དེ་རིང་གྲོས་ཚོགས་ཀྱི་ལས་ཉིན་མཐའ་མ་དང་བརྗོད་པ་གསུམ་པའི་ཐོག་ནས་མང་གཙོའི་ཀ་བ་གསུམ་གྱི་མཛད་གཙོ་རྣམ་པ་དང་རང་དབང་ཅན་གྱི་སྡེ་ཚན་འགན་འཛིན་རྣམས་ནས་དམ་འབུལ་ཞུ་ཕྱོགས་དང་འབྲེལ་བའི་བཅའ་ཁྲིམས་དོན་ཚན་བརྒྱད་གཏན་འབེབ་གནང་སོང་།
དེ་རིང་ཕྱི་ཚེས་ ༢༩ ཉིན་སྐབས་བཅུ་བདུན་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་བདུན་པའི་ལས་ཉིན་ ༡༡ སྟེང་། ཁྲིམས་བཟོའི་ལས་དོན་དང་འབྲེལ་བའི་སྒྲིག་གཞི་ཁག་བདུན་ལ་བརྗོད་པའི་གསུམ་པ་ཐོག་ནས་གཏན་འབེབ་གནང་བའི་ཁྲོད། མང་གཙོའི་ཀ་བ་གསུམ་གྱི་མཛད་གཙོ་རྣམ་པ་དང་རང་དབང་ཅན་གྱི་སྡེ་ཚན་ཁག་གི་འགན་འཛིན་རྣམས་ནས་དམ་འབུལ་ཞུ་ཕྱོགས་དང་འབྲེལ་བའི་བཅའ་ཁྲིམས་དོན་ཚན་ ༨ གཏན་འབེབ་གནང་སོང་།
དམ་འབུལ་དང་འབྲེལ་གཏན་འབེབ་བྱུང་བའི་བཅའ་ཁྲིམས་ཀྱི་དོན་ཚན་དང་ནང་དོན་ཁག་ནི། བཅའ་ཁྲིམས་དོན་ཚན་ཉེར་ལྔ་པའི་ནང་གསེས་དང་པོར། འདེམས་ཐོན་སྲིད་སྐྱོང་དང་། བཀའ་བློན་རྣམ་པའི་ལས་འཁུར་དུ་མ་ཞུགས་གོང་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བའི་མདུན་ནམ། ཁྲིམས་ཞིབ་པ་ཆེ་བ་མེད་ཚེ། སྤྱི་འཐུས་ཚོགས་གཙོའི་མདུན་ཁྲིམས་ལུགས་སུ་གཏན་འབེབས་བྱས་པའི་ཚིག་གཞི་ལྟར་ལས་འཁུར་དང་གསང་རྒྱའི་དམ་བཅའམ། ཁས་ལེན་བྱེད་དགོས་ཞེས་པའི་བཀའ་ཤག་གི་བཟོ་བཅོས་ཁྲིམས་འཆར་ལ་སྤྱི་འཐུས་ ༤༢ ཀྱིས་རྒྱབ་སྐྱོར་འོག་གཏན་འབེབས་གནང་སོང་།
དོན་ཚན་ཞེ་ལྔ་པའི་ནང་གསེས་དང་པོར། ཚོགས་གཙོ་དང༌། ཚོགས་གཙོ་གཞོན་པ་འོས་བསྡུ་ཟིན་འཕྲལ་ལས་འཁུར་དུ་མ་ཞུགས་གོང་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བའི་མདུན་ནམ། ཁྲིམས་ཞིབ་པ་ཆེ་བ་མེད་ཚེ་སྲིད་སྐྱོང་གི་མདུན་ཁྲིམས་ལུགས་སུ་གཏན་འབེབས་བྱས་པའི་ཚིག་གཞི་ལྟར་ལས་འཁུར་དམ་བཅའམ། ཁས་ལེན་བྱེད་དགོས་ཞེས་པའི་བཟོ་བཅོས་ཁྲིམས་འཆར་རྩ་འབོར་གསུམ་ཆ་གཉིས་ཡན་གྱིས་གཏན་འབེབས་གནང་སོང་།
