མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

ཆོས་རིག་ལས་ཁུངས་དང་དཔལ་འབྱོར་ལས་ཁུངས་ཀྱི་ལས་བསྡོམས་ཐོག་གནང་བའི་དོགས་འདྲི་ཁག་ཅིག

བོད་ཀྱི་དུས་བབ།
༢༠༢༠/༡༡/༡༡
Share on FacebookShare on TwitterShare on EmailShare on Whatsapp

ཕྱི་ལོ་ ༢༠༡༩ ཟླ་ ༤ ཚེས་ ༡ ནས་ཕྱི་ལོ་ ༢༠༢༠ ཟླ་ ༣ ཚེས་ ༣༡ བར་གྱི་བོད་མིའི་སྒྲིག་འཛུགས་ཆོས་རིག་ལས་ཁུངས་དང་དཔལ་འབྱོར་ལས་ཁུངས་ཀྱི་ལས་བསྡོམས་རྒྱས་པར་སྤྱི་འཐུས་རྒྱུན་ལས་ནས་གཟིགས་ཞིབ་གནང་སྟེ་སྙན་ཐོ་བཏོན་པ་དང་། དེ་བཞིན་སྤྱི་འཐུས་སྒེར་ནས་འཕྲོས་དོན་དྲི་བ་བཏང་བར་བཀའ་ཤག་གིས་ལན་འདེབས་གནང་འདུགདེ་ཡང་ཆོས་རིག་ལས་ཁུངས་ཀྱི་ལས་བསྡོམས་དང་འབྲེལ་བའི་ཐོག་དྲན་སྐུལ་བསྔགས་བརྗོད་དང་དོགས་འདྲི་ནོར་བཅོས་རིགས་ ༡༤ ཙམ་གནང་ཡོད་པའི་ནང་། རིས་མེད་གྲྭ་དགོན་གསུམ་དང་། བཙུན་དགོན་ ༣ ཡོད་ཅེས་གསལ་བ་དེ་གང་དག་ཡིན་པ་དང་། རིས་མེད་ཅེས་པ་དེ་ངོས་ལེན་གནང་ཕྱོགས་ཀྱི་རྩ་འཛིན་ཡོད་མེད་དོགས་འདྲི་གནང་བར་བཀའ་ཤག་གིས།  རིས་མེད་གྲྭ་དགོན་གསུམ་ནི་དྷ་ས་རིགས་ལམ་སློབ་གཉེར་ཁང་དང་།  བལ་ཡུལ་རྩུམ་བདེ་ཆེན་ལྷུན་གྲུབ་དགོན།  བལ་ཡུལ་བདེ་གླིང་རིས་མེད་ཚེས་བཅུ་ཚོགས་པ་བཅས་དང༌། རིས་མེད་བཙུན་དགོན་གཉིས་ནི། དྷ་ས་སྒྲོལ་མ་གླིང་རིགས་ལམ་སློབ་གཉེར་ཁང་དང་་བལ་ཡུལ་ར་ཆེན་བཙུན་དགོན་ བྱང་ཆུབ་ཆོས་གླིང་གཉིས་ཡིན། འདི་གར་རིས་མེད་ངོས་འཛིན་བྱ་ཕྱོགས་ཀྱི་དམིགས་བསལ་རྩ་འཛིན་མེད་ནའང་། གོང་ཞུས་དགོན་སྡེ་དེ་དག་ནང་སྒྲིག་ཞུགས་སམ་སློབ་ཞུགས་བྱེད་པར་ཆོས་བརྒྱུད་གང་ཡིན་གྱི་དབྱེ་བ་མེད་པ་དང༌། འདི་གར་དགོན་ཐོ་དེབ་འགོད་སྐབས་དང་གྲྭ་བཙུན་གྲངས་ཐོའི་འགེངས་ཤོག་ནང་ཆོས་བརྒྱུད་རིས་མེད་ཅེས་བསྐངས་འབུལ་བྱུང་བར་གཞི་འཛིན་བྱས་པ་ཞིག་ཡིན། ཞེས་ལན་འདེབས་གནང་འདུག

ཡང་ཆོས་རིག་དེབ་སྐྱེལ་ཚོགས་པའི་འགན་འཛིན་ལྷན་ཚོགས་ཀྱི་ཚོགས་མིའི་གྲངས་དང་དེ་དག་སུ་ཡིན་དོགས་འདྲི་ཞུས་པར་བཀའ་ཤག་གིས། ཆོས་རིག་དེབ་སྐྱེལ་ཚོགས་པའི་འགན་འཛིན་ལྷན་ཚོགས་ཀྱི་ཚོགས་མི་གྲངས་བདུན་ཡོད་ཅིང་། དེ་དག་ནི་ཆོས་རིག་བཀའ་བློན་གཡུ་ཐོག་ཀརྨ་དགེ་ལེགས་དང་ཆོས་རིག་དྲུང་ཆེ་སྦྲ་གཉིས་ཚེ་རྒྱལ། ནང་སྲིད་དྲུང་ཆེ་ཤོ་ཟུར་ཚེ་དབང་སྒྲོལ་མ། ཤེས་རིག་དྲུང་ཆེ་ཀརྨ་སེངྒེ་ལགས་དང་འཕྲོད་བསྟེན་དྲུང་ཆེ་དཔལ་ལྡན་དོན་གྲུབ་ལགས། དེ་བཞིན། བོད་ཀྱི་དཔེ་མཛོད་ཁང་གི་འགན་འཛིན་དགེ་བཤེས་ལྷག་རྡོར་ལགས་དང་ཆོས་རིག་རྩིས་པ་དྲུང་གཞོན་བསྟན་འཛིན་སྒྲོལ་དཀར་བཅས་ཡིན། ཞེས་ལན་འདེབས་གནང་ཡོད་པ་དང་། ཡང་འདས་ལོའི་ཕྱི་ཟླ་ ༦ ཚེས་ ༢༡ ནས་ ༢༣ བར་སོག་པོའི་རྒྱལ་ས་ཨུ་ལན་བཱ་ཏར་ཨེ་ཤ་ཡའི་ཞི་བདེ་ནང་པའི་ཆོས་ཚོགས་ཞེས་པ་དབུ་བརྙེས་ནས་ལོ་ངོ་ ༥༠ འཁོར་བའི་དུས་སྟོན་མཛད་སྒོར་རྒྱ་ནག་གཞུང་གིས་གནོན་ཤུགས་འོག ཆོས་རིག་བཀའ་བློན་མཆོག་ངོ་བཅར་ཞུ་མ་ཐུབ་པའི་གནས་སྟངས་ག་འདྲ་ཡིན་མིན་དོགས་འདྲི་གནང་བར་བཀའ་ཤག་གིས། ཕྱི་ལོ་ ༢༠༡༩ ཟླ་ ༦ པའི་ནང་སོག་ཡུལ་དུ་ཨེ་ཤི་ཡའི་ཞི་བདེ་ནང་བའི་ཆོས་ཚོགས་ (Asian Buddhist Conference for Peace) ཀྱི་ཚོགས་ཆེན་དུ་ཆོས་རིག་བཀའ་བློན་དང་ལས་བྱེད་གཉིས་ལ་རྒྱ་ནག་གཞུང་གི་གནོན་ཤུགས་འོག་ནས་ཐོངས་མཆན་མ་སྤྲད་པའི་གནས་ཚུལ་ནི་ཨ་རིར་ཕྱོགས་སྐྱོད་ཐོག་ཡོད་པའི་རྒྱ་ནག་གི་ཕྱི་སྲིད་བློན་ཆེན་གཞོན་པས་སོག་པོའི་ཕྱི་སྲིད་བློན་ཆེན་ལ་ཁ་པར་བརྒྱུད་ནན་མངགས་བྱས་ཡོད་པ་དང་། སོག་པོའི་ཕྱི་སྲིད་ལས་ཁུངས་ནས་ལྡི་ལིའི་སོག་པོའི་གཞུང་ཚབ་ཁང་ལ་དེ་མཐུན་བཀོད་ཁྱབ་བྱུང་བ་ཞིག་རེད་འདུག ལྡི་ལི་སྐུ་ཚབ་དོན་གཅོད་ཁང་གི་འབྲེལ་ཡོད་ལས་བྱེད་པ་སོག་པོའི་གཞུང་ཚབ་ཁང་དུ་ཐོངས་མཆན་ཞུ་ལེན་ཆེད་བཅར་སྐབས། ཆོས་རིག་བཀའ་བློན་ངོ་ལས་གསུམ་ལ་ཐོངས་མཆན་སྤྲོད་མི་ཆོག་པའི་ནག་མཆན་ (Black Listed) བཀོད་ཡོད་སྐོར་འགྲེལ་བརྗོད་གསལ་བོ་བྱས་འདུག འོན་ཀྱང་ཆོས་ཚོགས་ཀྱི་ཚོགས་གཙོའི་ངོས་ནས་སོག་གཞུང་ལ་དེ་སྐོར་ཞུ་གཏུགས་ལན་མང་གནང་འདུག་ཀྱང་། སོག་ཡུལ་རྒྱ་ནག་ལ་རྟེན་ལྟོས་ཀྱི་འབྲེལ་བ་ཆེ་བའི་དབང་གིས་ཕན་འབྲས་གང་ཡང་བྱུང་མི་འདུག ཅེས་གསལ་བཤད་གནང་འདུག

