བཙན་བྱོལ་སྤྱི་ཚོགས་ནང་སྔོན་མ་ནས་བཟི་སྨན་དང་མྱོས་རྫས་ངན་གོམས་ཀྱི་དབང་གིས་གཞོན་སྐྱེས་ལས་མེད་དང་སློབ་ཕྲུག་འགའ་རེ་འཕྲོ་བརླག་ཏུ་འགྲོ་བཞིན་པའི་གནས་ཚུལ་ཡོད་ལ། ཉེ་ལམ་འདི་གའི་གསར་འགོད་པས་མྱོས་རྫས་ངན་གོམས་ཅན་གྱི་གཞོན་སྐྱེས་ཤིག་དང་གླེང་མོལ་བྱས་སྐབས་ཁོ་རང་གི་མཐོང་ཐོས་མྱོང་གསུམ་ལྷུག་པོར་བརྗོད་ཡོད།
རྒྱ་གར་བྱང་ཕྱོགས་ངྷ་རམ་ས་ལའི་མེག་གྷན་དྷ་རམ་ཀོ་ཊི་ (Dharamkot)ཞེས་པའི་ལམ་ཁ་གཡས་གཡོན་དུ། རྒྱུན་པར་བོད་རིགས་གཞོན་སྐྱེས་མང་པོས་དུད་ཆང་དང་མྱོས་རྫས་(Drug)རིགས་བེད་སྤྱོད་ཀྱིས་དྲན་པ་འཐོར་ནས་བསྡད་ཡོད་པ་མང་པོ་མཐོང་རྒྱུ་འདུག་ལ། ལྷག་པར་དུ་ཁོང་ཅག་གི་སྐམ་ཞིང་རིད་པའི་གཟུགས་པོ། ནག་ཅིང་སྐྱོ་ཉམས་ཀྱིས་ཁེངས་པའི་ངོ་གདོང་དེ་དག་གིས་ཕྱི་ནང་གི་དཀའ་ངལ་མང་དག་ཅིག་གི་གནོན་བཙིར་འོག་འདི་ལྟར་མི་ཚེ་འཕྲོ་བརླག་ཏུ་ཕྱིན་པ་མིན་ནམ་སྙམ་པའི་ཚོར་བ་འགོག་མེད་དུ་བསྟེར། དེ་དང་མཉམ་དུ་ཁོང་ཅག་གི་ཟས་གོས་གནས་མལ་དང་། ཉིན་རེའི་འཚོ་བ་སྐྱེལ་སྟངས་སོགས་ལའང་སེམས་འཚབ་ཅིག་འགོག་མེད་དུ་སྐྱེ་འོང་ངེས། ཉེ་ལམ་འདི་གའི་གསར་འགོད་པ་བཟི་སྨན་ངན་གོམས་སུ་སོང་སྟེ་ཡུན་རིང་ཕྱིན་ཞིང་། ཚེ་སྲོག་གི་རྒྱུ་བ་ཕྲ་མོ་ཐེངས་དུ་མར་འཕྲོག་གྲབས་བྱས་མྱོང་མཁན་རིན་ཆེན་རྡོ་རྗེ་ཟེར་བའི་ཕོ་གསར་ཞིག་དང་གླེང་མོལ་གྱི་གོ་སྐབས་བྱུང་།
