བོད་དོན་གནས་བབ་དང་རྩ་དོན་འཐབ་རྩོད་ཀྱི་ནུས་པ་བཅུ།

ཡག་པོ་གསུངས་འདུག དུ་དུང་བོད་དོན་འཐབ་རྩོད་ཀྱི་ནུས་པའི་འབྱུང་ཁུངས་འགའ་ཤས་ཤིག་འདུག ད་དུང་བསམ་བློ་གཏོང་རྒྱུ་མང་པོ་ཞིག་ལྷག་འདུག

ཁོང་ཙམ་མ་ཟད་ཚང་མས་བསམ་བློ་གཏོང་དགོས་པའི་དུས་ཚོད་གཅིག་རེད།

ཕྱི་ཚེས་ ༢༥ ཉིན་རིགས་གཅིག་རྐང་འཛིན་པ་ཨ་འབྲུག་དཀོན་མཆོག་གིས་གསུངས་པའི་༧གོང་ས་མཆོག་གིས་བོད་པའི་བདེན་དོན་འཐབ་རྩོད་ཀྱི་ནུས་པ་བརྒྱད་གཟིགས་ཀྱིན་ཡོད་པ་དང་། ཕྱི་ཚེས་ ༢༨ ཉིན་ཁྲིམས་ལུགས་མཁས་པ་བློ་བཟང་སེང་གེ་ཡིས་གསུངས་པའི་བོད་དོན་བདེན་མཐའ་གསལ་ཐབས་ཀྱི་ནུས་པ་བཅུ་ཟེར་བ་འདི་གཉིས་ལ་གཤིབ་བསྡུར་ཞིག་བྱོས་དང་།

མཁས་དབང་བློ་བཟང་སེང་གེ་ལགས་ཀྱི་ནུས་པ་བཅུ་གསུངས་པ་ཚང་མར་རྒྱུ་མཚན་ཡོད་པ་དང་ཤག་ཅིག་རེད་འདུག། ཡིན་ཡང་བོད་པ་མགོ་འཁྲིག་པོ་འགས་གནས་ལུགས་འདི་ཡང་དག་པའི་གསར་བརྗེ་ཅིག་ལ་ངོས་འཛིན་བྱེད་དཀའ་བར་མཐོང་།

བློ་སེང་ལགས་ཁྱེད་ཀྱིས་རྒྱལ་སྤྱིའི་ཁྲིམས་ལུགས་དང་བོད་ཀྱི་བདེན་པའི་སྐོར་ལ་གཏམ་བཤད་ཅིག་བྱས་པ་ཉན་ནས་ང་ཧ་ལས་སོང། ཡིན་ནའང་ཁྱེད་ཀྱིས་བོད་ཀྱི་སྲོག་རྩ་སྐད་དང་ཡིག་ལ་གདེངས་འཇོགས་དེ་ཙམ་མ་བྱས་པར་མ་ཟད། སྐད་ཡིག་འགྱུར་ནའང་རང་བཙན་ཐོབ་ཐུབ།དཔེར་ན་ཨར་ལེན་ཌི་ལྟ་བུ་རེད་ཟེར་བ་ལ་བློ་ཕམ་སྐྱེས། གལ་སུ་ཁྱེད་བཀའ་ཁྲི་ལ་བསྡད་ན་བསམ་་གདོང་བླ་མའི་ཕྱིས་རྗེས་གྲགས་ཆེན་ཤེས་ཡོན་སྲིད་ཇུས་རྒྱུར་བཅོས་བཏང་མི་ངམ་བསམ་ནས་བློ་ཚུབས་སྐྱེས་ཀི་འདུག
དེ་ཕྱིར་ང་ཁྱེད་ལ་དད་པ་མི་སྐྱེས་ཀི ངས་རི་བོང་ཅལ་འདྲོགས་མི་བྱེད། ད་དུང་ཁྱེད་ལ་བརྟག་དཔྱད་བྱེད་ཀི་ཡིན་ད།

དོན་གྲུབ་བཀྲ་ཤིས་ལགས་ཀྱིས་ངས་བཤད་པ་གཅིག་ཀྱང་མ་རེད་གསུངས་འདུག འོ་ན་རྒྱུ་མཚན་གང་རེད།?????????
འོ་ན་རྒྱུ་མཚན་གང་རེད།?????????
འོ་ན་རྒྱུ་མཚན་གང་རེད།?????????
འོ་ན་རྒྱུ་མཚན་གང་རེད།?????????

