ཨ་རུ་ན་ཅཱལ་གྱི་བོད་མི་ཁེ་ན་ཌར་གཞིས་སྤོ་ལས་གཞི་ལས་རིམ་པ་ཁག་ཅིག་དེ་སྔ་བཏང་ཟིན་པ་ལྟར་རིམ་པ་བཞི་པ་དེ་གཟའ་སྤེན་པའི་ཉིན་བཏང་ཡོད་འདུག
བཀྲས་ཕུན་བསྟན་ལགས་ཀྱིས་ས་གནས་ནས་གནས་ཚུལ་བཏང་འབྱོར་བྱུང་བ་ལྟར་ན། རྒྱ་གར་བྱང་ཤར་ཨ་རུ་ན་ཅཱལ་ནས་བོད་མི་ཆིག་སྟོང་ཁེ་ན་ཌར་གཏོང་རྒྱུའི་ལས་གཞི་ལས་སྔར་ལོའི་ཕྱི་ཟླ་ ༡༡ པ་ནས་སྔ་ཕྱི་རིམ་པ་གསུམ་བཏང་ཟིན་པ་ལྟར། ཁ་སང་ཕྱི་ཚེས་ ༢༥ ཉིན་མེའོ་ཆོས་འཕེལ་གླིང་ནས་ཡིན་པའི་གཞིས་སྤོར་སྡེ་ཚན་བཞི་པའི་བོད་མི་ ༡༠ ཁེ་ན་ཌའི་གྲོང་ཁྱེར་ཊོ་རོན་ཊོར་( Toronton)བཏང་ཡོད་པ་དང་། སྡེ་ཚན་ལྔ་པ་དང་དྲུག་པ་གཉིས་ཏི་ཛུ་གཞིས་ཆགས་ནས་ཡིན་ལ། འདི་ལོའི་ཕྱི་ཟླ་ ༤ དང་ ༥ པའི་ནང་གཏོང་འཆར་ཡོད་འདུག
འདི་ལོའི་དཔྱིད་དུས་སུ་ཁེ་ན་ཌའི་གཞུང་ཚབ་ཁང་གིས་ཐོངས་མཆན་གྱི་བཅར་འདྲི་ཐེངས་གཉིས་པ་གནང་རྒྱུ་ཡིན་པ་དང་། ལས་གཞི་ལག་བསྟར་ཚོགས་ཆུང་གི་འཆར་གཞི་ལྟར་ན། ཕྱི་ལོ་ ༢༠༡༦ བར་ཁེ་ན་ཌའི་གྲོང་ཁྱེར་བྲི་ཊི་ཤ་ཀོ་ལམ་བི་ཡ་རུ་ཁྱོན་བོད་མི་ ༢༠༠ དང་། ཨོན་ཊོ་རི་ཡོ་དང་ཨལ་བར་ཊ་གཉིས་སུ་མི་ ༤༠༠ རེ་གཏོང་འཆར་ཡོད་འདུག
ཨ་རུ་ན་ཅལ་ཁུལ་གྱི་བོད་མིའི་གཞིས་ཆགས་ཁག་བཞི་ནས་བོད་མི་ ༨༩༠ ལ་གཞིས་སྤོར་གྱི་རྒྱན་ཐོབ་པའི་ཁོངས་ནས། ད་ལྟའི་ཆར་མི་གྲངས་ ༢༠༤ ལ་ཁེ་ན་ཌ་གཞུང་གི་ཐོངས་མཆན་ཐོབ་ཡོད་པ་དང་། ཐོངས་མཆན་ཐོབ་པའི་ནང་ཏི་ཛུ་གཞིས་ཆགས་ནས་མི་ ༦༤ ། ཀྲུ་ཀྲིང་ནས་ ༣༧། མེའོ་གཞིས་ཆགས་ནས་ ༧༩ ། བསྟན་འཛིན་སྒང་གཞིས་ཆགས་ནས་མི་གྲངས་ ༢༤ བཅས་ཚུད་ཡོད་འདུག
འདས་ལོའི་ཕྱི་ཟླ་ ༡༡ ཚེས་ ༢༩ ཉིན་གཞིས་སྤོར་སྡེ་ཚན་དང་པོའི་བོད་མི་ ༡༧ ཁེ་ན་ཌར་བཏང་ཡོད་པ་དང་། ཕྱི་ཟླ་ ༡༢ ཚེས་ ༡༤ ཉིན་གཞིས་སྤོར་སྡེ་ཚན་གཉིས་པའི་བོད་མི་ ༢༤ ཁེ་ན་ཌའི་གྲོང་ཁྱེར་ཝན་ཀུ་ཝར་(Vancauver)དུ་འབྱོར་ཡོད། དེ་བཞིན། ཟླ་འདིའི་ཕྱི་ཚེས་ ༡༨ ཉིན་སྡེ་ཚན་གསུམ་པའི་བོད་མི་ ༩ ཁེ་ན་ཌའི་གྲོང་ཁྱེར་ཁེལ་ག་རི་རུར་འབྱོར་ཡོད་འདུག
ཟླ་འདིའི་ཕྱི་ཚེས་ ༡༧ ཉིན་ལྡི་ལི་སྐུ་ཚབ་དོན་གཅོད་ལས་ཁུངས་སུ་གཞིས་སྤོར་སྡེ་ཚན་གསུམ་པའི་བོད་མི་ ༩ ལ་གྱེས་སྟོན་ཞིག་གོ་སྒྲིག་གནང་ཡོད་པ་དང་། གྱེས་སྟོན་ཐོག་བོད་མིའི་སྒྲིག་འཛུགས་ཀྱི་ནང་སྲིད་བཀའ་བློན་རྒྱ་རི་སྒྲོལ་མ་མཆོག་དང་ནང་སྲིད་དྲུང་འཕར་དོན་འགྲུབ་རྡོ་རྗེ་ལགས། ལྡི་ལི་སྐུ་ཚབ་དོན་གཅོད་ཀྱི་དྲུང་ཆེ་ཚེ་དབང་རྒྱལ་པོ་ལགས་བཅས་ཕེབས་ཡོད་པ་དང་། སྐབས་དེར་ནང་སྲིད་བཀའ་བློན་མཆོག་གིས་གནས་སྤོར་བོད་མི་ཚོར། ༧གོང་ས་མཆོག་གི་བཀའ་སློབ་རྣམས་སྙིང་བཅངས་ཀྱིས་བོད་མིའི་སྐུ་ཚབ་ཡང་དག་པ་ཞིག་མཚོན་ཐུབ་དགོས་པ་དང་། བོད་མིའི་ཐུན་མོང་མ་ཡིན་པའི་ཡ་རབས་བཟང་སྤྱོད་དང་ལེགས་བྱང་ལ་གཅེས་འཛིན། ལས་རིགས་ཅི་འདྲ་ཞིག་ཡིན་རུང་དབྱེ་འབྱེད་མེད་པར་ཧུར་ཐག་བྱེད་དགོས་པའི་བཀའ་སློབ་གནང་ཡོད་པ་དང་། ཁོང་ཚོ་ཟླ་འདིའི་ཕྱི་ཚེས་ ༡༨ ཉིན་ཁེ་ན་ཌའི་གྲོང་ཁྱེར་ཁེལ་ག་རིར་གཞིས་ཆགས་ཡོད་འདུག
གསར་འགོད་པ། པདྨ་མཚོ།
![Because of high altitudes in the Himalayas, difficult terrain and often poor weather, the Kailash Manasarovar pilgrimage if one of the most challenging in the world [File: Purnima Shrestha/Reuters]](https://tibettimes.net/wp-content/uploads/2026/05/Screen-Shot-2026-05-14-at-5.25.22-PM-360x180.png)
བོད་མིའི་སྐྱིད་སྡུག་མཉམ་མྱོང་ཟེར་པ་དེ་བཙན་བྱོལ་ནང་དུ་མིན་འདུག་བསམ་གི་འདུག།
གསར་འབྱོར་ཉམ་ཆུང་ཚོར་སྐལ་མེད།
གཞིས་ཆགས་ཚོར་ཡོད་པའི་སྒང་ལ་སྐལ་མང་གི།
ད་ཡིན་ན་ཡིད་ཐང་རྦེད་དེ་ཆད་ཐ།
མི་སྐྱོ་བོ་དེ་དག་ཕྱི་རྒྱལ་ལ་བཏང་ཐབས་བྱེད་ཀྱི་ཡོད་ལབ་པ་མ་གཏོགས་ད་ལན་ཁེ་ན་ཊ་བསྐྱོད་མཁན་གང་མཚམས་ཁང་པ་ཐོག་བརྩེགས་ཅན་ཡོད་མཁན་རེད་འདུག་
ཆབ་སྲིད་པ་ཟེར་བ་དེ་ཆབ་སྲིད་པ་རང་རེད་འདུག
ཡིད་ཆད་བརླག་སོང།།
རེད་ལགས། ཁ་སང་མི་གྲངས་བཅུ་ཐམ་པ་ཁེ་ན་ཌ་ཁྲོ་རོན་ཊོ་དུ་ཕེབས་འབྱོར་བྱུང་སོང་། དེ་དུང་སྟབས་བསྟུན་གོ་བསྒྲིག་ཚོགས་ཆུང་གི་ངོས་ནས་གཞིས་མི་གནས་སྤོས་ཀྱི་འགྲོ་གྲོན་ཆེད་དུ་གསོལ་སྟོན་ཞིག་གོ་བསྒྲིགས་བྱས་སོང། གསོལ་སྟོན་དེར་བོད་རིགས་༢༠༠ ཡས་མན་ཞིག་ཕེབས་ཡོད་ས་རེད། གསོལ་སྟོན་གྱི་ཕྱག་འཁྱེར་རེར་རིན་གོང་ཁེ་སྒོར༧༠རེད འདུག གསར་དུ་འབྱོར་བའི་མི་གྲངས་བཅུ་བོ་དེ་དག་གསོལ་སྟོན་དེའི་སྐུ་འགྲོན་དུ་གདན་ཞུས་ཀྱིས་ཁོ་རང་ཚོས་གཞས་སྣ་ཞིག་ཀྱང་གཟིགས་འབུལ་གནང་སོང་།
མགོ་ལོག་ཟླ་བྷེ་སྤུ་ཁ་བོ།།
རྒྱ་རི་སྒྲོལ་མར་ཆགས་དྲག་ནས།།
བསྟོད་པ་ཚད་ལས་བརྒལ་བ་ཞིག།
འགོག་མེད་ཁ་ནས་ཤོར་འདུག་གོ།
ཅུང་ཙམ་མིན་ན་བློ་བཟང་སེང་གེས་རྒྱ་རི་སྒྲོལ་མ་ཕྱི་དྲིལ་བཀའ་བློན་ལ་བཏང་གྲབས་བྱས་པ་རེད། ཡིན་ནའང། བར་ཆད་ལམ་ནས་སེལ་སོང་བ་རེད། རྒྱ་རི་སྒྲོལ་མ་གཞིས་ཆགས་ཁག་ཏུ་སོང་ན་བློ་བཟང་སེང་གེ་ཐུགས་བདེ་གི་མེད་ཀྱང། རྒྱ་རི་སྒྲོལ་མས་རྒྱ་གར་དཔོན་རིགས་ཁག་ལ་ཐབས་ཤེས་སྣ་ཚོགས་ཀྱི་འབྲེལ་བ་དེ་འདྲ་བློ་བཟང་སེང་གེས་ཡོང་གི་མེད་སྟབས་མ་འཇོག་ཐབས་མེད་བྱུང་སྟེ་མཐར་ནང་སྲིད་བཀའ་བློན་གྱི་སྐུ་ཚེ་བརྟན་སོང་པ་དང།
ནང་སྲིད་བཀའ་བློན་རྒྱ་རི་སྒྲོལ་མ།།
ཆོས་སྲིད་སྤྱི་དང་ྋགོང་ས་མཆོག་ལ།།
ཇི་སྲིད་འཚོ་བར་ལྷག་བསམ་གཙང་པས།།
དེ་སྲིད་དུ་ཡང་མཛད་བཟང་རྒྱས་ཡོང་།།