གཟའ་སྤེན་པའི་ཉིན་བཀའ་བློན་ཁྲི་ཟུར་ཟམ་གདོང་རིན་པོ་ཆེས་མང་ཚོཊ་ལ་ལམ་དབུ་མའི་སྲིད་བྱུས་ཐོག་བཀའ་སློབ་བསྩལ་ཏེ། དབུ་མའི་ལམ་གྱི་མཐའ་མའི་འབབ་ས་མི་རིཊ་ས་གནས་རང་སྐྱོང་དང་། གལ་སྲིད་རྒྱ་ནག་རྩ་ཁྲིམས་ལ་འགྱུར་བ་ཐེབས་ཚེ་དབུ་མའི་ལམ་གྱི་གཞི་རྩ་གསར་པ་ཆཊ་རྒྱུ་ཡིན་སྐོར་གསུངས།
དབུ་མའི་ལམ་མི་མང་ལས་འགུལ་ཁང་གི་གོ་སྒྲིག་འོག ཁ་སང་ཕྱི་ཚེས་ ༡༣ ཉིན་གྱི་ཕྱི་དྲོའི་ཆུ་ཚོད་ ༣།༣༠ ཐོག་ངྷ་ས་མེག་གྷན་ཉིན་སློབ་ཚོགས་ཁང་དུ། བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གིས་དབུ་མའི་ལམ་གྱི་སྲིད་བྱུས་ཐོག་གཏམ་བཤད་དང་མཇུག་ཏུ་མང་ཚོགས་ལ་དྲི་བ་དྲིས་ལན་བཅས་གནང་ཡོད་ཅིང་། ཚོགས་འདུ་དེར་བཀའ་ཟུར་དང་སྤྱི་འཐུས། གཞུང་འབྲེལ་མིན་པའི་ཚོགས་པ་ཁག་གི་སྐུ་ཚབ། ངྷ་སའི་སེར་སྐྱ་མང་ཚོགས་བཅས་ཁྱོན་མི་ ༡༠༠ ལྷག་འདུ་འཛོམས་བྱུང་འདུག
ཚོགས་འདུའི་ཐོག་མར་དབུ་མའི་ལམ་ལས་འགུལ་ཁང་གི་འགན་འཛིན་གཞོན་པ་སྤྱི་ཟུར་ཡོན་ཏན་རྒྱ་མཚོ་ལགས་ཀྱིས། དབུ་མའི་ལམ་ནི་༸གོང་ས་མཆོག་གི་དགོངས་གཞི་དང་བོད་གཞུང་དམངས་གཉིས་ཀྱིས་གཏན་ལ་ཕབ་པའི་ཡང་དག་གི་སྲིད་བྱུས་ཤིག་ཡིན་པ་དང་། ད་ཆར་ལས་འགུལ་ཁང་དེས་ས་གནས་ཁག་ ༢༨ ནང་འབྲེལ་མཐུད་པ་གསར་འཛུགས་ཐོག་རྒྱ་བལ་གཞིས་ཆགས་ཁག་ ༣༢ གཙོས་དགོན་སྡེ་དང་སློབ་གྲྭ་ཁག་ཏུ་དབུ་མའི་ལམ་གྱི་ཟབ་སྦྱོང་དང་། རྒྱ་རིགས་མང་ཚོགས་གཙོས་ཕྱི་རྒྱལ་མི་རིགས་ཚོར་སྐབས་བསྟུན་གྱིས་ཡིག་ངག་གཉིས་ཐོག་ནས་གསལ་བཤད་གནང་བཞིན་ཡོད་པ། སྐབས་བཅོ་ལྔ་པའི་བོད་མི་མང་སྤྱི་འཐུས་ལྷན་ཚོཊ་ཀྱི་གྲོས་ཚོཊ་ཚོཊ་དུས་ལྔ་པའི་ཐོག་བཀུར་འོས་སྤྱི་འཐུས་ཤིག་གིས། ༸གོང་ས་མཆོག་གིས་བཀའ་རྩོམ་ཁག་རེ་རེ་བཞིན་ལུང་འདྲེན་ཐོག་བདེན་པ་མིན་པའི་འགྲེལ་བཤད་ལོག་པར་བརྒྱབ་སྟེ།༸གོང་ས་མཆོག་གི་ཐུགས་དགོངས་ངོ་མ་བོད་རང་བཙན་ཡིན་ཚུལ་བརྗོད་པ་དེར་བོད་རིཊ་མང་ཚོགས་རྣམས་བློ་ཕམ་ཆེན་པོ་བྱུང་ཡོད་སྐོར་ངོ་སྤྲོད་གནང་སོང་།
ཚོགས་ཐོག་ཏུ་བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གིས། ལམ་དབུ་མའི་སྲིད་བྱུས་ཀྱི་བྱུང་རིམ་དང་དེའི་ངོ་བོ་སྐོར་མང་ཚོགས་ལ་ངོ་སྤྲོད་དང་འབྲེལ། གཉིས་སྨན་དབུ་མའི་ལམ་གྱི་སྲིད་བྱུས་ནི་ཉིན་མ་གཅིག་ནང་བྱུང་བའི་གནས་ཚུལ་ཞིག་དང་གང་ཟག་གཅིག་གིས་ཐག་གཅོད་བྱས་པའི་གནས་ཚུལ་ཙམ་མིན་པར། འདས་པའི་མི་ལོ་ ༤༠ རིང་༸གོང་ས་མཆོག་གིས་ལམ་སྟོན་འོག་གཞིས་བྱེས་བོད་རིགས་མང་ཚོགས་ཀྱིས། མང་གཙོའི་བརྒྱུད་རིམ་དང་མཐུན་པར་གྲོས་བསྡུར་རིམ་པར་གནང་སྟེ་མཐའ་ཐག་གཅོད་གནང་བ་ཞིག་དང་། དབུ་མའི་ལམ་གྱི་སྲིད་བྱུས་དེར་མི་དམངས་བརྒྱ་ཆ་ ༦༤ ལྷག་གིས་རྒྱབ་སྐྱོེར་ཐོབ་པའི་ཐོག་སྤྱི་འཐུས་ལྷན་ཚོགས་ནང་སྤྱི་མོས་གྲོས་ཆོད། ༢༠༠༨ ལོའི་བོད་ནང་ཛ་དྲག་གནས་ཚུལ་ལ་གཞིཊ་ཏེ་དམིགས་བསལ་ཚོགས་ཆེན་སྐབས་ཚོཊ་ཞུཊ་པ་མང་ཆེ་བས་ལམ་དབུ་མའི་སྲིད་བྱུས་རྒྱུན་འཁྱོངས་གནང་རྒྱུར་རྒྱབ་སྐྱོར། ༢༠༡༠ ལོར་སྤྱི་འཐུས་གྲོས་ཚོགས་ནང་ཡང་སླར་ལམ་སྤྱི་མོས་གྲོས་ཆོད་བཅས་བྱུང་ཡོད་ཅིང་། དེའི་ཐོག་བོད་མིའི་སྒྲིག་འཛུགས་དང་གཞུང་འབྲེལ་མིན་པའི་ཚོགས་པ་ཁག་གིས་དེའི་ཐོག་བགྲོ་གླེང་གོ་སྒྲིག་གནང་བཞིན་པ་བཅས་ཀྱིས། ད་ཆར་བཙན་བྱོལ་བོད་མིའི་སྤྱི་ཚོགས་ནང་ལམ་དབུ་མའི་སྲིད་བྱུས་ཐོག་གོ་རྟོགས་མེད་མཁན་ཧ་ལམ་མེད་པའི་ངོས་འཛིན་གནང་བཞིན་ཡོད་སྟབས། སྲིད་བྱུས་བསྐྱར་ཟློས་ལ་དགོས་པ་གང་ཡང་མཐོང་གི་མེད་ཅིང་། དེང་སྐབས་འགན་ཁུར་མེད་པའི་མི་ཁ་ཤས་ཀྱིས་བརྒྱུད་ལམ་ཁག་ཏུ་དབུ་མའི་ལམ་གྱི་སྲིད་བྱུས་༸གོང་ས་མཆོག་སྐུ་སྒེར་གྱི་དབང་ཤུགས་འོག་ཐག་བཅད་པའི་སྲིད་བྱུས་ཤིག་ཡིན་ཚུལ་བཤད་པ་དེ་ཏག་ཏག་བསྡད་མེད་སྐོར་གསུངས་སོང་།
བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གིས་མུ་མཐུད་དུ། དབུ་མའི་ལམ་གྱི་སྲིད་བྱུས་ནི་༸གོང་ས་མཆོག་གིས་ཆབ་སྲིད་ཐུགས་འགན་བཞེས་སྐབས་ནས་ཐུགས་ལ་ཡོད་པ་ཞིག་དང་། ཐུགས་ལ་ཡོད་པ་བཞིན་ཕྱག་ལེན་བསྟར་དགོས་པའི་གནས་བབ་བྱུང་བསྡད་པ་ཞིག་ཡིན་ཞིང་། ༡༩༥༩ ལོའི་བྱུང་རྐྱེན་རྗེས་༸གོང་ས་མཆོག་གི་དགོངས་གཞི་གང་ཡོད་པ་སྐབས་དེའི་སྤྱི་ཚོགས་ཀྱི་བསམ་ཚུལ་དང་། བོད་ནང་གི་མང་ཚོགས་ཀྱི་ཞེད་སྣང་གནས་སྟངས་འོག་ཐབས་ལམ་གསར་པ་ཞིག་གི་ཐོག་དམིགས་ཡུལ་གསར་པ་ཞིག་མི་འཛིན་ཐབས་མེད་དུ་གྱུར་ཡོད་ཀྱང་། གནས་སྟངས་དེ་རྒྱུན་རིང་པོར་འགྲོ་ཐུབ་ཀྱི་མེད་པ་༸གོང་ས་མཆོག་གིས་སྔ་ས་ནས་ཐུགས་སུ་དགོངས་ཡོད་ཅིང་། བཙན་བྱོལ་གཞུང་གི་ཡོངས་གྲགས་སྲིད་བྱུས་ནང་རང་བཙན་བསྐྱར་གསོ་གནང་བཞིན་པའི་སྐབས་དང་། དབུ་མའི་ལམ་གྱི་སྲིད་བྱུས་གསལ་བསྒྲགས་མ་གནང་བའི་སྐབས། ༸གོང་ས་མཆོག་གིས་བཀའ་རྩོམ་གནང་བའི་བདེན་ཚིག་སྨོན་ལམ་སོཊ་ཀྱི་ནང་། རང་དབང་མ་གཏོགས་རང་བཙན་ཟེར་བའི་ཚིག་དེ་ཆེད་དུ་གཉེར་ནས་བེད་སྤྱོད་གནང་མེད་པ་དང་། སྡེབ་སྦྱོར་གྱི་དབང་དུ་བྱས་ན་ཚིགས་བཅད་ཀྱི་སྐབས་རང་དབང་དང་རང་བཙན་ཞེས་པ་དེ་ཚིག་གཉིས་ཆཊ་ཡོད་ཀྱང་ཚིགས་བཅད་བཟོ་སྐབས་མ་འགྲིག་པ་གང་ཡང་མེད་ཁར། རང་དབང་ཡོད་ས་དེར་རང་བཙན་ཞེས་པའི་ཚིག་དེ་སྦྱར་ཡང་ཚིགས་བཅད་ཀྱི་སྡེབ་སྦྱོར་ཐོག་ཉམས་པ་མེད་ཅིང་། ལྷག་པར་དུ་དབུ་མའི་ལམ་གྱི་ཐོག་ཕེབས་དགོས་བྱུང་བ་དེའང་མ་འོངས་སྔོན་གཟིགས་སུ་ངོས་འཛིན་གནང་བཞིན་པར་མ་ཟད། གནས་སྟངས་ལ་གཞིགས་པའི་ཐག་གཅོད་དང་ལྗགས་རྩོམ་གནང་བ་ཁག་གློ་བུར་བ་ཞིག་མིན་པའི་ཡིད་ཆེས་བརྟན་པོ་ཡོད་སྐོར་གསུངས།
ཡང་ཟམ་གདོང་རིན་པོ་མཆོག་གིས་དབུ་མའི་ལམ་གྱི་སྲིད་བྱུས་རྒྱ་ནག་ནས་ཁ་བྲལ་ཏེ་རྒྱལ་ཁབ་ལོཊ་ཀ་བཟོ་མི་དགོས་པ་དང་། རྒྱ་ནག་ནས་ཁ་བྲལ་དུ་འགྲོ་བ་དེ་མཐའ་གཅིག ད་སྔའི་གནས་བབ་འོག་བསྡད་པ་དེ་མཐའ་གཅིག་ཆགས་ཡོད་པ་བཅས་ནི། དབུ་མའི་ལམ་གྱི་སྲིད་བྱུས་མཐའ་མའི་འབབ་ས་དེ་རྒྱ་ནག་མི་མང་སྤྱི་མཐུན་སྤྱི་མཐུན་རྒྱལ་ཁབ་ཀྱི་རྩ་ཁྲིམས་སྒྲོམ་གཞིའི་ནང་། བོད་ཆོལ་ཁ་གསུམ་གྱི་བོད་རིགས་ཡོངས་སུ་རྫོགས་པར་འཛིན་སྐྱོང་གཅིག་གི་འོག་མིང་དོན་མཚུངས་བའི་མི་རིགས་ས་གནས་རང་སྐྱོང་འཐོབ་རྒྱུ་དེ་ཡིན་ཞིང་། བོད་རིགས་ཡོངས་རྫོགས་འཛིན་སྐྱོང་གཅིག་གི་འོག་ཚུད་དགོས་པ་དེ་ཟློག་ཏུ་མེད་པའི་ཆ་རྐྱེན་དང་། བོད་མིའི་དམིགས་ཡུལ་བསྒྲུབ་པའི་ཐབས་ལམ་ངེས་པར་དུ་འཚེ་མེད་ཞི་བ་ཁོ་ན་ཡིན་དགོས་ཤིང་། རྒྱ་ནག་མི་མང་སྤྱི་མཐུན་རྒྱལ་ཁབ་ནང་མི་རིགས་རང་སྐྱོང་དང་མི་རིགས་ས་གནས་རང་སྐྱོང་གི་ཐོབ་ཐང་སྤྲད་ཡོད་པའི་ཁོངས་སུ། ས་ཁུལ་མེད་པའི་གྲངས་ཉུང་མི་རིགས་ལ་མི་རིགས་རང་སྐྱོང་དང་། ས་ཁུལ་ཡོད་པའི་གྲངས་ཉུང་མི་རིགས་ལ་མི་རིགས་ས་གནས་རང་སྐྱོང་གི་མིང་ཙམ་གྱི་ཐོབ་ཐང་རེ་སྤྲད་ཡོད་ཀྱང་། མིང་ཙམ་གྱི་ཆ་རྐྱེན་དེའི་འོག་བོད་རིགས་རྣམས་དུམ་བུ་ ༡༡ ལ་བགོ་བཤའ་བརྒྱབ་སྟེ། རང་སྐྱོང་ལྗོངས་གཅིག་མ་གཏོགས་བོད་རིགས་གཅིག་ཡིན་པ་དེ་རང་སྐྱོང་ཁུལ་དང་རྫོང་། གྲོང་རྡལ་བཅས་སུ་ཆ་བགོས་ཀྱིས་དབང་སྒྱུར་བྱེད་པའི་སྲིད་བྱུས་ལག་ལེན་བསྟར་གྱི་ཡོད་རུང་། རྒྱ་ནག་རྩ་ཁྲིམས་ཀྱི་ཆ་རྐྱེན་ནང་གྲངས་ཉུང་མི་རིགས་ཡོངས་རྫོགས་ལ་མི་རིགས་ས་གནས་རང་སྐྱོང་གནས་བབ་སྤྲོད་རྒྱུའི་སྐད་ཆ་མ་གཏོགས། གྲངས་ཉུང་མི་རིགས་གཅིག་དུམ་བུ་བགོས་ཏེ་རང་སྐྱོང་སྤྲོད་རྒྱུའི་ཆ་རྐྱེན་དེ་གསལ་མེད་ཀྱང་། ༢༠༠༢ ནས་ ༢༠༡༠ ལོའི་བར་རྒྱ་ནག་མི་མང་སྤྱི་མཐུན་རྒྱལ་ཁབ་དང་༸གོང་ས་མཆོག་བར་འབྲེལ་མོལ་རིམ་པ་ ༩ གནང་མཐར་གསལ་ཁ་དོད་དུ་ཕྱིན་ཡོད་ཅིང་། ལྷག་པར་དུ་ ༢༠༠༨ ལོའི་ཟླ་ ༡༠ ནང་འབྲེལ་མོལ་ཐེངས་བརྒྱད་པའི་སྐབས་སྤྲད་པའི་དོན་ཚན་ ༡༤ ཅན་གྱི་བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཐོབ་ཐབས་ཀྱི་བསམ་འཆར་ཡིག་ཆ་ནང་ཧ་ཅང་གསལ་པོ་འཁོད་ཡོད་སྐོར་གསུངས།
མཇུག་ཏུ་ཟམ་གདོང་རིན་པོ་ཆེ་མཆོག་གིས། ཆོལ་གསུམ་གཅིག་སྒྲིལ་ནི་བོད་མིའི་དམིགས་ཡུལ་གཙོ་བོ་ཡིན་སྟབས་ཆོལ་གསུམ་ཆིག་སྒྲིལ་གྱི་རང་སྐྱོང་དེས་རྒྱ་གཞུང་ལ་སྙིང་ལ་ཕོག་ཐུག་བཏང་ཡོད་ཅིང་། ལྷག་པར་དུ་རྒྱ་གཞུང་གིས་ཕྱི་རྒྱལ་མི་སྣ་ཁག་ལ་བོད་ཀྱི་ས་ཁྲ་བྲིས་ཏེ་ཏཱ་ལའི་བླ་མས་བོད་ཆེན་པོ་རྩོད་བཞིན་ཡོད་སྐོར་བཤད་ཀྱིན་ཡོད་ཀྱང་། བོད་ཟེར་བ་ནི་བོད་རང་ཡིན་པ་ལས་དེར་བོད་ཆེན་པོ་དང་ཆུང་ཆུང་གི་སྐད་ཆ་གང་ཡང་མེད་པར། བོད་ཆེ་ཆུང་གི་སྐད་ཆ་དེ་རྒྱ་གར་གྱི་འབོད་སྟངས་ཤིག་ཡིན་པའི་ཁར་རྒྱ་གར་གྱིས་རྒྱ་གར་དང་ས་འབྲེལ་ཡིན་པའི་བོད་ཀྱི་ས་ཆར་བོད་དང་། རྒྱ་གར་དང་བར་ཐག་རིང་བའི་བོད་ཀྱི་ས་ཆར་བོད་ཆེན་པོ་ཞེས་ཀྱི་འབོད་བཞིན་ཡོད་པ། འདས་པའི་མི་ལོ་བརྒྱ་ཕྲག་དུ་མའི་རིང་སོག་པོར་ཕྱི་ནང་གི་སྐད་ཆ་ཡོད་པ་བཞིན། དགའ་ལྡན་ཕོ་བྲང་གི་ཁྱབ་ཁོངས་འོག་ཡོད་པའི་བོད་ལ་བོད་ཕྱི་མ་དང་། རྒྱ་འོག་ཏུ་ཡོད་པའི་བོད་ཀྱི་ས་ཆར་བོད་ཕྱི་མ་ཞེས་འབོད་སྲོལ་ཡོད་པ་ཞིག་ལས། རྒྱ་ཡིག་ནང་བོད་ཆེན་པོ་ཞེས་འབོད་བཞིན་པ་དེ་གསར་དུ་བཟོས་པ་ཞིག་ཡིན་ཚུལ། མིང་དོན་མཚུངས་བའི་རང་སྐྱོང་ཡོངས་ཐབས་ཀྱི་བསམ་འཆར་ཡིག་ཆ་རྒྱལ་སྤྱིའི་སྟེང་ཡོངས་གྲགས་ཆགས་རྗེས། རྒྱ་གཞུང་གིས་དངོས་ཡོད་གནས་ཚུལ་ངོས་ལེན་མ་ཐུབ་པའི་སྟབས་ཀྱིས་ཤེས་ཡོན་ཅན་དང་ཉམས་ཞིབ་པའི་ཐོག་ནས། མི་རིགས་ས་གནས་རང་སྐྱོང་གི་ཁེ་ཕན་མེད་པ་བཟོ་དགོས་པའི་རྩོམ་ཡིག་མང་པོ་སྤེལ་ཡོད་ཅིང་། རྩ་ཁྲིམས་ལ་འགྱུར་བ་གཏོང་བ་དང་རྩ་ཁྲིམས་ནང་ཡོད་པའི་གྲངས་ཉུང་མི་རིགས་ཀྱི་ཁེ་ཕན་རྣམས་མེད་པ་བཟོས་ན་ག་ལེར་གྲངས་ཉུང་མི་རིགས་ལ་དཀའ་ངལ་འཕྲད་སྲིད་པ་དང་། གལ་སྲིད་རྒྱ་ནག་མི་མང་སྤྱི་མཐུན་རྒྱལ་ཁབ་ཀྱི་རྩ་ཁྲིམས་སྒྲོམ་གཞི་དེ་མེད་པ་ཆགས་ན། ང་ཚོའི་གཉིས་སྨན་དབུ་མའི་ལམ་གྱི་སྲིད་བྱུས་དེའང་གཞི་རྩ་གསར་པ་ཞིག་གི་ཐོག་ནས་བསམ་བློ་གཏོང་དགོས་པ་ཆགས་དགོས་ཚུལ་སོགས་གསུངས་བྱུང་།
གསར་འགོད་པ། དཔལ་ལྡན།
དྲ་གྲོགས་རྣམས་ཀྱིས་གསུངས་པར་མོས་མཐུན་ཡོད། ཟམ་གདོང་བླ་མ་བོད་ཀྱི་ལོ་རྒྱུས་ནང་གི་ཉེས་ཅན་པ་ཆགས་ཡོད་རེད་། རྒྱ་ནག་གཞུང་ལ་མིང་དོན་མཚུངས་བའི་རང་སྐྱོང་ཡོངས་ཐབས་ཀྱི་བསམ་འཆར་ཡིག་ཆ་དང་། དེའི་འགྲེལ་བརྗོད་གཉིས་ཕུལ་བ་དེ་ལོ་རྒྱུས་ནང་གི་ནག་ཉེས་ཆེན་པོ་དང་པོ་རེད།
ད་ལྟའི་ཆར་བོད་རང་བཙན་རྩོད་མཁན་རྣམས་མངོན་ལྐོག་གཉིས་ནས་རྩ་མེད་གཏོང་བཞིན་ཡོད། ཉེ་ཆར་སྤྱི་འཐུས་ནས་ཀརྨ་ཆོས་འཕེལ་ནས་རང་བཙན་གྱི་ལངས་ཕྱོགས་གསལ་སྟོན་བྱས་སྟབས་ཁོས་ཆོ་འཕྲུལ་གི་ལག་པ་དགའ་ལྡན་ཕོ་བྲང་དུ་བསྲིངས་ཏེ་གལ་ཆེའི་གསལ་བསྒྲགས་སྤེལ་ནས་རང་བཙན་རྩོད་མཁན་རྣམས་རྒྱལ་བའི་བཀའ་དང་འགལ་བ་ཡིན་ཚུལ་བཤད་ཡོད།
ད་དུང་ཁོས། གཡོ་ཐབས་སྣ་ཚོགས་སྤྱད་དེ་༧གོང་ས་མཆོག་སྲིད་སྟེགས་ལས་དབང་མེད་དུ་ཕབས་ནས། བོད་གཞུང་གི་སྒོ་བརྒྱབས་ནས་སྒྲིག་འཛུགས་སུ་བསྒྱུར་བ་དེ་ནག་ཉེས་གཉིས་པ་རེད།
གོང་ནས་དྲ་གྲོགས་རྣམས་ཀྱིས་གསུང་བ་ནང་བཞིན། ལྷོ་ཕྱོགས་དགའ་ལྡན་དགོན་པར་དགའ་ལྡན་དགོན་པ་གཉིས་པ་ཞིག་གསར་རྒྱག་བྱས་པ་དེ་ཁོའི་བླ་མ་ཁྲི་བྱང་གི་བཀའ་དང་འབྲེལ་བ་ཡོད་པ་དན་དན་རེད།
བྱས་ཙང་ཁོས་དགེ་ལུགས་སང་ཁག་གཉིས་སུ་བགོས་ཡོད་རེད།
བྱས་ཙང་ཁོ་བོད་ཀྱི་ལོ་རྒྱུས་ནང་གི་ཉེས་ཅན་པ་ཨང་དང་པོ་དེ་རེད།
ཡང་ཁོས། དགའ་ལྡན་ཕོ་བྲང་གི་ཁྱབ་ཁོངས་འོག་ཡོད་པའི་བོད་ལ་བོད་ཕྱི་མ་དང་། རྒྱ་འོག་ཏུ་ཡོད་པའི་བོད་ཀྱི་ས་ཆར་བོད་ཕྱི་མ་ཞེས་འབོད་སྲོལ་ཡོད་པ་ཞིག་ལས་ཟེར་བ་དེའི་ཁུངས་ག་པར་ཡོད་མིག་སྟོན་བྱེད་དགོས། དོན་ལ་མདོ་སྟོད་སྨད་གཉིས་བོད་གཞུང་དགའ་ལྡན་ཕོ་བྲང་གི་ཁྱབ་ཁོངས་སུ་མེད་ཟེར་བ་རེད། སྐད་ཆ་འདི་མདོ་སྟོད་སྨད་གཉིས་ཀྱི་མི་མང་གིས་ཐོས་ན་ག་རེ་དགོངས་ཀྱི་རེད་པས། དེ་ལ་ཟམ་གདོང་བླ་མས་ལན་ཞིག་བསྐྱོན་རོགས།
རེད། ཟམ་བླ་རྒན་གྱིས་བོད་ཀྱི་ལོ་རྒྱུས་ཐོག་བཞག་པའི་ནག་ཉེས་བསྐལ་བའི་བར་དུ་འདག་ཐབས་ཡོད་པ་མ་རེད། ཁོ་ལོ་རྒྱུས་ཀྱི་ཉེས་ཅན་པ་རེད། གཙོ་བོ་༧གོང་ས་མཆོག་གི་དབུས་བྱེས་སྡོད་བོད་མི་རྣམས་ཀྱིས་མི་ལོ་ཧྲིལ་བོ་ལྔ་བཅུ་ལྷག་གི་རིང་འབད་པའི་འབྲས་བུ་ཡོད་ཚད། ཡིག་ཉོག་ཞིག་དང་མཉམ་དུ་རྒྱ་ནག་ལ་སྤྲད་ཟིན་པ་རེད། ད་ནས་བཟུང་བོད་མིའི་ངོ་ནས་བོད་རང་བཙན་ཟེར་བ་ཞིག་རྩོད་རྒྱུ་མེད་པ་ཁོས་བཟོས་ཡོད་པ་རེད། བྱས་ཙང་བོད་མི་ཞིག་གིས་བོད་རང་བཙན་བརྩད་ན་ཁོའི་སྙིང་ལ་གྲི་བཙུགས་པ་ལྟ་བུའི་ཚོར་སྡུག་ཡོང་གི་ཡོད་སྟབས། རང་བཙན་རྩོད་མཁན་ཚོ་ཁོའི་དགྲ་བོའི་དངས་མར་བཟུང་ཡོད་རེད། རྒྱ་ནག་གིས་བོད་བཙན་བཟུང་བྱས་ཏེ་མི་ལོ་ལྔ་བཅུ་ལྷག་འགོར་བའི་རིང་གི་གྱོང་གུད་དང་། ཟམ་བླ་རྒན་གྱིས་བོད་ཀྱི་སྲིད་དབང་བཟུང་བའི་ལོ་བཅུའི་རིང་གི་གྱོང་གུད་གཉིས་ཀ་བསྡུར་ཐབས་ཡོད་མ་རེད། རྒྱ་ནག་གིས་བོད་ཀྱི་ཁོར་ཡུག་དང་བདག་དབང་གནས་སྐབས་རིང་བཙན་བཟུང་བྱས་པ་རེད། ཟམ་བླ་རྒན་གྱིས་བོད་ཀྱི་འདས་མ་ད་གསུམ་རྒྱ་ནག་ལ་སྤྲད་དེ། ཕྱིན་ཆད་བོད་རྒྱལ་ཁབ་ཟེར་བ་སླར་མི་སྐྱེ་བའི་ཆོས་ཅན་དུ་བཟོས་པ་རེད། གངས་ཅན་པའི་ཤ་རུས་ལ་གཏོགས་ཚད་ཀྱིས་གནད་དོན་འདི་ངེས་པར་ཤེས་དགོས། དེ་མིན་ཟམ་བླ་རྒན་གྱིས་དབུ་མའི་ལམ་ལ་འགྲེལ་བཤད་རྒྱག་སྟངས་དང་། སློབ་ཕྲུག་དང་སློབ་མའི་ཁྱད་པར་ལ་འགྲེལ་བཤད་རྒྱག་སྟངས་དེ་ཚོ་བྱིས་པའི་རྩེད་མོ་ལྟ་བུ་རེད། སྐྱོན་ཆེན་པོ་མེད་ཀི། གང་ལྟར་ཟམ་བླ་རྒན་བོད་ཀྱི་ལོ་རྒྱུས་ཀྱི་ཉེས་ཅན་པ་ཞིག་དང་། བོད་གངས་ཅན་པའི་ལོ་རྒྱུས་ནང་གི་ནག་ཉེས་ཆེ་ཤོས་མི་སྣ་གཙོ་བོ་ཞིག་ཡིན་པ་ཤེས་པར་བྱོས་ཤིག