བོད་ཀྱི་དུས་བབ་གསར་འགོད་པ་ཟུར་བ་འཇིགས་བྲལ་བསྟན་འཛིན་ལགས། ཁྱེད་ཀྱིས་གོང་དུ་བགྲང་བའི་རྒྱུ་མཚན་དེ་དག་གཅིག་ཀྱང་མ་རེད་ལགས།

ངས་ཉེ་སྔོན(ཐེངས་རྗེས་མའི་བཀའ་བློན་ཁྲི་བ་མི་ཡིན་དགོས)ཞེས་པ་ཞིག་བྲིས་པ་དེ་རིང་ཁྱེད་ཀྱི་(བོད་དོན་འཐབ་རྩོད་ཀྱི་ནུས་པ་བཅུ)ཞེས་པར་ལེགས་སྐྱེས་སུ་འབུལ་འདོད།
ངས་ཉིན་འདི་དག་ལ་སྐྱབས་བཅོལ་བོད་མིའི་དྲ་རྒྱ་དང་ཚགས་ཤོག་སོགས་གཙོའི་བརྒྱུད་ལམ་ཁག་ལ་ཐེངས་རྗེས་མའི་བཀའ་ཁྲིའི་ཐད་ལ་བསམ་ཚུལ་འཚོལ་ཞིབ་ཏུ། ངའི་གྲོགས་ཀྱི་དེང་མ་འདི་དག་གི་སྒོ་རུ་ང་སྤྲང་ཉུལ་ལ་ཐེངས་ཤིག་ལ་ཕྱིན་པ་ཡིན། ཡིན་ནའང༌། { སྤྲང་ཉུལ་དང་སྐྱག་དྲི།} འུ་ཚོ་ནི་རིག་གནས་ཆིག་རྐྱང་གི་ཁོར་ཡུག་ནས་བསམ་བློ་སྣ་གཅིག་ལས་གཏོང་སྲོལ་མེད་པའི་སྲོལ་རྒྱུན་གྱི་འདུ་ཤེས་རྙིང་པའི་སྐྱག་དྲི་དེ་བརྒྱུད་ལམ་འདི་དག་ལ་ཁྱབ་ཡོད་པས། ང་ལྟོགས་པ་ཟས་འདོད་དང༌། སྐོམ་པ་ཆུ་འདོད་ཀྱི་གདུངས་བ་དེ་བསལ་མ་ཐུབ་པས་སྐྱུག་མེར་ཅུང་ཙམ་བྱུང༌། ལོ་མང་རིང་བསྐྱར་བཤད་ཡང་བཤད་བྱས་ནས་ཡོང་བའི་བསམ་ཚུལ་དེ་རིགས་བསྡུས་ན། ཤེས་ཡོན་ཅན་དང་འཇོན་ཐང་ཅན་ལས་གང་གདམ་དགོས་ཞེས་པ་དེ་ལས་བརྒལ་མ་ཐུབ་ནས་ད་དུང་འདམ་དུ་ལྷུང་འདུག་གོ། མ་ཟད་ཤེས་ཡོན་ཅན་དང་འཇོན་ཐང་ཅན་ཞེས་པ་འདི་ལའང༌། གོ་དོན་གཏིང་ཟབ་ཅིག་མ་ལོན་པར་གསོག་གསོབ་དང་ནང་སྟོང་གི་ཚུལ་དུ་ལས་ཡོད་པ་འདྲ།

