རྒྱ་ནག་དབུས་ཁྲིམས་སྲིད་ལྷན་ཁང་གི་རྒྱུན་ལས་མགོ་གཙོ་ཀྲུག་ཡོང་ཁཱང་གཙོས་པའི་དཔོན་རིགས་ཁག་ཅིག་ཕྱི་ཟླ་ ༡༠ པའི་ཚེས་ ༣༡ ཉིན་ཉིན་གསུམ་རིང་གི་རྒྱ་གར་གྱི་རྒྱལ་ས་ལྡི་ལིར་རྒྱལ་དོན་འཚམས་གཟིགས་སུ་འབྱོར་ཡོད་ཅིང་། ཐེངས་འདིར་རྒྱ་གར་གྱི་སྲིད་བློན་མན་མོ་ཧན་སིན་གཙོས། ཀེང་རེ་སི་ཚོགས་པའི་ཚོགས་གཙོ་སཱོ་ནེ་ཡ་གྷན་དྷི་དང་། བྷེ་རྗེ་བྷེ་ཚོགས་པའི་ཚོགས་གཙོ་ནེ་ཌིན་གྷ་ཁ་རེ། དེ་བཞིན་རྒྱ་གྱི་སྲིད་དོན་ཚོགས་པ་ཁག་གི་འབྲེལ་ཡོད་མི་སྣ་བཅས་ལ་ཐུག་འཕྲད་བྱས་ཡོད་པ་རེད།
ཕྱི་ཚེས་ ༡ ཉིན་ལྡི་ལི་ས་གནས་གཞོན་ནུའི་གོ་སྒྲིག་འོག ངོ་རྒོལ་སྐད་འབོད་ཤུགས་ཆེན་བྱས་ཡོད་ཅིང་། སྐབས་དེར་ས་གནས་ཉེན་རྟོག་པ་འབོར་ཆེན་ཞིག་ཡོང་སྟེ། ས་གནས་གཞོན་ནུའི་ཚོགས་གཙོ་བསྟན་འཛིན་དབང་ཕྱུག་དང་རྩིས་པ་བཀྲ་ཤིས་ཉི་མ། ཕྱི་འབྲེལ་འགན་འཛིན་སྐལ་བཟང་གཡུ་སྒྲོན་སོགས་བུ་ལྔ་དང་བུ་མོ་གཅིག་བཅས་འཛིན་བཟུང་བྱས་ཡོད་པ་མ་ཟད། ཉིན་དེའི་ཕྱི་དྲོ་ལྡི་ལིའི་བཙོན་ཁང་ཆེ་ཤོས་དེར་ཁྲིད་དེ་ད་ཆར་མུ་མཐུད་བཀག་ཉར་བྱས་ཡོད་འདུག ལྡི་ལི་ས་གནས་གཞོན་ནུས་ཐེངས་འདིའི་ངོ་རྒོལ་སྐོར་ལ། རྒྱ་གར་དང་རྒྱ་ནག་གཉིས་ཀྱིས་ས་མཚམས་ཐོག་ཚོགས་འདུ་འཚོགས་བཞིན་པ་དེར་ང་ཚོ་གཞོན་ནུ་ལྷན་ཚོགས་ཀྱི་ངོས་ནས་མཐའ་གཅིག་ཏུ་ངོ་རྒོལ་བྱེད་ཀྱིན་ཡོད། རྒྱ་ནག་གིས་བོད་བཙན་འཛུལ་བྱས་ཏེ་ལོ་དྲུག་ཅུ་ཙམ་འགྲོ་བཞིན་ཡོད། རྒྱ་གར་གྱི་ས་མཚམས་ལ་སྐད་ཆ་ཞིག་བཤད་དགོས་པ་ཡིན་ན། བོད་དང་རྒྱ་གར་བར་བཤད་དགོས་པ་ལས་རྒྱ་དཀར་ནག་གཉིས་བར་གྲོས་མོལ་ཡོད་པ་མ་རེད། ཅེས་བརྗོད་འདུག
ཐེངས་འདིའི་ཀྲུག་ཡོང་ཁཱང་གི་སྐོར་སྐྱོད་ཐད་རྒྱ་ནག་ཞིན་ཧྭ་གསར་ཁང་གིས་གནས་ཚུལ་སྤེལ་བའི་ནང་། ཀྲུག་ཡོང་ཁཱང་གིས་ཁོ་རང་ཐེངས་འདིར་རྒྱ་གར་དུ་ཡོང་དོན་གཙོ་བོ་ནི་རྒྱ་ནག་དམར་ཤོག་ཚོགས་པ་དང་རྒྱ་གར་སྲིད་དོན་ཚོགས་པ་ཁག་མཉམ་འབྲེལ་ཐོག་བསྒྲུབ་པའི་རྒྱ་གར་ནག་གི་འབྲེལ་མོལ་ཐེངས་གཉིས་པའི་ཆེད་ཡིན་ཚུལ་དང་། འདས་པའི་ལོ་ ༥ རིང་རྒྱལ་ཁབ་གཉིས་ཀྱིས་སྤྱི་མོས་ཐོག་གཏན་འབེབས་བྱས་པའི་༼ མཐའ་མཚམས་གནད་དོན་ཀྱི་ཆབ་སྲིད་ཐག་གཅོད་ལམ་སྟོན༽ གཞིར་བཟུང་ནས་མཐའ་མཚམས་གནད་དོན་ཐག་གཅོད་ཀྱི་སྒྲོམ་གཞིར་གླེང་མོལ་གཏིང་ཟབ་བྱས་ཡོད། བོད་ཀྱི་གནད་དོན་ནི་རྒྱ་ནག་གི་གཞི་རྩའི་ཁེ་ཕན་གྱི་གནད་དོན་ཞིག་ཡིན་སྟབས། རྒྱ་གཞུང་གི་ངོས་ནས་རྒྱ་གར་གྱི་ལངས་ཕྱོགས་ལ་བསྟོད་བསྔགས་ཡོད་པ་མ་ཟད། པེ་ཅིན་ཨོ་རྩེད་དང་ཧྲང་ཧེ་འཛམ་གླིང་དངོས་མང་འགྲེམས་སྟོན་ལེགས་འགྲུབ་འབྱུང་བའི་ཐད་འབད་བརྩོན་གནང་བར་ཐུགས་རྗེ་ཆེ་ཞུས་ཡོད་སྐོར་སོགས་བཀོད་འདུག
གནས་ཚུལ་དེར་མུ་མཐུད་དུ་བསྟན་དོན། རྒྱ་གར་གྱི་སྲིད་བློན་མན་མོ་ཧན་སིན་ Manmohan Singh གྱིས་ཀྱང་། གླེང་མོལ་གྱི་གནད་དོན་ཚང་མ་ཚད་ངེས་ཅན་གྱི་ཐད་ནས་གཅིག་གྱུར་བྱུང་བར་དགའ་སྤྲོ་བྱུང་ཚུལ་དང་། རྒྱ་གཞུང་གི་ཕྱོགས་ནས་མུ་མཐུད་དུ་མཐའ་མཚམས་གནད་དོན་ཐག་གཅོད་ལས་དོན་རྒྱུན་མཐུད་དགོས་ལུགས། བོད་རང་སྐྱོང་ལྗོངས་ནི་རྒྱ་ནག་མངའ་ཁོངས་ཀྱི་ཆ་ཤས་ཞིག་ཡིན་པ་དང་། རྒྱ་གར་གཞུང་གིས་རྒྱ་གར་ནང་ཁུལ་གྱི་བོད་མི་ཚོས་རྒྱ་ནག་ལ་ངོ་རྒོལ་གྱི་བྱ་འགུལ་སྤེལ་རྒྱུར་མོས་མཐུན་གནང་གི་མེད་སྐོར་བརྗོད་ཡོད་རབས་བཀོད་འདུག་ཀྱང་། རྒྱལ་སྤྱིའི་སྲིད་དོན་དབྱེ་ཞིབ་པ་ཁག་ཅིག་གིས། ད་བར་ རྒྱ་དཀར་ནག་བར་ས་མཚམས་ཐད་གྲོས་མོལ་ཐེངས་མང་བྱས་ཀྱང་གྲུབ་འབྲས་ཐོན་མེད་ལ། ཐེངས་འདིར་ཡང་ཕྱོགས་གཉིས་ཀྱི་དཔལ་འབྱོར་ཁེ་ཕན་དང་ཚོང་ཟོག་བརྗེ་རེས་ཐད་གྲུབ་འབྲས་ཆེན་པོ་འབྱུང་སྲིད་ལ། ལྷག་པར་དུ་ས་མཚམས་ཁུལ་གྱི་ཚོང་ལམ་སྒོ་འབྱེད་ཐད་བཀའ་མོལ་མང་ཙམ་ཡོང་སྲིད་པ་རེད། དེ་མིན་ལོ་རྒྱུས་ཐོག་གི་ས་མཚམས་རྩོད་ཉོག་དེར་གྲུབ་འབྲས་གང་ཡང་སོན་ཐབས་མེད་སྐོར་བརྗོད་འདུག
