མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

འབྱུང་འགྱུར་ལོ་གསུམ་ནང་ཏན་ཏན་འཕྲོད་བསྟེན་སྔོན་འགོག་ཐོག་གྲུབ་འབྲས་སྨིན་ཐུབ་པ་ཞིག་གྲ་སྒྲིག་བྱ་རྒྱུ་ཡིན།

བོད་ཀྱི་དུས་བབ།
༢༠༡༦/༠༣/༣༠
Share on FacebookShare on TwitterShare on EmailShare on Whatsapp

བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་ ༡༡ པའི་ལས་ཉིན་ ༨ པའི་སྔ་དྲོར། འཛིན་སྐྱོང་བཀའ་ཤག་ནས་བོད་མིའི་སྤྱི་ཡོངས་ཀྱི་གནས་སྟངས་ཐོག་ལ་གསལ་བཤད་གནང་སྐབས། སྲིད་སྐྱོང་བློ་བཟང་སེང་གེ་མཆོག་གིས་རྒྱལ་སྤྱིའི་སྒང་ནས་བོད་དོན་ཐོག་ཁ་ཕྱོགས་འགྱུར་མགོ་བཙུགས་ཚར་ཡོད་ལ། ཁ་ཕྱོགས་འགྱུར་ཚར་རྗེས་བསྐྱར་གསོ་ཡོང་རྒྱུ་ཁག་པོ་ཡིན་སྐོར་གསུངས་སོང་།

1223སྲིད་སྐྱོང་མཆོག་གིས་ཉེ་སྔོན་༧གོང་ས་མཆོག་ནས་བཙན་བྱོལ་བོད་མིའི་འཕྲོད་བསྟེན་ཐད་འཐུས་ཤོར་ཆེན་པོ་ཕྱིན་ཡོད་སྐོར་བཀའ་སློབ་གནང་ཡོད་པ་ལྟར། བཀའ་ཤག་ནས་འཕྲོད་བསྟེན་ཐོག་ལོ་ ༣ ནང་ཚུད་གྲུབ་འབྲས་ཡོང་བའི་འཆར་གཞི་བསྒྲིག་རྒྱུ་ཡིན་སྐོར་གསུངས་དོན། ད་ལན་གྱི་གྲོས་ཚོགས་ར་བ་འདིའི་ནང་ལའང་བཀའ་མོལ་བྱུང་ཡོད་པ་རེད། གནད་དོན་ཆེ་ཤོས་གཅིག་དེ་ཉེ་ཆར་སྨན་རྩིས་ཁང་དབུ་བརྙེས་ནས་ལོ་ ༡༠༠ འཁོར་བའི་དུས་ཆེན་གྱི་སྐབས་སུ་༧གོང་ས་མཆོག་ནས་བཀའ་སློབ་ནན་པོ་ཞེ་དྲགས་ཕེབས་ཡོད་པ་རེད། དེ་བཀའ་ཤག་གི་ངོས་ནས་ཡིན་ནའང་གལ་ཆེན་པོའི་ནང་ནས་གལ་ཆེ་ཤོས་སུ་རྩིས་ཏེ་ཚོར་བ་ཆེན་པོའི་ཐོག་ནས་ཐེངས་ཁ་ཤས་ལ་བཀའ་སྡུར་བྱུང་སོང་། བཀའ་ཤག་ཟེར་དུས་དེའི་ནང་དུ་འཕྲོད་བསྟེན་བཀའ་བློན་ཡིན་ནའང་ཡོད་པའི་བཀའ་ཤག་འདི་ཞུ་ཡི་ཡོད་ལ། སྐབས་དེར་བཀའ་ཤག་ནས་འཕྲོད་བསྟེན་བཀའ་བློན་ལ་ལམ་སྟོན་གནང་ཡོད་པ་དང་། འཕྲོད་བསྟེན་བཀའ་བློན་ནས་ཀྱང་འགན་འཁུར་ཡོད་པའི་ཐོག་ནས་ཁ་སང་གྲོས་ཚོགས་ནང་སྙན་གསེང་ཞུས་པ་ལྟར། འཕྲོད་བསྟེན་ལས་ཁུངས་ནང་འབྲེལ་ཡོད་ལས་བྱེད་མཉམ་འཛོམས་ཀྱིས་ཚོགས་འདུ་ཐེངས་འགའ་ཤས་ཚོགས་ཡོད་པ་དང་། ཁ་སང་གུང་གསེང་དང་སྦྲགས་དགའ་ལྡན་ཕོ་བྲང་ལ་ཕྱག་ཡིག་ཅིག་ཕུལ་ཡོད་པ་རེད། གཙོ་ཆེ་ཤོས་༧གོང་ས་མཆོག་ནས་བཀའ་བློན་ནན་པོ་གནང་དགོས་དོན་གཅིག་དེ་སྔོན་འགོག་ཐོག་བཀའ་སློབ་ཤུགས་ཆེན་པོ་ཞེ་དྲགས་ཤིག་གནང་ཡོང་དུས། བཀའ་ཤག་འདིའི་ཐོག་ནས་ཀྱང་འཕྲོད་བསྟེན་ཐད་སྔོན་འགོག་གཏིང་ཟབ་པོ་ཟེར་ན་འདྲ། ཞིབ་ཚགས་ཡོད་པ་དེའི་ཐོག་རིམ་གྱིས་འཕྲོད་བསྟེན་ལས་ཁུངས་ནས་འགན་འཁུར་བཞེས་པའི་ཐོག་ནས་མ་འོངས་ལས་འཆར་ག་འདྲ་ཡོད་མེད་ཏན་ཏན་འདོན་ཡོང་གི་རེད་བསམ་གྱི་འདུག བཀའ་ཤག་འདིའི་ཐོག་ནས་ཡིན་ནའང་ཏན་ཏན་རང་གྲ་སྒྲིག་བྱ་རྒྱུ་ཡིན། མ་འོངས་པར་བཀའ་ཤག་སུ་ཕེབས་པ་ཡིན་ནའང་ལག་བསྟར་ཏན་ཏན་གནང་གི་རེད་བསམ་གྱི་འདུག ད་ལྟའི་ཆར་ཞུ་རྒྱུར་འབྱུང་འགྱུར་ལོ་གསུམ་གྱི་ནང་ཏན་ཏན་འཕྲོད་བསྟེན་གྱི་སྔོན་འགོག་ཐོག་ལས་འཆར་རྒྱ་ཆེ་བ་ཞིག་དང་། ཆ་ཚང་བ་ཞིག་དགོས་པ་དེར་འགྲོ་སོང་ལ་མ་འཛེམས་པའི་ཐོག་ནས་ལོ་གསུམ་ནང་གྲུབ་འབྲས་སྨིན་ཐུབ་པ་ཞིག་གྲ་སྒྲིག་པ་དང་། ཏན་ཏན་མ་འོངས་བཀའ་ཤག་སུ་ཕེབས་པ་ཡིན་ནའང་ཁོང་རང་ཚོས་འགན་འཁུར་བཞེས་པའི་ཐོག་ནས་ལག་བསྟར་གནང་གི་རེད་བསམ་པའི་ཡིད་ཆེས་ཞུ་ཡི་ཡོད།

