ཉིན་ནག་སྲུང་གཙི།

བོད་མི་ཡོངས་ཀྱིས་ྋཔཎ་ཆེན་དགེ་འདུན་ཆོས་ཀྱི་ཉི་མ་མགྱོགས་མྱུར་གློད་གྲོལ་ཡོང་ཆེད་ལས་འགུལ་སྤེལ་རོགས་ཟེར། 

ཀུན་གཟིགས་ྋཔཎ་ཆེན་སྐུ་ཕྲེང་བཅུ་གཅིག་པ་དགེ་འདུན་ཆོས་ཀྱི་ཉི་མ་མཆོག་རྒྱ་ནག་གཞུང་གིས་ཉེས་མེད་འཛིན་བཟུང་བྱས་ཏེ་མི་ལོ་ ༡༥ འཁོར་བའི་ཉིན་མོ་དང་སྟབས་བསྟུན་ཏེ།  ཕྱི་ཚེས་ ༡༧ ཉིན་བྱེས་ཀྱི་བཀྲ་ཤིས་ལྷུན་པོ་དགོན་པ་དང་༸པཎ་ཆེན་ཨེར་ཏེ་ནི་ཞབས་ཞུ་ལས་དོན་ལྟེ་གནས་ཁང་གཉིས་ཀྱིས་དམིགས་བསལ་གྱི་གསར་འགོད་གསལ་བསྒྲགས་ཤིག་སྤེལ་བའི་ནང་འཁོད་དོོན།  ༡༩༩༥ ལོའི་ཟླ་ ༥ བའི་ཚེས་ ༡༧ ཉིན་རྒྱ་གཞུང་གིས་༸པཎ་ཆེན་ཆུང་སྲིད་མཆོག་གི་ཡབ་ཡུམ་སྐུ་འཁོར་དང༌བྱ་བྲལ་རིན་པོ་ཆེ་བཅས་བཙན་ཁྲིད་བྱས་རྗེས། བཀྲ་ཤིས་ལྷུན་པོ་དགོན་དང༌ྋཔཎ་ཆེན་ཨེར་ཏེ་ནི་ཞབས་ཞུ་ཁང་ཟུང་གིས་ཁོང་ཉིད་གློད་གྲོད་ཆེད་དགོས་འདུན་དང་ཞུ་འབོད་ཇི་ཞུས་ལ། རྒྱ་གཞུང་གིས་བཟང་སྤྱོད་ཀྱིས་བདག་སྤྲོད་རྩ་བ་ནས་བྱས་མེད་ལ། ད་དུང་འདི་མུར་བཞག་ཚེ་སྲིད་འཛིན་ཧུའུ་ཅིན་ཐའོ་ཡིས་འཆམ་མཐུན་སྤྱི་ཚོགས་ཀྱི་དགོངས་དོན་ལས་ལྡོག་ཏེ། བོད་རྒྱ་མི་རིགས་བར་གྱི་འགལ་བ་ཇེ་ཆེར་འགྲོ་བའི་ངན་འབྲས་ཐོན་ངེས་སྟབས། རྒྱ་གཞུང་གིས་ྋཔཎ་ཆེན་དགེ་འདུན་ཆོས་ཀྱི་ཉི་མའི་གཞི་རྩའི་འགྲོ་བ་མི་ཡི་ཐོབ་ཐང་ལ་བདག་སྤྲོད་བྱ་དགོས་ཅེས་དང་།

དེ་རིང་ནི་བོད་བརྒྱུད་ནང་བསྟན་གྱི་གཙོ་འཛིན་དང༌བོད་མིའི་སེམས་ཁོང་གི་དབུ་ཁྲིད་ྋཔཎ་ཆེན་ཆུང་སྲིད་དགེ་འདུན་ཆོས་ཀྱི་ཉི་མ་མཆོག རྒྱ་གཞུང་གིས་ཉེས་མེད་བཙན་ཁྲིད་བཙན་སྦས་བྱས་ཏེ་མི་ལོ་ ༡༥ ཕྱིན་པའི་བོད་ཀྱི་ཉིན་མོ་ནག་པོ་ཡིན་སྟབས། གདན་ས་བཀྲ་ཤིས་ལྷུན་པོའི་འདུས་ཚོགས་ཡོངས་ཀྱིས་ཉིན་གསུམ་རིང་སྨོན་ལམ་ཞབས་རིམ་གསོག་སྒྲུབ་གནང་ཡོད་ལ། ལྡི་ལིར་ཡོད་པའི་མཉམ་འབྲེལ་རྒྱལ་ཚོགས་དང༌ཕྱི་རྒྱལ་གཞུང་ཚབ་ཁག  འཛམ་གླིང་ཆོས་ལུགས་ཀྱི་ཚོགས་པ་ཁག རྒྱལ་སྤྱི་བོད་དོན་རྒྱབ་སྐྱོར་ཚོགས་པ་དང་ལྟེ་གནས་སོགས་སུ་ངོ་བཅར་དང་ཡིག་འབྲེལ་གྱི་ལམ་ནས་ྋཔཎ་ཆེན་ཆུང་སྲིད་དགེ་འདུན་ཆོས་ཀྱི་ཉི་མ་གང་མྱུར་གློད་གྲོལ་ཡོང་བའི་རྒྱབ་སྐྱོར་འབོད་སྐུལ་ཞུས་ཡོད་པ་ལྟར། དྲང་བདེན་ལ་དགའ་བའི་མི་རྣམས་དང༌། ལྷག་པར་བོད་བརྒྱུད་ནང་བསྟན་པ་དང༌བོད་མི་ཡོངས་ཀྱིས་ཁོང་ཉིད་གློད་གྲོལ་ཐད་ཐུགས་འགན་ཆེ་བཞེས་ཀྱིས། ཛ་དྲག་གི་གནས་སུ་ལྷུང་བའི་ཁོང་གི་གནད་དོན་འདི་མགྱོགས་མྱུར་བཟང་ཕྱོགས་སུ་འགྱུར་བར་ལས་འགུལ་གང་མང་སྤེལ་དགོས་པའི་འབོད་སྐུལ་ཡང་གནང་ཡོད་པ་རེད།