང་། 

༢༠༢༥/༠༦/༢༧
Mobile App

དབུས་གཙང་གཞོན་སྐྱེས་ཚོགས་ཆེན་ཐེངས་དང་པོ་འཚོག་བཞིན་འདུག

༢༠༢༥/༠༦/༢༧
In this handout image released by the Chinese Embassy on June 26, 2025, the first batch of Indian pilgrims at the Manasarovar Lake, in Tibet.
Mobile App

རྒྱ་གར་གྱི་གནས་མཇལ་བ་ཚོ་དངོས་སུ་བོད་ནང་གནས་མཇལ་དུ་ཕྱིན།

༢༠༢༥/༠༦/༢༧
Close view of Chinese PLA combat helicopter in Tibet_January 05 2021
Mobile App

བོད་ནང་གི་ཛ་དྲག་གི་གནས་སྟངས་ལ་གཟིགས་ཞིབ་དགོས་པའི་རེ་སྐུལ་ཞུས། 

༢༠༢༥/༠༦/༢༦
Mobile App

མི་འགྱངས་བར་སྟོབས་ཆེན་རྒྱལ་ཁབ་ལྔ་ཡིས་ཚོགས་ཆེན་འཚོག་རྒྱུ་ཡིན་འདུག 

༢༠༢༥/༠༦/༢༦

མཆན། 6

  1. ཞི་བདེ། says:
    ལོ་ 13 སྔོན།

    རྨེའུ་དཀོན་རྒྱམ་གྱིས་རྒྱུན་དུ་ནས་ཐབས་རྩོད་ཀྱི་ཇུས་གསར་བ་དང་རྣོ་པོ་དེ་འདྲ་སློང་གིས་འདུག
    དེར་བརྟེན་འཇམ་བྷེ་ཡི་སྐད་ཆ་འདི་ལས་ཐབས་རྩོད་ཀྱི་ཐབས་ཇུས་གསར་བ་དང་ཉེ་ལམ་གྱི་ཁ་ཕྱོགས་ཐོས་བ་གང་ཡང་བཏོན་མི་འདུག་པའི་དགོངས་ཚུལ་གསུངས་འདུག      ངའི་བསམ་ན་ངེད་བོད་པ་ཚང་ལ་༧གོང་ས་མཆོག་གིས་ལམ་སྟོན་གནང་བའི་ཐབས་ལམ་དང་ཁ་ཕྱོགས་འདི་ལས་ལྷག་པ་ཞིག་མི་འདུག་བསམ།   ཡིན་ཡང་ང་ཚོའི་སྤྱི་ཚོགས་ནང་དུ་མི་སྐོར་ས་ལྡིང་ནམ་ལྡིང་གིས་འཕག་འཚག་བརྒྱབ་སྟེ་ཐབས་རྩོད་ཀྱི་ཁ་ཕྱོགས་ལ་བསྒྱུར་བཅོས་དགོས་རབས་མང་མང་བཤད་མོད།  དེ་ལས་ལྷག་པའི་ཐབས་རྩོད་ཀྱི་ཐབས་ཇུས་གསར་བ་དང་འབྲེལ་ཐག་རྣོ་མྱུར་ཅན་དེ་འདྲ་གང་ཡང་ད་བར་ཁོང་ཚོར་སྟོན་རྒྱུ་མི་འདུག   མེད་བཞིན་དུ་ད་དུང་ཡང་ཨུ་ཚུགས་རྒྱག་གི་འདུག     རྨེའུ་དཀོན་རྒྱམ་གྱིས་ཀྱང་དེ་སྐོར་ནས་རྩོམ་ཡིག་སྔ་ཕྱི་ཐེངས་ཁ་ཤས་སྤེལ་སོང་མོད།   དེའི་ནང་དུ་ཁོང་གིས་འཇམ་བྷེ་ལ་བཤད་པ་བཞིན་ཐབས་རྩོད་ཀྱི་ཇུས་གཞི་གསར་བ་དང་ཐབས་ཤེས་རྣོ་མྱུར་ཅན་དེ་འདྲ་གང་ཡང་མཐོང་རྒྱུ་མི་འདུག 

