བོན་དེ་བོད་ཀྱི་ཕ་ཆོས་ཡིན་སྐོར་རྗོད་ཀྱི་ཡོད་པ་རེད།

མེག་རྒན་ལགས། བྲེལ་འཚུབ་ཀྱི་དབང་གིས་ཉིན་འགར་དྲྭ་ཚིགས་འདིར་ཉུལ་ཐུབ་མ་བྱུང་བས་དགོངས་འགལ་མེད་པར་ཞུ།
བོན་པོའི་གཞུང་ལུགས་ཡིན་ན་གཏེར་ནས་བྱོན་པ་ཡིན་པའི་ངེས་པ་མེད། གཏེར་དུ་མ་སོང་བའང་གང་མང་ཡོད།
ཉེ་ལམ་བོན་པོའི་དཔེ་རྙིང་སྙེད་ས་དེ་ད་ལྟའི་ཆར་ཀཱན་སུའི་རུ་འབོད་པའི་ཡུལ་ནས་རྙེད་པ་དང་རྒྱ་ནག་དྲ་རྒྱ་བོད་ཀྱི་གནས་ཚུལ་ཞབས་ཞུ་ (china’s online Tibet news service) ཁ་བྱང་འདི་ལྟར་ཁོད་པའི་ནང་ eng.tibet.cn ཕྱི་ལོ་༢༠༡༠ ཟླ་བ་ ༧ ཚེས་ ༡༣ ཉིན་གོང་གི་གནས་ཚུལ་སྤེལ་འདུག
གནས་ཚུལ་འདིས་བརྗོད་གསལ་ལྟར་ན་ད་ལན་དཔེ་རྙེད་འདི་ནི་ཤིན་ཏུ་རིན་ཐང་ཆེ་ལ་བོད་ཀྱི་ལོ་རྒྱུས་སྟེང་ཆེས་གལ་ཆེན་ཡིན་པ་སོགས་ཀྱི་གནས་ཚུལ་ཁོད་ཡོད་འདུག དེ་གའི་དགེ་འདུན་པ་རྣམ་པས་གསུང་པ་ལྟར་ན་དཔེ་རྙིང་དེའི་ནང་གི་བརྗོད་བྱ་ནི་གནའ་བོའི་བོད་ཀྱི་ཆོ་གའི་ལག་ལེན་དང༌། བོད་མིའི་ལོ་རྒྱུས། གོམས་གཤིས་བཅས་ཀྱི་སྐོར་ལ་ཡིན་པ་དང༌། ཡིག་ཆ་དེ་དག་ནི་རིན་ཐང་ཆེ་ལ། ཆེས་དཀོན་པའི་དུས་རབས་བར་མའི་བོད་ཀྱི་སྐད་ཡིག་དང༌། བོན་གྱི་ལྟ་གྲུབ། སྨན། རྩིས། ཡི་གེའི་གཟུགས་རིས་སྐོར་ལ་སློབ་སྦྱོང་བྱ་རྒྱུའི་རྒྱུ་ཆ་གལ་ཆེན་ཡིན་པ་འགྲེལ་བརྗོད་བྱས་གནང་འདུག
གནས་ཚུལ་འདིས་བརྗོད་གསལ་ལྟར་ན། སྔོན་ཏུན་ཧོང་ནས་བོན་དཔེ་ཁ་ཤས་རྙེད་པའི་རྗེས། ད་ལན་གྱི་ཀན་སུའུ་ཞིང་ཆེན་ནང་བོན་པོའི་དཔེ་ཆ་རྙེད་པ་འདི་གྲངས་འབོར་ཆེ་ལ་ཤིན་ཏུ་ནས་གཅེས་སྐྱོང་ཡག་པོ་གནང་ཡོད་པ་ཁོད་འདུག ཡང་སྐྱར་གནས་ཚུལ་འདིའི་ནང་དུ་ཁོད་གསལ་ལྟར་ན། དཔེ་རྙིང་གི་ཡི་གེ་རྣམས་གནའ་བོའི་བསྡུ་ཡིག་རྙིང་པའི་ནང་བྲིས་ཡོད་པ་དང༌། ཡིག་གཟུགས་རྣམས་ནི་ཤིན་ཏུ་མངོན་གསལ་དོད་ལ། ཧ་ལམ་མདང་དགོང་བྲིས་ཡོད་པ་དང་འདྲ། དཔེ་ཆའི་ནང་གི་རི་མོ་རྣམས་ད་དུང་ཚོན་མདངས་བཀྲག་མོ་ཡོད་པ་དང༌། ལྡེབ་མ་རྣམས་ཁམས་གཙང་ཞིང་གནའ་རྙིང་རྒྱུ་ཆ་གང་ཞིག་ལ་རྒྱས་སྤྲོས་མེད་པ་ཞིག་ཡོད་པ་ཡང་བྲིས་འདུག དཔེ་ཆ་དེ་དག་གི་རྩོམ་འགྲོས། ཚིག་བེད་སྤྱོད་བྱེད་སྟངས། ཤོག་བུའི་རྒྱུ་ཆ་དང་དེ་མིན་རྣམ་པ་གཞན་ངོས་མང་པོ་ནས་བསམ་ན་དཔེ་ཆ་དེ་དག་དུས་རབས་དགུ་པ་ནས་བཅུ་གཅིག་བར་བྲིས་ཡོད་པར་ཡིད་ཆེས་གནང་མུས་ཡིན་པ་ཁོད་འདུག
ཁོ་བོས་ཞང་ཞུང་གི་དཔྱད་ཡིག་གླེང་བ་དེ་ཁྲི་སྲོང་གི་སྔོན་ནས་བོད་ལ་གཞུང་ལུགས་ཡོད་པ་སྟོན་པའི་ཕྱིར་དུ་གླེང་བ་ལས་བོན་པོའི་གཞུང་ལུགས་ཡིན་པར་བརྗོད་པ་མིན། འོན་ཀྱང་བོན་པོའི་ལོ་རྒྱུས་ཁྲོད་དུ་ཞང་ཞུང་གི་གསོ་བ་རིག་པའི་ཁུངས་གཏུགས་ས་སྟོན་པ་གཤེན་རབ་ཀྱི་སྲས་དཔྱད་བུ་ཁྲི་ཤེས་ལ་གཏུགས་ཡོད་ཅིང་། དཔྱད་བུ་ཁྲི་ཤེས་ལ་སྟོན་པས་གཉེར་གཏད་བྱས་པའང་བཀོད་ཡོད།
ཁྲི་སྲོང་གིས་བོན་བསྣུབས་ཡོད་མེད་ལ་བོན་གྱི་ལོ་རྒྱུས་ཁག་ཁ་གཅིག་གྲགས་ལྟ་བུ་རེད། འོན་ཁྱོད་ཀྱིས་བཤད་པའི་ཡི་གེ་དེ་འདྲ་ཡོད་ན་ནི་ངེས་དོ་སྣང་བྱེད་དགོས་པ་ཞིག་རེད། རྡོ་རིང་གི་ཡི་གེར་དེ་ལྟར་མ་བྱུང་བ་ནི་ཁག་མེད་པ་ཞིག་ཡིན་ཏེ། རྡོ་རིང་འདི་རྒྱལ་ཁབ་གཉིས་ཀྱི་བར་དང་ཡང་བཙན་པོའི་བང་སོ་བྱས་རྗེས་ཅན་གྱི་བློན་པོ་དང་དམག་དཔོན་སོགས་ཀྱི་ཆེད་དུ་བྱས་པ་ཡིན་པས་བོད་ཀྱི་ལོ་རྒྱུས་ཐར་ཐོར་རེ་གླེང་ཡོད་ན་ལས་ཞིབ་ཚགས་པོ་དེ་འདྲ་གླེང་མེད་ལ་གླེང་བའི་སྐབས་ཀྱང་མ་ཡིན་སྙམ། ཕྱོགས་གཞན་ཞིག་ནས་བཤད་ན་སྐབས་དེར་བོན་པོ་ནུས་ཞན་དུ་གྱུར་ཟིན་པས་གླེང་རིན་མེད་པར་བརྩིས་པའང་ཨེ་ཡིན་སྙམ།
ངའི་བསམ་པར། བོད་རང་གི་ས་ནས་དར་ཞིང་ཕ མེས་ཡང་མེས་ཚོས་ལོངས་སུ་སྤྱད་པའི་ཆོས་ལུགས་ལ་ཕ་ཆོས་ཞེས་བཏགས་ན་ཆོག་པར་སྙམ། དེར་བརྟེན་ཁོ་བོས་གཡུང་དྲུང་བོན་འདི་བོད་ཀྱི་ཕ ཆོས་རེད་ཅེས་བཤད་པ་ཡིན།

དྲ་ཁང་ཞིག་ནས་བྲེལ་འཚུབ་ངང་བྲིས་པ་ཡིན་པས་གོང་དུ་བཀོད་པའི་དྲི་ཚིག་ཁག་གི་ནང་ཡིག་ནོར་དང་ཆད་སྐྱོན་མང་པོ་ཤོར་འདུག་པས་སྣང་རྒྱལ་ཤེར་དགེ་ལགས་ཀྱི་གཙོས་ཀློག་པ་པོ་རྣམས་ལ་དགོངས་དག་ཞུ་བཞིན་འདིར་ནོར་བཅོས་བྱས་ནས་བཀོད་ཡོད། སྣང་རྒྱལ་ཤེར་དགེ་ལགས། ཕྲན་གྱི་དོགས་པར་ལན་གནང་པ་ཐུགས་རྗེ་ཆེ། ད་དུང་ཕྲན་ལ་འདིའི་སྐོར་གྱི་དོགས་པ་འགའ་ཞིག་འདུག་པ་འདི་ལྟར། གོ་ཐོས་ལ་བོན་པོའི་གཞུང་ལུགས་རྣམས་གཏེར་ནས་བྱོན་པ་ཤ་སྟག་རེད་ཟེར་མཁན་མང་པོ་འདུག་དེ་བདེན་ནམ། ཉེ་ལམ་བོན་པོའི་གཞུང་མང་པོ་རྙེད་པ་ཉིད་ཀྱི་གསུང་གནང་པ་ས་ཆ་གང་ནས་རྙེད་དང་། ཅི་ལྟར་རྙེད་པ། དེ་དག་གི་ཡིག་གཟུགས་དང་རྗོད་ཚིག་ནང་དོན་རྣམས་ངོ་སྤྲོད་ཐུང་ངུ་རེ་གནང་ན་མང་པོ་ཞིག་ལ་ཕན་རྒྱུ་རེད། ཉིད་ཀྱི་ཞང་ཞུང་དཔྱད་ཡིག་ཅེས་པ་བོན་གྱི་གཞུང་ལུགས་ཤིག་ཡིན་པར་གསུངས་གནང་འདུག་མོད། ཞང་ཞུང་གི་རིག་གནས་ཡིན་ན་བོན་ཡིན་ངེས་ཀྱི་སྒྲུབ་བྱེད་ཅི་ལྟར་བརྗོད་དགོས་པ་རེད། བཙན་པོ་ཁྲི་སྲོང་བོན་སྣུབ་མཁན་གྱི་གཙོ་བོ་རེད་ཅེས་བན་བོན་གཉིས་ཆར་གྱིས་བཤད་མོད། ཕྱིས་སུ་གཏེར་ནས་བཏོན་པ་མ་ཡིན་པའི་མཁན་སློབ་ཆོས་གསུམ་གྱི་གཞུང་ཚད་ལྡན་ཞིག་ན་བོན་བཀག་ཡོད་ས་གཅིག་ཀྱང་མེད་པ་འདྲ་བར་མ་ཟད། ཁྲི་སྲོང་ཡབ་སྲས་ཀྱི་དམ་པའི་ཆོས་ཀྱི་བཀའ་གཙུགས་རྡོ་རིང་གང་ན་ཡང་བོན་ཅེས་པའི་ཆོས་ལུགས་ཀྱི་མིང་ཙམ་ཡང་མེད་ན་ཁྲི་སྲོང་གིས་བོན་དགག་པ་རེད་ཅེས་ལོ་རྒྱུས་རིག་པའི་སྒོ་ནས་འགྲེལ་བཤད་ཅི་ལྟར་བྱེད། ད་དུང་དྲི་བ་ཆུང་ཆུང་ཞིག་ལ་ཕ་ཆོས་ཞེས་པ་བོད་ཀྱི་ཐོག་མའི་ཆོས་ལུགས་ལ་ཟེར་དགོས་ན་གཡུང་དྲུང་བོན་འདི་ཡང་ཕ་ཆོས་ཞིག་ཏུ་འཇོག་དཀའ་བར་སྣང་མོད། གང་ལྟར་བོད་ཀྱི་རིག་གནས་ཤིག་ཡིན་པའི་ཁྱད་པར་ཆེན་པོ་ཅང་མི་འདུག སྣང་རྒྱལ་ཤེར་དགེ་ལགས་ཀྱིས་ལན་གནང་སྟངས་ཡག་པོ་ཞེ་དྲག་ཡིན་པས་ལེགས་བཤད་ཀྱི་རོ་མྱོང་བར་འདོད་ནས་དྲི་བ་འདི་དག་ཕུལ་བ་ཡིན་མོད། ཞོར་དུ་གཞན་ལ་ཕོག་ཐུག་འདྲ་ཤོར་ཡོད་ན་བཟོད་གསོལ་ཞུ་ཆོག བཀའ་ལན་དག་ཏུ་གཏེར་མ་རྣམས་ཁུངས་སུ་མི་བྱ་རྒྱུ་ངས་རེ་བ་ཡིན།

ཕ་ཆོས་ལ་ཕྲག་ཏོག་ཡོད་མཁན་ག་ཚོད་ཡོད་ཀྱང་ཕེབས་ཤོག་དཱ་ང་ཚོ་མཉམ་ཏུ་བགྲོ་གླེང་བྱ་ན་འགྲིག་ལ་རྩོད་པ་བརྒྱག་ན་བརྒྱག་ཆོག

མེག་རྒན་ལགས། འདིར་བོན་དེ་བོད་ཀྱི་ཕ ཆོས་ཡིན་མིན་སྐོར་བཤད་བཞིན་པ་རེད། ད་ཕར་འཐེན་ཚུར་འཐེན་ནས་གཏེར་ཆོས་ཀྱི་ཐོག་ཏུ་སླེབས་འདུག ཁྱོད་ཀྱིས་༼བོན་གྱི་གཞུང་ལུགས་རྣམས་དང་རྙིང་མའི་གཏེར་ཆོས་དག་དུས་རབས་བཅུ་བ་དང་བཅུ་གཅིག་པ་ཙམ་ནས་དར་ཡོང་ནི་ཏག་ཏག་རེད། འདི་ཚོ་བོད་ཀྱི་གདོད་མའི་རིག་གཞུང་དང་ཕ་ཆོས་རེད་ཟེར་དགོས་ན་དཀའ་ནི་རེད། དེ་ལས་འདི་དག་བོད་ཀྱི་རིག་འཕྲུལ་དང་ཐུན་མིན་གྱི་ཁྱད་ཆོས་སུ་བཤད་ན་འོས་པར་སྣང་། ངས་ཆོས་དང་བོན་ལ་ཆགས་སྡང་བྱས་པ་མིན་ཡང་ལོ་རྒྱུས་ལ་འཁྱོག་བཤད་བྱས་ན་ཡག་པོ་མི་འདུག་ག༽འདི་འདྲ་ཤིག་བཤད་པ་དྲན་གྱི་འདུག འོན་ཀྱང་ཕ་ཆོས་ཡིན་མིན་དེ་གཏེར་ཆོས་ལ་ཐུག་མི་འདུག་སྙམ། གཏེར་ཆོས་འདི་དག་ལ་ཚན་རིག་གི་ཐོག་ནས་ཁུངས་སྐྱེལ་གྱི་ནུས་པ་ཅི་ཙམ་ཡོད་རུང་། གཉའ་ཁྲི་བཙན་པོའི་ལོ་རྒྱུས་དང་སྐབས་དེའི་བོན་ཤེས་པ་ཅན་བཅུ་གཉིས་ཟེར་བ་སོགས་དང་དེའི་ལོ་རྒྱུས་ལ་ལོ་རྒྱུས་ཞིབ་འཇུག་པ་ཚོས་སྤྱིའི་ཆ་ནས་ཡིད་མི་ཆེས་པའི་རྣམ་པ་གང་ཡང་མི་འདུག་སྙམ། ནང་གསེས་ཀྱི་དུམ་མཚམས་དཔེར་ན་གཉའ་ཁྲི་གནམ་ནས་བྱོན་ཚུལ་སོགས་ལ་དངོས་གནས་ཡིད་མ་ཆེས་པའི་ཚུལ་ཡོད་པ་རེད། འོན་ཀྱང་དེ་དག་ཀྱང་རྒྱུ་མཚན་མེད་པ་ཞིག་མ་རེད། དེས་མ་མཐའ་ཡང་སྐབས་དེའི་བོད་མིའི་སེམས་ཁམས་ལ་འགྲེལ་བཤད་ཅིག་བྱས་འདུག་སྙམ། གཞན་ཡང་ཞིབ་འཇུག་པ་ཚོས་གཉའ་ཁྲིའི་རིང་ནས་བོད་རང་ལ་ཐུན་མིན་གྱི་རིག་གཞུང་ཡོད་པ་དང་དེ་ཡང་བོན་ཡིན་པའི་བཤད་ཚུལ་ལ་དོགས་པ་ཟོས་པ་ཞིག་གོ་མ་མྱོང་། དེར་བརྟེན་ཞིབ་འཇུག་པའི་མིག་ནང་དུའང་བོན་འདི་བོད་ཀྱི་ཕ་ཆོས་ཡིན་པ་ལ་དོགས་གནས་ཤིག་མེད་པ་འདྲ། དེར་མ་ཟད་གཏེར་ཆོས་རྣམས་ཤོག་བུ་དེ་ག་རང་དུ་དུས་རབས་དེ་དུས་སུ་བྲིས་པ་ཁས་མི་ལེན་ཡང་དེའི་ནང་དོན་ཡོད་ཚད་ལ་དགག་པ་རྒྱག་པའི་ཞིབ་འཇུག་པ་འདྲ་ཨེ་ཡོད། ཡིད་མི་ཆེས་པའི་གནས་གཅིག་གཉིས་ཤིག་ཡོད་པ་ཙམ་གྱིས་ཡོད་ཚད་ཧྲིལ་གྱིས་འདོར་དགོས་ན་འུ་ཚང་ལོ་རྒྱུས་ཤིག་ཡོད་རྒྱུ་མ་རེད་ལ་འཛམ་གླིང་འདིར་ལོརྒྱུས་ཤིག་རྙེད་དཀའ་རྒྱུ་རེད།