རིན་ཆེན་རྡོ་རྗེ་ལགས་ནི་ལྷ་ས་གྲོང་ཁྱེར་ཚེ་སྨོན་གླིང་ནས་ཡིན་པ་དང་། རང་ལོ་ ༧ ཐོག་རྒྱ་གར་ལ་བཙན་བྱོལ་དུ་བསླེབས་ཏེ་དྷ་སྟེང་བོད་ཁྱིམ་དུ་སློབ་གཉེར་བྱས། སློབ་གྲྭ་རུ་རྒྱུགས་འབྲས་ཨང་དང་པོ་ནས་གསུམ་པའི་འོག་ཏུ་ཟགས་མྱོང་མེད་སྟབས། འཛིན་གྲྭའི་རྒན་ལགས་ཀྱིས་ཁོ་ལ་ཧ་ཅང་བྱམས་པོ་བྱས་པ་མ་ཟད། སློབ་གྲྭའི་དགེ་རྒན་དང་སློབ་ཕྲུག་མང་པོ་ཞིག་གིས་ཀྱང་ཁོང་ལ་བསྟོད་བསྔགས་དང་ཀུན་གྱིས་མིག་དཔེ་ལྟ་སར་གྱུར་ཡོད་འདུག ཡིན་ནའང་། མི་སྐྱོན་མེད་འཇིག་རྟེན་ཁམས་ན་མེད། ཤིང་འཛེར་མེད་རྒྱ་རྫོང་ནགས་ན་མེད་ཟེར་བ་ལྟར། བར་ལམ་ཞིག་གིས་ཁོ་འཛིན་གྲྭར་རྗེས་ལུས་ཐེབས་པ་དང་། དགོངས་པ་མ་ཞུས་པར་ཕྱི་རོལ་དུ་བྲོས་འགྲོ་བ་སོགས་སློབ་གྲྭའི་སྒྲིག་གཞིར་འགལ་བའི་བྱ་སྤྱོད་མང་པོ་བྱུང་པ་མ་ཟད། ཉིན་ཞིག་སློབ་གྲོགས་ ༢ དང་མཉམ་དུ་བོད་ལ་འགྲོ་རྒྱུ་ཡིན་ཟེར་ནས་བལ་ཡུལ་དུ་བྲོས་ཡོད་ཀྱང་། སྟབས་མ་ལེགས་པ་ཞིག་ལ། བལ་ཡུལ་སྣེ་ལེན་ཁང་གིས་བོད་ཁྱིམ་གྱི་སློབ་མ་ ༣ བྲོས་བྱོལ་དུ་སླེབས་འདུག་ཟེར་ནས་སློབ་གྲྭ་རུ་བརྡ་ལན་སྤྲད་སྟབས། ཟླ་ ༡ ཙམ་གྱི་རྗེས་སུ་ཁོ་ཚོ་ཕྱིར་སློབ་གྲྭ་རུ་འཁྲིད་ཡོད་ཀྱང་། སློབ་གྲོགས་རིན་ཆེན་རྡོ་རྗེ་ཡིས་དེ་སྔོན་ནས་སློབ་གྲྭའི་སྒྲིག་ལམ་ལ་གཏོར་བཤིག་མང་པོ་བཏང་ཡོད་སྟབས་སློབ་གྲྭས་ངོས་ལེན་མ་བྱས་པར་ཁོ་གཅིག་པུ་ལྷག་ཡོད་འདུག
དེ་ནས་འཛིན་གྲྭའི་རྒན་ལགས་ཁོ་ལ་ཧ་ཅང་འཆམ་པོ་ཡོད་སྟབས་ཐབས་བརྒྱ་ཇུས་སྟོང་གིས་ལ་དྭགས་དམག་སྦྱོང་ཁང་དུ་བཅུག་ཡོད་ཀྱང་། རིན་ཆེན་རྡོ་རྗེ་རང་ལོ་ ༡༧ ལས་ལོན་མེད་པས་དམག་སྦྱོང་གྲ་སྒྲིག་ཁང་དུ་ཟླ་ཤས་རིང་འདུག་དགོས་ཁེལ་བ་དང་། དམག་སྦྱོང་གྲ་སྒྲིག་ཁང་གི་ན་གཞོན་ཚོས་རྒྱུན་དུ་བཟི་སྨན་ཟ་བ་དང་བཟི་ཁབ་རྒྱག་པ་སོགས་བྱེད་ཀྱི་ཡོད་སྟབས། དང་ཐོག་རིན་ཆེན་རྡོ་རྗེ་ཡིས་བཟི་སྨན་གྱི་བྲོ་བར་ལྟ་ཙམ་བྱེད་འདོད་ཀྱིས། གྲོགས་པོ་ཚོར་རྐང་གཅིག་དང་གཉིས་བྱས་ནས་བསླངས་ཡོད་པ་དང་། རིམ་གྱིས་ངན་གོམས་སུ་སོང་ཏེ་ཁོ་བོ་དམག་སྒར་ནས་ཕྱིར་འཕུད་བཏང་བ་མ་ཟད། ཁོང་གི་ཕ་མ་གཉིས་ལ་འབྲེལ་བ་ཆད་དེ། བདག་མེད་ཁེར་རྐྱང་གིས་བཟི་སྨན་གྱི་མནར་གཅོད་གང་མང་མྱངས་ཡོད་པ་མ་ཟད། ༢༠༠༠ ལོ་ནས་ད་ལྟའི་བར་ཁོ་རང་གི་གྲོགས་པོ་ ༡༣ ཙམ་མྱོས་རྫས་རིགས་ངན་གོམ་གྱི་དབང་གིས་འདས་གྲོངས་སུ་ཕྱིན་ཡོད་འདུག
ཁོས་བཟི་སྨན་ངན་གོམས་སུ་སོང་རྗེས་དཀའ་ངལ་མང་པོ་འཕྲད་སྐོར་བརྗོད་དོན། “ དང་ཐོག་ངས་བཟི་སྨན་རིགས་ཁབ་རྒྱག་པ་དང་ཟ་བ་སོགས་ཚང་མ་བྱས་པ་ཡིན། རྗེས་སུ་རྡེ་ལྡུན་བཟི་སྨན་འགོག་གཅོད་ཁང་དུ་སོང་ནས་ཟླ་ ༣ རིང་སྦྱོང་བརྡར་བྱས་ཏེ། ཁབ་རྒྱག་རྒྱུ་རིམ་གྱིས་སྤངས་ཐུབ་སོང་། ཡིན་ནའང་། བཟི་སྨན་ཟ་རྒྱུ་མེད་ན་ལས་ཀ་བྱེད་ཐུབ་ཀྱི་མི་འདུག་ལ། ལུས་ཡོངས་ལ་ན་ཟུག་བཏང་སྟེ་ཟ་མ་བཟའ་འདོད་མེད་པ་དང་། མཚན་མོ་གཉིད་ཀྱང་གཏན་ནས་མི་ཁུག་པ་སོགས་དཀའ་ངལ་ཞེ་དྲག་འདུག དམག་སྒར་དུ་ཡོད་སྐབས་ཟླ་ཕོགས་ཆེན་པོ་ཡོད་པས་བཟི་སྨན་ཉོ་བར་དཀའ་ངལ་མི་འདུག འོན་ཀྱང་། བཟི་སྨན་བེད་སྤྱོད་བཏང་ན་དམག་མིའི་སྒྲིག་གཞི་དང་འགལ་ཡོད་སྟབས། རྗེས་སུ་ང་དམག་སྒར་ནས་ཕྱིར་འཕུད་བཏང་སོང་། ” ཅེས་བརྗོད་བྱུང་།
ཁོས་མུ་མཐུད་དུ། “ དེ་ནས་དྷ་རམ་ས་ལར་ཡོང་ནས་བསྡད་པ་ཡིན། སྐབས་དེར་ཨ་མ་ལགས་ཀྱིས་ཟླ་རེར་ཉུང་མཐར་ཧིན་སྒོར་ ༣༠༠༠༠ ལྷག་བསྐུར་ཡོང་བས་མུ་མཐུད་དུ་བཟི་སྨན་ཟོས་པ་ཡིན། ཕྱིས་སུ་ཨ་མ་ལགས་ཀྱིས་ངས་མྱོས་རྫས་སྤྱོད་ཀྱི་ཡོད་པ་དང་། འཁྱམ་ཉུལ་བྱས་ནས་བསྡད་ཡོད་པ་གོ་ཐོས་བྱུང་སྟེ་ཟླ་ ༡ ལྷག་རིང་ཨ་མ་ལགས་སྙིང་ནད་ཕོག་ནས་སྨན་ཁང་དུ་ཉལ་དགོས་བྱུང་སོང་། སྐབས་དེར་ངས་ཨ་མ་ལགས་ལ་ཁ་པར་བཏང་ཡང་། ཕ་མ་གཉིས་ངུས་ནས་སྐད་ཆ་མང་པོ་བཤད་ཐུབ་ཀྱི་མི་འདུག ཨ་མ་ལགས་ཀྱིས་རྗེས་ཕྱོགས་ནས་ཁྱིམ་མིར་རེ་བ་གཏན་ནས་མ་བཅང་གསུངས་སྟབས། དེ་ནས་བཟུང་ཁྱིམ་མིར་ཁ་པར་བཏང་མེད་ལ་སྒོར་མོ་བསླངས་མྱོང་མེད། ཕྱི་རྒྱལ་བ་གྲོགས་པོ་ཚོར་བསླངས་ནས་འཚོ་བ་འཁྱོལ་ཐབས་ཙམ་བྱས་ནས་བསྡད་པ་ཡིན” ཟེར།
དེང་སང་ག་རེ་བྱེད་ཀྱི་ཡོད་མེད་དྲིས་པར་ཁོང་གིས། ཉེ་སྔོན་སྐུ་ངོ་ཟླ་བ་ཚེ་རིང་ལགས་ཀྱིས་མི་ཆེད་མངགས་ཀྱིས། ང་ཚོ་བཟི་སྨན་སྤྱོད་མཁན་དང་ཆང་རག་འཐུང་མཁན་ཚོ་སྐད་བཏང་ཏེ། ལས་ཀ་དང་ཟ་མ་སོགས་སྤྲད་ནས་ང་ཚོ་བདག་མེད་ཚོར་ཧ་ཅང་ཡག་པོ་བྱས་སོང་། ད་ལྟ་ངས་ལས་མེད་ཚོགས་པ་རུ་ཤེལ་རིགས་བཙོ་སྦྱངས་ཀྱི་ལས་ཀ་བྱེད་བཞིན་ཡོད། ལས་ཀ་ལ་མགོ་འཁོར་ནས་བསྡད་ན་དུས་ཚོད་འཁྱོལ་བས་ཧ་ཅང་སྐྱིད་པོ་འདུག ལས་ཞོར་དུ་ཉིན་རེ་བཞིན་བཟི་སྨན་བཟའ་རྒྱུ་ཉུང་རུ་གཏོང་བཞིན་ཡོད་ལ། མ་འོངས་པར་བཟི་སྨན་གཙང་གཅོད་ཐུབ་པའི་ཡིད་ཆེས་བཅངས་ཡོད། ” ཅེས་བརྗོད་སོང་།
མཇུག་ཏུ་བརྒྱུད་ལམ་འདི་བརྒྱུད་དེ་རང་རིགས་གཞོན་སྐྱེས་ཚོར་འབོད་སྐུལ་ཅི་ཞིག་བྱེད་འདོད་ཡོད་དྲིས་པར། “ང་རང་ལ་ཆ་བཞག་ན། སྔོན་ཆད་བཟི་སྨན་བེད་སྤྱོད་གཏོང་སྐབས་ཧ་ཅང་སྐྱིད་པོ་འདུག མ་འོངས་པ་ཞིག་ལ་བསམ་བློ་ཡང་འཁོར་མ་མྱོང་། ད་ལྟ་བསམ་བློ་ཞིག་བཏང་དུས། ངས་ག་རེ་བྱས་ནས་དེ་ལྟར་བྱས་པ་ཡིན་ནམ་བསམ་ནས་འགྱོད་པ་ཞེ་དྲག་སྐྱེ་ཡི་འདུག སྒོར་མོ་མང་པོ་བཏང་ཚར་བ་སྐྱོན་མི་འདུག འོན་ཀྱང་། ངན་གོམས་སུ་སོང་ཚེ་སྒོར་མོ་མེད་པར་རྐུ་མ་རྒྱག་པ་སོགས་བྱ་སྤྱོད་ངན་པའི་རིགས་སྣ་ཚོགས་བྱེད་དགོས་ཁེལ་ལ། དེ་ལྟར་བྱས་ན་སོ་སོའི་ཁྱིམ་ཚང་དང་མི་རིགས་ལའང་མིང་ངན་པ་བཟོ་ངེས་རེད། དེའི་ཕྱིར་དང་པོ་ནས་བཟི་སྨན་རིགས་ལ་ངན་གོམས་སུ་འགྲོ་རུ་མི་འཇུག་རྒྱུ་ཧ་ཅང་གལ་ཆེན་པོ་རེད། གལ་སྲིད་གོམས་ཚར་ན། གཅོད་དགོས་བསམ་ཡང་གཟུགས་པོས་ལྕོགས་ཁག་པོ་འདུག ” ཅེས་བརྗོད་སོང་བ་དང་། དེ་བཞིན། མ་འོངས་པར་ཀུན་ཕན་ཚོགས་པའི་འགན་འཛིན་སྐུ་ངོ་ཟླ་བ་ཚེ་རིང་ལགས་ཀྱི་གོ་སྒྲིག་འོག བཟི་སྨན་བཅད་ཚར་མཁན་ཚོས་སོ་སོའི་ཉམས་མྱོང་རྣམས་འགྲེལ་བཤད་བྱས་ཏེ། བཟི་སྨན་སྤྱད་ནས་གནས་སྐབས་སུ་སྐྱིད་པོ་བྱས་ནས་བསྡད་ཡོད་པའི་བོད་རིགས་གཞོན་སྐྱེས་ཚོར་ལམ་སྟོན་གནང་འཆར་ཡོད་སྐོར་སོགས་བརྗོད་སོང་།
![A large crowd walks in a market area outside Dadar station in Mumbai, India, Friday, March 17, 2023. [AP Photo/Rajanish Kakade]](https://tibettimes.net/wp-content/uploads/2026/04/Screen-Shot-2026-04-02-at-5.36.58-PM-360x180.png)
ཉེར་གཅིག་པའི་ཅོང་བརྡ་ལགས། དྷ་སྟེང་བོད་ཁྱིམ་གྱི་སློབ་ཕྲུག་ཚོས་བཟི་སྨན་བཟའ་བའི་ངན་སྤྱོད་འདི་ནི་རྗེ་བཙུན་པདྨའི་སྐྱོན་ཡིན་སྟངས་ཅིག་གསུང་རོགས་གནོངས་དང་། ཅོང་བརྡ་ལགས།
དྷ་སྟེང་བོད་ཁྱིམ་གྱི་སློབ་ཕྲུག་ཚོས་བཟི་སྨན་བཟའ་བའི་ངན་སྤྱོད་འདི་ནི་རྗེ་བཙུན་པདྨའི་སྐྱོན་རེད།
སྐུ་ངོ་ཟླ་བ་ཚེ་རིང་ལགས་ཀྱི་ཕྱག་ལས་ལ་རྗེས་སུ་ཡི་རང་ཆེན་པོ་ཡོད་དོ།།
དེང་སང་ག་རེ་བྱེད་ཀྱི་ཡོད་མེད་དྲིས་པར་ཁོང་གིས། ཉེ་སྔོན་སྐུ་ངོ་ཟླ་བ་ཚེ་རིང་ལགས་ཀྱིས་མི་ཆེད་མངགས་ཀྱིས། ང་ཚོ་བཟི་སྨན་སྤྱོད་མཁན་དང་ཆང་རག་འཐུང་མཁན་ཚོ་སྐད་བཏང་ཏེ། ལས་ཀ་དང་ཟ་མ་སོགས་སྤྲད་ནས་ང་ཚོ་བདག་མེད་ཚོར་ཧ་ཅང་ཡག་པོ་བྱས་སོང་། ད་ལྟ་ངས་ལས་མེད་ཚོགས་པ་རུ་ཤེལ་རིགས་བཙོ་སྦྱངས་ཀྱི་ལས་ཀ་བྱེད་བཞིན་ཡོད། ལས་ཀ་ལ་མགོ་འཁོར་ནས་བསྡད་ན་དུས་ཚོད་འཁྱོལ་བས་ཧ་ཅང་སྐྱིད་པོ་འདུག ལས་ཞོར་དུ་ཉིན་རེ་བཞིན་བཟི་སྨན་བཟའ་རྒྱུ་ཉུང་རུ་གཏོང་བཞིན་ཡོད་ལ། མ་འོངས་པར་བཟི་སྨན་གཙང་གཅོད་ཐུབ་པའི་ཡིད་ཆེས་བཅངས་ཡོད། ” ཅེས་བརྗོད་སོང་། ་་་་་་་ཟེར།
་་་་་་་་་་་་། སྐབས་དེར་ངས་ཨ་མ་ལགས་ལ་ཁ་པར་བཏང་ཡང་། ཕ་མ་གཉིས་ངུས་ནས་སྐད་ཆ་མང་པོ་བཤད་ཐུབ་ཀྱི་མི་འདུག ཨ་མ་ལགས་ཀྱིས་རྗེས་ཕྱོགས་ནས་ཁྱིམ་མིར་རེ་བ་གཏན་ནས་མ་བཅང་གསུངས་སྟབས། དེ་ནས་བཟུང་ཁྱིམ་མིར་ཁ་པར་བཏང་མེད་ལ་སྒོར་མོ་བསླངས་མྱོང་མེད། ཕྱི་རྒྱལ་བ་གྲོགས་པོ་ཚོར་བསླངས་ནས་འཚོ་བ་འཁྱོལ་ཐབས་ཙམ་བྱས་ནས་བསྡད་པ་ཡིན” ཟེར། ་་་་་་་་་
་་་་་་་ སློབ་གྲོགས་རིན་ཆེན་རྡོ་རྗེ་ཡིས་དེ་སྔོན་ནས་སློབ་གྲྭའི་སྒྲིག་ལམ་ལ་གཏོར་བཤིག་མང་པོ་བཏང་ཡོད་སྟབས་སློབ་གྲྭས་ངོས་ལེན་མ་བྱས་པར་ཁོ་གཅིག་པུ་ལྷག་ཡོད་འདུག
དེ་ནས་འཛིན་གྲྭའི་རྒན་ལགས་ཁོ་ལ་ཧ་ཅང་འཆམ་པོ་ཡོད་སྟབས་ཐབས་བརྒྱ་ཇུས་སྟོང་གིས་ལ་དྭགས་དམག་སྦྱོང་ཁང་དུ་བཅུག་ཡོད་ཀྱང་། ་་་་་་
གྲོགས་པོ་ཚོར་རྐང་གཅིག་དང་གཉིས་བྱས་ནས་བསླངས་ཡོད་པ་དང་། རིམ་གྱིས་ངན་གོམས་སུ་སོང་ཏེ་ཁོ་བོ་དམག་སྒར་ནས་ཕྱིར་འཕུད་བཏང་བ་མ་ཟད། ཁོང་གི་ཕ་མ་གཉིས་ལ་འབྲེལ་བ་ཆད་དེ།
བདག་མེད་ཁེར་རྐྱང་གིས་བཟི་སྨན་གྱི་མནར་གཅོད་གང་མང་མྱངས་ཡོད་པ་མ་ཟད། ༢༠༠༠ ལོ་ནས་ད་ལྟའི་བར་ཁོ་རང་གི་གྲོགས་པོ་ ༡༣ ཙམ་མྱོས་རྫས་རིགས་ངན་གོམ་གྱི་དབང་གིས་འདས་གྲོངས་སུ་ཕྱིན་ཡོད་འདུག ་་་་་་་་་ཟེར།
བཙན་བྱོལ་ནང་མྱོས་རྫས་སྤྱོད་མཁན་འདི་འདྲ་མང་པོ་ཞིག་ཡོང་དགོས་པའི་རྒྱུ་རྐྱེན་འཚོལ་དགོས་པ་རེད། རྒྱུན་རྐྱེན་སྔོན་ལ་བཀག་སྟེ་གནས་ཚུལ་ཐབས་གདུག་འདི་རིགས་བཀག་སྡོམ་བྱེད་དགོས་པ་རེད། ང་རང་གི་ངོས་འཛིན་ལྟར་ན། བཙན་བྱོལ་ནང་ཉལ་སྤྱོད་མཁན་མང་བ་དང་། ལྷག་པར་དུ་བཟི་སྨན་རིགས་ཀྱིས་ན་གཞོན་མང་པོ་ཞིག་འཕྲོ་བརླག་ཏུ་འགྲོ་བཞིན་ཡོད་པའི་རྩ་བ་གཉིས་ལ་ཐུག་འདུག དང་པོ་སྤྱི་ཚོགས་ཧྲིལ་བོ་དཔལ་འབྱོར་སྐྱོ་བོ་ཡིན་པས་དབང་གིས་རེད། ན་གཞོན་ཞིག་འཚར་ལོངས་བྱུང་བའི་གོ་རིམ་ནང་སྤྱི་ཚོགས་ཀྱི་དཔལ་འབྱོར་དང་མི་སྒེར་གྱི་དཔལ་འབྱོར། ཁོར་ཡིག་གི་ཆ་རྐྱེན་སོགས་གང་ལེགས་ཤིག་མེད་པ་ཡིན་ན་མི་དེས་སྤྱོད་པ་སྣ་ཚོགས་སྟོན་པ་དང་། མི་གཤིས་ཆལ་ཆོལ་དུ་གྱུར་ཡོང་གི་རེད། འོན་ན་ད་ལྟའི་རྒྱ་གར་གྱིས་མཚོན་པའི་རྒྱལ་ཁབ་སྐྱོ་བོ་དག་དང་། བོད་པའི་སྔོན་མའི་སྤྱི་ཚོགས་དེའི་ནང་གི་མི་ཚང་མ་སྤྱོད་པ་ལོག་མེད་པ་གང་ཡིན་ཞེས་དྲི་བ་ཡོང་སྲིད་ཀྱང་། དེ་ནི་སྤྱི་ཚོགས་ཁྱོན་ཡོངས་ཀྱི་ཆ་ནས་དོ་སྙོམས་པོའི་ཐོག་བསྡད་ཡོད་པ་རེད། ཁ་སང་དེ་རིང་བཙན་བྱོལ་བོད་པའི་སྤྱི་ཚོགས་ལ་མཚོན་ན། འཚོ་སྡོད་བྱེད་སའི་སྤྱི་ཚོགས་དང་མི་སྒེར་འགུལ་སྐྱོད་ཀྱི་ཁོར་ཡུག་གི་གནས་བབ་དང་མི་སྒེར་གྱི་དཔལ་འབྱོར་ཟེར་ན་འདྲ་ཆ་རྐྱེན་གྱི་གནས་སྟངས་གཉིས་དོ་སྙོམས་པོ་ཡོང་ཐུབ་ཀྱི་ཡོད་པ་མ་རེད། འདི་སྤྱི་ཚོགས་རིག་པའི་གཞུང་ལུག་སྟེང་གི་གནས་ལུགས་ཤིག་རེད།
རྒྱུ་མཚན་གཉིས་པ་དེ་བོད་པ་ཚོ་བཙན་བྱལ་ལམ་མིའི་ལུང་པར་སྐྱབས་བཅོལ་དུ་བསྡད་ཡོད་པའི་དབང་གིས་རེད། ཕ་ཡུལ་དང་ཕ་མ་གཉེན་ཉེ་གྲོགས་ཕོ་མོ་མང་པོ་ཞིག་དང་ཁ་བྲལ་ནས་བསྡད་ཡོད་པ་མ་ཟད། སྤྱི་ཚོགས་ཀྱི་ཁོར་ཡུག་གསར་པ་དང་ཐ་ན་ཟས་སྤྱོད་སོགས་ཀྱང་གསར་པ་རྐྱང་རྐྱང་ལ་གདོང་ལེན་བྱེད་དགོས་ཆགས་ཀྱི་ཡོད་པ་རེད། བཙན་བྱོལ་སྤྱི་ཚོགས་ནང་སྐྱེས་ཤིང་འཚར་ལོངས་བྱུང་བ་དག་ལའང་ཕ་མའི་ཤུགས་རྐྱེན་ཏན་ཏན་ཐེབས་ཡོད་པའི་དབང་གིས་རང་བཞིན་གྱིས་ཕ་ཡུལ་མེད་པ་དང་སོ་སོ་སྤྲང་བོ་ཡིན་པའི་འདུ་ཤེས་ཤིག་ཆུང་ཆུང་སྐབས་ནས་རྒྱུད་དུ་བསྐྲུན་ཡོད་པ་རེད། གནས་ལུགས་དེའི་དབང་གིས་རྒྱ་བལ་འབྲུག་གསུམ་གཙོས་པའི་ཕྱི་རྒྱལ་ཡུལ་གྲུ་གང་སར་ཡོད་སྐྱབས་བཅོལ་བོད་མི་མཐུན་མོང་ལ་སེམས་ཀྱི་དཀའ་ངལ་ཞིག་ཡོད་ཡོད་པ་རེད། ཕ་ཡུལ་དང་ཕ་མ་དང་། གཉེན་ཉེན་སྤུན་ཟླར་ཁ་བྲལ་བ་དང་། ལྷག་དོན་དུ་མི་ཞིག་ལ་ཡོད་དགོས་པའི་རྐང་འོག་གི་ས་དང་མགོ་ཐོག་གི་གནམ་སོགས་ཀྱི་མི་གཞན་གྱི་ཡིན་པའི་གནས་ཚུལ་འདིའི་གནོན་ཤུགས་དེ་ན་གཞན་དང་མ་འདྲ་བའི་གནོན་ཤུགས་དང་སྡུག་བསྔལ་ཅན་ཞིག་ཡིན། འགྲོ་བ་མིའི་གཞི་རྩའི་རང་དབང་དང་ཐོབ་ཐང་གི་ཐོག་ལ་རྩོད་ཡུལ་མེད་པའི་དཀའ་ངལ་ཞིག་ཆགས་ཡོད། གལ་སྲིད་མི་ཞིག་གིས་ཁྱོད་ཀྱི་རང་དབང་དང་ཐོབ་ཐང་འཕྲོག་གི་ཡོད་ན་དེ་ནི་སྡུག་བསྔལ་ཞིག་ཡིན་ནའང་དེ་དང་མཉམ་དུ་ཁོང་ཁྲོ་ཞིག་ཀྱང་ཡོད་སྟབས། ཁོང་ཁྲོ་དེ་ནི་མི་སྒེར་གྱི་སྟོབས་ཤུགས་ཆགས་ཡོད། འདི་ཡང་སེམས་ཁམ་རིག་པའི་གཞུང་ལུགས་ནང་གི་གནས་ཚུལ་ཞིག་ཡིན། གནས་སྐབས་རིང་དེ་ཙམ་བྱོས།