{གནད་འགག་གི་སྐབས་སུ་མི་འཚོལ་བ། }འགྲོ་བ་མིའི་རིགས་ཀྱི་ལོ་རྒྱུས་དར་རྒུད་ཀྱི་དཀྱོགས་མཚམས་རེ་རེ་ན། མི་བུ་དག་ནི་ལམ་ཚད་ཀྱི་རྡོ་རིང་བཞིན་རང་ངོ་རང་གིས་ཟིན་ཅིང༌། རང་གཅེས་དང༌། རང་རྩིས། རང་ཚུགས་བརྟན་པོས་གྲོང་ངེར་འགྲེང་ཞིང༌། ལྷང་ངེར་གསལ་བས། ཡོ་རབ་མུན་ནག་གི་དུས་རབས་མཇུག་རྫོགས་ཤིང༌། ཨེ་ཤ་ཡའི་ནད་པའི་མི་རིགས་ཀྱི་མིང་ངན་ཡང་ཡལ་བཞིན་ཡོད་པའི་དོན་དངོས་ཀྱི་འགྲོ་མིའི་རྟོགས་སད་ཀྱི་གོ་རིམ་སྟོས་འཇོག་གི་རྩེར་སོན་ཏེ། དེང་གི་དུས་འདིར། མི་དང་རང་ཉིད་ཀྱི་དུས་རབས་ཟེར་སྐད། ཡིན་ནའང༌། དུང་ཞེན་དང་མཁྲེགས་འཛིན་མ་བྱས་ནས་གནས་ལུགས་བཤད་ན། འུ་ཚོ་ནི་མུན་བསྐལ་རིང་མོ་དང་ནད་པའི་མི་རིགས་ཀྱི་དུས་སྐབས་ལས་བརྒལ་ཐུབ་མེད་པའི་དོན་དངོས་ཀྱི་གནས་སྟངས་འདི་བསྒྱུར་ཐབས་སུ། ཐབས་ལམ་ཉག་གཅིག་ཡོད་པ་ནི་རབ་ཡིན་ན་རང་ཉིད་ཐེ་བའི་བོད་མི་རེ་རེ་མི་རུ་འགྲེང་དགོས་པ་དང༌། མ་ཐ་ཡང༌། འུ་ཚོའི་བཀའ་བློན་དང་སྤྱི་འཐུས་དག་གི་གཙོའི་ས་མིག་ཆེ་ཐག་ཆོད་རེ་བཟུང་བའི་བོད་མིའི་དབུ་འཁྲིད་དག མི་དོན་སྒྲུབ་མཁན་ཡིན་ཟེར་ན། མ་ཐ་ཡང༌། མིའི་བསམ་བློ་ཡོད་དགོས་པ་རེད། དེ་ལས་ལྡོག་སྟེ། འཇིག་རྟེན་ལྟ་ཚུལ། མི་ཚེའི་ལྟ་ཚུལ་སོགས། འཚོ་གནས་ལ་རྒྱབ་ཀྱིས་ཕྱོགས་པའི་རིག་གནས་ཤིག་གམ། སྐད་ཆ་གཞན་གྱིས་བཤད་ན། སྐྱོ་གར་སྙིང་སྟོབས་མེད་པའི་རིག་གནས་ཤིག་གི་རིན་ཐང་ལྟ་ཚུལ་གྱིས་ཡོད་ཚད་ཐག་གིས་གཅདཅིང་ཐུ་གུ་མདུད་རྒྱུ་ཡིན་ཟེར་ན། འུ་ཚོའི་འཕེལ་རྒྱས་ཀྱི་རྩ་བ་བཅད་བཞིན་དུ་ཡལ་འཚོལ་བའི་ངལ་བ་འབྲསཔ་མེད་ཀྱི་སྨྱོན་ལས། དཔྱོད་མེད་རིང་བཞིན་གྱི་རྨོངས་འཐོམ། དུང་ཞེན་མཁྲེགས་འཛིན་གྱི་ཨུ་ཚུགས་དག་ལ་ད་ནི་ཅིས་ཀྱང་འདང་རྒྱག་རན་ཡིན་པ་མ་ཟད་ཧ་ཅང་འཕྱིས་དྲགས་འདུག་གོ། འགྲོ་བ་མིའི་རིགས་ཀྱིས་མི་བོར་ཞིང་མི་འཚོལ་བའིོ་ལོ་རྒྱུས་ཀྱི་དོན་སྙིང་ནི། ཆེ་ས་ནས་ཤར་ནུབ་ཕྱོགས་ཀྱི་ཞེན་ལྟས་མཁྲེགས་འཛིན་བྱེད་རྒྱུ་ཞིག་མིན་ཞིང༌། འུ་ཚོའིསྐྱ་ཟད་སྔོ་སྡུག་གི་འཚོ་གནས་ཀྱི་གནས་བབ་དངོས་ལ་གཞིགས་ན། དུས་ལས་ཡོལ་བ་ཞིག་དེ་བས་ཀྱང་མིན་པས། མགོ་ཐོགས་ཡོངས་ཀྱི་སྐྱེས་ཆེན་དག་གིས་འགྲོ་མི་སྤྱི་ལ་ཕུལ་བའི་རིག་གནས་སྙིང་སྟོབས་འདི། འུ་ཚོ་དང་འུ་ཚོ་ལྟ་བུའི་ཤི་གསོན་གྱི་སོ་ཁ་ན་གནས་པའི་མི་རིགས་དག་གི་བླ་སྲོག་སྐྱོབ་བྱེད་ཀྱི་ལག་ཆ་ཁོ་ན་ཡིན་པས་དང་ལེན་མི་བྱེད་ཐུ་མེད་རེད། དེས་ན་འུ་ཚོས་ཀྱང་གནད་འགག་གི་སྐབས་སུ་བཀའ་བློན་ཁྲི་བ་མི་ཞིག་འཚོལ་དགོས་པས། སྐྱབས་བཅོལ་བོད་མིའི་སྤྱི་ཚོགས་ན་མི་ཞིག་རྙེད་རྒྱུ་ཡོད་དམ་ཞེ་ན། ངས་ཞིབ་འཇུག་བྱས་པ་ལྟར་ན་མི་ཁ་ཤས་ཡོད་ཀྱང༌། ཆེས་འོས་ཆོས་ཚང་པའི་མི་ནི་བློ་བཟང་སེང་གེ་རེད། གང་ཡིན་ཟེར་ན།

