དམར་ཤོག་གི་ཚོགས་འདུ།

ཟླ་འདིའི་ཚེས་ ༡༥ནས་༡༨ བར་འཚོགས་པའི་ཀྲུང་ཧུའུ་ཚང་འཛོམས་གྲོས་ཚོགས་ཐོག་བློ་མཐུན་ཞི་ཅིང་ཕིན་ཀྲུང་ཧྭ་མི་དམངས་སྤྱི་ཐུན་རྒྱལ་ཁབ་དམག་དབུས་ཀྱི་ཀྲུའུ་བཞི་བཞོན་པར་བསྐོ་བཞག་ཟིན་འདུག

ཤེས་ཡོན་ལྡན་ལ་འཇོན་ཐང་ཆེ་ཞིང་ན་ཚོད་ཀྱི་བབ་དང་མཐུན་པའི་མི་ཞིག་ཡང་བསྐྱར་རྒྱ་ནག་གུང་ཁྲན་ཏང་། རྒྱལ་ཁབ། མི་དམངས་བཅས་ཁ་ལོ་བསྒྱུར་བའི་མི་རབས་ལྔ་པའི་ཐུན་མོང་གི་སྲོག་ཤིང་ལེ་ཙན་ཕྱི་ལོ་༢༠༡༢ ལོ་ནས་སླར་ཡང་ཕྱེ་རྒྱུའི་གྲ་སྒྲིག་ལེགས་གྲུབ་ཟིན་པ་སྨོས་ཅི་དགོས།

གངས་ཀྱི་བུ་རབས་ཚ་བརྒྱུད་ཚོ་ལས་ལ་བརྩོན་ཞིང་དཀའ་ངར་ལྡན་པའི་སྙིང་སྟོབས་ཀྱི་ཕྲག་པར་རླབས་ཆེན་གྱི་བྱ་གཞག་རྩོམ་ཤོག

རྒྱ་ནག་གུང་ཁྲན་ཏང་ཟེར་བ་འདི་རྒྱལ་ནང་ཁུལ་དུ་ཡུན་འཐབ་རྩོད་བྱས་མྱོང་མཁན་ཞིག་དང་། ཕྱི་རོལ་དགྲ་བོའི་བཙན་འཛུལ་ལའང་ཁ་གཏད་ཡུན་རིང་བཅག་མྱང་མཁན་ཞིག ཞི་དྲག་དང་འཇམ་རྩུབ་སྣ་ཚོགས་ཀྱིས་འཁྲོད་ལས་ཐབས་བརྒྱ་ཇུས་སྟོང་གི་མྱོང་བ་གཏིང་གཟབ་ཡོད་མཁན། དཀའ་ཐུབ་དང་སྐྱི་ཡར་བའི་འཁུར་ཆེན་ཕྲག་པར་བཏེགས་ནས་ཏང་དང་རྒྱལ་ཁབ་ཀྱི་ཆེད་དུ་ལུས་སྲོག་དམིགས་འབེམ་དུ་བཙུགས་མྱོང་མཁན། རང་རྒྱལ་གཞན་ཕམ་དང་དགྲ་འདུལ་གཉེན་སྐྱོང་གི་ཐབས་བྱུས་ལ་བྱང་ཆ་ལྡན་པ་ཞིག་རེད།

མདོར་ན་ཁྱོད་ཤི་ང་གསོན་གྱི་རྒྱལ་ཁའི་འཐབ་རྩོད་འཁྲོད་དུ་ཡུན་རིང་དངོས་ཐོག་བདེན་འཚོལ་དང་སྤྱི་ཚོགས་རིང་ལུགས་ཀྱི་གསར་བརྗེའི་བྱ་བཞག་ཐད་སློབ་གསོ་དང་། སྦྱོང་བརྡར། ལག་ལེན། ཉམས་མྱོང་བཅས་ཀྱིས་འོག་ནས་འཚར་ལོངས་བྱུང་བའི་གུང་ཁྲན་རིང་ལུགས་གཅིག་ཡིན་སྟབས་འགག་རྩའི་འཕྲང་ལམ་གང་ཞིག་ལ་ཁོང་ཚོས་ཇི་ལྟར་གཡོལ་དགོས་མིན་དང་། གནད་དོན་གང་ཞིག་ཐད་ལ་ཁོང་ཚོར་འཇིག་ཉེན་གང་འདྲ་ཡོད་མེད། བྱ་དངོས་གང་འདྲ་ཞིག་ལ་འཐབ་ཇུས་ཇི་ལྟར་སྟོན་དགོས་མིན། གནད་དོན་གསར་པར་ཐག་གཅོད་ཇི་ལྟར་བྱེད་དགོས་མིན་སོགས་ལ་བྱང་ཆུབ་པའི་ཉམས་མྱོང་ཚད་ལྡན་བསགས་པའི་རྒྱ་དམར་གུང་ཁྲན་ཏང་ཞིག་ཡིན་སྟབས་ང་ཚོས་བཟང་ཕྱོགས་ཁོ་ནའི་ལམ་ནས་ཁོང་ཚོར་བཟང་པོ་བློས་འགེལ་གྱིས་རེ་བ་ཆེ་དྲགས་ན་མཐར་ང་ཚོ་ཕམ་ཉེས་འགྲོ་ངེས་ཡིན།

ཁོང་ཚོར་ལོ་ངོ་སྟོང་ཕྲག་མང་པོའི་གོམས་འདྲིས་སྤྱི་དང་སྒོས་སུ་མི་ལོ་ ༢༥༠༠ གོང་གི་མེས་པོ་སུན་ཙེའི་དམག་དོན་བསྟན་བཅོས་ལས་བཤད་པ་ལྟར་གྱིས་མྱོང་བ་དང་གོམས་འདྲིས་བྱང་ཆ་ལྡན་པ་ཞིག་ཡོད།

ང་ཚོར་ཡང་ལོ་ངོ་སྟོང་ཕྲག་མང་པོའི་གདོང་དམར་བོད་ཀྱི་མེས་པོ་སྤྱི་དང་ལྷག་ཏུ་དགོངས་པའི་གཏིང་དཔོག་པར་དཀའ་བའི་སྒམ་པོ་སྲོང་བཙན་གྱི་ཡུན་རིང་མྱོང་གོམས་གཅིག་ཡོད།

ལོ་རྒྱུས་དང་། རླབས་ཆེན་མི་སྣ། མྱོང་བ། འཐབ་བྱུས། ཐག་གཅོད། དཔའ་མཛངས། རྟུལ་ཕོད། གནད་དོན། དབྱེ་ཞིབ། རྨང་གཞི། སྦྱོང་བརྡར་། ལག་བསྟར། དམིགས་ཚད། ཡུན་སྒུག ཚོད་བགམ། སྟོབས་ཤུགས། བློ་རིག་སོགས་ཕྱོགས་མང་པོར་རྒྱ་མཚོ་ལྟར་གཏིང་ཟབ་པའི་ཀླད་པའི་རྩ་ཕྲན་ཁྲི་སྟོང་མང་པོ་བཀོལ་སྤྱོད་བྱས་ཏེ་འོ་མའི་ཉིང་ཁུར་མར་འཕྱུངས་བ་ལྟར་བྱ་གཞག་ལའང་གྲུབ་འབྲས་སོན་རྒྱུར་དམིགས་འབེན་གྱིས་འཐབ་བྱུས་ཐད་ལ་རྩལ་དུ་བཏོན་དགོས།

ལོ་ངོ་བརྒྱ་ཕྲག་བརྒལ་བའི་རིང་ནས་ད་བར་བོད་འདི་རེ་བས་ཕུང་ཡོད་ལ་རྒྱ་འདི་དོག་པས་རྒྱལ་ཡོད་སྟབས་སྤྱང་གྲང་དོད་པོ་དང་བློ་རིག་དངྭས་མོ་བྱོས།

རྒྱ་རྒན་འདིའི་ངོ་དཀར་ནོ་མ་གཏོགས་ཁོག་ནག་ནི་རེད་ལ།

སྐུ་ཞབས་ཞིས་ཅིན་ཕེན་གྱི་ཡབ་ཞིས་ཀྲུང་ཞུང་ནི་བོད་དང་ཤར་ཏིར་ཀི་སི་ཐན་ལ་རྒྱུས་ཡོད་མཁན་ཞིག་ཡིན་པར་མ་ཟད། སྣང་ར་དབང་ཆེན་མཆོག་གིས་སྣེ་ཁྲིད་པའི་མདོ་སྨད་གཅན་ཚའི་གྱེན་ལངས་ཞི་འགུགས་བདེ་འགོད་གནང་མཁན་ཡིན་པ་དང་། ཧུའུ་ཡའོ་པང་གི་བློས་ཐུབ་གྲོགས་པོ་ཉག་གཅིག་ཀྱང་ཡིན་པས། སྐུ་ཞབས་འདིར་རྒྱ་རིགས་དབུ་ཁྲིད་གཞན་ལས་གྲངས་ཉུང་མི་རིགས་ལ་མྱོང་གོམས་ཡོད་མཁན་ཞིག་ཡིན་སྟབས། ཚངམ་ལོས་ག་འདྲ་བྱས་ནས་མྱོང་གོམས་དེ་རིགས་ཡག་ཕྱོགས་སུ་བསྒྱུར་བ་དང་། དེ་ནས་ག་འདྲ་བྱས་ནས་ཕན་ཐབས་སུ་སྣེ་ཁྲིད་བྱེད་ཐུབ་ཀྱི་ཡོད་དམ། དྲ་མཁན་ལྷན་རྒྱས་ཀྱི་རྣམ་དཔྱོད་ལ་ཡིག་རྩལ་ཐེངས་ཤིག་ཅིས་མ་ཡིན། ད་ཕྲིས་ཡ། དྲ་མཁན་ཚོ། ད་ཤོད་ཡ། དྲ་མཁན་ཚོ།

ཡང་རྒྱ་འདྲེ་དེ་ཚོས་ཇུས་ངན་གང་ཞིག་བཤམ་རྩེས་ཡོད་ན།

རྒྱ་ནག་གིས་མི་རབས་གསར་པས་འགན་ཁུར་ནས་རྒྱ་ནག་གུང་ཁྲེང་གི་སྲིད་ཇུས་ལ་འགྱུར་ལ་ཞིག་གཏོང་རྒྱུའི་རེ་བ་བྱེད་མཁན་ཅི་འདྲའི་མང་པ་བཞིན་་་་་་་ང་ཚོའི་སྡ་སའི་སྐྱབས་བཅོལ་སྒྲིག་འཛུག་གི་སྲིད་ཇུས་ལ་ཡང་མི་རབས་གསར་པས་འགན་ཁུར་ནས་འཕོ་འགྱུར་གསར་པ་ཞིག་བྱེད་མ་ཐུབ་ན་་་་་་སྔོན་མ་བཞིན་ཀླད་རྙིང་མཁྲིག་འཛིན་བྱས་ནས་འདི་ལྟར་ལྷག་པ་ཡིན་ན་ད་དུང་ལོ་ལྔ་བརྒྱ་སོང་ཡང་ཡར་རྒྱས་གཏན་ནས་འགྲོ་མི་ཐུབ་་་་་་