ཁ་སང་ཕྱི་དྲོ་ཆུ་ཚོད་ ༦ ཙམ་ལ་རྒྱ་གར་གྱི་གྲོས་ཚོགས་འོག་མའི་འཐུས་མི་སྐུ་ཞབས་ ( P P Chuadhary) ལགས་གཙོ་བྱས་པའི་རྒྱ་གར་གྲོས་ཚོགས་འོག་མའི་ཚོད་དཔག་ཚོགས་ཆུང་གི་འཐུས་མི་བརྒྱད་དྷ་སར་འཚམས་གཟིགས་སུ་ཕེབས་ཡོད་པ་དང་། བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གིས་ཕེབས་བསུའི་མཚམས་འདྲི་ཞུས་ཏེ། བོད་མིའི་སྒྲིག་འཛུགས་དང་བོད་མི་མང་སྤྱི་འཐུས་གྲོས་ཚོགས་ཀྱི་ཚོགས་ཁང་སོགས་སུ་གཟིགས་སྐོར་དུ་འཁྲིད་གནང་ཡོད་པ་རེད་འདུག
སྐབས་དེར་སྲིད་སྐྱོང་སྤེན་པ་ཚེ་རིང་མཆོག་གིས། འདས་པའི་ལོ་རྒྱུས་ཀྱི་ཁྲོད་དུ་བོད་མི་རྣམས་ལ་དཀའ་ཁག་བྱུང་ནས་རྒྱ་གར་དུ་བཙན་བྱོལ་ལ་ཡོང་རྗེས། རྒྱ་གར་གཞུང་དམངས་གཉིས་ཀྱིས་བོད་མི་རྣམས་ལ་རོགས་རམ་དང་མཐུན་རྐྱེན་སྦྱར་ཡོད་པ་དང་། རྒྱ་གར་གྲོས་ཚོགས་ཀྱི་ཚོགས་པ་ཁག་གིས་བོད་དོན་རྒྱབ་སྐྱོར་གནང་དང་གནང་མུས་ཡིན་པའི་ཁར། ཨ་རིའི་གྲོས་ཚོགས་གོང་འོག་གཉིས་ཀྱིས་ཀྱང་བོད་མིར་རོགས་རམ་དང་བོད་དོན་རྒྱབ་སྐྱོར་གནང་མུས་ཡིན་སྐོར་སོགས་གསུངས་ཡོད་པ་རེད།
རྒྱ་གར་གྱི་གྲོས་ཚོགས་འོག་མའི་འཐུས་མི་སྐུ་ཞབས་ ( P P Chuadhary) མཆོག་གིས། ༧གོང་ས་སྐྱབས་མགོན་ཆེན་པོ་མཆོག་གིས་ཕྱག་སྟོན་གྱི་འོག་ནས། བོད་མི་ཚོས་བོད་ཀྱི་ཐུན་མོང་མ་ཡིན་པའི་ཆོས་དང་རིག་གཞུང་ཉར་ཚགས་བྱས་ཡོད་པ་ཤེས་རྟོགས་བྱུང་། བོད་དོན་རྒྱབ་སྐྱོར་དང་རོགས་རམ་དེ་དག་ནི་༧གོང་ས་སྐྱབས་མགོན་ཆེན་པོ་མཆོག་གིས་ཤར་བསྐྱོད་གནང་མུས་ཡིན་པའི་ཚད་མེད་ཞི་བདེ་དང་། ཞི་བདེ། བྱམས་བརྩེ་བཅས་ཀྱི་ཀུན་ནས་བསླངས་པའི་གཞན་ཕན་གྱི་ཐུགས་གཤིས་ལ་བརྟེན་ནས་བྱུང་བ་རེད། ཅེས་སོགས་གསུངས་ཡོད་འདུག
མཇུག་མཐར་བོད་ཀྱི་ཟློས་གར་ཚོགས་པས་བོད་ཀྱི་སྲོལ་རྒྱུན་གཞན་སྣ་འཁྲབ་སྟོན་གནང་བ་དང་། དབུས་བོད་མིའི་སྒྲིག་འཛུགས་ཀྱི་སྲིད་སྐྱོང་སྤེན་པ་ཚེ་རིང་མཆོག་གིས། རྒྱ་གར་གྲོས་ཚོགས་འོག་མའི་འཐུས་མི་རྣམས་ལ་ལེགས་གསོལ་ལག་རྟགས་གནང་ཡོད་འདུག
