མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

སྐད་ཡིག་གཉིས་པའི་དགོས་མཁོ། གཉིས་པ།

བོད་ཀྱི་དུས་བབ།
༢༠༡༩/༡༠/༡༥
Share on FacebookShare on TwitterShare on EmailShare on Whatsapp

ནོར་བསམ།

གལ་སྲིད་ཁྱེད་རང་སྐད་ཡིག་གཉིས་པ་སློབ་ཁྲིད་བྱེད་མཁན་དགེ་རྒན་ཞིག་ཡིན་ན། སློབ་ཁྲིད་མ་བྱས་སྔོན་ལ་ཁྱེད་ཀྱིས་དྲན་དགོས་པའི་གནད་དོན་རེ་ཟུང་ཡོད། དང་པོ། ཁྱེད་ཀྱིས་འཁྲིད་བཞིན་པའི་སྐད་ཡིག་སློབ་ཚན་ལེགས་གྲུབ་ཡོང་ཐབས་སུ་སྐད་ཡིག་དེའི་དགོས་མཁོ་ཇི་ཡིན་ཁ་གསལ་པོ་ཤེས་དགོས། གཉིས་པ། སློབ་ཕྲུག་གི་ཤེས་ཚད་དང་ལོ་ཚད་ལ་ངེས་པར་དུ་ཐུགས་ཞིབ་ཀྱིས་འཁྲིད་གཞིའི་སློབ་ཚན་འཆར་གཞི་ཚད་ལྡན་བཟོ་དགོས། གསུམ་པ། ཐབས་ལམ་འདྲ་མིན་ཐོག་ནས་སློབ་ཕྲུག་གི་སེམས་ཁམས་ལ་གནོད་སྐྱོན་མེད་པར་ནོར་འཁྲུལ་ཡོ་སངས་ཡོང་ཐུབ་པ་བྱ་དགོས། ད་དུང་སློབ་ཕྲུག་གིས་སློབ་ཚན་ཡག་པོ་ཤེས་ཆེད་སློབ་ཚན་ག་རེ་སྔོན་ལ་འཁྲིད་དགོས་མིན་ཤེས་དགོས་ལ། སློབ་ཁྲིད་ཐབས་ལམ་གཅིག་རང་མིན་པར་ཐབས་ལམ་འདྲ་མིན་བེད་སྤྱོད་བྱ་དགོས། སློབ་ཚན་འཆར་གཞི་གྲ་སྒྲིག་གནང་རྒྱུ་ཧ་ཅང་གལ་ཆེ་ཡང་། སྐབས་རེ་འཛིན་ཁང་ནང་སློབ་ཚན་འཆར་གཞི་ལྟར་སློབ་ཁྲིད་བྱེད་མི་ཐུབ་པའི་གནས་སྟངས་བྱུང་སྐབས་སློབ་ཕྲུག་གི་ཁམས་དང་མོས་པ་ལ་གཞིགས་ཏེ་སློབ་ཁྲིད་བྱ་དགོས་པ་ལས། ཨུ་ཚུགས་ཀྱིས་སློབ་ཚན་འཆར་གཞི་བསྒྲུབ་ཐབས་གནང་ན་མི་འགྲིག རྒྱུ་མཚན་ནི། དགེ་རྒན་གྱིས་སློབ་ཕྲུག་གི་ཆེད་དུ་སློབ་ཁྲིད་གནང་བ་ལས་སློབ་ཚན་འཆར་གཞིའི་ཆེད་དུ་སློབ་ཁྲིད་གནང་གི་མེད།

སྐད་ཡིག་ནི་རྩལ་ཞིག་ཡིན་སྟབས་སྐད་ཡིག་སྦྱོང་དོན་ཡང་བཤད་རྩལ་དང་། འབྲི་རྩལ། ཉན་རྩལ། ཀློག་རྩལ་སོགས་ཡར་རྒྱས་ཡོང་ཐབས་སུ་དམིགས་དགོས། སྐད་ཡིག་སློབ་ཚན་འཁྲིད་སྐབས་སློབ་ཚན་གི་ནང་དོན་ལས་ཀློག་རྩལ་དང་། འབྲི་རྩལ་སོགས་ཡར་རྒྱས་གཏོང་ཐབས་སུ་འབད་དགོས། དཔེར་ན། སྐད་ཡིག་དགེ་རྒན་མང་པོ་ཞིག་གིས་རྩོམ་ཡིག་སློབ་ཁྲིད་གནང་སྐབས་འབྲི་རྩལ་ཡར་རྒྱས་གཏོང་ཐབས་སློབ་ཁྲིད་མི་བྱེད་པར་རྩོམ་ཡིག་ནང་དོན་འགྲེལ་བཤད་རྒྱབ་ནས་བཞག་པ་ནི་ནོར་འཁྲུལ་རེད། རྩོམ་ཡིག་སློབ་ཁྲིད་ཀྱི་དགོས་དོན་གཙོ་བོ་འབྲི་རྩལ་ཡར་རྒྱས་གཏོང་རྒྱུ་དང་། སློབ་ཕྲུག་གིས་རྩོམ་ཡིག་འབྲི་སྟངས་ཤེས་པ་བྱ་རྒྱུ་ཡིན་པ་བརྗེད་མི་རུང་།

སྐད་ཡིག་དགེ་རྒན་ཚོས་སློབ་ཕྲུག་གི་ཤེས་ཚད་དང་། ལོ་ཚད་ལ་གཞིགས་ནས་སྔོན་ལ་སྐད་ཡིག་གི་རྩལ་ག་རེ་ཡར་རྒྱས་གཏོང་ཐབས་སུ་སློབ་ཁྲིད་གང་ཞིག་བྱ་དགོས་མིན་ལ་བསམ་གཞིགས་ནན་པོ་བྱ་དགོས། དཔེར་ན། ཕྱི་ལོ་ ༢༠༠༧ ནས་ ༢༠༡༡ བར་ཉི་ཧོང་གཞུང་ནས་དམའ་རིམ་སློབ་གྲྭའི་བསླབ་གཞི་རྩ་འཛིན་ནང་བཤད་རྩལ་དང་ཉན་རྩལ་ཡར་རྒྱས་གཏོང་ཐབས་ལས་འབྲི་རྩལ་སྦྱོང་བརྡར་བྱ་རྒྱུ་མེད་པ་བཟོས་ཡོད་འདུག བོད་ཀྱི་སྐད་ཡིག་རྒན་ལགས་དང་འབྲེལ་ཡོད་ཚོས་ཀྱང་སློབ་ཕྲུག་གི་ལོ་ཚད་དང་ཤེས་ཚད་ལ་གཞིགས་ནས་སློབ་ཁྲིད་གནང་རྒྱུ་གལ་ཆེ་སྙམ།

དེང་སྐབས་ཕྱི་རྒྱལ་ཡུལ་གྲུ་ཁག་ལ་བོད་མིའི་གྲངས་འབོར་མང་དུ་འགྲོ་བཞིན་ཡོད་པ་དང་། བོད་ཕྲུག་ཚོས་བོད་ཀྱི་སྐད་ཡིག་སྦྱོང་སའི་ཁོར་ཡུག་ཁྱིམ་ཚང་དང་། བོད་ཀྱི་སྐད་ཡིག་དང་རིག་གཞུང་སློབ་གྲྭ་གཉིས་གཙོ་བོ་ཆགས་ཡོད། འོ་ན། ཕ་མ་དང་། དགེ་རྒན་རྣམ་པས་ཕྱི་རྒྱལ་ལ་ཡོད་པའི་བོད་ཕྲུག་ཚོར་བོད་ཀྱི་སྐད་ཡིག་དེ་ཉིད་སྐད་ཡིག་དང་པོ་དང་། སྐད་ཡིག་གཉིས་པ། ཕྱི་རྒྱལ་སྐད་ཡིག་གང་གི་ངོ་བོའི་ཐོག་ནས་སློབ་ཁྲིད་བྱ་ཡི་ཡོད་དམ། སྐད་ཡིག་དང་པོ་དང་། གཉིས་པ། ཕྱི་རྒྱལ་སྐད་ཡིག་བཅས་སྦྱོང་སྟངས་ཐད་མི་འདྲ་བའི་ཁྱད་པར་ཡོད་པ་མཁྱེན་དགོས། ཕྲུ་གུ་ཞིག་གིས་སྐད་ཡིག་མང་པོ་ཇི་ཙམ་སྦྱང་ནའང་། སྐད་ཡིག་གཉིས་པ་དང་། གསུམ་པ་སོགས་ཁོའི་སྐད་ཡིག་དང་པོ་མི་འདྲ་བའི་ཁྱད་པར་ཆེན་པོ་ཡོད། འོ་ན། སྐད་ཡིག་དང་པོ་དང་། གཉིས་པར་ངོས་འཛིན་ཇི་ལྟར་བྱེད་དགོས་སམ། སྐད་ཡིག་དང་པོ་ནི་ཕ་སྐད་ལ་ངོས་འཛིན་བྱེད་མཁན་ཡོད། གང་ལྟར་སྐྱེས་ནས་བཟུང་སྤྱི་ཚོགས་ཀྱི་བརྒྱུད་རིམ་ཁྲོད་ཆེད་དུ་སྦྱང་པ་མིན་པར་མྱོང་འདྲིས་ཀྱིས་ཤེས་པའི་སྐད་ཡིག་ལ་ངོས་འཛིན་བྱེད་མཁན་ཡོད། དཔེར་ན། བོད་མི་རྒན་པ་ཚོས་བོད་སྐད་ཐོག་མར་ཇི་ལྟར་སྦྱངས་མིན་མི་ཤེས་ནའང་། ད་ལྟ་བོད་སྐད་ཡག་པོ་སྐྱོན་ཤེས་ཀྱི་ཡོད་ལ། གཞན་གྱིས་བཤད་པ་རྣམས་ཉན་ཐུབ་ཀྱི་ཡོད། འོན་ཀྱང་། སྐད་ཡིག་གཉིས་པ་ནི་ཆེད་དུ་སྦྱོང་དགོས་པ་ལས་རང་གི་སྐྱེས་ནས་བཟུང་མྱོང་འདྲིས་ཀྱིས་ཤེས་པའི་སྐད་ཡིག་མ་རེད། དཔེར་ན། བོད་མི་རྒན་པ་ཚོས་ཨིན་སྐད་ཆེད་དུ་སྦྱངས་ནས་ཤེས་པ་ལྟ་བུ་རེད། ད་དུང་སྐད་ཡིག་དང་པོ་ནི་མི་ཞིག་གི་མི་ཚེའི་ནང་ལ་འདམ་ཀ་བྱེད་ས་མེད་པར་རང་བཞིན་གྱིས་མི་ཚེའི་ནང་སླེབས་པའི་སྐད་ཡིག་ཡིན་པ་དང་། སྐད་ཡིག་གཉིས་པ་ནི་འདམ་ཀ་ཡོད་པའི་ཐོག་ནས་རང་ཉིད་ཀྱི་དགོས་དབང་ལ་གཞིགས་ནས་སྦྱོང་རྒྱུའི་སྐད་ཡིག་ཡིན་པར་ངོས་འཛིན་བྱེད་མཁན་ཡོད། འོ་ན། ཕྱི་རྒྱལ་ལ་ཡོད་པའི་བོད་ཕྲུག་ཚོར་བོད་ཀྱི་སྐད་ཡིག་སློབ་ཁྲིད་གནང་སྐབས་སྐད་ཡིག་དང་པོ་དང་། སྐད་ཡིག་གཉིས་པ། ཡང་ན་ཕྱི་རྒྱལ་སྐད་ཡིག་གང་གི་ཐོག་ནས་སློབ་ཁྲིད་བྱ་དགོས་པ་གསལ་པོ་མཁྱེན་རྒྱུ་གལ་ཆེའོ། །

མུ་འགོད།

འབྲེལ་ཡོད་གསར་འགྱུར།

His Holiness the Dalai Lama teaching at Karsha Phodrang in Zanskar, Ladakh, India on July 25, 2025. (Photos by Tenzin Choejor)
༸གོང་ས་མཆོག གསར་འགྱུར།

ལ་དྭགས་གླེ་རུ་ཆར་ཤུགས་ཆེ་བའི་རྐྱེན་གྱིས་ཆིབས་བསྒྱུར་ཕྱིར་འགྱངས་གནང་།

ཆུ་ཚོད་ ༡༩ སྔོན་ལ།
Ven. Zega Gyatso Arrested. Photo :Tibettimes 2025/8/25
Mobile App

གྲྭ་མཛེས་དགའ་རྒྱ་མཚོ་ལགས་འཛིན་བཟུང་བྱས་འདུག

༢༠༢༥/༠༨/༢༥
རྒྱ་གར་བྱང་ཕྱོགས་ལྡེ་ར་རྡུན་དུ་རྟེན་གཞི་བྱས་པའི་བྱེས་ཀྱི་བཀྲ་ཤིས་འཁྱིལ་དགོན་པར་རིགས་གྲྭ་རིག་པའི་རལ་གྲི་རྗེ་སྐལ་བཟང་བསྟན་པ་རབ་རྒྱས་མཆོག་དགུང་གྲངས་བརྒྱའི་སྟེང་སྐུ་གཤེགས་ཡོད་འདུག ༢༠༢༥།༨།༢༥
Mobile App

རིགས་གྲྭ་རིག་པའི་རལ་གྲི་རྗེ་སྐལ་བཟང་བསྟན་པ་རབ་རྒྱས་མཆོག་དགུང་གྲངས་བརྒྱའི་སྟེང་སྐུ་ཞི་བར་གཤེགས།

༢༠༢༥/༠༨/༢༥
བོད་བོང་སྟག་མུ་རུའི་རྩྭ་ཐང་དུ་མི་ལོ་ ༤༠ ལྷག་རིང་རྡོ་སོལ་སྔོག་འདོན་བྱས། ༢༠༡༨ དྲ་ལམ་གྱི་པར།
Mobile App

ལོ་ལྔའི་ནང་རྒྱ་ནག་གཞུང་གིས་སྔར་ལྷག་རྡོ་སོལ་སྔོག་འདོན་བྱ་རྒྱུ་ཡིན་འདུག

༢༠༢༥/༠༨/༢༥
Mobile App

མདོ་སྨད་གཙང་དགོན་པའི་གྲྭ་ཤེར་བཟང་རྒྱ་མཚོ་ལགས་ཀྱིས་རྒྱ་གཞུང་ལ་ངོ་རྒོལ་གྱིས་རང་སྲོག་བློས་བཏང་།

༢༠༢༥/༠༨/༢༢
སྲིད་སྐྱོང་མཆོག་གིས་སུ་ཇཱ་བོད་ཁྱིམ་གྱི་དགེ་སློབ་རྣམས་ལ་གསུང་བཤད་གནང་། ༢༠༢༥།༠༨།༢༡ བོད་མིའི་སྒྲིག་འཛུགས་ཀྱི་པར།
Mobile App

བོད་ནང་བྱིས་པ་རྣམས་རྒྱ་སྐད་བཤད་མཁན་ཆགས་པ་དང་བཙན་བྱོལ་ནང་བོད་སྐད་ལ་དོ་སྣང་མ་བྱས་ན་འགྲིག་གི་མ་རེད།

༢༠༢༥/༠༨/༢༢

མཆན། 0

  1. ལྷག་པ་དོན་གྲུབ། says:
    ལོ་ 6 སྔོན།

    ཕྲན་གྱིས་གོ་ཐོས་ལ། ཕྱི་ལོ་ ༡༩༨༧ ལོར་བོད་རང་སྐྱོང་ལྗོངས་ཀྱི་ནང་སྐད་ཡིག་གཙོ་བོ་བོད་ཀྱི་སྐད་ཡིག་ཡིན་པ་ཁུལ་རིམ་པའི་བཅའ་ཁྲིམས་ནང་གསལ་བཀོད་བྱས་ཡོད་ནའང་། ཕྱིས་སུ་ཕྱི་ལོ་ ༢༠༠༠ ལོའི་རྗེས་སུ་བོད་རང་སྐྱོང་ལྗོངས་ཀྱི་སྐད་ཡིག་གཙོ་བོ་རྒྱའི་སྐད་ཡིག་དང་། བོད་ཀྱི་སྐད་ཡིག་སྦྱོང་སྤྱོད་སྤེལ་གསུམ་བྱེད་ན་འགྲིག་པ་གསལ་ཡོད་འདུག ཕྱི་ལོ་ ༡༩༨༧ ལོར་ཀུན་གཟིགས་པཎ་ཆེན་སྐུ་ཕྲེང་བཅུ་པ་ཆེན་པོ་སྐུ་འཚོ་བཞུགས་ཡིན་སྟབས་ཕལ་ཆེར་བདེན་པ་རེད་སྙམ།

    དེང་སྐབས་བོད་ནང་ལ་བོད་ཀྱི་སྐད་ཡིག་ནི་སྐད་ཡིག་གཙོ་བོ་མིན་པ་དང་། བཙན་བྱོལ་བོད་མིའི་སྤྱི་ཚོགས་ཁྲོད་དུ་བོད་མི་མང་ཆེ་བ་ནུབ་ཁུལ་ལ་གཞིས་སྤོས་ཀྱིས་བོད་ཀྱི་སྐད་ཡིག་ནི་བོད་ཕྲུག་གིས་སྐད་ཡིག་གཉིས་པའམ། ཕྱི་རྒྱལ་སྐད་ཡིག་ངོ་བོའི་ཐོག་ནས་སློབ་ཁྲིད་བྱེད་བཞིན་ཡོད་སྟབས། གོང་གསལ་རྩོམ་ཡིག་དེ་མུ་མཐུད་ནས་སྤེལ་ཐུབ་པ་ཡིན་ན་བོད་ཀྱི་སྐད་ཡིག་དུས་དང་སྐབས་ལ་གཞིགས་པས་ཡར་རྒྱས་གཏོང་རྒྱུར་ཕན་ཐོགས་ཆེན་པོ་ཡོང་ངེས་རེད་སྙམ། འབྲི་པ་པོར་ཐུགས་རྗེ་ཆེ་ཞུ་རྒྱུ་དང་། བོད་ཀྱི་དུས་བབ་གསར་ཁང་ནས་འདོན་སྤེལ་གནང་བར་ཐུགས་རྗེ་ཆེ་ཞུ་རྒྱུ་ཡིན།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese