བཀའ་བློན་ཁྲི་ཟུར་བཀྲས་མཐོང་བསྟན་འཛིན་རྣམ་རྒྱལ་མཆོག་གི་ལོ་རྒྱུས་སྙིང་བསྡུས།
བཀྲས་མཐོང་བསྟན་འཛིན་རྣམ་རྒྱལ་མཆོག་ནི་བོད་ཀྱི་རྒྱལ་ས་ལྷ་ས་ནས་འཁྲུངས་ཤིང་། དགུང་གྲངས་དྲུག་ཅུ་ལ་ཕེབས་ཡོད་པ་དང་། ད་ལྟ་ཨ་རིའི་མངའ་སྡེ་ཁེལ་ལ་ཧོ་ནི་ཡའི་ནང་ཡོད་པའི་སྙན་གྲགས་ཅན་གྱི་སུ་ཌན་ཧྥོ་ཌི་(Stanford University) གཙུག་ལག་སློབ་གཉེར་ཁང་དུ་བོད་ཀྱི་རྒྱལ་རབས་དང་ཆབ་སྲིད། ཚན་རིག་དང་ནང་ཆོས་བར་ཞིབ་འཇུག་གི་ལས་རིགས་གསར་འཛུགས་དང་འབྲེལ། བོད་ཀྱི་རྒྱལ་རབས་དང་ཆབ་སྲིད་སྐོར་གྱི་སློབ་ཁྲིད་པ་གནང་མུས། ཐོག་མར་སྤྱི་ལོ་ ༡༩༦༠ ལོ་ནས་མ་སུ་རི་བོད་གཞུང་གཏན་སློབ་ཏུ་སློབ་སྦྱོང་གནང་བཞིན། ལས་ཞོར་དགེ་རྒན་གྱི་ཕྱག་ལས་གནང་བ་དང་། དེ་བཞིན་རྡོ་རྗེ་གླིང་གླིང་དབྱིན་ཇིའི་སློབ་གྲྭ་ཞིག་ཏུ་ཕྱི་རྒྱལ་གྱི་སྐད་ཡིག་དང་རིག་གནས་སློབ་སྦྱོང་གནང་། སྤྱི་ལོ་ ༡༩༦༧ ལོར་ངྷ་རམ་ས་ལ་བཞུགས་སྒར་ཤེས་རིག་ལས་ཁུངས་དང་བཀའ་དྲུང་ཡིག་ཚང་བཅས་སུ་དབྱིན་ཇིའི་དྲུང་ཡིག་དང་གསུང་སྒྱུར་གཅིག་ལྕོགས་ཀྱི་ལས་ཁུར་བཞེས། སྤྱི་ལོ་ ༡༩༦༨ ལོར་བཀའ་བློན་ཁྲི་ཟུར་བསོད་ནམས་སྟོབས་རྒྱས་ལགས་དང་ཁོང་གི་སྐུ་མཆེད་བཀའ་ཟུར་དང་སྐུ་སྒེར་དྲུང་ཆེ་ཟུར་བ་བཀྲས་མཐོང་བསྟན་འཛིན་དགེ་བྱེད་ལགས་བཅས་ནས་འགན་བཞེས་ཀྱིས་བཙན་བྱོལ་ཁྲོད་ཀྱི་གསར་ཤོག་ཐོག་མ་༼ཤེས་བྱ༽་གསར་དེབ་འདོན་སྤེལ་གནང་། སྤྱི་ལོ་ ༡༩༧༠ ལོར་གོང་གསལ་མཛད་གཙོ་ཟུར་པ་རྣམ་པ་གསུམ་དང་བཀའ་ཟུར་རྒྱ་རི་བློ་གྲོས་རྒྱལ་མཚན་བཅས་ཀྱིས་བོད་ཀྱི་གཞོན་ནུ་ཚོགས་པའི་སྒྲིག་འཛུགས་གསར་བཏོད་དང་འབྲེལ་ཚོགས་ཆེན་བསྡུ་སྐོང་གི་འགན་བཞེས་ཏེ། གཞོན་ནུའི་ཚོགས་ཆེན་ཐེངས་དང་པོ་ཚོགས་སྐབས་གཞོན་ནུའི་དབུས་སྤྱི་ཁྱབ་རྒྱུན་ལས་ཀྱི་ཚོགས་མིར་འདེམས་ཐོན་བྱུང་བ་བཞིན་ལས་ཁུར་བཞེས་། དེ་བཞིན་དབྱིན་ཡིག་གསར་དེབ་༼བོད་གནས་བསྐྱར་ཞིབ༽ (Tibetan Review) རྩོམ་སྒྲིག་པའི་འགན་བཞེས་གནང་། སྤྱི་ལོ་༡༩༧༣ ནས་ ༡༩༨༦ བར་ཨ་རིའི་གྲོང་ཁྱེར་ནིག་ཡོག་ཏུ་རྟེན་གཞི་བྱས་པའི་ཏཱ་ལའི་བླ་མའི་སྐུ་ཚབ་དོན་གཅོད་ཁང་གི་ལས་བྱེད་དུ་བསྐོ་བཞག་དང་། དེ་རྗེས་དོན་གཅོད་ལས་ཚབ་དང་རིམ་བཞིན་ཨ་རིའི་བོད་ཀྱི་སྐུ་ཚབ་དོན་གཅོད་དུ་བསྐོ་བཞག་གནང་། སྐུ་ཚབ་དོན་གཅོད་ཀྱི་མཛད་ཁུར་སྐབས་བོད་ཀྱི་ཐེབས་རྩ་ཁང་དང་། པོ་ཏཱ་ལ་པར་སྐྲུན་ཁང་། ནིའུ་ཡོག་བོད་ཁང་། ཨ་རི་དང་ཁེ་ན་ཌ་ཁུལ་གྱི་བོད་དོན་རྒྱབ་སྐྱོར་ཚོགས་པ་དང་། བོད་རིགས་མཐུན་ཚོགས་ཁག་གསར་འཛུགས་གནང་། སྤྱི་ལོ་ ༡༩༧༩ ལོར་ཨ་རིའི་གཞུང་ལ་འབྲེལ་མོལ་གྱིས་༸གོང་ས་མཆོག་ཨ་རིར་ཐོག་མའི་ཆིབས་བསྒྱུར་འགོ་འཛུགས་ཐུབ་པ་བྱུང་ཡོད། སྤྱི་ལོ་ ༡༩༨༧ ནས་སྤྱི་ལོ་ ༡༩༩༠ བར་ཨ་རིའི་རྒྱལ་ས་ཝ་ཞིན་ཀྲོན་ཏུ་༸གོང་ས་མཆོག་གི་དམིགས་བསལ་སྐུ་ཚབ་ཀྱི་མཛད་འཁུར་བཞེས་ཏེ། རྒྱལ་སྤྱིའི་བོད་དོན་ལས་འགུལ་ཁང་(International Campaign For Tibet)གསར་འཛུགས་ཐུབ་པ་ལ་བརྟེན་ནས་ད་ཆ་ཨ་རིའི་གཙོས་འཛམ་གླིང་རྒྱལ་ཁབ་མང་པོ་ཞིག་གིས་བོད་དོན་རྒྱབ་སྐྱོར་གྱི་ནུས་ཤུགས་ཇེ་ཆེར་གྱུར། དེ་བཞིན་བོད་མི་ཆིག་སྟོང་ཐམ་པ་ཨ་རིར་གཞིས་ཆགས་སུ་ལེན་ཐུབ་པ་བྱུང་བ་དང་། བོད་སྐད་རླུང་འཕྲིན་ཁག་གཉིས་ Voice of America and Radio Free Asia ཨ་རིའི་རྒྱང་བསྲིང་རླུང་འཕྲིན་གྱི་བོད་སྐད་སྡེ་ཚན་དང་ཨེ་ཤ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་གཉིས་གསར་འཛུགས་ཐུབ་པ་བྱུང་ཡོད། ཨ་རིའི་གཞུང་ནས་སྐྱབས་བཅོལ་བོད་མིའི་འཕྲོད་བསྟེན་དང་ཤེས་ཡོན་སློབ་སྦྱོང་ཐད་རོགས་དངུལ་ཞུས་ཐོབ་བྱུང་སྟེ་ད་བར་མུ་མཐུད་རོགས་རམ་ཐོབ་མུས་ཡིན། སྤྱི་ལོ་ ༡༩༨༠ ལོར་རང་ཡུལ་བོད་ནང་གཟིགས་སྐོར་སྐུ་ཚབ་ཐེངས་གཉིས་པའི་ཚོགས་གཙོའི་ཐུགས་འགན་བཞེས་ཏེ་བོད་ས་སྟོད་སྨད་བར་གསུམ་དུ་གཟིགས་སྐོར་གནང་། སྤྱི་ལོ་ ༡༩༩༠ ལོ་ནས་བཀའ་བློན་རྣམ་པ་༸གོང་ས་མཆོག་གིས་ཐད་བསྐོས་གནང་མ་དགོས་པར་འོས་བསྡུའི་ལམ་ནས་བསྐོ་སྲོལ་མཛད་པ་བཞིན་། དམིགས་བསལ་ཚོགས་འདུའི་ཐོག་ནས་བཀའ་བློན་འོས་བསྡུ་གནང་བར་བཀའ་བློན་གསུམ་འདེམས་ཐོན་བྱུང་ཁོངས་སུ་ཕེབས་ཐུབ་པ་བྱུང་བ་དེ་ནས་བཟུང་། སྐབས་གསུམ་རིང་བཀའ་བློན་གྱི་ལས་ཁུར་བཞེས་པ་མ་ཟད་། སྤྱི་ལོ་ ༡༩༩༣ ་ནས་ ༡༩༩༥ ་བར་ལོ་ངོ་གསུམ་རིང་བཙན་བྱོལ་བོད་གཞུང་གི་བཀའ་བློན་ཁྲི་པའི་མཛད་འགན་གཞེས། བཀའ་བློན་ལས་བགོས་ཁོངས་ནས་དཔལ་འབྱོར་དང་ནང་སྲིད་། ཕྱི་འབྲེལ་བཅས་ཀྱི་མཛད་ཁུར་བཞེས། སྤྱི་ལོ་ ༡༩༩༥ ལོར་བཀའ་བློན་གྱི་མཛད་ཁུར་འཁྱུར་ནས། ཨ་རིར་གནས་སྤོ་སྐབས་༼བོད་ནང་ལོ་བདུན༽་ཞེས་པའི་གློག་བརྙན་གསར་བཟོའི་སློབ་སྟོན་པ་དང་། དེ་བཞིན་ཏྭ་ལའི་བླ་མའི་ཐེབས་རྩ་ཚོགས་པ་ཐོག་མར་གསར་འཛུགས་གནང་མཁན་གྱི་གྲས་དང་། ད་ཆ་ཚོགས་པའི་འགན་འཛིན་གྱི་མཛད་ཁུར་གནང་མུས། དེ་བཞིན Committee of 100 for Tibet