ད་ལོའི་ལོ་མགོར་རྒྱ་གཞུང་གིས་ཁམས་འབྲི་རུ་བན་དཀར་དགོན་པའི་མཁན་པོ་དང་དགེ་བསྐོས། ཕྱག་མཛོད་དང་དབུ་མཛད་གཙོས་ས་གནས་དགོན་གྲོང་གཉིས་ཀྱི་བོད་མི་ ༡༥ འཛིན་བཟུང་དང་། ད་ཆར་འབྲི་རུ་རྫོང་དུ་བྱིས་པའི་མིང་ལ་བསྟན་འཛིན་ཟེར་མཁན་ཚོར་རྒྱ་ནག་ཐོབ་ཐང་ལག་འཁྱེར་མ་རག་པའི་དཀའ་ངལ་འཕྲད་ཀྱི་ཡོད་འདུག
ཧྥ་རན་སིར་གནས་སྡོད་སྐུ་ཞབས་བསྟན་འཛིན་ཐོགས་མེད་ལཊ་ཀྱིས་འདི་ག་གསར་ཁང་ལ་གནས་ཚུལ་མཁོ་སྤྲོད་བྱས་པ་ལྟར་ན། ད་ལོའི་ཕྱི་ཟླ་དང་པོའི་ནང་ཁམས་འབྲི་རུ་རྒྱ་ཤོད་བན་དཀར་དགོན་པའི་ནང་ས་གནས་རྒྱ་གཞུང་གི་ལས་དོན་རུ་ཁག་ཟེར་བ་ཞིག་བསླེབས་ཏེ། རྒྱལ་གཅེས་ཆོས་གཅེས་ཀྱི་སློབ་གསོའི་མིང་ཐོག་ནས་དགོན་པའི་འདུ་ཁང་སྟེང་རྒྱ་ནག་གི་རྒྱལ་དར་སྒྲེང་འཛུགས་དགོས་རྒྱུ་དང་། དགོན་པའི་ཉེ་འདབས་སུ་རྒྱ་གཞུང་གི་ཉེན་རྟོག་ཡན་ལག་ལས་ཁུངས་ཅིག་གསར་འཛུཊ་བྱ་རྒྱུ། དགོན་པའི་ཕྱག་མཛོད་ལ་ས་གནས་རྒྱ་རིཊ་ལས་བྱེད་ཅིག་བསྐོ་བཞག་བྱ་རྒྱུ་ཡིན་ཚུལ་བཤད་ཡོད་པ་དང་། ལྷག་པར་དུ་དགོན་པའི་འདུ་ཁང་ནང་༸གང་ས་མཆོག་གི་སྐུ་པར་རྩ་བ་ནས་ཤོམ་སྒྲིག་གནང་མི་ཆོག་པར་མ་ཟད། དེ་ལས་ལྡོག་སྟེ་གྲྭ་མང་གིས་སྲིད་གཞུང་གི་བཀོད་འདོམས་ལྟར་༸གོང་ས་མཆོག་ལ་མཚན་སྨད་ཞུ་དགོས་པའི་བཙན་བཀའ་སོཊ་བཏང་ཡོད་འདུག་ལ། ལས་གཞིའི་དེའི་ཐད་ས་གནས་རྒྱ་གཞུང་གི་ལས་བྱེད་ཚོས་བཙན་དབང་ཐོག་སྔ་ཕྱིར་ཚོཊ་འདུ་ཐེངས་གསུམ་ཙམ་བསྡུས་ཡོད་ཀྱང་། དགོན་པའི་གྲྭ་མང་གིས་ཁས་ལེན་བྱས་མེད་སྟབས། རྒྱ་གཞུང་གི་འབྲེལ་ཡོད་ལས་བྱེད་ཚོས། ཕྱི་ཟླ་དང་པོའི་ཟླ་མཇུག་ཏུ་བན་དཀར་དགོན་པའི་རང་ལོ་ ༤༠ ཡིན་པའི་མཁན་པོ་ཐུབ་བསྟན་དོན་ཡོད་ལཊ་དང་དགེ་བསྐོས་སྙན་གྲཊ། རང་ལོ་ ༥༥ ཡིན་པའི་ཕྱག་མཛོད་རྒྱ་མཚོ་བཅས་ཟུར་དུ་སྐད་བཏང་སྟེ། དུས་ཡུན་ཉིན་ ༥ རིང་དགོན་པའི་གྲྭ་མང་ལ་གོ་སྐོན་བློ་འགུག་བྱེད་ཕྱོགས་སྐོར་ཚོཊ་འདུ་བསྐངས་ཡོད་འདུག
སྐུ་ཞབས་བསྟན་འཛིན་ཐོགས་མེད་ལཊ་ཀྱིས་མུ་མཐུད་བརྗོད་དོན་ལ། རྒྱ་གཞུང་གི་ཆེད་དམིཊ་ཚོཊ་འདུ་དེའི་ཐོག་དགོན་པའི་མཁན་པོ་སོཊ་ཀྱིས། ལས་གཞི་དེའི་ཐད་གྲྭ་མང་ལ་འདོད་མོས་མེད་ཚེ་དགོན་པའི་མཁན་པོ་དང་དགེ་བསྐོས་གང་ཡང་བསྒྲུབ་མི་ཐུབ་པ་དང་། གྲྭ་མང་གིས་ཁས་ལེན་མ་བྱས་པར་བཙན་བཀའ་བཏང་ན། གྲྭ་པ་རྣམས་གང་འདོད་ལྟར་སོ་སོའི་རང་ཁྱིམ་དུ་ལོག་སྟེ་ལས་གཞི་ལག་བསྟར་ཐུབ་ཀྱི་མེད་ཚུལ་བཤད་སྟབས། རྒྱ་གཞུང་གིས་དགོན་པའི་མགོ་ཁྲིད་ཚོས་རྒྱལ་ཁབ་ཀྱི་ཁྲིམས་ལུཊ་རྩིས་མེད་རྡོག་རོལ་བཏང་བ་དང་། ཁ་བྲལ་རིང་ལུཊ་པའི་ངན་སྐུལ་འོག་ཚུད་ཡོད་པའི་ཉེས་འདོགས་ཀྱིས། དགོན་པའི་མཁན་པོ་དང་དགེ་བསྐོས། ཕྱག་མཛོད་གསུམ་དུས་གཅིག་ཏུ་འཛིན་བཟུང་བཙན་ཁྲིད་བྱས་ཏེ་ད་ཆར་གར་ཡོད་ཅི་བྱུང་མ་ཤེས་པར་ལྷག་ཡོད་འདུག སྐབས་དེར་ས་གནས་ཉེན་རྟོག་པ་སྐོར་ཞིག་དགོན་པའི་མངའ་གསོལ་ཁང་དང་འདུ་ཁང་འཛུལ་ཏེ་༸གོང་ས་མཆོག་གི་སྐུ་པར་བཙན་ཁྱེར་བྱས་ཡོད་པ་མ་ཟད། གྲྭ་ཤག་རེ་རེའི་ནང་བཙན་འཛུལ་བྱས་ཏེ་སྔོག་བཤེར་དང་། དགོན་པའི་མཚན་ཉིད་སློབ་གྲྭ་དང་བན་དཀར་གསོ་རིག་སློབ་གླིང་གཉིས་རྩ་བ་ནས་སྒོ་རྒྱག་ཏུ་བཅུག་ཡོད་འདུག
བསྟན་འཛིན་ཐོགས་མེད་ལཊ་ཀྱིས་བརྗོད་ན། རྒྱ་གཞུང་གི་གདུག་རྩུབ་ཅན་གྱི་སྲིད་བྱུས་དེས་ས་གནས་དགོན་གྲོང་གཉིས་ཀའི་མང་ཚོཊ་ཀྱི་སེམས་ལ་ཕོག་ཐུག་ཆེན་པོ་ཞིག་བཟོས་ཡོད་པར་མ་ཟད། བན་དཀར་དགོན་གྱི་དགེ་འདུན་པའི་སྣེ་ཁྲིད་འོག ད་ལོའི་ཕྱི་ཟླ་ ༢ ཚེས་ ༨ ཉིན་འཛམ་གླིང་གང་སར་བོད་མི་དང་བོད་དོན་རྒྱབ་སྐྱོར་བ་ཚོས་ཉིན་བརྒྱ་དུས་གཅིག་གི་ལས་འགུལ་སྤེལ་སྐབས། བན་དཀར་དགོན་པའི་དགེ་འདུན་པ་དང་ས་གནས་བོད་མི་བརྒྱ་ཕྲག་དུ་མང་པོས། དགོན་པ་ནས་གྲོང་ཚོ་བར་གྱི་སྲང་ལམ་སྟེང་མར་མེ་ཁྲོམ་སྐོར་དང་ཞི་བའི་སྐད་འབོད་ཀྱི་གཞི་རྒྱ་ཆེ་བའི་ལས་འགུལ་ཞིག་སྤེལ་ཡོད་ཀྱང་། སྐབས་དེར་རྒྱ་གཞུང་གི་དྲག་ཆས་དམག་མི་དང་ཉེན་རྟོག་པ། དམིཊ་བསལ་ཉེན་རྟོག་དམག་མི་ཧ་ཅང་མང་པོ་འགྲེམས་འཇོིག་གིས་མང་ཚོཊ་ཀྱི་ལས་འགུལ་ལ་བཀག་སྡོམ་དང་། རྫོང་དང་ས་གནས་ཡོངས་ཀྱི་ཁ་པར་སྐུད་ལམ་དང་དྲ་ལམ་ཁག་གཏན་འགོག་བྱས་སྟབས། སྐབས་དེའི་གནས་ཚུལ་རྣམས་དུས་ཐོག་ཏུ་ཕྱི་ཕྱོགས་སུ་འབྱོར་ཐུབ་ཡོད་མི་འདུག
ཐོཊ་མེད་ལཊ་ཀྱིས་གནས་ཚུལ་མཁོ་སྤྲོད་གནང་དོན་ལ། བན་དཀར་ས་ཁུལ་གྱི་ངོ་རྒོལ་སྐད་འབོད་དེའི་སྟབས་ཀྱིས། ཉིན་ཤས་རྗེས་རྒྱ་གཞུང་གིས་ས་གནས་བོད་མི་ཁག་ཅིག་ལས་འགུལ་སྣེ་འཁྲིད་མཁན་ཡིན་པའི་དོཊ་གཞིའི་འཛིན་བཟུང་བྱས་ཡོད་ཅིང་། བོད་མི་དེ་དག་ནི། བན་དཀར་དགོན་པའི་རང་ལོ་ ༤༡ ཡིན་པའི་དབུ་མཛད་བཀྲ་ཤིས་བསོད་ནམས་ལཊ་དང་། བན་དཀར་དགོན་པའི་རང་ལོ་ ༤༡ ཡིན་པའི་གྲྭ་གྲགས་པ་རྒྱལ་མཚན། རང་ལོ་ ༣༦ ཡིན་པའི་གྲྭ་བུ་དྲོ། རང་ལོ་ ༢༧ ཡིན་པའི་གྲྭ་ཚེ་ཐར། བན་དཀར་གཞུ་རྒྱང་གྲོང་ཚོའི་སྡེ་དཔོན་དགའ་ལྡན་བཀྲ་ཤིས། གཞུ་རྒྱང་གྲོང་ཚོ་ནས་ཡིན་པའི་བུ་ཆུང་། འོ་གཟི་གྲོང་ཚོ་ནས་ཡིན་པའི་གྲྭ་ཡེ་ཤེས་བློ་གྲོས། གདོན་མདའ་གྲོང་ཚོ་ནས་ཡིན་པའི་གྲྭ་ཐུབ་བསྟན་བྱམས་པ་། བདེ་སྐྱིད་གྲོང་ཚོ་ནས་ཡིན་པའི་གྲྭ་བློ་ཆོས་། བདེ་སྐྱིད་གྲོང་ཚོ་ནས་ཡིན་པའི་རང་ལོ་ ༣༡ ཅན་གྱི་མི་སྐྱ་ཚེ་རིང་བཀྲ་ཤིས། བདེ་སྐྱིད་གྲོང་ཚོ་ནས་ཡིན་པའི་རང་ལོ་ ༢༩ ཅན་གྱི་མི་སྐྱ་མི་འགྱུར། གདོན་གྲོང་ཚོ་ནས་ཡིན་པའི་རང་ལོ་ ༣༥ ཅན་གྱི་མི་སྐྱ་རིན་ཆེན། བདེ་སྐྱིད་གྲོང་ཚོ་ནས་ཡིན་པའི་རང་ལོ་ ༣༩ ཅན་གྱི་མི་སྐྱ་ནོར་བུ་བཅས་ཡིན་འདུག་ལ། གོང་གི་བོད་མི་དེ་དག་ལས་གྲྭ་གྲཊ་པ་རྒྱལ་མཚན་དང་གྲྭ་བུ་དྲོ་གཉིས་ ༢༠༠༨ ལོར་ཞི་རྒོལ་ནང་ཞུགས་ཏེ་མི་རེར་༢ དང་ཟླ་ ༦ རིང་གི་ཁྲིམས་ཐག་བཅད་ཡོད་འདུག
དེ་བཞིན། ལོ་ལྟར་བོད་ཟླ་ ༦ པའི་ཚེས་ ༤ ཉིན་ཁམས་རྒྱ་ཤོད་བན་དཀར་དགོན་གྲོང་གཉིས་ཀྱིས་ཐུན་མོང་ཐོག་རྒྱ་ཤོད་བན་དཀར་དབྱར་སྐྱིད་གཏོང་སྲོལ་ཡོད་ཀྱང་། ད་ལོར་ས་གནས་སེར་སྐྱ་མང་ཚོཊ་ཀྱིས་བོད་ནང་རང་ལུས་མེར་བསྲེགས་གཏོང་བཞིན་པའི་བོད་མི་ཚོར་གདུང་སེམས་མཉམ་སྐྱེད་མཚོན་ཆེད་དབྱར་སྐྱིད་བཏང་མེད་སྟབས། ས་གནས་སྲིད་གཞུང་གིས་མང་ཚོཊ་ལ་དབྱར་སྐྱིད་མ་བཏང་ན་འགྲིག་གི་མེད་ཚུལ་དང་། དབྱར་སྐྱིད་གཏོང་བར་སྲིད་གཞུང་གིས་རྒྱ་སྒོར་ཁྲི་ ༡༠ ནས་ ༢༠ བར་རོཊ་སྐྱོར་བྱ་རྒྱུ་ཡིན་སྐོར་བརྗོད་འདུག་ཀྱང་། ས་གནས་མང་ཚོཊ་ཀྱིས་རྒྱ་གཞུང་གི་སྐད་ཆ་དེར་ངོས་ལེན་གང་ཡང་མ་བྱས་པར་བརྟེན་བན་དཀར་ས་ཁུལ་དུ་ཉིན་དེར་དམ་དྲག་ཤུཊ་ཆེར་བྱས་ཡོད་འདུག གཞན། དེང་སྐབས་ཁམས་འབྲི་རུ་རྫོང་ཁོངས་སུ་བོད་རིཊ་བྱིས་པའི་མིང་ལ་བསྟན་འཛིན་ཞེས་བཏཊ་མི་ཆོག་པ་དང་། མིང་ལ་བསྟན་འཛིན་འདོཊ་མཁན་གྱི་བྱིས་པ་ཚོར་རྒྱ་ནག་གི་ཡུལ་མིའི་ཐོབ་ཐང་ལག་ཁྱེར་བཟོ་རྒྱུར་དཀའ་ངལ་འཕྲད་ཀྱི་ཡོད་འདུག
གསར་འགོད་པ། དཔལ་ལྡན།
གསར་འགོད་པ་དཔལ་ལྡན་འདིས་གནས་ཚུལ་ཁ་ཚང་ཞིག་བྲིས་འདུག ཐུགས་རྗེ་ཆེ།