ཝཱཎ་དབུས་བོད་ཀྱི་གཙུག་ལག་སློབ་གཉེར་ཁང་། འཇམ་དབྱངས་དོན་གྲུབ།
ཟླ་འདིའི་ཚེས་དགུ་ཉིན་དཔལ་ལྡན་སྲིད་སྐྱོང་བློ་བཟང་སེང་གེ་མཆོག་སྔར་རྒྱུན་བཞིན་ཞལ་ནུབ་ལ་གཟིགས་ནས་ཨ་རིར་ཕེབས་པ་དང་། ཨ་རིའི་གྲོང་ཁྱེར་ཉེའུ་ཡོག་ཏུ་ཕེབས་ནས་ཆུ་ཚོད་གསུམ་ཏག་ཏག་གི་རྗེས་སུ་ཨ་རིའི་བོད་སྐད་རླུང་འཕྲིན་ཁང་གི་ཀུན་གླེང་ལེ་ཚན་གྱི་བཅར་འདྲི་དང་ལེན་གནང་ཞིང་། བཅར་འདྲིའི་ནང་དོན་གཙོ་བོ་ནི་སྲིད་སྐྱོང་གི་ཞབས་བཀྱག་མཐོ་པོ་འདིའི་སྒང་དུ་བཞུགས་ནས་ལོ་ངོ་ཧྲིལ་པོ་བཞི་ཕྱིན་པའི་ནང་གྲུབ་འབྲས་གང་ཞིག་ཐོན་ཡོད་མེད་དང་། མ་འོངས་༢༠༡༦ལོའི་སྲིད་སྐྱོང་གི་འོས་མིར་སླར་ཡང་བཞེངས་དགོས་པའི་དགོས་དམིགས་སྐོར་ལ་ཡིན། སྲིད་སྐྱོང་མཆོག་གིས་འདས་པའི་ལོ་ངོ་ཧྲིལ་པོ་བཞིའི་ནང་གི་གྲུབ་འབྲས་ཆེ་ཤོས་ནི་བོད་ཕྱི་ནང་གཉིས་ཀྱི་སྤྱི་ཚོགས་ནང་སྔར་ལོ་རྒྱུས་ཐོག་བྱུང་མ་མྱོང་བའི་ལྷིང་འཇགས་བྱུང་བ་དེ་རེད་ཅེས་བཀའ་གནང་ཞིང་། དེ་ཡང་ཆབ་སྲིད་ཀྱི་འཕོ་འགྱུར་ཆེན་པོ་འགྲོ་བའི་སྐབས་ལ་འཛམ་གླིང་ཤར་ནུབ་གང་སར་གནས་པའི་རྒྱལ་ཁབ་མང་ཆེ་བའི་ནང་རྙོག་དྲ་དང་འགལ་འདུ་མང་པོ་ཡོང་གི་ཡོད་ཀྱང་ང་ཚོའི་སྤྱི་ཚོགས་ནང་ཞོ་ལྟར་ལྷིང་འཇགས་ངང་གནས་ཐུབ་པ་བྱུང་ཡོད་པ་མ་ཟད། ད་དུང་བོད་མིའི་སྤྱི་ཚོགས་ནང་སྔར་ལས་ཀྱང་འཆམ་མཐུན་དང་ཡར་རྒྱས་མངོན་གསལ་དོད་པོ་ཕྱིན་ཡོད་སྐོར་གསུངས། དོན་དངོས་ཐོག་བོད་ཕྱི་ནང་གཉིས་ཀར་ཞོ་ལྟར་ལྷིང་འཇགས་སེ་གནས་པའི་སྤྱི་ཚོགས་འདི་འུར་ཟིང་ཆེ་རི་ཕྱིན་ཡོད་ལ། རྙོག་དྲ་དང་འགལ་ཟླ་ཆར་རྗེས་ཀྱི་མྱུ་གུ་བཞིན་ལོ་རེ་ནས་ལོ་རེར་འཕེལ་བཞིན་ཡོད་པ་མིག་མཐོང་ལག་ཟིན་ཡིན། བོད་ནང་ལ་མཚོན་ན་ཡང་རང་ལུས་མེར་བསྲེགས་གཏོང་གནང་མཁན་ག་ཚོད་བྱུང་ཡོད་པ་འོན་པ་ཞིག་ཡིན་ཡང་གོ་ཚོད་དང་ཞར་བ་ཞིག་ཡིན་ཡང་མཐོང་ཚོད་རེད། དེ་བཞིན་བཙན་བྱོལ་ནང་ལ་ཡང་དབུ་མའི་ལམ་དང་རང་བཙན་རྩོད་མཁན་ཚོའི་དབར་མེ་དང་སྤུ་ཐུག་པ་ནང་བཞིན་འགལ་ཟླ་རིམ་པར་བྱུང་ཡོད་ལ། ཇོ་ནང་ཆོས་བརྒྱུད་ཀྱི་རྩོད་རྙོག་དང་གྲོས་ཚོགས་ར་བའི་ནང་འཁྲུག་རྩོད་བྱུང་སྟེ་ཞབས་འདྲེན་གང་འདྲ་ཞུས་ཡོད་མེད། ཚེ་འདི་ཕྱི་གཉིས་ཀྱི་མགོན་སྐྱབས་༧སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་གི་སྐུ་ཕྱྭར་ལོ་རྒྱུས་ཐོག་བྱུང་མ་མྱོང་བའི་ཉེན་ཁ་ག་རེ་འཕྲད་ཡོད་མེད་སོགས་རྟ་མོག་གི་སྤུ་བཞིན་མང་ཞིང་རྫོབ་པས་འདིར་ཚང་མ་བརྗོད་འདོད་མེད་ལ་བདག་གི་བཤད་བྱ་ཡང་མིན་པས་རེ་ཞིག་དེ་ཙམ་གྱིས་འཐུས་པར་བྱའོ།
ད་རེས་འདིར་ཁོ་བོས་གལ་ཆེན་དོན་ཆེན་དུ་གླེང་བར་བྱ་བའི་གཞི་གཙོ་བོ་ནི། སྐབས་དེར་ཀུན་གླེང་ལེ་ཚན་གྱི་བཅར་འདྲི་གནང་མཁན་པ་སངས་དབྱངས་སྐྱིད་ལགས་ཀྱིས་མཐའ་དོན་དེར་སྲིད་སྐྱོང་མཆོག་ལ་མི་མང་འོས་འཕེན་མཁན་ཚོ་ལ་མ་འོངས་པར་དམིགས་བསལ་ཕྱག་ལས་འདི་དང་འདི་གནང་ཐུབ་ས་རེད་ཅེས་དམ་བཅའ་དང་ཁས་ལེན་ག་རེ་གནང་ཡག་ཡོད་དམ་ཞེས་བཅའ་འདྲི་ཞུས་པའི་ལན་དུ་སྲིད་སྐྱོང་མཆོག་གིས།༼ངས་དཀའ་ལས་ཧུར་ཐག་འབད་ཐག་བརྒྱབ་པ་ཡིན། བློ་བཟང་སེང་གེས་དཀའ་ལས་བརྒྱབ་མ་སོང་ཟེར་ཡག་དེ་ཕལ་ཆེར་མི་སུ་ཞིག་གིས་ཀྱང་ལབ་མི་ཐུབ་པ་རེད། ངས་ལོ་བཞིའི་རིང་གཞིས་ཆགས་ཡོངས་རྫོགས་ལ་ཕྱིན་པ་ཡིན། སློབ་གྲྭ་ཡོངས་རྫོགས་ལ་ཕྱིན་པ་ཡིན། རྒན་གསོ་ཁང་མང་ཆེ་བ་དང་དགོན་སྡེ་མང་ཆེ་བར་ཕྱིན་པ་ཡིན།༽ཞེས་སྤོབས་པ་དང་གདེང་ཚོད་ཆེན་པོའི་སྒོ་ནས་གསུངས་སོང་། མི་མང་གིས་ཡིད་ཆེས་ཆེན་པོས་འོས་ཤོག་བླུགས་ཏེ་སྲིད་སྐྱོང་གི་ཁྲི་ལ་བསྐོས་ཤིང་། སྡོང་པོ་འགུལ་སྡོད་མེད་ཀྱང་རླུང་བུས་མི་འཇོག་ཅེས་པའི་དཔེ་བཞིན། མི་མང་གི་དབུ་ལ་བཞུགས་པའི་མི་ཆེན་དཔོན་ཆེན་ཞིག་གིས་ཞལ་དང་ཤངས་གཉིས་ཀྱི་དབར་དེ་ལྟ་བུའི་རྫུན་གཏན་ཆེན་པོ་དེ་འདྲ་གསུང་དགོས་དོན་ཅི་ཡིན་ནམ་སྙམ་ཏེ་ལམ་སེང་རྩོམ་ཡིག་འདི་འབྲི་བའི་འདུན་པ་ངམ་ངམ་ཤུགས་ཀྱིས་སྐྱེས་བྱུང་། བློ་བཟང་སེང་གེས་བཀའ་བློན་ཁྲི་པར་མ་བཞེངས་སྔོན་ལ་མི་མང་ནས་འོས་སློང་སྐབས། ཝཱ་རཱ་ཎ་སཱི་དབུས་བོད་ཀྱི་གཙུག་ལག་སློབ་གཉེར་ཁང་ནི་༧གོང་ས་མཆོག་གིས་ཐུགས་རེ་ཆེན་པོ་གནང་སའི་ཤེས་ཡོན་གྱི་བསྟི་གནས་གཙོ་བོ་ཞིག་ཡིན་ཞིང་། བོད་ཕྱི་ནང་གཉིས་ནང་སྒང་པ་བོད་ཀྱི་ཐུན་མོང་མ་ཡིན་པའི་སྲོལ་རྒྱུན་གྱི་རིག་གཞུང་དང་ལེགས་བྱང་ཁག་ཉམས་པ་སླར་གསོ་དང་མི་ཉམས་གོང་འཕེལ་གཏོང་སའི་སློབ་ཆེན་ཞིག་ཡིན་པས་གལ་ཆེན་པོ་ཞིག་ལ་བརྩི་ཡི་ཡོད་པས། གཙུག་ལག་སློབ་གཉེར་ཁང་དེར་སློབ་གཉེར་བྱེད་བཞིན་པའི་སློབ་མ་རྣམས་ཀྱི་འཚོ་དོད་ཆེད་ལོ་ལྟར་བློ་བཟང་སེང་གེ་རང་ངོས་ནས་ཧིན་སྒོར་ཁྲི་འགའ་ཤས་གནང་གི་ཡོད་པ་དང་། མ་འོངས་པར་ཡང་གནང་འཆར་ཡོད་པའི་གཏམ་སྦྲང་རྩི་ལས་སྙན་པ་ཞིག་ས་ཕྱོགས་གར་སར་གསུངས་མྱོང་བ་རེད། འོན་ཀྱང་གུས་པ་རང་ཉིད་སློབ་ཆེན་འདིར་སླེབས་ནས་ལོ་ངོ་ཧྲིལ་པོ་དྲུག་ཙམ་ཕྱིན་སོང་ཡང་སློབ་གཉེར་བ་ཚོའི་ཞལ་ལག་ཡར་རྒྱས་དང་འཚོ་དོད་ཆེད་སྲིད་སྐྱོང་མཆོག་ནས་སྒོར་གཅིག་གནང་བ་གོ་མྱོང་ཡང་མེད་ལ། དངོས་ཡོད་གནས་ཚུལ་ལ་ཡང་དེ་དེ་བཞིན་ཡིན་པ་ཚང་མས་མཁྱེན་གསལ་ཡིན། དེ་ལས་ཀྱང་རྫབ་ཆེ་བ་ཞིག་ལ་བློ་བཟང་སེང་གེ་སྲིད་སྐྱོང་གི་ཁྲི་ལ་ཕེབས་ནས་ལོ་ངོ་བཞི་ལྷག་འདས་ཟིན་ཅིང་། ལོ་ངོ་འདི་དག་རིང་སྟོབས་ཆེན་རྒྱལ་ཁབ་ཨ་རིས་གཙོས་འཛམ་གླིང་ཤར་ནུབ་གང་སར་ཞབས་ཟུང་གི་རེ་ཁ་མངོན་པར་འཁོད་ཀྱང་གནས་མཆོག་ཝཱ་རཱ་ཎ་སཱིར་གནས་བཅའ་བའི་དབུས་བོད་ཀྱི་གཙུག་ལག་སློབ་གཉེར་ཁང་འདིར་ཐེངས་གཅིག་ཀྱང་མ་ཕེབས་པའི་རྒྱུ་མཚན་ཅི་ཞིག་ཡིན་ནམ། སྲིད་སྐྱོང་མཆོག་གིས་སློབ་གྲྭ་ཡོད་ཚད་ལ་ཕེབས་པ་ཡིན་ཞེས་གསུངས་པས་འོ་ན་གཙུག་ལག་སློབ་གཉེར་ཁང་འདི་སློབ་གྲྭ་ཞིག་ལ་བརྩི་ཡི་མེད་དམ། ཡང་ན་ངེད་སློབ་ཆེན་གྱི་འཛིན་སྐྱོང་གྱི་དབུ་ལ་བཞུགས་པ་ཚོས་གདན་འདྲེན་ཞུས་མེད་པ་རེད་དམ། ཡང་ན་ནུབ་ཕྱོགས་རྒྱལ་ཁབ་ཁག་ལ་རྟག་ཏུ་ཕེབས་རྐྱང་གནང་བས་བཙན་བྱོལ་ནང་སློབ་གྲྭ་འདི་འདྲ་ཞིག་ཡོད་པ་ཐུགས་ཀྱི་གཏིང་ནས་དྲན་པ་སྐྱུད་པ་ཡིན་ནམ། དྲི་བ་འདི་དག་ལ་ཅིས་ཀྱང་ལན་འདེབས་གསལ་པོ་ཞིག་གནང་རོགས་ཞེས་ཞུ་འདོད་བྱུང་།
སྐད་ཆ་དྲང་མོ་བཤད་ན། གཙུག་ལག་སློབ་གཉེར་ཁང་འདི་ནི་༧གོང་ས་མཆོག་གི་རླབས་ཆེན་གྱི་དགོངས་བཞེད་འོག་གསར་བཙུགས་གནང་བ་དང་། སློབ་དཔོན་ཆེན་པོ་སྐྱབས་རྗེ་ཟམ་གདོང་རིན་པོ་ཆེས་ལོ་ངོ་ཧྲིལ་པོ་སུམ་ཅུ་དང་དགེ་བཤེས་ངག་དབང་བསམ་གཏན་མཆོག་གིས་ལོ་ངོ་བཅོ་ལྔའི་རིང་སྐུ་ངལ་ཚད་མེད་བསྐྱོན་ནས་ཕྱི་ནང་སྣོད་བཅུད་གཉིས་ཀ་ཕུན་སུམ་ཚོགས་པའི་དག་ཞིང་ཞིག་གི་ཚད་དུ་བསྐྱལ་ཡོད་ལ། བོད་ཀྱི་ཐུན་མོང་མ་ཡིན་པའི་ཆོས་དང་རིག་གཞུང་མི་ཉམས་རྒྱུན་འཛིན་བྱེད་མཁན་གྱི་ཚོགས་སྡེ་གལ་ཆེན་ཞིག་ཆགས་ཡོད་པ་མ་ཟད། ལྷག་པར་དུ་བོད་ཀྱི་ནང་ཆོས་གཙོ་བོར་གྱུར་བའི་རིག་གཞུང་དང་རིག་གནས་ཀུན་གྱི་མ་ཕྱིར་གྱུར་བའི་རྒྱ་གར་གྱི་གནའ་བོའི་སྐད་ཡིག་ལ་སློབ་སྦྱོང་བྱེད་སའི་ཤེས་རིག་གི་བསྟི་གནས་གལ་ཆེན་ཞིག་ཆགས་ཡོད་པ་རེད། ཨ་རིའི་ཧྭ་ཧྤུ་གཙུག་ལག་སློབ་ཆེན་གྱིས་ཨ་རིའི་འཇོན་ནུས་ཅན་གྱི་རླབས་ཆེན་གྱི་སྐྱེས་བུ་མང་པོ་ཞིག་བསྐྱེད་སྲིང་བྱས་དང་བྱེད་མུས་བཞིན། རྒྱ་གར་གྱི་གནའ་བོའི་གྲོང་ཁྱེར་ཀྭ་ཤིར་གཞིས་ཆགས་པའི་འགྲོ་བ་མིའི་བཟོ་གྲྭ་ཆེན་པོ་འདི་ནས་ཀྱང་ད་བར་མཁས་བཙུན་བཟང་གསུམ་གྱི་མི་སྣ་མང་པོ་ཞིག་བསྐྱེད་བསྲིངས་བྱས་ཡོད་པ་སྲིད་སྐྱོང་མཆོག་གིས་ཀྱང་མཁྱེན་ཚོད་ཡིན་ངེས། སྲིད་སྐྱོང་མཆོག་གིས་ནམ་རྒྱུན་བོད་ཀྱི་སྐད་ཡིག་དང་རིག་གཞུང་ལ་སྲུང་སྐྱོབ་བྱེད་དགོས་རྒྱུ་ནི་ཤིན་ཏུ་གལ་ཆེན་པོ་ཡིན་ཞེས་ཨ་མ་རྒན་མོའི་ཞལ་ནས་མ་ཎི་བགྲང་བ་བཞིན་གསུང་གནང་ཡང་། སྲིད་སྐྱོང་གི་ལས་ཡུན་ལོ་ངོ་ལྔ་རྫོགས་ལ་ཉེ་ཡང་ད་བར་སློབ་གླིང་འདིའི་ཐེམ་པ་ཙམ་ཡང་མི་བརྒལ་བ་དེ་ནི་དངོས་གནས་བསམ་ཡུལ་ལས་འདས་པ་ཞིག་མ་རེད་དམ།
ངས་དེ་བཞིན་མཐོང་གིན་འདུག
འཇམ་དབྱངས་དོན་གྲུབ་ལགས་ཀྱིས་རྩོམ་ཡིག་འདི་ལ་ལྟས་ཙང་གནས་ལུགས་གང་ཙམ་འདུག་བསམ་པ་ཞིག་འདུག་རྒྱུ་མཚན་གང་ཡིན་ཟེར་ན་སྲིད་སྐྱོང་ལགས་ཀྱི་ལྷངས་འཇག་གསུང་བ་འདིའི་དོན་ངོས་གང་ཞིག་ལྷངས་འཇག་བྱུང་བ་ལ་དངོས་འཛིན་གནང་གི་ཡོད་བོད་མིའི་སྒྲིག་འཛུགས་ལ་ཆ་བཞག་ན་ལས་བྱེད་ཚོས་རྩ་དགོངས་ཞུ་མཁན་ག་ཚོད་བྱུང་འདུག་གཞུང་ཞབས་ཚོས་འདོད་བློ་མ་གང་བར་རྒྱུན་དུ་གནས་ལུགས་དང་རྒྱུ་མཚན་བཤད་བཞིན་ཡོད་པ་ཐོས་ཡོད་དམ། མ་ཟད་རྩ་དགོངས་འདི་འདྲ་མང་པོ་ཞིག་གཞུང་ཞབས་ནང་ཡོང་དགོས་པ་གང་རེད། དེ་ཚོ་ཐུགས་བསམ་གཏོང་དགོས་པ་རེད། སྦྱི་འཐུས་ཐང་གཉིས་ཙམ་ལ་ཚོགས་མ་ཐུབ་པས་གནས་སྟངས་བྱུང་བ་རེད་འདི་ཡང་ལྷངས་འཇག་ལ་རྩི་བཞིན་ཡོད་དམ། ༸གོང་ས་མཆོག་ཕྱི་རྒྱལ་ཁག་ཏུ་ཕེབས་སྐབས་དོལ་ཚོགས་ཀྱི་སྐད་འབོད་ངོ་རྒོལ་གང་འདྲ་བྱེད་ཀྱིན་འདུག་འདི་ལྷངས་འཇག་ཡིན་ནམ། མགོ་རིལ་སྣ་བའི་མི་ཚོལ་ཁ་བྱས་ན་དགེ་མཚན་ཞིག་མཐོང་མ་སོང་ཞེས་བརྗོད་འདོད་བྱུང་།
༄༄། སྲིད་སྐྱོང་ལ་ཝཎ་མཐོ་སློབ་ནས་ཕེབས་རོག་ཞེས་ཞུ་མྱོང་ཡོད་དམ།
༼འཚོ་དོད་ཆེད་སྲིད་སྐྱོང་མཆོག་ནས་སྒོར་གཅིག་གནང་བ་གོ་མྱོང་ཡང་མེད་ལ། ༽
ཁོ་རང་ལ་དངུལ ་དགོ་བ་འད྄་ ཨཁ་ཁག་མེད
དུས་རྒྱུན་ཡིན་ན་ཝར་ཎ་མཐོ་སློབ་གྱི་སློབ་མར་གདེངས་འཇོག་གང་ཙམ་ཡོད། ད་རེས་ལྷིང་འཇགས་ཞེས་པའི་ཚིག་འབྲུ་ཆུང་ངུ་འདིའི་དོན་མ་གཏོག་དུས་སྙིང་རླུང་སྟེང་ནས་འཚང་ཡོང་གི ལོ་ངོ་བཞི་རྒྱ་ལྷག་གི་ལོ་རྒྱུས་ལྡན་པའི་ལམ་ལུགས་ཧོབ་དེ་མེད་པ་གྱུར་ནས་ལམ་སྲོལ་གསར་པ་ཞིག་ལ་བསྐྱོད་དགོས་དུས། བོད་མི་ཚོར་སེམས་ཚབས་དང་ཞེད་སྣང་ཡོད་པ་གསལ་བོ་རེད་པ། དེ་ལྟ་བུའི་ཞེད་སྣང་དང་དངངས་སྐྲག་གི་གནས་ལ་གྱར་ནས་དཀའ་ལས་ཉིས་རྩགས་ཆགས་སྐབས། དེ་གང་ལ་གང་ཙམ་གྱི་”ལྷིང་འཇགས་” སུ་གཏོང་མཁན་དེ་སྲིད་སྐྱོང་དང་པོ་མ་ཡིན་ནམ། མ་གཞི་ནས་ཝར་ཎ་བོད་ཀྱི་མཐོ་ཁང་གི་དབུ་འཛིན་སྲིད་སྐྱོང་མ་རེད་པ། ཁ་ལག་མ་འགྲིགས་ན་འཛིན་སྐྱོང་ལ་ཡར་ཞུ་གནང་། བོད་ཀྱི་སྲིད་སྐྱོང་ལ་ཁ་ལག་སྤྲད་ཀྱིན་མི་འདུག་ལབ་ན་ལན་པོ་འདྲ་ཨེ་འདུག་གམ། ལྷག་དོན་བོད་ཀྱི་སྲིད་སྐྱོང་བོད་མི་ཡོངས་རྫོགས་ཀྱི་ལས་འགན་བཞེད་གནང་གི་ཡོད་ཙང་ཁྱེད་ཀྱི་ཁ་ལག་ལ་ཐུགས་བསམ་བཞེད་རིན་འདྲ་ཨེ་ཡོད་ན།
འཇམ་དབྱངས་ལགས་ཀྱིས་དངོས་ཡོད་གནས་ཚུལ་་བཤད་དུས། ཆ་འཇིན་གཡམ་རྒྱུགས་ཅན་གྱི་ཆ་མེད་རྒྱུས་མེད་འགས། གནའ་སྔ་མོའི་དཔེ་ལྟར་”ངས་མེས་པོས་ཟེར་གྱི་འདུག་”ཅེས་་པ་དེ་ཅི་བས་བློ་ལ་མི་འབབ་པ་ཞིག་ཡིན། སྲིད་སྐྱོང་གིས་་གཞུང་འཛིན་པའི་རིང་། སློབ་གླིང་དེར་རྒྱུན་ཆགས་ནས་་ཐུགས་ཁུར་གནང་མེད་པ་་སྨྲོས་ཅི་དགོས། མདོར་ན་ཕྱི་མིག་ཞིག་ཀྱང་འཕངས་མྱོང་མེད་ཟེར་ནའང་ཆོག་པ་ཡིན། དེ་ལ་བརྟེན་ནས། བོད་ཕྲུག་མང་པོ་ཞིག་སེམས་ཤུགས་ཆག་གིན་ཡོད་པ་མཐོང་ཆོས་མྱོང་གསལ་ཡིན། མང་པོ་མི་བཤད། སྲིད་སྐྱོང་གིས་དངུལ་གྱི་རོགས་སྐྱོར་གནང་ཟེར་བ་དེ་རྫུན་གྱི་ནང་ནས་་རྫུན་ཆེན་ཡིན།
ཁྱེད་ཀྱི་གསུངས་སྟངས་དེ་འདྲ་རང་ཨ་ཡིན་སྙམ། ཁོང་པ་ལོ་བཞི་རིང་ལ་མང་ཚོགས་ནས་འགན་གང་ཕུལ་བ་གནང་སོང་བ་ཐེ་འཚོམ་བྱ་མི་རུང་། སྲིད་སྐྱོང་མཆོག་གིས་བཙན་བྱོལ་བོད་མིས་ཁོང་ལ་སྲིད་སྐྱོང་གི་འགན་མ་ཕུལ་གོང་ཝར་ཎ་མཐོ་སློབ་ཀྱི་སློབ་ཕྲུག་རྣམས་པའི་ཟས་དོད་ལ་ཕེན་པའི་རོགས་དངུལ་ལོ་ལྟར་དང་ད་དུང་ཡང་མུ་མཐུད་ནས་རྒྱ་སྒོར་༣༠༠༠༠ ནས་༤༠༠༠༠ བར་གནང་མུར་ཡིན་པ་ད་ཁྱེད་ཀྱིས་ཟས་གད་སྙིགས་སྐྱག་པར་འགྱུར་ཟིན་པ་གར་སོང་ཆ་མ་རྟོགས་པ་ལྟ་བུ་དེ་ལ་ རྒྱགས་པའི་ཁ་ནས་བཙོག་དྲི་ཞེས་པ་ལྟར་གནང་རྒྱུ་མི་རུང་།
ཝ་ཎ་སློབ་གྲའི་འགྲོ་སོང་རྒྱ་གར་གཞུང་ནས་གཏོང་གི་ཡོད་མ་རེད་པས།