མིག་མི་འཛུམ།
འདི་ལོའི་བོད་ཀྱི་མི་རབས་གསར་བའི་འོས་ལངས་ངོ་རྒོལ་གྱི་དུས་དྲན་ཉིན་མོ་སྟེ། ཕྱི་ ༩ ཚེས་ ༢༧ ཉིན་བོད་ཀྱི་རྒྱལ་ས་ལྷ་ས་ནས་འོས་ལངས་ངོ་རྒོལ་བྱས་ཏེ་ལོ་ངོ་ཉེར་གཉིས་འཁོར་བ་དང་སྟབས་བསྟུན། འཆར་ཅན་གྱི་ལོ་འཁོར་གསུམ་རེའི་ནང་བོད་ཀྱི་དགུ་བཅུ་གསུམ་ལས་འགུལ་ཚོགས་པའི་ཚོགས་ཆེན་ཐེངས་དྲུག་པ་དེ་ཚོགས་ཡོད། ཐེངས་འདིའི་ཚོགས་ཆེན་སྟེང་བསྐྱར་དུ་བོད་ཀྱི་དགུ་བཅུ་གསུམ་ལས་འགུལ་ཚོགས་པ་དབུ་མའི་ལམ་ལ་ཤར་སྐྱོད་བྱ་རྒྱུར་མང་མོས་བྱུང་འདུག འདིའི་ཐད་གསར་འགྱུར་བརྒྱུད་ལམ་མང་བོས་དོ་སྣང་དང་གླེང་སློང་ཤུགས་ཆེན་བྱེད་ཀྱི་ཡོད་པ་དང་བསམ་ཚུལ་ཡང་འདྲ་མིན་བསླེབས་ཡོད།
དོན་དངོས་ཀྱིས་བཤད་ན། ཐེངས་འདིར་དབུ་མའི་ལམ་ལ་ཤར་སྐྱོད་བྱས་པ་ནི་དོན་ལ་གནས་པ་ཞིག་ཡིན་ངེས་ཏེ། ཚོགས་ཆེན་གྱི་གོང་རོལ་ནས་ཀྱང་མི་མང་ཁྲོད་དུ་ཡང་ལངས་ཕྱོགས་ལ་འགྱུར་བ་ཐེབས་རྒྱུར་ཚོད་དཔག་བྱེད་ཀྱི་ཡོད། དེའི་ཡོང་སྟངས་ནི་ཉེ་བའི་ཆར་༸གོང་ས་མཆོག་གིས་དགུང་ལོ་བརྒྱ་དང་བཅུ་གསུམ་ལ་བཞུགས་རྒྱུར་ཞལ་བཞེས་དེ་བརྒྱ་དང་བརྒྱད་ཀྱི་སྟེང་བབས་པའི་ཉེར་ལེན་ནི་རང་བཙན་ཁ་ལ་འཁྱེར་བའི་མི་འགྲོ་རེ་ཟུང་གིས་ལྷ་དགོངས་དཀྲུགས་པར་ངོས་འཛིན་བྱེད་པ་དང་། ཚོགས་པ་འདིའི་ཚོགས་མི་ཐམས་ཅད་ཀྱིས་ཀྱང་མུ་མཐུད་ནས་རང་བཙན་གྱི་ལངས་ཕྱོགས་རྒྱུན་འཁྱོངས་བྱས་ན། ༸གོང་ས་མཆོག་གི་ཐུགས་དགོངས་དཀྲུགས་པ་ལས་མེད་པའི་བསམ་ཚུལ་འཛིན་གྱི་ཡོད་པ་དེ་རེད།
དད་པ་དམ་ཚིག་གམ་ཡང་ན་ཆོས་ཀྱི་དབང་དུ་མ་བྱས་ན། འདི་ལ་བསམ་བློ་གཏོང་རྒྱུ་ཧ་ཅང་མང་བར་སེམས་ཏེ། བཙན་བྱོལ་ཁྲོད་ཀྱི་གཞུང་འབྲེལ་མ་ཡིན་པའི་གལ་ཆེའི་ཚོགས་པ་འདི་ལྟ་བུ་ཞིག་གིས་ཆ་རྐྱེན་གང་ཡང་མེད་པར་མར་བབས་ཚེ། ཕར་ཕྱོགས་ཁ་གཏད་ཀྱི་ཕྱོགས་ནས་རྣམ་འགྱུར་སྟོན་ཇེ་བདེར་བཏང་བ་མིན་ནམ་སྙམ་ལ། བཙན་བྱོལ་གཞུང་ངོས་ནས་རང་སྲིད་རང་སྐྱོང་གི་ལམ་ལ་འབད་པ་བྱེད་མུས་ཀྱི་ཁར་གཞུང་འབྲེལ་མ་ཡིན་པའི་ལས་འགུལ་ཚོགས་སྡེ་ཆེན་པོ་འདི་དང་གཞོན་ནུ་སོགས་ཀྱིས་རང་བཙན་བཤད་བསྡད་ན། མ་མཐར་ཡང་རྒྱ་གཞུང་ལ་བདམས་ཀ་ཞིག་བྱེད་རྒྱུ་ཡོད།
མདོར་བསྡུས་ན། ནམ་ཞིག་གཞོན་ནུའི་ལངས་ཕྱོགས་ཀྱང་འདི་ལྟར་འགྱུར་མི་སྲིད་པ་མིན་པའི་གནས་སྟངས་ད་ལོའི་ཚོགས་ཆེན་སྟེང་ང་ཚོས་མཐོང་གསལ་ཡིན་ལ། གལ་སྲིད་དེ་ལྟར་འགྱུར་བའི་ཉིན་མོར། རྒྱ་ནག་གི་ཕྱོགས་ནས་ཁ་གཏད་ཇེ་ཉུང་དང་འཁུར་བོ་ཇེ་ཡང་གི་ཟོལ་ཞིག་ཆགས་ཏེ། ཆེས་དམའ་བའི་ཆ་རྐྱེན་དེ་ཡང་ཧ་ཅང་ཆེན་པོ་ཞིག་ལ་རྩིས་ནས་སྟབས་བདེ་བོའི་ངང་འདུག་ཆོག་པ་ལྟ་བུར་གྱུར་བ་མ་རེད་དམ། རྒྱ་ཆེ་ས་ནས་བཤད་ན། རང་རེའི་གཞུང་འདི་མང་གཙོ་ཚད་ལྡན་གྱི་གཞུང་ཞིག་ཡིན་པ་དང་། གཞུང་འདིའི་འཛིན་སྐྱོང་སོགས་ཀྱི་ཐད་ནས་ཀྱང་མང་གཙོ་ཚད་ལྡན་གྱི་རྒྱལ་ཁབ་དག་དང་འདྲ་བར་ཁ་གཏད་ཚོགས་པ་དགོས་རབས་དང་གྲོས་ཚོགས་གོང་འོག་དགོས་རབས་བཤད་ཀྱི་ཡོད། དེ་ལྟ་ལགས་ན། སྐབས་འདིའི་གཞུང་ནི་དབུ་མའི་ལམ་ལ་ཤར་སྐྱོད་བྱེད་པའི་གཞུང་ཞིག་ཡིན་པ་ལ། དེའི་ཁ་གཏད་དུ་རང་བཙན་གྱི་ཕྱོགས་ཁག་ཅིག་ཡོད་ཀྱང་མི་ཆོག་པ་ཅི་ལ་ཡོད་དེ། རང་བཙན་རྩོད་པ་ཁོ་ན་ནི་༸གོང་ས་མཆོག་གི་ཐུགས་དགོངས་དཀྲུགས་གཞི་མ་ཡིན་པ་དེ་ཚང་མས་ཤེས་གལ་ཧ་ཅང་ཆེ།
