གསར་འགོད་པས་༧གོང་ས་མཆོག་ལ་འབར་མའི་ནང་གི་ཁ་ཆེ་བའི་དཀའ་རྙོག་སྐོར་ལ་བཀའ་འདྲི་ཞུ་སྐབས་འཚེ་བའི་བྱ་སྤྱོད་དེར་ཁོང་ཧ་ཅང་ཐུགས་སྐྱོ་བོ་བྱུང་སྐོར་གསུངས་འདུག
ཁ་སང་ཕྱི་ཚེས་ ༡༠ ཉིན་རྒྱ་གར་རྒྱལ་ས་ལྡི་ལི་རུ་༧གོང་ས་མཆོག་ལ་གསར་འགོད་པས་འབར་མའི་ནང་གི་རཱོ་ཧིན་གྷ་ཡའི་ཁ་ཆེ་བའི་དཀའ་རྙོག་སྐོར་ལ་བཀའ་འདྲི་ཞུ་སྐབས། འབར་མའི་ཁ་ཆེ་བ་ཚོར་བརྙས་བཅོས་གཏོང་མཁན་ཚོས་སྟོན་པ་བཅོམ་ལྡན་འདས་ཡིད་ལ་དྲན་པ་བྱེད་དགོས་པ་དང་། སྟོན་པ་བཅོམ་ལྡན་འདས་ཀྱིས་ཉམ་ཆུང་བའི་ཁ་ཆེ་བ་དེ་དག་ལ་རོགས་སྐྱོར་གནང་ངེས་རེད། གནད་དོན་དེར་ཐུགས་ཧ་ཅང་སྐྱོ་བོ་བྱུང་སྐོར་གསུངས་འདུག
ཟླ་འདིའི་ཕྱི་ཚེས་ ༦ ཉིན་ལྕམ་ཨང་སན་སུའུ་སྐྱིད་ལགས་ལ་ཊོར་ཀེ་སྲིད་འཛིན་གྱིས་ཁ་པར་བཏང་ནས་སྐད་ཆ་བཤད་སྐབས། ལྕམ་ཨང་སན་སུའུ་སྐྱིད་ལགས་ཀྱིས་རཱོ་ཧིན་གྷ་ཡའི་གནད་དོན་སྐོར་ལ་གནས་ཚུལ་ལོག་བཤད་མང་པོ་སླེབས་བཞིན་པ་དེ་དྲག་སྤྱོད་པ་ཚོར་ཁེ་ཕན་ཞིག་ཆགས་ཀྱི་ཡོད་པ་དང་། འབར་མ་གཞུང་ངོས་ནས་གནད་དོན་དེའི་ཐད་ལས་ཀ་འགོ་བཙུགས་ཟིན་ཡོད་ལ། དེའི་སྐོར་ལ་གཞན་སུ་ལས་ཀྱང་འབར་མ་གཞུང་གིས་ཡག་པོ་ཤེས་ཀྱི་ཡོད་བར་བརྟེན། འབར་མ་རྒྱལ་ཁབ་ཀྱི་མི་མང་ཚང་མའི་ཐོབ་ཐང་སྲུང་སྐྱོབ་བྱེད་ཀྱི་ཡོད་སྐོར་བརྗོད་ཡོད་འདུག
འདས་པའི་ནང་འབར་མའི་ཁ་ཆེའི་གྲངས་ཉུང་མི་རིགས་དང་ནང་པ་གྲངས་མང་པའི་བར་ལ་དྲག་སྤྱོད་ཀྱི་འགལ་བ་བྱུང་སྟེ། མི་གྲངས་ ༡༠༠༠ ལྷག་དྲག་སྤྱོད་ཁྲོད་ནས་བསད་ཡོད་པ་དང་འབུམ་༣ ལྷག་ས་གནས་གཞན་ལ་སྐྱབས་བཅོལ་དུ་འགྲོ་དགོས་བྱུང་ཡོད་པ་རེད། བདུན་ཕྲག་སྔོན་མའི་ནང་ལ་རཱོ་ཧིན་གྷ་ཡ་མི་གྲངས་༦༠༠༠ ལྷག་བྷང་ལ་ཌེ་ཤིའི་ནང་དུ་སྐྱབས་བཅོལ་ལ་སོང་ཡོད་པ་དང་། ཕྱི་ཟླ་ ༨ པའི་ཚེས་ ༢༩ ཉིན་མཉམ་འབྲེལ་རྒྱལ་ཚོགས་ཀྱིས་བྷང་ལ་དེ་ཤི་གཞུང་ལ་དྲག་གནོན་གྱི་འོག་ནས་བྲོས་བྱོལ་དུ་ཡོང་བའི་རཱོ་ཧིན་གྷ་ཡའི་སྐྱབས་བཅོལ་བ་ཚོར་སྣེ་ལེན་ཞུ་དགོས་པ་མ་ཟད། རྨས་སྐྱོན་ཐེབས་པའི་མི་རྣམས་ལ་དམིགས་བསལ་གྱིས་ལྟ་རྟོག་དང་སྨན་བཅོས་ཀྱི་མཐུན་སྦྱོར་རོགས་རམ་བྱེད་དགོས་པའི་རེ་འདུན་བཏོན་ཡོད་པ་རེད། ཡིན་ནའང་། རཱོ་ཧིན་གྷ་ཡའི་སྐྱབས་བཅོལ་བ་རྣམས་ཀྱིས་རི་ཆུ་བརྒལ་ཏེ་བྷང་ལ་དེ་ཤིའི་ས་མཚམས་སྣེ་ལེན་ཁང་དུ་འབྱོར་སྐབས། སྐྱབས་བཅོལ་བ་མང་དྲག་སྟེ་སྡོད་གནས་དང་ཟ་མ། སྨན་བཅོས་མཐུན་རྐྱེན་སོགས་ཀྱིས་མ་འདང་བའི་དཀའ་ངལ་འཕྲད་བཞིན་ཡོད་འདུག
གནས་ཚུལ་དེ་དང་འབྲེལ་ནས་རྒྱལ་སྤྱིའི་ཐོག་འབར་མའི་ལྕམ་ཨང་སན་སུའུ་སྐྱིད་ལ་སྐྱོན་བརྗོད་དང་ཁོ་མོའི་ནོ་བྷེལ་ཞི་བདེའི་གཟེངས་རྟགས་ཕྱིར་སྤྲོད་དགོས་ཚུལ་སོགས་གླེང་སློང་མང་པོ་ཞིག་བྱུང་གི་ཡོད་པ་དང་། དེ་དག་ལས་འཛམ་གླིང་ནོ་བྷེལ་ཞི་བདེའི་གཟེངས་རྟགས་བཞེས་མྱོང་བའི་ལྷོ་ཨ་ཧྥི་རི་ཁའི་ཡེ་ཤེས་ཆོས་དཔོན་ཊོ་ཊོ་མཆོག་དང་པཱ་ཀི་སི་ཐན་གྱི་བུ་མོ་མཱ་ལཱ་ལཱ། བོད་ཀྱི་དབུ་ཁྲིད་༧གོང་ས་མཆོག་སོགས་འཛམ་གླིང་གི་དབུ་འཁྲིད་ཁག་ཅིག་ནས་སྔ་གཞུག་ཏུ་ལྕམ་ཨང་སན་སུའུ་སྐྱིད་ལགས་ཀྱིས་རཱོ་ཧིན་གྷ་ཡའི་དཀའ་སྡུག་འཕྲལ་དུ་སེལ་ཐབས་གནང་དགོས་པའི་འབོད་སྐུལ་གནང་ཡོད་པ་རེད།
དེ་རིང་རྒྱ་ནག་ལྷོ་རྒྱུད་ཞོགས་པའི་ཆ་འཕྲིན་གྱིས་གནས་ཚུལ་སྤེལ་བ་ལྟར་ན། ད་ལན་༧གོང་ས་མཆོག་གིས་འབར་མའི་ནང་གི་ཆོས་ལུགས་འགལ་ཟླའི་བར་ལ་གསུང་བཤད་ཐོག་དང་པོ་གནང་ཡོད་ལུགས་འཁོད་ཡོད་ན་ཡང་། ཕྱི་ལོ་ ༢༠༡༣ ཟླ་ ༤ པའི་ཚེས་ ༢༢ ཉིན་རྒྱ་གར་གྱི་(ABC)གསར་ཁང་གི་བཅར་འདྲི་ཞིག་གི་སྐབས་སུ། ༧གོང་ས་མཆོག་ནས་འབར་མ་ཡི་ནང་པའི་གྲྭ་བ་ཚོས་དྲག་སྤྱོད་ཀྱི་ལས་སྤེལ་རྒྱུ་མེད། ང་ཚོ་སྟོན་པ་བཅོམ་ལྡན་འདས་ཀྱི་རྗེས་འཇུག་པ་ཡིན་པས། བྱམས་པ་དང་བཟོད་པ་སྒོམ་དགོས་པ་དང་། མཚམས་རེར་ཚོར་བའི་གཞན་དབང་གིས་གཞན་ལ་སྡང་བ་དང་གསོད་འདོད་སྐྱེས་པ་སོགས་བྱུང་ན། སྟོན་པ་བཅོམ་ལྡན་འདས་ཡིད་ལ་དྲན་པ་བྱོས། ཆོས་ལུགས་ཚང་མས་ང་ཚོར་བྱམས་པ་དང་བརྩེ་བ་བཟོད་པ་བསླབ་སྟོན་བྱེད་ཀྱི་ཡོད་པ་རེད། དྲག་སྤྱོད་སྤེལ་བ་དེ་ཧ་ཅང་གིས་སེམས་པ་སྐྱོ་དགོས་པ་རེད། ཅེས་གསུངས་ཡོད་པ་རེད།
དེ་བཞིན་ཕྱི་ལོ་ ༢༠༡༥ ཟླ་ ༥ པའི་ཚེས་ ༢༨ ཉིན་ཨོ་སི་ཊོ་ལི་ཡའི་ཚགས་པར་ཁང་གི་བཅར་འདྲི་ཞིག་ཏུ་༧གོང་ས་མཆོག་གིས། དཀའ་ངལ་མྱོང་བཞིན་པའི་རཱོ་ཧིན་གྷ་ཡ་མི་མང་ས་ཡ་ཁ་ཤས་ཡོད་པ་དེ་དག་འབར་མའི་མི་སེར་དུ་ངོས་འཛིན་བྱེད་ཀྱི་མེད་པར་བརྟེན། ཁོ་ཚོའི་འགྲུལ་སྐྱོད་དང་འཚོ་གནས་སོགས་ལ་དཀའ་ངལ་འཕྲད་པ་དང་བརྙས་བཅོས་མྱོང་བཞིན་པ་དེར་ལྕམ་ཨང་སན་སུའུ་སྐྱིད་ཀྱིས་རོགས་རམ་གནང་དགོས་སྐོར་དང་། ཡང་༧གོང་ས་མཆོག་ནས་ཁོང་ཐེངས་གཉིས་ལ་ལྕམ་ཨང་སན་སུའུ་སྐྱིད་དང་ཐུག་འཕྲད་བྱུང་ཡོད་པ་དང་། རཱོ་ཡེན་གྷ་ཡའི་དཀའ་རྙོག་སྐོར་བཀའ་མོལ་བྱུང་སྐབས། ལྕམ་ཨང་སན་སུའུ་སྐྱིད་ཀྱིས་གནད་དོན་དེ་ལས་སླ་བོ་ཞིག་མ་ཡིན་པར་ཧ་ཅང་དཀའ་རྙོག་ཅན་ཞིག་ཡིན་སྐོར་བརྗོད་ནའང། མོས་གནད་དོན་དེའི་ཐད་ལས་ཀ་བྱེད་ཐུབ་ཀྱི་རེད་དགོངས་ཀྱི་ཡོད་སྐོར་གསུངས་ཡོད་པ་རེད།
ཡང་འདས་ལོའི་ཕྱི་ཟླ་ ༧ པའི་ཚེས་ ༡༤ ཉིན་༧གོང་ས་མཆོག་གིས་རོའོ་ཊིར་གསར་ཁང་གི་བཅར་འདྲི་ཞིག་གི་སྐབས་སུ་འབར་མའི་ནང་པ་དང་ཁ་ཆེ་བའི་འགལ་ཟླའི་ཐད་ལྕམ་ཨང་སན་སུའུ་སྐྱིད་ལ་འགན་ཡོད་པ་དང་། མོ་ལ་ད་ལྟ་ནོ་བྷེལ་ཞི་བདེའི་གཟེངས་རྟགས་ཀྱང་ཐོབ་ཡོད་པས། བཟང་སྤྱོད་ཀྱི་ངོས་ནས་བཤད་ནའང་གནད་དོན་དེ་ཞི་འཇགས་ཡོང་ཐབས་ལ་འབད་བརྩོན་གནང་དགོས་ཡོད་པ་རེད། ཅེས་གསུངས་ཡོད་འདུག
གསར་འགོད་པ། སངས་རྒྱས་དཀོན་མཆོག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
བོད་མི་སྒྲིག་འཛུགས་འམ་བདེ་སྲུང་ལས་བྱེད་སུ་ཡིན་རུང་ གསར་འགོད་པ་ཡིན་ཚད་༧ཁོང་གི་འཁྲིས་སུ་བཏང་རྒྱུ་མེད། དཀྲུག་ཤིང་ཡོང་མི་སྲིད་པ་མིན། ཟབ་ཟབ་གནང་རོགས་ ཐུགས་རྗེ་གཟིགས།
བར་མ་ལ་དཀའ་ངལ་འཕྲད་སྲིད། གང་ལ་ཞུས་ན། ཨྥ་གྷན། མཱལ་དིབ། མ་ལེ་ཤི་ཡ། ཨོན་ཌོ་ནེཤི་ཡ་སོགས་་་ སྔ་མོ་ནང་པའི་རྒྱལ་ཁབ་ཡིན། ཁ་ཆེ་བ་ཚོའི་ཁོ་རང་ཚོའི་ནོར་འཁྲུལ་ནམ་ཡང་ངོ་ལེན་བྱེད་ཀྱི་མ་རེད། ཁོང་ཚོ་ལ་ལྟ་བ་་་ ཆོས་ལུགས་ཀྱི་ཞན་ཁོག ག་ཚོད་ཧམ་པ་དང་ མ་རབ་བྱེད་ཐུབ་ཐུབ་དང་། མདུན་ཆོངས་བྱེད་ཐུབ་ཐུབ། ཆོས་ལུགས་གཞན་པའི་འོག་ལ་སྒུར་རྒྱུ་ཡོད་མ་རེད། ལྟ་བ་དེ་རེད། བཟོད་པ་སྒོམ་ཡ་དང་སྣོང་ངོ་ལེན་བྱེད་ན་སྡུག་པ་བརྩིས་ཀྱི་རེད། ཁ་ཆེ་ཁོ་རང་ཚོ་ནང་ལོག་ལ་རྐུ་མ་རྒྱག་ན་སྡིག་པ་ཡོད་རེད། གཞན་མས་ས་ནས་རྐུ་མ་རྒྱག་ན་སྡིག་པ་ཡོད་མ་རེད་ཟེར་གྱི་རེད། ཆོས་ལུགས་ཐོག་ནས་འཛིང་ནས་ཤི་ན་ ལམ་ཀྱང་ ཨཱལ་ལ་ས་ལ་སླེབ་ཀྱི་རེད་བཤད་ཀྱི་ཡོད། ཁ་ཆེ་མི་རིག་ས་མང་པོ་འཕེལ་བཅུག་གིས་རེད། མ་གཞི་ཁག་ཡོད་མ་རེད། ཁ་ཆེ་མགོ་ལ་བསྡོད་མཁན་ཚོ་ ཡང་དག་པ་ཡིན་དོག་དོག་ ཧུར་ཀ་འཐེན་བྱས་ ནང་ལ་སྐྱིད་པོ་བྱེད་ནས་བསྡད་ཀྱི་རེད། ཟིང་ཁྲུག་ཚང་མ་སྤང་ཀོ་ཚོ་ལ་བསྐུལ་གྱི་རེད། ཟབ་ཟབ་བྱེད་དགོས་པ་རེད།
དངོས་གནས་ཐབས་སྐྱོ་པོ་རེད།