ཞེས་པའི་བོད་དོན་སྒྲིག་འཛུགས་ཀྱི་ཚོགས་གཙོའི་མཚན་གནས་ནས་བོད་དོན་ཕྱག་ལས་གནང་མུས་བཅས། མདོ་དོན། བཀའ་བློན་ཁྲི་ཟུར་བཀྲས་མཐོང་བསྟན་འཛིན་རྣམ་རྒྱལ་མཆོག་ནི་སྐྱེས་སྦྱངས་ཀྱི་ཤེས་ཡོན་ལྡན་ཞིང་། ཆབ་སྲིད་ཐད་མཁྱེན་རྒྱ་ཆེ་ལ་རང་གཞུང་དང་ཚོགས་སྡེ་འདྲ་མིན་ཁོངས་ཕྱག་ལས་སྣེ་མང་གནང་བའི་ཉམས་མྱོངས་ཕུན་སུམ་ཚོགས་པ་ལྡན་པ་མ་ཟད། ༸གོང་ས་མཆོག་གི་བཞེད་དགོངས་དང་། བོད་དང་བོད་མིའི་རྕ་དོན་ཐོག་ལངས་ཕྱོགས་བརྟན་ཞིང་དམངས་གཙོར་མོས་པ་ཆེ་ལ། མང་ཚོགས་ཀྱི་བསམ་ཚུལ་གཙིགས་སུ་འཛིན་མཁན། ལྷག་པར་གཞིས་བྱེས་བོད་མིའི་བར་གྱི་འབྲེལ་ལམ་གལ་ཆེ་དོན་ཆེན་དུ་ངོས་འཛིན་གནང་ཐུབ་མཁན་དཀྱེལ་ཆེ་གུ་ཡངས་ཀྱི་དགོངས་བཞེས་ལྡན་པ་ཞིག་ཡིན་པ་དང་། བོད་དང་རྒྱལ་སྤྱིའི་ཆབ་སྲིད་དང་སྤྱི་ཚོགས་ཐད་རྒྱུས་མངའ་ཆེ་ལ་གནའ་དེང་ཟུང་འབྲེལ་གྱི་ཤེས་འཇོན་མྱོང་ལྡན་གཞན་འགྲན་མེད་པ་ཞིག་ལ་བརྟེན། དེ་དོན་རང་ཅག་བོད་མི་སེར་སྐྱ་རྒན་གཞོན་ཚང་མས་བཀའ་ཁྲིར་འོས་འདེམས་ཡོང་བའི་འབོད་སྐུལ་རྩེ་གཅིག་ཏུ་ཞུ་བཞིན་ཡོད་ལགས།།
༢༠༡༡ གི་བཀའ་བློན་ཁྲི་བར་བཀྲས་མཐོང་བསྟན་འཛིན་རྣམ་རྒྱལ་ལགས་འོས་འདེམས་གནང་རོགས་ཞེས་བལ་ཡུལ་ཀཐ་མན་གྲུ་ནས་ ༢༠༡༡ བཀའ་ཁྲི་འོས་བསྡུའི་གཞི་རིམ་དང་བླངས་ལས་འགུལ་མཐུན་ཚོགས་ཀྱིས་འབོད་བསྐུལ་ནན་པོར་ཞུ་བ་ལགས། བོད་རྒྱལ་ལོ།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
བཀྲས་མཐོང་ལྟ་བུ་ལ་མཚོན་ན་ཁྲིམས་ལུགས་དང་དམངས་གཙོའི་ལམ་སྲོལ་མ་མདོར་ན་ཆོས་དང་འཇིགས་རྟེན་གཉིས་གང་གིས་སྒོ་ནས་བལྟས་ཀྱང་མ་འོང་པའི་བཀའ་ཁྲའི་འོས་ཆོས་ཚང་མེད།
1་བོད་གཞུང་གི་རྩ་ཁྲིམས་དང་འགལ་ཏེ་བཀྲས་མཐོང་ནི་བཀའ་ཁྲའི་ལས་དུས་མ་རྫོགས་བར་ལས་གནས་འཕོ་འགྱུར་བྱས་དགོས་བྱུང་བ་ཡིན།
2དམངས་གཙོའི་ལམ་སྲོལ་དང་འགལ་ཏེ་གཞུང་ངུལ་སྒེར་ཟས་བྱས་པའི་ཉེས་པ་ཕོག་ཡོད་ཁྲིམས་ལུགས་ཀྱིས་ཐོག་ཉེས་པ་ཕོག་ཡོད་མེད་གསལ་ཁ་མེད་ཀྱང་མི་གམངས་ཁྲོད་དུ་ཉེས་པ་ཕོག་ཡོད་པ་མ་ཟད་སྒོར་མོ་ལྐོག་ཟ་བྱས་པའི་ཉེས་པ་ཐེངས་གསུམ་བྱུང་ཡོད་སྒོར་འབུམ་50་དང80།40་བཅས་ཀྱིས་ཉེས་པ་ཆེན་པོ་གསུམ་གྱི་རྒྱུས་བྱུང་ཡོད། དེ་ལྟ་བུའི་གནས་ཚུལ་བྱུང་ཡོད་པ་ནི་བཀའ་ཁྲིའི་འཇོན་ཐང་མེད་པའི་འབྲས་རྟགས་རེད་།
3་་གནས་ཚུལ་དེ་དག་བྱུང་མ་ཐག་ནང་མི་ཨ་རིར་གནས་སྤོས་བྱས་པ་ནི་མ་དག་པའི་གནས་ཚུལ་ཞིག་ཡོད་པའི་འབྲས་རྟགས་རེད།བཀའ་ཁྲི་བྱས་རིང་བྱས་རྗེས་མེད་ཟད་རྙོགས་འཛིང་གི་ཁྲོད་དུ་ལྷུངས་བ་ཞིག་བསྐྱར་དུ་འོས་མིར་སྟོན་པ་ནི་ཕྱོགས་རིས་་ནད་ཀྱིས་ཟིན་པའི་མི་སྣ་རེ་ཟུང་གིས་ཚོགས་པ་ཁག་གི་མིང་པེད་སྤྱོད་བྱས་ནས་མི་དམངས་ཀྱིས་མངོན་འདོད་ཡིན་ཁུལ་བྱས་ཁོ་ན་རེ་ཨང་།
ཁང་གསར་རྡོ་རྗེ་ལགས་བསྐྱར་དུ་ཕེབས་པར་དགའ་བསུ་ཞུ། ད་རེས་ངེད་གཉིས་ཀྱི་གནད་དོན་ཁོ་ནའི་ཐོག་ཏུ་བགྲོ་གླེང་བྱེད་རྒྱུ་ལས། དོན་མེད་ཀྱི་ཚིག་ཉོག་བྲིས་ནས་ཕན་ཐོགས་མི་འདུག ཨ་རིའི་བོད་ཀྱི་ཐེབས་རྩ་གལ་སྲིད་སྒེར་བདག་བྱས་པ་ཞིག་ཏུ་བརྩི་གི་ཡོད་ན། དྷ་ས་བོད་ཕྲུག་ཁྱིམ་སྡེ་དང་ནོར་བུ་གླིང་ག སྨན་རྩིས་ཁང་སོགས་ཀྱང་སྒེར་བདག་ཏུ་བརྩི་རྒྱུ་ཡིན་ནམ། ཚང་མ་གཅིག་མཚུངས་རེད། དེའི་སྐོར་མང་པོ་བཤད་ནས་ཕན་ཐོགས་མི་འདུག ངེད་གཉིས་ཀྱི་བརྗོད་གཞི་ལས་བརྒལ་འདུག་པས་མཚམས་འཇོག་རྒྱུ་ཡིན།
ཁྱེད་ཀྱིས་ང་ལ་ཨ་ཐར་ཅན་གྱི་ཡིག་ཆ་བསྔོགས་པ་རེད་ཟེར་ཡང་རུང་། ངས་ཁྱེད་ལ་བོད་གཞུང་ཤེས་རིག་ལས་ཁུངས་ཀྱི་ཡིག་ཚགས་བལྟས་པ་རེད་ཅེས་བཤད་ཀྱང་རུང་། གང་ལྟར་བདེན་པ་ཡིན་ན་གཅིག་པ་མ་རེད་པས། རྫུན་མ་ཡིན་ན་གང་ནས་ཡིན་ཡང་གཅིག་པ་མ་རེད་དམ། གང་ལྟར་ད་དུང་བརྗོད་གཞི་རང་གི་ཐོག་ཏུ་ཕེབས་དང་། བགྲོ་གླེང་བྱེད་ཆོག དེ་རིང་ཁྱེད་ཀྱི་འབྲི་སྟངས་ལ་བལྟས་ན་གཡོལ་ཐབས་ཁོ་ན་རེད་འདུག དེར་བརྟེན་རྗེས་མ་མཐུད་དུ་ཕེབས་དང་། བགྲོ་གླེང་ཞུ་ཆོག བཀྲས་མཐོང་བསྟན་འཛིན་རྣམ་རྒྱལ་གྱི་ཡོན་ཏན་དང་སྐྱོན་གང་ཐད་ནས་ཡིན་ཡང་ཚང་མ་མཐོང་བའི་ཐོག་ནས་བགྲོ་གླེང་བྱེད་ཆོག
ལྷ་སྨོན་ལགས་ཀྱི་ ༼ དབུས་གཙང་པས་ཕྱོགས་རིས་བྱ་རྒྱུ་ཡིན་པ་ད་ལྟ་ནས་གསལ་པོ་ཆགས་ཙང་༽གསུངས་སྟངས་ལ་བལྟས་ན་ཉེ་ཆར་དབུས་གཙང་ཆོལ་ཁའི་རྒྱུན་ལས་ཞེས་དབུས་གཙང་ཆོལ་ཁའི་མིང་འཁྱེར་ཏེ་བཀའ་ཁྲིའི་འོས་མི་འཁྲུངས་ཡུལ་དབུས་གཙང་ནས་ཡིན་པའི་བོད་མི་གཅིག་རང་དང་། ཆོལ་ཁའི་ཤ་ཚ་ཞེན་ཁོག་དགོས་པའི་ཆ་རྐྱེན་བཏོན་པའི་གསལ་བསྒྲགས་ལ་བརྟེན་ནས་གསུངས་པ་ཡིན་གྱི་རེད། གསལ་བསྒྲགས་དེ་མཐོང་དུས་ང་རང་ཡང་བློ་ཕམ་དང་། ཧ་ལས། ཧང་སང་དགོས་པ་ཞིག་བྱུང་།། ཡིན་ནའི་བསམ་བློ་ཞིབ་ཚགས་བཏང་དུས་དེང་སང་ཚོགས་མིང་འདྲ་མིན་སྣ་ཚོགས་ཀྱིས་ཚོགས་མི་རེ་གཉིས་ལས་མེད་ནའང་དབུས་རྒྱུན་ལས་ཁང་ཞེས་མིང་རྫིག་པོ་ཞིག་བཏགས་ཀྱི་ཡོད་པ་ལྟར་ད་རེས་དབུས་གཙང་ཆོལ་ཁའི་དབུས་རྒྱུན་ལས་ཁང་ཞེས་ཁོང་ཚོ་མི་འགའ་ཤས་ཀྱིས་ཐག་གཅོད་བྱས་ཏེ་ཆོལ་ཁ་ཞིག་གི་མིང་འཁྱེར་བ་ལས། དོན་དངོས་ཐོག་སྐྱེས་ཡུལ་དབུས་གཙང་ཁུལ་ནས་ཡིན་པའི་བོད་མི་མང་ཆེ་བ་ནི་བོད་མི་ས་ཡ་དྲུག་གི་བདེ་སྡུག་གམ། བོད་མི་སྐྱིད་སྡུག་མཉམ་མྱོང་གི་བསམ་བློ་གཏིང་ཟབ་ཡོད་པའི་བོད་མི་ཚད་ལྡན་ཞིག་བྱས་པ་ལས་ལུང་ཚན་ཕྱོགས་རིས་འཐེན་འཁྱེར་བྱས་ཏེ་རྙོག་ཁྲ་བཟོས་པའི་ལོ་རྒྱུས་ད་བར་གོ་རྒྱུ་མེད་པ་ལྟ་བུ་རེད། དཔེར་ན། བཙན་བྱོལ་ནང་བོད་མི་མང་ཆེ་བ་ནི་སྐྱེས་ཡུལ་དབུས་གཙང་ཁུལ་ནས་ཡིན་ཀྱང་བཀའ་ཁྲིའི་འོས་འདེམས་ཐེང་གཉིས་ཀ་ཟམ་གདོང་རིན་པོ་ཆེར་ཐོབ་པ་དེ་ལུང་ཚན་གང་ནས་ཡིན་མིན་ལ་མ་ལྟོས་པར་ཤེས་འཇོན་ཡོད་པའི་སྤྱི་མི་ཚད་ལྡན་ཞིག་ལ་རྒྱབ་སྐྱོར་བྱས་པའི་རྣམ་པ་གསལ་པོ་ཞིག་བསྟན་པ་མ་རེད་པས།། མ་གཞི་ནས་ཆོལ་ཁའི་ཚོགས་པ་དགོས་དོན་ག་རེ་འདུག་གམ། དགོངས་པ་བཞེད་རོགས་གནང་། ངས་ནི་ང་ཚོ་བོད་རིགས་ནང་ཁུལ་ཕྱོགས་རིས་འཐེན་འཁྱེར་སོགས་རྙོག་ཁྲ་བཟོ་མཁན་ཞིག་ལས་དགེ་མཚན་ཏིལ་འབྲུ་ཙམ་ཡང་མཐོང་གི་མེད།།
ད་རེས་ལྷ་སྨོན་པ་ཏོག་ཙམ་ངར་ཁུལ་རེད་འདུག་ག ལི་ཐང་ཨ་དར་ཅན་གྱི་དེབ་དེ་ཚོ་བསྔོགས་ནས་འདྲ་ཆགས་ཆགས་ཤིག་བྲིས་ཡོང་གི་འདུག་ག ཨ་ཙི་ཀུ་རེ་ཡིན།
དྲང་པོ་བཤད་ན། ད་ལྟ་ཐོན་བསྡད་པའི་འོས་མི་དེ་ཚོའི་ནང་ནས་སུ་ཞིག་ལ་ང་རང་གི་འོས་དེ་འཕེན་དགོས་མིན་མ་ཤེས་པར་བསྡད་ཡོད།
ལུང་རིགས་ཀྱིས་བཀྲས་མཐོང་ལ་རྒྱབ་སྐྱོར་གནང་བ་ཙམ་དུ་མ་ཟད། རྒྱབ་སྐྱོར་གནང་མཁན་སྔ་ཤོས་གྲས་རེད། ཡིད་མ་ཆེས་ན་ཁོང་གི་ཟིན་བྲིས་རྙིང་པ་དེ་ཚོར་གཟིགས།
ཨ་རི་ཐེབས་རྩ་ནི་སྒེར་གྱིས་བཟུང་བ་འདྲ་བོ་རེད། ཨ་རི་དོན་གཅོད་ཀྱང་ལོ་ཤས་གོང་དེའི་ཚོགས་མི་ནས་འཐེན་སོང་ང་། འཛིན་སྐྱོང་བྱེད་མཁན་ནང་འགན་འཛིན་ལྷན་ཚོགས་ཤིག་ནི་མ་ཡོད་རང་ཡོད་རེད། ཐོག་མར་འཛུགས་དུས་ཀྱི་དེབ་སྐྱེལ་ཁྲིམས་ཡིག་ནང་གསལ་ཡོད། དེ་མིན་ལོ་ཤས་གོང་ཐེབས་རྩའི་ལས་བྱེད་མགོ་སེར་ཞིག་གིས་ཐེབས་རྩའི་ཨ་སྒོར་ག་ཚོད་བཟས་སོང་། དེ་ལ་བྱེད་རྒྱུ་ཅི་འདུག
དེ་ཚོ་ནོར་གླིང་དང་འདྲ་བོ་རེད། སྒེར་བདག་རེད་ཟེར་བ་ལ་ནི། ཚོགས་པ་ཞིག་ཡིན་པ་འདྲ་བོ། སྒེར་བདག་མ་རེད་ཟེར་བ་ལ་ནི་ཡིན་པ་འདྲ་བོ། གང་ལྟར་དེ་འདྲ་ཞིག་རེད། བཀའ་ཟུར་རེ་རེས་ག་རེ་ག་རེ་བཟུང་འདུག ཁྱེད་རང་གིས་རྩིས་ཤིག་རྒྱོབས་དང་། ངས་ནི་འདི་ནས་རྩིས་ཞེ་དྲག་ཐེབས་ཀི་མི་འདུག་ག
ཤེས་ཡོན་དང་ཉམས་མྱོང་གཉིས་ལྡན་གྱི་སྐྱེ་བོ་། བཀྲས་མཐོང་བསྟན་འཛིན་རྣམ་རྒྱལ་ལགས་ནི་ངའི་སེམས་དབུས་སུ་ཡོད་པའི་ ༢༠༡༡ ལོའི་བཀའ་བློན་ཁྲི་པའི་འོས་མི་དེ་ཡིན། དྲ་གྲོགས་རྣམས་ཀྱི་མཁྱེན་གསལ་ལྟར། ཁོང་ནི་དབྱིན་བོད་ཀྱི་སྐད་ཡིག་གཉིས་ལ་སྦྱངས་པ་ཆེ་ཞིང། བཀའ་བློན་ཁྲི་པའི་འགན་ཡང་བཞེས་ཡོད།
ངས་ཚོད་དཔག་བྱས་པ་ལྟར། ཁང་སར་རྡོ་རྗེ་ལགས་བཀྲས་མཐོང་བསྟན་འཛིན་རྣམ་རྒྱལ་ལགས་སུ་རྒྱབ་སྐྱོར་བྱེད་མཁན་ཞིག་ཡིན་གསལ་པོ་ཆགས་སོང། ཁོང་གིས་ཨ་རིའི་བོད་ཀྱི་ཐེབས་རྩ་གསར་འཛུགས་བྱས་དང། ཁོང་གིས་སྒེར་བདག་མ་བྱས་པའི་བྱས་རྗེས་བགྲང་འདུག་པ་མ་ཟད། ད་ལྟའི་ཆར་སྒེར་བདག་ཡིན་པ་ལྟ་བུ་བརྗོད་འདུག དེ་ཡང་གནད་དོན་འདི་དང་ཐད་ཀར་འབྲེལ་མི་ཆེ་ཡང་གསལ་བཤད་ཟུར་ཙམ་ཞུས་ན། ཨ་རིའི་བོད་ཀྱི་ཐེབས་རྩ་སྒེར་ལ་བདག་པ་ཞིག་རྩ་བ་ཉིད་ནས་མ་རེད། ཨ་རིའི་ཁྲིམས་ལུགས་ཀྱི་འགྲོ་སྟངས་ཐོག་ནས་བོད་གཞུང་གིས་རྩིས་ཞིབ་བྱེད་ཐུབ་མིན་སོགས་ཀྱི་སྐུ་ངལ་ཞིག་བྱུང་བ་བདེན་པ་རེད་ལ། གྲོས་ཚོགས་ནང་དུ་མགོ་མ་ཚོས་པ་ཁག་ཅིག་གིས་དེའི་སྐོར་ལ་སྐྱོན་བརྗོད་བྱས་པའང་བདེན་པ་རེད། འོན་ཀྱང་གོང་དུ་ཞུས་པ་བཞིན་ཨ་རིའི་བོད་ཀྱི་ཐེབས་རྩ་དེ་མི་སྒེར་ལ་བདག་པ་ཞིག་གཏན་ནས་མ་རེད་ཅེས་ད་ལྟའི་འགན་འཛིན་ལས་ཐོག་པ་རིན་ཆེན་ཐར་ལོ་ལགས་ཀྱིས་གསལ་བཤད་མང་པོ་གནང་ཟིན་པ་རེད། དེ་དྲ་གྲོགས་ཡོངས་ལ་མཁྱེན་རྟོགས་ཀྱི་ཆེད་དུ་ཞུས་པ་ཡིན།
དེ་ནས་ཁང་སར་རྡོ་རྗེས་ཨ་རིའི་ཐེབས་རྩ་བཀྲས་མཐོང་བསྟན་རྣམ་གྱིས་བཙུགས་པ་དང། མཐའ་མ་ཁོང་གིས་སྒེར་བདག་མ་བྱས་པ་དེ་ཡག་པོ་བྱུང་ཚུལ་བརྗོད་འདུག་པ་མ་ཟད། “དེ་མིན་གྱི་བཀའ་ཟུར་ཚོ་ལ་ལྟོས་དང་། སོ་སོས་རེ་རེ་བཟུང་མ་བསྡད་པ་ཞེ་དྲག་ཡོད་མ་རེད། བཀྲས་མཐོང་འདི་བཙན་བྱོལ་ནང་གི་མི་འཇོན་ཤོས་ཤིག་རེད།” བྲིས་འདུག་པས་དེའི་ཐད་ནས་དྲི་བ་གཅིག་དང་གནས་ཚུལ་ཁ་ཤས་ཤིག་ཞུ་རྒྱུ་ཡོད། དང་པོ་ཁང་སར་རྡོ་རྗེ་ལགས་སུ་ཞུ་རྒྱུར་བཀའ་ཟུར་ནང་ནས་རེ་རེ་བཟུང་ནས་མ་བསྡད་པ་ཞེ་དྲག་ཡོད་པ་མ་རེད་ཅེས་པ་དེ། བཀའ་ཟུར་སུ་དང་སུ་རེད། བཀའ་ཟུར་ཉི་ཤུ་ལྷག་ཅིག་ཡོད་པ་རེད། དེའི་ནང་ནས་བཟུང་མ་བསྡད་པ་ཞེ་དྲག་ཡོད་པ་མ་རེད་ཅེས་བརྗོད་ཡོང་དུས། བཀའ་ཟུར་ཕལ་མོ་ཆེས་རེ་རེ་བཟུང་ཡོད་པ་ལ་གོ་བ་ལེན་དགོས་པ་རེད་དམ། དེའི་ནང་ནས་བཀའ་ཟུར་སུ་དང་སུ་རེད། ལན་འདེབས་གནང་རོགས།
དེ་ནས་བཀྲས་མཐོང་བསྟན་འཛིན་རྣམ་རྒྱལ་གྱི་སྐོར་ཁ་ཤས་ཤིག་ཞུ་རྒྱུ་ཡིན། བཀྲས་མཐོང་བསྟན་འཛིན་རྣམ་རྒྱལ་སྔོན་མ་ཨ་རིའི་དོན་གཅོད་གནང་བ་སོགས་ཀྱི་ལོ་རྒྱུས་དངོས་བདེན་ཡིན་པ་དང། རྗེས་སུ་བཙན་བྱོལ་བོད་གཞུང་གི་བཀའ་བློན་གནང་བར་ཕེབས་པའི་སྐབས་དམིགས་བསལ་སྐུ་ཚབ་ཀྱི་འགན་དབང་དང་དོན་གཅོད་ཀྱི་གོ་གནས་སོགས་ཚང་མ་བཞག་ནས་མི་ཡོང་ཀ་མེད་རེད། དེ་ནས་རྒྱ་རི་རིན་པོ་ཆེ་བཀྲས་མཐོང་བསྟན་འཛིན་རྣམ་རྒྱལ་གྱིས་མཚམས་སྦྱོར་ཞུས་པ་ལྟར་ཁོང་གི་གོ་གནས་༧གོང་ས་མཆོག་གི་དམིགས་བསལ་སྐུ་ཚབ་ཏུ་བསྐོས་པ་ཞིག་ཡིན་པ་དང། བཀྲས་མཐོང་བསྟན་འཛིན་རྣམ་རྒྱལ་༡༩༩༥ ལོར་བཀའ་བློན་ཁྲི་པ་ཡིན་བཞིན་དུ་གློ་བུར་དགོངས་པ་ཞུས་ནས་ཕེབས་པའི་སྐབས་རྒྱ་རི་བློ་གྲོས་རྒྱལ་མཚན་ལ་ཨ་རིར་ལས་ཀ་ཞིག་འཚོལ་རོགས་ཞེས་ཡི་གེ་ཕུལ་ཡང་ལན་འདེབས་མ་གནང་བར་བརྟེན། བཀྲས་མཐོང་བསྟན་འཛིན་རྣམ་རྒྱལ་དང་རྒྱ་རི་བློ་གྲོས་རྒྱལ་མཚན་གཉིས་ཞལ་ཚེར་ཚེར་ཙམ་ལས་དེང་སྐབས་མི་མཐུན་པ་དེའི་འགོ་དེ་ནས་བཙུགས་པ་རེད། ངས་འདི་ལྟར་བཤད་དགོས་དོན། ཁོང་བཀའ་བློན་ཁྲི་པ་ནས་གློ་བུར་རྩ་དགོངས་ཞུས་ནས་ཕེབས་པའི་སྐབས་ཨ་རིའི་དོན་གཅོད་དང། ཨ་རིའི་ཐེབས་རྩའི་ནང་ལག་པ་སྐྱོང་ཐུབ་ཐབས་གཏན་ནས་མེད་པ་དང། ཐ་ན་ཁོང་གིས་བཙུགས་པའི་རྒྱལ་སྤྱིའི་བོད་དོན་ལས་འགུལ་ཁང་ཞེས་པའི་གཞུང་འབྲེལ་མ་ཡིན་པའི་ཚོགས་པ་དེ་ཡང་མི་གཞན་གྱི་ལག་ཏུ་ཤོར་ཟིན་པ་རེད། དེར་བརྟེན་ཁོང་གིས་ཨ་རིའི་བོད་ཀྱི་ཐེབས་རྩ་སྒེར་བདག་མ་བྱས་པ་རེད་ཅེས་ཁང་སར་རྡོ་རྗེས་བཀྲས་མཐོང་བསྟན་རྣམ་གྱི་བྱས་རྗེས་སུ་བགྲང་པ་དེ་ཀློག་མཁན་རྣམས་མགོ་རྨོངས་ཐབས་ཁོ་ན་ལས་རྒྱུ་མཚན་གཏན་ནས་མེད་པ་ཞིག་རེད། ད་དུང་ཁོང་བཀའ་བློན་ཁྲི་པའི་གོ་གནས་ནས་གློ་བུར་རྩ་དགོངས་ཞུ་དགོས་དོན། ལ་དྭགས་ཀྱི་ར་མའི་ཁུ་ལུའི་གནད་དོན་གྱི་གླེང་རྙོག་དང་། ལ་སྤྱི་བློ་གྲོས་རྒྱལ་མཚན་གྱིས་སྤྱི་ས་སྒེར་བདག་བྱས་པའི་རྒྱབ་ལྗོངས། ཉི་ཧོང་དོན་གཅོད་ནས་བརྒྱུད་ནས་ཨ་སྒོར་ཅེག་འཛིན་མི་འདྲ་བ་ཁག་ལྔ་པ་འབྱོར་ཡང་བོད་གཞུང་གི་རྩིས་ཁོངས་སུ་མི་གསལ་བ་སོགས་ཀྱི་རྩོད་རྙོག་མང་དག་ཅིག་ཡོད་པར་བརྟེན་གནས་ཚུལ་ཞིབ་ཕྲ་ཆ་ཚང་ཤེས་ཀྱི་ཡོད་ཀྱང། ཁང་སར་རྡོ་རྗེ་ལགས་ཀྱིས་རྗེས་སུ་གནད་དོན་འདིའི་སྐོར་ལ་ལན་འདེབས་གནང་ངེས་ཡིན་སྟབས་དེ་དང་དེ་ལྟ་བུའི་གླེང་གཞི་མང་པོ་ཡོད་པ་དེ་རིང་འདིར་མི་སྤྲོ་བར་རྗེས་སུ་རིམ་པས་ཉི་མ་རིང་པོ་ལ་རྩམ་པ་ཞིམ་པོ་ཟ་ཆོག་གི་རེད།
ལུང་རིགས་རྒྱལ་ལགས་བཀྲས་མཐོང་བསྟན་འཛིན་རྣམ་རྒྱལ་གྱི་རྒྱབ་སྐྱོར་རེད་ཅེས་ཟེར་ཏེ་ངས་བལྟས་ན་ཁོང་གིས་གསར་འགོད་པ་ཞིག་དང་རྩོམ་སྒྲིག་པ་ཞིག་གི་འདུ་ཤེས་མ་དོར་བའི་ཐོག་ནས་ད་བར་དྲང་པོ་དྲང་བཞག་ཏུ་ཕེབས་པ་ལས། གཡས་འཐེན་གཡོན་ལྷུང་གི་ལྟ་ཚུལ་ཡོད་པ་གཏན་ནས་ཤེས་མ་སོང་ལ། ཁྱེད་ཀྱིས་བཤད་པ་དེ་ལ་མོས་མཐུན་ཞུ་ཐུབ་ས་མ་རེད། འོན་ཀྱང་ལུང་རིགས་རྒྱལ་ལགས་སྒེར་ངོས་ནས་འོས་ཤོག་སུ་ལ་བླུག་དགོས་དང་མི་དགོས་གནད་དོན་དེའི་ཐོག་ནས་བསམ་བློ་ཞིག་ཡོད་ཡོད་པ་རེད་དེ། དུས་རྒྱུན་ཁང་རྡོ་ལགས་ལྟ་བུ་གནང་མཁན་ཞིག་མིན་པ་ཧ་ཅང་གསལ་པོ་རེད།
བཀྲས་མཐོང་ལགས་ཀྱིས་ལས་དུས་མ་རྫོགས་སྔོན་ནས་གོ་གནས་བསྐྱུར་ཏེ་ཨ་རིར་ཕྱིན་པ་ཡིན་མིན་ཐད་ལ་སུས་ཀྱང་གསལ་པོ་ཞིག་གསུང་མི་འདུག འདི་གསལ་པོ་ཞིག་མ་ཆགས་ན་ཁོང་གིས་བརྩམས་པའི་བོད་དོན་ལས་འགུལ་ཁག་དང་སྤྱི་ཚོགས་ཞབས་ཞུའི་ལས་རིགས་ཁག་ཀྱང་ངང་ངམ་ཤུགས་ཀྱིས་དོགས་པ་ཅན་དུ་འགྱུར་ངེས་རེད། དེར་བརྟེན་ཁོང་ལ་རྒྱུས་མངའ་ཡོད་མཁན་ཚོས་འདིའི་ཐད་གསལ་བཤད་གནང་རྒྱུ་ཤིན་ཏུ་གལ་ཆེ། གསལ་བཤད་བྱེད་ཐུབ་ན་མ་འོངས་པའི་བཀའ་བློན་ཁྲི་པའི་འོས་གཞིར་ཕན་ཐོག་ངེས་ཅན་ཡོད་པ་དང་ད་ལྟ་ཁོང་ལ་སྐྱོན་འཛུགས་བྱེད་མཁན་མང་པོ་ཞིག་ལའང་འགྱུར་བ་འཐེབ་ངེས་རེད།
མཁས་དབང་བློ་བཟང་སེང་གེ་མཆོག་ནི། ཤེས་འཇོན་གཉིས་ལྡན་གྱི་གཤོག་རླབས་རྒྱས་པའི་དེང་རབས་ཀྱི་ངང་པ་དཀར་པོ་ཞིག་དང་། རང་ཅག་བོད་འབངས་རྣམས་ཀྱི་དབུ་ཁྲིད་འོས་པའི་ཆེས་རྣམ་པར་འགྱུར་བའི་འཛུམ་མདངས་གསར་པ་ཞིག། བོད་ཀྱི་སྲིད་འཛིན་དུ་འོས་ཤིང་འཚམ་པ་ལས། སྤྱི་ཚོགས་ཀྱི་གར་སྟེགས་ཐོག་འཆམ་འབག་སྣ་ཚོགས་བསྒྱུར་ཟིན་པའི་མི་སྣ་ཞིག་སླར་ཡང་གར་སྟེགས་ཐོག་ཁྱེད་ཀྱི་ཕྱི་ནང་མི་མཚུངས་པའི་གར་འཆམ་དེ་ལ་དེང་རབས་ཀྱི་བོད་ཀྱི་ན་གཞོན་རྣམས་ཀྱིས་ཡིད་གར་ཚིམ་པའི་འཁྲབ་སྟོན་ཞིག་སླར་ཡང་ལྟ་འདོད་མི་འདུག་ལགས།
བོད་ཀྱི་གཏམ་དཔེར་ བོད་ལ་བདེ་སྐྱིད་བྱུང་ན། རྒྱལ་པོ་ཨ་ཎེའི་བྱས་ཀྱང་མཆོག ཞེས་པའི་གཏམ་དཔེ་དེ་༧གོང་ས་སྐྱབས་མགོན་ཐམས་ཅད་མཁྱེན་པའི་ཞལ་ནས་ཀྱང་ཐེངས་གཉིས་གསུམ་ཐོས་མྱོང།
བཙན་བྱོལ་བོད་མིའི་བཅའ་ཁྲིམས་སུ་བཀའ་ཁྲིའི་ཆ་རྐྱེན་ནང།
༡༽ སྐུ་དྲག་གི་རྒྱུད་པ་མིན་པ།
༢༽ སྐྱེས་དམན་ཕྱི་མི་མ་ཡིན་པ།
༣༽ ལོ་དྲུག་བཅུ་འགའ་བ་མ་ཡིན་པ།
༤༽ དེ་སྔོན་བཀའ་བློན་བྱ་མ་མྱོང་མཁན།
༥༽ བོད་གཞུང་གི་ལས་སྣེ་རྩ་བ་ནས་བྱ་མྱོང་མེད་པ།
༦༽ ཁྲིམས་ཀྱི་སློབ་སྦྱོང་ཡོད་པ།
དོན་ཚན་དེ་དག་བཅའ་ཁྲིམས་ནང་ཡོད་ན་རྟག་རྟག་རེད་འདུག་སྟེ་ད་ལྟའི་འཆར་དེ་དག་མེད་སེམས་སྐྱོ་མཁན་མང་པོ་ཡོད་བཟོ་ཆེ་ང་ནི་དེ་དག་ལ་སྙིང་རྗེའི་ཉམས་ལེན་བྱ་བཞིན་ཡོད།
བོད་ཀྱི་གཏམ་དཔེར་ བོད་ལ་བདེ་སྐྱིད་བྱུང་ན། རྒྱལ་པོ་ཨ་ཎེའི་བྱས་ཀྱང་མཆོག ཞེས་པའི་གཏམ་དཔེ་དེ་༧གོང་ས་སྐྱབས་མགོན་ཐམས་ཅད་མཁྱེན་པའི་ཞལ་ནས་ཀྱང་ཐེངས་གཉིས་གསུམ་ཐོས་མྱོང།
བཙན་བྱོལ་བོད་མིའི་བཅའ་ཁྲིམས་སུ་བཀའ་ཁྲིའི་ཆ་རྐྱེན་ནང།
༡༽ སྐུ་དྲག་གི་རྒྱུད་པ་མིན་པ།
༢༽ སྐྱེས་དམན་ཕྱི་མི་མ་ཡིན་པ།
༣༽ ལོ་དྲུག་བཅུ་འགའ་བ་མ་ཡིན་པ།
༤༽ དེ་སྔོན་བཀའ་བློན་བྱ་མ་མྱོང་མཁན།
༥༽ བོད་གཞུང་གི་ལས་སྣེ་རྩ་བ་ནས་བྱ་མྱོང་མེད་པ།
༦༽ ཁྲིམས་ཀྱི་སློབ་སྦྱོང་ཡོད་པ།