གསར་འགོད་པ། ཚེ་རིང་རྒྱལ།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ཀྲུང་ཡོང་ཁཱང་རྒྱ་གར་དུ་མ་སླེབས་པའི་སྔ་རོལ་དུ། རྒྱ་ནག་གི་གཞུང་འབྲེལ་བ་དྲ་ཤིན་ཧྭ་དྲ་བའི་མདུན་ངོས་སུ་རྒྱ་གར་གྱི་ཡུལ་སྲོལ་གོམས་གཤིས་དང་རིག་གནས། ལོ་རྒྱུས་སོགས་ངོ་སྤྲོད་ཀྱི་ཚ་རླབས་ཤིག་འཕྱུར་སོང་། མདུན་ངོས་ཀྱི་པར་རིས་ཕལ་ཆེ་བའང་རྒྱ་གར་གྱི་གདོང་ལ་ཚོན་བརྩི་བྱུགས་པའི་༼ ཧོ་ལེ ༽ དང་། རྒྱ་གར་གྱི་ལོ་སར་༼ རྡེ་བ་ལེ ༽ སོགས་དུས་སྟོན་སྣ་ཚོགས་མཚམས་སྦྱོར་གྱི་ཚ་རླབས་ཤིག་ཀྱང་འཕྱུར་ཡོད་པ་རེད། ཡིན་ནའང་། ཀྲུག་ཡོང་ཁཱང་རྒྱ་གར་ཏུ་རྒྱལ་དོན་ཕྱོགས་བསྐྱོད་ཚར་དེ་ཕྱིར་རྒྱ་ནག་ཏུ་ལོག་པའི་རྗེས། དྲ་ངོས་ཀྱི་ཚ་རླབས་དེའང་འཇགས་པ་དང་། གྲགས་ཆེན་པོ་མེད་པར་གྱུར་འདུག
ཡིན་ནའང་། ད་ལོའི་སྟོན་དུས་ཤིག་ལ་བོད་ཁུལ་གྱི་གངས་རི་ཤིག་གི་ཉེ་འདབས་སུ། རྒྱ་ནག་གི་མཁའ་དམག་དང་སྐམ་དམག་མཉམ་འབྲེལ་གྱི་དེང་རབས་ཀྱི་གློག་རྡུལ་ཇུས་ཀྱི་མ་ལག་ཚང་བའི་དམག་སྦྱོང་ཞིག་བྱས་ཡོད་པ་དང་། དེ་ནི་ད་ལྟའི་བར་བོད་ཁུལ་དམག་སྦྱོང་བྱས་པ་ཆེས་ཆེ་ཤོས་དེ་ཆགས་ཡོད་འདུག ད་དུང་ཉམས་ཞིབ་པ་དག་གིས་འགྲེལ་བརྗོད་བྱས་པ་ལྟར་ན། ཁུ་ནི་རི་རྒྱུད་དམ་སྐུ་ལྷ་དར་མདུང་གི་ཁུལ་དུ་རྒྱ་ནག་གིས་ལས་གཞི་རྣམ་གྲངས་འདྲ་མིན་ཞིག་མགོ་རྩོམ་བཞིན་ཡོད་པ་བརྗོད་ཀྱིན་འདུག
གཞོན་ནུ་ཚོགས་པ་ནས་དུས་དང་མཚམས་པའི་ལས་འགུལ་སྤེལ་བ་ལ་བསྔགས་བརྗོད་ཡོད་ འདིས་ང་ཚོ་བཙན་བྱོལ་དུ་ཡོད་པའི་བོད་རིགས་རྣམས་ཀྱིས་བོད་ཀྱི་རྩ་དོན་རྩོད་རྒྱུར་དུས་ནམསེམས་ཤུགས་ཆག་མི་སྲིད་པའི་བརྡ་ལན་སླར་ཡང་སྤྲོད་ཡོད་
ས་མཚམས་ཀྱི་རྕོད་གཞི་འདི་ལ་རྒྱ་དཀར་ནག་གཉིས་ལ་ཇུས་ཏོག་ཡོད་པ་མ་རེད། ཇུས་ཏོག ཇུས་ཏོག ཇུས་ཏོག
བྱུས་མེད་བྱས་ཏོག་རང་རེད
བོད་ཀྱི་བོད་ཀྱི་བདག་དབང་ཐད་རྒྱ་དཀར་ནག་སུ་ཞིག་གནད་དོན་དེར་ཐག་གཅོད་བྱེད་རྒྱུའི་ཐོབ་ཐང་མེད།
བོད་ཀྱི་བདག་དབང་ཐད་ཀྱི་གནད་དོན་དེར་ཐག་གཅོད་ཇི་ལྟར་བྱེད་མིན་དེ་བོད་མི་རིགས་ཀྱི་ཐོབ་ཐང་ཡིན་ལ་བོད་མི་རིགས་ཀྱིས་ཇི་སྲིད་བསྐལ་པར་ཐུག་ཀྱང་འཐབ་རྩོད་དེ་ནམ་ཡང་མཚམས་འཇོག་བྱེད་མི་སྲིད།