ཁོང་{havard}གཙུག་ལག་སློབ་ཆེན་ལས་ཐོན་པའི་རྒྱུ་མཚན་ཁོ་ནས་ཀྱང༌། ཁོང་གི་སྐོར་ལ་ཞིབ་འཇུག་ཆེར་བྱེད་མི་ཐུབ་མཁན་དག་གིས་ཀྱང༌། ཁོང་མི་ཡིན་པའམ་མིའི་བསམ་བློ་ཡོད་པའི་གནས་ལུགས་རྙེད་རྒྱུར་འདང་རྒྱག་རྒྱུ་ཆེན་པོ་ཡོད་དེ། ས་སྒང་འདིའི་མི་ཆོས་རིག་གནས་ཀྱི་རྩེར་སོན་པའི་ཨ་རིའི་རྒྱལ་ཁབ་ནི་གཙུག་ལག་སློབ་ཆེན་འདིའི་ཁོར་ཡུག་ཡིན་པ་དང༌། འདིའི་བསླབ་ཚན་དག་ནི་མིའི་རིགས་ཀྱི་སྐྱོ་གར་ལ་གདོང་གཏོད་བྱེད་ཀྱི་རིག་གནས་ཡིན་པ་ལས། བདག་མེད་ཀྱི་སྲོག་བྱས་ཤིང༌། འཁོར་བའི་ཕུན་ཚོགས་བློས་བཏང་གི་བསམ་བློའི་མ་ལག་ཅིག་གིས་ཤན་ཤུགས་མེད་པས། འདིའི་སློབ་ཐོན་པ་དག་ཀྱང་མི་ཆོས་རིག་གནས་ཀྱི་ཐོན་རྫས་ཡིན་པ་ལས་ལྷ་མིན་མི་མིན་གྱི་ཕུང་སུམ་པ་ཞིག་ག་ལ་ཡིན་ཏེ། རིག་གནས་དང་མི་བུའི་རྒྱུ་འབྲས་ཆོས་ཉིད་དེ་སུས་ཀྱང་ཁས་ལེན་དགོས་པས་སོ།། ཡིན་ནའང༌། ཡང་བརྐྱར་འུ་ཚོས་རྟར་ཞོན་མཁན་ཞིག་བོང་ལིར་བཞོན་འཇུག་པ་མིན་ནམ་སྙམ་པའི་བློ་དོགས་ཤིག་ངང་གིས་འཁྲུངས་ཀྱང༌། ཨུ་ཐུག་པ་མི་འགྲོ།།

མཁས་དབང་བློ་བཟང་སེང་གེ་མཆོག་བཀའ་ཁྲིར་འོས་ཤིང་མཚམས་པ་ཞིག་ཏུ་མཐོང་གི་འདུག
ངས་ཀྱང་འོས་ཤོག་དེ་ཁྱེད་ལ་བླུག་རྒྱུའི་ཐག་གཅོད་བྱས་ཟིན་པ་ཡིན
འོན་ཀྱང་ངའི་མཐོང་པྱོགས་ཤིག་ལ་ཁྱེད་ཕ་ཡུལ་གཅིག་པའི་གཞེན་ཁོག་ཤུགས་ཆེན་པོ་མེད་དམ་སྙམ།
གལ་ཏེ་ཁྱེད་བཀའ་ཁྲིར་ཕེབས་ཐུབ་ན་ཆོལ་གསུམ་བོད་མི་ཡོངས་སུ་རྫོགས་པར་གཟིགས་གཏང་གཅིག་པ་ཞིག་ཡོངས་བའི་རེ་བ་ཆེ།

༄༅།།་མཁས་དབང་བློ་བཟང་སེང་གེ་ལགས་ཀྱི་དུས་བབ་འདི་འདྲ་ཞིག་ལ་མང་གི་མདུན་དུ་མཆོང་དེ་མང་གིའི་བློ་ཁ་འབྱེད་པའི་བློ་སྟོབས་དང་ལྷག་བསམ་ལ་སྔགས་་བརྗོད་ཡོད།
ད་དུང་ཁོང་དང་ཁོང་འདྲ་བའི་མིག་ལྡན་ཚོ་མི་མང་གི་མདུན་དུ་མངོན་ཏེ་འདི་ལྟར་མ་འོང་བའི་བཀའ་ཁྲི་འཚོལ་ན་དགེ་ཕན་ཆེ་བར་མཐོང་།

བློ་བཟང་སེང་གེ་ལགས་ཁྱེད་རང་བཀའ་ཁྲིར་བྱེད་འདོད་ཡོད་པའི་རྣམ་འབྱོང་གསལ་རུ་བྱེ་བྲག་འགྲོ་སོང༌། ངས་བལྟས་ན་ཁྱེད་རང་བཀའ་ཁྲིར་མ་ལང་དགའ་ཡི་རེད། ཁྱེད་ཤེས་ཚད་དང༌། ཉམ་མྱོང༌། འཇོན་ཐང༌། ཆབ་སྲིད་གོ་རྟོགས། སྤྱི་ཚོགས་གནས་སྟངས་སོགས་ལ་ཞན་ཆ་ཆེན་པོ་ཡོད་རེད། དེ་ལས་ཧ་ཝར་ལ་མཁས་དབང་གི་མིང་ཁུར་ནས་བསྡད་ན་ཡག་ཤོས་རེད། གལ་སྲིད་ཁྱེད་རང་ལ་བཀའ་ཁྲིར་འོས་ཐོབ་ན་མཐའ་མ་དེ་ངུ་མི་ཤེས་གད་མི་ཤེས་པ་ཞིག་ཆགས་རྒྱུ་ཉག་གཅིག་ཡིན་པ་ང་ཁྱེད་རང་ལ་རྒྱུས་ཡོད་ཡིན་པའི་ཆ་ནས་སེམས་ནང་གི་སྐད་ཆ་བཤད་ཀྱི་ཡོད། ལྷག་པར་ཁྱེད་རང་གཏམ་བཤད་བྱེད་དུས་ཁ་དོན་མི་མཚུངས་པ་དང༌། འུད་ཤུབ་མང་གྲགས་འདུག དེ་ཚོར་གཟབ་གཟབ་བྱེད་ན་བཟང༌།

ཁྲིམས་ལུགས་མཁས་པ་བློ་བཟང་སེང་གེ་ལགས་ཀྱིས་༼ རྩ་དོན་འཐབ་རྩོད་ཀྱི་ནུས་པ་བཅུ ༽ ཞེས་པའི་བརྗོད་གཞིའི་ཐོག་གཏམ་བཤད་གནང་བ་ལ་རང་སེམས་དགའ་བས་བསྟོད་བསྔགས་དང་གུས་འདུད་ཞུ།

མ་འོངས་པར་ཁྱེད་བཀའ་བློན་ཁྲི་བར་འོས་འདེམས་བྱུང་སྐབས་སུ། བདག་གི་བསམ་ཚུལ་འདི་དག་ལ་ཐུགས་ཞིབ་ནན་པོར་གནང་ནས་ལག་བསྟར་ཐུབ་པ་མཛད་རོགས་ཞུ།

གལ་ཏེ་ཁྱེད་ཀྱིས་གལ་གནད་ཆེ་བའི་ཐབས་ཇུས་ལས་ཁང་འདི་དག་གསར་འཛུགས་མ་ཐུབ་ན། ཁྱེད་ཀྱིས་བཀའ་བློན་ཁྲི་བའི་གོ་ས་བོབ་ན་ཡང་། ཕན་ནུས་ཡོད་པའི་བོད་དོན་གྱི་བྱ་བ་རླབས་ཆེན་ཞིག་གཏན་ནས་སྒྲུབ་མི་ཐུབ།