བོད་རྒྱལ་གཉའ་ཁྲིའི་དུས་སུ་བོན་ཤེས་པ་ཅན་བཅུ་གཉིས་ཟེར་བ་ཞིག་ཡོད་པ་ལོ་རྒྱུས་ཚང་མར་གསལ་འདུག དེར་གཞུང་ལུགས་མི་འདྲ་བ་རེ་རེ་ལ་མཁས་པ་ཡིན་པའི་རྒྱུ་མཚན་གྱིས་ཁོང་རྣམས་ལ་མཚན་རེ་རེ་གསོལ་ཡོད་པའང་དེ་མཚུངས་རེད། འདི་ལོ་རྒྱུས་ལ་འཁྱོག་བཤད་བྱས་པར་བརྩི་རྒྱུ་ཡིན་ན་འུ་ཚང་གི་ལོ་རྒྱུས་ཚང་མ་འདི་འདྲ་རེད་ཡ། རྙིང་མ་པའི་གཏེར་ཆོས་རྣམས་ཀྱང་དེ་བཞིན་ཡིན་ཏེ། ཁྲི་སྲོང་གི་སྐབས་ནས་ཡོད་བཞིན་པའི་གཞུང་ལུགས་རྣམས་གཏེར་དུ་སྦས་ཏེ་ཕྱིས་སུ་ཕྱིར་བཏོན་པ་རེད། ཁྱོད་ཀྱིས་འདི་ཁས་ལེན་མིན་མི་ཤེས། འོན་ཀྱང་ཁྲི་སྲོང་གི་སྐབས་ནས་རྙིང་མ་པའི་བསྟན་པ་བོད་དུ་དར་ཡོད་པ་ཡང་ལོ་རྒྱུས་ཀུན་གཅིག་མཐུན་དུ་གླེང་བཞིན་པ་དེ་རེད། འདི་ལོ་རྒྱུས་ལ་འཁྱོག་བཤད་བྱས་པར་བརྩི་དགོས་པ་ཨེ་ཡིན།

མཁས་དབང་བློ་མཐའ་ལགས་རིག་པའི་ལམ་ལ་སྦྱོང་རྩོད་བྱེད་ན་ལེགས་ཧཧཧཧ་་་་་་་་་་་་་་་་་་་་་་་་་་་་་་་་་ཀུ་རེ་ཡིན་དཱ།

ཧ་ཧ་ཧ། ད་ལྷོ་མཐའི་མཁས་པ་འདི་སྤྲོ་ལང་ནས་འགད་གྲབས་བྱེད་ཀྱི་འདུག་ག ཁྱོད་ལ་ཁག་མི་འདུག རང་ཚིགས་སྔ་ཕྱི་མི་འབྱོར་བ་འདི་ཚོ་བསྒྲིལ་ཏེ་ཁྱོད་བཙིར་ཡོང་ན་གཞན་ལ་ངན་དམོད་བྱེད་རྒྱུ་ལས་ཐབས་གཞན་ཅི་ཡོད།
ཐོག་མར་ངས་ཁྱོད་ལ་ཁྱབ་མཐའ་ཞིག་དྲིས་ཡོད། དེ་ཁྱོད་ཀྱིས་མི་ཤེས་ཟེར། དེའི་རྗེས་ངས་ཁྱོད་ལ་ཕ ཆོས་འདི་རེད་འདི་མ་རེད་ཅེས་གཅིག་ཀྱང་བཤད་མེད། དེར་བརྟེན་ངས་ཐག་བཅད་པ་གང་ཡང་མེད། འོན་ཀྱང་ངས་ཐག་མ་བཅད་པ་དེས་ངས་ཐག་མི་ཆོད་པ་མཚོན་མི་ཐུབ། དེ་སེམས་ལ་ཞོགས། ངས་ཐག་མི་ཆོད་པ་ནི་ཁྱོད་ཀྱི་སྐད་ཆ་དེ་དག་རེད། ཐོག་མར་དྲི་བ་འདྲ་ཞིག་ལ་དེ་མ་ཐག་ཐག་བཅད་ནས་བཤད་པར་མ་ཟད་ཞར་དང་ཞོར་ལ་གཞན་ལ་ངན་སྨྲས་ཀྱང་བྱས།
དེ་རིང་ཡང་ཉམས་ཚོད་ཡིན་པའི་བཟོ་འདྲ་ཞིག འདི་ད་དངོས་གནས་མགོ་རྨོངས་དགོས་པ་ཞིག་རེད།
གཅིག་བྱས་ན་ལྷོ་ཕྱོགས་མཁས་དབང་ལགས་ཀྱིས་བཞེས་ལག་མཆོད་ཉེས་ཤོར་བ་མིན་འགྲོ། ལྷོ་ཕྱོགས་ན་རྫས་རིགས་འདྲ་མིན་ཟ་རྒྱུ་འདུག་གཱ། ་་་་་་རྩེད་མོ་ཡིན་དཱ། ག་ལེ་བཞུགས་ཨཱ།

ལྷོ་མཐའ་བ། སེམས་ལ་ལྷོད་ལ་ཕོབས་དང་། ཁྱོད་ཀྱིས་ཐོག་མར་༼བོད་ཀྱི་ཕ་ཆོས་ཨེ་་་་་་་་་་་་་་བོད་ཀྱི་ཕ་ཆོས་ཟེར་ན་ག་རི་རེད་་་་་་་་་་་ཁྱོད་ཚོའི་བོད་ཀྱི་ཕ་ཆོས་དེ་བོད་དུ་ནང་ཆོས་དབུ་མ་མཉེས་པའི་སྔོན་དུ་ཡོད་པའི་ཆོས་ལུགས་དེ་ལ་གོ་བ་ཡིན་ནམ་་་་་་་་ཡངས་ན་ཕ་ཆོས་ཞེས་པ་དེ་བོད་ཀྱི་མེས་པོ་ཚོས་བྱེད་པའི་ཆོས་ལུགས་དེ་ལ་གོ་བ་རེད་་་་༽ཅེས་དྲིས་པ་བདེན་པ་རེད། ཡང་དེའི་རྗེས་སུ་ཁྱོད་ཀྱིས་ ༼བོན་ནི་བོད་ཀྱི་ཕ་ཆོས་ཡིན་ཞེས་ཨུ་ཚུགས་ག་ཚོད་རྒྱབ་ཀྱང་འབྲས་བུ་ཡོད་མ་རེད་་་་་་་་་་་་་་་་་་་་་་་་བོན་ཆོས་གཉིས་ནི་ཐ་དད་པའི་གྲུབ་མཐའ་གཉིས་རེད་་་་བྱས་ཙང་བོན་ནནི་ཆོས་མ་རེད་ལ་ཕ་ཆོས་དེ་བས་མ་རེད་་་་་་་་བོད་ཀྱི་ཕ་ཆོས་ནི་ནང་པ་སངས་རྒྱས་པའི་ཆོས་རེད་་་་་་་་་་་་་་་་་་་་་་།༽ཅེས་ཐག་བཅད་ནས་བཤད་པ་རེད། འདིའི་གོ་རིམས་ལ་གཞིག་ན་ཐོག་མར་ཐེ་ཚོམ་སྐྱེས། དེ་ནས་རིམ་བཞིན་ཐག་བཅད་པ་རེད་འདུག ད་ཡང་ཐེ་ཚོམ་གྱི་ཐོག་ལ་ཡར་འགྲོ་རྒྱུ་ཨེ་ཡིན། ངས་ཁྱོད་ཀྱི་སྐད་ཆ་ཕྱི་མ་འདི་ལ་ཆ་བཞག་པ་ཡིན། ད་ཨོ་ན་ཁྱོད་ཀྱིས་ང་ལ་གསལ་པོ་ཞིག་ཤོད་དང་། སྐད་ཆ་སྔོན་མ་དེ་ཕྱིར་འཐེན་བྱེད་རྒྱུ་ཡིན་ནམ་ཕྱི་མ་དེ་ཕྱིར་འཐེན་བྱེད་རྒྱུ་ཡིན། ཐག་ཆོད་པ་དང་ཐེ་ཚོམ་ཟ་བ་གཉིས་མཉམ་དུ་ཡོང་གི་མ་རེད། བློ་རྩེ་གཉིས་པའི་རྣམ་པ་ཅན་དང་རྩེ་གཅིག་པའི་རྣམ་པ་ཅན་གཉིས་གང་ཟག་གཅིག་ལ་ཤེས་རྒྱུད་གཉིས་ཡོད་ན་མ་གཏོགས་དུས་གཅིག་ལ་ཡོང་མི་ཐུབ། ཁྱོད་ཀྱིས་བློ་རིག་སྦྱངས་མ་མྱོང་ན་ཁག་མི་འདུག བློ་རིག་སྦྱངས་མྱོང་མཁན་ཚོར་དྲིས་དང་ཤེས་ནི་རེད། འདི་བློ་རིག་གི་རྨང་གཞིའི་ཤེས་བྱ་རེད་ཡཱ།

༼བོད་ཀྱི་ཕ་ཆོས་ཨེ་་་་་་་་་་་་་་བོད་ཀྱི་ཕ་ཆོས་ཟེར་ན་ག་རི་རེད་་་་་་་་་་་ཁྱོད་ཚོའི་བོད་ཀྱི་ཕ་ཆོས་དེ་བོད་དུ་ནང་ཆོས་དབུ་མ་མཉེས་པའི་སྔོན་དུ་ཡོད་པའི་ཆོས་ལུགས་དེ་ལ་གོ་བ་ཡིན་ནམ་་་་་་་་ཡངས་ན་ཕ་ཆོས་ཞེས་པ་དེ་བོད་ཀྱི་མེས་པོ་ཚོས་བྱེད་པའི་ཆོས་ལུགས་དེ་ལ་གོ་བ་རེད་་་༽ ཤེར་དགེ་ལགས་འདི་དྲི་བ་མིན་ན་ག་རི་རེད་ཨ་ ཁྱེད་རང་གིས་འདི་མ་མཐོང་བ་ག་རི་རེད ཕལ་ཁྱེར་མིག་གཅིག་མ་གཏོགས་མེད་པ་ཡིན་པ་འདྲ་་་་ཧ

མཁས་དབང་བློ་མཐའ་ལགས་ཀྱིས་ཕ་ཆོས་མི་ཤེས་པའི་བཀའ་ངལ་ནི་བགྲོ་གླིང་དབང་གིས་རྭ་འཕྲད་མི་ཐུབ།
ཁྱབ་མཐའ་དབང་གིས་བཤད་ན་མི་ཤེས་པའི་བཀའ་ངལ་།
གྲོགས་པོ་ཚོ་ཁྱབ་པ་གང་ཡང་མ་ཤེས་ན་ལོ་རྒྱུད་ཚོ་ལ་དཔྱད་པར་ག་ཚེད་བྱེད་ཀྱང་གཏན་པོ་མེད་པ་གོ་མ་ཆག

ལྷོ་མཐའི་མཁས་དབང་ལགས། ཁྱོད་ཀྱིས་དོགས་འདྲི་བྱས་པ་ཡིན་ན་དོགས་འདྲི་བྱེད་སྟངས་ཤིག་ཡོད་པ་རེད། ཁྱོད་རང་གིས་གང་བྲིས་པ་འདི་དག་ལ་༼བོད་ཀྱི་ཕ་ཆོས་ཡིན་ཞེས་ཨུ་ཚུགས་ག་ཚོད་རྒྱབ་ཀྱང་འབྲས་བུ་ཡོད་མ་རེད་་་་་་་་་་་་་་་་་་་་་་་་བོན་ཆོས་གཉིས་ནི་ཐ་དད་པའི་གྲུབ་མཐའ་གཉིས་རེད་་་་བྱས་ཙང་བོན་ནནི་ཆོས་མ་རེད་ལ་ཕ་ཆོས་དེ་བས་མ་རེད་་་་་་་་བོད་ཀྱི་ཕ་ཆོས་ནི་ནང་པ་སངས་རྒྱས་པའི་ཆོས་རེད།༽་གཟིགས་དང་དོགས་འདྲིའི་རྣམ་པ་གཏན་ནས་མེད་པར་མ་ཟད་ཚང་མ་ཐག་བཅད་པ་ཤ་སྟག་རེད། ཐག་བཅད་པ་དེ་དམ་བཅས་པའམ་ཁས་བླངས་པ་ཡིན་ཕྱིན་ངས་ཁྱོད་ལ་ཐལ་བ་འཕང་པ་ཡིན། ད་ཁྱོད་ཀྱིས་རང་གི་སྐད་ཆར་བཟོ་བཅོས་ཤིག་བརྒྱབ་སྟེ་དྲི་བའི་རྣམ་པ་ཅན་ཞིག་བྱེད་རོགས། དེ་ལྟར་བྱས་ན་ངས་ཁྱོད་ལ་ལན་འདེབས་ཆོག

ཤེར་དགེ་ལགས། ང་མཁས་པ་མིན་ལ་ཁྱབ་མཐའ་དེ་བསཤེས་ཀྱི་མེད ་ངས་བགྲོ་གླིང་དང་དོག་འདྲི་ཞིག་བྱས་པའི་ཁུལ་ཡིན། ཡིན་ན་ཡང་ཁྱིད་རང་གིས་ངའི་དྲི་བར་ལན་ཞིག་སྐྱབ་མཇུག་མ་གནང་བར་ཐལ་བ་མང་པོ་ཞིག་བཏང་འདུག།། ངས་རིག་པ་སྔ་མ་དེར་དྲི་བ་ཁ་ཤས་དྲིས་ཡོད་དེ་ཚོར་་ལན་ཞིག་ངེས་པར་དུ་དགོས་ཡོད་ དེ་ནས་ངས་ཁྱོད་ཀྱི་དྲེ་བར་ལན་འདེབ་བྱེད་ངེས་ཡིན།

ཐོག་མྱི་ལགས་བོན་ནི་བོད་ཀྱི་ཕ་ཆོས་ཡིན་ཞེས་ཨུ་ཚུགས་ག་ཚོད་རྒྱབ་ཀྱང་འབྲས་བུ་ཡོད་མ་རེད་་་་་་་་་་་་་་་་་་་་་་་་བོན་ཆོས་གཉིས་ནི་ཐ་དད་པའི་གྲུབ་མཐའ་གཉིས་རེད་་་་བྱས་ཙང་བོན་ནནི་ཆོས་མ་རེད་ལ་ཕ་ཆོས་དེ་བས་མ་རེད་་་་་་་་བོད་ཀྱི་ཕ་ཆོས་ནི་ནང་པ་སངས་རྒྱས་པའི་ཆོས་རེད་་་་་་་་་་་་་་་་་་་་་་།

བོན་པོ་ཚང་ལ་གནས་ལུགས་བགྲང་རྒྱུ་འདུག་གཱ།

ལོ་རྒྱུས་ཀྱི་ཡིག་ཆ་གང་ལ་གཟིགས་ཀྱང་བོན་ན་ིབོད་ཀྱི་ཕ་ཆོས་ངོ་མ་ཡིན་པ་དེ་ནི་སྨོས་མེད་རེད།
དེ་ལྟར་ཟེར་བ་དེ་ཙམ་ཧ་ལས་དགོས་གལ་མི་འདུག

འོ་ད་རུང་གསལ་པོ་ཞུ་རྒྱུ་ཞིག་ལ།

དེ་རིང་ཁོ་བོས་ཀྱང་གཡུང་དྲུང་རྒྱ་མདུད་དུ་བཅིངས་པའི་མགྲིན་པའི་ཨོལ་མདུད་དེ་ཅུང་ལྷོད་དགོས་ཙམ་བྱུང་། དང་པོ་བོན་གྱིས་དམར་མཆོད་བྱེད་ལུགས་ཤིག་གང་ན་ཡོད། དེ་ལ་ཁུངས་གསལ་པོ་ཞིག་བསྐྱེད་རོགས། དེ་མིན་བོན་དེ་རྒྱ་གར་གྱི་ཆོས་ལུགས་Vedicདང་གཅིག་མཚུངས་ཡིན་པའི་རྒྱུ་མཚན་ཅི་ཡོད། ལོ་རྒྱུས་ཀྱི་ཁུངས་མེད་ན་ཁྱི་རྒྱགས་སྐར་མར་ཟུག་པ་དང་གཅིག་མཚུངས་སུ་འཁུམས།

ཡང་ཁྱོད་ཀྱིས་༼ རྒྱལ་ཁབ་ཞིག་གི་དཔལ་འབྱོར་དང་ཆབ་སྲིད་ཐོན་སྐྱེད་ལ་གནོད་འཚེ་ལྡན་པ་ཡིན་པ་དེ་རེད་ལ། ༽ཞེས་ཡང་ཧ་ཅང་གིས་མཐོང་མདོག་མཁས་མདོག་གིས་སྨད་ར་གནང་དོན་ཅི་ཡིན། བོན་གྱི་བསྟན་པ་དང་དེའི་རིག་གཞུང་ཁག་ནི་བོད་རང་གི་ཕ་ནོར་དུ་དེང་རྒྱལ་ཁབ་ཕྱི་ནང་གི་མཁས་དབང་དུ་མས་ངོས་འཛིན་གནང་གི་ཡོད་པ་ཁྱེད་ཀྱིས་ཡང་མ་གོ་མ་ཐོས་པ་ཨེ་རེད། ཡང་ན་རི་བོང་ཅལ་འདྲོག་གི་བརྟུལ་ཞུགས་བཟུང་བ་ཡིན།

ཡང་ཁྱོད་ཀྱི་ཆགས་སྡང་ཁོ་ནའི་གཏམ་ཞིག་སྟེ། ༼ བོན་གྱི་བླ་ཆེན་དང་རྗེས་དྲངས་པ་དེ་ཚོས་ཀྱང་རང་ཉིད་མདོད་ “གདོད” མིའི་ཆོས་ལུགས་ལ་རྨོངས་དད་ཀྱིས་གཅེས་སྲོང་དང་མཁྲེགས་བཟུང་བྱེད་པ་དེའི་རྐྱེན་པས་བོན་ཆོས་ནི་ཧ་ལམ་རྩ་མེད་དུ་སོང་གྲབས་བྱས་པ་རེད། ༽ ཅེས་པའི་དོན་ཅི་ཡིན། བསམ་གཟས་ནས་གསེག་འབྲི་བྱས་པ་ཨེ་ཡིན།

དེ་ན་བན་དེ་ཚོས་ཀྱང་རང་གི་ཆོས་ལུགས་ལ་རྨོངས་དད་ཀྱིས་གཅེས་སྲོང་དང་མཁྲེགས་བཟུང་བྱེད་པ་དེའི་རྐྱེན་པས་བན་ཆོས་ནི་བོད་རྒྱལ་ཞེ་གཉིས་པའི་སྐབས་ཧ་ལམ་རྩ་མེད་དུ་སོང་གྲབས་བྱས་པ་རེད་དམ། སྐད་ཆ་འདི་བཞིན་བཤད་ན་ཡག་པོ་མ་རེད། མི་རིགས་ནང་ཁུལ་གྱི་མཐུན་སྒྲིལ་ལ་རྒྱབ་ཕྱོགས་དང་། རང་གི་རིག་གཞུང་དང་མི་རིགས་ལ་ཤ་ཚ་དང་ལ་རྒྱ་མེད་པའི་ཐ་ཤལ་གྱི་རང་མཚང་རེད།