སྐབས་བཅུ་བཞི་པའི་བཀའ་ཤག་གིས་རིག་གཅིག་རྐང་འཛིན་པ་མང་པོ་སྐྱེད་སྲིང་བྱ་རྒྱུ་ཡིན་པའི་ཁས་ལེན་དམ་བཅའ་གནང་བ་ལྟར། ཆོས་རིག་ལས་ཁུངས་ནས་གཞུང་ཆེན་རིག་གཅིག་རྐང་འཛིན་པའི་ལས་གཞིའི་ནང་འཛུལ་ཞུགས་མཁན་དང་སློབ་སྟོན་གནང་མཁན། དེ་བཞིན། དཔྱད་རྩོམ་ཁག་ལ་ཞིབ་འཇུག་གནང་མཁན་སོགས་ཐོག་མའི་དམིགས་ཡུལ་བཞིན་ཚགས་ཚུད་ཡོང་གི་ཡོད་མེད་དོགས་འདྲི་གནང་བར་བཀའ་ཤག་གིས། ད་བར་དངོས་ཡོད་གནས་སྟངས་ལ་གཞིགས་པའི་གྲུབ་འབྲས་མི་དམན་ཙམ་བྱུང་ཡོད་རུང་། ཐོག་མའི་དམིགས་ཡུལ་དང་ཡོངས་སུ་མཐུན་པ་ཞིག་བྱུང་ཐུབ་མེད་ཁར། དམིགས་བསལ་བསམ་ཚུལ་གསུང་མཁན་ཡང་རེ་ཟུང་བྱུང་ཡོད་པ་དང་དེ་ནི་རིག་གཅིག་རྐང་འཛིན་རང་གི་གནད་དོན་དང་འབྲེལ་བའི་རྒྱུ་རྐྱེན་ཁག་ཅིག་ལ་ཐུག་ཡོད་པ་ར་འཕྲོད་གསལ་པོ་བྱུང་ཡོད་པས། ཚོགས་ཆེན་ཐེངས་ ༡༤ པའི་ཐོག་ངོ་སྤྲོད་དང་གྲོས་བསྡུར་བྱུང་དོན་ལྟར་ལས་གཞི་དེར་གཞི་རིམ་གྱི་བསྐྱར་ཞིབ་བརྒྱུད་ལེགས་བཅོས་ངེས་པར་བྱ་དགོས་པ་ཞིག་ཆགས་ཡོད་སྐོར་བརྗོད་ཡོད་འདུག

