དཔལ་འབྱོར་ལས་ཁུངས་ཀྱི་སྤྱི་ཚོགས་ཡར་རྒྱས་ཐེབས་རྩ་ལས་གཞིའི་དྲུང་ཆེ་དངོས་གྲུབ་རྡོ་རྗེ་ལགས་ལྷོ་ཨ་ཧྥི་རི་ཁའི་སྐུ་ཚབ་དོན་གཅོད་དུ་བསྐོས་ཏེ་སྣང་ས་ཆོས་སྒྲོན་ལགས་དྲིལ་བསྒྲགས་དྲུང་ཆེར་བསྐོས་འདུག
བོད་མིའི་སྒྲིག་འཛུགས་ཀྱི་དྲ་བའི་ཐོག་གནས་ཚུལ་སྤེལ་བ་ལྟར་ན། ལྷོ་ཨ་ཧྥི་རི་ཁའི་སྐུ་ཚབ་དོན་གཅོད་སྣང་ས་ཆོས་སྒྲོན་ལགས་དྲིལ་བསྒྲགས་ལས་ཁུངས་ཀྱི་དྲུང་ཆེར་བསྐོ་བཞག་དང་། དཔལ་འབྱོར་ལས་ཁུངས་ཀྱི་སྤྱི་ཚོགས་ཡར་རྒྱས་ཐེབས་རྩ་ལས་གཞིའི་དྲུང་ཆེ་དངོས་གྲུབ་རྡོ་རྗེ་ལགས་ལྷོ་ཨ་ཧྥི་རི་ཁའི་སྐུ་ཚབ་དོན་གཅོད་ཏུ་བསྐོ་བཞག་གནང་ཡོད་འདུག
འདི་གའི་གསར་འགོད་པས་དངོས་གྲུབ་རྡོ་རྗེ་ལགས་སུ། ཁོང་གིས་ལྷོ་ཨ་ཧྥི་རི་ཁའི་སྐུ་ཚབ་དོན་གཅོད་ཀྱི་ལས་འཁུར་ག་དུས་ཞུ་ཡི་ཡོད་མེད་དྲིས་པར། ང་རང་ལྷོ་ཨ་ཧྥི་རི་ཁའི་སྐུ་ཚབ་དོན་གཅོད་དུ་བསྐོ་བཞག་གནང་བའི་གསལ་བསྒྲགས་དེ་ཐོན་ཚར་བ་རེད། ད་ལྟ་ཡིག་ཆ་ཁག་བཟོ་རྒྱུ་སོགས་ཕལ་ཆེར་ཟླ་བ་གཉིས་ལྷག་འགོར་གྱི་རེད་བསམ་གྱི་འདུག ཅེས་དང་། བཀའ་ཤག་གི་ལམ་སྟོན་ལྟར་ཁོང་ཕར་སོང་ནས་ལས་ཀ་རྩིས་ལེན་དང་ལས་མི་ངོ་སྤྲོད་སོགས་གནང་རྗེས། སྣང་ས་ཆོས་སྒྲོན་ལགས་ཚུར་ཕེབས་ཏེ་དྲིལ་བསྒྲགས་དྲུང་ཆེའི་ལས་འཁུར་ཞུ་རྒྱུ་ཡིན་སྐོར་བརྗོད་བྱུང་།
ཁོང་གིས་དཔལ་འབྱོར་ལས་ཁུངས་ཀྱི་
ཕྱི་རྒྱལ་གྱི་རོགས་ཚོགས་ཁག་གིས་བོད་མིའི་སྒྲིག་འཛུགས་ལ་ལོ་ལྟར་རོགས་དངུལ་འབོར་ཆེན་གཏོང་གི་ཡོད་ནའང་། འདི་ནས་ལས་ཁུངས་ཁག་གིས་རོགས་དངུལ་དེ་བཀོལ་སྤྱོད་མ་ཐུབ་པར་ཕྱིར་རོགས་ཚོགས་ཁག་ལ་གཏོང་གི་ཡོད་པའི་སྐད་ཆ་དེ་བདེན་པ་ཡིན་མིན་དྲིས་པར་ཁོང་གིས། འདིའི་ལས་ཁུངས་ཁག་གིས་རོགས་དངུལ་བཀོལ་སྤྱོད་མ་ཐུབ་པར་ཕྱིར་སློག་གི་ཡོད་པ་དེ་འདྲ་ཧ་ཅང་ཉུང་ཉུང་རེད། ཧ་ལམ་འདས་པའི་ལོ་ ༤༠ ནས་ ༥༠ ལྷག་རིང་ང་ཚོ་གཞན་གྱི་རོགས་རམ་ལ་བརྟེན་ནས་བསྡད་ཡོད་པ་དང་། ད་ལྟའི་བར་བོད་མིའི་སྒྲིག་འཛུགས་ལ་བཏང་བའི་རོགས་དངུལ་དེ་དག་ཆུད་ཟོས་སུ་འགྲོ་གི་མེད་སྟབས། རོགས་ཚོགས་ཁག་གིས་མུ་མཐུད་རོགས་དངུལ་གཏོང་གི་ཡོད་པ་རེད། ཕྱི་རྒྱལ་གྱི་རོགས་ཚོགས་ཁག་གིས་བོད་མི་སྐྱབས་བཅོལ་བར་རོགས་དངུལ་གཏོང་བའི་ལས་གཞི་དེ་ཤུགས་ཆེན་པོ་ཞེ་དྲགས་རེད། ཡིན་ནའང་སྐབས་རེར་ཆར་གཞི་གཞིར་བཟུང་གིས་རོགས་དངུལ་བཀོལ་སྤྱོད་མ་ཐུབ་དུས། ཕྱིར་རོགས་ཚོགས་ཁག་ལ་རྩིས་སྤྲད་དེ་རོགས་དངུལ་དེ་དག་ལོ་རྗེས་མའི་ལས་གཞིའི་ཐོག་གཏོང་རོགས་ཞེས་སྐད་ཆ་དྲང་མོར་བཤད་ཀྱི་ཡོད། དེ་མིན་འཇོན་མི་འཇོན་གྱི་ལས་འཆར་ཚང་མའི་ཐོག་རོགས་དངུལ་བཏང་བ་ཡིན་ན། དེ་འགྲིག་གི་ཡོད་པ་མ་རེད། རོགས་དངུལ་དེ་དག་ཕྱི་གསལ་ནང་གསལ་བཟོ་རྒྱུ་ཞེ་དྲགས་གལ་ཆེན་པོ་རེད། ང་ཚོ་འདི་གར་རང་དབང་ཅན་གྱི་རྩིས་ཞིབ་དོ་དམ་ཡོད་སྟབས། ང་ཚོས་ཁོང་ཚོར་རོགས་དངུལ་རྩིད་སྤྲོད་གནང་བ་དང་ཁོང་ཚོས་རྩིད་ཞིབ་གནང་གི་ཡོད་པ་རེད། ཅེས་བརྗོད་བྱུང་།
གསར་འགོད་པ། པདྨ་རྒྱལ།
ཕྱི་རྒྱལ་གྱི་རོགས་ཚོགས་ཁག་གིས་བོད་མི་སྐྱབས་བཅོལ་བར་རོགས་དངུལ་གཏོང་བའི་ལས་གཞི་དེ་ཤུགས་ཆེན་པོ་ཞེ་དྲགས་རེདབརྗོདའདུག། བ་ཡུལ་འཕགས་པ་ཤིང་ཀུན་བོད་མི་༢༠༠༠ལྷག་གནས་གཏང་ཧ་ལས་པའི་ཅོ་བོ་རེད། ཁ་མཐོར་མི་མང་དེ་མཚོ་བོད་གཞུང་འོག་ལ་རེད་མ་རེད།