ཉེ་ཆར་གྱི་༸གོང་ས་མཆོག་གི་ཐུགས་དགོངས་དཀྲུགས་པའི་སྐོར་གྱི་གནས་ཚུལ་ཧ་ཅང་ཁྱབ་རྒྱ་ཆེ་ཞིང་། མི་མང་གིས་ཀྱང་དོ་སྣང་དང་སེམས་ཁྲལ་ཆེ་གཞི་ཞིག་ཆགས་སོང་། ཁ་གསལ་བོས་བཤད་ན། དེ་ནི་མི་རེ་ཟུང་གིས་ཆེད་དུ་བཟོས་པའི་དཀྲུག་ཤིང་དང་བྱས་ཉེས་ལས་རང་བཙན་ཤོད་མཁན་བྱིངས་ལ་གཡོགས་མི་འོས། ཁོ་བོས་འདི་ལྟར་བཤད་སྐབས་ཀྱང་སྤྱི་འཐུས་ཀརྨ་ཆོས་འཕེལ་གྱི་གཏམ་བརྗོད་ལྟ་བུ་ཞིག་ཏུ་མི་ཆགས་པའི་ངེས་པ་མེད་ནའང་། བསམ་བློ་ཞིབ་ཏུ་བཏང་སྟེ་༸གོང་ས་མཆོག་གི་བཀའ་སློབ་རབས་དང་རིམ་པ་དག་ལ་མཇལ་ཚེ། ཁོང་གི་མང་གཙོའི་དགོངས་གཞིའི་ནང་མི་མང་ལ་སྨྲ་བརྗོད་རང་དབང་དང་རང་ཐག་རང་གཅོད་ཀྱི་བདམས་ཀ་ཆ་ཚང་ཡོད་པ་མ་ཟད། རང་བཙན་རྩོད་པ་ཡང་རང་དབང་དུ་འཇོག་གིན་ཡོད། དེའི་སྟབས་ཀྱིས་ཁོང་གི་དགོངས་གཞིའི་དབུ་མའི་ལམ་དུ་མ་ཕྱིན་ཚེ་ལྷ་དགོངས་ འཁྲུག་པ་དེ་འདྲ་མིན་པ་ནི་ཁ་གསལ་ལག་གསལ་ཡིན། དེའི་ཐད་ཀྱི་ས་མཚམས་དངོས་གནས་རང་བཙན་ཁ་ལ་འཁྱེར་ནས་གཏམ་བརྗོད་འདྲ་མིན་བཤད་པ་དེ་ཡིན།
ང་ཚོའི་མི་མང་གི་ངོས་ནས་མགོ་རྨོངས་པའི་བྱ་སྤྱོད་སྤངས་ཏེ། རང་རང་གི་ཚོད་ཀྱི་རྣམ་དཔྱོད་དཀྲིགས་རྒྱུ་གལ་ཆེ། དེའི་སྟབས་ཀྱིས་ཐེངས་འདིའི་ཚོགས་ཆེན་སྟེང་གི་ཚོགས་མི་བྱིངས་ཀྱི་བསམ་བློ་ཡང་བསླེབས་དགོས་སར་ཐོན་པའི་གདེང་ཚོད་གང་ཡང་མི་འདུག ཚང་མས་ཐེངས་འདིའི་ལངས་ཕྱོགས་འགྱུར་བ་ནི་རྒྱལ་བ་དགྱེས་པའི་མཆོད་སྤྲིན་དུ་ འདོད་ཀྱི་ཡོད་ཀྱང་། དོན་དམ་པས་ཐུགས་དགྱེས་མཁན་སུ་ཡིན་ད་དུང་བཤད་ཚོད་མི་ཐུག
ཡང་གཅིག་བཤད་ན། བཙན་བྱོལ་བོད་མིའི་སྒྲིག་འཛུགས་ཀྱི་ངོས་ནས་དང་རྒྱ་བོད་མི་རིགས་གཉིས་ཀྱི་འཐབ་རྩོད་ཀྱི་ཐད་ནས་བོད་ཀྱི་དགུ་བཅུ་གསུམ་ལས་འགུལ་ཚོགས་པ་འདི་ལྟ་བུ་ཞིག་དབུ་མའི་ལམ་དུ་ཤར་སྐྱོད་བྱས་པ་ཙམ་གྱིས་སྔོ་ཐོག་མིན་ཀྱང་བཤད་དཀའ། ད་དུང་དེ་བས་ཀྱང་བརྗོད་དཀའ་བ་ཞིག་ལ། བོད་ཀྱི་དགུ་བཅུ་གསུམ་ལས་འགུལ་ཚོགས་པའི་ཚོགས་མི་དག་ནི་བརྒྱ་ཆའི་ཆ་བོད་ནས་གསར་དུ་འབྱོར་བ་དང་ལོ་ནའི་བབ་དང་བསྟུན་ནས་ཕྱོགས་ཡོངས་ཀྱི་སློབ་གསོ་དང་བསམ་བློའི་གོ་རྟོགས་མ་སྨིན་པ་ཞེ་གཅིག་ཡིན་སྟབས། ཚོགས་ཆེན་རེ་རེའི་སྟེང་གནས་སྐབས་ཀྱི་ཚོར་བའི་དབང་དུ་སོང་སྟེ་ལངས་ཕྱོགས་ལ་འགྱུར་བ་རེ་ཐེབས་ཀྱི་མེད་དམ་སྙམ། དཔེར་ན་ཐོག་མར་ཚོགས་པ་དབུ་བརྙེས་སྐབས་རང་བཙན་དང་། ལོ་ཤས་རྗེས་ནས་དབུ་མའི་ལམ་ལ་ཤར་སྐྱོད་བྱས་མྱོང་། ཡང་དགའ་སྡུག་ཅི་བྱུང་ཆ་མ་འཚལ་བའི་སྒོ་ནས་བསྐྱར་དུ་རང་བཙན་ལ་འགྱུར་འདུག་པ་དེ་འདི་ལོར་ཡང་བསྐྱར་དབུ་མའི་ལམ་ལ་འགྱུར་བ་རེད། དེ་ལྟར་ཕོ་མིན་མོ་མིན་དང་ལྷ་མིན་འདྲེ་མིན་གྱི་རྣམ་འགྱུར་ཤུགས་བཙན་པ་འདི་ལ་སུས་ཀྱང་ཆ་འཇོག་མེད་སྲིད།
འདིའི་ཐད་ཚོགས་གཞོན་ཟུར་བ་ཀླུ་མཁར་བྱམས་ཀྱིས་ཀྱང་ལས་འཁུར་རྩིས་འབུལ་གྱི་ཆེས་མཐའ་མའི་གཏམ་བཤད་སྐབས་སུ་འདི་ལོར་ང་ཚོའི་དབུ་མའི་ལམ་ལ་ཤར་སྐྱོད་བྱ་རྒྱུ་ནི་འོས་ཤོག་གི་སྒང་ནས་མང་མོས་ཐོབ་པ་ཡིན་སྟབས། བདག་གིས་ཀྱང་དམངས་གཙོའི་སྒྲིག་གཞི་ལ་བཀུར་བསྟི་བྱས་ཏེ་དགའ་བཞིན་སྤྲོ་བཞིན་རྩིས་འབུལ་ཞུ་ཡི་ཡོད། འོན་ཀྱང་ལོ་ངོ་གསུམ་གྱི་རྗེས་ནས་ང་ཚོ་བསྐྱར་དུ་ལངས་ཆོག་ཅེས་གསུངས་བར་སྐད། མ་འོངས་པའི་ལོ་གསུམ་གྱི་རྗེས་ནས་ཚོགས་པ་འདིའི་ལངས་ཕྱོགས་ཡང་བསྐྱར་གང་དུ་འགྱུར་རམ།
ཚོགས་པ་འདི་ལྟ་བུ་ལ་མཁས་དབང་འཇམ་དབྱངས་ནོར་བུ་དང་། མཁས་དབང་ཇོ་སྲས་བཀྲ་ཤིས་ཚེ་རིང་། ཨ་ཚོགས་ཀླུ་མཁར་བྱམས་ལྟ་བུ་མེད་ན་མི་འཇོན་ཐག་ཆོད་ཡིན།
མིག་མི་འཛུམ་ཟེར་བ་འདིའི་བཤད་སྟངས་ཀྱིས་ཡིད་ཐང་ཆད་སོང་། སྔོན་ཆད་ཀྱང་མི་འདིས་རྩོམ་ཁྱོག་ཆལ་ཆོལ་རེ་སྤེལ་སོང་ཡང་སྐབས་དེར་ཚོར་བ་གང་ཡང་མེད་མོད། དེ་རིང་གི་བཤད་སྟངས་འདི་བརྒྱུད་ནས་མི་འདིའི་ནང་ཁོག་གསལ་བོར་མཐོང་སོང་ངོ།།
རང་རང་བསམ་འཆར་ཅི་ཡང་ལྷུག་འདོན་འོས།
ཡིན་ཡང་མང་མོས་ལམ་ལ་གུས་བརྩི་དགོས།
གཞུང་གིས་དམངས་ཀྱི་རེ་བ་སྒྲུབ།
དམངས་ཀྱིས་གཞུང་གི་བཀའ་ཡང་བརྩི།
གཞུང་དམངས་ཆིག་སྒྲིལ་རྒྱལ་ཁའི་གཞི།
གང་ལྟར་ཡང་། དགུ་བཅུ་གསུམ་ལས་འགུལ་ཚོགས་པའི་ལངས་ཕྱོགས་དབུ་མའི་ལམ་ཕྱོགས་པ་ལ་དགའ་བསུ་ཚད་མེད་ཞུའོ། །
ངོ་མ་གནད་ལ་འཁེལ་བ་ཞིག་བྲིས་འདུག་མིག་མི་འཛུམ།
འདི་ལྟར་འགྱུར་ཆོག་ཆོག་གི་ལ་ཁའི་དར་ལྕོག་བཞིན་གཡུག་བཞིན་ཡོད་པའི་ཚོགས་པ་འདི་ངོ་མ་དགོད་སྤྲོ་བ་རང་རེད་བྱིས་བ་བསམ་མེད་འགའི་རྩེ་ར་བཞིན་ལམ་སང་ལམ་སང་འགྱུར་བ་གཏོང་ནས་ཁ་ཕྱོགས་དང་ལངས་ཕྱོགས་འདི་ཡིན་འདི་མིན་མེད་པ་མ་ཟད་ཁ་གཡར་ས་དང་ལག་འཕྱི་ས་རྐྱང་རྐྱང་ལ་བསམ་ནས་གང་ཡིན་འདི་ཡིན་མེད་པར་རྩ་དོན་ལ་འགྱུར་བ་བཏང་སྔོན་ཚོགས་གཙོ་དང་ཚོགས་གཞོན་སོགས་ཀྱིས་ཁ་ནས་རང་བཙན་དང་རང་དབང་གི་མེ་རླབས་དགོངས་ལ་འཁྱིལ་ཞིང་མི་རིགས་དང་ཡུལ་ལུང་གི་འདུ་ཤེས་སེམས་སུ་ཉལ་ནས་ཡོད་མོད་སྐབས་དེ་རིང་ནས་རང་བཙན་ལ་ཁུངས་མེད་སོང་ཡིན་ནམ་ཡང་ན་རང་བཙན་ལ་ཆོ་མེད་སོང་བ་ཡིན་རང་བཙན་ཁུངས་བསྐྱེལ་གྱི་ལོ་རྒྱུས་རྡོ་རིང་དག་སྐྱག་རྫུན་ཡིན་སོང་ག་ལ་ཡིན་ཡིན་མི་སྲིད་ཅི་ཞིག་གི་ཆེད་དུ་་་་ཡང་ན་ཅི་ཞིག་གོ་སོང་་་་་་འདི་ལྟར་ཚང་མ་འགྱུར་སོང་བ་ཡིན་ན་བཙན་བྱོལ་ལ་ཡོང་བའི་དགོས་མེད་སོང་བ་མ་ཡིན་ནམ་་་་་འགྱུར་ཆོག་ཆོག་གི་ཚོགས་པ་ཆོ་མེད་རྒྱུ་རང་རེད། རང་དབང་དང་མང་གཙོ་ཙམ་གཞིས་ལས་མི་མང་གིས་ང་ཚོ་ལས་ལྷག་པའི་ལས་འགུལ་རབ་དང་རུམ་པ་སྤེལ་བཞིན་ཡོད་རང་སྲོག་ལ་མ་འཛེམ་པར་མི་རིགས་དང་རྒྱལ་ཁབ་ཀྱི་ཆེད་མི་ཚེ་བསྐྱེལ་བཞིན་པའི་མི་བུ་ག་ཚོད་འདུག་ཚང་མས་ཤེས་གསལ་རེད་ང་འདིར་ཚོགས་སྒེར་ཚང་མ་འགྱུར་ཆོག་ཆོག་དང་འགྲོ་ཆོག་ཆོག་ཙམ་གྱིས་བསྡད་ཡོད་བས་ངོ་ཡིད་སྐྱོ་སོང་།
བསམ་ཚུལ་ནི་བསམ་ཚུལ་རང་རེད་འདུག ཡི་གེ་བ་མིག་མི་འཛུམ་ཞུ་བ་ཁོང་གིས་དེ་སྔོན་བྲིས་རྩོམ་ཁག་ཅིག་དུས་བབ་དྲྭ་བ་བརྒྱུད་ནས་ཀློག་མྱོང་། དེ་དུས་བཙན་བྱོལ་གྱི་གནས་སྟངས་སྤྱི་ཡོངས་ལ་ཆ་རྒྱུས་ཏོག་ཙམ་ཡོད་མཁན་ཞིག་དང་། ཡིག་རྩ་ཡང་གང་འཚམ་ཞིག་འགྲིག་ག་བསམ་པ་ཞིག་བྱུང་། འོན་ཀྱང་དེ་རིང་གི་བསམ་ཚུལ་ལྟ་བུའི་རྩོམ་ཉོག་འདི་ལ་ནི། གཅིག་ནས་ཚིག་རྩ་མི་འདུག གཉིས་ནས་གང་ཞིག་བཤད་འདོད་ཀྱི་བརྗོད་སྙིང་དེ་ཚིག་ཉོག་འཕྲོས་བཤད་ཀྱིས་ཡོངས་སུ་བསྒྲིབ་འདུག གསུམ་ནས་བསམ་ཚུལ་བཤད་སའི་ཚོགས་པ་ལ་གནོད་དང་ཡང་ན་རང་གི་རྒྱབ་སྐྱོར་བྱེད་སའི་མི་ལ་གནོད་བཤད་ཚོད་མི་ཐུག་པ་ཞིག་བཟོས་འདུག
ནོར་བཅོས་་་་་༼ང་ཚོས་དྲག་སྤྱོད་ཀྱི་བྱ་བ་རིགས་མི་བྱེད་ཀྱང་རང་བཙན་རྩོད་མཁན་དགོས་པར་བསམས།༽
དངོས་གནས་ཡག་པོ་གསུངས་འདུག
རྒྱ་གར་གྱིས་རང་བཙན་རྩོད་དུས་ཀྱང་ཞི་བ་དང་དྲག་པོ་གཉིས་ཀ་ཡོད་རེད།
ང་ཚོས་དྲག་སྤྱོད་ཀྱི་བྱ་བ་རིགས་བྱེད་ཀྱང་རང་བཙན་རྩོད་མཁན་དགོས་པར་བསམས།
བོད་ལ་ཕར་རྒྱ་ནག་ལ་གདམས་ཀ་སྤྲོད་པའི་ནུས་པ་ག་རེ་ཡོད་རེད།
གཅིག་བྱས་ན་འདི་ལྟར་བོད་ཀྱི་དཔའ་བོ་ཚང་མའི་རུས་ཐལ་སྒང་ནས་སྐྱིད་ཉལ་གྱིས་གོང་ས་དགུང་གྲངས་ཆིག་སྟོང་སུམ་བརྒྱར་ཡར་བསྐུལ་བྱེད་སྲིད།