སྤྱིར་ཁོ་བོས་འདིར་རེ་རེ་བཞིན་མ་བཤད་ཀྱང་ཁྱོད་ཀྱིས་ལོས་ཤེས། 《བོན་སྒོ་》འདོན་ཐེངས་བཅོ་བརྒྱད་པའི་གླེང་བརྗོད་ལས། “ཆོས་རྒྱལ་དང་བླ་མར་གྲགས་པའི་རང་མི་དག་གིས་ཐ་ན་སོག་པོ་རྒྱ་ནག་ལ་ཡང་ལག་སྦྲེལ་གྱིས་ང་ཚོ་བོན་པོ་རྣམས་རང་ཁྱིམ་ལས་ཕྱི་རུ་འཕུད་འགོ་བཙུགས་ནས་ད་བར་མི་ལོ་སྟོང་ཕྲག་འདས་པའི་རིང་། ལུས་སེམས་མནར་མེད་དུ་མྱང་བའི་སྡུག་བསྔལ་ཡོད་ཚད་ང་ཚོས་བྱང་ཁོག་ཏུ་སྦས་ཏེ་གསང་རྒྱར་བཏབ་ཀྱང་། ད་རུང་གཞན་ཡུལ་ནས་ཀྱང་ཁོ་ཚོས་ངེད་རྣམས་ཕྱི་མིར་བསྙད་དེ་སླར་ཡང་འཕུད་འགོ་འཛུགས་པར་བརྟེན་བཟོད་པའི་མཐའ་ལ་ལྷུང་བའི་བོན་འབངས་དག་གིས་གཡུང་དྲུང་རྒྱ་མདུད་དུ་བཅིངས་པའི་མགྲིན་པའི་ཨོལ་མདུད་དེ་ཉིད་དེ་རིང་འདི་ནས་མི་གྲོལ་ཐབས་མེད་དུ་གྱུར།” ཞེས་བྲིས་གནང་ཡོད་པ་དེ་ཡང་ཁྱོད་དང་ཁྱོད་འདྲའི་རིགས་ལ་དམིགས་ཏེ་ཆེད་དུ་བྲིས་པ་ཡིན་པ་སྨྲས་མེད་རེད།
དེ་རིང་དུས་ཚོད་ཀྱིས་དེ་ཙམ་ཡིན།

ལན་ཡོད་ན་ཕེབས་ཤོག་དང་རིགས་པའི་བགྲོ་གླེང་ཚ་བོ་ཡོང་ས་རེད་ཞུས་པ་ཡིན།

ཀརྨ་རྡོ་རྗེ་ལགས། འདིའི་སྐོར་རྒྱལ་རབས་གསལ་པའི་མེ་ལོང་སོགས་ཆོས་ཕྱོགས་ཀྱི་ལོ་རྒྱུས་འགའ་རེ་དང་། བོན་གྱི་ལོ་རྒྱུས་ཕལ་མོ་ཆེའི་ནང་གསལ་པོར་གསུང་འདུག་པ་དེ་དག་ཉིད་ཀྱིས་མཐོང་ཡོད་ལས་ཆེ། འོན་ཀྱང་དེ་རྣམས་མང་པོ་ཞིག་གིས་ཚད་ལྡན་ཞིག་ཏུ་ཁས་ལེན་གྱི་མེད་ལ་དེ་ཡང་ཁག་མེད་པ་ཞིག་རེད། སུས་ཀྱང་ཁས་ལེན་ཐུབ་པ་ཞིག་ནི་ལོ་འགའི་སྔོན་ལ་བོད་དུ་ས་འོག་ནས་རྡོ་བརྐོས་མང་པོ་ཞིག་རྙེད་འདུག་པ་དེ་དག་གི་ཐོག་ཏུ་ཡོད་པའི་ཡི་གེ་རྣམས་ཞང་ཞུང་སྨར་ཡིག་ཡིན་པ་དང་། དེར་མ་མཐའ་ཡང་ལོ་བཞི་སྟོང་གི་ལོ་རྒྱུས་འདུག་ཅེས་རྒྱ་ནག་གི་རིག་དངོས་ཞིབ་འཇུག་པ་དག་གིས་ཁྱབ་བསྒྲགས་བྱས་འདུག་ཅིང་། བཙན་བྱོལ་སྤྱི་ཚོགས་ནང་དུའང་བོད་ཀྱི་བང་ཆེན་དང་བོད་མིའི་རང་དབང་སོགས་ཀྱི་ཐོག་ཁྱབ་བསྒྲགས་བྱས་སོང་བར་མ་ཟད། ༸གོང་ས་སྐྱབས་མགོན་ཆེན་པོ་མཆོག་གིས་གསུང་ཆོས་དང་ཚོགས་འདུ་སོགས་ཀྱི་སྐབས་ལན་འགར་བཀའ་གནང་སོང་། མ་མཐའ་ལོ་བཞི་སྟོང་གི་ལོ་རྒྱུས་ཡོད་ན་ཡ་མཐའ་ག་ཚོད་ཅིག་ཏུ་འདེད་ཐུབ་མིན་སུས་ཤེས། དེས་ན་ཐོན་མི་ཕར་ཟད་གཉའ་ཁྲིའི་ཡང་སྔོན་དུ་ཡོད་འདུག་ལ་ཚུལ་འདི་ནི་བོན་གྱི་ལོ་རྒྱུས་ཁག་དང་ཤིན་ཏུ་འབྱོར་བ་ཞིག་ཡིན་ནོ།

དྲ་གྲོགས་ཐིག་ལགས་ཀྱིས་ལན་གྲ་སྒྲིག་ཨང་གསར་ཡོད་ཡོད་པ་རེད་བཱ།

ད་ག་རེ་བྱས་སོང་། ང་འདིར་རང་ནས་མུ་འཐུད་སྒུག་གི་ཡིན་དཱ།
གལ་སྲིད་ཁྱེད་རང་གིས་ཁ་སང་མཆན་དེ་བཟི་གཏམ་འདྲ་ཡིན་ན་དྲ་ཐོག་འདི་ནས་དགོངས་དག་ཞུས་ན། ངས་ཁྱེད་རང་ལ་ཐེག་ཆེན་གཡུང་དྲུང་བོན་གྱི་གྲུབ་མཐའ་རིན་པོ་ཆེའི་བྱུང་རིམ་དང་དེའི་ཆེ་བའི་ཡོན་ཏན་སྐོར་སོགས་ངོ་སྤྲོད་ལོག་ལྟ་སེལ་ཐུབ་པ་ཞིག་བྱེད་ཆོག་གཱ།
སྤྱིར་བཏང་དེང་སང་༸སྐྱབས་མགོན་ཐམས་ཅད་མཁྱེན་ཅིང་གཟིགས་པ་ཆེན་པོས་བོད་གངས་ཅན་གྱི་ཆོས་ལུགས་དང་ཆོལ་ཁ་ཡོངས་ལ་ཐོབ་ཐང་འདྲ་མཉམ་གྱི་བགོ་སྐལ་བཟང་པོ་འདི་བཞིན་བཀའ་དྲིན་སྐྱབས་འཇུག་གནང་བར་བརྟེན། ཐམས་ཅད་མཐུན་སྒྲིལ་ཞོ་ལྟར་ཆགས་བཞིན་པ་ལ། སྔར་མཁན་སློབ་ཆོས་གསུམ་དང་བླ་བྲང་དབང་འཛིན་དུས་རབས་ཀྱི་ཀླད་རྙིང་ཅན་གྱི་མི་ངན་ཁག་ཅིག་གིས་སྤུན་ཟླའི་མི་རིགས་ནང་ཁུལ་ཁྲག་བཞིན་མི་དཀྲུག་པའི་ངེས་པ་མི་འདུག་པས་ན། སྡེ་ཚན་སོ་སོས་དོ་དམ་དང་སྟངས་འཛིན་བྱེད་རྒྱུ་དེ་ཆེས་དོ་གལ་ཆེན་པོ་ཞིག་ཏུ་མཐོང་།
ད་དེ་རིང་དེ་ཙམ་ཡིན་མ་གཞི་རྒྱས་པར་མུ་འཐུད་འགོད་ངེས་ཡིན།

་་་་ཏུན་ཧོང་གཏེར་ཡིག་གི་སྨན་དཔེའི་ཐོག་ཏུ་ཞང་ཞུང་གི་དཔྱད་ཡིག་ལ་དཔེ་བླངས་པ་་་་་། གསུངས་པ་འདིའི་ཁུངས་ལུང་དྭ་གྲོགས་སུས་གསུངས་ཐུབ་བམ། ཤིན་ཏུ་ནས་ཉན་འདོད་ཆེན་པོ་ཡོད། ཐུགས་རྗེ་གཟིགས། ཞང་ཞུང་གི་དཔྱད་ཡིག་ཟེར་བ་དེ་དཔེ་མཛོད་ཁང་གང་དུ་ཡོད་དམ། མེད་ན་སྔར་བྱུང་མྱོང་བའི་རྟགས་མཚན་ལ་རྒྱུ་མཚན་ག་ཚད་གྲངས་རྒྱུ་ཡོད་དམ།

འོན་ཀྱང་ཕྱིས་སུ་ཞིབ་འཇུག་གི་གནད་འགག་འགའ་རེ་དང་ས་འོག་ནས་ཐོན་པའི་གནའ་བོའི་དངོས་རྫས་སོགས་ལ་བརྟེན་ནས་བོད་རང་ལ་མ་མཐའ་ཡང་ལོ་བཞི་སྟོང་གི་སྔོན་ནས་ཡི་གེ་ཡོད་པ་གསལ་པོར་གྱུར། ཟེར་བ་དེ་བདེན་སྟངས་མང་ཙམ་གསུང་མཁན་ཡོང་བའི་རེ་བ་ཡོད།

གཡུང་དྲུང་བོན་གྱི་བགྲོ་གླེང་སྐབས་ ༡༡ པ་དེ་བདེ་བླག་ཏུ་ཚོགས་པར་འཚམས་འདྲི་བཀྲ་ཤིས་བདེ་ལེགས་དང་ཡི་རངས་བསྔགས་བརྗོད་ཀྱི་མེ་ཏོག་འཐོར། རྒྱལ་བ་དགེ་འདུན་གྲུབ་ཀྱིས། སྤྱིར་ལུས་ཅན་ཀུན་ལ་བཀའ་དྲིན་སོམས། །སྒོས་ཆོས་མཛད་ཡོངས་ལ་དག་སྣང་སྦྱོངས། །དགྲ་ནང་འདུས་པའི་ཉོན་མོངས་ཐུལ། །མི་ཁོ་བོའི་རྗེས་འཇུག་གྲོགས་པོ་རྣམས། །ཡིད་ཕྱོགས་སུ་ལྷུང་བས་མ་འཆིང་བར། །བློ་གཟུ་བོར་གནས་པའི་རྟོག་དཔྱོད་ཀྱིས། །ཞེས་སྐབས་དེ་དུས་ཀྱང་ཆོས་སྲིད་གཉིས་ཀའི་ཐད་ནས་དགེ་མཚན་ཆེ་བའི་ལམ་སྟོན་ཕེབས་པ་དང་དེའི་རྗེས་༸རྒྱལ་དབང་ལྔ་པ་དང་༸གོང་ས་སྐུ་ཕྲེང་བཅུ་གསུམ་པའི་སྐབས་ནས་ཀྱང་རིམ་བཞིན་བོད་ཀྱི་གནས་ཚུལ་ཕྱོགས་ཡོངས་སུ་གུད་ཡངས་རུ་ཕྱིན་ཏེ། ད་ཆ་གོང་དུ་བགྲོ་གླེང་གི་ངོ་སྤྲོད་དུ་བཀོད་པ་ལྟར་༸གོང་ས་སྐུ་ཕྲེང་བཅུ་བཞི་པ་འདིའི་སྐབས་སུའང་བོད་ཀྱི་སྤྱི་ཚོགས་འདི་ཆེས་གུད་ཡངས་ཅན་གྱི་སྤྱི་ཚོགས་སུ་འགྱུར་བཞིན་པའི་སྐབས་དང་བསྟུན་ནས་སྐྱེས་འགྲོ་སྤྱི་ལ་སྨན་པའི་གཡུང་དྲུང་གི་བསླབ་བྱ་ཁག་འཇིག་རྟེན་འདིའི་སྟེང་རིག་གསར་དང་འགྲན་སེམས། ཕྲག་དོག་དང་ལྟོ་རྩོད་ཀྱིས་འཛམ་གླིང་འདི་ཆུང་དུ་གཏོང་བཞིན་པའི་དུས་ངན་འདིར་བོད་ཙམ་མ་ཡིན་པར་འཛམ་གླིང་སྤྱི་ལ་དར་ཁྱབ་གཏོང་རྒྱུ་ནི་ཁ་ཚ་དགོས་བསྟུག་གི་གནས་སྟངས་ཤིག་ལོས་ཡིན། ཕྱོགས་གཅིག་ནས་བོན་སྒོ་བརྒྱུད་དེ་བོད་ཀྱི་གུད་ཡངས་གཞོན་སྐྱེས་ཚོའི་ཁྲོད་དུ་བོན་ཆོས་ཀྱི་ལེགས་ཆ་དང་དེ་ཡང་ལོ་རྒྱུས་དང་ཁ་མ་འབྲལ་བའི་ཐོག་ནས་ཁྱབ་སྤེལ་བྱེད་ཐུབ་ན་དགེ་མཚན་ཆེ་བར་མཐོང་། བཀྲ་ཤིས་བདེ་ལེགས།