དེ་རིང་ཉིན་གོང་རྒྱ་ནག་གི་སྲིད་དོན་བཙོན་པ་ལེའོ་ཞོ་པོ་ལ་ནོ་བྷེལ་ཞི་བདེ་གཟེངས་རྟགས་ཐོབ་མ་ཐག བཙན་བྱོལ་བོད་གཞུང་བཀའ་ཤག་གིས་འཚམས་འདྲིའི་བཀྲ་ཤིས་བདེ་ལེགས་ཀྱི་ཞུས་འདུག
ཞུ་ཡིག་དེར་བཀོད་དོན། བོད་གཞུང་བཀའ་ཤག་གི་ངོས་ནས་སྐུ་ཞབས་ལེའོ་ཞོ་པོ་ལ་འདི་ལོའི་ནོ་བྷེལ་ཞི་བདེའི་གཟེངས་རྟགས་ཐོབ་པར་འཚམས་འདྲི་ཞུ་རྒྱུ་ཡིན། རྒྱ་མི་རིགས་ཤིག་ལ་འདི་ལྟའི་ཆེ་བསྟོད་ཀྱི་གཟེངས་རྟགས་ཐོབ་པ་ནི་རྒྱ་ནག་རྒྱལ་ཡོངས་ངོས་ནས་སྤོབས་པ་སྐྱེས་དགོས་པ་ཞིག་ཡིན། འདི་ལོའི་ཞི་བདེའི་གཟེངས་རྟགས་དེ་སྐུ་ཞབས་ལེའོ་ཞོ་པོ་ལ་གནང་བ་དེ་ནི་རྒྱལ་སྤྱིའི་སྤྱི་ཚོགས་ངོས་ནས་ཁོང་གིས་རང་དབང་གོང་འཕེལ་དང་། རྒྱ་ནག་ནང་མི་སྒེར་གྱི་རང་དབང་ཆེད་ཁྱད་དུ་འཕགས་པའི་ཕྱག་ལས་གནང་བ་དེ་དག་ལ་ངོས་འཛིན་ཐོབ་པ་ཞིག་ཡིན། ཞེས་དང་།
ཁོང་གིས་རྒྱ་ནག་ནང་རང་དབང་དང་མང་གཙོ་ཡོང་ཆེད་ཕྱི་ལོ་ ༢༠༠༨ རྩ་འཛིན་ཡིག་ཆ་ཞེས་བཏོན་པ་དེ་ནི་འགྲན་ཟླ་མེད་པའི་བློས་གཏོང་ཞིག་ཀྱང་ཡིན། ཁོང་གིས་བོད་དོན་དང་དབུ་མའི་ལམ་གྱི་སྲིད་བྱུས་ལ་རྒྱབ་སྐྱོར་ཇི་ཙམ་གནང་གི་ཡོད་པ་ནི་ཚང་མས་མཁྱེན་གསལ་རེད། ང་ཚོ་བོད་མི་ཚོས་སྐུ་ཞབས་ལེའོ་ཞོ་པོ་ལ་འོས་ཞིང་འཚམས་པའི་ནོ་བྷེལ་ཞི་བདེའི་གཟེངས་རྟགས་དེ་ཕྱི་ལོ་ ༢༠༡༠ ལོའི་ཟླ་ ༡༢ ཚེས་ ༡༠ ཉིན་ཁོང་རང་ཉིད་ནས་དངོས་སུ་བཞེས་ཐུབ་པའི་སྨོན་འདུན་ཞུ་བཞིན་ཡོད། ཞེས་བཀོད་འདུག
འཛམ་གླིང་ཞི་བདེའི་དེད་དཔོན་སྐུ་ཞབས་ལེའོ་ཞོ་པོ་ལ་བཀྲིས་བདེ་ལེགས་དང་བྱ་བ་ལམ་འགྲོ་ཡོང་བའི་སྨོན་འདུན་ཞུ