དོན་ཚན་ཞེ་བདུན་པའི་ནང་གསེས་ ༡ ་པོར། འདེམས་ཐོན་སྤྱི་འཐུས་ཁོངས་ནས་སྤྱི་འཐུས་ལས་རྒྱུན་རིང་ཤོས་དེར་སྤྱི་འཐུས་རྒྱུན་ལས་ཀྱིས་བར་བརྒལ་ཚོགས་གཙོར་བསྐོ་གཞག་བྱེད་དགོས། གལ་ཏེ་ལས་རྒྱུན་འདྲ་མཉམ་བྱུང་ཚེ་དེའི་ཁོངས་ནས་རང་ལོ་བགྲེས་ཤོས་དེར་བསྐོ་གཞག་བྱེད་དགོས། བར་བརྒལ་ཚོགས་གཙོས་ཆེས་མཐོའི་ཁྲིམས་ཞིབ་པ་ཆེ་བའི་མདུན་ནམ། ཁྲིམས་ཞིབ་པ་ཆེ་བ་མེད་ཚེ་སྲིད་སྐྱོང་གི་མདུན་སྤྱི་འཐུས་ཀྱི་དམ་འབུལ་བྱེད་དགོས་ཞེས་པའི་བཟོ་བཅོས་ཁྲིམས་འཆར་ལ་སྤྱི་འཐུས་ ༤༢ ཀྱིས་རྒྱབ་སྐྱོར་འོག་གཏན་འབེབས་གནང་སོང་།
དེ་བཞིན། ནང་གསེས་ ༢ པར། འདེམས་ཐོན་སྤྱི་འཐུས་རེ་རེས་རང་ཉིད་སྤྱི་འཐུས་ཀྱི་ལས་འཁུར་དུ་མ་ཞུགས་གོང་བར་བརྒལ་ཚོགས་གཙོའི་མདུན་ཁྲིམས་ལུགས་སུ་གཏན་འབེབས་བྱས་པའི་ཚིག་གཞི་ལྟར་ལས་འཁུར་དམ་བཅའམ། ཁས་ལེན་བྱེད་དགོས་ཞེས་པའི་གསར་འཇུག་སྤྱི་མོས་ཀྱི་ཐོག་ནས་གཏན་འབེབས་གནང་སོང་། ནང་གསེས་ ༣ པར། ཚོགས་གཙོ་དང་ཚོགས་གཞོན་དམ་འབུལ་ཟིན་རྗེས་འདེམས་ཐོན་སྤྱི་འཐུས་དམ་བཅའ་འབུལ་དགོས་རྣམས་ཀྱིས་ཚོགས་གཙོའི་མདུན་དམ་འབུལ་བྱེད་དགོས་པ་དང་། ཚོགས་གཙོ་མེད་སྐབས་ཚོགས་གཞོན་མདུན་དམ་འབུལ་བྱེད་དགོས་ཞེས་པའི་བཟོ་བཅོས་ཁྲིམས་འཆར་ལ་རྩ་འབོར་གསུམ་ཆ་གཉིས་ཡན་གྱིས་གཏན་འབེབས་གནང་སོང་།
དོན་ཚན་རེ་གསུམ་པའི་ནང་གསེས་ ༣ པར། ཁྲིམས་ཞིབ་པ་ཆེ་བར་འོས་ཐོན་བྱུང་འཕྲལ་ལས་འཁུར་དུ་མ་ཞུགས་གོང་ཁྲིམས་ཞིབ་པ་ཆེ་བའི་མདུན་ནམ། ཁྲིམས་ཞིབ་པ་ཆེ་བ་མེད་ཚེ་སྤྱི་འཐུས་ཚོགས་གཙོའི་མདུན་ཁྲིམས་ལུགས་སུ་གཏན་འབེབས་བྱས་པའི་ཚིག་གཞི་ལྟར་ལས་འཁུར་དམ་བཅའམ་ཁས་ལེན་བྱེད་དགོས། ཁྲིམས་ཞིབ་པ་གཞན་གཉིས་འོས་ཐོན་བྱུང་འཕྲལ་ཁྲིམས་ཞིབ་པ་ཆེ་བའི་མདུན་ནམ། ཁྲིམས་ཞིབ་པ་ཆེ་བ་མེད་ཚེ་སྤྱི་འཐུས་ཚོགས་གཙོའི་མདུན་ལས་འཁུར་དུ་མ་ཞུགས་གོང་ཁྲིམས་ལུགས་སུ་གཏན་འབེབས་བྱས་པའི་ཚིག་གཞི་ལྟར་ལས་འཁུར་དམ་བཅའམ། ཁས་ལེན་བྱེད་དགོས་ཞེས་པའི་བཟོ་བཅོས་ཁྲིམས་འཆར་ལ་རྩ་འབོར་གསུམ་ཆ་གཉིས་ཡན་གྱིས་གཏན་འབེབས་གནང་སོང་།