རྒྱ་བལ་འབྲུག་གསུམ་དུ་གནས་པའི་བོད་རིགས་སྒྱུ་རྩལ་བ་སྤྱི་སྒེར་གཉིས་ནས་བོད་ཀྱི་བཟོ་རིག་སྒྱུ་རྩལ་རྒྱུན་འཛིན་དང་དར་སྤེལ་སླད་འདེམས་སྒྲུག་ཚོགས་ཆུང་གིས། སྤྱི་སྒེར་ཁག་ ༡༣ འདེམས་སྒྲུག་གིས་ཁྱོན་ཧིན་སྒོར་ས་ཡ་ ༣ དང་ཕྱེད་ཀ་མ་ཟིན་ཙམ་བཏང་ཡོད་པར་བརྟེན། འདེམས་སྒྲུག་གི་བརྒྱུད་རིམ་བྱ་ཕྱོགས་རྩ་འཛིན་ཡོད་མེད་དང་། ཚོགས་སྒེར་གང་རུང་ལ་མ་དངུལ་ཐོབ་རྗེས་བོད་ཀྱི་རིག་གཞུང་དང་སྒྱུ་རྩལ་གྱི་ལས་དོན་ལ་དམིགས་པའི་ལས་དོན་ཚགས་ཚུད་ལ་ལྟ་རྟོག་བྱེད་ཀྱི་ཡོད་མེད་དོགས་འདྲི་གནང་བར་བཀའ་ཤག་གིས།  བོད་ཀྱི་རིག་གཞུང་དང་སྒྱུ་རྩལ་མ་དངུལ་བགོ་འགྲེམས་བྱེད་ཕྱོགས་ཐད། འདེམས་སྒྲུག་བྱ་ཕྱོགས་རྩ་འཛིན་གཏན་འབེབས་ཟུར་དུ་མེད་ཀྱང་། ལོ་རེའི་གསལ་བསྒྲགས་ནང་འདེམས་སྒྲུག་བྱེད་ཕྱོགས་ཀྱི་བརྒྱུད་རིམ་དང་ལས་གཞི་ལག་བསྟར་བྱེད་ཕྱོགས་སོགས་གསལ་པོ་བཀོད་ཡོད་པ་དེ་ཉིད་རྩ་འཛིན་དང་གསལ་བསྒྲགས་གཅིག་ཆོད་ལྟ་བུ་ཡིན། ལས་དོན་ཚགས་ཚུད་ཡོང་སླད་ཕྱོགས་གཉིས་ནས་མོས་མཐུན་གན་ཡིག་འཇོག་གི་ཡོད་པ་དང་། རོགས་དངུལ་སྤྲོད་ཐེངས་གཉིས་བྱེད་པ། ཟླ་གསུམ་གྱི་ལས་དོན་སྙན་ཐོ་འབུལ་དགོས་པ། མཐའ་མའི་ཕྱོགས་བསྡོམས་སྙན་ཐོ་དང་ལྷན་དུ་རྩིས་ཁྲ་དང་འདྲ་པར་བཅས་འབུལ་དགོས་པ་བཅས་ཀྱི་བྱ་ར་སྟངས་འཛིན་འཐུས་ངེས་བྱེད་བཞིན་ཡོད། ཅེས་གསུངས་འདུགདཔལ་འབྱོར་ལས་ཁུངས་ལ་དོགས་འདྲི་རིགས་ ༡༧ བྱས་ཡོད་པ་ལས། ཕྱི་ལོ་  ༢༠༡༩ ཟླ་ ༦ ཚེས་ ༢༢ ནས་ཟླ་ ༧ ཚེས་ ༣༠ བར་སྤྱི་ཚོགས་ཡར་རྒྱས་ཐེབས་རྩའི་འགན་འཛིན་དང་སྤྱི་ཁྱབ་འཆར་འགོད་པ་གཉིས་ཨ་རི་དང་ཁེ་ན་ཌ་བཅས་སུ་ཉིན་གྲངས་ ༣༩ དང་། ཡུ་རོབ་རྒྱལ་ཁབ་ཁག་ཅིག་ནང་ཉིན་གྲངས་ ༡༨ སྐོར་སྐྱོད་གནང་སྟེ། གངས་ལྗོངས་དཔལ་འབྱོར་ཞབས་ཞུ་ཁང་གི་ལས་གཞིར་མ་རྩ་ག་ཚོད་ཐབས་འཚོལ་གནང་ཐུབ་ཡོད་པ་དང་། མ་དངུལ་དེ་བོད་མིའི་སྒྲིག་འཛུགས་དཔལ་འབྱོར་ལས་ཁུངས་སམ་གངས་ལྗོངས་དཔལ་འབྱོར་ཞབས་ཞུ་ཁང་ལ་དངོས་སུ་འབྱོར་ཡོད་མེད་དང་། གལ་སྲིད་འབྱོར་མེད་ཚེ་འགོག་རྐྱེན་ཅི་འཕྲད་དང་མ་འོངས་པར་ག་དུས་འབྱོར་ཐུབ་པར་ཚོད་དཔག་བྱེད་ཀྱི་ཡོད་སྐོར་དོགས་འདྲི་ཞུས་པར་བཀའ་ཤག་གིས། སྤྱི་ཚོགས་ཡར་རྒྱས་ཐེབས་རྩའི་འགན་འཛིན་དང་སྤྱི་ཁྱབ་འཆར་འགོད་པ་གཉིས་ཨ་རི་དང་ཁེ་ན་ཌ་བཅས་སུ་སྐོར་སྐྱོད་གནང་སྟེ་ཨ་རི་ནས་ཧིན་སྒོར་ས་ཡ་༢༣ ལྷག་དང་། ཁེ་ན་ཌ་ནས་ཧིན་སྒོར་ས་ཡ་ ༡ དང་ཕྱེད་ཀ  དེ་བཞིན། ཡུ་རོབ་ནས་ཧིན་སྒོར་ས་ཡ་ ༢༤ ལྷག་བཅས་ཁྱོན་ཧིན་སྒོར་ས་ཡ་ ༥༠ ལྷག་ཙམ་་མཁོ་སྒྲུབ་ཐུབ་ཡོད་པ་དང་། ད་ལྟ་དངུལ་འབོར་དེ་དག་གངས་ལྗོངས་དཔལ་འབྱོར་ཞབས་ཞུ་ཁང་དུ་འབྱོར་ཡོད། ཅེས་ལན་འདེབས་གནང་འདུག

