ཧིན་སྒོར་ས་ཡ་གཉིས་ལྷག་གི་ཞལ་འདེབས།

རྩོམ་ཡིག་རིན་ཐང་པ་ཞིག་འདུག
བཙན་བྱོལ་བོད་མིར་ཡུལ་ཤུལ་ས་འགུལ་ཁྲོད་ན་སྒ་ཚིགས་དང་ལག་པ་མི་འདུག
ཨ་རིའི་བོད་པ་ནས།

ཁ་བཤད་ཆུ་ཡི་དབུ་བ་ཡིན།།
ལག་ལེན་གསེར་གྱི་ཐིགས་པ་ཡིན།།
ཡུལ་ཤུལ་ནས་རྒྱུ་རྒྱ་ནག་གིས་བསྒྲུབས་སྟེ་རྐྱེན་ས་འགུལ་ལ་བརྟེན་ནས་བོད་མི་ཁྲི་ཕྲག་ལྷག་གི་ཚེ་སྲོག་ཤོར་བ་དང་ཁྲི་ཕྲག་འགར་རྨས་སྐྱོན་དང་དཀའ་ངལ་ཕྲད་པར་རྒྱ་ནག་གི་མགོ་ཁྲིད་ཀྱི་ཁ་མ་གྲགས་པའི་སྔོན་༧་གོང་མཆོག་གིས་གསུང་འཕྲིན་གནང་བ་བདེན་མོད། ལོ་ཤས་སྔོན་རང་དབང་གི་རྩ་ཐང་ན་འཚོ་བའི་འབྲོག་པ་རྣམས་རྒྱ་གཞུང་གིས་བཙན་དབང་གིས་སློབ་གྲ་དང་འདུག་ཁང་ཐེབ་ཆག་རེ་ནང་བཙན་དབང་གིས་ཕྱོགས་བསྡུས་བྱས་ནས་བཅུགས་ཡོད་ཚད་ཚེ་སྲོག་ཤོར་སོང་བ་སུས་འགན་འཁུར་དགོས་མིན་ཁྲིམས་ཐོག་ནས་རྩོད་པ་རྒྱག་མཁན་ཕར་ཤོག འགུལ་ཚད་༦.༩་ཙམ་གྱིས་ཁང་པ་བརྒྱ་ཆའི་དགུ་བཅུ་རྡིབ་པ་དང་དེའི་ཁྲོད་དུ་མི་ཉིས་སྟོང་ཉིས་བརྒྱ་ཙམ་ལས་ཤི་མེད་པར་བརྗོད་པར་དོགས་འདྲི་བྱེད་མཁན་ཙམ་ཡང་མི་འདུག ནམ་རྒྱུན་བོད་ནང་གི་ཐོབ་ཐང་དང་རང་དབང་འཐབ་རྩོད་མཁན་བཙན་བྱོལ་བོད་གཞུང་གིས་སྒ་བ་སྒུར་སྒུར་བྱས་ནས་ཐུགས་རྗེ་ཆེ་རོགས་པ་ཡག་པོ་བྱས་སོང་ཟེར་ནས་མཆོད་འབུལ་རེ་བྱས་སྟེ་བསྡད་འདུག་པ་འདི།ཁོ་ཚོ་རྒྱ་ནག་གིས་གཉེན་ཕྲད་ལ་ཤོག་ཟེར་བ་ཙམ་ལ་མགོ་འཁོར་བ་རེད་དམ། སྐོག་སྐོག་སུལ་སུལ་ནས་བཙན་བྱོལ་གཞུང་གྲུང་གོ་དང་ཟླ་སྒྲིལ་བྱས་སོང་བ་རེད།
ཡུལ་ཤུལ་ནས་གྲ་བ་རྣམས་གཙོ་བྱས་ནས་བོད་པ་ཚོས་རྒྱལ་བའི་ཞབས་བརྟན་དང་བྱང་ཆུབ་སེམས་མཆོག་བཏོན་ནས་ཧུའུ་ཅན་ཐོའི་ཆབ་སྲིད་ཟློས་གར་ལ་ངོ་རྒོལ་བྱས་དུས། ནམ་རྒྱུན་སྐད་འབོད་ལ་དགའ་བའི་ཚོགས་པ་ཚོས་མར་མེ་ཁྲོམ་སྐོར་ཙམ་ཡང་མེད་པར་ཁུ་སིམ་མེར་ཡོད་པ་ནི་བཀའ་ཤག་གི་བཀའ་ནན་མོའི་གསང་ཕྲིན་འབྱོར་བ་རེད་དམ། རང་རང་གི་སྒེར་དོན་གྱིས་ཡོང་མ་ཐུབ་པ་རེད། ཡུལ་ཤུལ་གྱི་གོད་ཆག་ལ་ཕྱོགས་གང་ས་གང་ནས་སྤར་ཁ་ཡངས་པར་ཕྱེ་ནས་ཨ་སྒོར་ས་ཡ་ལྔ་བརྒྱ་ལྷག་ཞལ་འདེབས་བྱུང་ཡོད་སྐད་།དེའི་ནང་ལ་རྒྱ་གཞུང་གིས་ངན་སྐུལ་ལས་བསླངས་བའི་སྲིད་དངུལ་དུག་རྫས་ཀྱིས་མང་པོ་ཟིན་ཡོད་ལ་།དེའི་ནང་ལ་་བོད་པ་རང་ཉིད་ལས་ཆོས་སེམས་དང་རིགས་ཞེན་ལས་བྱུང་བའི་དངུལ་རྫས་ཀྱིས་ཡང་གང་མཚམས་ཟིན་ཡོད།དཔེ་མཚོན་ཙམ་ནི།གསེར་ཤུལ་ཁྲི་བ་རིན ་པོ་ཆེ་ནས་རྒྱ་སྒོར་ཁྲི་སྟོང་གཅིག་དང་བརྒྱ་(༡༡༠༠༠༠༠༠)ལྷག་ཕུལ་འདུག་པ་ནི་བོད་པའི་ནང་གི་ཆེ་མང་ཤས་ཀྱི་ཞལ་འདེབས་རེད་འདུག།རྒྱ་སྒོར་ཁྲི་བརྒྱ་ཡན་ཕུལ་མཁན་ར་ཉག་སྤྲུལ་སྐུ་སོགས་སྤྲུལ་སྐུ་འགའ་རེ་འང་བྱུང་ཡོད་ལ།ཁྲི་བཞི་བཅུ་ལྔ་ཕུལ་མཁན་སྤྲུལ་སྐུ་དང་དགོན་སྡེ་ཚོང་པ་སོགས་གང་མཚམས་བྱུང་ཡོད་པར་མ་ཟད།བོད་ནང་གི་དགོན་པ་དང་སྡེ་བ་མང་ཆེ་བས་རྒྱ་སྒོར་ཁྲི་བཅུ་ཡས་མས་རེ་ཕུལ་ཡོད་འདུག ་ཁོ་བོར་གསལ་ཆ་ཡོད་པའི་མི་ཚང་ཉིས་བརྒྱ་ཙམ་ལས་མེད་པའི་སྡེ་བ་སྐྱོ་བོ་ཞིག་གིས་ཡང་ཐིང་བཞི་ལ་ཞལ་འདེབས་བསྡུས་ནས་སྒོར་ཁྲི་བཅུ་ལྷག་ཕུལ་འདུག བོད་ཁམས་ཡོངས་ནས་དཔལ་འབྱོར་གྱི་འདུན་པ་གཅིག་ལ་སྒྲིལ་བའི་སྐབས་འདིར་
རྒྱལ་བ་ཀརྨ་པ་རང་ཉིད་ལ་བཞུགས་གནས་ཙམ་ཡང་མེད་ནའང་ཡུལ་ཤུལ་ལ་ཨ་སྒོར་འབུམ་གཉིས་ལྷག་གི་ཞལ་འདེབས་ཕུལ་བ་ནི་བདེན་མོད། ་
སྤྱིར་བཙན་བྱོལ་བོད་མིའི་ལག་པ་འཁུམས་འདུག ་
ནམ་རྒྱུན་ནུབ་ཕྱོགས་ན་སློང་མོ་ལ་བྲེལ་བའི་རྒྱ་གར་གྱི་བོད་པའི་དགོན་ཆེན་འགས་སྒོར་མོ་ས་གནས་རྒྱ་གར་བའི་དངུལ་ཁང་ནང་མ་ཤོང་པར་ཡོད་པར་ཐོས་མྱོང་ལ།ཧིན་སྒོར་འབུམ་གཅིག་སྟོང་དངུལ་ཁང་ནང་ཡོད་མཁན་ནི་དགོན་པ་སྤྱིར་གཏང་བའི་གྲོས་ཡིན་ཟེར། ཡིན་ནའང་དགོན་པ་དེ་དག་གིས་གོད་ཆག་འདི་ལ་སྨོན་ལམ་རེ་གསུངས་བ་མ་གཏོགས་ཞལ་འདེབས་གནང་བ་གོ་ཐོས་མ་བྱུང་།ཨ་རིའི་ནང་ཨ་སྒོར་བརྒྱ་རེ་ཉིན་གླ་ལེན་མཁན་ཚོའི་ནང་ཨ་སྒོར་བཅུ་ལག་པ་འདར་ཞོར་ལ་སྟེར་མཁན་མཐོང་མྱོང་ལ། རྡ་ས་ན་གསོལ་ཕོགས་ཧིན་སྒོར་ལྔ་སྟོང་ཡན་ལེན་མཁན་ནང་ཧིན་སྒོར་བརྒྱ་བྱིན་ནས་སྐད་ཆེན་པོ་བརྒྱགས་མཁན་ཡང་གོ་མྱོང་། ད་དུང་ཞིབ་བཙགས་ཤིག་བྱས་ན་རྫོགས་ཆེན་རིན་པོ་ཆེ་སྤྲུལ་སྐུ་གཞན་ཞིག་དང་མཉམ་འབྲེལ་གྱིས་རྒྱ་སྒོར་ཁྲི་སུམ་བརྒྱ་ལྷག་ཕུལ་འདུག་མོད། ཕྱི་ལོགས་ན་ཆོས་ཚོགས་བརྒྱ་ཕྲག་དང་ཨ་སྒོར་ས་ཡ་འགའ་ཤས་ཀྱི་་བདག་པོར་གྱུར་ཞིང་འཛམ་གླིང་ན་སྐད་གྲགས་ཅན་གྱི་བསོད་རྒྱལ་སྤྲུལ་སྐུའི་ཚ་བོར་གྱུར་བའི་རྫོགས་ཆེན་རིན་པོ་ཆེ་ནས་ནུབ་ཕྱོགས་སྟོབས་འབྱོར་གླིང་ནས་ཧིན་སྒོར་འབུམ་གཅིག་(རྒྱ་སྒོར་གཅིག་ཁྲི་ལྷག་)བསྐུར་འདུག་ཟེར། དེའི་ཕྱིར་་བཙན་བྱོལ་བོད་མིར་སྒ་ཚིགས་དང་ལག་པ་མི་འདུག་ཟེར་ན་འདོད་གི
༢༠༡༠ ལོའི་སྤྱི་ཟླ་༥་བའི་ཚེས་༡༧་ཉིན་ཨ་རིའི་བོད་པས་ཨ་རི་བྱང་མ་གླིང་ནས་བྲིས།