དོན་ཚན་གོ་བདུན་པའི་ནང་གསེས་ ༡ པོའི་ཀ་བར། དབུས་འོས་བསྡུ་ལས་ཁང་ལ་སྤྱི་ཁྱབ་འགན་འཛིན་གཅིག་དགོས་པར། གོ་ཡུལ་སྟོང་པ་ནམ་ཐོན་ལ་ཆེས་མཐོའི་ཁྲིམས་ཞིབ་པ་ཆེ་བ་དང་། སྤྱི་འཐུས་ཚོགས་གཙོ་ཚོགས་གཞོན། སྲིད་སྐྱོང་བཅས་ཚང་འཛོམས་བྱུང་ན་སྨོས་མེད་དང་། གལ་ཏེ་ཚང་འཛོམས་མ་ཐུབ་ཚེ་ངོ་ཡོད་ལྷན་ཚོགས་ཀྱིས་སྐབས་དེའི་འོས་མི་འདེམས་སྒྲུག་ཁོ་ནའི་ཆེད་མི་འགྲོ་གསུམ་དམིགས་འཛུགས་བྱས་པའི་ཚོགས་ཆུང་དེས་ཉིས་ལྡབ་ལས་མ་ཉུང་བའི་འོས་འཆར་ཕུལ་བར་སྤྱི་འཐུས་ལྷན་ཚོགས་སུ་འོས་བསྡུ་བྱས་ཏེ་མང་མོས་སུ་ཐོབ་ལ་དབུས་འོས་བསྡུ་ལས་ཁང་གི་སྤྱི་ཁྱབ་འགན་འཛིན་དུ་འོས་ཐོན་བྱུང་བར་ངོས་འཛིན་བྱ་རྒྱུ། དེ་མིན་ལས་བྱེད་ཇི་དགོས་དབུས་འོས་བསྡུ་ལས་ཁང་གི་སྤྱི་ཁྱབ་འགན་འཛིན་གྱིས་བཀའ་ཤག་ལ་གོ་བསྡུར་དང་འབྲེལ་བཀའ་ཤག་ནས་སྐབས་སོ་སོར་བསྐོ་གཞག་བཀོད་སྒྲིག་བྱེད་ཆོག་པ་ཡིན་ཞེས་པའི་བཟོ་བཅོས་སྤྱི་མོས་ཀྱིས་གཏན་ལ་ཕབ་སོང་།
ནང་གསེས་ ༡ པོའི་ཁ་བར། གལ་ཏེ་དབུས་འོས་བསྡུ་ལས་ཁང་གི་སྤྱི་ཁྱབ་འགན་འཛིན་གྲོས་ཚོགས་མ་འཚོགས་པའི་སྐབས་འོས་འདེམས་བྱེད་དགོས་བྱུང་ཚེ། གོང་གསལ་འདེམས་སྒྲུག་ཚོགས་ཆུང་གིས་འཆར་འབུལ་ཞུས་པའི་ནང་ནས་སྤྱི་འཐུས་རྒྱུན་ལས་ཀྱི་རྩ་འབོར་གསུམ་ཆ་གཉིས་ཡན་གྱི་མོས་མཐུན་ཐོབ་དགོས་ཞེས་པའི་བསྐྱར་བཅོས་སྤྱི་མོས་ཀྱིས་གཏན་འབེབས་གནང་སོང་།
དེ་བཞིན། ནང་གསེས་ ༢ པའི་ཀ་བར། སྲིད་སྐྱོང་དང་། སྤྱི་འཐུས་ཀྱི་འོས་བསྡུ་ནམ་དགོས་སྐབས་འོས་བསྡུའི་ལས་རིམ་གསལ་བསྒྲགས་བྱས་པ་ནས་དངོས་གཞིའི་གྲུབ་འབྲས་གསལ་བསྒྲགས་མ་ཟིན་བར་གྱི་དུས་ཡུན་རིང་དབུས་འོས་བསྡུ་ལས་ཁང་ལ་འོས་བསྡུའི་འགན་འཛིན་ལས་འཕར་གཉིས་དགོས་པར། ཆེས་མཐོའི་ཁྲིམས་ཞིབ་པ་ཆེ་བ་དང་། སྤྱི་འཐུས་ཚོགས