དེ་རིང་ཕྱི་ཚེས་ ༢ ཉིན་བྷི་བྷི་སིས་གནས་ཚུལ་སྤེལ་བ་ལྟར་ན། ཁ་སང་གཟའ་ཟླ་བའི་ཉིན་མཉམ་འབྲེལ་རྒྱལ་ཚོགས་ཀྱི་དྲུང་ཆེ་བྷན་ཀེ་མོན་རྒྱ་ནག་ཏུ་བསྐྱོད་ཡོད་ཅིང་། སྲིད་འཛིན་ཧུའུ་ཅིན་ཐོ་ཐུག་འཕྲད་སྐབས། བྷན་ཀེ་མོན་གྱིས་ཧུའུ་ཅིན་ཐོ་ལ་རྒྱ་ནག་གི་འགྲོ་བ་མིའི་ཐོབ་ཐང་སྐོར་ལ་གཏམ་གླེང་གང་ཡང་མ་བྱས་པར་སྣང་མེད་དུ་བཞག་པར། རྒྱལ་སྤྱིའི་འགྲོ་བ་མིའི་ཐོབ་ཐོང་ཚོགས་པ་ཁག་གིས་སྐྱོན་བརྗོད་ཤུགས་ཆེན་བྱེད་ཀྱིན་ཡོད་འདུག
ཨ་རིར་རྟེན་གཞི་བྱས་པའི་འགྲོ་བ་མིའི་ཐོང་ཐོང་ཚོགས་པས་དེ་སྔ་བྷན་ཀེ་མོན་ལ། ཐེངས་འདིར་སྲིད་འཛིན་ཧུའུ་ཅིན་ཐོ་དང་ཐུག་འཕྲད་བྱས་སྐབས་ད་ལོའི་ནོ་སྦེལ་ཞི་བདེ་གཟེངས་རྟགས་ཐོབ་མཁན་སྐུ་ཞབས་ལིག་ཞོ་པོ་ཀློད་གྲོལ་དང་། དེ་མིན་རྒྱ་ནག་གི་བཙོན་འོག་ཏུ་ཡོད་པའི་ཆབ་སྲིད་བཙོན་པ་ཚོའི་རང་དབང་དང་འབྲེལ་བའི་འགྲོ་བ་མིའི་ཐོབ་ཐོང་ཐད། འགན་ལེན་ཐོག་གླེང་སློང་བྱ་དགོས་པའི་འབོད་སྐུལ་ཞུས་ཡོད་རུང་། བྷན་ཀེ་མོན་གྱི་མགྲིན་ཚབ་པས་བརྗོད་པ་ལྟར་ན། ཐེངས་འདིར་བྷན་ཀེ་མོན་གྱིས་འགྲོ་བ་མིའི་ཐོབ་ཐང་དང་རང་དབང་ཐད་བཀའ་མོལ་གང་ཡང་གནང་མེད་ལ། ཐ་ན་སྒེར་ངོས་ནས་ཐུག་འཕྲད་སྐབས་སུ་ཡང་གླེང་སློང་བྱས་མེད། དེ་ནི་ཐེངས་འདིར་དྲུང་ཆེ་མཆོག་ལ་ལས་དོན་གཞན་མང་དྲགས་པས་རེད་ཟེར།
འགྲོ་བ་མིའི་ཐོབ་ཐང་རྩོད་ལེན་པ་ཚོས། བྷན་ཀེ་མོན་གྱིས་དེ་སྔོན་ནས་ལིག་ཞོ་པོ་ལ་འཛམ་གླིང་ཞི་བདེ་གཟེངས་རྟགས་ཐོབ་པ་དེར་ཐད་ཀར་རྒྱབ་སྐྱོར་གྱི་རྣམ་པ་གང་ཡང་བསྟན་མེད་པར་སྐྱོན་བརྗོད་བྱས་མྱོང་ཡོད་ལ། ད་ཐེངས་ཧུའུ་ཅིན་ཐོ་དང་མཇལ་འཕྲད་གནང་སྐབས་ཀྱང་སྐུ་ཞབས་ལིག་ཞོ་པོ་དང་། དེ་བཞིན། རྒྱ་ནག་ནང་གི་འགྲོ་བ་མིའི་ཐོབ་ཐོང་དང་རང་དབང་སྐོར་ལ་སྐད་ཆ་ཅི་ཡང་བཤད་མེད་པ་དེ། རྒྱ་ནག་ནི་མཉམ་འབྲེལ་རྒྱལ་ཚོགས་ཀྱི་བརྟན་འཇགས་ལྷན་ཚོགས་ཀྱི་ཚོགས་མི་ five Veto powers