གནས་ཚུལ་བཟང་ནི་རེད། ཡིན་ནའང་འགྲོ་ས་དེ་དམིགས་ཡུལ་ཇི་བཞིན་ལམ་འགྲོ་ཡོང་བའི་སྨོན་འདུན་ཞུ།

༄༅། མོན་གྷོ་འདོད་རྒུ་གླིང་དགོན་སྡེ་གྲྭ་ཚང་དང་རྒྱ་ཆེ་མི་མང་ནས་གཞིས་ལུས་སྤུན་ཟླ་རྣམས་ལ་རང་བྱུང་ས་ཡོམ་གྱི་འཇིགས་པ་ཚབས་ཆེན་བྱུང་བའི་སྐབས་འདིར་སྐྱིད་སྡུག་མཉམ་མྱོང་གདུང་སེམས་མཉམ་བསྐྱེད་ཐོག་ཞལ་འདེབས་དངོས་གནས་རྒྱ་ཆེན་པོ་གནང་འདུག་པ་སྐྱ་སེར་ཚང་མར་བསྔགས་བརྗོད་རྗེས་སུ་ཡིད་རངས་དང་ཐུགས་རྗེ་ཆེ་ཞུ་གི་ཡིན།།

ཡུལ་ཤུལ་ས་ཡོམ་གདུང་སེལ་ཚོགས་ཆུང་ལ་ཞུ་རྒྱུ་ཁྱོད་ཚོས་རྒྱལ་བ་རིན་པོ་ཆེན་ལ་བཀའ་འདྲི་ཞུ་ནས་རྗེས་སུ་ས་ཡི་འཇིག་པ་དེ་འདྲ་མི་ཡོང་བའི་ཆད་དུ་མཆོད་རྟེན་ནམ་སྐུ་འདྲ་སོགས་གང་དགའ་བཞེང་ཐུབ་ན་ཧ་ཅང་བཟང་།སྤྱིར་ཁྱེད་ཚོས་མ་མཁྱེན་པ་མེད་ཀྱང་མཁས་པ་ལ་དྲན་གསོ་ཟེར་ལྟར་ཡིན་པའི་འདྲ་མིན་མ་དགོང་རོགས།

གནས་ཚུལ་བཟང་པོ་རེད་་་་
སྤུན་ཟླ་རྣམས་ལ་སྙིང་ཐག་པ་ནས་དཀའ་དྲིན་བཞིན་ཐུགས་རྗེ་ཆེ་ཞུ