ཤེས་རབ་འབྱུང་གནས་སོགས་ཀྱིས་གསུང་བ་བདེན་པ་རེད། ཟམ་གདོང་བླ་མས་རྒྱ་ནག་གི་རྩ་ཁྲིམས་གཞིར་བཟུང་བྱས་ཏེ། བོད་ཆོལ་ཁ་གསུམ་པོ་རྒྱ་ཁུངས་ཡིན་པ་མ་ཟད། རྒྱ་ནག་གི་རྩ་ཁྲིམས་འོག་སྡོད་རྒྱུ་ཡིན་པའི་ཡིག་ཆར་མིང་རྟགས་བཀོད་དེ་རྒྱ་ནག་གཞུང་ལ་ཕུལ་ཚར་བ་དེ་བསུབ་ཐབས་མེད་པའི་ལོ་རྒྱུས་ཐོག་གི་ནག་ཉེས་གནམ་སར་མི་ཤོང་བ་ཞིག་རེད།
གལ་ཏེ་ཉིན་གཅིག་རང་བཙན་རྩོད་རྒྱུའི་གོ་སྐབས་བཆ་ཚང་བྱུང་བ་ཡིན་ན། དེ་དུས་རྒྱ་ནག་གིས་ཟམ་གདོང་གིས་རྒྱ་ནག་ལ་ཕུལ་བའི་ཡིག་ཆ་དེ་ང་ཚོར་བསྟན་ནས་བོད་རྒྱ་ནག་གི་ཆ་ཤས་རེད་ཅེས་བཤད་ན། དེ་དུས་ང་ཚོར་ལྐུག་པ་བྱས་ནས་སྡོད་དགོས་རེད། འདི་མ་འོངས་ལོ་རྒྱུས་ཐོག་བཞག་པའི་ནག་ཉེས་རེད།
གལ་ཏེ་དབུ་མའི་ལམ་ཟེར་བ་དེ་༧གོང་ས་མཆོག་གི་ཐུགས་ལ་སྔོན་ཆད་བོད་རང་བཙན་ཡིན་པའི་སྐབས་ནས་ཡོད་ན། ཅིས་ཕྱིར་རྒྱ་གར་དུ་སླེབས་མ་ཐག་བོད་རྒྱའི་ཆིངས་ཡིག་དོན་ཚན་བཅུ་བདུན་རྩིས་མེད་ཡིན་ཞེས་བསྒྲགས་པ་རེད། ཆིངས་ཡིག་དོན་ཚན་བཅུ་བདུན་དང་། ཟམ་གདོང་བླ་མས་རྒྱ་གཞུང་ལ་ཕུལ་བའི་མི་རིགས་ས་གནས་རང་སྐྱོང་གི་གནས་བབ་དང་དེའི་འགྲེལ་བརྗོད་གཉིས་བསྡུར་ན། ཆིངས་ཡིག་དོན་ཚན་བཅུ་བདུན་བསྡབ་ཉིས་འགྱུར་གྱི་ཡག་པོ་ཡོད་པ་རེད། དེར་བརྟེན་དེ་དག་ཐམས་ཅད་ཟམ་གདོང་བླ་མས་བོད་ལ་བཞག་པའི་ནག་ཉེས་རེད།
མཁས་དབང་ཟམ་གདོང་བ་ལ་བརྩི་བཀུར་ལོས་ཀྱང་ཞུ། ཡིན་ནའང་། ལོ་རྒྱུས་ཀྱི་ཐ་སྙད་དང་མངའ་ཁོངས་ཐད་ལ་ཞེ་དྲག་ཐུགས་ཐག་མ་བཅད་ན་བསམ་གྱི་འདུག མདོ་སྨད་དང་མདོ་སྟོད་ལྟ་བུ་ཁོང་གི་བཞེད་ཕྱོགས་ལ་བཙན་བྱོལ་ལ་འབྱོར་ནས་མ་གཏོགས་གསལ་ཁ་མེད་པ་ལྟ་བུའི་བཀའ་མོལ་གནང་འདུག ག་བ་ག་བ། རྣམ་ཐར་ཁག་ཅིག་ཏུ་ ལྷག་པར་དུ་སིལ་བུ་དང་ས་སྐྱའི་དུས་སྐབས་ཀྱི་རྣམ་ཐར་ཁག་ཏུ་ཐ་སྙད་འདི་དག་ཡོང་བསྡད་པ་ཞིག་རེད། སོང་ཙང་། མཁས་པ་ནོར་ན་འདོམ་གང་ཆགས་ཉེན་མེད་པ་མ་རེད། ལྷག་ཏུ་ཁོང་གིས་མདོ་སྨད་ཟེར་བ་དེ་ཁ་སྐད་ལ་ཁམས་པར་གོ་གི་རེད། མདོ་སྟོད་མདོ་སྨད་དེང་གོ་ལྡོག་པའི་བཤད་ཕྱོགས་ཤིག་ཡོད་རབས་གསུངས་སོང་། གནད་དོན་འདི་རྒྱ་བོད་ཚིག་མཛོད་ཆེན་མོ་ཟེར་བ་ནས་ཡོང་ཡོད། དེ་དུས་ཚིག་མཛོད་འདིའི་རྩོམ་སྒྲིག་པས་བོད་མདོ་ཁམས་ཀྱི་སའི་ཆགས་དབྱིབས་སོགས་ལ་བསམ་ཞིབ་རེ་བྱས་ཏེ་གནའ་གཏམ་ཏུ་བྱས་པའི་གཏམ་རྒྱུད་ཡོད། ལུང་བའི་ཕུ་ལ་སྟོད་དུ་བྱས། མདོ་ལ་སྨད་དུ་བྱས། དེ་ཡང་ཆུ་བོའི་བཞུར་འགྲོས་ལ་བློ་བཏང་ཡོད། ཡང་གཅིག་བཤད་ན། གོ་ཐོས་ལ་རྫ་ཆུ་ཁ་བའི་དམངས་ཁྲོད་ཀྱི་བཤད་རྒྱུན་ནམ་ཁ་དཔེར། མདོ་སྟོད་རྫ་ཆུ་ཁ་བ།། རྐྱང་འབྲོང་རྒྱུ་བའི་ཕ་ས།། ཟེར་བ་ཞིག་འདུག བྱས་ན་མདོ་སྟོད་འདི་དེང་གི་ཨ་མདོའམ་མདོ་སྨད་ལ་གོ་དགོས་པ་རེད་དམ། འདི་ལྟ་བུ་ལྷག་ཏུ་མང་ཡང་ཟམ་གདང་རིན་པོ་ཆེར་བརྡ་འཕྲོད་མིན་ཡང་མི་ཤེས་པས་དྲ་འབུའི་ཁ་ལ་བཞག་ན་གཉིད་དཀྲོག་རོགས་རེད། ལྷག་ཏུ་བཙན་བྱོལ་བས་ཞེན་ཁོག་ལས་ལོ་རྒྱུས་མི་ཤེས།
རྒྱ་རྙི་ཟེར་བས་ལན་མི་འདེབས་པར་གང་ཟག་སྒེར་བར་གྱི་ན་ཚ་འདྲ་བཤད་ཀྱི་འདུག་པ་དེ་ནོར་བ་རེད། མགོ་འཚོས་ཀྱི་ཡོད་ན། རེ་རེ་བཞིན་ལན་འདེབས་ཚ་ནན་བྱས་དང་མི་མང་པོས་གཟིགས་བསྡད་ཡོད།
དོན་མེད་ལ་རྩོད་པར་ཞུགས་ན་བྱབ་ཆུང་གི་རང་རྟགས་ཡིན་པས། ཁྱེད་རྣམས་ནས་རིན་པོ་ཆེ་མཆོག་གི་བཀའ་སློབ་ཀྱི་སྙིང་དོན་དང་འབྲེལ་བ་ཡོད་པའི་བགྲོ་གླེང་ཞིག་གནང་རྒྱུ་ཡོང་མི་སྲིད་པ་གསལ་བོ་རེད་འདུག
སྐུ་ཞབས་༼རྒྱ་རྙི་༽ལགས། ངས་རང་གི་འདོད་པ་ཙམ་གྱི་ཟུར་མཆན་དོག་ཙམ་སྤེལ་བ་ལས། དགག་འཇོག་གིས་ཁྱོད་ཕམ་ང་རྒྱལ་གྱི་ལམ་དུ་ཞུགས་འདོད་མེད་ལ། དེ་འདྲ་བྱས་ནས་ཟམ་གདོང་གི་ནག་ཉེས་ལ་དག་ཐབས་ཀྱང་མེད། སྔར་ཁྱོད་དང་ང་ལྟ་བུས་མཁས་དབང་ཞིག་གི་མིང་ཁུར་བའི་ཟམ་གདོང་ལྟ་བུ་ལ་རེ་བ་བྱས་པའི་འབྲས་བུ་ད་ལྟ་བོད་ཡོངས་རྫོགས་རྒྱ་འོག་ཏུ་འདུག་རྒྱུའི་ཡིག་འཆལ་རྒྱ་གཞུང་ལ་སྤྲད་ཟིན་པ་དེ་རེད་ལ། དེ་ནི་ཁོའི་ནག་ཉེས་ཆེ་ཤེས་ཡིན་ཏེ། ༼མི་ཉན་པ་ལ་ཁ་ཏ་བྱེད་པ་མཚང་།།༽ཟེར་བའང་ཁྱི་མིང་སེངྒེར་བཏགས་པ་དེས་རྟོགས་འདུག་གམ། ཆབ་སྲིད་ཀྱི་རྨང་གཞི་ཧ་ཅང་མཐུག་པོའི་རྒྱ་གཞུང་གིས་ཟམ་གདོང་གི་བསམ་བློ་མ་རྟོགས་པ་རེད་དམ། ད་དུང་༸གོང་ས་མཆོག་གི་དགོང་གཞི་སྒྱུབ་ཁུལ་གྱིས་རང་ཉིད་བཀའ་ཁྲིའི་མིང་ཙམ་ལ་ཧམ་དེ་བདེན་པའི་ཨུ་ཚུགས་ཀྱི་དམ་ཚིགས་གཡུག་པའི་བྱབས་ཆུང་སུ་རེད་དམ། ཁོ་རང་བཀའ་ཁྲིར་ཐོབ་པར་༸གོང་ས་མཆོག་ཀྱང་ཐུགས་མཉེས་པོ་བྱུང་མེད་ལ། ཁོས་བཤད་པའི་མཐའ་བརྒྱད་བྲལ་མ་བྲལ་གྱི་དབུ་རྫུན་ལ་བོད་ནང་གི་བོད་མི་ཚོའང་ཐུགས་འདོད་ཡེ་ནས་ཁེངས་མེད། དེ་ཡང་ཡིན་ཏེ། སྤྱིར་རྒྱ་ནག་གིས་དབུ་མའི་ལམ་གྱིས་སྲིད་བྱུས་ཁས་ལེན་བཞིན་མེད་དུས། མཐའ་གང་དང་བྲལ་མ་བྲལ་ལ་གད་སྙིགས་ཁོ་ན་ཡིན། དངོས་གནས་བཤད་ན་ཟམ་གདོང་ནི་བཤད་ལ་དགའ་བ་གཅིག་པུ་དང་། ཧམ་པ་དང་རང་མཐོང་ཆེ་བའི་བླ་རྒན་ཞིག་རེད་ཟེར་ན་ཆོག ༈སྐུ་ཞབས་རྒྱ་རྙི་ལགས། ངས་བལྟས་ན། ཆབ་སྲིད་ཟེར་དུས་ཆབས་འབངས་ལ་རན་པའམ་དེའི་ནང་དུ་སྲིད་པའི་མི་རིགས་ཀྱི་བདེ་ལམ་ཞིག་ལ་གོ་དགོས་པ་ཡིན་པས། དགྲ་གཉེན་གང་གིས་ཀྱང་མི་འདོད་པའི་བམ་བཤད་དམ་རྫིགས་བཤད་ལ་སྙིང་བོ་གང་འདུག་གམ། ད་དུང་སྐུ་ཉིད་ནས་ང་ལ་བསླབ་བྱ་མང་བོ་གནང་བར་བཀའ་དྲིན་ཆེ་ལ། དེ་དག་གལ་ཆེ་བར་རྟོགས་ན། རང་ཉིད་ཀྱི་ཐོག་མར་ཕྱག་ལེན་དུ་བསྟར་རྒྱུ་ངའི་རེ་བའང་ཡིན།
ཤེས་རབ་འབྱུང་གནས་ཟེར་བ་ལགས། ངས་ཁྱོད་དང་རྩོད་པ་མི་བྱེད་པའི་རྒྱུ་མཚན་གསུམ་ཡོད། ༡༽ སློབ་དཔོན་ཟམ་གདོང་རིན་པོ་ཆེ་མཆོག་གི་བཀའ་མོལ་དང་ཐུགས་དགོངས་དབྱེ་ཞིབ་བྱེད་རྒྱུ་ནི་མཁས་པ་རྣམ་དཔྱོད་ཅན། འཕྲད་ཕུགས་རྒྱང་གསུམ་ལ་གོ་ཤེས་ཐུབ་མཁན་དག་གི་འོས་འགན་ཡིན་གྱི་ཁྱོད་ལྟ་བུའི་ཚོར་བ་དང་རྒྱུད་བསྐུལ་ཙམ་ལས་མེད་པའི་གླེན་པ་ཞིག་གི་སྤྱོད་ཡུལ་མ་ཡིན་ནོ།
༢༽ དབུ་མ་དང་རང་བཙན་གྱི་སྐད་ཆ་བཤད་པར་ཆབ་སྲིད་ཀྱི་གནད་ལ་འཇུ་ཤེས་པ་དང་། ཆབ་སྲིད་བསྒྲུབ་མྱོང་བ་དང་། བསྒྲུབ་ཕོད་པ། གུ་གཤངས་དང་བསམ་ཤེས་ཅན་གྱི་ལས་ཀ་ཡིན་པ་ལས། ལས་མེད་ཁ་ཤས་དང་། ལོག་བཤད་མཁན་ཁ་ཤས་ཀྱི་བཤད་པའི་གད་སྙིགས་སྒྲུག་ཡོང་སྟེ་ངར་ངར་བརྫིག་བྱས་ན་གད་མོའི་གནས་ལས་མེད་དོ།
༣༽ དམ་པ་ལ་སྨོད་པ་ནི་ངན་སོང་གི་རྒྱུའོ་གསུངས་བ་ལྟར་དང་། རྩུབ་མོ་ཚིག་གིས་གཞན་སེམས་དཀྲུགས་འགྱུར་ཞིང་།། བྱང་ཆུབ་སེམས་དཔའི་སྤྱོད་ཚུལ་ཉམས་འགྱུར་བས་གསུང་བ་ལྟར་དྲ་ཐོག་ནས་ཁོང་ཁྲོའི་ངག་འཁྱལ་སྨྲས་བར་དགོས་མེད་ཡིན་པ་མ་ཟད། ལས་ངན་ཚབས་ཆེན་གྱི་རྒྱུ་ཡིན་པས་མི་ཚེ་ལམ་ལྷོང་དང་སྐྱིད་པོ་རེ་ཡོང་བ་དགོས་ན་ཚོར་བ་ལ་འཇུས་ནས་གཞན་གྱི་མི་གཞི་ལ་སྐྱོན་འདོགས་དང་། ངན་སྨོད། ཕྲག་དོག་མ་བྱེད་རོགས།
མཁས་པས་ལེགས་བཤད་ལས་ཀྱང་རྩུབ་པས་འཇམ་པོ་ཐུབ་པ་མིན།། འཇམ་པོས་འཇམ་པོ་ཐུབ་པ་ཡིན་གསུང་ཡོད་པས་རྗེས་ཕྱོགས་ཀྱི་རང་ཉིད་ཀྱི་འདུན་ལམ་དང་། མཁྱེན་རྒྱ་སོགས་མཁས་དབང་ཟམ་གདོང་ཚང་ནང་བཞིན་སྨོན་ལམ་རྒྱག་རྒྱུ་ནི་ཁྱེད་ལ་ཤ་ཚ་བའི་གཏམ་ཡིན་ནོ།
སྐུ་ཞབས་མངའ་རིས་འཕྲིན་ལས་ལགས། བསམ་ཤེས་ཐུབ་པར་བཀའ་དྲིན་ཆེ། ངས་ཁ་སང་འདིར་གླེང་བ་ནི་སྒེར་དང་རྒྱལ་ཕམ་རྩོད་པའི་དོན་དུ་མིན་ལ། རང་བཙན་དང་དབུ་མའི་ལངས་ཕྱོགས་དང་ལྟ་གྲུབ་ཀྱི་ཆེད་དུའང་མིན། དེང་སྐབས་དབུ་མ་ཡིན་ཟེར་མཁན་རེ་ཟུང་གིས་རང་བཙན་རྩོད་མཁན་ཚོ་དགྲ་རུ་ལྟ་བ་དང་། རང་བཙན་ཟེར་མཁན་ཁག་ཅིག་གིས་དབུ་མ་བ་ཚོ་དགྲ་རུ་ལྟ་བཞིན་འདུག
དེ་ནི་བོད་མི་ནང་ཁུལ་ལ་ཧ་ཅང་གནོད་པས་དབུ་མ་དང་། རང་བཙན་གང་ཡིན་ཡང་མི་རིགས་ཤིག་གི་རྩ་དོན་རྩོད་ཆེད་ཡིན་ན། ཁ་དགྲ་ཕྱོགས་སུ་འཁོར་དགོས་པ་ལས་ནང་ཁུལ་གྱི་ལས་འགུལ་པ་ཚོར་སྐྱོན་འདོགས་བྱས་བསྡད་ན་ངོ་མ་བློ་ཕམ་ཆེ། སྐུ་ཉིད་ལ་ཕོག་ཐུག་འདྲ་སོང་ཡོད་ན་དགོངས་དག་ཞུ། སྐུ་ཉིད་ཀྱི་གྲོགས་པོ་དཔེ་མཛོད་ཉེ་འཁྲིས་ཀྱི་ནག་པོ་ཆེན་པོ་དང་ངེད་ཚོ་གྲོགས་པོ་ཡིན།
བྱབ་ཆུང་གི་རྩོད་པ། མང་ཆེ་བ་དྲ་འབུ་རྐྱང་རྐྱང། ཆོད་ག་རེ་འདུག སྐུར་འདེབས་ཕུང་དཀྲུགས་རྐྱང་རྐྱང་རེད། སྐད་ཆ་འདི་འདྲ་ལ་ཡ་བྱས་ན་ག་བ་ཡོང་གི་རེད།།
ཁོ་རེ་ཉོན་དང་རྒྱ་ནག་ཚང་གི་རྒྱ་རྙི།
ལྟས་ངན་ཟམ་སྟོང་གིས་བཞག་པའི་ལོ་རྒྱུས་ཀྱི་ནག་ཉེས་དེ་དག་རེ་རེ་ནས་ངས་ཁྱོད་ལ་ངོ་སྤྲོད་བྱེད་ཆོག ལེགས་པར་རབ་ཏུ་མཉན་ཏེ་སེམས་ལ་ཟུངས་ཤིག
༡༽ལོ་རྒྱུས་ཐོག་བོད་རང་བཙན་གཙང་མའི་རྒྱལ་ཁབ་ཡིན་བཞིན་ཏུ་ཟམ་སྟོང་གིས་མིན་ཞེས་བསྒྲགས་པ་དང་།
༢༽བཀའ་ཁྲི་ལས་ཐོག་པ་ཡིན་སྐབས་ར་ཤི་ཡར་གཏམ་བཤད་ཞིག་བྱེད་སྐབས། གལ་སྲིད་སངས་རྒྱས་ཀྱི་བསྟན་པ་འཛམ་གླིང་ཐོག་དར་རྒྱས་བྱུང་ན། བོད་མི་རིགས་རིག་གཞུང་དང་བཅས་པ་རྩ་བརླག་སོང་ན་སྐྱོན་མེད་ཟེར་བ།
༣༽ས་ར་མཐོ་སློབ་ཏུ་མི་འཚམ་བཞིན་དུ་བླ་རྒན་ལ་ལེགས་སྐྱེས་གཟེང་རྟགས་སྤྲོད་སྐབས། ཁོས་ངས་གང་བྱས་པ་དེ་དག་རྩ་བའི་བླ་མ་ཁྲི་བྱང་གི་བཀའ་བསྒྲུབས་པ་ལས། བོད་མི་རིགས་ལ་བསམ་བློ་བཏང་མྱོང་མེད་ཟེར་བ།
༤༽ཁྲི་བྱང་གི་རེ་བ་ལྟར། དོལ་ཚོགས་ལོགས་སུ་བཀར་ཏེ་ཤར་དགའ་ལྡན་རྣམ་པར་རྒྱལ་བའི་གླིང་རྩ་འཛུགས་བྱས་ཏེ། དགེ་ལུགས་པ་ཁག་གཉིས་སུ་བགོས་ནས། དགའ་ཁྲི་ཟུར་བ་ལུང་རིགས་རྣམ་རྒྱལ་སོགས་དང་ངན་འབྲེལ་བྱས་ཏེ་ཞབས་འདྲེན་ས་སྟེང་ལ་མི་ཤོང་བ་བཞག་དང་འཇོག་བཞིན་ཡོད་པ།
༥༽༧རྒྱལ་བའི་དགོངས་གཞི་དབུ་མའི་ལམ་ཁ་ལ་ཁྱེར་ཏེ་བོད་ཆོལ་ཁ་གསུམ་པོ་རིལ་རིལ་བྱས་ནས་རྒྱ་ནག་ལ་བཙོང་ཟིན་པ།
༦༽རྒྱ་ནག་གིས་བོད་རང་བཙན་ལ་དོགས་ཟོན་དང་དགག་རྒྱག་བྱེད་པ་དེ་བཞིན་དུ་བོད་མི་ཤེས་ཡོན་ལྷག་བསམ་སྙིང་སྟོབས་ཅན་རྣམས་ཀྱིས། བོད་རང་བཙན་ཁ་ནས་གླེང་བ་ཙམ་གྱིས་༧རྒྱལ་བའི་བཀའ་དང་འགལ་བར་བརྩིས་ཏེ། དངོས་ཤུགས་བརྒྱུད་གསུམ་ནས་ཤི་དུར་ཁུང་དུ་སྐྱེལ་བཞིན་ཡོད་པ།
༧༽བོད་མི་ཞིག་གིས་བོད་རང་བཙན་གླེང་ཚེ་རྒྱ་ནག་ལས་ཉེན་ཁ་ཆེ་ཚུལ་དང་། དོལ་ཚོགས་ལས་མ་རུང་བ་ཡིན་ཚུལ་བསྙད་དེ་གླེང་ཕྱོགས་འདྲ་མིན་བཟོས་པ།
༨༽ཚིག་ཙམ་ལ་བསྙད་དེ་གཞིས་ལུས་བོད་མི་རྣམས་ལ་བརྙས་བཅོས་དང་མཐོང་ཆུང་བྱས་པ། དཔེར་ན་སློབ་མ་དང་སློབ་ཕྲུག་གི་ཁྱད་པར་ལ་འགྲེལ་བཤད་སྐྱུག་ལོག་པ་བྱས་པ་ལྟ་བུ།
༩༽ཁམས་དང་ཨ་མདོ་གཉིས་ཀ་དགའ་ལྡན་ཕོ་བྲང་གི་ཁྱབ་ཁོངས་སུ་སྔོན་ནས་མེད་ཚུལ་དང་། དེང་སྐབས་ལྐོག་ལྐོག་སུལ་སུལ་གྱིས། རྒྱལ་སྤྱིའི་དོལ་ཚོགས་ཟེར་བ་དང་ལྐོག་འབྲེལ་བྱས་ཏེ། བོད་ཀྱི་ནང་ཆོས་དོལ་ཚོགས་ཀྱི་ལུགས་ལྟར་ངོ་སྤྲོད་བྱས་དང་བྱེད་བཞིན་ཡོད་པ་སོགས་ད་དུང་ཁོས་བཞག་པའི་ལོ་རྒྱུས་ཀྱི་ནག་ཉེས་གྲངས་མེད་པ་ཞིག་ཡོད་མོད། དགོས་དབང་གིས་གྲངས་ཀ་དགུའི་ཐོག་ནས་མཚམས་བཞག་ཏེ། བླ་རྒན་བརླ་བཙོང་འདི་དགུ་གཏོར་ཞིག་དང་མཉམ་དུ་དགུ་འཛིང་རྒྱ་ནག་ཚང་གི་གཏོང་ཁུང་དུ་གཡུག་བཞག་ན་དག་དག་རེད།
རྒྱ་རྙི་ལགས་སྐུ་ཉིད་ཀྱི་ཕྲན་ལྟ་བུ་ཞིག་ལ་དེ་ཙམ་དོ་སྣང་གནང་བར་ཐུགས་རྗེ་ཆེ། འོན་ཀྱང་སྐུ་ཉིད་ཀྱིས་སྒེར་དོན་མི་གླེང་ཞེས་པའི་མཇུག་དེ་ག་རང་དུ། རང་ཚུགས་མེད་པ། ང་རྒྱལ་ཆེ་བ། ཕྱོགས་ཞེན་ཆེ་བ་བཅས་གསུང་པ་ནི་ཕྲན་ཆབ་སྲིད་ལང་ཕྱོགས་ནི་རང་བཙན་འཐབ་རྩོད་ཐབས་ལམ་ལ་བརྩི་ཞིང་། ཆོལ་གསུམ་ཆིག་སྒྲིལ་མི་རིགས་རང་སྐྱོང་འབྲས་བུ་རུ་འདོད་མཁན་ཞིག་ཡིན་པ་ལས། མཛུབ་མོ་གར་སྟོན་ཤར་བརྩི་ནས་ལང་ཕྱོགས་བརྟན་པོ་མེད་པ་དེ་འདྲ་ཞིག་གཏན་ནས་མི་འདོད། དེ་ནི་ཁོ་བོ་སྒེར་གྱི་ལང་ཕྱོགས་དང་ལྟ་གྲུབ་ཡིན་པ་ལས་ཆོལ་ཁ་དང་ཆོས་ལུགས་ལ་ཁྱབ་དགོས་ཅི་ལ་ཡོད། དེས་ན་སྒེར་གྱི་ལྟ་ཚུལ་ལ་ལེགས་ཉེས་འབྱེད་པ་ནི་ཡི་རང་དང་བསྔགས་བརྗོད་ཡོད་ཀྱང་ཆོས་ལུགས་དང་བླ་ཆེན་རྣམ་པ་མཉམ་གླེང་བྱེད་པ་ནི་སྐུ་ཉིད་ཀྱིས་དགོངས་གཞི་དེའི་རྒྱབ་ལྗོངས་ལ་དཔྱད་རྒྱུ་ལས་གནས་སྐབས་བརྗོད་པར་དཀའ།
ཁྲི་ཟུར་ཚང་འདི་ངས་ཆབ་སྲིད་སྡིང་ཆའི་སྟེང་གི་འཁྲབ་སྟོན་འཁྲབ་མཚམས་བཞག་ཟིན་པ་རེད་དྲན་ཡོད། མ་གཞི་མི་ལོ་བཅུའི་དུས་ཡུན་ནང་ཀྲུང་ཧཱ་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་སྒྲོམ་གཞིའི་ནང་གི་མིང་བྱང་ཙམ་གྱི་གྲངས་ཉུང་མི་རིགས་ས་ཁུལ་ཁག་གི་མི་རིགས་ཀྱི་ཐོབ་ཐང་ཟེར་བ་དང་མི་རིགས་ཀྱི་གནད་དོན་ཟེར་བ་དེ་གཞིར་བཞག་ནས་བོད་ཆོལ་གསུམ་གཅིག་ཏུ་སྒྲིལ་བའི་མིང་དོན་མཚུངས་པའི་རང་སྐྱོང་ཞིག་ཐོབ་ཐབས་སུ། ཀྲུང་ནན་ཧེའེ་ལ་མགོ་འབུལ་ལུས་འབུལ་ཞུས་སོང་ལ་མི་དམངས་རང་བཞིན་གྱི་ལས་འགུལ་སྐད་འབོད་ཚུན་ལ་གྲོས་མོལ་གྱི་འཁོར་ཡུག་བསྐྲུན་ཐབས་ཆེད་སྟངས་འཛིན་ནན་མོ་བྱས་སོང་ཡང་། ཀྲུན་ནན་ཧེའེ་ཡི་ཏང་ཀྲུང་དབྱང་སྲིད་གཞུང་ལ་བོད་ཀྱི་གནད་དོན་བསེལ་རྒྱུའི་འདུན་པ་ཞིག་ནམ་ཡང་མི་འདུག་ལ། ལར་ནས་ཏཱ་ལའི་བླ་མ་དང་ཁོང་དང་ཉེ་བའི་མི་ཁ་ཤས་ཀྱི་གནས་དོན་ཟེར་བ་ལས་བོད་ཀྱི་གནད་དོན་ཟེར་བ་ཞིག་ནམ་ཡང་གླེང་གི་མི་འདུག། དེ་ལྟ་བས་ན་ཀྲུང་ནན་ཧེའེ་དང་མི་ལོ་བཅུའི་རིང་འགྲོགས་འདྲིས་གནང་མྱོང་བའི་ཁྲི་ཟུར་ཚང་ལ་ཆ་རྒྱུས་ཡ་རྒྱུས་ཡོད་ཚོད་ཡིན་། དེས་ན་ཏང་ཀྲུང་དབྱང་སྲིད་གཞུང་ཇི་སྲིད་གནས་པ་དེ་སྲིད་དུ་བོད་ལ་མིང་དོན་མཚུངས་པའི་རང་སྐྱོང་ཞིག་བསྟེར་ས་རེད་མ་རེད་འདི་གནད་དོན་རེད། གལ་ཏེ་ཏང་ཀྲུང་དབྱང་དམར་ཤོག་སྲིད་གཞུང་མགོ་རྔ་ལོག་ནས་ཀྲུང་གོ་དམངས་གཙོའི་ཕྱོགས་སུ་བསྐྱོད་ན་རང་སྐྱོང་གི་གནས་བབས་ནི་མ་བརྩད་ཀྱང་མ་མཐར་ཡང་རག་གི་རེད། ཡང་ཅིག་མིན་ན་ཀྲུང་གོ་ནང་ཁུལ་གསར་རྗེའི་ཡོ་ལངས་དང་མི་དམངས་རང་བཞིན་ངོ་རྒོལ་གྱིས་ཟང་ཟིང་དུ་གྱུར་ནས་སིལ་འཐོར་འགྲོ་མི་སྲིད་པ་མ་རེད་ལ། སྐབས་དེ་དུས་ང་ཚོས་རང་སྐྱོང་བརྩོད་རྒྱུ་ཡིན་ནམ། དེས་ན་དབུ་མའི་ཐབས་ལམ་འདི་ཡང་སྲིད་ཇུས་ཞིག་ཡིན་ན་འགྱུར་མེད་རྟག་བརྟན་ཞིག་ཡིན་རྒྱུ་མ་རེད།
མ་གཞི་རང་བཙན་བརྩད་ན་ལེན་སྟངས་མི་ཤེས། དབུ་མའི་རང་སྐྱོང་བརྩད་ན་བསྟེར་སྟངས་ཀྱང་མི་ཤེས་འདི་གཉིས་བར་ན་སྐབས་འཚོལ་རིང་ལུགས་པའི་སྲིད་དོན་ཚོང་པའི་ཤོག་ཁག་གིས་ནང་ཁུལ་འཐབ་རྩོད་བྱེད་པའི་འདུ་ཤེས་ཡ་མ་བརླ་ཞིག་ངམ་ངམ་ཤུགས་ཀྱིས་གོ་སྐབས་འཚོལ་བཞིན་པ་འདི་ཡང་བོད་དང་བོད་མི་རིགས་ཀྱི་གདུང་ཞེན་དང་མི་རིགས་ཀྱི་ལྟ་བ། མི་རིགས་ཀྱི་འདུ་ཤེས། མི་རིགས་ཀྱི་ལ་རྒྱ། རྒྱལ་ཞེན་མེད་པའི་འབྲས་རྟགས་ཡང་དག་རེད་ལ་བོད་དང་བོད་མི་རིགས་རྩ་མེད་དུ་བཟོ་རྒྱུའི་ལག་ཆ་ཆེ་ཤོས་ཞིག་ཀྱང་རེད།
ད་རྩོད་པ་མ་རྒྱག་རོགས། གནམ་ས་གོ་འབྱེད་དང་བོད་རིང་ལུགས་སོགས་ཐོན་ཟིན་པས། བོད་ནང་ལམ་ཁ་དེར་ཞུགས་རྒྱུ་ཡིན་པ་ས་རིས་ཐང་གསལ་རེད།
སྐུ་ཞབས་ཤིང་ལོ་ལགས། སྐུ་ཉིད་ལ་རྒྱུ་མཚན་གང་ཡང་མི་འདུག མདོར་བསྡུས་ན་མཁས་དབང་ཟམ་གདོང་རིན་པོ་ཆེ་མཆོག་གིས་མ་འགྲིག་ཟེར་བ་ཙམ་རེད། འགྲིག་མེད་ན་རྒྱུ་མཚན་གྱིས་བསྒྲུབ་དགོས་རེད་མ་གཏོགས་ཁྱོད་ལ་མི་འདུག ང་ལའང་མེད་ཟེར་ན་བྱབས་ཆུང་གི་ལས་ཀ་རེད། དེ་བས་དགེ་འདུན་མཐུན་པ་བདེ་བ་ཡིན་ཟེར་བ་ལྟར་ལབ་གླེང་མི་རེག་ན་མ་ཎི་བགྲང་རོགས། དེ་ཡང་ཆོས་པ་ཚོས་བྱེད་ཐབས་ཀྱི་ཆ་ཤས་རེད། ཆོས་རྗེ་འཇིགས་མེད་ཕུན་ཚོགས་རིན་པོ་ཆེ་མཆོག་གིས། གཞན་སེམས་མ་དཀྲུགས། མགོ་འཕང་མ་མཐོ་གསུངས་འདུག་པས་ཐུགས་འཛིན་གནང་རོགས། ལས་ཀ་བྱེད་མཁན་ཚོར་ཁ་མ་གཏོང་རོགས།
མངའ་རིས་འཕྲིན་ལས་ལགས། སྒེར་དོན་མི་གླེང་ཉེ་ཆར་གློག་ཀླད་ཀྱི་ཟབ་སྦྱོང་ལ་མཉམ་ཞུགས་སྐབས་སྐུ་ཉིད་ནི་མཛེས་མས་གཡོ་འགུལ་མི་ཐེབས་པོའི་མཁས་བཙུན་བཟང་གསུམ་པ་ཞིག་རེད་འདུག
ད་ཡིན་ན་ལྟ་ཚུལ་ནོར་འདུག ང་རྒྱལ་དང་ཕྱོགས་ཞེན་ཆེ་བ་གང་ཞིག་རང་ཚུགས་མེད་པ་ཞིག་ཀྱང་རེད་འདུག སྒྲུབ་བརྒྱུད་བསྟན་པའི་མངའ་བདག་དཔལ་རྒྱལ་བ་ཀརྨ་པ་མཆོག་གི་༸གོང་ས་ལྷ་མིའི་རྣམ་འདྲེན་པ་སྐུ་ཕྲེང་བཅུ་བཞི་བའི་ཐུགས་སྲས་ལྟ་བུར་གྱུར་ཡོད། གདུལ་བྱའི་མཛད་འཕྲིན་ཉི་མ་བཞིན་གསལ་ཡོད། དེ་ཡི་རྗེས་འཇུག་བཀའ་བརྒྱུད་ཆེ་བཞི་ཆུང་བརྒྱད་ན་བུ་སློབ་སྐར་ཚོགས་བཞིན་བཀྲ་ཡོད།
ཐབས་སྐྱོ་བ་ཞིག་ནི་ཁྱོད་ཚོ་རེ་ཟུང་གིས་ཆབ་སྲིད་ཁ་ལ་བཟུང་སྟེ་གཞན་ལ་དམའ་འབེབས་དང་། མཐོང་ཆུང་། ཟུར་ཟ་སོགས་བྱེད་ཀྱིན་ཡོད་པ་དེ་ཡིན། མདུང་ཁ་ནང་བསྐོར་གྱི་བྱེད་ཐབས་འདི་ནི་ཁྱོད་ཚོས་བོད་རང་བཙན་རྩོད་སྟངས་ཀྱི་ཆ་ཤས་ཤིག་ཡིན་ཚེ་ང་ནམ་ཡང་ཁྱོད་ཚོའི་རྗེས་སུ་མི་འབྲངས་བའི་དམ་བཅའ་འཇོག་ངེས་ཡིན།
སྐུ་ཞབས་ལགས། འཛུབ་མོ་ནང་ལ་བཀུག་ནས་འདང་རེ་རྒྱོབ་དང་རང་གིས་བསམ་སྟངས་དང་། བཤད་སྟངས། དྲན་སྟངས་ཀྱི་ཐད་མ་འགྲིག་པ་མང་པོ་ཞིག་ཡོད་པ་ཧ་གོ་ངེས་ཡིན།
གོང་དུ་རྒྱ་རྙི་ལགས་ཀྱིས་གསུངས་པ་དེ་ག་རང་རེད། སྤྱིར་ཁོ་བོར་དྲ་འབུ་རྣམས་ལ་ཡ་བྱེད་རྒྱུའི་དུས་ཚོད་མེད་མོད། མ་ཤེས་རྨོངས་པ་དང། ཤེས་བཞིན་ཁྱད་གསོད་བྱེད་པ་འདི་རིགས་དངོས་གནས་བྱས་ན་སྤྱི་པའི་སྡིངས་ཆ་ཆེ་སར་ཡོང་རྒྱུར་བྲེལ་འཚུབ་མ་བྱས་པར། དང་པོར་རང་ངོས་ནས་གང་འཚམས་ཕྱོགས་ཡོངས་ཀྱི་གནས་ཚུལ་ཤེས་རྒྱུར་འབད་བརྩོན་བྱས་རྗེས། མ་ཤེས་པ་ཤེས་འདོད་དང། ཤེས་པ་འཐུས་ཚང་དུ་གཏོང་འདོད། ཤེས་ནས་རིག་པའི་ལམ་ནས་དགག་གཞག་བྱེད་དུ་ཡོང་བ་ཡིན་ན་དེ་ནི་འོས་འཚམས་ཡིན་པས། དེ་ལྟར་གནང་རོགས་ཞུ་འདོད་བྱུང། ངས་གསོག་སློབ་སྐོར་ལ་ཞབས་མཆན་བཏབས་པ་དེ་ཡག་པོ་ཞིག་བཀླགས་ཡོད་ན། ནམ་རྒྱུན་རྒྱ་ནག་གིས་བཙན་བྱོལ་མགོ་ཁྲིད་ནས་སྤྱི་ཚོགས་མི་སྒེར་རེ་རེར་ཅི་ལྟར་སྐྱོན་བརྗོད་བྱེད་ཀྱི་ཡོད་མེད་ལ་དོ་སྣང་བྱས་པ་ཡིན་ན། ལོག་རྟོགས་དེ་འདྲ་འབྱུང་མི་སྲིད་པ་རེད།
རྒྱ་རྙི་ལགས་ཁོ་བོ་ནི་ཀརྨ་ཆོས་འཕེལ་ལ་སོགས་པའི་དབང་འོག་ཏུ་འགྲོ་དགོས་པའི་གཞན་དབང་སྟབས་བསྟུན་དགོས་པ་མེད། སོ་སོ་བོད་པ་ཞིིག་ཡིན་པའི་ཆ་ནས་བོད་པའི་བདེན་དོན་ལ་བསམ་ཚུལ་དཔྱད་གླེང་བྱེད་རྒྱུ་ཐོབ་སྟངས་ཡོད་ཚོད་རེད། ༼ ཀརྨ་ཆོས་འཕེལ་གྱི་ལངས་ཕྱོགས་དེར་ཁྱོད་རང་ཐེ་བས་དགེ་སློང་དང་བཀའ་བརྒྱུད་ཚང་གི་བླ་མ་རེ་ཟུང་ཞིག་ལས་འགྲོ་མགོན་བསྟན་པའི་བདག་པོ་དཔལ་རྒྱལ་དབང་ཀརྨ་པ་མཆོག་གི་གཙོ་བོས་སྐྱེས་ཆེན་དམ་པ་དང་། མི་དབང་རྣམ་དཔྱོད་ཅན་རྣམས་ཁོ་བོས་རྗེས་འཇུག་མིན་པར་ངེད་ཀྱིས་ཡིད་ཆེས་བྱེད་བཞིན་ཡོད།༽ཟེར་བ་ནི་མི་ངན་ཁྱོད་དང་ཁྱོད་འདྲ་བས་བསམ་སྤྱོད་ངན་པའི་རང་ཚང་ཕྱིར་བསྟན་པ་ལས། ཁྱོད་བཀའ་བརྒྱུད་པའི་ཆོས་བརྒྱུད་དང་བླ་མ་ལ་དེ་འདྲའི་ལྷག་བསམ་དང་དད་པ་བྱེད་མཁན་ཞིག་ཡིན་མིན་ཤེས་ཀྱི་ཡོད། ལག་ཆ་ཞིག་དགོས་འདུག་བསམ་ན་བེད་སྤྱོད་གཏོང་ཀྱང་ལས་དེ་མིན་ད་བར་བདག་སྤྲོད་བྱས་ཡོད་མེད་མཁྱེན་གསལ་ཡིན།
སྤྱིར་ན། དབུ་མའི་ལམ་གྱི་སྲིད་བྱུས་འདི་བོད་རྒྱ་གཉིས་ཀྱི་ས་དཀའ་རྙོག་མྱུར་སེལ་ཀྱི་ཐབས་ལམ་ཡག་ཤས་ཤིག་ཏུ་༸གོང་ས་མཆོག་གིས་དགོངས་ཡོད་ལ། སུས་ཀྱང་ཕལ་ཆེར་བསམ་ཡོད། འོན་ཀྱང་། རྒྱ་ནག་གི་ཁ་རྣ་ལ་བརྒྱུད་དུས་འདི་ལྟ་བུའི་ལམ་འགག་ཅིག་ཏུ་སླེབས་སོང་བ་རེད་ལ། དེ་ནི་རྒྱ་ནག་གིས་རང་བཙན་དང་གཅིག་པ་མཐོང་བར་གནད་འགག་ལོས་ཡོད། ཟམ་གདོང་བླ་མས་རྫིགས་ཐག་ཆོད་ཀྱི་ཁ་ཤོམས་མང་པོ་འཐེན་ཡོད་ནའང་། ཉིས་སྟོང་བརྒྱད་ནས་ད་བར་བོད་ནང་གི་གནས་སྟངས་དག་ལ་ཚོད་དཔག་ཙམ་ཡང་བྱེད་ཐུབ་མེད། ཚོད་དཔག་ཙམ་ཡང་བྱེད་མ་ཐུབ་པའི་བོད་མི་རིགས་ཀྱི་བསམ་བློ་དང་གནས་སྟངས་ང་ཚོའི་མེ་ལྕེའི་ཁྲོད་ནས་མ་གཏོགས་མ་རིག་པ་རེད་ལ། དེའི་ཕྱིར་ཁོང་ཚོར་དགོས་པའང་རྒྱ་ནག་གི་འོག་ཏུ་མགོ་སྒུར་བ་ལས་ཤི་ན་བཟང་བར་འདམས་པ་རེད། ༸གོང་ས་མཆོག་གིས། དབུ་མའི་ལམ་གྱི་བརྒྱུད་ལམ་ནས་བོད་རྒྱུའི་དཀའ་རྙོག་མགྱོགས་པོར་སེལ་མ་ཐུབ་ཡིན་ན། འབྱུང་འགྱུར་གྱི་དཀའ་རྙོག་གང་བྱུང་རྒྱ་ནག་གཞུང་གིས་འགན་འཁུར་དགོས་ཚུལ་དང་། བོད་ཀྱི་དོན་གྱི་བདག་པོ་གཞིས་ལུས་རྒྱ་ཆེའི་མི་མང་ཡིན་ཚུལ་སྔ་ས་ནས་གསུངས་ཚར་ཡོད་པས། ད་ནི་ཟམ་གདོང་གི་རྫིགས་གཏམ་ནི་རྒྱ་བོད་གང་ལའང་མི་མཁོ་བའི་བེད་མེད་དུ་གྱུར་ཡོད། ལར་རང་བཙན་ནི་རང་ཁ་གསོ་བྱེད་ཙམ་ཡིན་ན། དབུ་མ་ནི་རང་མགོ་སྐོར་བྱེད་ཡིན་པས་ད་ནི་ང་ཚོར་ཅི་ཡང་མེད་པ་ཡིན། དེ་ནི་མིན་དེ། དགྲ་གཉེན་གང་ལ་ལྟོས་དེ་ང་ཚོ་ཐར་སའི་ལམ་ཁ་ཤིག་ཡོད་ན་ཧབ་ཐོབ་བྱེད་རན་ཡིན་པ་ལས། གང་སྣང་དགྲ་རུ་བཟུང་ནས་གཡུགས་རྐྱང་བྱེད་པ་ནི་གཏན་མིན་ནོ།།
མངའ་རིས་འཕྲིན་ལས་ཉིད་ལ་ཐུགས་ཁག་མེད་དོན་ནི་བཀའ་བརྒྱུད་སྤྱི་འཐུས་ཀརྨ་ཆོས་འཕེལ་གྱིས་ལམ་དབུ་མར་ཕྱིར་འཐེན་བྱས་པའི་ཤུགས་རྐྱེན་འོག་ཁྱོད་ཀྱང་ཚུད་ཡོད་པ་རེད། ཡིན་ནའང་། ཀརྨ་ཆོས་འཕེལ་གྱི་ལངས་ཕྱོགས་དེར་ཁྱོད་རང་ཐེ་བས་དགེ་སློང་དང་བཀའ་བརྒྱུད་ཚང་གི་བླ་མ་རེ་ཟུང་ཞིག་ལས་འགྲོ་མགོན་བསྟན་པའི་བདག་པོ་དཔལ་རྒྱལ་དབང་ཀརྨ་པ་མཆོག་གི་གཙོ་བོས་སྐྱེས་ཆེན་དམ་པ་དང་། མི་དབང་རྣམ་དཔྱོད་ཅན་རྣམས་ཁོ་བོས་རྗེས་འཇུག་མིན་པར་ངེད་ཀྱིས་ཡིད་ཆེས་བྱེད་བཞིན་ཡོད།
སྐབས་དོན་ཞུ་བྱ་གཙོ་བོ་ནི། ཤར་ཕྱོགས་ཁུག་རྟ་མི་སྒེར་དང་ཁྱོད་ཚོས་བར་རྩོད་པ་ག་རེ་ཡོད་ན་གནང་ཆོག་ལ་བཤད་ཆོག་གི་རེད། དབུ་མའི་ལམ་གྱི་མི་མང་ལས་འགུལ་ཁང་ནི་རྒྱལ་ཞེན་དང་སེམས་ཤུགས་ཆེ་བའི་མི་མང་པོ་ཞིག་གིས་གཉིས་སྨན་དབུ་མའི་ལམ་དྲིལ་བསྒྲགས་བྱེད་སའི་ལས་འགུལ་ཁང་ཞིག་ཡིན་པས་ཉ་དང་ཉུང་མ་མཉམ་བསྲེས་མ་གནང་རོགས་ཞེས་ཞུ་བ་ཡིན།
རང་ཉིད་རང་བཙན་པར་རྒྱབ་སྐྱོར་བ་ཡིན་མདོག་གིས་དབུ་མའི་ལས་འགུལ་ཁང་དང་། དབུ་མའི་ལས་འགུལ་པར་ཁ་བརྡུང་གཏོང་བ་ནི་དོགས་གཞི་ཆེ་བའི་གནས་ཤིག་ཡིན།
ལྷག་པར་དྲ་རྒྱའི་མཆན་ཞབས་པ་ཁྱོད་དང་། ཤེས་རབ་འབྱུང་གནས་ལགས། སྐུ་ཞབས་ཤིང་ལོ་སོགས་ཁྱོད་ཚོ་ཚང་མ་དགེ་འདུན་པ་དང་གཞུང་ཆེན་ཟབ་མོར་མཐར་ཕྱིན་ཁུལ་བྱེད་མཁན་རྐྱང་རྐྱང་ཡིན་པས་དྲ་འབུ་རུ་བརྫུས་ནས་གཞན་ལ་ཁ་དགྲ་སྣ་དགྲ་བསགས་པ་དེ་དགེ་ཚུལ་སློང་གི་ལས་སུ་རུང་མིན་དང་། གྲྭ་བའི་བྱ་སྤྱོད་ཅིག་ཡིན་མིན་ཡང་དོགས་པ་ཡིན་ལགས།
གནས་ལུགས་དང་ལྡན་པའི་སྒོ་ནས་སྐྱོན་སེལ་གནང་དང་ལས་སུ་རུང་བ་རེད། དེ་མིན་དབུ་མ་བ་དང་རང་བཙན་པར་གདོང་ཐུག་བྱེད་དུ་འཇུག་པའི་ཀུན་སློང་ནི་དགྲ་དགའ་གཉེན་སྡུག་གི་ལམ་སྟོན་ཞིག་ཡིན་པ་མ་བརྗེད་རོགས།
གཟིགས་དང་སྔོན་ཆད་དབུ་མ་ཚང་གིས་གསོ་སྐྱོང་བྱས་པ་བུ་རྒོད་ཁུག་རྟས་འདི་ལྟར་བཤད་དོན་ཅི༼ རྒུད་སྐྱོབ་ཀྱི་དངུལ་དངོས་བགོ་བཤའ་རྒྱག་པ་སོགས་གནད་དོན་ཞིབ་ཕྲ་ཐུག་དུས་ཨ་མདོ་བ་དང་ཁམས་པ་དང། དགེ་ལུགས་པ་མིན་པའི་གྲུབ་མཐའ་གཞན་གྱི་ཆོས་དད་པ་རྣམས་ལ་དྲང་པོ་མིན་པ་དང། འདྲ་མཉམ་མིན་པའི་སྤྱོད་ཚུལ་འཛིན་གྱི་ཡོད་པ་དཔེར་ན། རྟག་པར་དབུས་གཙང་པར་རྒུད་སྐྱོབ་ཀྱི་དངུལ་དངོས་མང་པོ་ཐོབ་པ་(དེ་ལས་དབང་ཤེད་ཡོད་པའི་གོང་རིམ་མི་སྣར་ཐོབ་པ་དེ་བས་མང།)དང། ཁམས་པ་དང་ཨ་མདོ་བ་ལ་ཉུང་ཉུང་ལས་ཐོབ་ཀྱི་མེད་པ་སོགས་མང་པོ་ཡོད། དེས་ན་དབུས་གཙང་བ་དང་ཁམས་པ་དང་ཨ་མདོ་བའི་བར་དང། དགེ་ལུགས་པ་དང་གྲུབ་མཐའ་གཞན་དག་བར་གྱི་སྔར་ཡོད་ཀྱི་འགལ་ཟླ་སྔར་བས་ཆེ་རུ་འགྲོ་གི་ཡོད་པར་མ་ཟད། དེ་ལས་བཀའ་བཀའ་ཤག་ལ་ངོ་རྒོལ་བྱེད་པའི་རླབས་རྒྱུན་ཡང་ཡང་འཕྱུར་གྱི་ཡོད། ༽སྐད་ཆ་འདི་བཀའ་ཤག་སྔོན་མ་ལ་ཡིན་ནམ་ད་ལྟའི་བཀའ་ཤག་ལ་ཡིན། མང་གཙོ་ཀ་བ་གསུམ་གྱིས་དབུ་ཁྲིད་པའི་བཙན་བྱོལ་གཞུང་གི་སྲིད་བྱུས་དང་ལང་ཕྱོགས་ཕྱག་ལས་སོགས་ལམ་དབུ་མ་ཡིན་བཞིན་དུ། དེ་ལས་ལྷག་པ་དབུ་མའི་ལས་འགུལ་ཁང་ཟེར་བ་ཞིག་ཟུར་དུ་བཙུག་ནས་བྱ་བ་འདི་རེད། དབུ་མའི་དྲུང་ཆེ་སོགས་ཆེ་ཆེ་སྙན་སྙན་ལྡན་པའི་མི་བུ་འདིས་ནི་མི་རྗེ་སྲིད་སྐྱོང་བློ་སེང་མཆོག་གིས་དབུ་ཁྲིད་པའི་བཙན་བྱོལ་གཞུང་ལ་དུས་རྟག་ཏུ་སྨད་ར་དང་སྐྱོན་བརྗོད་ཁོ་ན་བྱེད་མཁན་ཞིག་རེད། ད་ཆ་ཁོང་གི་ཤེས་རབ་དགའ་ཚལ་སློབ་གྲྭའི་སྐོར་གྱི་མཆན་འདི་ལ་གཟིགས་དང་། འཆར་གཞི་དང་ལང་ཕྱོགས ཐ་ན་ཆོས་ལུགས་ཡན་ཆོད་འགྱུར་ཚར་བ་གསལ་པོ་བསྟན་མིན་འདུག་གམ། ད་ནི་ཤར་ཁུག་ལགས་སྔོན་ཆད་ཕྱག་ལས་རྣམས་མང་ཆེ་བ་ལྟ་བ་རྙིང་ཞེན་གྱི་མི་རེ་ཟུང་གི་ཁ་ལ་ཉན་ནས་དབུ་མའི་མིང་འོག་ནས་གཞིས་བྱེས་མི་མང་སེམས་ཕམ་ཡོང་གཞི་དགྲ་བོའི་ཁྲག་དར་འཕྱར་བ་སོགས་ལ་འགྱོད་པ་དང་བཅས། ཕྱིན་ཆད་རང་གི་རྣམ་དཔྱོད་བེད་སྤྱད་དེ་མི་མང་གི་སྔོན་འདོད་དང་ཡོངས་སུ་མཐུན་པའི་ཆབ་སྲིད་ཀྱི་ལྟ་གྲུབ་ཐོག་ཕེབས་པའི་རེ་བ་ཡོད།
ཤེས་རབ་འབྱུང་གནས་ཟེར་བ་སོགས་ཀྱིས་ངེས་དོན་གྱི་མཁས་དབང་ཟམ་གདོང་ཚང་ལ་བླ་རྒན་ཟེར་ཁུལ་གྱིས་སྨོད་པ་ཡིན་ཚུལ་དུ་སྒྲོགས་འདུག་མོད་རྗེ་ཤེས་རབ་རྒྱ་མཚོས། ནགས་ཀྱི་གར་མཁན་འབའ་ལུ་དེ།། ཁྲོས་པས་མཆེ་བ་བརྒྱར་གཙིགས་ཀྱང་།། འཕྲོག་བྱེད་གངས་ཀྱི་རྒྱལ་བོ་ངས།། གངས་རིའི་རྩེ་ནས་བག་ཡངས་བྱེད་ཅེས་པ་ལྟར་ལུང་རིགས་ཀྱིས་གནོད་བྱེད་མེད་པའི་ཀུ་ཅོ་འདོན་པ་ནི་བྱིས་པ་ངུས་པའི་ཀུ་རྒྱང་ཙམ་དུ་ཟད་དོ།
ཤེས་གནས་འབྱུང་གནས་ཀྱིས་སློབ་དཔོན་ཚང་ལ་དྲི་བ་ཕུལ་འདུག་པར་ཞོར་འཕྲོས་ཀྱིས་རྨོངས་པ་ངས་ཀྱང་ལན་འདེབས་བྱེད་མི་ཐུབ་པ་ཞིག་མིན་པས་རོབ་ཙམ་ཞུས་ན།
༡༽ ཟམ་བླ་རྒན་ད་སྨྱོས་ཡོད་པ་འདྲ། ཁོས་བཤད་རྒྱུར། དབུ་མའི་ལམ་གྱི་སྲིད་བྱུས་ནི་༸གོང་ས་མཆོག་གིས་ཆབ་སྲིད་ཐུགས་འགན་བཞེས་སྐབས་ནས་ཐུགས་ལ་ཡོད་པ་ཞིག་དང་། ཐུགས་ལ་ཡོད་པ་བཞིན་ཕྱག་ལེན་བསྟར་དགོས་པའི་གནས་བབ་བྱུང་བསྡད་པ་ཞིག་ཡིན་ཞིང་། ཟེར། དེས་ན་བླ་རྒན་ཁྱོད་ལ་ངས་གཅིག་འདྲི། ༧གོང་ས་མཆོག་གིས་བོད་རྒྱ་འོག་མ་ཤོར་གོང་ནས་བོད་རྒྱ་འོག་སྡོད་འདོད་ཀྱི་ཐུགས་བསམ་བཞེས་ཡོད་དམ།
ལན། ༸གོང་ས་མཆོག་གིས་ཆོས་སྲིད་ལུགས་གཉིས་ཀྱིས་ཐུགས་འགན་བཞེས་སྐབས་ཀྱི་གོང་ནས་རྒྱ་དམག་བོད་དུ་སླེབས་ཚར་ཡོད་པ་དང་། བོད་གཞུང་མང་ཨ་ཆད་ཨུ་ཐུག་གི་སྐབས་ཤིག་ལ་༸གོང་ས་མཆོག་ལ་རྒྱལ་སྲིད་ཆོས་སྲིད་ཀྱི་འགན་སྤྲད་པ་རེད། སྐབས་དེ་དུས་ནས་རྒྱ་དམག་བོད་ནས་ཕྱིར་འདོན་བྱེད་པའི་དྲག་ཤུགས་ཀྱི་ནུས་པ་མེད་པ་དེ་ཐུན་མོང་ལ་མཐུན་སྣང་གཅིག་གྱུར་ཆགས་ཡོད། དེ་ལས་གཞན་གྱི་གདམ་ག་ཞིག་ཡོད་པ་ནི་ཞི་མོལ་གྱི་གྲོས་མགོ་འདོན་དགོས་པ་དེ་རེད། དེའི་ཕྱིར། ༸གོང་ས་མཆོག་གིས་ཆབ་སྲིད་ཀྱི་ཐུགས་འགན་བཞེས་སྐབས་ནས་དབུ་མའི་ལམ་གྱི་སྲིད་བྱུས་ཁོང་གི་ཐུགས་ལ་ཡོད་ཟེར་ན་སུས་ཀྱང་རྫུན་དུ་སྒྲུབ་མི་ཐུབ་པ་ནི་རྣམ་དཔྱོད་ཀྱིས་དཔོག་ནུས་པ་ཞིག་གོ
༢༽ དྲི་བ། དེ་དུས་ནས་དབུ་མའི་ལམ་གྱི་སྲིད་བྱུས་ཐུགས་ལ་ཡོད་ན། ༡༩༧༢ ལོར་དབུ་མའི་ལམ་གྱི་སྲིད་བྱུས་གཏན་འབེབས་གནང་བ་ནང་འགལ་མིན་ནམ།
ལན། དེ་ནི་ནང་འགལ་གཏན་ནས་མིན། ཕྱི་ལོ་༡༩༧༢་དང་༡༩༧༤་ལོ་སོགས་སུ་དབུ་མའི་ལམ་གྱི་གྲོས་འགོ་བཏོན་པ་ནི་སྔར་ནས་ཐུགས་ལ་གསལ་མྱོང་བའི་ཐབས་ལམ་ཞིག་བཙན་བྱོལ་དུ་སླེབས་ཏེ་གཞུང་དང་མི་མང་ལ་གསལ་འདེབས་ཞུས་པའི་ལས་རིམ་ཞིག་ཡིན། ༸གོང་ས་མཆོག་གིས་དབུ་མའི་ལམ་གྱི་གྲོས་འགོ་བཏོན་པ་ཡིན་གྱི་ཐག་གཅོད་བྱས་པ་ནི་མ་ཡིན་པར་མང་གཙོའི་ལམ་བུར་བརྩི་སྲུང་གིས་མི་མང་དང་འགོ་ཁྲིད་ཀྱི་ངོས་ནས་མཐའ་མའི་ཐག་གཅོད་བྱས་པ་ཞིག་རེད།
༣༽ དྲི་བ། དབུ་མའི་ལམ་གྱི་སྲིད་བྱུས་ལ་བྱེས་སྡོད་གཞུང་དམངས་གཉིས་ཀྱིས་མོས་མཐུན་ཡོད་ན། རང་བཙན་རྩོད་མཁན་གཞོན་ནུ་ལྷན་ཚོགས་སོགས་ཚོགས་པ་དང་གང་ཟག་སྒེར་མང་པོ་ཞིག་ཡོད་ཞིག་ཡོ་པ་དེ་ཚོ་གང་དུ་འཇོག་དགོས་སམ། སྤྱི་འཐུས་༤༢ནང་ནས་གཅིག་གིས་དངོས་སུ་དགག་པ་རྒྱག་གིན་ཡོད་རེད། སེམས་ནས་དབུ་མའི་ལམ་ལ་རྒྱབ་སྐྱོར་མེད་མཁན་ག་ཚོད་ཡོད་དམ། དེས་བརྒྱ་ཆའི་ཅི་ཙམ་ཟིན་གྱི་རེད་དམ།
ལན། དབུ་མའི་ལམ་གྱི་སྲིད་བྱུས་ལ་བྱེས་སྡོད་གཞུང་མང་གཉིས་ཀྱིས་མོས་མཐུན་ཡོད་ཞེས་པ་ནི་དོན་མཐུན་གྱི་གཏམ་ཞིག་རེད། བོད་མིའི་སྒྲིག་འཛུགས་གཞུང་གིས་དབུ་མའི་ལམ་གྱི་སྲིད་བྱུས་འཛིན་པ་ནི་ཤེས་གསལ་ལྟར་ཡིན་ལ། བྱེས་སྡོད་མི་མང་གི་བརྒྱ་ཆའི་དགུ་བཅུ་ལྷག་གིས་དབུ་མའི་ལམ་ལ་རྒྱབ་སྐྱོར་ཡོད་པ་གསལ་པོ་ཡིན་པས་གཞུང་དང་མང་གཉིས་ཞེས་ཁ་གྲངས་མང་ཉུང་གི་ཆ་ནས་ཚིག་སྦྱོར་བདེ་བར་བཟོས་ན་གནོད་སྐྱོན་གང་ཡང་མེད། སྤྱི་འཐུས་ལྷན་ཚོགས་ནང་མང་པོ་ཞིག་གི་སེམས་སུ་རང་བཙན་ཡོད་ཚུལ་ལ་སུས་ཀྱང་ཁ་ཚོམ་གཅོད་དཀའ་བས་དོགས་པ་ཁོང་སློང་མ་གནང་རོགས་ཞེས་འབོད་སྐུལ་ཞུ་རྒྱུ་ཡིན།
༤༽ དྲི་བ། བླ་རྒན་ཁྱོད་མ་འོངས་བོད་ཀྱི་ལོ་རྒྱུས་ཁྲོད་ནག་ཅན་པ་ཆགས་རྒྱུ་ཡིན་པ་མི་ཤེས་སམ།
ལན། མཁས་དབང་ཟམ་གདོང་རིན་པོ་ཆེ་མཆོག་གིས་ང་ཚོ་གང་ཟག་ཐ་མལ་བ་ཚོ་ནང་བཞིན་འབྱུང་འགྱུར་གྱི་རང་གི་མཚན་སྙན་དང་ཁེ་ཕན་ལ་རེ་བ་རྒྱག་གིན་མེད་ཐག་ཆོད་ཡིན་མོད། མ་འོངས་པའི་མི་རབས་ནི་རྣམ་དཔྱོད་ཀྱི་ནུས་པ་ལྡན་པ། སློབ་སྦྱོང་གི་གནས་ཚད་ལོངས་བ་ཤ་སྟག་ཡོང་ངེས་པས་དེ་ཚོས་ད་ལྟའི་བོད་ཀྱི་གནས་བབ་དང་ནུས་པ། རྒྱ་ནག་གི་སྟོབས་ཤུགས་དང་དབང་བསྒྱུར། བོད་ནང་གི་ཛ་དྲག་གི་གནས་བབ། རྒྱལ་སྤྱིའི་ཁྱོན་གྱི་རོགས་རམ་དང་རྒྱབ་སྐྱོར་བྱེད་ཕྱོགས་སོགས་ཚང་མར་བལྟས་ཏེ་༸གོང་ས་ཐམས་ཅད་མཁྱེན་པ་ཚང་དང་། མཁས་དབང་ཟམ་གདོང་རིན་པོ་ཆེ་སོགས་ཀྱི་འཕྲད་ཕུགས་རྒྱང་གསུམ་རྟོགས་ནུས་པའི་རྣམ་དཔྱོད་ལ་སྨོན་པ་ཤོར་ངེས་ཅན་ཡིན།
མངའ་རིས་འཕྲིན་ལས་ཀྱི་དྲི་བ་ལ་ཞོར་དུ་འཕྲོས་དོན།
དྲི་བ། མཁས་དབང་གཟམ་གདོང་ཚང་གིས༼ དེང་སྐབས་འགན་ཁུར་མེད་པའི་མི་ཁ་ཤས་ཀྱིས་བརྒྱུད་ལམ་ཁག་ཏུ་དབུ་མའི་ལམ་གྱི་སྲིད་བྱུས་༸གོང་ས་མཆོག་སྐུ་སྒེར་གྱི་དབང་ཤུགས་འོག་ཐག་བཅད་པའི་སྲིད་བྱུས་ཤིག་ཡིན་ཚུལ་བཤད་པ་དེ་ཏག་ཏག་བསྡད་མེད༽ཟེར་བ་ནི་ཁྱེད་རང་ཚོས་རྟག་པར་ཁ་ཡར་འགུལ་མར་འགུལ་ཚང་མར་ལམ་དབུ་མ་ནི་༧གོང་ས་༧མཆོག་གིས་མ་འོངས་སྔོན་གཟིགས། ལྷ་བླའི་ལུང་བསྟན། ཡེ་ཤེས་དབྱིངས་དཔྱད་སོགས་བཀར་སྒྲུབ་ཅིང་། དེ་ལས་འགལ་ན་སླར་ཡང་བཙན་བྱོལ་སྤྱི་ཚོགས་ཁྲོད་ནས་ཆོས་དང་ཟང་ཟིང་གི་འབྲེལ་བ་བཅད་རྒྱུའི་བོད་རིགས་ཚོགས་པ་གཞན་ཞིག་བཟོ་རྒྱུ་ཡིན་མདོག་བྱེད་པ་དེ་ཚོ་༧གོང་ས་༧མཆོག་གི་བཀའ་ལ་ལོག་འགྲེལ་དང་། དགོངས་གཞི་ལ་བཟོ་བཅོས་སོགས་མདོར་ན་བོད་མི་རིགས་ལ་གནོད་པ་ལས་ཕན་པའི་བྱ་བ་ཞིག་ཨེ་ཡིན།
ལན། གཉིས་སྨན་དབུ་མའི་ལམ་ནི་༸གོང་ས་ཐམས་ཅད་མཁྱེན་པས་འཕྲད་ཕུགས་རྒྱང་གསུམ་གྱི་གནས་བབ་ཛ་དྲག་ལ་གཟིགས་ཏེ་དགོངས་ཚུལ་བཏོན་པ་ཞིག་དང་། གཞིས་བྱེས་རྒྱ་ཆེ་མི་མང་དང་། བོད་མི་མང་སྤྱི་འཐུས་ལྷན་ཚོགས་ཀྱིས་སྤྱི་མོས་ཁྲིམས་ཐོག་ནས་གཏན་འབེབས་གནང་བ་ཞིག་ལས་༸གོང་ས་མཆོག་གིས་སྒེར་གཅོད་ཀྱི་ཐག་གཅོད་ཅིག་མིན་པ་སུ་ལའང་གསལ་ཡོད།
༸གོང་ས་མཆོག་གི་གཙོས་དབུ་མའི་ལམ་གྱི་སྲིད་བྱུས་འཛིན་མཁན་སུས་ཀྱང་མི་མང་སུ་རུང་དབུ་མའི་ལམ་དུ་འགྲོ་དགོས་པའི་བཙན་བཀའ་བཏང་མྱོང་ཡོད་པ་མ་རེད་ལ་གཏོང་ཤེས་སྟངས་ཀྱང་ཡོད་པ་མ་རེད། རྒྱུ་མཚན་དང་ཁུངས་ལུང་མེད་པའི་སྤྱི་ཚོགས་འགལ་ཟླ་བཟོ་གཞིའི་སྐད་ཆ་བཤད་རྒྱུར་ཚོད་འཛིན་ཐུབ་པའི་འབོད་སྐུལ་ཞུ་རྒྱུ་ཡིན།
དབུ་མའི་ལམ་ལ་དགག་ཕྱོགས་ནས་ལན་འདེབས་མཁན་ཚོའི་མཆན་ལ་ཞིབ་འཇུག་རེ་གནང་དང་། ནང་ཁུལ་ལ་ཚིག་མཚོན་འདེབས་པ། སྨ་འབེབས་བྱེད་པ། ཁུངས་མེད་ཀྱི་དཀྲོགས་རྐྱེན་བཟོ་བ་སོགས་ཚུལ་དང་མ་མཐུན་པའི་བྱ་སྤྱོད་སྣ་ཚོགས་ཤིག་ཐོན་བཞིན་པ་མངོན་གསལ་ཡིན་པས། འདི་ནི་དོ་བདག་རང་རང་གི་ཀུན་སྤྱོད་ལ་ཁོང་ཁྲོས་བསླད་ཞུགས་པ་ཞིག་ལས་རང་བཙན་གྱི་ལྟ་གྲུབ་འཛིན་མཁན་ཚོས་ཁྱད་ཆོས་ཤིག་ཡིན་པར་ངོས་འཛིན་བྱེད་ཀྱིན་མེད། རྗེས་ཕྱོགས་རང་བཙན་དང་དབུ་མའི་ལྟ་གྲུབ་གླེང་ཆོག་ལ་རྩོད་ཀྱང་ཆོག་མོད། སྡིགས་དམོད་དང་འཛིངས་རེས་ཀྱིས་རང་གི་དེ་ཉིད་ལ་ཞེ་སྡང་དང་ཆགས་ཞེན་གྱི་དྲི་མས་མ་གོས་པ་ཞིག་དགོས་པ་ནི་མི་རིགས་ཀྱི་རྩ་དོན་དང་། ཆིག་བསྒྲིལ་གང་ཅིར་ཕན་པ་ནི་སེམས་ཀྱི་གནད་དུ་ཞོག
མཁས་དབང་གཟམ་གདོང་ཚང་གིས༼ དེང་སྐབས་འགན་ཁུར་མེད་པའི་མི་ཁ་ཤས་ཀྱིས་བརྒྱུད་ལམ་ཁག་ཏུ་དབུ་མའི་ལམ་གྱི་སྲིད་བྱུས་༸གོང་ས་མཆོག་སྐུ་སྒེར་གྱི་དབང་ཤུགས་འོག་ཐག་བཅད་པའི་སྲིད་བྱུས་ཤིག་ཡིན་ཚུལ་བཤད་པ་དེ་ཏག་ཏག་བསྡད་མེད༽ཟེར་བ་ནི་ཁྱེད་རང་ཚོས་རྟག་པར་ཁ་ཡར་འགུལ་མར་འགུལ་ཚང་མར་ལམ་དབུ་མ་ནི་༧གོང་ས་༧མཆོག་གིས་མ་འོངས་སྔོན་གཟིགས། ལྷ་བླའི་ལུང་བསྟན། ཡེ་ཤེས་དབྱིངས་དཔྱད་སོགས་བཀར་སྒྲུབ་ཅིང་། དེ་ལས་འགལ་ན་སླར་ཡང་བཙན་བྱོལ་སྤྱི་ཚོགས་ཁྲོད་ནས་ཆོས་དང་ཟང་ཟིང་གི་འབྲེལ་བ་བཅད་རྒྱུའི་བོད་རིགས་ཚོགས་པ་གཞན་ཞིག་བཟོ་རྒྱུ་ཡིན་མདོག་བྱེད་པ་དེ་ཚོ་༧གོང་ས་༧མཆོག་གི་བཀའ་ལ་ལོག་འགྲེལ་དང་། དགོངས་གཞི་ལ་བཟོ་བཅོས་སོགས་མདོར་ན་བོད་མི་རིགས་ལ་གནོད་པ་ལས་ཕན་པའི་བྱ་བ་ཞིག་ཨེ་ཡིན།
