བྷེ་བྷེ་སེ་གསར་ཁང་གིས་ཉེ་ཆར་འབར་མའི་ནང་པ་དང་ཁ་ཆེ་བར་ཟིང་འཁྲུག་བྱུང་སྐབས་ཀྱི་བརྙན་པར་ཞིག་ཕྱིར་བསྒྲགས་བྱས་པའི་ནང་། ཉེན་རྟོག་པས་དྲག་རྒོལ་མང་ཚོཊ་བཀག་འགོག་དང་ཁ་ཆེ་ཚོར་སྲུང་སྐྱོབ་བྱེད་ཀྱི་མེད་པ་གསལ་འདུག
དེ་རིང་ཕྱི་ཚེས་ ༢༢ ཉིན་བྷེ་བྷེ་སེ་ (BBC) གསར་ཁང་གིས་ཉེ་ཆར་འབར་མའི་ནང་པ་དང་ཁ་ཆེ་བར་ཟིང་འཁྲུག་བྱུང་སྐབས་ཀྱི་བརྙན་པར་ཞིག་ཕྱིར་བསྒྲཊ་བྱས་ཡོད་ཅིང་། བརྙན་པར་ཐུང་ངུ་དེར་ནང་པ་དང་ཁ་ཆེ་བར་བྱུང་བའི་ཟིང་འཁྲུག་སྐབས། ནང་པ་ཚོས་ཁ་ཆེ་གྲངས་ཉུང་མི་རིཊ་ལ་དྲག་རྒོལ་གཅར་རྡུང་བྱེད་བཞིན་ཡོད་ཀྱང་། ཉེན་རྟོག་པ་ཚོས་བཀག་འགོག་སྲུང་སྐྱོབ་མ་བྱས་པར་ཟུར་ནས་ལྟད་མོར་ལྟ་བཞིན་པ་དམིགས་འདོན་བྱས་འདུག
བརྙན་པར་དེའི་ནང་། ཕྱི་ཟླ་ ༣ པའི་ཚེས་ ༢༠ ཉིན་འབར་མའི་མེ་ཀི་ཊེ་ལཱ་ (Meiktila) ས་གནས་སུ་ནང་པ་ཚོས་ཁ་ཆེའི་གསེར་ཚོང་ཁང་ཞིག་ལ་དྲག་རྒོལ་དང་། ཉེ་འཁོར་གྱི་ཁ་ཆེ་བའི་སྡོད་ཁང་མེར་བསྲེཊ་གཏོང་སྐབས་སོགས་སུ་ཉེན་རྟོག་པས་ཟུར་ནས་བལྟས་སྡོད་པ་ལས་བཀག་འགོད་བྱེད་ཀྱི་མེད་པ་དང་། ལྷག་པར་དུ་ཁ་ཆེ་བ་ཞིག་མེར་བསྲེགས་ཡོད་པ་དེར་མང་ཚོགས་ཀྱིས་ “ ཁོའི་སྟེང་ཆུ་མ་གཏོར། ཁོ་ཤི་རུ་བཅུགས་ ” ཟེར་བའི་སྒྲ་བརྙན་པར་ལས་ཐོས་ཐུབ་ཀྱང་། ཉེན་རྟོག་པས་རྒྱང་ནས་བལྟས་སྡོད་བཞིན་པ་ལས་གང་ཡང་བྱེད་ཀྱི་མེད་པ་ཞིག་གསལ་འདུག
གོང་གི་དོན་རྐྱེན་དེ་དག་དང་འབྲེལ་ཡུ་རོབ་མཐུན་ཚོགས་ཀྱིས། འབར་མའི་ཆབ་སྲིད་བཅོས་སྒྱུར་ཐད་འགོག་རྐྱེན་(sanctions) ཕྱིར་འཐེན་བྱས་པའི་གནད་དོན་དེར་བསྐྱར་དུ་ཐག་གཅོད་བྱ་དགོས་སྐོར་བརྗོད་ཡོད་འདུག་ལ། དེ་བཞིན། རྒྱལ་སྤྱིའི་འགྲོ་བ་མིའི་ཐོབ་ཐང་སྡེ་ཚན་ཁག་གིས་ཀྱང་། ཉེ་ཆར་འབར་མའི་ཁ་ཆེ་གྲངས་ཉུང་མི་རིགས་སྟེང་དྲག་རྒོལ་བྱས་པའི་བྱ་སྤྱོད་དེར་འབར་མ་གཞུང་གིས་ཐག་གཅོད་གསལ་བོ་མ་བྱུང་བར་དུ་རྒྱལ་སྤྱིའི་འགོག་རྐྱེན་རིགས་ཕྱིར་འཐེན་མི་བྱ་བའི་ཉེན་བརྡ་བཏང་འདུག
ཕྱི་ཟླ་ ༣ ཚེས་ ༢༠ ཉིན་གྱི་དོན་རྐྱེན་དེ་ནི། ཐོག་མར་ཁ་ཆེ་གསེར་ཚོང་ཁང་ཞིག་ཏུ་ཚོང་བདག་དང་གསེར་ཉོ་མཁན་ནང་པ་ཞིག་གི་བར་རྩོད་རྙོག་བྱུང་པ་དེས་རྐྱེན་པས་ནང་པའི་གྲྭ་བ་གཅིག་ལ་གཅར་རྡུང་གིས་རྐྱེན་ལམ་དུ་ཕྱིན་པ་བཅས་ཀྱི་འོག ནང་པ་དང་ཁ་ཆེ་བར་ཟིང་འཁྲུག་ཤུགས་ཆེ་རུ་ཕྱིན་ཏེ། མི་ ༤༣ ཙམ་རྐྱེན་ལམ་དུ་བཏང་ཡོད་པ་དང་། ཁ་ཆེ་བ་སྟོང་ཕྲག་འགའ་ས་གནས་གཞན་དུ་ཉེན་ཡོལ་བྲོས་བྱོལ་བྱས་དགོས་བྱུང་ཡོད་འདུག
གསར་འགོད་པ། བནྡེ་སྐྱབས།
འོ་ད་གཟིགས་དང་། ལུང་པ་འདི་ཚོས་གོ་སྐབས་བེད་སྤྱོདཔ་རེད། སྔོན་བོད་དོནལའང་དེ་རང་བྱས་ཟིན་པ་རེད། བྱས་ཙང་བསམ་བློ་གཏིང་ཟབ་བཏང་ནས་རང་རྒྱལ་ཁྱབ་བསྲུང་དགོས་པ་འདུག་ག་ད་འདི་འདྲ་རེད། ཁ་ཆེ་བས་འགྲིག་མིན་འདུག་ལབ་་ན་དབྱིན་ཇིམགོ་་ལ་འབར་རྫས་གཏོར་ངེས་རེད།། ཧ་ཧ་ཧ་དབྱིན་ཇི་མགོ་བདེ་རེད། ཁ་ཆེ་་འདི་ཚོ་ལ་ལམ་སྟོན་དང་། འབར་མ་གཞུང་ལའང་དྲང་བདེན་མང་གཙོ་ལམ་ལོང་ཡོང་བ་སོགས་གླེང་དུས་རེད།།། འདི་་འངྲ་རེད་ད།།།
ཨ་རའི་ནང་འཁྲུག་ལྷུང་བྱེད་གྱི་གནས་ཚུད