བོད་རིགས་བུ་མོ་བསྟན་འཛིན་ནོར་གཡང་ལགས་ཀྱིས་རྒྱ་གར་ལྷོ་ཕྱོགས་ཀྱི་ཀར་ན་ཊ་ཀ་མངའ་སྡེའི་ (KLE) མཐོ་སློབ་ནས་སྨན་ཞབས་པའི་ཉེ་བའི་གཙུག་ལག་རབ་འབྱམས་པའི་རྒྱུགས་འབྲས་རྩེ་ཕུད་བླངས་སྟེ་གསེར་གྱི་རྟགས་མ་ཐོབ་ཡོད་པ་རེད།
འདི་གའི་གསར་འགོད་པས་ཁོང་མོར་ཁ་པར་བརྒྱུད་ད་ལན་གཟེངས་རྟགས་ཐོབ་པ་དེར་སེམས་ཚོར་ཅི་བྱུང་དྲིས་པར། རྒྱ་གར་གྱི་སློབ་མ་བརྒྱ་ལྷག་གི་ཁྲོད་ནས་བོད་པའི་བུ་མོ་ཞིག་ལ་གཟེངས་རྟགས་འདི་འདྲ་ཞིག་ཐོབ་པར་དགའ་སྤོབས་ཆེན་པོ་བྱུང་བ་དང་། ད་ཐེངས་ཁོང་མོར་ཐོབ་པའི་གཟེངས་བསྟོད་བྱ་དགའ་དེ་ནི་བདག་ལ་རྒྱུན་དུ་ལམ་སྟོན་བྱེད་མཁན་གྱི་ཕ་མ་གཉིས་གཙོས་སྤུན་ཉེ་དང་། གྲོགས་པོ་གྲོགས་མོ་སོགས་ལ་ལེགས་སྐྱེས་སུ་དབུལ་རྒྱུ་ཡིན་སྐོར་དང་། མུ་མཐུད་དུ་སྨན་ཞབས་པའི་སློབ་གཉེར་གནང་འདུན་ཡོད་སྐོར་བརྗོད་བྱུང་།
ཡང་ཁོང་མོས། རྒྱ་གར་ས་གནས་གང་སར་སྨན་ཞབས་པའི་སློབ་གཉེར་བྱེད་མུས་ཡིན་པའི་བོད་རིགས་སྨན་པའི་སློབ་མ་ཚོས། ཡི་གེ་སྦྱང་བ་ཙམ་མ་ཡིན་པར་ནད་ཀྱིས་མནར་བའི་མི་མང་ལ་རོགས་པ་བྱེད་ཀྱི་ཡོད་པས། དེ་ནི་རླབས་ཆེན་གྱི་བྱ་གཞག་ཅིག་ཡིན་པ་དང་། སོ་སོའི་མི་ཚེའི་ནང་དཀའ་སྡུག་ཅན་གྱི་ལམ་བུ་མང་པོ་བརྒྱུད་དགོས་པས། སྦྱང་འབྲས་ལེགས་པོ་ཞིག་བླང་རྒྱུ་དཀའ་ནའང་། སོ་སོས་སོ་སོར་ཡིད་ཆེས་བྱས་ནས་སློབ་སྦྱོང་ལ་ཧུར་བརྩོན་དང་སྦྱང་བརྩོན་བྱ་དགོས་སྐོར་བརྗོད་བྱུང་།
བསྟན་འཛིན་ནོར་གཡང་ལགས་ནི་རྒྱ་གར་ལྷོ་ཕྱོགས་ཀྱི་མོན་གྷོ་འདོད་རྒུ་གླིང་གཞིས་ཆགས་ནང་སྐྱེས་ཤིང་། མོན་གྷོ་སམ་བྷོ་ཊ་སློབ་གྲྭ་ནས་གཞི་རིམ་གྱི་སློབ་གཉེར་གནང་། དེ་ནས་སྦེར་ལོར་རྟེན་གཞི་བྱས་པའི་སྨན་ཞབས་མཐོ་སློབ་ཏུ་སློབ་གཉེར་བྱས་ཏེ་ལོ་བཞི་བསྟུན་མར་ཡིག་ཚད་ཀྱི་སྦྱང་འབྲས་ཡག་ཤོས་བླངས་ཡོད་པས། ཕུལ་བྱུང་སློབ་མའི་གཟེངས་བསྟོད་གསེར་གྱི་རྟགས་མ་ཡོད་འདུག
དཔལ་ལྡན།
རྒྱལ་བའི་བཀའ་དྲིན་ཙམ་ཡང་ངག་ནས་ཐོན་མིན་འདུག་པས་ཅུང་སེམ་ལ་མི་བདེ་བ་ཞིག་བྱུང་ཡང་གང་ལྟར་སྨན་ཞབས་པ་ཞིག་ཡིན་ཕྱིར་སེམས་བཟང་པོ་དང་སཉིང་རྗེ་ཅན་ཞིག་ཡིན་ན་ངོ་མ་དགེ་བ་རེད།
༑ ་བསྟན་འཛིན་ནོར་གཡང་ལགས་ཀྱིས་རྒྱ་གར་ལྷོ་ཕྱོགས་ཀྱི་ཀར་ན་ཊ་ཀ་མངའ་སྡེའི་ (KLE) མཐོ་སློབ་ནས་སྨན་ཞབས་པའི་ཉེ་བའི་གཙུག་ལག་རབ་འབྱམས་པའི་རྒྱུགས་འབྲས་རྩེ་ཕུད་བླངས་སྟེ་གསེར་གྱི་རྟགས་མ་ཐོབ་པར་བཀྲིས་བདེ་ལེགས་ཡོད། བོད་པའི་སྐྱེ་མ།འི་ནང་དེང་སང་ཤེས་ཡོན་སོགས་་ནང་བྱས་པ་ཅན་གྱི་གཟེངས་སུ་ཐོན་པའི་བྱ་དགའ་ཞུ་མཁན་མང་པོ་གོ་རྒྱུ་འདུག་ཀྱང་སྐྱེ་ཕོའི་ནང་ཉུང་ཤས་ལས་མིན་འདུག་ན་ཤུགས་རྒྱག་དགོས་མིན་འདུག་གམ། སྒེར་སོ་སོའི་དཀའ་ལས་རྒྱབ་མ་རྒྱབ་ཀྱི་གནས་དོན་དེ་དབྱེ་ལ་གཅིག་རེད་ལ་གལ་ཆེ་བ་དེ་༧གོང་ས་མཆོག་གིས་ཐུགས་བྱིན་དང་དེ་ལས་རྒྱས་པའི་རང་གཞུང་གི་ལས་འཆར་གྱི་མཛད་བཟང་ལས་ཡིན་པ་ང་རང་ཚོ་བོད་མི་ཚང་མས་བསམ་ཤེས་དགོས་གལ་བསམ་བཞིན་ལགས། སླར་བསྟན་འཛིན་ནོར་གཡང་ལསག་དང་གཞན་བོད་ཀྱི་བྱས་པ་ཅན་གྱི་སྐྱེ་མ་གཞན་ཚོར་ཡང་གོ་སྐབས་ཞུས་ནས་བཀྲིས་བདེ་ལེགས་ཞུ་རྒྱུ་ཡིན་།།