བོད་མིའི་སྒྲིག་འཛུགས་ཀྱི་དྭང་ཞབས་པར་ཆ་རྐྱེན་གང་དག་ཚང་དགོས་པ་དང་། འདས་ལོར་དྭང་ཞབས་པ་གྲངས་ ༧༨ བྱུང་ཡོད་པ་དག་ལ་མཐུན་འགྱུར་འགྲོ་སོང་ག་ཚོད་ཕྱིན་ཡོད་པ།  འགྲོ་སོང་དེ་དག་དགོས་དམིགས་གང་དག་ཐོག་བཏང་ཡོད་མེད་དོགས་འདྲི་གནང་བར་བཀའ་ཤག་གིས། བོད་མིའི་སྒྲིག་འཛུགས་ཀྱི་དྭང་ཞབས་ནང་འཛུལ་ཞུགས་བྱ་རྒྱུའི་ཆ་རྐྱེན་གཙོ་བོ་ཁག་ནི། བོད་མི་ཡིན་པ་དང་། མཐོ་སློབ་ཐོན་པའམ་མཐོ་སློབ་ནང་སློབ་གཉེར་བྱེད་བཞིན་པ། རྩིས་ལོའི་ནང་དྭང་ཞབས་པ་གྲངས་ ༧༨ བྱུང་ཡོད་པ་དེ་དག་ལ་མཐུན་འགྱུར་འགྲོ་སོང་ཁྱོན་ཧིན་སྒོར་ས་ཡ་ ༤ ལྷག་ཕྱིན་ཡོད། དེའི་ནང་དྭང་ཞབས་པའི་མཚན་དོད་དང་ཁང་དོད། གཙང་བཟོ་བའི་གླ་བཅས་ལ་ཧིན་སྒོར་ས་ཡ་ ༤ ལྷག་དང༌། དྭང་ཞབས་པ་བཞུགས་སའི་གློག་རིན་དང་སྐུད་མེད་དྲྭ་རྒྱ། གཞན་མཐུན་རྐྱེན་དགོས་མཁོ་གཞིར་བཟུང་སྦྱོར་སྤྲོད་ཞུ་ཆེད་ཁྱོན་སྒོར་ཁྲི་ ༦ ལྷག་དང་། དེ་བཞིན། དྭང་ཞབས་པའི་མྱོང་ཚོར་གོ་བསྡུར་ཚོགས་འདུའི་ཆེད་ཧིན་སྒོར་ ༡༩༠༠༤།  གཞན་དཔར་གྲོན་དང་སྤྱིར་བཏང་འགྲོ་གྲོན་ཆེད་ཧིན་སྒོར་ ༩,༢༠༧  བཅས་ཕྱིན་ཡོད། ཅེས་དང་།  བཀའ་ཤག་གི་དགོངས་གཞི་ལྟར་བོད་མིའི་ཁྱད་ལས་དྭང་བླངས་ཞབས་ཞུའི་ལས་གཞི་དེ་ཕྱི་ལོ་ ༢༠༡༢ ཟླ་ ༤ ཚེས་ ༡ ཉིན་ནས་མགོ་འཛུགས་ཀྱིས་ད་བར་ཁྱད་ལས་དྭང་བླངས་ཞབས་ཞུ་བ་ཁྱོན་མི་གྲངས་ ༢༢༦ ནས་ཆ་ཤས་བཞེས་ཡོད་སྐོར་གསུངས་འདུག

གཞན་ཡང་། ཚོང་ལས་རམ་འདེགས་ལས་གཞིའི་འོག་ལས་བསྡོམས་ཤོག་གྲངས་ ༢༨ ནས་ ༣༢ བར་ཟབ་སྤྱོང་གྲངས་ ༡༥ ཙམ་སྤྲད་འདུག་ན། ཟབ་སྦྱོང་སྤྲོད་མཁན་དག་ལ་ཚོང་ལས་ཐོག་དམིགས་བསལ་ཁྱད་ཡོན་གང་དག་ཡོད་པ་དང་། ཟབ་སྦྱོང་སྤྲོད་མཁན་ལ་ཁྱོན་བསྡོམས་འགྲོ་སོང་ག་ཚོད་ཕྱིན་ཡོད་མེད་དོགས་འདྲི་གནང་བར་བཀའ་ཤག་གིས། ཚོང་ལས་རམ་འདེགས་ལས་གཞིའི་འོག་སྐྱེད་སྲིང་སྦྱོང་བརྡར་དང་། ཚོང་ལས་ཆུང་ངུའི་རོགས་སྐྱོར། ལག་ཤེས་བརྒྱུད་ཚོང་ལས་སྦྱོང་བརྡར་བཅས་ཀྱི་ལས་འཆར་ཐོག་ཟབ་སྦྱོང་ཕུལ་ཡོད། ཟབ་སྦྱོང་སྤྲོད་མཁན་རྣམས་སོ་སོའི་ཚོང་ལས་སྡེ་ཁག་ནང་ཕྱག་ལས་གནང་མཁན་ཉམས་མྱོང་དང་ཤེས་ཚད་ལྡན་པ་ཤ་སྟག་ཡིན། ཟབ་སྦྱོང་སྤྲོད་མཁན་ཁག་ཅིག་ཚོང་ལས་འཆར་གཞི་བཟོ་འགོད་ཐོག་ཁྱད་མཁས་ཡིན་པ་དང་། འགའ་ཞིག་ཚོང་ལས་དེབ་སྐྱེལ་བྱེད་ཕྱོགས་ཐོག་ཁྱད་མཁས་ཡིན།  ལས་བསྡོམས་ནང་ཟབ་སྦྱོང་ཁག་ ༡༥ ཙམ་ཕུལ་ཡོད་པ་དེ་ལས་འཆར་གཞིར་བཟུང་ཚོང་ལས་ཀྱི་སྦྱོང་བརྡར མི་འདྲ་བ་མང་པོ་ཡོད། ཁྱད་མཁས་པ་ཁག་ཅིག་ལ་ལམ་གྲོན་མ་གཏོགས་འབུལ་མི་དགོས་པ་དང་ཁག་ཅིག་ལ་སློབ་དོད་དང་ལམ་གྲོན་གཉིས་ཀ་འབུལ་དགོས་པས་འདས་ལོའི་ནང་ཟབ་སྦྱོང་སྤྲོད་མཁན་ལ་སློབ་དོད་བསྡོམས་ཧིན་སྒོར་ ༣.༣༤༦.༤༨༧ ཕྱིན་ཡོད། ཅེས་ལན་འདེབས་གནང་འདུག

སུད་ཚོང་བ་གྲངས་ ༨༩༠ དང་། དབྱར་ཚོང་ཁྱིམ་ཚང་གྲངས་ ༢༤ བཅས་ལ་ཧིན་སྒོར་འབུམ་ ༢ རེ་ཟླ་དྲུག་རིང་སྐྱེད་ཆུང་རོགས་སྐྱོར་གནང་བའི་དངུལ་བུན་རྣམས་ཟླ་དྲུག་གི་དུས་ཐོག་ཏུ་གནང་ཐུབ་ཡོད་མེད་དང་། མེད་ན་དངུལ་འབོར་ཅི་ཙམ་ཕྱིར་སློག་ཐུབ་མེད་པ་དང་ད་ལྟ་གནས་སྟངས་ཇི་ཆགས་དོགས་འདྲི་གནང་བར་བཀའ་ཤག་གིས། སུད་ཚོང་ཁྱིམ་ཚང་གྲངས་ ༨༩༠ ལ་སྒོར་འབུམ་གཉིས་རེ་འཚོ་རྟེན་རོགས་སྐྱོར་འོག སྐྱེད་ཆུང་བུན་གཡར་བཏང་བ་མ་སྐྱེད་ཆ་ཚང་དུས་ཐོག་ཕྱིར་སློག་བྱུང་ཡོད། དབྱར་ཚོང་རྒྱག་མཁན་ཁྱིམ་ཚང་གྲངས་ ༢༤ ལ་ཧིན་སྒོར་

འབུམ་ ༢ རེ་འཚོ་རྟེན་རོགས་སྐྱོར་འོག་ཟླ་དྲུག་རིང་སྐྱེད་ཆུང་བུན་གཡར་བཏང་བའི་ཁོངས་ནས་མི་གྲངས་ ༡༡ ནས་མ་སྐྱེད་ཆ་ཚང་ཕྱི་ལོ་ ༢༠༢༠ ཟླ་ ༨ ཚེས་ ༥ གོང་ཕྱིར་སློག་བྱུང་ཡོད་པ་དང་། ལྷག་འཕྲོ་ཁྱིམ་ཚང་ ༡༣ ནས་ཏོག་དབྱིབས་ནད་ཡམས་རྐྱེན་པས་ཚོང་རྒྱུག་མིན་གྱི་དབང་གིས་བུན་གཡར་ཕྱིར་སློག་བྱེད་རྒྱུའི་དུས་ཚོད་འཕར་འགྱངས་དགོངས་བཞེས་ཡོང་བ་ཞུ་དོན་བཞིན་དངོས་ཡོད་གནས་སྟངས་ལ་དགོངས་བཞེས་ཀྱིས་ཕྱི་ལོ་ ༢༠༢༠ ཟླ་ ༨ ཚེས་ ༥ ནས་བུན་གཡར་ཕྱིར་སློག་ཞུ་རྒྱུ་ཟླ་དྲུག་རིང་སྐྱེད་མེད་དུས་འགྱངས་ཞུས་ཡོད། ཅེས་གསུངས་འདུག

གསར་འགོད་པ། སྐལ་བཟང་སྦྱིན་པ།

འབྲེལ་ཡོད་གསར་འགྱུར།

US Secretary of State Marco Rubio on Sunday demanded the immediate release of Gedhun Choekyi Nyima, the 11th Panchen Lama, who was abducted by Chinese authorities 30 years ago at the age of six. | X @CTA_TibetdotNet & File Pi
Mobile App

རྒྱལ་སྤྱིའི་གནད་ཡོད་མི་སྣས་༧པཎ་ཆེན་རིན་པོ་ཆེ་མཆོག་གང་མགྱོགས་ཀློད་གྲོལ་དགོས་པའི་འབོད་སྐུལ་གནང་།

ཆུ་ཚོད་ ༢༤ སྔོན་ལ།
Front Slider

༧པཎ་ཆེན་རིན་པོ་ཆེ་མཆོག་གར་སོང་ཆ་མེད་དུ་གྱུར་ཏེ་ལོ་ངོ་ ༣༠ འཁོར་བ་སྲུང་གཙི་ཞུས།

༢༠༢༥/༠༥/༡༧
༧ཀུན་གཟིགས་པཎ་ཆེན་རིན་པོ་ཆེ་མཆོག་གི་མཛད་རྣམ་རྗེས་དྲན་གྱི་དབྱིན་ཡིག་ཐོག་ཡོད་པའི་ཕྱག་དེབ་ (Tibet's Stolen Child) ཅེས་པ་དབུ་འབྱེད་གནང་བ། དུས་བབ་གསར་ཁང་གི་པར། ༢༠༢༥།༥།༡༧
Mobile App

དྷ་ས་ཉེ་འཁོར་གྱི་བོད་སློབ་ནང་ཁུལ་དབར་ངག་རྩལ་འགྲན་བསྡུར་ཞིག་འཚོགས།

༢༠༢༥/༠༥/༡༧
དྷ་ས་ས་གནས་གཞོན་ནུ་ལྷན་ཚོགས་ཀྱིས་༧པཎ་ཆེན་རིན་པོ་ཆེ་མཆོག་གི་གནད་དོན་དང་འབྲེལ་ནས་ལས་འགུལ་སྤེལ་བཞིན་པ། བོད་ཀྱི་དུས་བབ་གསར་ཁང་གི་པར། ༢༠༢༥།༥།༡༧
Mobile App

༧ཀུན་གཟིགས་པཎ་ཆེན་རིན་པོ་ཆེ་མཆོག་གར་སོང་ཆ་མེད་དུ་གྱུར་ནས་ལོ་ངོ་ ༣༠ འཁོར་བའི་ཉིན་མོ་སྲུང་གཙི་ཞུས།

༢༠༢༥/༠༥/༡༧
དྷ་ས་ས་གནས་མགོ་འཛིན་གྱི་ཚོགས་ཁང་དུ་མཆོག་སྤྲུལ་ཧཱུྃ་ཀར་རྡོ་རྗེ་རིན་པོ་ཆེ་མཆོག་གི་རྗེས་དྲན་བགྲོ་གླེང་ཞིག་འཚོག་བཞིན་པ། བོད་ཀྱི་དུས་བབ་གསར་ཁང་གི་པར། ༢༠༢༥།༥།༡༦
Mobile App

མཆོག་སྤྲུལ་ཧཱུྃ་ཀར་རྡོ་རྗེ་མཆོག་སྐུ་བཀྲོངས་པ་ཁ་གསལ་བཟོ་ངེས་ཡིན་པའི་བསྒྲགས་གཏམ་སྤེལ།

༢༠༢༥/༠༥/༡༦
Exile Tibetan Buddhist nuns carry placards during a protest march demanding the release of their religious leader Gedhun Choekyi Nyima, the 11th Panchen Lama, who was put under house arrest by the Chinese authorities this day in 1995 in Tibet, in Dharmsala, India, Wednesday, May 17, 2017. © 2017 AP Photo/Ashwini Bhatia
Mobile App

༧པཎ་ཆེན་རིན་པོ་ཆེ་ནང་མི་སྐུ་འཁོར་དང་བཅས་པ་འཕྲལ་དུ་ཀློད་གྲོལ་གཏོང་དགོས་པའི་སྐུལ་མ་བྱས་འདུག

༢༠༢༥/༠༥/༡༦

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese