རྒྱལ་བ་ཀརྨ་པ་མཆོག་ཟླ་འདིའི་ནང་ཨ་རིར་ཕེབས་འཆར་ཡོད་ཀྱང་རྒྱ་གར་གཞུང་གིས་ཁོང་ལ་ཆོག་མཆན་གནང་མི་འདུག་ལ། ཆོག་མཆན་མ་གནང་བའི་རྒྱུ་མཚན་ཡང་གསལ་བཤད་གནང་མི་འདུག
ཕྱི་ཚེས་ ༡༦ ཉིན་རྒྱལ་བ་ཀརྨ་པ་མཆོག་གི་ཆིབས་སྒྱུར་གོ་སྒྲིག་པ་མགོན་པོ་ཚེ་རིང་ལགས་ཀྱིས་འདི་གར་གསུངས་དོན། རྒྱ་གར་གཞུང་གིས་ཐེངས་འདིར་རྒྱལ་བ་ཀརྨ་པ་མཆོག་ལ་ཆོག་མཆན་གནང་མི་འདུག དེའི་རྒྱུ་མཚན་ང་ཚོ་དང་བླ་བྲང་གི་ངོས་ནས་གསལ་བོ་ཞིག་ཤེས་མེད། ཡིག་ཆ་དེ་ཚོ་ལྡི་ལི་དོན་གཅོད་བརྒྱུད་ནས་ཕུལ་བ་དང་། ཐག་གཅོད་དེ་ཡང་མཐོ་རིམ་ནས་གནང་བ་ཡིན་སྟབས་རྒྱ་གར་གཞུང་གིས་ཆོག་མཆན་གནང་མ་ཐུབ་པའི་རྒྱུ་མཚན་དེ་བཀའ་ཤག་དང་ཆོས་དོན་ལས་ཁུངས་སོགས་ནས་གཅིག་བྱས་ན་མཁྱེན་ཡོད་ཀྱི་རེད་ཅེས་གསུངས།
རྒྱལ་བ་ཀརྨ་པ་མཆོག་ ༢༠༠༨ ལོར་ཨ་རིར་ཐོག་མར་ཕེབས་པ་རེད། དེ་དུས་རྒྱ་གར་གཞུང་གིས་ཆོག་མཆན་བསྩལ་བ་རེད། ཡིན་ཡང་། ལོ་འདིའི་ཕྱི་ཟླ་ ༥ པའི་ནང་ཁོང་ཉིད་ཡུ་རོབ་ཏུ་ཕེབས་འཆར་ཡོད་ཀྱང་རྒྱ་གར་གཞུང་གིས་ཆོག་མཆན་གནང་མེད་ལ། ཟླ་འདིའི་ནང་དུ་ཨ་རིར་ཕེབས་རྒྱུར་རྒྱ་གར་གཞུང་གིས་ཆོག་མཆན་གནང་མེད། མགོན་པོ་ཚེ་རིང་ལགས་ཀྱིས་གསུངས་དོན། ང་རང་སྒེར་གྱི་ངོས་ནས་བཤད་ན། རྒྱལ་བ་ཀརྨ་པ་མཆོག་གི་ཆིབས་བསྒྱུར་ལ་སྟངས་འཛིན་འདི་ལྟ་བུ་གནང་བ་དེར་བློ་ཕམ་ཆེན་པོ་ཡོད། ད་བར་དུ་ཆིབས་སྒྱུར་གྱི་སྐོར་ལ་གྲ་སྒྲིག་མང་པོ་བྱས་པ་དང་། ཕར་ཕྱོགས་ནའང་ལོ་ ༣༠ རིང་ངང་སྒུག་བྱས་མཁན་དང་། ལོ་ ༧༠ སོན་ཞིང་ཚེ་མཇུག་ལ་ཁོང་གི་ཞལ་མཇལ་གསུང་ཐོས་ཀྱི་རེ་བ་རྒྱག་མཁན་དེ་འདྲ་ཡང་ཡོད་པ་རེད། བྱས་ཙང་གནས་སྟངས་འདི་དག་ལ་བསམ་ན་མི་སུ་ཡིན་རུང་བློ་ཕམ་སྐྱེས་གི་རེད། ཡིན་ཡང་། ང་ཚོ་ནི་གཞན་ལ་སྐྱབས་རེ་ནས་འདུག་མཁན་ཡིན་པའི་ཆ་ནས་བྱེད་རྒྱུ་གང་ཡང་མི་འདུག་ཟེར་ལ། ཁོང་གི་རེ་བ་ལྟར་ན། ད་ཐེངས་ཆོག་མཆན་མ་རག་ཀྱང་ཐེངས་རྗེས་མར་ཆོག་མཆན་རག་མི་ཡོང་ངམ་སྙམ་པའི་རེ་བ་ཞིག་ད་དུང་ཡིན་ཡང་བཟུང་བསྡད་ཡོད་ཅེས་གསུངས།
འདི་ག་གསར་ཁང་གིས་གནད་དོན་དེ་ཆོས་དོན་བཀའ་བློན་ཚེ་རིང་ཕུན་ཚོགས་མཆོག་ལ་བཀའ་འདྲི་ཞུས་སྐབས། ལྡི་ལི་དོན་གཅོད་བཀའ་བློན་བསྟན་པ་ཚེ་རིང་མཆོག་ཉེ་ཆར་ཉི་ཧོང་ལ་ཕེབས་པ་དང་། ཕྱིར་ལྡི་ལིར་འབྱོར་མཚམས་རྒྱ་གར་གཞུང་ལ་རྒྱུ་མཚན་བཀའ་འདྲི་ཞུས་ཀྱང་། རྒྱུ་མཚན་གསལ་བོ་ཞིག་འགྲེལ་བརྗོད་གནང་མི་འདུག་པས། ད་ལྟའི་ཆར་རྒྱ་གར་གཞུང་གིས་ཆོག་མཆན་སྤྲོད་འདོད་མེད་པ་མིན་འགྲོ་ཞེས་གསུངས།་
མཛད་འཆར་ལྟར་ན། རྒྱལ་བ་ཀརྨ་པ་མཆོག་ནེའུ་ཡོག་ཏུ་ཡོད་པའི་རྒྱལ་བ་ཀརྨ་པའི་ཆོས་ཚོགས་ཀྱི་མགྲོན་འབོད་ལྟར་བདུན་ཕྲག་གཉིས་རིང་གི་ཆིབས་སྒྱུར་མཛད་འཕྲིན་དེ་ཟླ་འདིའི་ཚེས་ ༡༤ ཉིན་ནས་མགོ་འཛུགས་དགོས་ཀྱི་ཡོད་པ་རེད།
གསར་འགྱུར་སྤེལ་མཁན། ལུང་རིགས་རྒྱལ།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ཀརྨ་པ་མཁྱེན་ནོ།
ཀརྨ་པ་མཆོག་ལ་ཕྱིར་བསྐྱོད་ཆོག་མཆན་མ་རགས་པ་དེ་ལ་ཕྱོགས་མང་པོ་ཞིག་ནས་མཐུན་རྐྱེན་མ་ཚང་བ་དང་འགལ་རྐྱེན་ཕྲད་པའི་རྐྱེན་གྱིས་རེད། ཕྱོགས་གཅིག་ནས་དད་གུས་ཀྱི་ཕྱུག་པའི་ཁྱིམ་ཚང་ཆེན་པོ་དེ་གྲོགས་མེད་ཁེང་རྐྱང་དུ་བསྐྱུར་ནས་ཚ་པ་ལུང་པར་ཕེབས་པར་ཕྱི་ནང་གཉིས་ཀས་ཐོག་ནས་ཕྲག་དོགས་ཀྱི་དྲག་ཆར་དང་རླུང་འཚུབ་ཀྱི་རྐྱེན་གྱིས་དང་། ཕྱོགས་གཞན་ཞིག་ནས་ནང་ཁུལ་བློ་སེམས་གཅིག་མཐུན་གྱི་མཐུན་རྐྱེན་ཉུང་པའི་ཐོག་བྱེད་སྒོ་མང་དྲག་པས་རྐྱེན་གྱིས་རེད། མ་འོངས་པ་ཡང་ཕྱིར་བསྐྱོད་ཀྱི་ཆོག་མཆན་ལྟ་ཞོག རྒྱ་གར་ནང་དུ་གནས་གཟོད་བདེ་བ་མིན་ཡོང་བའི་གདིང་མེད་པ་ཕྱི་གསལ་ནང་གསལ་ཡིན་དུས་སླར་ཡང་ཁེར་རྐྱང་དུ་ལུས་པའི་ཁྱིམ་ཚང་དེའི་མགོན་སྐྱབས་དུ་ཕེབས་ཐུབ་ན་ཡག་པོ་འདུག
རྒྱ་གར་ནས་ཐོན་དེ་ཨ་རིར་སྐྱབས་བཅོལ་ཞུས་བཞག་ན་ཏག་ཏག་རེད། ད་རྒྱ་གར་ཡིན་རུང་རྒྱ་ནག་གི་འོག་ལ་མགོ་སྒུར་ཚར་བ་རེད།
ཀརྨ་པ་མཆོག་ལ་ཆོག་མཆན་མི་ཐོབ་པའི་རྒྱུ་མཚན་རྒྱ་གཞུང་གིས་གནོད་ཤུགས་ཡིན་སྲིད། གང་ལྟར་ཡང་ཨ་རིའི་ཕྱོགས་ན་ལོ་ ༣༠ རིང་ངང་སྒུག་བྱས་མཁན་དང་། ལོ་ ༧༠ སོན་ཞིང་ཚེ་མཇུག་ལ་ཁོང་གི་ཞལ་མཇལ་གསུང་ཐོས་ཀྱི་རེ་བ་རྒྱག་མཁན་དེ་འདྲ་ཡང་ཡོད་ན་ཁོང་ཚོ་ཚུར་མཇལ་ཞུ་གིན་ཕེབས་ན་ཡག་ཤོས་རེད། ཕར་ཆེར་སྒྲོ་ལོར་༢༥༠༠ ཙམ་གྱི་འགྲོ་སོང་མ་གཏོགས་དཀའ་ངལ་ཅི་ཡང་མེད།
སངས་རྒྱས་བསྟན་པ་རྟག་ཏུ་རྒྱས་འགྱུར་ཅིག །
ཐེངས་འདི་རྒྱལ་བ་ཀརྨ་པ་མཆོག་ལ་ཆོག་མཆན་མ་རགས་པ་དེ་ཧ་ཅང་གི་གློ་ཕམ་ཡིན་པ་དང་བརྟེན་བསྟན་རྒྱ་གར་གཞུང་ལ་ཆོག་མཆན་སྤྲད་མི་ཆོགས་པའི་གནོད་ཤུགས་བྱས་མཁན་ཞིག་པ་ཁ་གསལ་པོ་རེད་་་་་་་་་་་་་་་་ད་ང་ཚོའི་བོད་པའི་གནས་གཏང་དེ་རྗེ་སྡུགས་དུ་འགྲོ་གི་འདུག་་་་་་་་་་་་་་་་་་་་་མ་འོང་པ་རྒྱལ་བ་ཀརྨ་པ་མཆོག་ལ་ཕྱིར་ཕེབས་པའི་ཆོག་མཆན་རགས་པའི་སྨོན་ལམ་ཡོད་་་་་་་་་་་་་་་་་་་་་་་་་་་་་་་་་
ཐེངས་འདིར་སྐྱབས་རྗེ་ཀརྨ་པ་ཨ་རིར་ཕེབ་རྒྱུའི་སྐོར་གསང་བ་ཆེན་པོ་ཞིག་གནང་ཡོད་ས་རེད། ངེད་ཅག་ཨ་རིར་སྡོད་པ་དག་གིས་ཀྱང་གོ་ཐོས་ཅི་ཡང་མ་བྱུང་། བླ་ཆེན་འདི་རིགས་གང་དུ་ཕེབས་ན་བོད་མི་དམངས་ལ་ཁྱབ་བསྒྲགས་རེ་གནང་རྒྱུ་གལ། མཇལ་ཁ་བྱིན་རླབས་རེ་ཐོབ་ན་འདོད་ཀི