དོན་ཚན་གཉིས་པ་དེ་སྐྱོ་བོ་ཉམ་ཐག་དགུང་ལོ་བགྲེས་པོ་རྣམས་ཀྱི་ཐོག་དུས་རྟག་ཏུ་༧གོང་ས་མཆོག་ནས་བཀའ་སློབ་གནང་བཞིན་ཡོད་པ་དང་། དེའི་ཐོག་ལའང་བཀའ་ཤག་ནང་བཀའ་སྡུར་བྱུང་སོང་། ཉམ་ཐག་གི་ཚོགས་ཆུང་དང་སྒྲིག་གཞི་ཞིག་ཡོད་ལ། དེ་སྔ་བཀའ་ཤག་གིས་སྐབས་དང་དུས་ལ་བསྐྱར་ཞིབ་བྱེད་དགོས་ཀྱི་འདུག ལས་བྱེད་མང་དུ་གཏོང་དགོས་ཀྱི་འདུག་ཅེས་བཀའ་སྡུར་བྱུང་བ་རེད། ཡིན་ནའང་ད་ལན་༧གོང་ས་མཆོག་ནས་བཀའ་ནན་པོ་ཞེ་དྲགས་ཤིག་ཕེབས་ཡོང་དུས་ཏན་ཏན་རང་ཉམ་ཐག་གི་ཚོགས་ཆུང་དེའི་ནང་ག་འདྲ་བྱས་ཏེ་ཚགས་ཚུད་དུ་བཟོ་དགོས་ཀྱི་འདུག དེའི་ཐོག་ང་ཚོས་གྲ་བསྒྲིག་སྟེ་ལོ་གསུམ་གྱི་ནང་ཏན་ཏན་གྲུབ་འབྲས་སྨིན་ཐུབ་པའི་འབད་བརྩོན་ཧུར་ཐག་ཞུ་རྒྱུ་ཡིན་ལ། མ་འོངས་བཀའ་ཤག་གི་ངོས་ནས་ཀྱང་ཏན་ཏན་གནང་རྒྱུ་ཡིན་པར་ཡིད་ཆེས་ཞུ་ཡི་ཡོད། ཅེས་གསུངས་སོང་།

