མིག་མི་འཛུམ།
མི་གསོན་པོ་མེར་བསྒྲོན་པའི་ཚག་སྒྲ་དང་གཞོབ་དྲི། ལྷབ་ལྷུབ་ཀྱི་མེ་ལྕེ་མ་མཐོང་བར་དུས་ཡུན་གང་འཚམ་འགོར་བའི་དེ་རིང་། བཙན་བྱོལ་གཞུང་དང་མི་མང་། གཞུང་འབྲེལ་མ་ཡིན་པའི་ཚོགས་པ་ཁག་སོགས་ཀྱང་ཅུང་ཁོམ་པའི་སྣང་བ་ཞིག་གིས་ལྷོད་ལྷོད་འདྲ་ཞིག་མཐོང་། ཡིན་ནའང་ལོ་གཅིག་གི་ཉི་མ་སུམ་བརྒྱ་དྲུག་ཅུར་མི་ཁོམ་པའི་མི་གཅིག་རང་ཡོད་པ་ དེ་༸གོང་ས་མཆོག་ཡིན་ལ། ད་ལྟའང་ཡུ་རོབ་སོགས་སུ་ཆིབས་བསྒྱུར་བསྐྱངས་ནས་འགྲོ་དོན་མཛད་ཀྱི་ཡོད།
མི་ལོ་ཧྲིལ་བོ་དྲུག་ཅུ་ཐམ་པའི་རིང་སྐུ་ངལ་མྱངས་ཤིང་། ལས་ཁྱུར་བཏང་ཟིན་ནའང་། དགུང་ལོ་བརྒྱད་ཅུར་ཉེ་ནའང་ད་དུང་ང་ཚོའི་དོན་དུ་སྐུ་ངལ་མྱོང་གི་ཡོད། ཉེ་བའི་ཆར་སྒང་ཏོག་གི་བཀའ་སློབ་དང་བལ་ཡུལ་མི་མང་ལ་བསྩལ་བའི་བཀའ་སློབ། ད་སྐབས་ཡུ་རོབ་ཀྱི་ཡུལ་གྲུ་ཁག་གི་བཀའ་སློབ་སོགས་ལ་མཇལ་སྐབས། དངོས་གནས་མི་ཞིག་ལ་མཚོན་ནས་བཤད་ན་སེམས་ཤུགས་ཆག་གི་མེད་འགྲོ་བསམ་པའི་བཀའ་ནན་མོ་གནང་གི་འདུག དངོས་གནས་བཤད་ན། ད་བར་དུ་འུ་ཅག་གིས་ཁོང་གི་བཀའ་གསུང་བརྩི་ཡི་འདུག་གམ། མི་རེ་རེའི་ངོས་ནས་བསམ་བློ་ཞིག་བཏང་ན། དཀའ་སྡུག་གིས་གདུང་བའི་བགྲེས་སོང་ཞིག་གིས་ད་དུང་འདི་འདྲའི་དཀའ་ལས་རྒྱག་དོན་སུ་ཡིས་དོན་རེད་དམ། དེའི་ཕྱིར་མི་རང་རང་གི་ཉལ་ལག་བྲང་གིས་བསམ་བློ་ཞིག་གཏོང་དགོས་པའི་དུས་ཚོད་འཕྱི་མེད་ན་སྔ་ག་ལ་ཡོད།
བོད་ནས་གསར་དུ་འབྱོར་བའི་མི་དག་བལ་ཡུལ་སྣེ་ལེན་ཁང་ནས་གཞུང་དང་རྒྱལ་བ་རིན་པོ་ཆེ་ཟོས་ནས་རྡ་སར་ཡོང་། ངྷ་ས་ནས་ཀྱང་དེ་ལྟར་བསྡད་དེ་རང་གི་གཞུང་དང་རྒྱལ་བ་རིན་པོ་ཆེར་སྲི་ཞུ་སྒྲུབ་རྒྱུའི་བསམ་བློའི་ཚབ་ལ་ཕྱི་རྒྱལ་དུ་འགྲོ་རྒྱུ་དང་། གལ་སྲིད་ཕྱི་རྒྱལ་དུ་མ་ཐར་ཚེ་ཕྱིར་བོད་དུ་ལོག་འགྲོ་ཡི་ཡོད། ཡང་བཙན་བྱོལ་ཁྲོད་འཚར་ལོངས་བྱུང་བའི་ན་གཞོན་ཚོས་ཀྱང་སློབ་སྦྱོང་མཐར་ཕྱིན་རག་བར་དུ་རྒྱལ་བ་རིན་པོ་ཆེ་དང་བོད་གཞུང་ཟོས་ཤིང་། རང་མགོ་ཐོན་མ་ཐག་འཕུར་འགྲོ་རྒྱུ་གཅིག་བུར་བསམ་བློ་གཏོང་གི་ཡོད། ཐ་ན་གཞུང་ཞབས་དག་ཀྱང་གནས་སྐབས་ཀྱི་ལྟོ་རྒྱབ་ཆེད་གངས་ཅན་སྐྱིད་གཤོངས་ལ་གནས་འཆའ་བ་མ་གཏོགས། དོན་དངོས་ཀྱིས་ནམ་འཕུར་ཐུབ་ན་དེ་དུས་འཕུར་འགྲོ་ཡི་ཡོད། ལྷག་པར་དུ་གཞུང་གི་མིང་ཐོག་ནས་ཕྱི་རྒྱལ་ཁག་ཏུ་སློབ་སྦྱོང་ལ་སོང་བ་དང་གཞུང་ལ་བུ་ལོན་གཡར་ནས་སོང་བ་དག་ཀྱང་འཕུར་ཚར་དུས་ཉ་མོ་ཆུ་ལ་འཁྱུག་པ་བཞིན་དུ་འགྱུར་འགྲོ
རྒྱུ་མཚན་དེ་དག་ལ་བརྟེན་ནས་ད་སྐབས་བཙན་བྱོལ་གྱི་སློབ་གྲྭ་ཁག་དང་དགོན་སྡེ་ཁག་སྟོངས་ཉེན་གྱིས་འཚོ་བ་དང་། ཉིས་སྟོང་གཅིག་གཉིས་དང་བསྡུར་ན་བཙན་བྱོལ་དུ་འོང་མཁན་མེད་པར་ཕྱི་ལ་འགྲོ་མཁན་མང་བས་ཕྱོགས་སོ་སོ་ནས་སྟོངས་ཉེན་ཡོད། དེ་ལ་གཞུང་གི་ལས་ཀྱི་སྣེ་མོ་དག་བློ་ཚབ་སྐྱེས་གཞིར་གྱུར་ནས། སྐུ་ངོ་བློ་བཟང་སེང་གེ་མཆོག་ངྷ་སའི་བོད་པའི་སྤྱི་ཚོགས་ལ་གཟིགས་ཞིབ་དང་རྒྱུས་ལོན་བྱེད་དུ་ལན་དུ་མར་ཕེབས་དགོས་བྱུང་ཡོད།
དྲང་མོར་བཤད་ན། གོང་གི་དེ་དག་ནི་སྤྱིར་བཏང་གི་གནས་སྟངས་ཙམ་རེད། དེའི་ཐད་ལ་རྒྱལ་བ་རིན་པོ་ཆེ་དང་གཞུང་སུ་ཡིན་ཡང་བསམ་ཚུལ་གང་ཡང་མེད་ངེས་ཡིན། འོན་ཀྱང་ཟས་ནང་ནས་ཟོས་རྗེས་སྒོང་བ་ཕྱི་ལ་གཏོང་མཁན་གྱི་རིགས་ནི་ཧ་ཅང་གི་བློ་འཚབ་སྐྱེས་འོས་པ་ཞིག་ཡིན། དཔེར་ན། བཙན་བྱོལ་དུ་བསྡད་ནས་རྒྱལ་བ་རིན་པོ་ཆེ་དང་བོད་གཞུང་གི་ཟ་མ་ཟ་ཞོར་དུ་ཁ་གཏོང་མཁན་གྱི་རིགས་ཇེ་མང་དུ་འགྲོ་ཡི་ཡོད། ༸གོང་ས་མཆོག་ལ་མཚན་སྨད་ཞུ་མཁན་ཇེ་མང་དུ་འགྲོ་ཡི་འདུག ༸གོང་ས་མཆོག་གི་དགོངས་གཞི་ལ་ལོག་འགྲེལ་རྒྱག་མཁན་ཡོད་པ་འདི་དག་ནི་དངོས་གནས་ངན་པ་ངོ་ལ་ལྡིང་བ་ཁོ་ནར་མཐོང་། ཧ་ཅང་གནས་སྟངས་ཉག་ཕྲ་བའི་སྐབས་འདིར། ང་ཚོའི་མི་རེའི་ངོ་རེའི་ཐད་ནས་༸གོང་ས་མཆོག་ལ་ཐུགས་ཕམ་འབྱུང་གཞིའི་ལས་ཀ་ཕྲ་མོ་ཙམ་ཡང་བྱ་མི་འོས། གནད་དོན་གང་ལ་ཐུག་ནའང་༸གོང་ས་མཆོག་ལ་མཚན་སྨད་ཀྱི་ཟུར་ཙམ་ཡང་ཞུ་མི་འོས། བགྲེས་སོང་ཁོང་ལ་དེ་མི་འབབ།
༢༠༡༣ ། ༤ ། ༡༦ ལ་བྲིས།
བསྟན་ཆོས་ལགས་ཕེབས་ནས་བཀའ་སློབ་གསོལ་བསྩལ་གནང་བར་བཀའ་དྲིན་བླ་ལྷག་གིས་ཞུ་བཞིན་ནའང་། འཛམ་གླིང་ཁ་རྒྱབ་ལ་གྱོན་བཞིན་དུ་འདི་ལྟར་བཤད་ན། ལས་རྒྱུ་འབྲས་ཞེས་པ་ཞིག་གང་དུ་ཡོད་དམ། ཇག་པ་དང་ཁྲམ་པ་ཚང་མ་ལོ་སངས་རྒྱས་ཀྱི་རྣམ་སྤྲུལ་མ་ཡིན་ནམ།
མིག་མི་འཛུམ་ལགས། ད་རབས་ཀྱི་འདི་ལྟ་བུའི་ཁ་ཡང་མི འཛུམ་པ ལ་རེ་བསྐུལ་ཞུ།
སྤྱིར་སུ་ཡིན་ཡང་རང་ལ་བསམ་བློ་རེ་འཁོར་ཚེ་ཡི་གེབ། དེ་གང་ཞིག་ལ་གཏོང་རྐྱང་བྱས། དེ་ནས་ཀྱང་བཏོན་རྐྱང་བྱས། གོ་ནས་རིན་ཐང་མི་འདུག མི་མི་འཛ་གྱི་འདི་བཞིན རེད། དོན་ལ་ཁ་སྡོད་རེ་མེད་ཙམ་རེད། དེ་ལས་ཀྱང་གནས་ཚང་ལྟ་བུ་ནམ་ཡིན་ན་ཅིག་བཤད་སར་མ་ཚུད་པར་སྡད་འདུག་ཡིག་རྙོག ཨང་ཨང་་ད་མི་བཤད། བཙན་བྱོལ་བོད་ཡོང་སྒོ་གང་གི་ཡིན་མིན་ཤེས་མདོག་གི་གླེན་བཤད་ལ་ལྟོས་དང།
དོན་ལ་གོང་ས་མཆོག་དང་སྐྱབས་བཅོལ་སྒྲིག་འཛུགས་ནི་རོགས་དངུལ་དེ་དག་དོ་དམ་པ་དང་བགོ་འགྲེམས་པ་རེད།
སྐུ་ལས་བསྐྱོན་བཞིན་པ་བདེན་པ་རེད་ལ། མང་ཚོགས་ཀྱི་བསམ་འདུན་ངོ་མ་གང་ཡིན་གསན་རྒྱུའང་ཁ་ཚ་དགོས་གཏུག་རེད། དེ་མ་གཏོགས་སྤྲེལ་ལད་མིག་ལ་མཛེས་ཀྱང་སྙིང་པོ་ཡོག་མ་རེད།
གཞན་གསར་འབྱོར་བས་རྒྱལ་བ་རིན་པོ་ཆེ་དང་གཞུང་ཟོས་ནས་ཡོང་བ་རེད་ཅེས་པ་འདི་མ་རིག་པའི་གཏམ་རེད། རྒྱུ་མཚན་ནི་གསར་འབྱོར་བའི་ཟ་ཡ་འཐུང་ཡ་ཆ་ཚང་འཛམ་གླིང་མི་མང་གི་རོགས་དངུལ་རེད་ལ། ཡོང་ས་སྐྱབས་བཅོལ་ལས་ཁུངས་རེད། དེ་བས། འཛམ་གླིང་མི་མང་ནི་མར་གྱུར་སེམས་ཅན་ངོ་མ་དེ་རེད། དེ་བས། གོང་ས་མཆོག་དང་སྐྱབས་བཅོལ་སྒྲིག་འཛུགས་ནི་