    Reply
  2. ཞི་བདེ། says:
    ལོ་ 13 སྔོན།

    ཨ་ཚེ་འབར་ཀྱིས་བཤད་པ་བདེན་པ་རེད།   སྐད་ཆ་གང་བཤད་ན་ཡང་གཟབ་གཟབ་བྱེད་དགོས་པ་གལ་ཆེན་རེད།
    འཇམ་བྷེས་སྐད་ཆ་བཤད་སྟངས་དེས་མི་གང་མང་ཞིག་ལ་ཕོག་ཐུག་བཏང་ཡོད་ས་རེད།   ཡིན་ན་ཡང་།
    ཁོང་གིས་ཀྱང་རང་གི་ལངས་ཕྱོགས་དང་བོད་སྤྱི་བ་ལ་སེམས་ཁུར་ཡོད་པའི་སྐད་ཆ་འགའ་བཤད་པ་ལས་མི་སྒེར་ཀྱི་སྐྱོན་འཚང་ཆེད་བརྗོད་ཀྱིས་སེམས་ནག་དེ་འདྲ་བྱེད་མི་འདུག་བསམ། 
    རྡ་སར་གནས་བའི་མི་་་ཞེས་སྐྱོན་འཛུགས་བྱས་ཡོད་པས་རེད་ཟེར་ན་དེ་ནི་གོ་བ་ལེན་སྟངས་མ་ཤེས་བ་རེད།
    རྡ་སའི་མི་སྐོར་ཞིག་གིས་ཤེས་ཡོན་དང་བསམ་བློ་གོ་རྟོགས་མེད་ཡོད་གང་ལྟར་ཡང་༧་རང་གཞུང་ནས་བཟུང་གི་མཚོན་རང་ཉིད་ཀྱི་ལྟ་བ་མི་མཐུན་ས་དང་བློ་ཐག་མི་ཉེ་ས་གང་ཡིན་ལ་ཁ་རྡུང་གཏོང་བ་དང་སྡིག་དམོན་བྱེད་ཀྱིན་འདུག་པས་དེ་དག་ལ་ཐད་ཀར་འཛུབ་མོ་བཙུགས་ནས་ཐེར་འདོན་྄བྱེད་ན་ཏག་ཏག་རེད་བསམ།   ་་ཡིན་ཡང་རྡ་སར་གནས་བའི་མི་ཡོད་ཚད་དེ་ལྟར་ག་ལ་ཡིན།   དངོས་གནས་དྲང་གནས་ང་ཚོ་བོད་ཚང་གི་བསྟན་སྲིད་གཉིས་ལ་རླབས་ཆེན་གྱི་བྱ་བཞག་སྒྲུབ་མཁན་དག་ཡང་དེར་འཛོམས་ཡོད་པ་རེད།

    Reply
  3. རྨེའུ་དཀོན་རྒྱམ། says:
    ལོ་ 13 སྔོན།

    འཇམ་བྷེ་ལགས་ཀྱི་བསམ་ཚུལ་བཟང་བོ་འདུག
    ཁག་ཅིག་གིས་དྲག་པོར་དྲག་པོས་རྒོལ་དགོས་ཚུལ་ལས། རྒོལ་སྟངས་ཀྱི་ཐབས་བྱུས་བཏོན་མི་འདུག ད་ཐེངས་ཀྱི་བསམ་ཚུལ་འདི། རྨང་གཞི་ཙམ་བསྐྲུན་པ་ཡིན་ན་མི་ཤེས་མ་གཏོགས། ཐབས་ལམ་ཞིག་སྟོན་རྒྱུ་ཡོད་ན། འདང་རྒྱག་ཆོག་གི་རེད། གྲོས་བསྡུར་བྱེད་ཆོག་གི་རེད།

    ཡིན་རུང་། ཐབས་ལམ་དང་རིགས་པ་མེད་པའི་བསམ་ཚུལ་འདིའི་རིགས་ཀྱིས། མི་མང་བྱིངས་ཀྱི་བསམ་བློ་དཀྲུགས་སྲིད་པས། གོ་རིམ་དང་ཐབས་བྱུས་ཡོད་པའི་སྒོ་ནས། རྒྱབ་ལྗོངས་དང་འགྲོ་ཕྱོགས་ཡོད་པའི་ཐོག་ནས་བསམ་ཚུལ་གྱི་རྨང་གཞི་བསྐྱེད་པ་ཡིན་ན། གྲོས་བསྡུར་འགྲོ་སའི་ལམ་ཁ་ཡོད་རེད།

    བསམ་ཚུལ་འདིའི་རིགས་ལ། ཐབས་ལམ་སོགས་ཀྱིས་མི་འགྲིག་པར་ཆ་རྐྱེན་དང་བློས་གཏོང་གི་ཁ་ཕྱོགས་གང་ཞིག་ཏུ་བསྒྱུར་མིན་ལ། ངེས་པར་དུ་རྒྱང་ལྟ་ཆོད་དགོས། མ་ཟད། མི་མང་གི་སྟོབས་ཤུགས་ཆིག་སྒྲིལ་གང་འདྲ་བྱེད་རྒྱུ་ཡིན་མིན། རོགས་སྐྱོར་གྱི་རྒྱབ་རྩ་ག་འདྲ་འཚོལ་ཡིན་མིན་སོགས་ཞིབ་འདང་རྒྱག་དགོས་པ་ཐེངས་འདིའི་བསམ་ཚུལ་གྱི་ཆེས་མ་མཐའི་མ་རྩ་རེད།

    Reply
  4. ཨ་ཚེ་འབར། says:
    ལོ་ 13 སྔོན།

    གྲོགས་ཀྱིས་སྐད་ཆ་བཤད་སྟངས་ཧ་ཅང་སྣང་བ་འགྲོ་སོང་། ཡི་གེ་གཅིག་བྲིས་ཀྱང་བརྗོད་བྱ་ལ་ལྟ་དགོས་པ་ད་ལྟའི་དུས་སུ་གལ་ཆེན་རེད། ལྷག་པར་མི་རིགས་ཀྱི་ཚེ་སྲོག་དང་འབྲེལ་བའི་སྐད་ཆ་བཤད་དུས་ཡིད་གཟབ་དགོས་པ་ལས་ཚོར་སྣང་གི་རྗེས་སུ་འབྲང་རྒྱུ་མི་འདུག ཁག་ཅིག་ཚོར་བས་བཟི་འདུག འོན་ཀྱང་བཟི་སྟངས་དེ་ནོར་འཕྱུག་མང་གི