ཞེས་པའི་གྲས་ཡིན་ལ། རྒྱལ་ཚོགས་ཀྱི་ལས་དོན་གལ་ཆེན་ཁག་ཐག་གཅོད་བྱེད་སྐབས་རྒྱལ་ཁབ་དེ་ཚོས་དབང་ཤུགས་ཆེ་ཤོས་བཟུང་ཡོད་པར་བརྟེན། བྷན་ཀེ་མོན་གྱིས་རང་ཉིད་ལ་ཐེངས་རྗེས་མའི་མཉམ་འབྲེལ་རྒྱལ་ཚོགས་ཀྱི་དྲུང་ཆེའི་རྐུབ་སྟེགས་རག་རྒྱུར་རྒྱ་ནག་ལ་སྤྲེའུ་ལད་འཁྲབ་ཀྱིན་ཡོད་པར་ངོས་འཛིན་བྱེད་ཀྱིན་ཡོད་འདུག
གསར་འགོད་པ། བནྡེ་སྐྱབས།
དྲུང་ཡིག་ཆེན་མོ་ཁོ་རང་ཡང་ཨེ་ཤ་ཡ་ཤར་མ་རྒྱ་ནག་པོའི་ཁྱིམ་མཚེས་ཡིན་པས་རྒྱ་ནག་པོ་ལས་ཡན་ན་ཡོད་མི་སྲིད།
མཉམ་འབྲེལ་རྒྱལ་ཚོགས་ནི་ཁྱིམ་ཚང་ལྟ་བུ་ཞིག་གི་ངོས་ནས་གླེང་ན་བྷན་གེན་མོ་ཁྱིམ་བདག་ཞིག་གི་འོས་བབ་ཡོད་པས་ཁོས་ཤེས་བཞིན་དུ་ད་རེས་རྒྱ་ནག་གི་འགྲོ་མིའི་ཐོབ་ཐང་གླེང་སློང་ཙམ་ཡང་མ་བྱས་པར་རྒྱལ་ཁབ་ཕྱི་ནང་གི་མི་བོ་གང་མང་ཞིག་ཆེས་བློ་ཕམ་གྱི་གནས་སུ་གྱུར་བ་བཤད་མི་དགོས་ལ། འབྱུང་འགྱུར་ཁོའི་རྒྱལ་ཚོགས་ཀྱི་དྲུང་ཆེའི་རྐུས་སྟེགས་ཀྱང་འདི་ནས་ཤོར་བའི་མགོ་བཙུགས་སོང་།
རྒྱལ་ཚོགས་ཀྱི་དྲུང་ཆེ་བྷན་ཀེ་མོན་ནི་རྒྱལ་སྤྱི་ནང་མཐོང་མི་འདུག་ལ། ལྷག་དོན་ཁོ་རང་ཉིད་ཀྱི་འཇོན་ནུས་ཐོག་ནས་ཀྱང་ནུས་བ་འདི་ཐོན་ཡོད་པ་རེད། གནད་འགག་འདི་གནང་བ་རེད་ཞེས་པ་ཞིག་བརྗོད་རྒྱུ་མེད། ཁོ་ནི་མི་ནུས་མེད་གཅིག་ཡིན་པས་བསྐྱར་དུ་རྒྱལ་ཚོགས་ཀྱི་དྲུང་ཆེ་ལ་འདུག་ཐབས་མེད་ལ། རྒྱལ་སྤྱིའི་ནང་ཡང་ཁོའི་འཇོན་ཚོད་མེད་པའི་རླུང་ཡན་ལྡིང་བཞིན་པ་རེེད།
དཔོན་རིགས་ཕལ་ཆེ་བའི་རང་དོན་ཆེ་དྲགས་པས་ལོའུ་ཞོ་པོ་ལ་ད་རེ་བཙོན་ནས་སྐྱོབ་རྒྱུ་དེ་ཧ་ཅང་་ཁག་པོ་ཆགས་འདུག
རྒྱལ་སྤྱིའི་དྲུང་ཆེ་ངོས་ནས་རྒྱ་ནག་ལ་སྤྲེལ་ལབ་འཁྲབ་པ་འདིས་འཛམ་གླིང་གི་ཡ་རབས་བཟང་སྤྱོད་ལ་ཕྱོགས་པའི་ལས་དོན་ལ་ཕམ་ཁ་རེག་པའི་ལྟས་ངན་ཞིག་རེད།
གོང་གི་གསར་འགྱུར་དེ་མཁོ་ཐོག་ལ་ཟས་རེད། གསར་འགོད་པར་ཐུགས་རྗེ་ཆེ་ཞུ།། མཉམ་འབྲེལ་རྒྱལ་ཚོགས་ཀྱི་དྲུང་ཆེ་བྷན་ཀེ་མོན་དང་། ཨ་རིའི་སྲིད་འཛིན་ཨོ་བྷ་མ། ཐ་ན་བཀའ་ཁྲི་ཟམ་གདོང་རིན་པོ་ཆེ་སོགས་སུ་ཞིག་ལ་སྐྱོན་ཆ་དང་། ནོར་འཁྲུལ་ཁུངས་སྐྱེལ་ར་སྤྲོད་ཕེར་བ་ཡོད་ན་འཐེར་འདོན་བྱ་དགོས་པ་རེད།
འདི་གཟིགས་གྲུབ་རྗེས་གྲྭ་གྲོགས་རྣམ་པར་ཚོ་ས་རཱ་མཐོ་སློབ་ཀྱི་རྒན་བསོད་ནམས་ལགས་ཀྱི་དྲི་ལེན་ནང་དུ་ཕེབས་གནང་རོགས།
ད་ཐེངས་རྒྱལ་ཚོགས་ཀྱི་དྲུང་ཆེ་སྦན་ཁེ་མོན་ལགས་པེ་ཅིན་དུ་ཕེབས་ནས་རྒྱ་ནག་གི་འགོ་ཁྲིད་ཚོ་དང་མཉམ་དུ་གྲོས་མོལ་བྱེད་པའི་སྐབས་སུ། རྒྱལ་སྤྱིའི་འགྲོ་བ་མིའི་ཐོབ་ཐང་གི་ཡོངས་ཁྱབ་གསལ་བསྒྲགས་དང་འགལ་བའི་རྒྱ་ནག་གཞུང་གི་ཀླ་ཀློའི་བྱེད་སྟངས་ལ་གནོན་ཤུགས་ཅི་ཡང་མ་སྤྲད་པ་འདིས། སྦན་ཁེ་མོན་གྱིས་འཛམ་གླིང་མི་དམངས་ཀྱི་སྤྱི་དོན་མི་བསྒྲུབ་པར་རང་གི་སྒེར་དོན་སྒྲུབ་ཀྱི་ཡོད་པས། ཁོང་ནི་རྒྱལ་ཚོང་བ་ཞིག་ཡིན་པར་གསལ་བོར་བསྟན་ཡོད།
དེ་འདྲ་ཕམ་པར་་་་་་་་ཁོང་ཅི་ཕྱིར་མཉམ་འབྲེལ་རྒ྄ྲལ་ཚོགས་ཀྱིས་ཚོགས་གཙོའི་རྐུ་ཀྱག་རག་པ་རེད་་་་་་་་་་་་་་་་་་་་་་་་་་་་རང་གིས་ལས་འགན་ལེགས་པོ་བྱེད་དགོས་པའི་རེ་སྐུར་བྱེད་དགོས་།།་་་་་་་་་་་་་་་་་་་་་བོད་མི་ཚོར་ལག་གཉིས་དམ་པོ་བྱེད་ནས་ཤུགས་རྒྱབ་རོག་ལོ་་་་་་་་་་་་་་་་་་་་་་
སྤྱིར་བཏང་ཤར་ཕྱོགས་ཀྱི་མི་འདི་དག་ལ། བོད་དོན་གཙོས་པའི་འགྲོ་བ་མིའི་ཐོབ་ཐང་གི་ཐོག་ལ་ལས་ཀ་བྱེད་རྒྱུའི་བསམ་བློའི་རྩ་བ་དེ་མི་འདུག་པ་འདྲ། ད་རེས་རྒྱལ་ཚོགས་ཀྱི་དྲུང་ཆེའི་ཞབས་འདྲེན་ཞུས་འདུག འདི་ལ་མཐའ་གཅིག་ཏུ་ངོ་རྒོལ་བྱེད་ཀྱི་ཡོད།
གསར་འགོད་པ་མཆོག་ལ་ཞུ་རྒྱུར། གསར་འགྱུར་ཚན་པ་འདིའི་ནང་དུ་རྒྱལ་སྤྱིའི་འགྲོ་བ་མིའི་ཐོབ་ཐོང་དང༌། ཨ་རིར་བརྟེན་གཞི་བྱས་པའི་འགྲོ་བ་མིའི་ཐོང་ཐོང༌། ཟེར་བ་སོགས་འགྲོ་བ་མིའི་ཐོབ་ཐང་གཏག་ནོར་ལྔ་ཙམ་འདུག་པས་བསྐྱར་བཅོས་ཡོང་བར་ཞུ།
འཛམ་གླིང་མི་མང་ཚོ་ཡར་ལོངས་ཤོག མཉམ་འབྲེལ་རྒྱལ་ཚོགས་རུལ་དུ་མ་ཆུགས།