ད་ལོའི་འོས་བསྡུ་ཆེན་མོ་དཔེ་མཚོན་དུ་དྲངས་ཏེ་བོད་མིའི་ཡ་རབས་བཟང་སྤྱོད་ཉམས་རྒུད་དུ་འགྲོ་བཞིན་པའི་སྐོར་ནས་གསུངས་དོན། སྤྱི་ཚོགས་སྤྱི་ཡོངས་ཀྱི་ནང་ཡ་རབས་བཟང་སྤྱོད་ཟེར་བ་དེ་ཉམས་ཆག་འགྲོ་ཡི་ཡོད་པར་ང་ཚོ་ཚང་མས་ངོས་འཛིན་གྱི་ཡོད་པ་རེད། ཡ་རབས་བཟང་སྤྱོད་ག་བར་ཉམས་ཆག་འགྲོ་བཞིན་ཡོད་པ་རེད་ལབ་ན་དཔེ་མང་པོ་འཇོག་རྒྱུ་ཡོད་པ་རེད། དཔེ་མཚོན་ཞིག་ཞུས་ན། ཉེ་ཆར་གྱི་འོས་བསྡུ་ཆེན་མོའི་ཐོག་ནས་ཡིན་ནའང་ང་ཚོའི་ཡ་རབས་བཟང་སྤྱོད་ཀྱི་གནས་བབ་ག་ཚོད་ཅིག་ཡོད་མེད་འགྲེམས་སྤེལ་བྱུང་ཡོད་པ་རེད། འོས་བསྡུ་ཆེན་མོ་གཅིག་པུ་ཟེར་གྱི་མེད་སྤྱི་ཚོགས་སྤྱི་ཡོངས་ཀྱི་ནང་ཡ་རབས་བཟང་སྤྱོད་ཉམས་ཆག་ཏུ་འགྲོ་ཡི་ཡོད་པ་དེ་འོས་བསྡུ་ནས་རྣམ་པ་ཞིག་བསྟན་ཡོད་པ་རེད། དེར་བརྟེན་ཡ་རབས་བཟང་སྤྱོད་ཟེར་བ་དེ་༧གོང་ས་མཆོག་དང་བླ་ཆེན་ཁག མི་ཐོག་རྒན་པ་ཚོས་ང་ཚོར་ད་ལྟའི་བར་དུ་གནང་བསྡད་པ་ཞིག་རེད། འོས་བསྡུ་དང་འབྲེལ་བའི་ཐོག་ནས་ཡ་རབས་བཟང་སྤྱོད་ཉམས་ཆག་ཏུ་ཕྱིན་འདུག་ལབ་དུས་དེའི་ནང་དུ་མཉམ་ཞུགས་བྱེད་མཁན་ཚང་མར་ཞུ་ཡི་ཡོད། ཚང་མས་ཏན་ཏན་དགོངས་པ་ཆེ་བཞེས་ཀྱི་ཐོག་ནས་གཟབ་གཟབ་གནང་དགོས་པ་ཤིན་ཏུ་གལ་ཆེན་པོ་རེད་འདུག གང་ཡིན་ཟེར་ན། ང་ཚོའི་མ་རྩ་དང་སྲོག་རྩ་ལྟ་བུ་དེ་ཡ་རབས་བཟང་སྤྱོད་རེད། ང་ཚོས་དམངས་གཙོའི་སྒྲིག་འཛུགས་ལམ་ལུགས་ག་ཚོད་ཡོད་ལབ་པ་ཡིན་ནའང་ཏན་ཏན་ཚགས་ཚུད་ཐག་ཆོད་རེད། རྒྱལ་ཁབ་གཞན་པ་དམངས་གཙོའི་ལམ་ལུགས་ཐོག་ལོ་ཉིས་བརྒྱ་གསུམ་བཞི་བརྒྱ་ལྔ་བརྒྱ་ག་ཚོད་ཕྱིན་པ་དེ་ཚོ་དང་བསྡུར་བ་ཡིན་ན། དམངས་གཙོའི་འགྲོ་སྟངས་འགྲོ་ལུགས་ཁྲིམས་དང་སྒྲིག་གཞིའི་ཐོག་ནས་ད་དུང་ཡིན་ནའང་ང་ཚོ་ཡར་རྒྱས་སུ་འགྲོ་དགོས་པའི་གནས་སྟངས་ཤིག་ཆགས་བསྡད་ཡོད་པ་རེད། དེ་ཡང་ང་ཚོའི་ཐུན་མོང་མ་ཡིན་པའི་དམངས་གཙོ་ཟེར་བ་འདི་ལ་ག་རེ་ཡོད་པ་རེད་ཟེར་ན། ༧གོང་ས་མཆོག་གི་བཀའ་སློབ་ལམ་སྟོན་གནང་བཞག་པ་སྟེ་ཡ་རབས་བཟང་སྤྱོད་ཟེར་བ་རྩ་ཆེ་བའི་མ་རྩ་རེད། དེར་ཉམས་ཆག་ཕྱིན་པ་དང་མེད་པ་ཆགས་ན་ཧ་ལས་པའི་བློ་ཕམ་དང་ཧ་ལས་པའི་ཉེན་ཁ་ཆེན་པོ་རེད། དེར་བརྟེན་ལོ་ལྔ་བཅུ་ལྔ་གྲངས་ལ་མི་ཐོག་རྒན་པ་ཚོས་སྐུ་ལས་བསྐྱོན། སྲི་ཞུ་བ་རྒན་པ་ཚོས་སྐུ་ལས་བསྐྱོན། ༧གོང་ས་མཆོག་ནས་བཀའ་སློབ་ལམ་སྟོན་གནང་བཞག་པ་དེ་ཉམས་ཆག་ཏུ་འགྲོ་བ་དང་ཁ་ཕྱོགས་འགྱུར་བ་དེ་མགྱོགས་པོ་ཞེ་དྲགས་རེད། དཔེར་ན། ད་ལོའི་འོས་བསྡུ་ཆེན་མོའི་ནང་རྒྱ་ནག་གི་ཚགས་པར་ནང་དུའང་རྒྱ་ནག་གི་མགོ་ཁྲིད་ཚོ་ཚུར་ཁ་ལོག་སྟེ་ང་ཚོར་སྐྱོན་བརྗོད་བྱས་ཡོད་པ་རེད། སྤྱིར་བཏང་ཁོ་རང་ཚོའི་འགན་ཁོ་རང་སྐྱོན་བརྗོད་བྱ་རྒྱུ་དང་། ང་ཚོའི་ནུས་པ་ཉམས་པར་གཏོང་རྒྱུ་དེ་ཁོ་རང་ཚོའི་འགན་ཆེ་ཤོས་རེད། ཡིན་ནའང་། རྒྱལ་སྤྱིའི་ཐོག་ནས་ང་ཚོར་མཐོང་སྤྲད་པ་དེ་ཡ་རབས་བཟང་སྤྱོད་ཀྱི་ཐོག་ནས་མཐོང་སྤྲོད་ཀྱི་ཡོད་པ་རེད། བོད་པ་ཟེར་བ་དེར་ཡ་རབས་བཟང་སྤྱོད་ཡོད་པ་རེད་ཟེར་ནས་དུས་རྟག་ཏུ་དེ་འདྲ་ཞིག་ལ་ངོས་འཛིན་བྱེད་བཞིན་ཡོད་ལ། དེ་ལ་བརྟེན་ནས་ང་ཚོར་རྒྱབ་སྐྱོར་རག་གི་ཡོད་པ་རེད། ཡིན་ནའང་། རྒྱལ་སྤྱིའི་སྒང་ནས་ཁ་ཕྱོགས་འགྱུར་བ་དེ་མགོ་བཙུགས་ཚར་བ་རེད། ད་ལོའི་འོས་བསྡུ་ཆེན་མོའི་གནས་ཚུལ་གཅིག་རེད། མ་འོངས་པར་ཡང་འདི་འདྲ་རང་གནས་པ་ཡིན་ན། ཁ་ཕྱོགས་གཅིག་འགྱུར་ཚར་བའི་རྗེས་སུ་རྒྱལ་ཁ་འདྲ་པོ་སྟེ་གྲུབ་འབྲས་ཡོད་བཞག་པ་དེ་ཉམས་པ་དང་ཕམ་པའི་ཉེན་ཁ་ཆེན་པོ་ཞེ་དྲགས་རེད། ནེའུ་ཡོག་དུས་བབ་(New York times )འཛམ་གླིང་ནང་ཚགས་པར་སྐད་གྲགས་ཆེ་ཤོས་རེད། འཛམ་གླིང་གི་སྲིད་འཛིན་སྲིད་བློན་དང་གནད་ཡོད་མི་སྣ། མཁས་དབང་། སློབ་གྲྭ་ཆེན་མོ་ཁག་ནས་ཉེའུ་ཡོག་དུས་བབ་ཐོག་ག་རེ་ཟེར་གྱི་འདུག དུས་བབ་དུས་དེབ་ཀྱི་ནང་ག་རེ་ཟེར་གྱི་འདུག་ཅེས་ཚགས་པར་རང་ས་ཡ་གཉིས་གསུམ་ཚོང་འགྲེམས་བྱེད་ཀྱི་ཡོད་པ་དང་། དྲ་རྒྱ་དེར་གཟིགས་མཁན་ས་ཡ་ ༥༠ ཙམ་ཡོད་ཟེར་གྱི་ཡོད་པ་རེད། དེ་འདྲའི་ནང་ང་ཚོ་བོད་པའི་གནད་དོན་དེ་ག་རེ་ཐོན་པ་ཡིན་ནའང་གཟབ་གཟབ་མ་བྱས་ན། དེའི་ནང་ང་ཚོར་སྐྱོན་བརྗོད་ཆེན་པོ་དེ་འདྲ་ཐོན་པ་ཡིན་ན། དམིགས་བསལ་གྱིས་ཡ་རབས་བཟང་སྤྱོད་མི་འདུག་ཅེས་ཐོན་ནས་ཁ་ཕྱོགས་དེ་འགྱུར་ཚར་བ་ཡིན་ན། ཁ་ཕྱོགས་དེ་ཚུར་བསྐྱར་གསོ་བྱ་རྒྱུ་ཁག་པོ་ཞེ་དྲགས་རེད། ནེའུ་ཡོག་དུས་བབ་ཐོག་ག་རེ་བྱས་འདུག་ཟེར་ན། ཕར་ཚུར་འདམ་རྙོག་འབྱུག་རེས་བྱས་འདུག་ལབ་ཀྱི་ཡོད་པ་རེད། དོན་དག་ཐོག་ནས་འགྲེལ་བཤད་བརྒྱབ་པ་ཡིན་ན་དབུ་མའི་ལམ་ལས་གལ་ཆེ་བ་དེ་སྐྱོན་བརྗོད་རྐྱང་རྐྱང་ནང་འགྲོ་འདུག དེ་མགོ་བརྗོད་རང་རེད། སྔོན་གླེང་ནང་ག་འདྲ་བྲིས་ཡོད་པ་རེད་ཟེར་ན། རག་རྒྱུ་དེ་དང་སྒྲུབ་རྒྱུ་དེ། རྩོད་རྒྱུ་དེ་ཉུང་བ་དང་ཆུང་བ་ཡོད་པ་ཡིན་ན། ཆབ་སྲིད་དེ་སྡུག་ཤོས་དང་ངན་ཤོས་རེད་ལབ་ཡོད་པ་རེད། འདི་བཙན་བྱོལ་གྱི་སྒྲིག་འཛུགས་ཡིན་པས་ཐོབ་རྒྱུ་བོད་སྤྱི་པར་ཞབས་ཞུ་ཞུ་རྒྱུ་མ་གཏོགས་རྒྱལ་ཁབ་ཅིག་ཡོད་པའི་སྲིད་འཛིན་དང་སྲིད་བློན་གྱི་འོས་བསྡུ་མ་རེད། བཙན་བྱོལ་ནང་དམངས་གཙོ་ལག་བསྟར་བྱས་པའི་འོས་བསྡུ་དེ་རེད། དེ་འདྲ་ཟེར་དུས་ཞབས་སྟེགས་དེའི་སྒང་སྒྲུབ་རྒྱུ་དེ་ཆུང་བ་ཡོད་པ་རེད། ཡིན་ནའང་། ཆབ་སྲིད་ངན་ཤོས་དང་སྡུག་ཤོས་རྩེས་པ་རེད་ལབ་དུས་ཁ་ཕྱོགས་འགྱུར་གྱི་ཡོད་པ་རེད། ཅེས་སོགས་གསུངས་སོང་།

ཡང་ཁོང་གིས། ངས་ཞུ་བ་དེ་འོས་བསྡུའི་ནང་མཉམ་ཞུགས་བྱེད་མཁན་ཆ་ཚང་ལ་འགན་ཡོད་པ་རེད། མི་མང་ཆ་ཚང་ལ་འགན་ཡོད་པ་རེད་ཟེར་གྱི་ཡོད་མ་གཏོགས་འདི་ཕྱོགས་མ་རེད་དེ་ཕྱོགས་རེད། དེ་ཕྱོགས་མ་རེད་འདི་ཕྱོགས་རེད་ཟེར་གྱི་མེད། གང་ཡིན་ཟེར་ན། འོས་བསྡུ་ཆེན་མོ་ཡིན་ན་རེད། གྲོས་ཚོགས་ནང་ལོགས་ཡིན་ནའང་རེད། དུས་རྟག་ཏུ་ང་རང་ཚོའི་འགན་ཆེ་ཤོས་དེ་ག་རེ་རེད་ཟེར་ན། སྤྱི་པའི་རྩ་དོན་ལ་དོ་ཕོག་མ་འགྲོ་བ་དང་སྤྱི་ཚོགས་ནང་རྡོག་རྩ་གཅིག་སྒྲིལ་ལ་དོ་ཕོག་མ་འགྲོ་བ་གནང་དགོས་པ་དེ་ཤིན་ཏུ་གལ་ཆེན་པོ་རེད་བསམ་གྱི་འདུག ང་ཚོའི་རྡོག་རྩ་གཅིག་སྒྲིལ་ལ་དོ་ཕོག་ཕྱིན་པ་ཡིན་ན་འོས་ཐོབ་པ་ཡིན་ནའང་རེད་རང་བཞིན་གྱིས་བློ་ཕམ་གྱི་གནས་ཚུལ་རེད། ༧གོང་ས་མཆོག་ལ་ཐུགས་ཁག་ཡོད་པ་མ་རེད། ངས་གཙོས་པའི་བོད་མི་མང་པོ་ཞིག་ལ་བློ་ཕམ་ཡོད་པ་རེད་བསམ་གྱི་འདུག ཡིན་ནའང་ད་ལན་ཚར་བ་དེ་ཚར་བ་རེད་བྱ་རྒྱུ་ཡོད་པ་མ་རེད། མ་འོངས་པར་ང་ཚོས་ག་འདྲ་བྱ་རྒྱུ་ཡིན། གནད་འགག་དེ་ག་བར་ཐུག་འདུག ང་ཚོའི་ཐོག་ནས་འགན་འཁུར་རྒྱུ་ག་རེ་འདུག འོས་བསྡུ་ཆེན་མོ་ཡིན་ནའང་འོས་བསྡུའི་སྒྲིག་གཞིའི་ཐོག་ག་རེ་གནང་རྒྱུ་འདུག མི་མང་གི་ཐོག་ནས་ཡིན་ནའང་ཡ་རབས་བཟང་སྤྱོད་ཐོག་ག་རེ་གནང་རྒྱུ་ཡོད་པ་རེད། དེ་ཚོའི་ཐོག་ལ་དགོངས་པ་ཆེན་པོ་བཞེས་པའི་ཐོག་ནས་མ་འོངས་པར་དེ་འདྲ་མི་ཡོང་བར་ང་ཚོས་འགན་འཁུར་དགོས་པ་རེད་བསམ་གྱི་འདུག ད་ལན་༧གོང་ས་མཆོག་ནས་བཀའ་སློབ་ནན་པོ་གནང་བའི་སྐོར་ནས་ཞུས་ཚར་བ་ཡིན། ༧གོང་ས་མཆོག་དགོངས་པ་མ་དྭངས་བར་དུ་ང་ཚོ་ཚང་མ་དང་དམིགས་བསལ་གྱིས་བཀའ་ཤག་འདིའི་ཐོག་ནས་དགོངས་པ་འཚོམས་དགོས་དོན་དེ་ག་རེ་རེད། དཔེར་ན། གོང་དུ་ཞུས་པ་ལྟར་འཕྲོད་བསྟེན་ཐོག་ནས་སྔོན་འགོག་དང་སྐྱོ་བོ་ཉམ་ཐག ཡ་རབས་བཟང་སྤྱོད་བཅས་སྤྱི་ཡོངས་ཀྱི་ཐོག་ལ་འགན་འཁུར་བའི་ཐོག་ནས་དགོངས་པ་མ་དྭངས་བར་དུ་དགོངས་སེལ་ཞུ་རྒྱུ་དང་། གཙོ་ཆེ་ཤོས་བཀའ་སློབ་ལམ་སྟོན་གནང་བཞག་པ་དེ་སེལ་ཐབས་བྱ་རྒྱུ་ནི་ང་ཚོ་ཚང་མའི་རྩ་ཆེ་བའི་འགན་རེད། ད་ལན་གྱི་བཀའ་ཤག་གི་ཐོག་ནས་གྲ་བསྒྲིག་གི་ཡིན་ལ། ལོ་གསུམ་གྱི་ནང་གྲུབ་འབྲས་སྨིན་ཐུབ་པར་གྲ་བསྒྲིགས་པ་དེར་མ་འོངས་བཀའ་ཤག་གིས་ཏན་ཏན་འགན་འཁུར་བྱ་ངེས་རེད་བསམ་པའི་ཡིད་ཆེས་བྱེད་ཀྱི་ཡོད། ཅེས་སོགས་གསུངས་སོང་།

བློ་བཟང་སེང་གེ་མཆོག་གིས་བོད་རྒྱའི་གནད་དོན་སྐོར་གསུངས་དོན། ཉེ་ལམ་རྒྱལ་སྤྱིའི་ཚགས་པར་ནང་རྒྱ་ནག་གི་གནས་སྟངས་ཐོག་ལ་ཁ་ཕྱོགས་འགྱུར་འགྲོ་བཞིན་ཡོད་པ་རེད། ཁ་ཕྱོགས་འགྱུར་བ་ཆེ་ཤོས་ཤིག་ག་རེ་འདུག་ཟེར་ན། དེ་སྔོན་ལོ་ ༢༥ རིང་རྒྱ་ནག་གི་དཔལ་འབྱོར་ཡར་རྒྱས་ཕྱིན་པ་རེད། དེར་བརྟེན་རྒྱ་ནག་གི་ཁྲོམ་རྭ་གལ་ཆེན་པོ་ཆགས་ཏེ་རྒྱ་ནག་ལ་མཐོང་ཆེན་པོ་བྱས་པ་རེད། དེ་ལ་བརྟེན་ཏེ་རྒྱ་ནག་གི་ཆབ་སྲིད་ཐོག་ལའང་ནུས་པ་ཆེ་རུ་ཕྱིན་ཡོད་པ་རེད། ཉེ་ལམ་ Wall Street གསར་ལམ་སྟེང་ལ་ ༢༠༡༥ ལོར་རྒྱ་ནག་གི་དཔལ་འབྱོར་འདས་པའི་ལོ་ ༢༥ རིང་གི་དམའ་ཤོས་དེ་ཆགས་འདུག དེར་བརྟེན། རྒྱ་ནག་ལ་དཔལ་འབྱོར་ཉམས་རྒུད་དུ་འགྲོ་བཞིན་ཡོད་པའི་གནས་ཚུལ་འཐོན་བཞིན་ཡོད་པ་རེད། དཔལ་འབྱོར་ཉམས་རྒུད་དེ་ལ་བརྟེན་ཏེ་རྒྱ་ནག་ནང་ག་རེ་ཆགས་ཀྱི་རེད། རྒྱལ་སྤྱིའི་ཐོག་ནས་རྒྱ་ནག་ལ་ག་རེ་ཆགས་ཀྱི་རེད།

ཆབ་སྲིད་ཐོག་ནས་ཀྱང་རྒྱ་ནག་ནང་འཁྲུག་ཆ་ཆེ་རུ་འགྲོ་བཞིན་འདུག སྤྱིར་བཏང་ཞི་ཅིན་ཕིན་གྱིས་རྒྱ་ནག་གི་དབང་ཆ་ཚང་མ་འཇུས་ཡོད་པ་རེད་ཟེར་གྱི་ཡོད་ཀྱང་། ཉེ་ལམ་རྒྱ་ནག་གི་ཚོགས་འདུ་ཆེན་པོ་ཞིག་གི་སྟེང་དུ་ཆབ་སྲིད་གྲོས་ཚོགས་ཀྱི་ཚོགས་གཙོ་དང་། གྲངས་ཉུང་མི་རིགས་ལ་འགན་འཁུར་མཁན་ཡུ་ཀྲིང་ཧྲིན་གྱིས་ཞི་ཅིན་ཕིན་ལ་སྐྱོན་བརྗོད་བྱས་པ་ཚགས་པར་ནང་འཐོན་ཡོད་པ་རེད། ཁོ་རྒྱ་ནག་གི་མགོ་ཁྲིད་མཐོ་ཤོས་བདུན་ནང་གི་གཅིག་རེད། དེ་ག་རེ་རེད་ཟེར་ན། དཔལ་འབྱོར་ཉམས་རྒུད་འགྲོ་བཞིན་ཡོད་པར་བརྟེན་ཏེ་ཆབ་སྲིད་འཁྲུག་ཆ་ཆེ་རུ་འགྲོ་བཞིན་ཡོད་པ་རེད་དམ། གང་ཡིན་ཟེར་ན། ༢༩༡༧ ཟླ་ ༡༡ པའི་ནང་རྒྱ་ནག་གི་མགོ་ཁྲིད་བརྗེ་བོ་རྒྱག་གི་ཡོད་པ་རེད། ད་ལྟ་གནས་ཚུལ་འཐོན་སྟངས་བྱས་ན། སྲིད་འཛིན་ཞི་ཅིན་ཕིན་དང་སྲིད་བློན་ལི་ཁེ་ཆང་གཉིས་མུ་མཐུད་གནས་རྒྱུ་ཡིན་པ་དང་། དེ་མིན་གྱི་མགོ་གཞན་ ༥ དེ་འགྱུར་བ་འགྲོ་རྒྱུ་རེད། དེ་དག་གི་ཚབ་ཏུ་སུ་དང་སུ་ཕེབས་རྒྱུ་རེད། སྐབས་དེར་བོད་དོན་ཐོག་ལ་འགྱུར་བ་འགྲོ་རྒྱུ་རེད་དམ་མ་རེད་ཟེར་ནས་དྲི་བ་ཞིག་རང་བཞིན་གྱིས་ཡོང་གི་ཡོད་པ་རེད།

དཔེར་ན། བོད་པའི་སྐུ་ཚབ་དང་པོ་ཕེབས་པ་ཏེ་ཏུན་ཞོ་ཕིན་གི་སྐབས་རེད། རིག་གནས་གསར་བརྗེ་རྗེས་སུ་ཏིན་ཞོ་ཕིན་ལ་སྐུ་དབང་ཆ་ཚང་རག་པ་དང་། དེ་ནས་ཕྱི་ལོ་ ༡༩༧༩ ལོ་ནས་བཟུང་བོད་པའི་སྐུ་ཚབ་རྒྱ་ནག་དང་བོད་ནང་ཕེབས་ཐུབ་པ་བྱུང་བ་རེད། དེ་བཞིན། བོད་པའི་སྐུ་ཚབ་རིམ་པ་གཉིས་པ་དེའང་རྒྱ་ནག་གི་སྲིད་འཛིན་ཅིང་ཙེ་མིན་ལས་ཡུན་གཉིས་པའི་སྐབས་ལ་རྒྱ་ནག་ཏུ་ཕེབས་ཐུབ་པ་བྱུང་བ་རེད། དེར་བརྟེན། ༢༠༡༧ ལོར་རྒྱ་ནག་གི་སྲིད་འཛིན་སྲིད་བློན་ལས་གཞན་པའི་མགོ་ཁྲིད་ལྔ་དེ་བརྗེ་བོ་རྒྱག་གི་ཡོད་སྟབས། སྐབས་དེར་སྲིད་འཛིན་ཞི་ཅིན་ཕིན་གྱི་དབང་ཤུགས་ཆེ་རུ་འགྲོ་སྲིད་པ་དང་། ཁོ་རང་གི་ལས་ཡུན་གཉིས་པའི་སྐབས་ལ་བོད་རྒྱ་འབྲེལ་མོལ་བསྐྱར་དུ་མཐུད་ཐུབ་དང་མི་ཐུབ་སོགས་གནད་འགག་ཏོག་ཙམ་ཡོད་པའི་ཆབ་སྲིད་ཀྱི་འགྱུར་བ་ཐེབས་ཀྱི་ཡོད་པའི་རྣམ་པ་འདུག

ང་རང་རྒྱལ་སྤྱིའི་ཚོགས་འདུ་དེ་འདྲ་ཕྱིན་སྐབས། རྒྱལ་སྤྱིའི་ནང་གི་གླེང་སློང་ཆེ་ཤོས་ར་ཤི་ཡའི་སྟེང་ལ་ག་རེ་གནང་གི་ཡིན་པ་དང་། སེ་རི་ཡ་དང་ཨེ་རག་ནང་གི་ཨ་ཨེ་སི་(ISIS)སྟེང་ལ་ག་རེ་གནང་གི་ཡིན་པ། རྒྱ་ནག་ཐོག་ག་རེ་གནང་གི་ཡིན་པ་བཅས་གནད་དོན་ཆེ་ཤོས་གསུམ་ལ་དམིགས་ཏེ་རྒྱལ་སྤྱིའི་ཐོག་བགྲོ་གླེང་ཆེན་པོ་ཞིག་འགྲོ་བཞིན་འདུག དེར་བརྟེན། ༢༠༡༧ དང་ ༢༠༡༨ སོགས་ལ་རྒྱལ་སྤྱིའི་ཐོག་ནས་རྒྱ་ནག་ལ་གཟིགས་སྟངས་ཀྱི་ཁ་ཕྱོགས་ལ་འགྱུར་བ་འགྲོ་དང་མི་འགྲོའི་ཐོག་ལ་བསམ་ཚུལ་ཞིག་ཡོང་གི་ཡོད་པ་རེད། རྒྱ་ནག་གི་ཁྱིམ་མཚེས་རྒྱལ་ཁབ་ཁག་དང་ས་མཚམས་གྱི་གནས་ཚུལ་མང་པོ་ཞིག་ཡོང་གི་ཡོད་པ་རེད། དེ་བཞིན། རྒྱ་ནག་གི་ཁྱིམ་མཚེས་རྒྱལ་ཁབ་ཁག་ཏུའང་འགྱུར་བ་ཞིག་འགྲོ་བཞིན་ཡོད་པ་རེད། དཔེར་ན། འབར་མའི་ཨང་སིན་སུ་ཀེ་ཡི་ཆབ་སྲིད་ཚོགས་པར་གྲོས་ཚོགས་ནང་ཞབས་སྟེགས་མང་ཤོས་ཐོབ་ཡོད་པ་རེད། ཐའེ་ཝན་གྱི་སྲིད་འཛིན་གསར་པ་ཚའེ་ཡིན་ཝིན་གྱིས་ཕྱི་ཟླ་ལྔ་པའི་ནང་དམ་བཅའ་འབུལ་བཞིན་ཡོད་པ་རེད། ༢༠༡༧ ལོར་ཧོང་ཀོང་ལའང་ཆབ་སྲིད་འཁྲུག་པོ་ཆགས་ཀྱི་རེད་བསམ་གྱི་འདུག དེ་དག་ཚང་མ་ལ་བལྟས་ཡོང་ན་བོད་པ་ལ་གོ་སྐབས་ཡོང་གི་ཡོད་དང་མེད། རྒྱ་ནག་གཞུང་གི་མགོ་ཁྲིད་ཚོའི་ནང་དུའང་སྤྱི་ཡོངས་གནས་སྟངས་ལ་བསྐྱར་ཞིབ་བྱེད་དགོས་མིན་ཐོག་བགྲོ་གླེང་ཆེན་པོ་ཡོང་མིན་སོགས་ལའང་ང་ཚོས་དོ་སྣང་བྱེད་དགོས་པ་ཞིག་རེད། ཅེས་སོགས་གསུངས་སོང་།

གསར་འགོད་པ། པདྨ་མཚོ།

འབྲེལ་ཡོད་གསར་འགྱུར།

༧གོང་ས་རྒྱལ་བ་རིན་པོ་ཆེ་མཆོག་དང་སོག་པོའི་སྲིད་བློན་ཛན་དྷན་ཤ་ཏར་གོམ་བྷོ་ཇ་ཝི་མཆོག་རྣམ་གཉིས། བོད་ཀྱི་དུས་བབ་གསར་ཁང་གིས་པར་སྒྲིག་སྦྱོར་བྱས། ༢༠༢༥།༦།༡༣
༧གོང་ས་མཆོག གསུང་འཕྲིན།

༧གོང་ས་རྒྱལ་བ་རིན་པོ་ཆེ་མཆོག་ནས་སོག་པོའི་སྲིད་བློན་གསར་པར་འཚམས་འདྲི་མཛད།

༢༠༢༥/༠༦/༡༣
རྒྱ་ནག་གཞུང་གིས་བོད་དིང་རིའི་བསྐྱར་གསོའི་རྣམ་པ། དྲ་ལམ་གྱི་པར།
Mobile App

རྒྱ་གཞུང་གི་བསྐྱར་གསོ་འཛུགས་སྐྲུན་གྱིས་བོད་མི་རྣམས་ལ་གྱོང་གུད་ཆེན་པོ་ཐེབས་རྒྱུ་ཡིན་པ་ཉམས་ཞིབ་པས་བརྗོད།

༢༠༢༥/༠༦/༡༣
Mobile App

ཧི་མ་ཅལ་གྱི་འཕགས་བོད་ཚོང་ལམ་ཤིབ་ཀི་ལ་བསྐྱར་དུ་སྒོ་ཕྱེས་འདུག

༢༠༢༥/༠༦/༡༢
༧སྐུ་བཅར་རྣམ་རྒྱལ་གྲྭ་ཚང་གི་མཁན་པོ་ཁྲོམ་ཐོག་རིན་པོ་ཆེ་མཆོག ༢༠༢༥།༦།༡༢ དུས་བབ་ཀྱི་པར།
༸གོང་ས་མཆོག གསར་འགྱུར།

 ཝེ་ཐི་ནམ་སོགས་ཀྱི་དད་ལྡན་དོན་གཉེར་བ་ ༣༠༠ ལྷག་གིས་མཇལ་བཅར་ཞུས།

༢༠༢༥/༠༦/༡༢
Mobile App

སྐུ་པར་རྙིང་བ་ཞིག

༢༠༢༥/༠༦/༡༢
མོན་གྷོ་འདོད་རྒུ་གླིང་རུ་ཁག་ལ་སླར་ཡང་འདི་ལོའི་རྒྱལ་ཡུམ་ཆེན་མོའི་རྗེས་དྲན་གསེར་གྱི་རྟགས་མ་ཐོབ་སོང་། ༢༠༢༥།༠༦།༡༡ དུས་བབ་ཀྱི་པར།
Mobile App

མོན་གྷོ་འདོད་རྒུ་གླིང་རུ་ཁག་ལ་སླར་ཡང་རྒྱལ་ཡུམ་ཆེན་མོའི་རྗེས་དྲན་གསེར་གྱི་གཟེངས་རྟགས་ཐོབ། 

༢༠༢༥/༠༦/༡༢

མཆན། 10

  1. འདམ་སྐྱེས། says:
    ལོ་ 9 སྔོན།

    མཆན་འགོད་རྣམས། རིན་ཐང་མེད་ཅིང་ཕྱོགས་སུ་ལྷུང་བའི་མཆན་འདི་དག་ལ་ལྟས་སྐབས་རང་ཡུལ་དགྲ་ལག་ཤོར་བའི་རྒྱུ་རྐྱེན་གསལ་ལྷམ་མེར་ཤེས་ཐུབ། འོན་ཀྱང་རྣམ་དཔྱོད་ཅན་གྱི་རྒྱ་ཆེའི་མང་ཚོགས་ཀྱི་མཁྱེན་ཡོན་དང་ལྷག་བསམ། སྙིང་སྟོབས་བཅས་ལ་ལྟས་ན་ཐ་ཤལ་བ་དོན་མ་གོ་རེ་ཟུང་གི་བྱེད་བབ་ཀྱིས་གཡོ་འགུལ་ག་ལ་ཐུབ། དེས་ན་བསམ་པ་ངན་པའི་མཆན་འགོད་གཞན་ལ་གྱིས་དང་སྦྱོར་བ་རྩུབ་མོ་རང་ལ་འཁོར་དང་འཁོར་བ་གདོན་ཟའོ།། ཧཧཧཧ།

    Reply
  2. ཀུན་གསལ། says:
    ལོ་ 9 སྔོན།

    སྲིད་སྐྱོང་སློབ་སངས་འདིས་ཡ་རབས་བཟང་སྤྱོད་ཉམ་རྒུད་དུ་ཕྱིན་ཚུལ་གླེང་སྐབས། ཁོ་རང་ཉིད་དེའི་ནང་དུ་གླེང་མི་འདུག འོས་བསྡུའི་སྔོན་དུ་ཁོས་འོས་ཤོག་གི་ཆེད་དུ་སྡིགས་པ་མིག་བཙུམ་བྱས་པའི་མཇུག་འབྲས་མཐོང་གསལ་རེད།

    Reply
  3. ར། says:
    ལོ་ 9 སྔོན།

    ༧རྒྱལ་མཆོག་སྐུ་ཕྲེང་བཅུ་གསུམ་པ་ཆེན་པོས་བོད་འབངས་སེར་སྐྱ་མང་ཚོགས་ཡོངས་ལ་བླང་དོར་བཀའ་སློབ་ལམ་སྟོན་ཆུ་གླང་རྩ་ཚིག་ཆེན་མོ་ཟེར་བ་ཞིག་གནང་མྱོང་བ་དེ། མ་འོངས་སྔོན་གཟིགས་ཀྱི་ལུང་བསྟན་རིན་པོ་ཆེ་ཞིག་ལ་ངོས་འཛིན་གནང་མཁན་མང་པོ་བྱུང་ཡོད། རྒྱུ་མཚན་ནི་བླང་དོར་བཀའ་སློབ་ལམ་སྟོན་དེ་བཞིན་ལག་ལེན་དོན་འཁྱོལ་མ་བྱུང་བས། རྒྱལ་བའི་བཀའ་ཆད་དཀར་མིན་ལས་ཀྱི་འབྲས་བུ་དོན་དུ་སྨིན་ནས་བོད་བསྟན་སྲིད་མི་རིགས་ཀྱི་གནས་བབས་སྣུམ་ཟད་ཀྱི་མར་མེ་ལྟ་བུར་གྱུར་བ་མཐོང་ཆོས་སུ་གྱུར་ཡོད། དེང་གི་དུས་འདིར་ཡང་བོད་འབངས་སེར་སྐྱ་ཕོ་མོ་རྒན་གཞོན་ཚང་མས་ཉེ་ཆར་སྨན་རྩིས་ཁང་གི་དུས་དྲན་སྐབས། ༧རྒྱལ་བ་དོན་གྱི་བདག་པོས་ཐུགས་ཕམ་དང་ཐུགས་ཚབ་སྒོས་གནང་བའི་བླང་དོར་བཀའ་སློབ་རིན་པོ་ཆེ་དེ་ཚུལ་བཞིན་མ་བརྩིས་ཚེ། འདི་ནི་གོང་བཞིན་མ་འོངས་སྔོན་གཟིགས་ཀྱི་ལུང་བསྟན་གལ་ཆེན་ཞིག་ཡིན་པས། ད་དུང་ཕྱི་རྫིག་ནང་སྟོང་གི་རྣམ་པ་འདྲ་ཆག་པོ་ཞིག་བྱས་བསྡད་ཚེ། མ་འོངས་པར་བོད་འབངས་ཚོའི་མདུན་ལམ་དེ་སོག་མའི་ཕོན་པོའི་འོག་གི་ཆུ་དོང་ལྟ་བུ་ཞིག་ཏུ་འགྱུར་རྒྱུ་ཡིན་པ་ལ་ཐེ་ཚོམ་མེད། མཐའ་དོན་ཆོས་བརྒྱུད་མིང་ཐོག་ནས་སྤྱི་བའི་འཐུས་མི་རུ་ཕེབས་ཀྱང་དོན་དུ་ཆོལ་ཁའི་ཞེན་ཁོག་དང་འཐེན་འཁྱེར་གྱིས་དཀྲུག་ཤིང་གི་ལས་ཁོ་ན་སྒྲུབ་མཁན་ད་ཡོད་ཆོས་བརྒྱུད་སྤྱི་འཐུས་རྣམ་པས་ཆོས་ཀྱི་ཉམས་ལེན་མ་ཐུབ་ཀྱང་ཆོས་བཞིན་དགོངས་པ་ཟབ་བཞེས་གནང་དགོས་པའི་དུས་ལ་བབ་འདུག་པའི་དྲན་སྐུན་ཤུགས་དྲགས་དང་བཅས། །

    Reply
  4. བསྟན་འཛིན་ལྷ་སྒྲོན། says:
    ལོ་ 9 སྔོན།

    ནེའུ་ཡོག་གསར་ཁང་གིས་བཀོད་པ་ལྟར་ན།བོད་རིགས་བཀྲ་ཤིས་ཟེར་བ་ཞིག་རྒྱ་ནག་གིས་འཛིན་བཟུང་བྱས་པའི་གནས་ཚུལ་སྐོར་གཤམ་གྱི་དྲ་ཐག་ནས་ཤེས་པར་གྱིས།
    http://mobile.nytimes.com/2016/03/31/world/asia/china-tibet-tashi-wangchuk.html
    དུས་བབ་ཚང་གི་གསར་འགྱུར་ལ་མཆན་འགོད་དུས་མིང་དང་དྲ་བྱང་ཡང་ཡང་འབྲི་དགོས་པའི་དཀའ་ངལ་ཤིན་ཏུ་ཆེ་སྟབས། མཆན་ཞིག་འབྲི་བར་དཀའ་ལས་གང་ཙམ་འདུག འདི་སྐོར་ལ་དྲ་ཚིགས་བསྐྱར་སྒྲིག་འདྲ་བྱེད་ཐུབ་ཀྱི་ཡོད་ཚེ་བྱ་རོགས། ྒ

    Reply
  5. བསྟན་འཛིན་ལྷ་སྒྲོན། says:
    ལོ་ 9 སྔོན།

    སྲིད་སྐྱོང་གིས་སྔོན་མའི་འོས་བསྡུ་སྐབས།༢༠༡༢ལོར་ ཨ་རིའི་སྲིད་འཛིན་དང་རྒྱ་གར་གྱི་སྲིད་བློན། རྒྱ་ནག་གི་སྲིད་འཛིན་སོགས་འོས་བསྡུ་བྱས་ཏེ་གཞུང་འཛིན་ཚོགས་པར་འཕོ་འགྱུར་འགྲོ་ཡི་སྟབས། བོད་ཀྱི་གནད་དོན་ལ་འགྱུར་ལྡོག་ཏན་ཏན་འགྲོ་ཡི་རེད་ཅེས་ཞལ་རྫུན་གནམ་མཁར་མི་ཤོང་བ་ཞིག་གསུངས་ནས་་མི་མང་ལ་མགོ་བཏང་བ་རེད། ཁོས་བཤད་པ་ལྟར་འཕོ་འགྱུར་གང་ཡང་བྱུང་མེད།
    ད་ཐེངས་ཀྱང་ཁོས་འོས་བསྡུ་གཏམ་བཤད་དང་བགྲོ་གླེང་སྐབས།ཞི་ཅིན་ཕིན་གྱིས་རྒྱ་ནག་དམར་ཤོག་ཚོགས་པའི་སྲིད་དབང་ཆ་ཚང་བརྟན་བརླིང་ངང་བཟུང་རྗེས་ཞི་དམར་ཤོག་སྲིད་གཞུང་གིས་བོད་ཀྱི་གནད་དོན་གྲོས་མོལ་ཏག་ཏག་ཡོང་གི་ཡོད་ཅེས་མི་མང་ལ་ཞལ་རྫུན་ཐེངས་གཉིས་པའི་མཇུག་རྗེས་མ་ཐོན་ཡོང་གི་རེད། ཡིན་ནའང་ཞི་ཡི་དམར་ཤོག་ཚོགས་པའི་དབང་ཆ་ཡོད་ཚད་བཟུང་ཡོད་དོ།་སྲིད་སྐྱོང་ལགས།

    མིག་སྔར་རྒྱ་ནག་ལ་བོད་ཀྱི་གནད་དོན་ལྷག་པའི་གནད་དོན་མང་པོ་ཡོད་པ་རེད། དཔེ་མཚོན་ཙམ་ཞུ་ན།རྒྱ་ནག་གི་དཔལ་འབྱོར་ཉམས་རྒུད་དང་གནམ་གཤིས་འབག་ཙོག ལས་མེད་ཀྱི་གྲངས་འབོར་ཡར་འཕར་བ།འཐུང་ཆུ་དཀའ་ངལ། མཚོ་གླིང་གི་རྩོད་རྙོག སོགས་མང་པོ་ཡོད་པས་དཀའ་ངལ་དག་ལ་གདོང་ལེན་བྱ་དགོས་ཆགས་ཡོད།

    Reply
  6. གཡུ་སྒང་དགེ་འདུན། says:
    ལོ་ 9 སྔོན།

    ། ༸གོང་ས་མཆོག་གིས་འཐུས་ཤོར་འགྲོ་བཞིན་པ་གསལ་པོ་གསུང་མེད་ན་སྲིད་སྐྱོང་མཆོག་གིས་ངོས་ལེན་རྩ་བ་ནས་གནང་ཡོད་པ་མ་རེད། ཡིན་ནའང་། ད་དུང་ཚིག་འདི་ལ་བལྟས་ན་སྔ་མའི་ལས་དོན་ལ་ཞིབ་ཚགས་པོ་ཡོད་པའི་སྲོལ་ཅིག་གསུངས་འདུག གཅིག་བྱས་ན་ང་སློབ་སྦྱོང་མེད་པས་ཀྱང་ཡིན་སྲིད།
    གཞན་ད་དུང་མི་འཚམས་པ་རེ་གཉིས་འདུག་ཏེ་ངལ་བར་མི་བྱ།

    Reply
  7. བསྟན་པ། says:
    ལོ་ 9 སྔོན།

    སློབ་བཟང་སངས་རྒྱས།
    སློབ་བཟང་སངས་རྒྱས།
    སློབ་བཟང་སངས་རྒྱས།
    སློབ་བཟང་སངས་རྒྱས་ཀྱི་ཆབ་སྲིད་སློབ་སྟོན་པ་སྨོན་ལམ་མཐར་ཕྱིན་དང་བསྟན་པ་མར་འཕེལ། འབའ་པ་སྐལ་བཟང་སོགས་རེད། ད་ནས་སློབ་བཟང་སངས་རྒྱས་རང་ཉིད་ལ་རང་ཚུགས་ཤིག་མེད་ན་ཁོ་པའི་སློབ་སྟོན་པ་མི་ངན་དེ་དག་གིས་སློབ་བཟང་སངས་རྒྱས་གཡང་ལ་གཡུགས་རྒྱུ་ཁོ་ན་མ་གཏོགས། ཁོང་ཚོས་སློབ་བཟང་སངས་རྒྱས་སྐྱོབ་ཐབས་མེད་པ་རེད།
    མ་ཚད་ད་བར་འཐུས་ཤོར་གང་མང་བཏང་བར་བརྟེན། ད་ནས་སློབ་བཟང་སངས་རྒྱས་ཀྱིས་༸གོང་ས་མཆོག་ལ་མཇལ་ཁ་ཙམ་ཡང་རག་གི་མ་རེད།
    ཁོང་ནི་ང་ཚོའི་སྲིད་སྐྱོང་རེད་ཡ།
    སྲིད་སྐྱོང་སློབ་བཟང་སངས་རྒྱས་རེད་ཡ།
    སློབ་བཟང་སངས་རྒྱས་ཡ།
    སློབ་བཟང་སངས་རྒྱས།
    ཁྱོད་ནི་སྲིད་སྐྱོང་རེད་ཡ།
    སློབ་བཟང་སངས་རྒྱས།

    Reply
  8. ཐུབ་བསྟན says:
    ལོ་ 9 སྔོན།

    གང་ལྟར་འུར་དེ་ཙམ་མ་བརྒྱབ་པར་སེམས་པ་རྣམ་དག་གིས་དཀའ་ངལ་ཕྲད་ཡོད་པ་དག་ལ་ཁ་ཡོད་ལག་ཡོད་ཀྱིས་ཕན་ཐོགས་ཐུབ་ན་བཟང། འདས་ཟིན་པའི་ལས་ཀའི་ནང་འཐུས་ཤོར་ཕྱིན་ཡོད་ནི་རང་ཉིད་ཀྱིས་ཁས་མ་བླངས་ཀྱང་མི་མང་གིས་གསལ་བོར་མཐོང་ཡོད།

    Reply
  9. བློ་བཟང་ says:
    ལོ་ 9 སྔོན།

    ༧གོང་ས་མཆོག་ནས་བཀའ་ནན་པོ་མ་ཕེབས་བར་ཉམ་ཐག་གི་ཚོགས་ཆུང་རྙིད་ཤོར་བ་རེད་བས ?
    ངས་གོ་འཐུས་ལ་བ་ཡུལ་འཕགས་ཤིང་ས་གནས་དམངས་གཙོའི་སྒྲིག་འཛུགས་ལམ་ལུགས་དེ་འཛིན་སྐྱོང་བཀའ་ཤག་ནས་
    ཡར་ཙི་གཞེས་གནང་བ་དེ་གསར་གཏོད་རེ་བས་?

    Reply
  10. བསྟན་རྣམ། says:
    ལོ་ 9 སྔོན།

    སློབ་བཟང་སངས་རྒྱས་ཀྱིས་རྒྱ་གར་སྐོར་གསུངས་པ་དེ་མང་ཚོགས་ལ་མགོ་སྐོར་གཏོང་བྱེད་ཙམ་རེད། སྐད་ཆ་འདི་ཉེ་ལམ་ཁོ་རང་སྲིད་སྐྱོང་འོས་མིར་ལངས་སྐབས་མང་ཚོགས་ལ་བཤད་པའི་གཏམ་བཤད་དེ་དག་རེད། ནང་དོན་རྒྱ་ནག་གི་སྲིད་འཛིན་ཞི་ཅིང་ཕིང་གི་སྲིད་འཛིན་ལས་ཡུན་གཉིས་པའི་སྐབས་ལ་བོད་རྒྱ་འབྲེལ་མོལ་ཡོང་གི་རེད་ཟེར་བ་དེ་རེད། གཉིས་པའི་ཆ་ནས་རྒྱ་ནག་ལ་དཔལ་འབྱོར་ཉམས་ཆགས་སུ་སོང་སྟེ་རྒྱ་ནག་གཞུང་རྦོ་ལུག་གི་རེད་ཟེར་བ་དེ་འཇམ་དབྱངས་ནོར་བུ་དང་ལྷ་བཟང་ཚེ་རིང་སོགས་ཀྱི་རིག་གཞུང་རེད། སྐད་ཆ་འདིའི་ཐོག་ནས་སློབ་བཟང་སངས་རྒྱས་ཀྱི་ཆབ་སྲིད་རྒྱབ་བརྟེན་ཏེ་ཁོ་རང་ཚོ་ཡིན་པ་ཁ་ཇེ་གསལ་དུ་འགྲོ་བཞིན་འདུག

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese