ཟླ་འདིའི་ཕྱི་ཚེས་ ༨ ཉིན་དཀར་མཛེས་རྫོང་ཁྲོམ་གཞུང་དུ་བཙུན་མ་ཡེ་ཤེས་མཁའ་འགྲོ་ཞུ་བ་ཞིག་གིས་རང་ལུས་མེར་བསྲེགས་གནང་ཡོད་འདུག
འདི་གར་གྲྭ་བློ་བཟང་བསྟན་འཛིན་ལགས་ཀྱིས་གནས་ཚུལ་མཁོ་སྤྲོད་གནང་བ་ལྟར་ན། ཟླ་འདིའི་ཕྱི་ཚེས་ ༨ ཉིན་གྱི་བོད་ནང་གི་སྔ་དྲོའི་ཆུ་ཚོད་ ༩ ཡས་མས་སུ། དཀར་མཛེས་རྫོང་ཉེན་རྟོག་ལས་ཁུངས་ཀྱི་ཉེ་འཁྲིས་སྐུ་འབུམ་ཞབས་ཏུ་ངང་སྒང་ཇོ་མོ་དགོན་གྱི་བཙུན་མ་ཡེ་ཤེས་མཁའ་འགྲོ་ཞུ་བ་ཞིག་གིས། ༧གོང་ས་མཆོག་བོད་དུ་གདན་འདྲེན་ཞུ་དགོས། བོད་ལ་རང་དབང་དགོས། ༧ གོང་ས་མཆོག་སྐུ་ཚེ་ཁྲི་ལོར་བརྟ
བཙུན་མ་ཡེ་ཤེས་མཁའ་འགྲོ་ལགས་ནི་བྲག་འགོ་རྫོང་ཏྲེ་ཧོར་བྲག་ཟུར་གྲོང་བྲག་ཟུར་ཚང་ནས་ཡིན་པ་དང་། གཅེས་མིང་ལ་ཡེས་ཡང་ཞུ་བ་དང་ད་ལོར་རང་ལོ ༤༧ ཡིན་འདུག ཁོང་མོ་ལོ་མང་རིང་རང་དགོན་དུ་བསྙེན་མཚམས་སུ་བསྡད་ཡོད་པ་མ་ཟད། ཉམ་ཆུང་ཚུལ་མཐུན་དང་རྒྱུན་དུ་བོད་དོན་ཐད་དོ་སྣང་ཆེན་པོ་ཡོད་མཁན་ཞིག་ཀྱང་ཡིན་འདུག
ད་ལྟའི་ཆར་ཤི་གསོན་གྱི་གནས་ཚུལ་ཞིབ་ཕྲ་ཤེས་རྟོགས་ཐུབ་ཀྱི་མེད་ཀྱང་། སྐབས་དེར་དངོས་སུ་མཐོང་མཁན་ཕལ་ཆེར་བས་བཙུན་མ་ཁོང་
ཡང་གནས་ཚུལ་མཁོ་སྤྲོད་པས། ཡ་མཚན་པ་ཞིག་ལ་ད་ལན་མེར་སྲེག་གི་དོན་རྐྱེན་དེ་བྱུང་རྗེས་དཀར་མཛེས་ཁྲོམ་གཞུང་དུ་ཉེན་རྟོག་པས་འཇིགས་སྐུལ་དང་དམག་གིས་བསྐོར་གཡེང་སོགས་གང་ཡང་མ་བྱས་པར་རྒྱུན་ལྡན་ལྟར་བཞག་ཡོད་སྐོར་བརྗོད་བྱུང་།
གསར་འགོད་པ། པདྨ་མཚོ།
དེ་རིང་གི་རྒྱལ་གཅེས་དཔའ་མོ་འདི་བརྩིས་པའི་རང་ལུས་མེར་བསྲེག་གནང་མཁན་གྲང་ཀ་དང་། འདས་གསོན་ཇི་བྱུང་སུས་ཤེས་ན་འདིར་འགོད་རོགས།
སྤྱན་རས་གཟིགས་ཀྱིས་མཁྱེན། གང་མགྱོགས་བདེ་བ་ཅན་དུ་སྐྱེ་བར་ཤོག ཨོྃ་མ་ཎི་པདྨེ་ཧཱུཾ། ཨོྃ་མ་ཎི་པདྨེ་ཧཱུཾ། བདེ་ཨོྃ་མ་ཎི་པདྨེ་ཧཱུཾ། བདེ་ཨོྃ་མ་ཎི་པདྨེ་ཧཱུཾ།
གསར་འགྱུར་བརྒྱུད་ལམ་གཞན་པའི་ནང་རྒྱལ་གཅེས་པ་ཁོང་གི་མཚན་ལ་ཡེ་ཤེས་སྒྲོལ་མའམ་ཡེས་དགའ་ཞེས་བྲིས་འདུག་པས་དེ་དོན་ཀློག་པ་པོ་ཚོད་དཔྱད་པར་འཚལ།་
http://www.boxun.com/news/gb/china/2015/04/201504100759.shtml#