བདག་གིས་ཡུན་རིང་ཆབ་སྲིད་ཚན་རིག་དང་སྤྱི་ཚོགས་ཚན་རིག་སོགས་ལ་སློབ་སྦྱོང་དང་སློབ་ཁྲིད་བྱས་པའི་་ཉམས་མྱོང་ལྟར་བསམ་ཚུལ་མདོར་བསྡུས་ཞིག་ཞུས་ན།
བོད་གངས་ཅན་པའི་རྒྱལ་དམངས་ཀྱི་གནས་སྟངས་ཤིན་ཏུ་སྐྱོ་བའི་དུས་རབས་འདིར། མཁས་མཛངས་ལྡན་པའི་བོད་རིགས་རྣམས་ཀྱིས་གཞུང་སྒེར་གྱིས་མགྲོན་འབོད་བྱེད་པ་ལ་ནམ་ཡང་མི་སྒུག་པར། མ་བསྐུལ་དང་ལེན་གྱིས་བཙན་བྱོལ་བོད་གཞུང་གི་ལས་རིགས་ཁག་གི་ནང་དུ་གང་འགྱོགས་ཨུ་ཚུགས་སྒོས་ཞུགས་ཐུབ་པ་བྱས་ནས། རང་གི་ཤེས་འཇོན་ལྟར་བོད་དོན་རླབས་ཆེན་སྒྲུབ་དགོས་པ་ནི། རྒྱལ་སྤྱིའི་དུས་བབ་ཀྱིས་སྤྲད་པའི་སོ་སོ་མི་ཚེའི་ལས་འགན་རེད་ལ་ཤི་གསོན་བོད་འབངས་ཡོངས་ཀྱི་རེ་བ་ངོ་མ་ཡང་འདི་རེད།

ང་ཚོའི་བོད་གཞུང་འདི་ང་ཚོས་བདག་པོ་བྱེད་དགོས་པ་ལས། བོད་གཞུང་གི་མགྲོན་འབོད་དང་རོགས་སྐྱོར་ཁོ་ན་ལ་སྒུག་ནས་བསྡད་པས་ཕན་པ་ཅི་ཡང་མེད

དེར་བརྟེན་བདག་གིས་ཀྱང་མ་བསྐུལ་དང་བླང་གིས་འབད་བརྩོན་ཆེན་པོས་བོད་གཞུང་གི་ལས་རིགས་སུ་ཞུགས་ཏེ། དངོས་ཤུགས་བརྒྱུད་གསུམ་ནས་ཞབས་འདེགས་གང་ནུས་ཉིན་ལྟར་ཞུ་བཞིན་ཡོད།

བདག་གི་ཤེས་རྟོགས་ལྟར་ན་ད་དུང་བཙན་བྱོལ་བོད་གཞུང་གི་ལས་ཁང་ཁག་ལ་ངེས་པར་དུ་ཐབས་ཇུས་ལ་མཁས་པའི་ཤེས་འཇོན་ཅན་གྱི་བོད་མི་མང་པོ་ཡོད་དགོས་པ་འདི་གལ་གནད་ཤིན་ཏུ་ཆེ་བའི་ཛ་དྲག་གི་འོས་འགན་ཞིག་ཏུ་མཐོང་།

གལ་ཏེ་བཙན་བྱོལ་བོད་གཞུང་གི་ལས་བྱེད་ཚོས་རྙིང་ཞེན་ཕྱོགས་རིས་ཀྱིས། ཐབས་ཇུས་ལ་མཁས་པའི་ཤེས་འཇོན་ཅན་གྱི་བོད་མི་རྣམས་ལ། མཐོང་ཆུང་གིས་མཐོ་གནོན་དང་འབུར་འཇོམས་བྱས་ནས། ལས་གནས་མི་སྤྲད་པ་དང་། ཐབས་ཇུས་གོང་འཕེལ་ཀྱི་བྱ་འགུལ་སྣ་ཚོགས་པ་ཞིག་སྤེལ་མ་བཅུག་ན། ང་ཚོའི་བོད་གཞུང་འདི་སྔར་གྱི་ལོ་རྒྱུས་རྙིང་པ་བཞིན་འཕེལ་མེད་སོར་གནས་དང་། ནུས་མེད་ཉམས་རྒུད་ནས་རྩ་མེད་དུ་འགྲོ་ངེས་ཡིན་པ་ཀུན་གྱི་ཤེས་གསལ་རེད།

ད་ལྟ་བཙན་བྱོལ་བོད་གཞུང་གིས་ཛ་དྲག་གིས་བསྒྲུབ་དགོས་པའི་བྱ་བ་གལ་ཆེན་ཞིག་ནི། ༼བོད་ཀྱི་ཆེས་མཐོའི་ཐབས་ཇུས་ཞིབ་འཇུག་ལྟེ་གནས༽ ཚད་ལྡན་ཕུན་སུམ་ཚོགས་པ་ཞིག་མྱུར་དུ་གསར་འཛུགས་བྱེད་རྒྱུ་འདི་རེད།

ཤེས་རབ་གསལ་ཞིང་ཉམས་མྱོང་ཆེ་བའི་བོད་རིགས་ལྷག་བསམ་ཅན་རྣམས། བོད་ཀྱི་ཆེས་མཐོའི་ཐབས་ཇུས་ཞིབ་འཇུག་ལྟེ་གནས་འདིར་གང་འགྱོགས་ཕྱོགས་གཅིག་ཏུ་བསྡུས་ནས། འཆར་གཞི་ཡོད་པའི་སྒོ་ནས་ཉམས་ཞིབ་སྡེ་ཚན་དུ་མ་རྩ་འཛུགས་བྱས་ཏེ། ཞིབ་འཇུག་པ་རྣམས་ཀྱིས་ཉིན་ལྟར་ཆུ་ཚོད་བརྒྱད་རེ། བློ་དང་རིག་པ་སྣ་ཚོགས་པས་བོད་ཀྱི་རྒྱ་ཆེའི་ལས་དོན་སྤྱི་ལ་ཞིབ་དཔྱོད་བྱེད་རྒྱུ་དང་། ཡང་སྐབས་རེ་བློ་སེམས་རྩེ་གཅིག་གིས་ཟབ་མོའི་ལས་དོན་དམིགས་བསལ་ལ་ཞིབ་འཇུག་མཐར་ཕྱིན་པ་བྱས་ནས་ཐབས་ཇུས་ཀྱི་བསྡོམས་རྩིས་ཐོབ་པར་བྱེད་བཅུག་དགོས།

བོད་ཀྱི་ཆེས་མཐོའི་ཐབས་ཇུས་ཞིབ་འཇུག་ལྟེ་གནས་འདིའི་ལས་འགན་ནི། བོད་དོན་ལེགས་འགྲུབ་ཀྱི་ཐབས་ཇུས་ལ་གནའ་དེང་ཟུང་འབྲེལ་གྱིས་ཞིབ་འཇུག་ལེགས་པར་བྱས་ནས། བོད་གངས་ཅན་ལྗོངས་ཀྱི་རྒྱལ་ཁབ་དང་མི་རིགས་འདིའི། གནས་སྐབས་དང་མཐར་ཐུག་གི་དམིགས་ཡུལ་རྣམས་སྒྲུབ་ཐུབ་པའི་མཐུན་རྐྱེན་དུ། གོ་རིམ་ཡོད་པའི་འཆར་གཞི་དང་། ཕན་ནུས་ཆེ་བའི་ཐབས་ཇུས། སྣ་ཚོགས་མཉམ་འབྲེལ་ཀྱི་ལས་འགུལ་སོགས་དུས་ཐོག་ཏུ་བོད་གཞུང་གི་ལས་རིགས་སོ་སོའི་ལས་བྱེད་པ་རྣམས་ལ་ཐབས་ཇུས་བསླབ་སྟོན་དང་གནས་ཚུལ་མཁོ་འདོན་བྱེད་རྒྱུ་དེ་ཡིན།

བོད་ཀྱི་ཆེས་མཐོའི་ཐབས་ཇུས་ཞིབ་འཇུག་ལྟེ་གནས་འདིའི་མེད་ན་མི་རུང་བའི་འབྲེལ་ཡོད་ལས་ཁང་གལ་ཆེན་ཞིག་ནི། ཕྱི་ནང་གི་དགོས་ངེས་གནས་ཚུལ་རྣམས་འཚོལ་སྡུད་ཐུབ་པའི་༼བོད་ཀྱི་ཆེས་མཐོའི་གསང་བའི་ལས་ཁང༽ ཞིག་ཡོད་དགོས་ལ། བོད་ཀྱི་ཆེས་མཐོའི་གསང་བའི་ལས་ཁང་འདིས་ངེས་པར་དུ་གནས་ཚུལ་མཁོ་སྤྲོད་བྱེད་ཐུབ་པའི་མི་སྣ་སྤྱང་གྲུང་འཛོམས་པ་མང་པོ་སྦྱོང་བརྡར་བྱས་ནས། རྒྱལ་ཁབ་ཕྱི་ནང་གི་གཞུང་འབྲེལ་དང་གཞུང་འབྲེལ་མ་ཡིན་པའི་ཚོགས་པའམ་སྒེར་བ་རྣམས་དང་། འབྲེལ་བ་མངོན་ལྐོག་གཉིས་ནས་བྱས་ཏེ་འབྲེལ་ཡོད་དགོས་ངེས་ཀྱི་གནས་ཚུལ་རྣམས་དུས་ཐོག་ཏུ་རག་ཐུབ་པ་བྱེད་དགོས།

ཁྱད་པར་བོད་དོན་འཐབ་རྩོད་ཀྱི་ནུས་ཤུགས་གཅིག་སྒྲིལ་བྱེད་རྒྱུ་ནི། གཙོ་བོ་གཞུང་འཛིན་བཀའ་ཤག་གི་ལས་འགན་གལ་ཆེན་ཞིག་ཡིན་པར་བརྟེན། གཞུང་འཛིན་བཀའ་ཤག་གི་སྒྲོམ་གཞིའི་ནང་དུ་“མཉམ་འབྲེལ་ཆིག་སྒྲིལ་གྱི་ལས་ཁང་” མ་ལག་ཆ་ཚང་བ་ཞིག་གང་མྱུར་གསར་འཛུགས་བྱས་ཏེ། ཕྱོགས་ཡོངས་ནས་མཉམ་འབྲེལ་ཆིག་སྒྲིལ་གྱི་ལས་འགུལ་སྤེལ་ནས་བོད་དོན་འཐབ་རྩོད་ཀྱི་ནུས་ཤུགས་ཆེ་རུ་བཏང་དགོས། མཉམ་འབྲེལ་ཆིག་སྒྲིལ་གྱི་ལས་ཁང་འདིས་ཤེས་ཡོན་ཅན་གྱིས་གཙོས་པའི་བོད་མི་ཡོད་དོ་ཅོག་ལ་བདག་སྐྱོང་དང་། རྒྱུན་དུ་འབྲེལ་བ་ཟབ་མོ་བྱེད་ཐབས་ཀྱི་སྲིད་ཇུས་གསར་བ་ཞིག་གང་འགྱོགས་ཅི་འགྱོགས་ཀྱིས་གཏན་འབེབས་གསལ་པོར་བྱེད་དགོས་པ་དེ་བོད་ཀྱི་སྤྱི་ཚོགས་ལ་མཁོ་བའི་འགན་འཁྲི་གལ་ཆེན་ཞིག་མ་རེད་དམ ?

ཀྱེ་མ་ད་ལྟ་བོད་གཞུང་ལ་༼ཐབས་ཇུས་ཞིབ་འཇུག་ལས་ཁང་༽ ཞིག་མི་འདུག་ལ་༼མཉམ་འབྲེལ་ཆིག་སྒྲིལ་གྱི་ལས་ཁང་༽ ཡང་མི་འདུག་པས་བོད་དོན་གྱི་་བྱ་བ་ཕན་ནུས་ལྡན་པ་ཞིག་སྒྲུབ་དཀའ།

དེས་ན་ང་ཚོས་ཞུམ་པ་མེད་པའི་སྙིང་སྟོབས་དང་ལྷག་བསམ་རྣམ་དག་གིས་བོད་གཞུང་ལ་རྒྱབ་སྐྱོར་བྱས་ཏེ་སྔར་ལས་ལྷག་པའི་ཞིབ་འཇུག་དང་། སྔར་ལས་ལྷག་པའི་འཆར་གཞི་དང་། སྔར་ལས་ལྷག་པའི་ཐབས་ཇུས་དང་། སྔར་ལས་ལྷག་པའི་ལས་འགུལ་སྣ་ཚོགས་ཞིག་བོད་འབངས་ཡོངས་ཀྱི་མངོན་འདོད་མ་འགྲུབ་བར་དུ་ཕྱོགས་ཀུན་ནས་གཏིང་ཟབ་སྤེལ་དགོས་སོ།