དོན་ཚན་དེ་དག་བཅའ་ཁྲིམས་ནང་ཡོད་ན་རྟག་རྟག་རེད་འདུག་སྟེ་ད་ལྟའི་འཆར་དེ་དག་མེད་སེམས་སྐྱོ་མཁན་མང་པོ་ཡོད་བཟོ་ཆེ་ང་ནི་དེ་དག་ལ་སྙིང་རྗེའི་ཉམས་ལེན་བྱ་བཞིན་ཡོད།
སྤྱིར་སྨྲ་བརྗོད་རང་དབང་ཡིན་ཀྱང་རང་གིས་གང་སྨྲས་པ་དེའི་འགན་རང་གི་འགན་རང་ཉིད་འཁྱེར་ཐུབ་ཀྱིས་ཡོད་ན་དངོས་མིང་ཐོག་ནས་ཁུང་ལུང་དང་ལྡན་ངེས་ཀྱི་སྒོ་ནས་སྐྱོན་བརྗོད་མཛད་དང་རྗེས་སུ་ཡིད་རང་ཞུ་མཆོག་ལ་རྒྱབ་སྐྱོར་ཡང་ཐ་གཅིག་དུ་ཞུ་རྒྱུ་ཡིན། དེ་མིན་ཡོལ་བའི་རྒྱབ་ནས་མུག་མུག་འདོན་པ་ནི་དཀྲུགས་ཤིང་རང་ཡིན་པས་ངོ་རྒོལ་ཡོད། གདོང་ལ་དོན་ཤོག་དང་། རྒྱབ་སྐྱོར་ཞུ་མཆོག གལ་ཏེ་རང་ཉིད་ཀྱི་འདོད་མོས་ཡོད་པའི་མི་དེ་བཀའ་ཁྲི་མི་ཐོབ་པ་ཚོད་གམ་ཐེག་ནས་བཀའ་ཁྲི་ཐོབ་ཏན་འཁེལ་བ་ཞིག་ལ་སྒྲོ་འདོགས་སྤེལ་བ་ཡིན་ན་ཡག་པོ་རྩ་བ་ནས་མ་རེད། བཟང་སྤྱོད་དེ་བས་མ་རེད།
དྲ་གྲོགས་ཐུབ་བསྟན་ལགས། ངས་ཁྱེད་ལ་དྲི་བ་ཞིག་བྱེད། བཀྲས་མཐོང་བསྟན་འཛིན་རྣམ་རྒྱལ་བཀའ་ཁྲི་ལ་འདུག་སྐབས་སྒོར་མོའི་ཕྱོགས་ནས་གནད་དོན་མེད་ན་སྐབས་དེའི་བཙན་བྱོལ་བོད་མིས་འབུམ་དགུ་བ་ལ་ཕྱག་འཚལ་ལོ་ཞེས་སྒྲོལ་མའི་བསྟོད་པ་གསར་བ་ཞིག་རྩོམ་དགོས་པའི་གནད་དོན་ཅི་ཞིག་རེད།
བཀྲས་མཐོང་བསྟན་འཛིན་རྣམ་རྒྱལ་འདིས་ཐབས་ག་ཚོད་སྐྱོ་ཀྱང་རང་ཉིད་རྒྱ་ཁུངས་ཡིན་ཞེས་ལབ་མདོག་ཁག་པོ་མི་འདུག
གནས་ཚུལ་འདི་ཚོ་ལ་བལྟས་ན་ཁོང་བཀའ་ཁྲི་འོས་བབ་འདུག
འདི་ནི་བོད་མི་མགོ་ཁྲིད་མཁན་ཞིག་ལ་ཚང་དགོས་པའི་ཁྱད་ཆོས་་་་ཨང་དང་པོ་རེད་སྙམ།
ཐུབ་བསྟན་ལེགས།མདུན་དུ་ཡོང་ནས་ལབ་རོགས་ཟེར་བ་དེ་སྤྱི་ཚོགས་ཀྱི་འགྲོ་སྟིང་མ་ཆགས་པས་སྐྱོན་རེད།ཁྱོད་རང་ཉིད་ཀྱི་རང་ལ་ཞུབ་འཇུག་བྱེད་རོགས།ཁྱོད་སུ་ཞིག་ཡིན་མིན་དང་སུ་ཞིག་གི་ཤ་ཞེན་ཡིན་མིན་དེ་རང་གི་རང་ལ་བརྟགས་དཔྱོད་བྱེད་རོགས།དྲང་བོར་ཡོངས་པའི་རེ་བ་ཡོད།
ཆེས་ཤིན་ཏུ་ཉན་མི་སྤྲོ་བའི་སྐད་ཆ་ཞིག་ནི།
མི་རེ་ཟུང་གིས་སོ་སོ་ལྐུན་མ་ནང་ལྟར་ངོ་གདོང་མི་མང་ལ་སྟོན་མི་ཕོད་པར་མིང་རྫུན་མ་འདྲ་མིན་བེད་སྤྱོད་ཀྱིས་རླབས་ཆེན་བྱས་རྗེས་ཅན་གྱི་གནད་ཡོད་མི་སྣ་བཀའ་ཟུར་བཀྲས་མཐོང་བསྟན་འཛིན་རྣམ་རྒྱལ་མཆོག་ལྟ་བུ་ལ་རྒྱུ་མཚན་གང་ཡང་མེད་པའི་ཉེས་འཛུགས་མིང་ཆད་འདྲ་མིན་བཟོ་ཐབས་བྱེད་བཞིན་པ་འདི་རེད།
ཁོང་སྐུ་དྲག་གི་རིགས་རྒྱུད་པས་བཀའ་ཁྲིར་ཕེབས་མི་ཆོག་པ་གང་གིས་ཡིན་ནམ། ལྐུགས་རྟགས་མ་སྟོན།
འདི་ནི་རྒྱ་དམར་གྱི་གསང་ཉུལ་བའི་ཆོ་འཕྲུལ་ཡིན་ཞེས་ང་ཚོས་ཁ་ཚོན་བཅད་ནས་བཤད་ཐུབ། གལ་སྲིད་དངོས་གནས་ཁོང་ལ་དེ་འདྲའི་སྐྱོན་ཆ་ཡོད་པ་ཤེས་མཁན་ཡོད་ན་དངོས་སུ་མདུན་ལ་ཐོན་ནས་འདི་དང་འདི་འདྲ་རེད། ཅེས་གཅིག་དང། གཉིས་བྱས་ནས་ཐེར་འདོན་གྱིས་དང་དེར་ང་ཚོས་རྒྱབ་སྐྱོར་ཡོད་ལ་སྤྱི་ཚོགས་ལ་ཕན་པར་མ་ཟད། དེ་ནི་མི་མང་གིས་མང་གཙོའི་འགན་ཁྱེར་སྟངས་ཤིག་ཀྱང་རེད། གཞན་དུ་ལྐོག་ནས་དཀྲོག་གཏམ་དང། དཀྲུགས་ཤིང་གི་ལྟས་ངན་གྱི་ངུ་སྐད་འདྲ་མིན་སྣ་ཚོགས་འདོན་བཞིན་པ་འདིའི་རིགས་ནི་རྒྱལ་ཞེན་ལྷག་བསམ་གྱིས་མིན་པར་དམིགས་ཡུལ་གཞན་ཞིག་གིས་ཡིན་པར་ང་ཚོ་མི་མང་གིས་ཤེས་བཞིན་པ་ཡིན།
གངས་སྤྲེལ་ཚ་ཟེར་བ་ཞིག་གིས་བཀའ་ཟུར་བཀྲས་མཐོང་བསྟན་འཛིན་རྣམ་རྒྱལ་མཆོག་བཀའ་ཁྲིར་མི་འོས་པའི་རྒྱུ་མཚན་༥བགྲང་བ་འདི་ལྟར།
༡སྔར་ཁོང་གིས་བཀའ་བློན་བྱེད་བཞིན་པའི་སྒང་ནས་དེ་སྐྱུར་ནས་ཨ་རིར་གཞིས་ཆགས་སུ་ཕྱིན་པ་རེད་ཟེར་བ་བདེན་ན། སྐབས་དེར་ཁོང་བཀའ་བློན་འཁྱུར་རྒྱུར་ལོ་དུས་ག་ཚོད་ཡོད་དང། དེའི་ཟླ་ཚེས་ནམ་ཡིན་གསལ་བཤད་དགོས་འདུག
༢། ཁོང་བཀའ་ཁྲི་བྱེད་སྐབས་སྒོར་མོའི་རྙོག་དྲ་ཡོད་པ་ཟེར། ང་ཚོས་ཞིབ་འཇུག་མཐར་ཕྱིན་བྱས་པར་ཁོང་གིས་སྤྱི་རྒྱུ་སྐར་ལྡོག་གཅིག་ཧམ་ཟོས་མ་བྱས་པ་གསལ་པོ་ཆགས་འདུག་པས་དེའི་སྐོར་མིག་མཐོང་ལག་ཟིན་འདི་ཡིན་ཞེས་གསལ་བཤད་བྱེད་དགོས།
༣། བཟའ་ཟླ་བོད་པ་མིན་པ་ཟེར། ཁོང་གི་ཤེས་འཇོན་ལྷག་བསམ་ང་ཚོས་གཙོ་ཆེར་འཛིན་བཞིན་ཡོད་པ་ལས་ཁོང་གི་བཟའ་ཟླ་བོད་པ་ཡིན་མིན་ལ་ང་ཚོས་གཙོ་བོར་འཛིན་བཞིན་མེད། དེ་ལ་ང་ཚོར་ཁྱད་པར་གང་ཡང་མེད། འོན་ཀྱང་བཟའ་ཟླ་བོད་པ་མིན་ན་བཀའ་ཁྲིར་མི་འོས་སྐོར་འགྲེལ་བཤད་ཀྱིས་ཤིག
༤། གོ་སྐབས་དེ་སྔར་རག་ཟིན་པ་ཟེར། གོ་སྐབས་དེ་རག་ཟིན་ཀྱང་ཨ་མའི་བུ་ལ་ཡོན་ཏན་ཡོད་ན་དགའ་ལྡན་ཁྲི་ལ་བདག་པོ་མེད་པའི་དཔེ་ལྟར། ཁོང་ལ་བཀའ་ཁྲིའི་འོས་ཆོས་ཚང་ན་སླར་ཡང་བཀའ་ཁྲིར་ཕེབས་ཆོག
འོན་ཀྱང་དེ་ཕེབས་ན་མི་འགྲིག་པའི་འགྲེལ་བཤད་གནང་རོགས།
༥།ཁོང་ལ་བལྟ་བ་དང་འཆར་གཞི་གསར་བ་གང་ཡང་ཡོད་མདོག་མི་ཆེ་བ་བཅས་ཀྱིས་ཡིན་ཟེར། ཁོང་ལ་ལྟ་བ་དང་འཆར་གཞི་གསར་བ་གང་ཡང་མེད་ཅེས་ཁྱོད་ལ་བཤད་སོང་ངམ། དེ་ལྟར་མེད་པའི་འགྲེལ་བཤད་གསལ་བོ་རྒྱག་དགོས་ཡོད།
བོད་ཀྱི་གནས་སྟངས་ཆེས་ཛ་དྲག་དང། ཉེན་ཁའི་སྒང་སླེབས་བསྡད་པའི་སྐབས་འདིར་ད་དུང་ང་ཚོས་སྔ་སྲོལ་ལྟར་རྒྱལ་ཞེན་ཤེས་འཇོན་ཅན་ཚོའི་རྐང་པ་ནས་མར་འཐེན་མ་བསྡད་ན་ཡག་པོ་འདུག ཐུགས་རྗེས་གཟིགས། མི་སོ་སོའི་ཤེས་ཚད་དང། སྤུས་ཚད་ཚང་མ་སྐད་ཆའི་ལམ་ནས་གསལ་ཡོང་གིན་འདུག ང་ཚོའི་ལུང་པ་བཙན་འཕྲོག་བྱེད་པོ་རྒྱ་དམར་གྱིས་ང་ཚོའི་མིའི་ཤེས་ཚད་དང། སྤུས་ཚད་ཚང་མར་མིག་བགྲད་ནས་ཉིན་རྟག་ཏུ་ལྟ་བཞིན་དང། ཚད་འཇལ་བཞིན་ཡོད་པས་རྒྱུ་མཚན་མེད་པའི་དཀྲོགས་གཏམ་རིགས་གང་བྱུང་མ་བཤད་ན་ཡག་པོ་འདུག
མཆོག་ཏུ་བཀུར་བར་འོས་པའི་བཀའ་ཟུར་བཀྲས་མཐོང་བསྟན་འཛིན་རྣམ་རྒྱལ་ལགས། ཁྱེད་ཀྱི་མི་ཚེའི་ལོ་རྒྱུས་ཁྲོད་ཁྱད་དུ་འཕགས་པའི་སྦྱང་བརྩོན་དང་། མི་རིགས་ལ་ཞབས་འདེགས་གང་མང་ཞིག་ཞུས་འདུག་པས་རྗེས་སུ་ཡི་ཡང་དང་གུས་ཞབས་ཚད་མེད་ཡོད། དེང་གི་ཆར་སྤྱི་ཚོགས་ཁྲོད་ཁྱེད་ཀྱི་མི་ཚེའི་ལོ་རྒྱུས་ཐད་རྙོག་གླེང་མང་པོ་འདུག་པས་དེའི་གླེང་གཞི་ཇི་ལྟར་བྱུང་མིན་དང་། སྐད་ཆ་དེ་དག་ཁུངས་མེད་ཡིན་པའི་བདེན་དཔང་ཞིག་སྤྱི་ཚོགས་སྟོན་མ་ཐུབ་ན། ཁྱེད་རང་བཀའ་ཁྲིར་ཁེལ་ཡང་མི་མང་ཡིད་ཆེས་བློ་གཏད་བཅོལ་ཐབས་བྲལ་བས་བསམ་གཞིགས་གནོངས་རོགས། ལྷག་དོན་ད་ལྟའི་ཆར་བཀའ་ཁྲི་ན་གཞོན་ཞིག་དགོས་པ༧གོང་ས་མཆོག་གི་དགོངས་གཞི་ཡིན་པས་བླ་སློབ་དམ་ཚིག་ལ་དགོངས་བཞེས་གནང་རྒྱུ་གལ་ཆཻར་སེམས།
དེར་མ་ཟད་སྐུ་དྲག་གི་རིགས་རྒྱུད་ཅིག་གིས་མིང་ཐོག་ནས་བཀའ་ཁྲིར་ལངས་ན་སྤྱི་ཚོགས་རྙིང་པ་རོ་ལངས་བརྒྱག་རྩིས་ཡོད་རེད་ཅེས་རྒྱ་དམར་རྟག་ཏུ་སྒྲོག་བཞིན་པ་དེར་གཞིས་ལུས་བོད་མིར་དྭོགས་པ་ཟ་བའི་རྒྱུར་འགྱུར་སྲིད་པས་ཐུགས་བསམ་བཞེས་རྒྱུ་མ་བརྗེད་རོགས།
གཞན་ཡང་། ཁྱེད་རྒན་རབས་པ་རྣམས་ཀྱིས་ད་བར་དཀའ་བ་བརྒྱ་ཕྲག་གི་སྒོ་ནས་བོད་མི་རིགས་ཀྱི་ངོ་བོ་གནས་ཐབས་བྱས་པ་དེར་བསྔགས་བརྗོད་དང་། ད་ནི་ཁྱེད་ཅག་རྒན་ཡོལ་གྱི་ཚུལ་དུ་ངར་ངར་ཤོར་ཤོར་ལ་ཡོད་པའི་ན་གཞོན་གྱི་དཔུང་འདིའི་སློབ་སྟོན་པ་གནང་ན་འཚམས་ཤོས་སུ་མཐོང་།
ལྷ་སྨོན་པས། བཀྲས་མཐོང་ལ་རྒྱབ་སྐྱོར་བྱེད་མཁན་བདག་ཁང་རྡོར་སླེབས་ན་བགྲོ་གླེང་བྱེད་ཀི་ཡིན་ཞེས་བཤད་འདུག ངས་ནི་ད་བར་བཀྲས་མཐོང་ལ་རྒྱབ་སྐྱོར་བྱས་པ་མེད་ལ་ངོ་རྒོལ་བྱས་པའང་མེད། འོས་གཞི་གཞན་ཚོར་ཡང་དེ་བཞིན་ཡིན། ད་ལྟ་བརྟག་དཔྱད་བྱས་ན་ཡག་ཤོས་རེད། དེ་ནས་ཐག་བཅད་ཆོག་གི་རེད། བཀྲས་མཐོང་བཀའ་ཁྲི་བྱེད་པར་རྒྱབ་སྐྱོར་གནང་མཁན་གཅིག་ནི། དྲྭ་བདག་ལུང་རིགས་རྒྱལ་ལགས་རེད།
ད་ངས་བཀྲས་མཐོང་གི་དགེ་སྐྱོན་གཅིག་རེ་བཤད།
ཨ་རི་བོད་ཀྱི་ཐེབས་རྩ་ཟེར་བ་དེ་བར་སྐབས་སྒེར་གྱིས་བཟུང་བ་འདྲ་བོ་ཆགས་པ་རེད། དེ་བཀྲས་མཐོང་གིས་དཀའ་ལས་བརྒྱབ་ནས་བཙུགས་པ་རེད། འོན་ཀྱང་ཁོང་ལ་གོ་སྐབས་ཡོད་བཞིན་དུ་ཨ་རི་ཐེབས་རྩ་བཟུང་ཡོད་མ་རེད། ཁོང་གིས་བཙུགས་པ་གཞན་ཚོ་ཡང་དེ་བཞིན་རེད། དེ་མིན་གྱི་བཀའ་ཟུར་ཚོ་ལ་ལྟོས་དང་། སོ་སོས་རེ་རེ་བཟུང་མ་བསྡད་པ་ཞེ་དྲག་ཡོད་མ་རེད། བཀྲས་མཐོང་འདི་བཙན་བྱོལ་ནང་གི་མི་འཇོན་ཤོས་ཤིག་རེད།
ད་སྐྱོན་ཆ་བཤད། ཡཱ། ལྷ་སྨོན་པས། ཀུ་ཅི། བཤད་དང་ཞེས་ཞུ་བ་འཐེན་ན་མ་གཏོགས་སྐྱོན་དེ་ད་ལྟ་བཤད་ཀི་མིན།
ད་བར་ཚོགས་པ་དང་་སྐྱིད་སྡུག་སྒེར་པ་ག་གེ་མོ་རེ་ནས་བཏོན་པའི་བཀའ་བློན་ཁྲི་པའི་འོས་མི་གཤམ་གསལ།
༼༡༽བཀྲས་མཐོང་བསྟན་འཛིན་རྣམ་རྒྱལ།
༼༢༽མཁས་དབང་བློ་བཟང་སེང་གེ
༼༣༽ འཁོར་ཚ་བསོད་ནམས་སྟོབས་རྒྱལ།
༼༤༽རྔ་པ་ཚེ་རྒྱམ།
༼༥༽ རིན་ཆེནམཁའ་འགྲོ
༼༦༽ རྒྱ་རི་སྒྲོལ་མ།
༼༧༽ སྤེན་པ་ཚེ་རིང་།
༼༨༽ བཀའ་ཟུར་རྗེ་བཙུན་པད་མ།
༼༩༽ རྟའུ་བློ་བཟང་དཔལ་ལྡན་
༼༡༠༽ ཌོག་ཊར་དཀོན་མཆོག་བསྟན་དར།
༼༡༡༽སྐུ་ཚབ་སྐལ་བཟང་རྒྱལ་མཚན།
༼༡༢༽ བཀའ་ཟུར་རྒྱ་རི་བློ་གྲོས་རྒྱལ་མཚན།
༼༡༣༽རྣམ་སྤེལ་ཚང་བློ་བཟང་སྦྱིན་པ།
༼༡༤༽བུ་ཆུང་ཚེ་རིང་།
༼༡༥༽ཀརྨ་ཆོས་འཕེལ།
༼༡༦༽པད་མ་འབྱུང་གནས།
༼༡༧༽ སྟག་ལྷ་སྐལ་བཟང་དབྱངས་སྐྱིད
༼༡༨༽ རྫ་ཡུལ་བློ་བཟང་སྙན་གྲགས།
༡༩༽འབྲོང་ཆུང་དངོས་གྲུབ།
༢༠བཀའ་ཟུར་བཀྲ་ཤིས་དབང་འདུས།
༢༡༽སྤྱི་ཟུར་ཧོར་གཙང་འཇིགས་མེད།
༢༢ ཨ་ལགས་འཇིགས་མེད།
གོང་གསལ་མི་ཉེར་གསུམ་པོ་བར་ཚོགས་པ་དང་སྐྱིད་སྡུག་སོགས་ཀྱིས་བཏོན་པའི་འོས་མི་རེད།
བཀའ་ཁྲི་ལ་དངོས་སུ་མ་ལངས་པའི་སྔོན་ལ་ཅི་ཡང་བཤད་རྒྱུ་མེད། ལངས་ཡོང་སྟེ་གན་དང་འདི་བྱ་རྒྱུ་ཡིན། ངས་ཁྱོད་ཚོར་ཁས་ལེན་ཆོག སྔོན་ཆད་མ་འགྲིག་པ་འདི་འདུག འཐུས་ཚོར་ལ་འདི་ཕྱིན་འདུག འགྲོ་རྐྱེན་འདི་རེད། དེ་ཡར་རྒྱས་གཏོང་ཐབས་འདི་ཡོད་ཅེས་རེ་རེ་བཞིན་སྒོག་ཤུན་ཕྱི་བ་བཞིན་མིག་ཐོག་ལ་རྡོག་རྡོག་རེ་སྟོན་རྒྱུ་ཡོད་ན་གཞི་ནས་ངས་ཁོང་ལ། ཡ་ཡ། ཐུགས་རྗེ་ཆེ། ངས་ཁྱོད་ལ་འོས་འཕེན། ཁྱོད་རང་ཁ་དན་ཚིག་ལ་ངེས་པར་དུ་གནས་དགོས་ཞེས་ཁོང་ལ་འོས་ཤོག་དེ་འཕེན་རྒྱུ་ཡིན།
ཡར་དེད་མར་དེད་གང་ལྟར། བཀྲས་མཐོང་བསྟན་འཛིན་རྣམ་རྒྱལ་དང་། བློ་བཟང་སེང་གེ། རྒྱ་རི་སྒྲོལ་མ་གསུམ་གྱི་ནང་ནས་གཅིག་འདེམ་དགོས་དུས་དཀའ་ལས་ཅུང་ཡོད་པ་རེད།
མགོ་དཀྲུག་དཀྲུག་མང་ཙམ་བྱེད་དགོས་པ་རེད།
མི་འདི་དག་གི་སུ་ཡོང་རུང་ཆེན་པོ་ཆེན་པོ་ཞིག་འགྲུབ་རེ་མེད། རེད་དེ་ཆུང་ཆུང་དེ་འདྲ་འཐུས་ཤོར་ལ་འགྲོ་སྲིད་སྟབས་དེ་ལ་དོ་སྣང་བྱེད་དགོས་རེད་ཀྱི་དྲན།
འདི་གའི་དྲ་ཟོག་རྣམས་ལ་ཞུ་རྒྱུར།
སོ་སོ་ལ་འོས་འཕེན་འདོད་མེད་ན་དེ་ག་རང་རེད། ཡིན་ནའང་ཆེད་དུ་མི་དང་མིའི་བར་ལ་དཀྲུག་ཤིང་ཟོལ་འདྲ་བོ་དེ་འདྲ་འཁུར་མ་ཡོང་ན་ཡག ཁོང་རྐུན་མ་ཡིན་རབས་དང་། ཁོང་ལོ་ལོན་ཡིན་རབས་ཀྱིས་དམའ་འབེབས་མ་བྱེད་རོགས། ང་ཚོ་འདི་འདྲའི་རླབས་ཆེ་བའི་མི་སྣ་རེ་ཡོད་པ་ལ་སྤོབས་་པ་སྐྱེས་དགོས། རང་རང་གིས་རྒྱབ་སྐྱོར་བྱེད་སའི་བཀའ་ཁྲི་སུ་ཡིན་ན་ཁོག་རྩིས་ཤིག་དགོས་པ་རེད། ཡིན་ནའང་དོན་མེད་དུ་མི་ལ་སྡིགས་ནས་ཡོང་རྒྱུ་མེད། ད་དུང་ཆོལ་ཁ་དང་ལུང་ཚན་གྱིས་སྐད་ཆ་མ་བཤད། ཁོང་གིས་ཁྱེད་ཀྱིས་ག་རེ་རྐུས་སོང་བ་དེ་ར་སྤྲོད་རྒྱུ་ཡོད་གསལ་བོ་བཟོས། དེ་མིན་རི་བོང་ཅལ་འདྲོགས་ཀྱི་ངང་ཚུལ་རིགས་དོར་རན་ཡིན།
ངས་བལྟས་ན་བཀྲས་མཆོག་ད་ལན་གྱི་བཀའ་ཁྲི་ལ་འོས་བབས་མེད།
རྒྱུ་མཚན་ནི་།
༡། སྔར་ཁོང་གིས་བཀའ་བྱེད་བཞིན་པའི་སྒང་ནས་དེ་སྐྱུར་ནས་”ནང་མིའི་དོན་གྱིས”ཨ་རིར་གཞིས་ཆགས་བྱེད་དུ་ཕྱིན་པ།
༢། ཁོང་བཀའ་ཁྲི་བྱེད་སྐབས་སྒོར་མོའི་རྙོག་དྲ་ཡོད་པ།
༣། བཟའ་ཟླ་བོད་པ་མིན་པ།
༤། གོ་སྐབས་དེ་སྔར་རག་ཟིན་པ།
༥། ཁོང་ལ་བལྟ་བ་དང་འཆར་གཞི་གསར་བ་གང་ཡང་ཡོད་མདོག་མི་ཆེ་བ་བཅས་ཀྱིས་ཡིན།
གཞན་ཡང་རྩོམ་ཡིག་འདིར་”སྤྱི་ལོ་ ༡༩༩༥ ལོར་བཀའ་བློན་གྱི་མཛད་ཁུར་འཁྱུར་ནས།” ཞེས་པ་”བཀའ་བློན་གྱི་ལས་ཁུར་གཡུགས་ནས” ཞེས་སུ་བཅོས་དགོས་པར་སྣང་། འདི་ལ་བལྟས་ན་རྩོམ་འདིར་སྒྲོ་འདོགས་ཅུང་ཟད་ཡོད་པ་གསལ་བོར་ཤེས་ཐུབ་ཀྱི་འདུག
ཆེས་ཤིན་ཏུ་ཉན་མི་སྤྲོ་བའི་སྐད་ཆ་ཞིག་ནི། མི་རེ་ཟུང་གིས་སོ་སོ་ལྐུན་མ་ནང་ལྟར་ངོ་གདོང་མི་མང་ལ་སྟོན་མི་ཕོད་པར་མིང་རྫུན་མ་འདྲ་མིན་བེད་སྤྱོད་ཀྱིས་རླབས་ཆེན་བྱས་རྗེས་ཅན་གྱི་གནད་ཡོད་མི་སྣ་བཀའ་ཟུར་བཀྲས་མཐོང་བསྟན་འཛིན་རྣམ་རྒྱལ་མཆོག་ལྟ་བུ་ལ་རྒྱུ་མཚན་གང་ཡང་མེད་པའི་ཉེས་འཛུགས་མིང་ཆད་འདྲ་མིན་བཟོ་ཐབས་བྱེད་བཞིན་པ་འདི་རེད། འདི་ནི་རྒྱ་དམར་གྱི་གསང་ཉུལ་བའི་ཆོ་འཕྲུལ་ཡིན་ཞེས་ང་ཚོས་ཁ་ཚོན་བཅད་ནས་བཤད་ཐུབ། གལ་སྲིད་དངོས་གནས་ཁོང་ལ་དེ་འདྲའི་སྐྱོན་ཆ་ཡོད་པ་ཤེས་མཁན་ཡོད་ན་དངོས་སུ་མདུན་ལ་ཐོན་ནས་འདི་དང་འདི་འདྲ་རེད། ཅེས་གཅིག་དང། གཉིས་བྱས་ནས་ཐེར་འདོན་གྱིས་དང་དེར་ང་ཚོས་རྒྱབ་སྐྱོར་ཡོད་ལ་སྤྱི་ཚོགས་ལ་ཕན་པར་མ་ཟད། དེ་ནི་མི་མང་གིས་མང་གཙོའི་འགན་ཁྱེར་སྟངས་ཤིག་ཀྱང་རེད། གཞན་དུ་ལྐོག་ནས་དཀྲོག་གཏམ་དང། དཀྲུགས་ཤིང་གི་ལྟས་ངན་གྱི་ངུ་སྐད་འདྲ་མིན་སྣ་ཚོགས་འདོན་བཞིན་པ་འདིའི་རིགས་ནི་རྒྱལ་ཞེན་ལྷག་བསམ་གྱིས་མིན་པར་དམིགས་ཡུལ་གཞན་ཞིག་གིས་ཡིན་པར་ང་ཚོ་མི་མང་གིས་ཤེས་བཞིན་པ་ཡིན།
ཁོང་ལ་ལྐོག་ཟ་རུལ་སུང་གི་གནས་ཚུལ་ཡོད་མེད་གང་ལྟར་རུང་། བཀའ་ཁྲིའི་ལས་དུས་མ་རྫོགས་གོང་ནས་གོ་གནས་བསྐྱུར་ཏེ་ཨ་རིར་ཕྱིན་པ་དེས་བཟང་སྤྱོད་ཀྱི་ཐོག་ནས་བོད་མི་མང་དང་༸གོང་ས་མཆོག་གི་རེ་བ་སྟོང་ཟད་དུ་བཏང་བ་དང་། མི་གཞིའི་ཆ་ནས་སྤྱི་ཡི་ལས་དོན་ལས་རང་ཉིད་ཀྱི་དཔལ་འབྱོར་གཙོ་གནད་དུ་འཛིན་མཁན་ཞིག་ཡིན་པ་གསལ་བཤད་བྱས་འདུག འདི་འདྲའི་སྐྱོན་ཆ་མཐོང་བཞིན་དུ་ད་དུང་འོས་མིར་འདེམས་པའམ་ཁྱབ་བསྒྲག་བྱེད་པ་ནི་ཆོལ་ཁ་གཅིག་པའི་ལ་རྒྱ་བཟུང་བ་ཙམ་ལས་བོད་སྤྱི་བའི་བདེ་སྡུག་དང་གཉན་འཕྲང་ཅན་གྱི་དུས་ཚོད་ལ་བསམ་བློ་མ་བཏང་བའམ་གཏོང་མ་ཤེས་པ་རེད།
བཀའ་བློན་ཁྲི་ཟུར་བཀྲས་མཐོང་བསྟན་འཛིན་རྣམ་རྒྱལ་ལགས་བཀའ་བློན་ཁྲི་བ་འོས་བླུགས་འདོད་མེད་ལ་སེམས་སྟིང་ནས་འདོད་པ་ཡང་མེད།གང་ཡིན་ཟེར་ན་དགོངས་ལོ་ཆེ་པོ་རེད།ད་ལྟ་༸གོང་ས་མཆོག་བཞུགས་སྐབས་གཞོན་སྐྱེས་ཞིག་ལ་ཐོབ་དགོས་ངེས་རེད་བསམ་གི་ཡོད།དེ་ང་ཚོའི་མའོང་བའི་ལས་དོན་བསྒྲུབ་ཕྱོགས་ཐད་ཐན་ཐོག་ཡོད་རེད་བསམ་སོང་།མི་མང་ཚང་མའི་མ་ནོར་བ་བྱེད་རོགས་གནང་།ཆོལ་ཁའི་ཞེན་ཁོག་གིའི་ང་ཚོ་ལ་ད་ལྟ་པར་དུ་ཀྱོང་སྤྲད་པ་མང་མེད་ན་ཉུང་མེད།མའོང་བར་བསམ་བློ་གཏོང་རོགས་ཞེས་འབོལ་བསྐུལ་ཞུ།
ལོ་ན་68ལ་སོན་པའི་རྒན་པོ་འདི་ཚོ་བཀའ་ཁྲིར་འདེམས་པ་ནི་ནོར་འཁྲུག་རེད།།
ཉིན་གཅིག་རྐུ་མ་ཚེ་གཅིག་རྐུ་མ་ཟེར་བ་ཡང་ནོར་འཁྲུག་རེད།།
འོན་ཀྱང་བཀའ་ཁྲི་ལ་མྱི་ཁ་ཅན་ཞིག་འདེམས་མི་ཆོག་པ་མཁྱེན་གསལ་རེད།།
༑ ལྐོག་ཟ་རུལ་སོགས་བྱས་པའི་ལོ་རྒྱུས་ཁུངས་ལྡན་ཡོད་ན་འདིར་བཀོད་དང་། སྤྱིར་ང་ཚོར་མཁས་དབང་དུ་འབོད་པའི་བློ་བཟང་སེངྒེ་དེ་དང་འདི་གཉིས་ཙམ་ལས་མེད་ཅི་ཡིནད་ན་བཙན་བྱོལ་ལ་མི་རྫོགས་འདུག
ཁོང་ལ་བྱས་རྗེས་མང་པོ་འདྲེན་རྒྱུ་འདུག་པར་རྗེས་སུ་ཡི་རང་ཡོད།
འོན་ཀྱང་ངས་བལྟས་ན་བཀྲས་མཆོག་ད་ལན་གྱི་བཀའ་ཁྲི་ལ་འོས་བབས་མེད།
རྒྱུ་མཚན་ནི་།
༡། སྔར་ཁོང་གིས་བཀའ་བྱེད་བཞིན་པའི་སྒང་ནས་དེ་སྐྱུར་ནས་”ནང་མིའི་དོན་གྱིས”ཨ་རིར་གཞིས་ཆགས་བྱེད་དུ་ཕྱིན་པ།
༢། ཁོང་བཀའ་ཁྲི་བྱེད་སྐབས་སྒོར་མོའི་རྙོག་དྲ་ཡོད་པ།
༣། བཟའ་ཟླ་བོད་པ་མིན་པ།
༤། གོ་སྐབས་དེ་སྔར་རག་ཟིན་པ།
༥། ཁོང་ལ་བལྟ་བ་དང་འཆར་གཞི་གསར་བ་གང་ཡང་ཡོད་མདོག་མི་ཆེ་བ་བཅས་ཀྱིས་ཡིན།
གཞན་ཡང་རྩོམ་ཡིག་འདིར་”སྤྱི་ལོ་ ༡༩༩༥ ལོར་བཀའ་བློན་གྱི་མཛད་ཁུར་འཁྱུར་ནས།” ཞེས་པ་”བཀའ་བློན་གྱི་ལས་ཁུར་གཡུགས་ནས” ཞེས་སུ་བཅོས་དགོས་པར་སྣང་། འདི་ལ་བལྟས་ན་རྩོམ་འདིར་སྒྲོ་འདོགས་ཅུང་ཟད་ཡོད་པ་གསལ་བོར་ཤེས་ཐུབ་ཀྱི་འདུག
སྤྱི་ཚོགས་རྙོག་གླེང་དང་རུལ་སུངས་ཅན་གོང་བུ་ཁ་བྲལ་གཏོང་མཁན་རྣམས་བཀའ་ཁྲི་རུ་འདེམ་མིན་ད་ལྟ་ནས་བསམ་དགོས།
བཀྲས་མཐོང་བསྟན་འཛིན་རྣམ་རྒྱལ་ལགས་ནས་བོད་དོན་ཐོག་ཕྱག་ལས་མང་པོ་གནང་འདུག་། ཡིན་ཡང་ང་ལ་དགོས་པས་བཀའ་ཁྲི་ཁོང་མ་རེད།
བཀྲས་མཐོང་བསྟན་འཛིན་རྣམ་རྒྱལ་ལགས་དགུང་གྲངས་༦༠་ལ་ཕེབས་ཡོད་པ་དངསྐུ་པར་དགུང་གྲངས་༤༥ལས་ཕེབས་མི་འདུག།།
རྒྱབ་སྐྱོར་མེད།
ངོ་མ་བཙན་བྱོལ་བོད་མི་བརྙིད་ལས་སད་ཡོད་མཁན་ཞིག་ཡིན་སྤོ་རྒན་འདི་བཀའ་ཁྲིའི་འོས་ཤོག་ཁ་པོ་རེད། ངས་ནི་མགོ་དུམ་བུར་གཅོད་ནས་ས་རུ་གཡུག་ཀྱང་མི་འདི་འོསཤོག་མི་འཕེན་ཐག་ཆོད་ཡིན་
དེ་རིང་བཀྲས་མཐོང་བསྟན་འཛིན་རྣམ་རྒྱལ་དགུང་ལོ་ཆུ་འདོག་ཁ་པོ་ཞིག་འདུག་མིག་ཤེལ་ཀྱང་མི་དགོས་པ་ཆག་འདུག
འདི་གཅིག་བྱས་ན་ཡར་ཐོན་ཅན་གྱི་རྒྱལ་ཁབ་ཨ་རི་ནས་དེས་རབ་ཀྱི་ཚན་རིག་ལག་རྩལ་སོགས་བེད་སྤྱོད་བྱས་ནས་བཟོས་པ་ཡིན་རྒྱུ་རེད། དེ་མིན་ན་སྔོན་མ་ལོ་ཆུང་སྐབས་ཀྱི་འདྲ་པར་ཞིག་ཡིན་པ་ཐག་ཆོད།
ལོ་རྒྱུས་ཡང་ཡིན་འདོག་ཁ་པོ་བྲིས་འདུག་ཡིན་ནའང་དེང་སང་གི་མི་རབས་འདི་ཚོ་ལས་སླ་བོ་མགོ་སྐོར་གཏོང་མི་ཐུབ། གང་ལྟར་དྲ་གྲོགས་མི་ཉུང་བ་ཞིག་གི་ཁོང་གིས་ལོ་རྒྱུས་ཐད་ལ་ནག་ཐིག་ཕོག་ཡོད་པའི་གླེང་མོལ་མང་པོ་འདུས་པས་འདིའི་ཐོག་ལ་མཁྱེན་རྒྱ་ཡང་པའི་སྤུན་ཟླ་རྣམ་པའི་རྣམ་དཔྱོད་དང་ཤེས་རབ་ཀྱི་རྩལ་ལ་བརྟེན་ནས་བསམ་བློ་གཏང་རོག
ངེས་རེ་བ་ལ་ཐུགས་རྗེ་གཟིགས་མི་རབས་རྒན་པ་ཚོའི་གཞོན་སྐྱེས་ཤེས་ཡོན་ཅན་དག་ལ་རྩིས་སྤྲོད་རོག་ཞེས་འབོད་བསྐུལ་ཞུ་རྒྱུ་ཡིན།
ང་ལ་འོས་མི་ལངས་མཁན་དང་། ཡང་འོས་མི་མཚམས་སྦྱོར་བྱེད་མཁན་དག་ཡོངས་ལ་བསམ་འཆར་ཅིག་ཞུ་འདོད་བྱུང་། འོས་མི་གང་ཉིད་ཀྱི་ད་སྐབས་ཀྱི་པར་འགོད་དགོས་པར་མ་ཟད། རྒྱུན་ལྡན་གྱི་པར་འགོད་དགོས་པ་ལས་གཞོན་དུས་ཀྱི་པར་དང་། ཡང་ན་མཛེས་བཟོ་བྱས་ཟིན་པའི་པར་སོགས་འགོད་པ་དེ་ནི་ལེགས་པོ་མི་འདུག དེ་ཡིས་མང་ཚོགས་དང་ལྷག་པར་གཞོན་སྐྱེས་དག་ལ་འཕྲུལ་ཤེས་ཀྱི་བསླུ་བྲིད་སེམས་ཚོར་སྟེར་སྲིད། བསམ་ཚུལ་འདི་འོས་མིར་ལངས་མཁན་ཚང་མའི་པར་རིས་ལ་བལྟས་ནས་བཏོན་པ་ཡིན། འདིར་དམིགས་བསལ་གྱིས་བཀོད་མིན།
ཁོང་ལ་རྒྱབ་སྐྱོར་གནང་མཁན་ཁང་སར་རྡོ་རྗེ་ལགས་ཕེབས་དགོས་ཚོད་ཡིན་ཏེ་ད་དུང་ཕེབས་མི་འདུག ཁོང་ཕེབས་སོང་ནས་དགོངས་ཚུལ་གསུངས་པ་དང་གཞི་ནས་བགྲོ་གླེང་གི་མགོ་འཛུགས་ཀྱི་ཡིན། ཆུ་ཚོད་དྲུག་པ་རེད། ད་ལྟ་ལས་ཁུངས་གྲོལ་ཟིན་པ་རེད། ད་ཡོང་ཚོད་ཡིན།
དབུས་གཙང་བས་ཕྱོགས་རིས་བྱ་རྒྱུ་ཡིན་པ་ད་ལྟ་ནས་གསལ་པོ་ཆགས་ཙང་ཁོང་བཀའ་བློན་ཁྲི་པར་ངེས་པ་ལྟ་བུ་རེད་དེ། མི་ངན་ཁོ་ལྟ་བུ་ལས་དུས་ནམ་ཡང་རྒྱབ་སྐྱོར་མེད།
རྒྱུ་མཚན་མི་ཤེས། ཡག་ཉེས་གླེང་རྒྱུའི་གདེང་ཚོད་མེད། བདག་གི་འོས་མི་མ་རེད།
ཁོ་ལ་རྒྱབ་སྐྱོར་རྩ་བ་ཉིད་ནས་མེད། མི་མ་རབས་ཐ་ཤལ་ཞིག་རེད། གནས་ལུགས་ཞིབ་ཕྲ་དགོས་ན་ཁོང་གི་བཀའ་བློན་ཁྲི་པ་བྱེད་པའི་སྐབས་ཀྱི་གསར་འགྱུར་དེ་ཚོ་བསྐྱར་འགོད་བྱེད་རྒྱུ་ཡིན། དེ་རིང་དེ་ཙམ་ལས་ཞུ་རྒྱུ་གང་ཡང་མེད།
ཁོང་ནི་ཁྲིམས་ཁང་གང་རུང་ནས་ནག་ཉེས་ཕོག་མྱོང་མེད་མཁན་ཞིག་ཡིན་པ་སེམས་ལ་ངེས་པར་བྱོས།
འདི་ཆ་རྐྱེན་རེད།
ལྐོག་ཟ་རུལ་སོངས་བྱས་ལུགས་བཤད་ཀྱིན་པ་དེར་གནའ་ནས་ད་བར་དུ་ཁུངས་སྐྱེལ་ར་འཕྲོད་ཀྱི་སྐད་ཆ་ཅི་ཡང་མེད་ན། ད་ནི་མི་ནག་པོ་བཟོ་བའི་ལས་འདི་རིགས་སྤོངས་རན་རེད།
He was misused Government money himself , it was very clear thatwhey we can;t give him vote
ཨོ། ལོ་བརྒྱད་དགུ་བཅུ་ཁའི་སྔོན་གྱི་སྐུ་པར་དེས་ད་དུང་ཕན་ཐོགས་ཡོང་མི་སྲིད། དེ་ལས་ཉེ་ཆར་གྱི་སྐུ་པར་དབུ་སྐྲ་དཀར་པོ་ཡིན་པ་ཞིག་བཞག་ན་ག་འདྲ་ཡག་པོ།
ད་བཀའ་ཁྲིར་ཡོང་ནས་ཅི་བྱེད། ད་དུང་འབུམ་ཁ་ཤས་བྱུར་མིད་གཏོང་རྒྱུ་ཡིན་ན་མ་གཏོགས། འཇོན་རྒྱུ་ཡོད་ན་འཇོན་ཚར་བ་རེད། ཡང་བསྐྱར་སྐུ་དྲག་གིས་བཀའ་ཁྲིའི་རྐུབ་ཀྱག་འཛིན་རྒྱུ་མཛེས་པོ་ཞིག་མ་རེད། དེ་ལས་ལྷོད་ལྷོད་ངང་ཨ་རིར་བཞུགས་བསྡད་ན་ཡག་པོ་རེད།
ཡང་མིན་ན། བློ་བཟང་སེང་གེ་བཞིན་ཚུར་དོན་ནས་་སྐད་ཆ་བཤད་དགོས་ཀྱི་འདུག སྐུ་དྲག་གི་སྤོབས་པ་དེ་ཁྱེར་ནས་འགྱིང་བསྡད་ན་ཕན་ཐོགས་ཡོད་མ་རེད།
ངས་ལྟར་ན་ཁོང་ལ་བོད་ཀྱི་གནས་དོན་ཐོག་སྔོན་དང་མ་འདྲ་བའི་ལས་དོན་གང་ཡོད་དང་ཡང་ན་གསར་བསྟོད་གང་ཞིག་བྱེད་ཡག་ཡོད་ཞིས་དྲི་རྒྱུ་དང་ཡང་ན་མཁས་དབང་བློ་བཟང་སེང་གེ་བཞིན་དུ་དུས་སྐབས་ཞིག་འབྱུང་ན་ལས་དོན་ཐམས་ཅད་བསྒྲུབས་གི་རེད་ཟེར་བ་ལས་གཞན་གང་ཡོད་ཞེས་འོས་མི་རང་ཉིད་དང་ཤེས་ལྡན་ཚང་མ་ལ་དྲི་རྒྱུ་ཡིན་པས་དེ་དོན་ལེན་ཡོད་པ་ཞུ།
བཀའ་ཟུར་འདིའི་ལོ་རྒྱུས་ལ་ནག་ཐིགས་ཕོག་ཟིན་པ་ཡིན་པས་ནམ་ཡང་བཀའ་ཁྲིར་འོས་པར་བསྒྲུབས་མི་ཐུབ། འདས་པའི་ལོ་རྒྱུས་ཕྱིར་སློག་བྱར་མེད་པས་ཁྱེད་རང་ལོ་རྒན་དྲུག་ཅུ་ལོན་ཡང་བཀའ་ཁྲི་རྐུབ་སྟེགས་ཙམ་ལ་མ་བརྔམ་ན་བཟང་ཕྱོགས་ཀྱི་གོམ་པ་སྤོས་པ་དང་། ལྷག་པར་༧གོང་ས་མཆོག་གི་བཀའ་ལ་ཉན་མཁན་ཞིག་ཡིན་ཕྱིན་ན་གཞོན་ཤེས་ཡོན་ཅན་ཞིག་བཀའ་ཁྲིར་འདེམས་དགོས།
འོས་ཤོག་བླུགས་མཁན་རྣམས་ཀྱིས་དེ་མཚུངས་ཀྱིས་བསམ་བློ་བཏང་རོགས་།
ང་གལ་སྟེ་ཤེས་པ་རང་བཞིན་དུ་གནས་ན་་་་་
འདི་ལ་འོས་མི་འཔེན་ཐག་ཆོད་ཡིན།