དབུ་མེད་ལས་འགུལ་གྱི་འགན་འཛིན་གཞོན་པ་ཡོན་རྒྱལ་རྒད པོས་༼སྐབས་བཅོ་ལྔ་པའི་བོད་མི་མང་སྤྱི་འཐུས་ལྷན་ཚོཊ་ཀྱི་གྲོས་ཚོཊ་ཚོཊ་དུས་ལྔ་པའི་ཐོག་བཀུར་འོས་སྤྱི་འཐུས་ཤིག་གིས། ༸གོང་ས་མཆོག་གིས་བཀའ་རྩོམ་ཁག་རེ་རེ་བཞིན་ལུང་འདྲེན་ཐོག་བདེན་པ་མིན་པའི་འགྲེལ་བཤད་ལོག་པར་བརྒྱབ་སྟེ།༸གོང་ས་མཆོག་གི་ཐུགས་དགོངས་ངོ་མ་བོད་རང་བཙན་ཡིན་ཚུལ་བརྗོད་པ་དེར་བོད་རིཊ་མང་ཚོགས་རྣམས་བློ་ཕམ་ཆེན་པོ་བྱུང་ཡོད་༽ཟེར་བ་ནི་རྒད་པོ་ཁྱོད་ཀྱི་བོད་རིགས་མང་ཚོགས་ཟེར་ས་དེ་སུ་ཡིན། རྒྱ་གཞུང་གིས་སྔ་ཕྱིར་ཏིང་ཞོའོ་ཧྥིང་གི་རིག་པའི་གཞུང་ལུགས་སྤྱི་ཚོགས་རིང་ལུགས་བསམ་བློའི་སློབ་གསོ་དང་། དབུ་མའི་ཟམ་གདོང་བླ་རྒན་གྱི་དབུ་མའི་རིང་ལུགས་བསམ་བློའི་སློབ་གསོ་གཉིས་ལ་ཁྱད་པར་ག་རི་འདུག སྤྱི་འཐུས་རེ་ཟུང་གི་དགོངས་ཚུལ་གསུངས་པ་ཙམ་གྱིས་མི་མང་བློ་འགྱུར་ཡོང་བསམ་པའི་སེམས་དོགས་ཀྱིས་མི་མང་བཅུ་ཕྲག་ཁ་ཤས་ལ་སླར་ཡང་དབུ་མའི་ཕན་ཡོན་བཤད་པ་དེ་མི་མང་གི་མངོན་འདོད་ངོ་མ་ཡིན་མིན་གསལ་པོ་བསྟན་ཡོད། གལ་སྲིད་དབུ་མའི་ལམ་ནི་ཁྱེད་ཚོས་བཤད་པ་ལྟར། གཞིས་བྱེས་བོད་མི་ཡོངས་ཀྱི་མངོན་འདོད་ཡིན་ཐོག་རྒྱབ་སྐྱོར་དེ་མཚུངས་ཡོད་ཚེ་དེ་འདྲའི་སེམས་ཕྲལ་དགོས་པ་མེད། ད་ལྟ་༧གོང་ས་༧ མཆོག་གི་མཚན་མཉམ་སྒྲགས་ཀྱིས་ལྷག་བསམ་ཅན་གྱི་རང་བཙན་ཐབ་རྩོད་པ་རྣམས་དང་། ལོ་རྒྱུས་ཀྱི་རྒྱབ་ལྗོངས་ཅན་གྱི་རང་བཙན་ལྟ་གྲུབ་སྨྲ་བ་པོ་རྣམས་ལ་ཟུར་ཟ་དང་། བཤེ་བཤེ་གཏོང་བ་ནི་དབུ་མའི་ལས་འགུལ་ཟེར་བ་དེ་རེད་དམ།
རང་བཙན་གཙང་མའི་འབོད་སྒྲ་དང་ཐབ་རྩོད་ནི་ཆབ་སྲིད་ཀྱི་ཐབས་ལམ་ཡིན་པ་དང་། རྒྱ་བོད་མཉམ་གནས་ཆོལ་གསུམ་ཆིག་སྒྲིལ་མི་རིགས་རང་སྐྱོང་ནི་བོད་མིར་མཁོ་བའི་འབྲས་བུ་རེད། དེས་ན་ཐབས་ལ་སྨད་ཅིང་འབྲས་བུར་བསྟོད་པ་ནི། ཁ་ལག་ཟ་འདོད་ལ་བཟོ་མི་འདོད་པའི་དཔེ་མ་རེད་དམ།
ཟམ་བླ་རྒན་ད་སྨྱོས་ཡོད་པ་འདྲ། ཁོས་བཤད་རྒྱུར། དབུ་མའི་ལམ་གྱི་སྲིད་བྱུས་ནི་༸གོང་ས་མཆོག་གིས་ཆབ་སྲིད་ཐུགས་འགན་བཞེས་སྐབས་ནས་ཐུགས་ལ་ཡོད་པ་ཞིག་དང་། ཐུགས་ལ་ཡོད་པ་བཞིན་ཕྱག་ལེན་བསྟར་དགོས་པའི་གནས་བབ་བྱུང་བསྡད་པ་ཞིག་ཡིན་ཞིང་། ཟེར། དེས་ན་བླ་རྒན་ཁྱོད་ལ་ངས་གཅིག་འདྲི། ༧གོང་ས་མཆོག་གིས་བོད་རྒྱ་འོག་མ་ཤོར་གོང་ནས་བོད་རྒྱ་འོག་སྡོད་འདོད་ཀྱི་ཐུགས་བསམ་བཞེས་ཡོད་དམ།
དེ་དུས་ནས་དབུ་མའི་ལམ་གྱི་སྲིད་བྱུས་ཐུགས་ལ་ཡོད་ན། ༡༩༧༢ ལོར་དབུ་མའི་ལམ་གྱི་སྲིད་བྱུས་གཏན་འབེབས་གནང་བ་ནང་འགལ་མིན་ནམ།
དབུ་མའི་ལམ་གྱི་སྲིད་བྱུས་ལ་བྱེས་སྡོད་གཞུང་དམངས་གཉིས་ཀྱིས་མོས་མཐུན་ཡོད་ན། རང་བཙན་རྩོད་མཁན་གཞོན་ནུ་ལྷན་ཚོགས་སོགས་ཚོགས་པ་དང་གང་ཟག་སྒེར་མང་པོ་ཞིག་ཡོད་ཞིག་ཡོ་པ་དེ་ཚོ་གང་དུ་འཇོག་དགོས་སམ། སྤྱི་འཐུས་༤༢ནང་ནས་གཅིག་གིས་དངོས་སུ་དགག་པ་རྒྱག་གིན་ཡོད་རེད། སེམས་ནས་དབུ་མའི་ལམ་ལ་རྒྱབ་སྐྱོར་མེད་མཁན་ག་ཚོད་ཡོད་དམ། དེས་བརྒྱ་ཆའི་ཅི་ཙམ་ཟིན་གྱི་རེད་དམ།
སྔོན་ཆད་ཞིག་ལ་ཟམ་བླ་རྒན་གྱིས། རང་བཙན་རྩོད་མཁན་ནི་དགྲ་བོ་རྒྱ་ནག་ལས་ཀྱང་ཉེན་ཁ་ཆེ་ཚུལ་དང་། དོལ་ཚོགས་ལས་ཀྱང་དོགས་ཟོན་དགོས་ཚུལ་ལབ་པ་རེད། འདི་ལྟར་བོད་ཀྱི་དངོས་ཡོད་ལོ་རྒྱུས་རྩིས་མེད་བཏང་ན། བླ་རྒན་ཁྱོད་མ་འོངས་བོད་ཀྱི་ལོ་རྒྱུས་ཁྲོད་ནག་ཅན་པ་ཆགས་རྒྱུ་ཡིན་པ་མི་ཤེས་སམ།
ཡང་ན། ད་དུང་ཟུངས་ཁྲག་ལག་པས་མཆོད་དེ་རང་བཙན་རྩོད་དགོས་རེད། དབུ་མའི་ལམ་གྱི་སྲིད་བྱུས་བྱུང་བ་ནས་རྒྱ་ནག་གི་འདོད་ཐོག་ཏུ་བརྒྱུགས་པ་ཡིན་ལ། དེ་ནི་ཁོང་ཚོས་ད་སྐབས་ཆ་བགོས་བྱས་པའི་ཞིང་ཆེན་དང་། རང་སྐྱོང་སོགས་དང་མཐུན་གྱི་ཡོད་པར་འགྲེལ་བ་ལས། ང་ཚོའི་འདོད་པ་བཞིན་གྱི་རང་སྐྱོང་སྤྲོད་རྒྱུ་མ་རེད།
མ་འོངས་པར་རྒྱ་ནག་གིས་ང་ཚོར་སྤྲོད་ན། རང་བཙན་དང་། རང་སྲིྲིྲིྲིད་རང་སྐྱོང་གཉིས་ཀ་སྤྲོད་རྒྱུ་རེད་ལ། མི་སྤྲོད་ན་གང་ཡང་སྤྲོད་རྒྱུ་མ་རེད།
རྒྱ་ནག་གིས་ཅི་བཤད་ལ་ཉན་ནས་འདུག་རྒྱ་དེ། ཟམ་གདོང་བླ་མས་བཤད་པའི་དབུ་མའི་ལམ་གྱི་བསྐྱར་འགྲེལ་ཡང་འགྲེལ་རེད།
སྤྱིར་ན་༸གོང་ས་མཆོག་གིས་དབུ་མའི་ལམ་གྱི་དགོངས་ཚུལ་བྱུང་བ་ནས་བཟུང་། བོད་དང་། རྒྱ་ནག ཕྱི་རྒྱལ་ཡུལ་གྲུ་གང་སར་ཕན་ཐོགས་མང་པོ་བྱུང་ཡོད་ནའང་། ད་ཆ་སྲིད་བྱུས་འདིར་རྙིང་དུ་བྱིན་དེ།
བོད་མི་རིགས་ཀྱིས་ལམ་ཁ་གཞན་ཞིག་འདེམས་ཀྱི་ཡོད། ཟམ་གདོང་བླ་མ་ཁོང་གི་ཕྱག་རྟེན་དང་ལྷན་ཏུ་ཁོང་གི་བཤད་པའང་རྫོགས་རྒྱུ་རེད་རེད་ལ། དེ་དུས་བོད་མི་རིགས་ཀྱིས་ད་དུང་རྒ་ལ་མགོ་སྒུར་ནས་འདུག་དགོས་སམ།
དབུ་མའི་ལམ་གྱི་མཚན་ཉིད་ཞིག་བཞག་ན། རང་བཙན་ལ་ལོག་པར་ལྟ་ཞིང་། བདག་གཞན་ཐམས་ཅད་གཞན་འོག་ཏུ་དངོས་ཤུག་རྒྱུད་གསུམ་གྱིས་སྒོ་ནས་འཇུག་ཏུ་བཅུག་པ་དེ་དབུ་མའི་ལམ་གྱི་མཚན་ཉིད་ཞེས་ཟེར་ན་འཐད་པ་འདུག་གའི།
བཀུར་འོས་ཆོས་སྲིད་ལ་མཁས་དབང་སྐྱབས་རྗེ་ཟམ་གདོང་རིན་པོ་ཆེས་ད་ཆ་བཙན་བྱོལ་དབུ་མའི་ལམ་སྲིད་བྱུས་དེའི་བརྒྱུད་རིམས་དང། དགོས་པ་སོགས་གོ་བརྡའི་ཐོག་དེ་སྔོན་དང་མི་འདྲ་བར་ཁ་གསལ་གསལ་བརྗོད་གནང་བར་བཀའ་དྲིན་ཆེ་། ཡིན་ནའི་གསལ་བརྗོད་དེར་ཕྲན་གྱི་གོ་སྟངས་མི་འདྲ་བ་གཉིས་བྱུང་དེ་ཡང་། ༡། རིན་པོ་ཆེ་ད་ལྟའི་སྲིད་འགན་མེད་པ་གཅིག ༢། གལ་སྲིད་རྒྱ་ནག་མི་མང་སྤྱི་མཐུན་རྒྱལ་ཁབ་ཀྱི་རྩ་ཁྲིམས་སྒྲོམ་གཞི་དེ་མེད་པ་ཆགས་ན། ང་ཚོའི་གཉིས་སྨན་དབུ་མའི་ལམ་གྱི་སྲིད་བྱུས་དེའང་གཞི་རྩ་གསར་པ་ཞིག་གི་ཐོག་ནས་བསམ་བློ་གཏོང་དགོས། གསུངས་པར་ད་ལྟའི་འཛིན་སྐྱོང་བཀའ་ཤག་ནས་སྲིད་བྱུས་གསར་པ་འཛིན་དགོས་པའི་བརྡ་མིན་ནམ་སྙམ།
དབུ་མའི་ལམ་ཚང་གིས་དུས་ཐོག་ཆར་བའི་ལས་འགུལ་ཞིག་གོ་སྒྲིག་གནང་འདུག་ལ། རིན་པོ་ཆེ་མཆོག་གིས་ཀྱང་གནམ་ལྕག་ཐོག་མདའ་ལྟ་བུའི་གསུང་བཤད་གལ་ཆེན་ཞིག་གནང་འདུག དེང་སྐབས་ཕུ་ཐག་མེད་པའི་རང་བཙན་ཟེར་བ་དེའི་རྗེས་ལ་ཧོལ་རྒྱུག་བྱེད་མཁན་མགོ་ཐོམ་བྱེད་མཁན་ཡོང་གི་འདུག་ལ། བོད་རང་བཙན་ཤོད་མཁན་སྐོར་ཞིག་ནི་བོད་སྤྱི་བའི་དོན་ཟུར་ཙམ་ཡང་མེད་པར། སྒེར་གྱི་དོན་དག་སྒྲུབ་བྱེད་དང་ཟ་ཐུང་གི་ཆེད་ཡིན་ལ། དེ་ལས་ཉུང་ཤས་ཤིག་གིས་ནད་རྙིང་སྒེར་འཁོན་ཕྱོགས་འཐེན་ཆེད་རང་བཙན་རྩོད་ཁུལ་བྱེད་ཀྱི་ཡོད། ཡང་རེ་གཉིས་ཤིག་མགོ་གང་ཡང་མ་འཚོས་པར་གླེན་རྟགས་སྟོན་གྱིན་ཡོད་རེད།