ལྗིད་ཁོག་ཆེ་བའི་སྲིད་སྐྱོང་གི་ཞབས་སྟེགས་འདི་སླར་ཡང་མཁས་དབང་མི་རྗེ་སྤེན་པ་ཚེ་རིང་ལགས་ལ་འོས་ཤིང་འཚམ་ཤོས་ཡིན་པའི་རྒྱུ་མཚན་བཅུ་གླེང་བ།

རོགས་དངུལ་སླར་གསོ་ཐུབ་པ་གཅིག  །བོད་དོན་དྲིལ་བསྒྲགས་དང་ཞུ་གཏུགས་ལས་འགུལ་ལ་གྲུབ་འབྲས་ཐོན་པ་གཉིས། ཨ་རིའི་གྲོས་ཚོགས་འོག་མའི་ནང་དུ་བོད་དེ་ལོ་རྒྱུས་ཐོག་རང་བཙན་རྒྱལ་ཁབ་ཅིག་ཡིན་པ་དང་། ད་ལྟའི་ཆར་རྒྱ་ནག་གི་བཙན་འོག་ཏུ་ཡོད་པའི་རྒྱལ་ཁབ་ཅིག་ལ་ངོས་འཛིན་བྱེད་དགོས་སྐོར་སོགས་འཁོད་པའི་བོད་རྒྱའི་དཀའ་རྙོག་སེལ་ཐབས་ཀྱི་ཁྲིམས་འཆར་ལ་ཆབ་སྲིད་ཚོགས་པ་དབྱེར་མེད་ཀྱིས་རྒྱབ་སྐྱོར་ཐོག་གཏན་འབེབས་གནང་ཟིན། གྲོས་ཚོགས་གོང་མའི་ནང་ཁྲིམས་འཆར་དེར་རྒྱབ་སྐྱོར་ཐོབ་པ་སོགས་དགའ་འོས་པའི་བྱས་རྗེས་མང་པོ་བཞག་སོང་།

བཅུ་པ། ཕྱི་ལོ་ ༢༠༢༤ ལོའི་ཕྱི་ཟླ་ ༦ ཚེས་ ༡༣ ཉིན། ཨ་རིའི་རྒྱལ་ཡོངས་མང་གཙོ་ཐེབ་རྩ་ཚོགས་པས་མང་གཙོའི་གཟེངས་རྟགས་”Democracy Service Medal”བོད་ཀྱི་སྲིད་སྐྱོང་སྐུ་ངོ་སྤེན་ཚེ་ལགས་ལ་འཐབ་རྩོད་པའི་རིན་ཐང་ཞིག་གཟིགས་ཏེ་ཕུལ། ད་དུང་། ཡོ་རོབ་རྒྱལ་ཁབ་ཁག་གིས་ཁོང་ལ་ཐུགས་སྣང་ཆེན་པོའི་ཐོག་མཐོང་ཆེན་དང་ཐུགས་ཁུར་གཙོར་བཞེས་གནང་དང་གནང་མུས་མཆིས། ལྷག་པར་དུ། རྒྱ་ནག་དམར་ཤོག་གཞུང་གི་ཆེས་མཐོའི་འགོ་ཁྲིད་ཚོས་ཀྱང་ཆེེས་སྐྲག་སའི་མི་སྣ་ཞིག་ཏུ་གྱུར། ཁོང་ནི་བོད་མིའི་སྒྲིག་འཛུགས་ནང་མི་ལོ་མང་པོ་ཕྱག་ལས་གནང་མྱོང་པ་དང་། རྒྱལ་སྤྱིའི་སྤྱི་ཚོགས་ཁྲོད་བོད་དོན་རྒྱབ་སྐྱོར་བ་ཚོས་ངོ་ཤེས་ཤིང་འབྲེལ་ལམ་གཏིང་ཟབ་ཡོད་དུས། སླར་ཡང་ཁོང་སྲིད་སྐྱོང་གི་འོས་མི་ལ་བཞེངས་པ་ནི། དགོས་རྒྱུ་སྤགས་ལ་སྤགས་ཁུ་ད་ར་ལྟ་བུ་བོད་ཀྱི་ཉག་ཕྲག་བའི་རྩ་དོན་ལ་ཤིན་ཏུ་སྨར་པོ་བྱུང་། ད་ལྟའི་སྔོ་ཟད་སྐྱ་འཁོགས་ཀྱི་གནས་བབས་སུ་བོད་རྒྱ་གཉིས་ཀྱི་གནད་དོན་སྒྲིག་ཆགས་ཡོང་པའི་སླད་དུ། དབུ་མའི་ལམ་གྱི་སྲིད་ཇུས་ལས་ལྷག་པའི་ལངས་ཕྱོགས་གཞན་ཞིག་ཨེ་ཡོད། དེ་དེ་བཞིན་ད་ལོ་སྲིད་སྐྱོང་གི་འོས་མི་ཚད་ལྡན་ནི། བསྒྲུན་ཟླ་མེད་པའི་དབུ་མའི་ལམ་གྱི་རྒྱལ་སྲས་མི་རྗེ་སྤེན་པ་ཚེ་རིང་ལགས་རེད་མ་ཏོག་གཞན་པ་སུ་ཞིག་ལ་རེ་སྒུག་བྱས་ཀྱང་དཀའ་དཀའ་རེད་དོ།  །

མདོར་བསྡུས་ན། རྒྱལ་སྤྱིའི་རྒྱབ་ཁབ་ཆེ་ཆུང་གང་འདྲ་ཞིག་ཡིན་རུང་འོས་བསྡུའི་སྐབས་སུ་ཆེས་འཇིགས་སུ་རུང་བའི་ཉེན་ཁ་གཉིས་ནི། དངུལ་གྱི་ཤེད་དང་སྟོབས་ཀྱི་ཤེད་ “ Money power& Muscle power”བཅས་རེད། དངུལ་ཀྱི་ཤེད་ཅེ་ན་དངུལ་ཕངས་མེད་སྤྲད་དེ་འོས་ཤོག་བླུ་ཐབས་བྱེད་པའི་དོན། སྟོབས་ཀྱི་ཤེད་ཟེར་ན། སྙན་པར་གྲགས་པའི་བླ་ཆེན་མི་དྲག་དཔོན་ཆེན་སོགས་ཀྱི་གདུང་རྒྱུད་ཡིན་མདོག་དང་དཔུང་ཤེད་ངོམ་སྟེ་མི་མང་ཕལ་པའི་དྲུང་ནས་འོས་ཤོག་རག་ཐབས་བྱེད་པའི་ཐབས་བྱུས་ཤིག་ལ་གོ། སོང་ཙང་། གཡོ་སྒྱུ་ཁྲམ་གསུམ་དང་རྐུན་ཇག་རྫུན་གསུམ་གྱི་གླེན་རྨོངས་ལ་བཅིངས་འགྲོལ་བྱས་ཏེ་ངེས་པར་དུ་བདེན་པའི་ལམ་དུ་སྐྱོད། སྐྱབས་བཅོལ་བ་ཚོ། འདས་སོང་ལ་ཕྱིར་རྟོག་ཧྲིབ་ཙམ་བྱས་ཏེ་འབྱུང་འགྱུར་ཡག་ཐོག་ཡག་རྩེ་ཡོང་བའི་དོན་དུ། བཙན་རྒོལ་རྒྱལ་སྐྱོབ་ཀྱི་ལས་དོན་གྱི་ཆེད་དུ། དཔའ་པོ་དཔའ་མོའི་ཁ་ཆེམས་དང་གཞིས་བཞུགས་བོད་མིའི་མངོན་འདོད་ཀྱི་ཕྱིར་དུ། ཕན་ཐོགས་པའི་མི་བུ་དེ་དག་ལ་འོས་ཤོག་འཕེན་པའི་རེ་བ་བརྒྱ་དང་དྲན་སྐུལ་སྟོང་ཞིག་ཞུའོ།།  །།

མཆན། གོང་བཀོད་རྩོམ་ཡིག་དེ་རྩོམ་པ་པོའི་དགོངས་ཚུལ་ཡིན་པ་ལས་འདི་ག་གསར་ཁང་གི་ལྟ་བ་ཡིན་པས་མ་ཁྱབ།