བོད་རིགས་གཅིག་ལ་ལོ་༢༡ སྔོན་ལ་ཐོབ་ཟིན་པ་ཅིག རྒྱ་རིགས་གཅིག་ལ་ད་ལྟ་གཞི་ནས་ཐོབ་པ་ནི། བོད་རིགས་རྣམས་རྒྱ་རིགས་ལས་ཡར་ཐོན་ཅན་ཡིན་པ་མཚོན་པ་དང་། རྒྱ་རིགས་རྗེས་ལུས་ཐེབས་བཅུག་མཁན་དམར་གཞུང་ངོ་ཚ་དགོས་པ་དང་། ད་ནག་ཉེས་མང་པོ་བསགས་ཟིན་པའི་རྒྱ་གཞུང་དེ་རྩ་ཐོར་དུ་འགྲོ་རྒྱུ་ངེས་པས། རྒྱ་ནག་དམངས་གཙོར་འཛུགས་རྒྱུའི་གྲ་སྒྲིག་བྱོས་ཤིག བོད་ཀྱི་མང་གཙོ་རྒྱལ་འགྱུར་ཅིག ལིའུ་ཞའོ་པའོ་རྒྱལ་འགྱུར་ཅིག རྒྱ་ནག་མང་གཙོ་རྒྱལ་འགྱུར་ཅིག །
འཛམ་གླིང་ཞི་བདེའི་དེད་དཔོན་སྐུ་ཞབས་ལེའོ་ཞོ་པོ་ལ་བཀྲིས་བདེ་ལེགས་ཞུ།
ཕྱི་ལོ་ ༢༠༡༠ ལོའི་འཛམ་གླིང་ནོ་བྷེལ་ཞི་བདེ་གཟེངས་རྟགས་དེ། ད་ལྟ་རྒྱ་ནག་གི་བཙོན་འོག་ཏུ་ཡོད་པའི་སྲིད་དོན་བཙོན་པ་རྒྱ་རིགས་རྩོམ་པ་པོ་ལེའོ་ཞོ་པོ་ལ་ཐོབ་པར་དོན་དམ་གྱི་འཚམས་འདྲི་ཞུ་རྒྱུ་ཡིན།
གནས་ཚུལ་འདིར་དཔག་ན་ཞི་བདེ་དང་དྲང་བདེན་ཟེར་བ་དེར་དམིགས་བསལ་གྱི་ནུས་པ་ཞིག་ཡོད་པ་མཐོང་ཐུབ་ལ། ཞི་བདེ་དང་དྲང་བདེན་ནི་ཁ་ཙམ་ཚིག་ཙམ་མིན་པ་ཞིག་ཀྱང་མཐོང་ཐུབ།།
བཀུར་བར་འོས་པའི་སྐུ་ཞབས་ལེའོ་ཞོ་པོ་ལ་འཛམ་གླིང་ནང་སྙན་གྲགས་ཆེ་བའི་ནོ་བྷོལ་ཞི་བདེ་གཟེངས་རྟགས་ཐོབ་པའི་གནས་ཚུལ་འདིས་རྒྱ་རིགས་མི་མང་ནང་སྔར་ལས་ལྷག་པའི་མང་གཙོ་དང་འགྲོ་བ་མིའི་ཐོབ་ཐང་ཆེད་བློས་བཏང་བྱ་མཁན་ཇེ་མང་དུ་འགྲོ་བར་ཐེ་ཚོམ་མེད་པས་རྒྱ་གཞུང་ལ་མི་མངོན་པའི་འཇིགས་སྣང་ཞིག་གིས་འཆི་ལམ་དུ་བརྫངས་ངེས།
རྟེན་འབྲེལ་ཞུ། རྒྱ་ནག་ལོ་རྒྱུས་ནང་ཁོ་ལ་ཞི་བདེའི་གཟེངས་རྟགས་ཐོབ་པ་ངོ་མ་
གཟི་བརྗིད་ཆེ་འང་།
ལེའོ་ཞོ་པོ་ལ་ནོ་བྷེལ་ཞི་བདེ་གཟེངས་རྟགས་ཐོབ་པར་དགའ་བོ་བྱུང་། མི་རིགས་གང་ཡིན་ཡང་དེའི་བསམ་བློ་དང་སྙིང་སྟོབས་ལ་གདེང་འཇོག་བྱེད་འོས་པ་ཞིག་ཡིན་ཚེ་འཁྲེགས་བཟུང་གཏན་ནས་བྱེད་མི་རུང་།