་གཙོ་ཚོགས་གཞོན། སྲིད་སྐྱོང་བཅས་ཚང་འཛོམས་བྱུང་ན་སྨོས་མེད་དང་། གལ་ཏེ་ཚང་འཛོམས་མ་ཐུབ་ཚེ་ངོ་ཡོད་ལྷན་ཚོགས་ཀྱིས་སྐབས་དེའི་འོས་མི་འདེམས་སྒྲུག་ཁོ་ནའི་ཆེད་མི་འགྲོ་གསུམ་དམིགས་འཛུགས་བྱས་པའི་ཚོགས་ཆུང་དེས་ཉིས་ལྡབ་ལས་མ་ཉུང་བའི་འོས་འཆར་ཕུལ་བར་སྤྱི་འཐུས་ལྷན་ཚོགས་སུ་འོས་བསྡུ་བྱས་ཏེ་མང་མོས་སུ་ཐོབ་ལ་དབུས་འོས་བསྡུ་ལས་ཁང་གི་འོས་བསྡུའི་འགན་འཛིན་ལས་འཕར་དུ་འོས་ཐོན་བྱུང་བར་ངོས་འཛིན་བྱ་རྒྱུ། ཡང་ན་ཚོགས་ཆུང་དེས་ལས་བྱེད་འདེམས་བསྐོ་ལྷན་ཁང་གི་ཚོགས་གཙོ་དང་། རྩིས་ཞིབ་སྤྱི་ཁྱབ་གཉིས་ལ་ཞོར་ལྕོགས་སུ་རྒྱབ་གཉེར་གནང་ན་སྤྱི་འཐུས་ལྷན་ཚོགས་སུ་མང་མོས་ཐག་གཅོད་བྱུང་ཚེ་དེ་དོན་བྱེད་འཐུས་ཞེས་པའི་བསྐྱར་བཅོས་སྤྱི་མོས་ཀྱིས་གཏན་འབེབས་གནང་སོང་། ནང་གསེས་ ༢ པའི་ག་བར། དབུས་འོས་བསྡུ་ལས་ཁང་གི་སྤྱི་ཁྱབ་འགན་འཛིན་དང་འགན་འཛིན་ལས་འཕར་གཉིས་ལས་འཁུར་དུ་མ་ཞུགས་གོང་ཁྲིམས་ལུགས་སུ་གཏན་འབེབས་བྱས་པའི་ཚིག་གཞི་ལྟར་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བའི་མདུན་ནམ། ཁྲིམས་ཞིབ་པ་ཆེ་བ་མེད་ཚེ་སྤྱི་འཐུས་ཚོགས་གཙོའི་མདུན་དམ་བཅའམ། ཁས་ལེན་བྱེད་དགོས་ཞེས་པའི་བཟོ་བཅོས་རྩ་འབོར་གསུམ་ཆ་གཉིས་ཡན་གྱིས་གཏན་འབེབས་གནང་སོང་།
བཅའ་ཁྲིམས་དོན་ཚན་བརྒྱ་དང་གཅིག འདེམས་བསྐོ་ལྷན་ཁང་གི་སྒྲིག་འཛུགས་དང་འབྲེལ་བའི་ནང་གསེས་ ༣ པར། ལས་བྱེད་འདེམས་བསྐོ་ལྷན་ཁང་གི་ཚོགས་གཙོ་དང་ཚོགས་མི་ལས་འཁུར་དུ་མ་ཞུགས་གོང་ཁྲིམས་ལུགས་སུ་གཏན་འབེབས་བྱས་པའི་ཚིག་གཞི་ལྟར་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བའི་མདུན་ནམ། ཁྲིམས་ཞིབ་པ་ཆེ་བ་མེད་ཚེ་སྤྱི་འཐུས་ཚོགས་གཙོའི་མདུན་དམ་བཅའམ། ཁས་ལེན་བྱེད་དགོས་ཞེས་པའི་བཟོ་བཅོས་རྩ་འབོར་གསུམ་ཆ་གཉིས་ཡན་གྱིས་གཏན་འབེབས་གནང་སོང་།
དོན་ཚན་བརྒྱ་དང་བདུན། སྤྱི་ཁྱབ་རྩིས་ཞིབ་ལས་ཁང་གི་སྒྲིག་འཛུགས་ཀྱི་ནང་གསེས་ ༢ པར། སྤྱི་ཁྱབ་རྩིས་ཞིབ་ལས་ཁང་གི་རྩིས་ཞིབ་སྤྱི་ཁྱབ་པ་ལས་འཁུར་དུ་མ་ཞུགས་གོང་ཁྲིམས་ལུགས་སུ་གཏན་འབེབས་བྱས་པའི་ཚིག་གཞི་ལྟར་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བའི་མདུན་ནམ། ཁྲིམས་ཞིབ་པ་ཆེ་བ་མེད་ཚེ་སྤྱི་འཐུས་ཚོགས་གཙོའི་མདུན་ལས་འཁུར་དང་གསང་རྒྱའི་དམ་བཅའམ། ཁས་ལེན་བྱེད་དགོས་ཞེས་པའི་བཟོ་བཅོས་རྩ་འབོར་གསུམ་ཆ་གཉིས་ཡན་གྱིས་གཏན་འབེབས་གནང་སོང་།
དོན་ཚན་སོ་དགུ་པ། སྤྱི་འཐུས་ལྷན་ཚོགས་ཀྱི་ཡུན་ཚད་ལ་སྤྱི་འཐུས་ལྷན་ཚོགས་ཀྱི་སྐབས་རེའི་ཡུན་ཚད་ལོ་ལྔ་རེ་ཡིན། འོན་ཀྱང་དུས་ཐོག་དམ་འབུལ་མ་ཐུབ་ཚེ་རྙིང་བས་ལས་འཁུར་རྒྱུན་འཁྱོང་བྱེད་དགོས་ཞེས་པའི་བསྐྱར་བཅོས་ཁྲིམས་འཆར་ལ་སྤྱི་འཐུས་ ༣༣ གྱིས་རྒྱབ་སྐྱོར་གྱིས་རྩ་འབོར་གསུམ་ཆ་གཉིས་ཡན་གྱི་གཏན་འབེབས་གནང་སོང་།
གཏན་འབེབ་མ་ཐུབ་པའི་བཅའ་ཁྲིམས་བསྐྱར་བཅོས་སམ་ཁྲིམས་བཟོ་ལས་དོན་ཁག་ཅིག་ནི། བཅའ་ཁྲིམས་དོན་ཚན་རེ་གསུམ་པ། ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་དང་འབྲེལ་བའི་བསྐྱར་བཅོས་ཚིག་བརྗོད་ཁོངས་སུ་དེ་སྔ་ཡོད་བཞིན་པའི་ཁྲིམས་ཞིབ་པའི་འོས་ཆོས་དེ་བཞིན་བཙན་བྱོལ་བོད་མིའི་བཅའ་ཁྲིམས་གཏན་འབེབས་གནང་ནས་ལོ་བཞི་བཅུའི་རིང་ཁྲིམས་ཞིབ་པ་ཆེ་བ་དང་། ཁྲིམས་ཞིབ་པ་གཞན་གཉིས་བཅས་བསྐོ་གཞག་དགོས་རིགས་ནང་གསེས་འདིའི་ཆ་རྐྱེན་ཁག་ལ་བསྟུན་མི་དགོས་པའི་ཐོག་ལ་བཀའ་ཤག་གི་བཟོ་བཅོས་ཚིག་བརྗོད་དུ་ལོ་བཞི་བཅུ་ཞེ་གཉིས་བསྣམས་པའི་ཐད་སྤྱི་འཐུས་རྣམས་ཀྱིས་གླེང་སློང་གནང་སྟེ། དགོས་ངེས་ཀྱི་རྒྱབ་སྐྱོར་མ་ཐོབ་པར་བརྟེན། ད་ལན་གྱི་གྲོས་ཚོགས་ཐོག་སླར་ཡང་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པའི་འོས་ཆོས་དང་འབྲེལ་བའི་ཁྲིམས་འཆར་གཏན་འེབས་གནང་ཐུབ་མ་སོང་།
དོན་ཚན་ཞེ་གཉིས་པ། སྤྱི་འཐུས་ཀྱི་རྒྱུན་ལས་ལ་སྤྱི་འཐུས་ལྷན་ཚོགས་ཀྱི་ཚོགས་འདུ་མ་འཚོགས་པའི་སྐབས་རྒྱུན་ལས་ཚོགས་ཆུང་ཞིག་དགོས་པར་ཆོལ་ཁ་རེ་ནས་སྤྱི་འཐུས་གཉིས་རེ་དང༌། ཆོས་བརྒྱུད་ཪེ་ནས་སྤྱི་འཐུས་གཅིག་རེ། རྒྱ་བལ་འབྲུག་གསུམ་ཕུད་ཕྱི་རྒྱལ་ཡུལ་གྲུ་ཁག་ནས་སྤྱི་འཐུས་གཅིག་རེ་བཅས་གོང་གསལ་ཁུངས་སོ་སོས་འོས་བསྡུའམ། ཡང་ན་དམིགས་འཛུགས་གང་འོས་སྐབས་བསྟུན་བྱ་རྒྱུ་དང་། ལོ་རེའི་མཚམས་ནས་བསྐྱར་འདེམས་བྱ་རྒྱུ་ཞེས་པའི་བསྐྱར་བཅོས་ཁྲིམས་འཆར་ལ་རྩ་འབོར་གསུམ་ཆ་གཉིས་ལོན་མེད་པར་བརྟེན་མར་ཟགས་སོང་།
བཅའ་ཁྲིམས་དོན་ཚན་ང་བདུན་པ། སྤྱི་འཐུས་ལྷན་ཚོགས་དང་། སྤྱི་འཐུས་བྱེ་བྲག་པ་འཕོ་འགྱུར་གཏོང་བ་ཞེས་པར་བསྐྱར་བཅོས་ཁྲིམས་འཆར་དུ། བོད་མིའི་སྒྲིག་འཛུགས་དང་། མང་ཚོགས་ཀྱི་ཁེ་ཕན་ཆེད་དགོས་གལ་བྱུང་ན་ཆེས་མཐོའི་ཁྲི
ཁྲིམས་འཆར་དོན་ཚན་བརྒྱད་པ། བོད་ཀྱི་ཡུལ་མི། ནང་གསེས་དང་པོ་དང་གཉིས་པའི་ཚིག་བརྗོད་གསར་པར་སྤྱི་མོས་ཀྱིས་གཏན་འབེབས་བྱུང་ཡོད་ཀྱང་། ནང་གསེས་གསུམ་པའི་ཚིག་བརྗོད་གསར་པ། རྒྱལ་ཁབ་གཞན་གྱི་ཡུལ་མི་བོད་ཀྱི་ཡུལ་མི་དང་མཉམ་དུ་ལུགས་མཐུན་གཉེན་སྒྲིག་བྱས་ཏེ་མུ་མཐུད་ལོ་ལྔ་ལས་བརྒལ་བ་རྣམས་བོད་ཀྱི་ཡུལ་མིར་ཞུགས་འདོད་ཡོད་ཚེ་ཞུགས་ཆོག་ཞེས་པ་དང་། ནང་གསེས་བཞི་པའི་ཚིག་བརྗོད་གསར་པ། སྤྱི་འཐུས་ལྷན་ཚོགས་ཀྱིས་བོད་ཀྱི་ཡུལ་མིའི་ཁྲིམས་ལུགས་ཤིག་གཏན་འབེབས་བྱ་རྒྱུ། ཞེས་པའི་ཐོག་སྤྱི་ཡོངས་ཀྱི་བགྲོ་གླེང་སྐབས་སྤྱི་འཐུས་གྲངས་ ༢༨ ཀྱིས་ཆ་ཤས་བཞེས་ཏེ་བགྲོ་གླེང་ཐོག་རིགས་གཉིས་བྱུང་སྟབས། ཚོགས་གཙོའི་སྟངས་འཛིན་འོག་མང་མོས་འོས་བསྡུ་བྱས་པ་བརྒྱུད་ནང་གསེས་གསུམ་པར་སྤྱི་འཐུས་ ༢༠ ཡིས་རྒྱབ་སྐྱོར་དང་། ནང་གསེས་དོན་ཚན་བཞི་པར་སྤྱི་འཐུས་ ༢༣ ཡིས་རྒྱབ་སྐྱོར་ལས་ཐོབ་མེད་པས་ཁྲིམས་འཆར་གཏན་འབེབས་ལས་མར་ཟགས་འདུག
གསར་འགོད་པ། བྱམས་པ་ཚེ་རིང་དང་བསྟན་འཛིན་ཕུར་བུ། རྩོམ་སྒྲིག་པ་སྐལ་བཟང་སྦྱིན་པ།
