སད་མ་དཀར།
བོད་རྒྱལ་ཁབ་ཆགས་འཇིག་ཀྱི་གནད་དོན་གཉན་ཕྲང་ཅན་གྱི་སྐབས་སུ། བོད་པ་བཙན་བྱོལ་བ་ཚོས་གཉན་ཕྲང་དེ་དག་ལས་གྲོལ་སླད་དུ་གཞུང་འབྲེལ་དང་། གཞུང་འབྲེལ་མ་ཡིན་པའི་ཚོགས་པ་གང་མང་གསར་འཛུགས་གནང་བ་ནི། བོད་མི་ས་ཡ་དྲུག་གི་འཐུས་འཚབ་ཏུ་བརྩིས་ཤིང་གཅིག་འཇུག་གཉིས་འཐུད་ཀྱིས་ནུས་སྟོབས་སྤེལ་ཡུལ་གྱི་ཁོར་ཡུག་སྐྲུན་པ་ཞིག་རེད།
དམིགས་ཡུལ་དེ་འདྲའི་འོག་ན་བཙན་བྱོལ་སྤྱི་ཚོགས་ལ་ཚོགས་པ་ཆེ་ཆུང་གྲངས་ཀྱིས་མི་ལང་བ་ཡོད་པ་ལས། གཞོན་ནུ་ཚོགས་པ་ནི་ཉེ་འཆར་སྐུ་ངོ་རྒྱ་རི་བློ་གྲོས་རྒྱལ་མཚན་ལགས་ཀྱིས་དུས་བབ་དྲ་རྒྱར་བཀོད་པའི་རྩོམ་ཡིག་ལ་བལྟས་པ་ཡིན་ན། ལོ་ངོ་ཁ་ཤས་ནང་དུ་འཆར་གཞི་ཡོད་པའི་ནང་ནས་ ༡༩༧༠ ལོར་བཙུགས་པའི་ཚོགས་པ་རྙིང་ཁུངས་ཤིག་ཡིན་པ་དང་། དེ་ཡང་ཚོགས་པ་འདྲ་འདྲའི་ནང་ནས་ཚོགས་པ་ཆེ་ཤོས་ཤིག་རེད། ཚོགས་པ་དེས་ད་བར་བོད་ཀྱི་སྤྱི་ཚོགས་ལ་སྲི་ཞུ་ཧུར་ཐག་གིས་བསྒྲུབས་མྱོང་ཡོད་ཅིང་། ལྷག་པར་དུ་དུས་དབང་དང་གསུང་ཆོས་སོགས་ཀྱི་སྐབས་མི་མང་ཚོའི་དཀའ་ངལ་ཉེར་འཚེའི་རིགས་མང་དག་སེལ་བར་བྱེད་པའི་དཔུང་གཉེན་ཞིག་ཏུ་ངོས་འཛིན་ཞུ་མི་འོས་པ་གང་ཡང་མ་རེད་སྙམ།
ཚོགས་པའི་ལངས་ཕྱོགས་ཐད་ནས་ད་ལྟའི་བར་རང་བཙན་གཙང་མའི་ལྟ་གྲུབ་ཏུ་བསྐྱོད་པ་ནི། མང་གཙོའི་རྒྱལ་ཁབ་ཅིག་ཏུ་བསམ་ཤེས་པ་དང་རྒྱུ་མཚན་ཡང་དག་ཐད་ལྡན་ཡོད་པའི་ཐོག་ནས་རང་རང་གི་ལྟ་གྲུབ་འདྲ་མིན་ཡོད་ཆོག་པ་ནི་ཀུན་གྱིས་མཁྱེན་མཁྱེན་པ་རེད།
ཉེ་བའི་འཆར་ས་ར་མཐོ་སློབ་ཏུ་སིམ་ལའི་ཆིངས་ཡིག་སྐོར་གྲོས་གླེང་ཞིག་གོ་སྒྲིག་གནང་བའི་སྐབས། དབུས་གཞོན་ལྷན་གྱི་ཚོགས་གཙོས། དབུ་མའི་ལམ་ནི་སྲིད་བྱུས་ཤིག་དང་གཞོན་ནུའི་ལངས་ཕྱོགས་རང་བཙན་ནི་ཐོབ་ཐང་ཞིག་ཡིན་སྟབས་དབུ་མའི་སྲིད་བྱུས་ལ་གུས་བརྩི་ཡོད་ཅེས་དང་། ཡང་ཁོང་གིས། ང་ཚོ་ཕན་ཚུན་གུས་བརྩི་དང་སྦྱངས་བཤད་གནང་རྒྱུ་གལ་ཆེན་པོ་ཆགས་ཡོད་ཅེས་སོགས་གསུངས་འདུག
འོན་ཀྱང་ད་རེས་ཕྱི་ཟླ་དགུ་པའི་ནང་ཞི་ཅིན་ཕིན་རྒྱ་གར་དུ་ཡོང་བའི་རིང་། ལྡི་ལི་བསམ་ཡས་གླིང་བོད་གར་གྱི་སིང་སིང་ཁུག་ཁུག་ཡོད་ཚད་ལ། ཞི་ཅིན་ཕིན་གྱི་འདྲ་པར་ལ་གང་བྱུང་དུ་རི་མོ་འདྲ་མིན་དུ་བཀོལ་ཏེ། འབུ་སྡིག་པ་ར་ཅན་གཟུགས་དབྱིབས་བཀོད་པ་དང་། འགའ་ཤས་ལ་ར་ཅོ་བྲིས་པ་ལ་སོགས་བཟང་སྤྱོད་དང་བྲལ་བའི་བྱེད་ལས་འདྲ་མིན་སྤེལ་བ་ནི། བོད་མིའི་སྒྲིག་འཛུགས་ཀྱི་དབུ་མའི་ལམ་བུར་གུས་བརྩི་ཕར་ཟད་རྡོག་རོལ་ཤུགས་ཆེན་བཏང་བར་ངོས་འཛིན་ཞུ་རྒྱུ་ཡིན།
ཚང་མས་མཁྱེན་གསལ་རེད། བོད་རྒྱལ་ཁབ་ཆེན་པོ་དེ་ཧམ་བཟུང་དང་བཙན་འཕྲོག་བྱེད་གཏེ་མའོ་ལ་སོགས་པའི་སྐབས་དེའི་བཙན་ཤེད་རིང་ལུགས་པ་ཚོ་ཡིན་པ་དང་། བོད་ནང་གདུག་རྩུབ་བྱ་སྤྱོད་སྤེལ་མཁན་ནི་ཁོ་པ་ཚོ་ལས་བརྒྱུད་པའི་དཔོན་ངན་དག་ཡིན་པ་ལས། ཞི་ཅིན་ཕིན་ག་ལ་ཡིན། ཞི་ཅིན་ཕིན་སྲིད་ཁྲིར་ཁོད་ཀྱང་རང་དབང་སྤྲད་མ་བྱུང་སྙམ་པ་ནི། བྱིས་པའི་བསམ་བློ་རང་རེད། ཁོ་པ་སྲིད་ཁྲིར་འཁོད་པ་དང་བོད་མིའི་རང་དབང་ལམ་སེང་སྤྲད་ཆོག་ཆོག་ཅིག་དེ་བས་ག་ལ་ཡོད།
གཞན་ཡང་ཞི་ཅིན་ཕིན་གྱི་ལས་ཐོག་རིང་བོད་ནང་དམིགས་གསལ་གྱི་ཐལ་ཆ་ཆེ་བའི་སྲིད་ཇུས་བཟུང་ཡོད་ན། ང་ཚོས་རྩ་དོན་འཐབ་རྩོད་བྱེད་རྒྱུ་ནི་ཕ་རོལ་པོར་ཁོང་ཁྲོ་སློང་རྒྱུ་དེ་མ་ཡིན་པར། ཡང་ན་རང་ཉིད་ཀྱི་སྟོབས་ཤུགས་བེད་སྤྱོད་ཀྱིས་ཁ་གཏད་་ལྕོག་རྒྱུ་དང་། ཡང་ན་རྒྱལ་སྤྱིའི་སྡིངས་ཆའི་དཔུང་རོགས་འཚོལ་རྒྱུ་སོགས་བྱ་འགུལ་མང་དག་ཡོད་པ་ཡིན། དེ་ལས་ལྡོག་པར་འདྲ་པར་ལ་གདུག་རྩུབ་ཀྱི་རི་མོ་འདྲ་མིན་བྲི་བ་ནི། རྒྱ་བོད་མི་རིགས་དབར་ལ་མི་མཐུན་པའི་འགལ་བ་ཆེ་རུ་གཏོང་རྒྱུ་དང་། དྷ་རམ་ས་ལར་ཁ་གཏད་ནས་ཡོང་མཁན་གྱི་རྒྱ་རིགས་ནང་པ་ཚོའི་སེམས་ལ་ཕོག་དུག་གཏོང་རྒྱུ། བཙན་བྱོལ་བོད་མིའི་སྒྲིག་འཛུགས་ཀྱི་དབུ་མའི་ལམ་བུར་འགོག་རྐྱེན་བཟོ་རྒྱུ་ཞིག་ལས་གཞན་པའི་རྩ་དོན་ལ་ཕན་པའི་ལས་འགུལ་གང་ཡང་མ་ཡིན།
ལྷག་པར་དུ། དབུ་མའི་ལམ་ནི་བཙན་བྱོལ་སྒྲིག་འཛུགས་ཀྱི་སྲིད་བྱུས་བཟུང་བ་གཅིག་པུ་མིན་པར། དེའི་ཐོག་ཤར་བསྐྱོད་བྱ་རྒྱུའི་གྲོས་ཆོད་རབ་དང་རིམ་པ་བྱུང་ཡོད་ལ། དེང་དུས་འཛམ་གླིང་གི་གནས་བབ་དང་མཐུན་པའི་འདམས་ང་ཡག་ཤོས་དང་། གཞིས་བྱེས་བོད་མི་ཡོངས་ཀྱི་འདམས་ང་ཡག་ཤོས། ཕུག་ཕན་ཆེ་ཤོས་ཀྱི་འགྲོ་ལམ་ཡིན་པ་མཁྱེན་པ་དང་། ཤེས་པའི་ཐོག་ནས་ཐག་གཅོད་བྱུང་བ་ཞིག་ཡིན།
མ་ཟད་ཞི་ཅིན་ཕིན་ནི་རྒྱ་ནག་གི་མགོ་འཁྲིད་གཞན་དང་མི་འདྲ་བར་མཁྱེན་པའི་ཡོན་ཏན་ཐོག་ནས་སྲིད་ཀྱི་ཁྲི་ལ་འཛེགས་པ་ཞིག་ཡིན་པ་དང་། རྒྱབ་ལྗོངས་ཀྱི་ཐོག་ནས་བལྟས་ཀྱང་བོད་ཀྱི་གནད་དོན་ཐད་རྒྱ་ནག་མགོ་འཁྲིད་གཞན་སུས་ཀྱང་འཚབ་བྱེད་མི་ཐུབ་པའི་མཐུན་རྐྱེན་ཚང་བའི་མི་སྣ་ཞིག་རེད། མ་གཞི་བོད་རེ་བས་འཕུང་བས་རེ་བ་བྱེད་མི་ཉན་ཟེར་མཁན་ཡོད་ཀྱང་། རེ་བ་བརླག་པའི་རྩ་དོན་གྱིས་ཅི་ལ་ཕན།
ང་ཚོས་འདས་པ་དང་འབྱུང་འགྱུར་དབུ་མའི་ལམ་ལ་རེ་བ་ཞིག་བྱེད་དགོས་ཀྱི་ཡོད་ན་ད་རེབ་ཀྱི་མགོ་འཁྲིད་འདི་ལ་རེ་བ་མ་བྱེད་རང་བྱེད་རེད་ལ། འདི་ལས་ལྷག་ཅིག་མ་འོངས་པར་རེ་བ་རྒྱག་ས་ཞིག་ཡོང་མི་སྲིད། ཡང་སྒོས་སྤྱི་ནོར་༸གོང་ས་སྐྱབས་མགོན་ཆེན་པོའི་དགུང་ལོའི་འབབ་དང་། བྱེས་བཞུགས་སྤུན་ཟླའི་སེམས་ནང་གི་རེ་བ། བོད་ཀྱི་སྣོད་བཅུད་ལ་སོགས་ཕྱོགས་གང་ཅིར་བལྟས་ཀྱང་རྒྱ་དཔོན་འདི་ལ་ང་ཚོས་རེ་བ་བྱེད་རྒྱུ་ལས་གཞན་འདི་ལྷག་ཅིག་མེད་པས་སོ།།
དེས་ན་འབྱུང་འགྱུར་ཞི་ཅིན་ཕིན་གྱི་གདོང་འབག་གང་བྱུང་དུ་བཀོལ་བ་དང་། འདྲ་པར་ལ་རི་མོ་འདྲ་མིན་བྲིས་པ་ལ་སོགས་པ་ནི་དབུ་མའི་ལམ་ལ་གུས་བརྩི་མ་ཞུས་པ་དང་། བྱིས་པ་ཁོང་ཁྲོ་ལངས་པའི་བྱ་སྤྱོད་ཙམ་ཞིག་ལས་བོད་ཀྱི་རྩ་དོན་ལ་ཕན་པའི་བྱ་འགུལ་ཞིག་ཡིན་པར་རྩ་བ་ནས་ངོས་ལེན་བྱེད་ཐབས་མེད་པ་ཞིག་རེད།
སད་མ་དཀར། ཧཧཧཧཧ་་་་སྙིང་རྗེ།
ཅི་གང་ཤེས་ཀྱི་མིན་འདུག
སྨྱུག་ཐོག་པའི་བསམ་བློའི་ཆུ་ཚད་ཤིག་སྐྱོ་གི་ཡ་་
ལོ་ཤས་ཤིག་ཆབ་སྲིད་གནས་བབ་དང་བསམ་བློའི་ཆུ་ཚད་ཡར་རྒྱས་ཆེད་དུ་འབད་བརྩོན་བྱས་ན་ཕན་ཆེ་བར་བསམ།
སྙིང་རྗེ་་་་ཨོཾ་མ་ཎི་པ་དྨེ་ཧཱུྃ།་་་་
རྒྱ་མི་ཞི་ཞེས་པ་མི་སྒེར་ལ་ངོ་རྒོལ་རྗེས་གྱི་ཡོད་དམ། གོང་གི་དཔྱད་རྩོམ་ནང་བཀོད་ལྟར་ན་ཞི་ཅིན་ཕིན་ལ་ངོ་རྒོལ་བྱས་ན་བྱི་བའི་ལས་ཀ་ལྟ་བུ་གསུངས་འདུག། ངའི་བསམ་ན་ དེ་ལྟར་མིན་ཞི་ཅིན་ཕིན་ནི་རྒྱ་ནག་རྒྱལ་ཁབ་གྱི་མགོ་ཁྲིད་དང་རྒྱ་ནག་གི་སྔ་རྗེས་ཚང་མ་མཚོན་གྱི་ཡོད་དུ་ང་ཚོ་སྤྲུན་ཟླ་རྣམས་ལ་རྡོག་རོལ་དང་དཀའ་སྡུག་མྱོངས་བ་དེ་དུ་ནམ་ཡང་སེམས་ནང་དྲན་ནས་རྒྱ་རྒན་དེ་ཚོ་ངོ་རྒོལ་ཐ་ཅིག་དུ་བྱས་དགོས།་བོད་རྒྱལ་ལོ།།
བོད་རྒྱལ་ཁབ་(ཆགས་འཇིག)་(ཀྱི)་གནད་དོན་གཉན་ཕྲང་ཅན་གྱི་སྐབས་སུ།
བོད་རྒྱལ་ཁབ་འདོད་ཆགས་ཀྱིས་འཇིག་ཟེར། ཧ་ཧ་ཧ་ཧ།
ཨ་ལས་ངན་པོ། ད་ཅིག་བཤད་ནིའི་ཚད་ཨེ་རེད། རང་མཚང་བསྟན་པ་ཙམ་རེད།
བོད་རྒྱལ་ཁབ་(ཆགས་འཇིག)་(ཀྱི)་གནད་དོན་གཉན་ཕྲང་ཅན་གྱི་སྐབས་སུ།
བོད་རྒྱལ་ཁབ་འདོད་ཆགས་ཀྱིས་འཇིག་ཟེར། ཧ་ཧ་ཧ་ཧ།
ཨ་ལས་ངན་ཕོ། ད་ཅིག་བཤད་པའི་ཚད་ཨེ་རེད། རང་མཚང་བསྟན་པ་ཙམ་རེད།
ཞི་ཅིན་ཕིན་ལྡེ་ལིར་ཕེབས་དུས་བསམ་ཡས་གླིང་དུ་ངོ་རྒོལ་བྱས་པ་དེའི་གོ་སྒྲིག་པ་བཙན་བྱོལ་བོད་མིའི་སྒྲིག་འཛུགས་རེད་དམ། དེ་ལྟར་མིན་ན།
ལྟ་བ་དང་ལངས་ཕྱོགས་དམིགས་ཡུལ་འདྲ་མིན་འཁྱེར་བའི་ཚོགས་པ་སྒེར་དང་། མི་སྒེར་གྱིས་ལས་འགུལ་ཆུང་ཚགས་མི་མངོན་ལྐོག་ཏུ་སྦས་ནས་སྤེལ་བ་ལས།
འདི་བཙན་བྱོལ་བོད་མིའི་སྒྲིག་འཛུགས་ནས་རང་གི་དབུ་ལམ་རྡོག་རོལ་རྩིས་མེད་བཏང་འདུག་སྙམ་ན།
གཞི་མེད་ཀྱི་སྐྱོན་འཛུགས་ཆེན་པོ་ཞིག་བྱས་པས། ཡིད་གཟབ་ཀྱིས་བྲིས་ཤིང་ཡིད་གཟབ་ཀྱིས་འགན་འཁུར་གནང་ནས་གསུང་དགོས་པ་འདུག་ཟེར་བ་དེ་ཡིན།
ཁྱེད་ཀྱིས་གསུངས་པ་ལྟར་ན། ང་ཚོས་རྒྱའི་དཔོན་ངན་ཚོ་ཡོང་དུས། ཁ་བཏེགས་བཟུང་ནས་བསུ་མ་བྱེད་དགོས་ཟེར་པ་རེད་དམ།
རང་མིང་ནོར་ཡོད་མེད་ཁྱོས་ཤེས་རྒྱུ་ཞིག་མ་རེད། དོན་ནོར་བྱུང་ཡོད་མེད་ཀྱང་ཁྱོས་ཤེས་མི་འདུག དགོངས་དག རྒྱ་མི་གཅིག་གིས་ཀྱང་རྒྱའི་ཚབ་མཚོན་ཐུབ་པ་ཡོད་ནི་རེད།
( དེས་ན་འབྱུང་འགྱུར་ཞི་ཅིན་ཕིན་གྱི་གདོང་འབག་གང་བྱུང་དུ་བཀོལ་བ་དང་། འདྲ་པར་ལ་རི་མོ་འདྲ་མིན་བྲིས་པ་)
འབྱུར་གྱུར་ཟེར་ན་བཤད་དཀའ་མོད། ཉེ་སྔོན་དེ་ལྟར་བྱས་པ་བསམ་མེད་རང་རེད།
ཐོག་མར་རང་མིང་ནོར་འདུག སད་མ་ཀར་ཡིན་པ་ལས་དཀར་མ་རེད། དེ་ནས་དོན་ནོར་ཤག རྡ་སར་ཆོས་ཞུ་རུ་ཡོང་མཁན་གྱི་རྒྱ་མི་ཚོ་རྒྱ་མི་དུང་ཕྱུར་བཅུ་བཞིའི་ནང་གི་སྤུ་ཉག་རེ་འགའ་རེད་ལ། དེ་དག་རྒྱ་མི་ཡོངས་ཀྱི་ཚབ་བྱེད་ཐུབ་པ་མ་རེད། གཞན་ཞིས་ཅིན་ཕེན་ལ་ངོ་རྒོལ་བྱེད་ད་བྱེད། བོད་ནང་མེར་བསྲེག་ངོ་རྒོལ་བསྟུད་མར་ཡོང་དོན་ཅི་རེད། དེ་ཙམ་ཡང་ཧ་མ་གོ་ན་ཐབས་སྐྱོ་བོ་ཞེ་དྲག་རེད།