ད་ལོའི་ཕྱི་ཟླ་བཞི་པའི་ནང་༸གོང་ས་མཆོག་སུད་སིར་ཆིབས་བསྒྱུར་གནང་སྐབས། ཡུལ་དེའི་རྒྱལ་ཡོངས་གྲོས་ཚོཊ་ཚོཊ་གཙོ་མཆོག་གིས་༸གོང་ས་མཆོག་དང་མཇལ་འཕྲད་གནང་རྒྱུ་ཡིན་འདུག
ཟླ་འདིའི་ཕྱི་ཚེས་ ༡༣ ཉིན་སུད་སི་འཛུ་རིག་གྲོང་ཁྱེར་གྱི་ཚོགས་ཁང་ཞིག་ཏུ། སུད་སི་བོད་མཐུན་ཚོཊ་ཀྱི་ཚོཊ་གཙོ་དང་སུད་སི་རྒྱལ་ཡོངས་གྲོས་ཚོཊ་འཐུས་མི་ལྕམ་མོ་སི་སེ་མཆོག་རྣམ་གཉིས་ཀྱིས་ཐུན་མོང་ཐོག་གསར་འགོད་གསལ་བསྒྲཊ་ཤིག་སྤེལ་ཏེ། ད་ལོའི་ཕྱི་ཟླ་ ༤ པའི་ནང་༸གོང་སུད་སི་ནང་ཆིབས་བསྒྱུར་གནང་སྐབས། ཡུལ་དེའི་རྒྱལ་ཡོངས་གྲོས་ཚོགས་ཚོཊ་གཙོ་མཆོག་གིས་༸གོང་ས་མཆོག་དང་མཇལ་འཕྲད་གནང་རྒྱུ་ཡིན་ཚུལ་བརྗོད་ཡོད་འདུག
ཉིན་དེའི་གསར་འགོད་ལྷན་ཚོགས་ཐོག་སུད་བོད་མཐུན་ཚོགས་ཀྱི་དྲུང་ཆེ་ལགས་ཀྱིས། སུད་བོད་མཐུན་ཚོགས་ཀྱི་ཚོགས་མི་ཚོས་བོད་དོན་ལ་རྒྱབ་སྐྱོར་ཞུ་དགོས་པའི་རྒྱུ་མཚན་གཙོ་བོ། བོད་དོན་འཐབ་རྩོད་ཀྱི་ངོ་བོ་བདེན་པ་དང་སྤྱོད་པ་འཚེ་མེད་ཞི་བ་ཡིན་པར་མ་ཟད། དུས་རྒྱུན་བོད་མི་རྣམས་ཡ་རབས་བཟང་སྤྱོད་དང་ལྡན་པ་ཞིག་དང་། ལྷག་པར་དུ་བོད་མི་ཚོས་གཙུག་ཏུ་བཀུར་ཡུལ་༸གོང་ས་ཏཱ་ལའི་བླ་མ་མཆོག་གིས་འཛམ་གླིང་ཧྲིལ་པོའི་མི་དམངས་ཁྲི་སྟོང་མང་པོར་བྱམས་སྙིང་རྗེའི་སྐོར་གྱི་བཀའ་སློབ་སྩོལ་བཞིན་པ་བཅས་ཀྱིས་རྒྱབ་སྐྱོར་ཞུ་བཞིན་ཡོད་སྐོར་བརྗོད་འདུག
སྐབས་དེར་དྲུང་ཆེ་ལགས་ཀྱིས་མུ་མཐུད་དུ་བརྗོད་དོན་ལ། སུད་སིའི་གཞུང་གིས་ཕྱི་ལོ་ ༡༩༦༠ ལོར་བོད་མི་གང་འཚམ་ཞིག་ཡུལ་དེར་གཞིས་ཆགས་སུ་བླངས་བ་ནས་ད་ཆར་སུད་སིའི་ནང་བོད་མི་ ༥༠༠༠ ལྷག་གནས་སྡོད་བྱེད་བཞིན་ཡོད་ཅིང་། ཕྱི་ལོ་ ༡༩༩༡ དང་ ༡༩༩༥། ༢༠༠༡། ༢༠༠༥ ལོ་བཅས་སུ་ཏཱ་ལའི་བླ་མ་མཆོག་གིས་སུད་སིའི་བློན་ཆེན་རྣམ་པར་གཞུང་འབྲེལ་མཇལ་འཕྲད་གནང་ཡོད་པ་དང་། ༢༠༠༩ ལོ་དང་ ༢༠༡༠ ལོར་སུད་སིའི་རྒྱལ་ཡོངས་གྲོས་ཚོཊ་ཚོཊ་གཙོ་རྣམ་པར་མཇལ་འཕྲད་གནང་ཡོད་པ་མ་ཟད། ད་ལོའི་ཕྱི་ཟླ་ ༤ པའི་ནང་ཏཱ་ལའི་བླ་མ་མཆོག་སུད་སིར་ཆིབས་བསྒྱུར་སྐབས་ཚོགས་གཙོ་མཆོག་དང་མཇལ་འཕྲད་གནང་འཆར་ཡོད་སྐོར་དང་། ཉེ་ལམ་སུད་སིའི་རྒྱལ་ཡོངས་འཐུས་མི་ཁག་ཅིག་དང་སུད་བོད་མཐུན་ཚོགས་ཚོགས་མི་ཁག་ཅིག་མཉམ་འབྲེལ་ཐོག ད་ལོར་ཏཱ་ལའི་བླ་མ་མཆོག་སུད་སིར་ཆིབས་བསྒྱུར་སྐབས་དབུས་གཞུང་ལ་གཞུང་འབྲེལ་སྣེ་ལེན་ཡག་པོ་ཞུ་དགོས་པའི་སྙན་སེང་ཞུས་ཀྱང་ད་བར་བཟང་ཕྱོགས་ཀྱི་བརྡ་ལན་གང་ཡང་མ་སྤྲད་པ་དེར་བློ་ཕམ་ཡོད་ཚུལ་སོཊ་ནན་བཤད་གནང་ཡོད་འདུག