    Reply
  5. མི་རྒོད། says:
    ལོ་ 13 སྔོན།

    ཧ་ཧ་ཧ་འཇམ་བྷེ་ལགས་དྲག་པོ་བྱེད་མིའི་ཉ་དང་ཉུང་མ་མཉམ་བསྲེས་ཀྱི་ལས་འགུལ་ནམ་ཡང་སྤེལ་གི་མ་རེད།་ལར་ཡང་༧ གོང་ས་མཆོག་ལ་གནོད་རིགས་ཡོངས་གཞི་བཟོ་གི་མ་རེད། ལས་གང་ཡང་བསམ་བློ་སྔ་སོང་གིས་འཇུག་པ་ལས་ཕྱི་བཤོལ་རིགས་མེད་པ་དགོས་པ་རེད། ད་༧ གོང་ས་མཆོག་ཆབ་སྲིད་གནང་གི་མེད་དུས་བོད་དགྲ་ལག་ནས་ལེན་རྒྱུ་དང་། ལས་འགུལ་སྤེལ་ཕྱོགས་དེ་ལས་སླ་རུ་ཕྱིན་པ་ལས་དཀའ་བའི་ཕྱོགས་སུ་སོང་བ་ངོས་འཛིན་ཞུ་ཡི་མེད། བོད་མིའི་རྩ་དོན་སྒྲུབ་མིན་དེ་ཉིན་གཅིག་དང་། ལོ་གཅིག། མིན་པ་ལོ་ནས་ལོ་འཐུད་དེ་བྱེད་དགོས་པ་རེད་ལ་དེ་ཡང་རིག་གཞུང་རྒྱུན་འཛིན་པས་དེའི་ཆེད་འབད་དགོས་པ་དང་། དྲག་རྒོལ་གི་ཆབ་སྲིད་འཐབ་རྩོད་པས་དེའི་ཆེད་འབད་དགོས་པ་དང་། དབུས་བོད་བོད་མིའི་སྒྲིག་འཛུགས་ནས་བོད་མིའི་སྒྲིག་འཛུགས་འདི་མི་ཉམས་སྲ་བརྟན་གནང་དགོས་པ་རེད། ཨ་ནི་འཐབ་དང་རིག་པ་སྣ་མང་གི་ཐོག་ནས་བོད་ལེན་ཐུབ་པ་རེད་མ་གཏོགས་འགའ་ཤས་དྲག་རྒོལ་ཞེས་རྣ་ཡུལ་དུ་ཐོས་པ་དང་ སྙིང་རྩ་འདར་འགྲོ་བ་ནི་བོད་མིའི་ལ་ཞེན་དམན་པའི་རྟགས་རེད། ད་རིང་འདི་ལྟར་ལེགས་སོ།
    ༼ བོད་རིགས་དཔའ་མཛངས་བདེན་དོན་རྒྱལ་གྱུར་ཅིག༽

    Reply
  6. གླག་ཕྲུག says:
    ལོ་ 13 སྔོན།

    བསམ་ཚུལ་འདོན་ན་འཇམ་བྷེ་ནང་བཞིན། ཕྱོགས་ཡོང་ནས་བཤད་རྒྱུ་ཡོད་པ་དང་། གནས་ལུགས་ཡོད་པ། དངོས་ཡོད་དང་མཐུན་པ་འདི་འདྲ་འབྲི་དགོས་པ་རེད། བསམ་ཚུལ་རྩོམ་ཡིག་འདི་བདག་ཡིད་ཤིན་ཏུ་བབས་པས་རྩོམ་པ་པོར་ཐུགས་རྗེ་ལེགས་སོ་ཞུ་རྒྱུ་ཡིན་པ་མ་ཟད། མུ་མཐུད་ནས་དགོས་སར་འདི་ལྟར་སླེབས་རྒྱུ་དེ་ཡིན། གཞན། འཇིགས་སྣང་བྱེད་མི་དགོས་པའི་ས་མགོ་རིལ་ས་ན། སྙིང་ཕ་བོང་ལྟ་བུ་ཡོད་པའི་ནམ་རྒྱུན་བོད་མི་རིགས་ལ་ཤ་ཚ་མདོག་དང་། སྙིང་ཉེ་རབས་བྱེད་མཁན། སྔ་ཕྱིར་བསམ་གཞིགས་མི་བྱེད་མཁན་ཚོས་སྦྱོར་བ་ནི་ཡིད་ལ་གང་དྲན་དྲན་བཤད་ཀྱི་དེ་རེད། གང་དྲན་དྲན་བཤད་རྒྱུ་ནི་རྒྱུ་མཚན་མེད་པས་སོ།།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese