ཟླ་འདིའི་ཕྱི་ཚེས་༢༨ཉིན་རྒྱ་གར་གྱི་རྒྱལ་ས་ལྡི་ལི་རུ་སྲིད་བློན་ཟུར་བ་ཁོང་གི་འདས་མཆོད་སྒྲུབ་སྐབས།རྒྱ་གར་གྱི་སྲིད་བློན་མུ་དྷི་མཆོག་གིས་དབུས།འབྲུག་རྒྱལ་འཇིགས་མེད་གེ་སར་རྣམ་རྒྱལ་མཆོག་དང་རྒྱ་གར་དབུས་གཞུང་གིས་དཔོན་རིགས་མང་ཅག་ཀུང་ཕེབས་ཡོད་འདུགརྒྱ་གར་གྱི་སྲིད་བློན་ཟུར་བ་སྐུ་ཞབས་མོ་ཧན་སིང་མཆོག་ནི་ཕྱི་ལོ་༡༩༣༢ལོའི་ཟླ་༡༢ཚེས་༢༤ཉིན་རྒྱ་གར་པན་ཇབ་མངའ་སྡེའི་ཁོངས་སུ་སྐྱེས།ཁོང་གིས་རྒྱ་གར་པན་ཇབ་གཙུག་ལག་སློབ་གཉེར་ཁང་ནས་ཚོང་རིག་ཐོག་རིག་གནས་རབ་འབྱམས་པ་དང་གཙུག་ལག་རབ་འབྱམས་པའི་སློབ་གཉེར་གནང་རྗེས།དབྱིན་ཡུལ་གྱི་ཁེམ་བྷི་རེ་ཇུ་(University of Cambridge)གཙུག་ལག་སློབ་གཉེར་ཁང་དུ་ཚོང་རིག་ཐོག་སློབ་སྦྱོང་གནང་།དེ་ནས་རྒྱ་གར་ལ་ཕྱིར་ལོག་ཕེབས་ནས་ཕྱི་ལོ་༡༩༦༣ནས་༡༩༦༥བར་པན་ཇབ་གཙུག་ལག་སློབ་གཉེར་ཁང་གི་ཚོང་རིག་སློབ་དཔོན་གནང་།ཕྱི་ལོ་༡༩༦༦ནས་༡༩༩༩བར་མཉམ་འབྲེལ་རྒྱལ་ཚོགས་ཀྱི་ཚོང་དོན་ཡར་སྐྱེད་ཚན་པར་ཕྱག་ལས་གནང་རྗེས།རྒྱ་གར་གྱི་ཕྱི་སྲིད་ཚོང་དོན་བློན་ཆེན་ལས་ཁུངས་ཀྱི་སློབ་སྟོན་པ་དང་།རྒྱ་གར་གྱི་ཕྱི་སྲིད་བློན་ཆེན་སོགས་གནང་།ཕྱི་ལོ་༢༠༠༤ལོར་འོས་བསྡུའི་ལམ་ནས་རྒྱ་གར་གྱི་སྲིད་བློན་ཐེངས་བཅུ་གསུམ་པར་འདེམས་ཏེ་ཐེངས་གཉིས་ལ་རྒྱ་གར་གྱི་སྲིད་བློན་གནང་།
![China's Vice Minister of Foreign Affairs Sun Weidong in Tokyo, Japan in 2023 [File: Issei Kato/Pool via Reuters]](https://tibettimes.net/wp-content/uploads/2026/04/Screen-Shot-2026-04-15-at-2.32.14-PM-360x180.png)
